امتى اتغيرت حياتك؟!!! [الأرشيف] - بوابة الثانوية العامة المصرية

koka 330

12-04-2009, 10:43 AM

السلام عليكم ورحمة الله وبركاته

ازيكم يا جماعه انا جتلى كده فكرة موضوع
ان كل واحد يكتب ايه هى نقطة التحاول فى حياته؟
يعنى امتى كانت حايتك مش عجباك ومخنوق منها وحاسس انك نفسك تتغير وفجأ ه لقيت نفسك فى موقف حصل اتغير مسار حياتك كله وممكن
العكس يكون انتا فى حاجات اتغيرت خليتك تتغير فيك حاجات كنت مش حابب انها تكون فيك !!!!!!
وممكن يكون اللى غير حياتك شخص ممكن يكون صديق او قريب او اى حد تعرفه بجانب المواقف
وامتى حسيت ان الدنيا خلاص وقفت ادامك مش عاوزه تتحرك وانتا ساعتها
كان ايه احساسك فضلت تعيب على الزمن وتقول غدار!!!!
ولا قولت لازم اعمل حاجه علشان افوق بيها نفسى وارجع زى الاول وهل عملت حاجه ولا سبتها للايام تحلهالك
وسؤال اخير
كل واحد يقول احساسه ايه قبل وبعد التغير هل دلوقتى ضميره مرتاح ومطمن على ان ربنا راضى عن افعاله ولا!!!!!!
ولما بتنام بتروح فى النوم على طول ولا بتفضل تفكر ساعه قبل ماتنام ؟ولو بتفكر يبقى ايه اللى بتفكر فيه كل يوم قبل متنام وتقول ياااااااااه لو كنت عملت كده وبعد كدا تستغفر ربنا وتنام
كفايه كده علشان شكلى غلست

FoX™

12-04-2009, 10:59 AM

موضوع جميل وفكرة رائعة حسيت ان حياتى وقفت مممممم برغم من انى عشت ظروف كتير وحشة فى حياتى بس عمرى ما حسيت الاحساس ده حاجة غيرت مسار حياتى انى شوفت فيلم اسمه The Ultimate Gift ظهرلى حاجات كتير وبعتبره اروح فيلم شوفته فى حياتى واتغيرت مسار حياتى لما والدى اتوفى طبعا وروحت عشت مع خالتى بس انا بطبيعتى مش بحب الحزن وكده خلاص يعنى اللى راح راح وان احنا يجب علينا نستمر فى حياتنا وان الحياة دى لعبة لتكسبها لتخسرها ساعات بحس ان ربنا راضى عنى وساعات تانية بيتغير الاحساس تماما وبنام علطول انا معروف عنى انى ذكى وداهية فساعات كتير بفكر افكار وحشة فى ناس كتير ومعظمها بيبقى صح وموضوع جميل يا ايه جزاكى الله كل خير ..

koka 330

12-04-2009, 11:15 AM

موضوع جميل وفكرة رائعة حسيت ان حياتى وقفت مممممم برغم من انى عشت ظروف كتير وحشة فى حياتى بس عمرى ما حسيت الاحساس ده حاجة غيرت مسار حياتى انى شوفت فيلم اسمه the ultimate gift ظهرلى حاجات كتير وبعتبره اروح فيلم شوفته فى حياتى واتغيرت مسار حياتى لما والدى اتوفى طبعا وروحت عشت مع خالتى بس انا بطبيعتى مش بحب الحزن وكده خلاص يعنى اللى راح راح وان احنا يجب علينا نستمر فى حياتنا وان الحياة دى لعبة لتكسبها لتخسرها ساعات بحس ان ربنا راضى عنى وساعات تانية بيتغير الاحساس تماما وبنام علطول انا معروف عنى انى ذكى وداهية فساعات كتير بفكر افكار وحشة فى ناس كتير ومعظمها بيبقى صح وموضوع جميل يا ايه جزاكى الله كل خير ..

شكرا يا كريم
بس فى مفيش حد بيحب الحزن
الحزن هو اللى بيحبنا ههههه
مش اصدى بس الحزن ده عامل زى حاجه بقت فى دم الواحد ادمنها
بقى قفل قافل على القلب مفتاحه ضاع ممكن اكسر القفل واموت ههههههههه
بعد الشر عليا واحب ابدلك كلمة الحياه لعبه بالدنيا لان الحياه نعمه خلاص كسبناها وبنحمد ربنا عليها
انما لو كلامك عن الدنيا فأنا خلاص خسرتها من زمان
وبقينا انا وهى اعداء
شكرا على مرورك نورت الموضوع

FoX™

12-04-2009, 11:21 AM

شكرا يا كريم
بس فى مفيش حد بيحب الحزن
الحزن هو اللى بيحبنا ههههه
مش اصدى بس الحزن ده عامل زى حاجه بقت فى دم الواحد ادمنها
بقى قفل قافل على القلب مفتاحه ضاع ممكن اكسر القفل واموت ههههههههه
بعد الشر عليا واحب ابدلك كلمة الحياه لعبه بالدنيا لان الحياه نعمه خلاص كسبناها وبنحمد ربنا عليها
انما لو كلامك عن الدنيا فأنا خلاص خسرتها من زمان
وبقينا انا وهى اعداء
شكرا على مرورك نورت الموضوع

مش شرط يا ايه عشان الدنيا جت عليكى فى حاجات كتير تبقى وحشة ان شاء الله هتتعوضلك فى خلف صالح زوج صالح وحتى لو متعوضتش فى دنيتنا دى هتتعوضلك ان شاء الله فى الاخره فبلاش تعيشى فى كابة افرحى وانبسطى عادى وربنا يوفقك ...

Soha Hamed

12-04-2009, 02:26 PM

موضوع رائع بجد يا آية
بالنسبة لي قعدت أفكر أنا امته اتغيرت حياتي؟ إمته نظرت للدنيا نظرة أكثر واقعية؟
لاقيت مرات كتير يعني كل ما أكبر شوية ألاقيني كنت صغيرة قوي وأضحك على أفكاري بتاعت زمان وأكثر موقف غيرني ممكن رؤية طفل صغير توفى في يد والدته وهي بتأكله فطلب منها مياه فشرب وتوفى وكانت أكثر لحظة أثرت في وبعدها فكرت إن الدنيا مش هدف الواحد يوصله انما هي طريق ممكن يبقى طويل وممكن يبقى قصير فعلينا إننا نعمل حسابنا على طول

وشكراً يا آيه على الموضوع الجميل

koka 330

13-04-2009, 09:08 AM

مدرس الغد

13-04-2009, 10:51 AM

هانى الشرقاوى

13-04-2009, 01:23 PM

السنة اللى فاتت
لما تعرفت على شاب يمنى اسمه وائل
وبنت كانت يهودية اسمها ماريا
دول كانوا اكبر كارثة فى حياتى

romance man

13-04-2009, 02:03 PM

mR . mOstafa Fathi

13-04-2009, 05:00 PM

السلام عليكم ورحمة الله وبركاته
اولاً فى درستى فى علم النفس ان الانسان
بطبيعته بيتغير تلقيئاً كل خمس سنين
من ناحية التفكير وكل حاجة

بس فى سيتى وايشن الشخص بيتغير بالانطباع
نقطة التحول اللى عندى
نقطة تحولى بعد وفاة والدى الله يرحمه
اتغيرت كتير

وبس وشكرا على التوبيك يا اية

نوسات

13-04-2009, 06:59 PM

اسمعوا وعوا نقطة تحول حياتي من الاسوأ إلى الاحسن وانا في الصف الثاني الثانوي كنت بصلي بخشوع وكنت احب اسمع عمرو خالد وكانت احلى ايام حياتي بضحك من قلبي لان كنت حسة ان ربنا راضي عني بالرغم ان كنت علم رياضة ومش فاهمة حاجة في البطاطا وحولت في 3 لأدبي واستمر الموضوع معايا لغاية 2كلية احب الاعمال الخيرية وجمع التبرعات وزيارة دار الايتام والحمد لله ومقدرش اقول ان الموضوع ظل كما هو في3و4 كلية انحدر المؤشر قليلا ولكنني سيطرت على الموقف ورجعت تاني لأحلى حياة مع الله ولكن دوام الحال من المحال بعدما أنهيت دراستي رزقني الله بشاب لطيف وخطبني لم يكن ملتزم مثلي ولكنني ظننت أني أستطيع تغييره ولكن بالعكس تركت صلاة السنة واحدة تلو الاخرى وتركت المصحف يوما تلو الاخر واصبح هو الهواء الذي اتنفسه وهو عالمي كله ولكنني ظللت اصلي فالصلاة في دمي منذ صغري ولكن بعدما افترقنا لم استطيع ان اعود لمثل ماكنت عليه ويااسفاه على العمر الذي فارقت فيه جنب الله فاستغفر الله واتمنى ان تعتبروا من هذه القصة ولكن السبب في ان اتركه لقد فقت وقلت لنفسي هاهو حالي ونحن مخطوبون فمابال حالي اذا صرت في بيته وارجو ان يتقبلني الله وان يعوضني خيرا منه أو ان يصلح حاله وحالي ونعود بس تعرفوا ياشباب انا لم اعد كالماضي فانا الان كتلة حزن متحركة

koka 330

13-04-2009, 08:51 PM

انا الى غير حياتى الثانويه العامه بقا كل الناس حاطه امالها عليا وكانى اول واخر واحد فى العائله هدخلها وكل اما واحد يشوفنى يقولى روح ذااااكرر بصراحه حاجه تخنق بس اول اما عرفت المنتدى ارتاحت كتير وبقت المذاكره لذيذه اوى والله بحبكوم كلكوم المدرسين والطلبه
ودى احلى حاجه فى المنتدى انهم بيجبروك انك تحبهم وتحترمهم
على فكرا أوعى تزهق من روح زاكر دى دى أجمل كلمه أنا عن نفسى عدت سنه كامله علشان مكنش حد بيقولى روحى زاكرى وبعدين ندمت وانتا مش اول واحد بس با لنسبه ليهم أهم واحد
شكرا لمرورك يلا روح زاكر

koka 330

13-04-2009, 08:56 PM

السنة اللى فاتت
لما تعرفت على شاب يمنى اسمه وائل
وبنت كانت يهودية اسمها ماريا
دول كانوا اكبر كارثة فى حياتى
ازاى هما عملوا ايه وبعدين انتا لسا بتكلمهم لحد دلوقتى؟
على فكرا انتا ليك نقطة تحول تانيه هى لما دخلت الجامعه وبعدت عن(صاحبة القلوب الطيبه) الشرقيه
ها صح ولا ايه
شكرا لمرورك

koka 330

13-04-2009, 09:11 PM

السلام عليكم

بصى انا اغلب لحظات حياتى نقاط تحول
لانى بحب دايما اصلح اى عيب فيا
بس كانت اكبر نقطه تحول فى حياتى
فى تانيه ثانوى تقريبا قربت من ربنا اوى
وكنت ببكى وانا بدعيله وربنا كرمنى الحمد لله
بس يا خساره مبقتش اقدر ابكى تانى ونفسى ترجع الايام دى
الجامعه والعالم المفتوح دا اثر فيا كتير اوى
تانى نقطه تحول
بصى انا بكلم بنات كتير بس فى واحده عرفتها وحبتها
غيرت فيا كل حاجه وحشه
(مش كل حاجه اوى يعنى )
ودى كانت تانى اكبر نقطه تحول
شكرا لموضوعك
تقبلى مرورى

أولآ كويس أنك بتصلح عيوبك وبتعترف بيها قدام نفسك
ثانيآ لازم تبكى لازم لازم أعمل أى حاجه أغصب على نفسك أقف واقفه مع نفسك تانى وتالت ألحق نفسك قبل ما تبقى مع التيهين أنتا عامل زى أخواتى بس أخواتى قلبهم جمد على كل حاجه أنما أنتا باين كدا فى أمل
ثالثا حبيبتك اللى غيرتك ناوى تخطبها ولا هتخلع!!!!

koka 330

13-04-2009, 09:14 PM

السلام عليكم ورحمة الله وبركاته

اولاً فى درستى فى علم النفس ان الانسان
بطبيعته بيتغير تلقيئاً كل خمس سنين
من ناحية التفكير وكل حاجة

بس فى سيتى وايشن الشخص بيتغير بالانطباع
نقطة التحول اللى عندى
نقطة تحولى بعد وفاة والدى الله يرحمه
اتغيرت كتير

وبس وشكرا على التوبيك يا اية

العفو أ\مصطفى
وربنا يرحم والدك ويكون فى الجنه أن شاء الله
وشكرا على المعلومه الجميله دى
شكر لمرورك الكريم

koka 330

13-04-2009, 09:29 PM

ربنا بيسبب الاسباب لازم تقربى منه زى الاول بعد عنك اللى هيبعدك عنه وده معناه أنه راضى عنك
وأوعى اوعى تستسلمى للحزن أوعى تخليه يمتلكك لانك سعتها ولا هتعرفى مش بس تصلى مش هتعرفى تعملى أى حاجه
ومتندميش على شخص سابك تانى لو ربنا كتبهولك أو هو لو كان بيحبك نص الحب اللى انتى بتحبهولوا كان عمره ماسابك

Sharp

14-04-2009, 01:57 AM

حياتي اتغيرت مش عارف امتي
فجأة صحيت الصبح لقيت واحد تاني مش هو انا

koka 330

14-04-2009, 01:59 AM

حياتي اتغيرت مش عارف امتي
فجأة صحيت الصبح لقيت واحد تاني مش هو انا
حرام عليك الصوره الانتا حططها دى والله انا دوخت لما شوفتها

Sharp

14-04-2009, 02:01 AM

حرام عليك الصوره الانتا حططها دى والله انا دوخت لما شوفتها
ماهو انا شكل الولد اللي فيها دي دة فعلا حالي دلوقت:frown:

koka 330

14-04-2009, 02:08 AM

ماهو انا شكل الولد اللي فيها دي دة فعلا حالي دلوقت:frown:
يعينى لا متفولش على نفسك حرام شكلك شايل هموم الدنيا كلها حاول تخرج من المود ده علشان تعرف تعيش الحياه لسه فيها امل بس الامل مش بيجى الا لما نعيش حياتنا صح

Sharp

14-04-2009, 02:15 AM

يعينى لا متفولش على نفسك حرام شكلك شايل هموم الدنيا كلها حاول تخرج من المود ده علشان تعرف تعيش الحياه لسه فيها امل بس الامل مش بيجى الا لما نعيش حياتنا صح

مش عارف انا عملت اية لدة كلة عشان يحصل لي كدة

koka 330

14-04-2009, 02:18 AM

مش عارف انا عملت اية لدة كلة عشان يحصل لي كدة
هو ايه اللى حصلك بالضبط

هانى الشرقاوى

14-04-2009, 06:31 PM

حياتي اتغيرت مش عارف امتي
فجأة صحيت الصبح لقيت واحد تاني مش هو انا

أخيرا يا محمد لقيتك
أنا دورت عليك كتير أوى
يا بنى حرام عليك
هو انت لسه فى المود ده
اأنا مش قادر اتكلم خالص
ابعتلى ميلك يا محمد لو سمحت فى مسج

أسيل رزق

14-04-2009, 07:09 PM

أنا عندى عشرميت نقطة تحول بس أهمهم 5 نقط تحول فيهم واحدة داخلة فى واحدة ماتخديش فى بالك هشرحلك دلوقتى

الأولى لما بدأت أصلى وأحفظ قرآن دى كانت فى 3 إبتدائى

التانية بداية دخولى أولى ثانوى وبداية إعتمادى على نفسى بعض الشىء طول عمرى مش بخرج إلا إنى بقف على باب البيت يجى الباص اركبه انزل جوا المدرسة واخرج من باب المدرسة على باب الباص وانزل عند باب البيت حياة مغلقة أوى ، فى أولى ثانوى شفت العجب ومدارس حكومة و فى منطقة شعبية و أكتر من كدا بس كانت أيام جميلة

و بداية دخولى المنتدى .. حقيقى المنتدى فرق معايا جامد

التالتة كانت فى 3 ثانوى لما بدأت أقول لأ و أختار اللى يعجبنى يمكن عيب إنى أرفض كلام بابا وماما بس أثبتلهم إنى مش صغيرة وأقدر أبنى مستقبلى بنفسى و برغبتى المستقلة

الرابعة كانت الجامعة والعالم العجيب و تحولى تماماً لشخصية بعيدة عن الاعتمادية والانطواء والطيبة الزايدة .. طالبة جامعية بقى

ولسه فيه نقط تحول إذا كان فى العمر بقية

معلش حاسة انى كنت بكتب تاريخ حياتى

الله يقطع الرغى وسنينه :d

koka 330

14-04-2009, 07:59 PM