مشاهدة النسخة كاملة : موضوع لكل الشباب صبيان قبل البنات


ahmed monsif
22-07-2006, 07:44 PM
[attachmentid=2656][attachmentid=2651][attachmentid=2652][attachmentid=2653][attachmentid=2654][attachmentid=2655][attachmentid=2657][attachmentid=2658]السلام عليكم ورحمة الله
انا كتبت اسم الموضوع كدة علشان كلنا عندنا امهات عزاز علينا او قرايبنا لذلك الشباب قبل البنات ممكن ينبهوا السيدات اللي يهموهم الي خطورة الموضوع
الموضوع هو سرطان الثدي
انتشر في الفترة الاخيرة وبقي من اكثر الامراض المؤدية الي الوفاة
اولا : اسبابة
1-واحدة لم تتزوج او تزوجت ولم تنجب او انجبت ولم ترضع
2- اللي بيجيلهم الدورة في سن بدري قوي
3-اللي سبق ليهم وجالهم سرطان الرحم او في ثدي اخر
4- الفصيلة الزنجية
5- عوامل جينية ووراثية
ودي العوامل الخطيرة واللتي ترجح السبب risk factors
ثانيا :كيفية اكتشافة
علي كل سيدة كل شهر علي الاقل ان تعمل كشف دوري بنفسها علي الثدي اثناء الاستحمام مثلا
واذا حست باي (كلكيعة) ايوة باكد كلكيعة لازم تروح للطبيب فورا
الكلكيعة دي فين بالضبط في الثدي او تحت الابط (الغدد المفاوية)
او فية اختلافات في الحلمة او سائل غير طبيعي ينزل من الحلمة
ثالثا: علاجة
بقي سهل جدا يا جماعة واحب اطمنكم انة نسبة الحالات اللتي علي قيد الحياة بعد العلاج الحمد لله ارتفعت
فية علاج جراحي او كيماوي
لذلك ارجو الاهتمام لانة كلما اكتشفناة بدري كلما كان علاجة اسهل
وشفاكم الله وعافاكم
صحيح نسيت اقولكم السن اي سيدة فوق50 ياريت تهتم برحمها وثديها في اي تغيرات تلجا للطبيب
اللي يحب منكم اوريلة صور لسرطان الثدي ياريت يقولي علشان ابعتهالة في رسالة خاصة لو حب
علشان ماحدش يفهم غلط اويلومني

Flower
22-07-2006, 07:48 PM
جزاك الله خيرا علي المعلومات دي...

وموضوع مهم فعلا...

ahmed monsif
22-07-2006, 07:52 PM
شكرا يا فلاورز علي تعقيبك
ماقولتليش فية فرق بين العلاج الطبيعي والطب البديل؟
زي الابر الصينية وطب شرق اسيا؟

Flower
22-07-2006, 07:54 PM
الابر الصينيه بتستخدم في العلاج الطبيعي وبتدرس في الكليه...

وياريت توضح اكتر موضوع سرطان الثدي..

والاختبار اللي ممكن تعرف منه السيده ..وتكون ضروره التوجه للكشف عند الطبيب...

ahmed monsif
22-07-2006, 07:59 PM
عايزة تستفسري عن اية بالضبط اسالي وانا اجاوب اية اللي مش واضح
الاختبار يا سيدتي انها باديها تحس ثديها بين يديها لو حست بكلكيعة غربية مكانتش موجودة يبقي تتوجة للطبيب
واظن اي حد فينا لو طلعتلة كولكيعة ماتستغربيش هي ترجمتها كدة بالعربي اكيد هايحس بيها
بس فية ناس بتطنش لحد مالسرطان ينتشر في جزء اكبر انتشار النار في الهشيم
ومانعرفش نعالجة

النرجس
22-07-2006, 08:03 PM
موضوع السرطان ده انتشر فى الفترة الاخيرة جدا* انا شيفه انه مفيش حياء فى اننا نعرف الحاجات ده * شكرا يا دك ** اياك تزعل **بنهزر معاك

ahmed monsif
22-07-2006, 08:07 PM
انا بشكرك يا نرجس
ومش بزعل من الهزار لو من اصحاب واخوات لذاذ زيكم
وفعلا مافيش حياء في الطب او المعرفة
ولو حد مكسوف يسال حاجة علي المنتدي
اسمحولي دة ايميلي
drmido777@yahoo.com
ومحدش يفهمني غلط في اني كتبت الايميل والله يهمني مصلحكم اللي عايز يبعت رسايل عالخاص هارحب بية بردة
وشكرا

Flower
22-07-2006, 08:10 PM
فعلا مافيش حياء في الطب والعلم عموما او الدين....

لان ده علم..

لازم يتعرف......

ahmed monsif
22-07-2006, 08:13 PM
دة مش مجرد علم يا فلاورز
دي حياتنا وحياة امهاتنا او اي سيدة تهمنا
ودة للسيدات اللي مش بيحبوا الرضاعة الطبيعية
يا جماعة ماحدش يخاف علي جسمة لحسن يطخن او يقول انه حاجة مش للبني ادم انها ترضع
الرضاعة تحمي من سرطان الثدي

Flower
22-07-2006, 08:15 PM
بس فيه نساء ارضعوا اطفالهم رضاعه طبيعيه وجالهم المرض...

انا سمعت الموضوع ده...

ahmed monsif
22-07-2006, 08:20 PM
لاحظي يا دكتورة انه مش السبب الوحيد
لكنة سبب من الاسباب بس سبب قوي شوية

يا جماعة انا عندي صور خاصة مكملة للموضوع بس للاسف مااقدرش انزلها
لاني ماعرفش كلكم عايزين تشوفوها ولا لاة
اللي عايز مايتحرجش سواء صبيان او بنات يبعتلي علي الخاص او عالايميل

النرجس
22-07-2006, 08:40 PM
ممكن يا دوك تبعتلى الصور ده على الخاص وشكرا *يا دوك

ahmed monsif
22-07-2006, 09:07 PM
يا جماعة انا ارفقت الصور بالموضوع
ياريت تفيدكم وباكد لا حرج في العلم

يا جماعة فية كمان صور للاختبارات اللي السيدة لازم تعملها

Flower
22-07-2006, 11:28 PM
الصور فعلا مهمه وبتكمل الموضوع

وياريت تكمل باقي صور الاختبارات...

مهرة
23-07-2006, 12:48 AM
شكرا على الموضوع د. احمد

ahmed monsif
24-07-2006, 04:30 PM
<div class='quotetop'>إقتباس(مهرة @ Jul 23 2006, 12:48 AM) 166556</div>
شكرا على الموضوع د. احمد
[/b]
العفو يا مهرة ياريت اقدر افيدكم ولو باي حاجة علشان اعوض ولو جزء بسيط من اللي سابتة حبيبة

بنوته مسلمه
27-07-2006, 01:11 PM
الموضوع جميل جدا وعلي فكره مواضيعك كلها جميل ومفيده
مفيش فيها حاجهتكسف لان دي بتعرفنا ازاي نحافظ علي نفسنا
شكرا جزيلا علي المعلومات اقيمه دي يا دكتور

ahmed monsif
27-07-2006, 09:48 PM
<div class='quotetop'>إقتباس(هيام سمير @ Jul 27 2006, 02:11 PM) 169960</div>
الموضوع جميل جدا وعلي فكره مواضيعك كلها جميل ومفيده
مفيش فيها حاجهتكسف لان دي بتعرفنا ازاي نحافظ علي نفسنا
شكرا جزيلا علي المعلومات اقيمه دي يا دكتور
[/b]
شكرا يا هيام علي كلامك الجميل دة
ومستني تقروا المواضيع كلها بجد دة شئ يسعدني
ولو فية اي سؤال طبي او استشارة ماحدش يتردد

ahmed monsif
28-07-2006, 09:23 PM
متشكر لمروركم جميعا وشفاكم الله وعافاكم

ahmed monsif
01-08-2006, 11:43 AM
علي فكرة يا جماعة للبنات اللي داخلين علي جواز وهايبقوا امهات
الرضاعة الطبيعية تحمي الام من سرطان الثدي
كما انها مهمة للطفل

اسلام رشوان
01-08-2006, 02:05 PM
شكرا يا ابو حميد علي المعلومات دي


و فعلا احنا لاوم نعرف الكلام ده عشان الوقاية خير من العلاج

و امتشاف المرض في بدايته يزيد من نسبة الشفاء

ahmed monsif
01-08-2006, 04:58 PM
شكرا يا اسلام علي مرورك واتمني تقرا مواضيعي كلها

ahmed monsif
07-08-2006, 01:49 PM
السلام عليكم اشكركم ياجماعة علي ردودكم كلها بس بجد الموضوع مهم وكنت اتمني تثبيته