مشاهدة النسخة كاملة : i dont know


جعلتني مهندسا
23-03-2009, 11:21 AM
الصراحة أن كنت متردد جدا قبل ما أكتب
بس أنا كان لازم أكتب علشان أنا كنت هاأنفجر
.............

أنا كان هدفي في الحياة أني أخلي الناس تحبني....فلقيت أن أفضل طريقه لذلك هو الضحك لإن في رأئي الإبتسامة هي أفضل الطرق للقلوب
...........
أنا شبه أحد الممثلين المشهورين جدااا
وكل الناس بتحبه
في البداية أنا مكنتش بحب الموضوع ده
بس مع مرور الوقت فكرت أن أستغل هذا الشبه....وفعلا ناس كتير أوي عرفتني
.........
أنا معنديش أصحاب ولاصاحب واحد حتى...ومعرفش ليه هل لان الناس وحشه أصلا ولا عشان انا شايف الناس وحشة مش عارف
.........
الناس عاوزين مصلحتهم بس
........

.........
بعد الظلم اللي شفناه كلنا السنة اللي فاتت في الثانوية أصبحت بحالة اكتئاب عدتها الحمد لله بنجاح
.........
.......
أنا آسف طولت عليكم
بس أنا كنت محتاج أتشارك حالتي مع أي حد
وشكراااااااااا

اوركيديا
23-03-2009, 01:44 PM
أنا كان هدفي في الحياة أني أخلي الناس تحبني....فلقيت أن أفضل طريقه لذلك هو الضحك لإن في رأئي الإبتسامة هي أفضل الطرق للقلوب


اها اكيد الابتسامه بيقرب الناس من بعضها كتير
و ده اللى بيقوله كتير من الاطباء النفسيين و بتعوت البرمجه اللغويه بردو
انك لما تشوف حد مبتسم و بيكلمك
بتحس بالفه ناحيته حتى لو انت كنت لسه اول مره تكلمه
و بتبادله الابتسام
و كده يعنى بتنشأ بينكوا اللى بيسموه علاقه روحيه قبل ما تكونوا عرفتوا بعض كويس
بس بردو بيبقى ابتسامه كده جميله
مش ضحك كتير او هزار زايد
فيه فرق بينهم
عشان التانيين بالعكس بيخلوا فى احساس بالمبالغه عند اللى قدامك

المهم يعنى
ابتسامتك فى وش اللى قدامك بتاخد عليها حسنه
دى كفايه اوى
...........
أنا شبه أحد الممثلين المشهورين جدااا



وكل الناس بتحبه
في البداية أنا مكنتش بحب الموضوع ده
بس مع مرور الوقت فكرت أن أستغل هذا الشبه....وفعلا ناس كتير أوي عرفتني



احم احم
نظريه بردو

:d
مع انها بتخليك مع الوقت يعنى تكره الشبه ده
لاحساسك ان الناس عرفتك بيه و عشانه بس
و انت اللى بتحسس نفسك بكده
عشان انت اللى من الاول استخدمت الشبه ده
حضرتك فاهمنى
انت اللى برمجت مخك ان الناس عرفتك عشان شبه فلان
مش عشان انت اللى هو انت
:)
.........



أنا معنديش أصحاب ولاصاحب واحد حتى...ومعرفش ليه هل لان الناس وحشه أصلا ولا عشان انا شايف الناس وحشة مش عارف


عمليه ان الناس وحشه او حلوه دى نسبيه جدا على حسب المواقف بتاعتك
يعنى نفس الموقف تشوف فيه الناس حلوه او وحشه
مع انك عملت نفس الحاجه بس ردود الناس كانت مختلفه
المهم اللى قصدى عليه
ان اغلب الناس طيبه
فعلا طيبييييين جدا لابعد الحدود
لغايه ما تعمل حاجه تتعارض مع مصالحهم الشخصيه
غير كده حتلاقيهم فعلا طيبين

و اكيد انت واحد من الناس
لو الناس وحشه يبقى مفيش اى مبرر انك تستثنى نفسك من ضمنهم
و لو انت كويس
فاكيد فيه غيرك كده

المهم ان المفروض الانسان يبدا بحسن الظن عشان يعرف يتعامل مع الناس
:)
........





أنا آسف طولت عليكم



بس أنا كنت محتاج أتشارك حالتي مع أي حد
وشكراااااااااا


هههههههه
لاء عادى
الواحد بيكتب كأنه بيتكلم مع نفسه:d

بس هو الموضوع مش مكانه هنا
مكانه فى الاجتماعيات حيبقى صح
:)

فى رعايه الله

..Just Stop
23-03-2009, 05:49 PM
الصراحة أن كنت متردد جدا قبل ما أكتب



بس أنا كان لازم أكتب علشان أنا كنت هاأنفجر


.............


بعد الشر عليك اكتب براحتك



أنا كان هدفي في الحياة أني أخلي الناس تحبني..

ودا هدف كل انسان بس مفيش حد فى الدنيا كل الناس بتحبه والعكس صحيح بردو
دا هدف سامى كل الناس عايزة توصله بس محدش عارف يوصله

..فلقيت أن أفضل طريقه لذلك هو الضحك لإن في رأئي الإبتسامة هي أفضل الطرق للقلوب


...........



ههههه

فعلا الابتسامة شىء جميل جدا
كفاية ان تبسمك فى وجه اخيك صدقة
يعنى اتنين فى واحد هتكسب بيها حب الناس
وهتاخد عليها حسنات


أنا شبه أحد الممثلين المشهورين جدااا


وكل الناس بتحبه

في البداية أنا مكنتش بحب الموضوع ده

بس مع مرور الوقت فكرت أن أستغل هذا الشبه....وفعلا ناس كتير أوي عرفتني


ههههههههه

ربنا معاك يا عم
.........
أنا معنديش أصحاب ولاصاحب واحد حتى...ومعرفش ليه هل لان الناس وحشه أصلا ولا عشان انا شايف الناس وحشة مش عارف
ليه بس كدا
لازم تصاحب حد يحبك وتحبه وتخافو على بعض تفضفضو لبعض
يشيل همك وتشيل همه
مش كل الناس وحشة لسة الدنيا بخير


لسة القيامة مقامتش
لاتقوم القيامة الا على شرار الناس
اذن فى لسة ناس كويسة دور انت بس

.........
الناس عاوزين مصلحتهم بس
........
.........
بعد الظلم اللي شفناه كلنا السنة اللي فاتت في الثانوية أصبحت بحالة اكتئاب عدتها الحمد لله بنجاح

طب الحمد لله انك عديتها
ربنا معاك ويوفقك بس ركز فى اللى جاى
ومتبصشللدنيا بمنظار اسود لسة الدنيا بخير
.........
.......
أنا آسف طولت عليكم
بس أنا كنت محتاج أتشارك حالتي مع أي حد
وشكراااااااااا
ولا يهمك كلنا اذان صاغية احنا طبعا اخوات ويهمنا مصلحة بعض
ربنا يوفقك
دمت فى رعاية الله


اسف لو حررت الموضوع بس قوانين الموقع تستدعى ذلك

جعلتني مهندسا
23-03-2009, 07:11 PM
شكرااااااا يا جماعة

الاستاذ على الدين يحيى
23-03-2009, 09:22 PM
شوف يا أبنى
عشان تخللى الناس تحبك - لازم تحب نفسك أولاً
يعنى سيبك من حكاية الشبة بينك وبين الممثل او بينك وبين أى حد فى الدنيا غيرك
عيش الحياة بشخصيتك انت - بصفاتك الحلوة وصفاتك الوحشة لكن كن نفسك أولاً وأخيراً
فالناس تحب الإنسان الواضح مع نفسه ومعاهم ولاتحب المتظاهر والمبالغ والكداب
جرب وأعمل بنصيحتى وبلغنى النتيجة - وربنا يوفقك

جعلتني مهندسا
24-03-2009, 09:11 AM
ان شاء الله

:: [ K A B B O W ] ::
24-03-2009, 03:38 PM
بص خلاصة الموضوع ده كله انصحك بقراءة كتاب
"استمتع بحياتك "
للدكتور محمد العريفى
و لازم تعرف ان نظرتك للناس هى اللى بتحدد نظرتهم ليك
ونصيحة ادعو الله دائما وقل اللهم ارزقنى حبك وحب من يحبك وحب كل عمل يقربنى الى حبك
تحياتى لك
واسف على الاطاله