السلام عليكم ورحمة الله
طبعا كلنا سمعنا عن كلية الطب لانها حلم وامل لكل شباب الثانوية العامة
طبعا فهي كلية من كليات القمة زي مابيقولوا
اليكم حكاية طالب دخل كلية الطب
طبعا جاب في تانية ثانوي مجموع عالي بلاش نقول عليه
كان حلمه هو وصاحبه الانتيم انهم يدخلوا سوا كلية الصيدلة
المهم اتجدعن قوي وذاكر وجيه في تالتة ثانوي وجاب مجموع اكبر الحمد لله
افراح عارمة في البيت والاهل الكل جاي يبارك الدكتووور الدكتوور زي مايكون داخل انتخابات
المهم جائت اللحظة الحاسمة؟
انه مكتب التنسيق سحب الظرف للرغبات والاتفاق انه داخل صيدلة
المهم والده كتب له البيانات الاساسية وسابلة الطوابع كي تكون هذه رغبته
المهم قعد يفكر بين الطب والصيدلة (الشخليلة ولا اليويو)
المهم وصل لقرار وان الطب فيه فلوس وبريستيج افضل من الصيدلة وفيه ابداع وخدمة للبشرية
وان الصيدلي زي مابيقولوا يعد كدة هاينسي الصيدلة ويقف يبيع بس
المهم توكل علي الله ولزق الطوابع طب انه الطب
طبعا صاحبة زعل منه فترة واعتبرها خيانة
راح قدم في مكتب التنسيق
المهم كانت الفرحة العرامة بدخوله كلية الطب
طبعا ماهو استخسر المجموع وكمان اول دكتور في العائلة
تلقي التهاني من الاهل والاصحاب

يتبع يتبع00000000

في الفترة اللي قبل دخول الكلية
فاضل شهر والناس بقي بتقابله يادكتوووور يادكتووور
طبعا بقي الاحلام ابتدت تيجي في دماغة
البالطو الابيض والسماعة والمستشفي
وقال اية بقي هايلاقي المستشفي فيها الاتي
دكتور ماشي مع تلاثة طلاب وبيمروا علي المرضي والمستشفي فاضية ونظيفة
ويقوله اتفضل يادكتور شوف اتفضل اسمع بالسماعة
المهم سال عن اسامي المواد اللي في سنة اولي
حتي مش عارف ينطقهم فسيولوجي هستولوجي بايو تشريح
طبعا تشريح
المهم جاب كتب من واحد صاحبة
وخدمة وادالة عظم طبعا مانمش طول الليل
ووالدة قاله يانا ياالراجل دة في البيت
يتبع

ايه يا دكتور انت بتحكى لمين

مشكور

د/ احمد
نتمنى المزيد

<div class='quotetop'>إقتباس(عاشق الجمال @ Aug 7 2006, 01:47 AM) 183660</div>
ايه يا دكتور انت بتحكى لمين
[/b]
اولا بشكرك علي مرورك يا استاذي
ثانيا اللي عايز يسمع ويستفيد يمكن يغير راية عن كلية الطب
او يكون فكرة صحيحة عن هذه الكلية

وحانت اللحظة الحاسمة
رايح اول يوم الكلية طبعا مانمتش طول الليل بحلم بايه اللي هايحصل بكرة
وراح الدكتور الكليه بطقم جديد بقي ومتشيك علي سنجة عشرة
طبعا رايح متاخر كعادته راح المدرج لقي ناس واقفين برة
سال محاضرة ايه دي ياجماعة قالوا له محاضرة هستولوجي
اية هستولوجي يعني ايه
طبعا هو مش فاهم ولا هما
المهم المحاضرة الاولي خلصت ومحضرهاش
المحاضرة التانية فسيولوجي
طبعا هو مش عارف يعني ايه
دخل دكتور قال السلام عليكم
وبعدين قعد ساعة يرطم بالانجليزي ولا احنا فاهمين حاجة
وفين وفين ساعة ماقال اية قرانيه (ومااتيتم من العلم الا قليلا)
ساعتها المدرج كله سقف وصفر وقعدنا كلنا نتكلم
ساعتها الدكتور لغي المحاضرة
يتبع


انتظروا اول يوم في المشرحة :blink:

متابعين يا دكتور

هتخوغنا ليه بس فعلا انا لما عرفت اسماء المواد اتخضيت
منتظرين اول يوم بالمشرحه علشان انا منتطر اليوم ده اوى أكيد هيبقى ممتع جدا

<div class='quotetop'>إقتباس(fethaghors @ Aug 7 2006, 11:32 PM) 184878</div>
هتخوغنا ليه بس فعلا انا لما عرفت اسماء المواد اتخضيت
منتظرين اول يوم بالمشرحه علشان انا منتطر اليوم ده اوى أكيد هيبقى ممتع جدا
[/b]
متشكر لمرورك يادكتور وان شاء الله انتظرو الحلقة اللي جاية

موضوع جميل ومبشر الحقيقة :D
انا علمى رياضة على فكرة

ونننتظر باقى الحلقات :rolleyes:

54959ونزل جدول السكاشن وقال ايه مكتوب فيه مشرحة يوم الاحد والثلاثاء
طبعا قعدت احلم بيوم الاحد
وطبعا نزلت اشتريت بالطو ابيض وايه كنت سعيد جدا كل شوية اقوم البسة وابص في المراة
المهم حانت اللحظة الحاسمة
جاء يوم الاحد وصممت اني اروح بدري بقي المرة دي
المهم فيه كارنيه لطلبة الفرقة الاولي بيدخلوا بيه المشرحة
اول مادخلت طبعا كانت عنيا بتبحلق شمال ويمين
وطبعا بيني وبينكم ماكنتش خايف لكن كان ليا زمايلي خايفين
دخلنا من الباب في طرقة طويلة علي الجانبين فيه زي معرض( لجارات) ودي عبارة عن عبوة زجاجية كبيرة في داخلها اجزاء من جسم الانسان يعني النصف الاسفل لوحده الجزء العلوي راس واحد محفوظة في سائل بداخله
وكان فيه مفاجاة جنين ميت في هذه الجارات
وطبعا مش عايز اقولكم علي الريحة الفظيعة اللي شمتها اول مادخلت ودي مش ريحة الجثث للاسف زي رية وسكينة
دي كانت ريحة مادة الفورمالين اللي بتحفظ فيه الجثث
المهم واحنا ماشيين في الطرقة سامع وانا ماشي بنات عمالين يغمي عليهم
واللي بتعيط واللي منقرفة قوي
كل دة مادخلناش القاعة اللي فيها الجثث
وطبعا كل ماامشي جنب بنت مغما عليها اعمل نفسي مش واخد بالي لانهم للاسف طخان جدا بالنسبة لي
ايوة انا وزني 59 ك
وهي شوفوا كام بقي
وحانت اللحظة الحاسمة لحظة مادخلنا القاعة
دخل الدكتور طبعا قاللنا اللي مش لابس البالطوا يلبسة
وكشف عن الجثة وطبعا هابقي احكيلكم اية اللي حصل
يتبع

حقيقى جميلة يا دكتور احمد

وننتظر باقى اليوميات والى الامام دائما

<div class='quotetop'>إقتباس(نغم البحر @ Aug 8 2006, 06:18 PM) 185699</div>
حقيقى جميلة يا دكتور احمد

وننتظر باقى اليوميات والى الامام دائما
[/b]
متشكر لمرورك يااحلي نغم

شكرا يا د. احمد

وننتظر المزيد

<div class='quotetop'>إقتباس</div>وطبعا نزلت اشتريت بالطو ابيض وايه كنت سعيد جدا كل شوية اقوم البسة وابص في المراة
المهم حانت اللحظة الحاسمة
[/b]

نفس اللي بيحصل تقريبا..

انا كمان برضه اول يوم قبل ماروح الكليه معرفتش انام بفكر في ايه هيحصل..

ويوم المشرحه ده اصلا مانمتش..

وكنت كاتبه موضوع مزكراتي في المشرحه..

هبقي اجيبلكوا اللينك..

وحانت اللحظة الحاسمة
الدكتور كشف الغطاء عن الجثة طبعا
الكل كان مزهوول
وطبعا الرائحة ماتتوصفش
المهم طبعا اننا كنا حوالي 100 طالب
حول طرابيزة صغيرة
يعني تقدر تقول اكاد اكون شايف طشاش
والزميلات المحترمات لهم نصيب الاسد لانهم طبعا معاهم حصانة ولو قربت منهم تروح في داهية
ممكن تلبس في جوازة تخليص حق
طبعا هما لافين حول الجثة الدكتور قعد يشرح
والجثة عبارة عن انسان نايم
والجلد متشال من الجزء المراد رؤيته
يعني لوالقدم تكون متشرحة علشان نشوف العضلات اللي تحتها والاعصاب والاوعية
المهم الدكتور ورانا العضلات واساميها
طبعا مكنتش شايف قوي
جيبت كرسي ووقفت عليه
ماشوفتش بردة من عدد الناس اللي في الدور التاني
جيبت طرابيزة وحطيت عليها كرسي
ماشفتش بردة علشان الناس اللي في الدور التالت كانوا كتيير
اعمل اية اعمل اية
ممكن حد يوقلي؟
يتبع0000000؟

شكرا قوي يا دكتور

انا كمان حمر بالحاجات دي من اول السنة

اصل انا السنة الجاية في اعدادي اسنان

ياعم اسلام اسنان دي دلع خالص
وبعدين انت لو دخلت المشرحة هيبقي عظم بس مش عالجثة خالص

أنا معاك يا دكتور في اللي أنت قولته







بس ياريت تحكي الأيجابيات اللي في الموضوع وبعض السلبيات لأنه طبعا مش كله سلبيات

وأنا باقول الكلام ليك يا دكتور عشان ترغب اللي عايزين يدخلوا الكلية فيها مش تخوفهم منها

وبعدين أسمحلي يا دكتور حكاية أن ماحدش فاهم حاجة من الكلام دي بتكون في الأول بس لكن هو بالكتير شهر وكل المصطلحات تبقى سهلة وبسيطة لأن أي حاجة لازم طبعا في أولها تكون صعبة وأظن أنك موافقني في الكلام دة

لأن أنا نفسي جاتلي عقدة نفسية أول مادخلت الكلية بس بعدين عادي جدا



أخوك خالد داخل تانية طب بشري

اهلا بيك يا د/ خالد
والله انا سعيد بمرورك
بس والله انا بقول الكلام دة للي داخل كلية الطب علشان يعرف بس ان لو هو ماكافحش واتعلم
متحدش هايقوله تعالا انت مش بتحضر ليه او بتشوف ليه
يعني ايجابيات الكليه اظن معروفة لانها اسمي مهنه في البشرية
ثانيا بخصوص محدش فاهم حاجة بتبقي فترة في الاول ياريت بس الطالب ماتطولش معاه هذه الفترة يعني مايقعدش لحدال20%
وشكرا

شكرا على هذا الكلام الرائع
وعلى العموم انا عارف كتير منه بس فى كلام كتير مكنتش عارفه.
اعرفكم بنفسى::::الاسم : هيثم ابراهيم رجال.
المهنة::::::::::::طالب.
السنة الدراسية::داخل سنة اولى.
الكلية::::::::::::الطب.
الجامعة:::::::::المنصورة.
الامنية ::::::::: ربنا يسترها معانا وربنا يوفقنا.
اتمنى ان تكمل هذه الحلقات المثيرة
وشكرا............................................. .............

اهلابيك يا هيثم
وان شاء الله ربنا يوفقك في طب المنصورة
ليا بنت خالتي معاك في سنة اولي
بس المنصورة صعبة شوية
ذاكر كويس

ردك طبعا متميز يا د/ أحمد( مع أني مش باحبذ حكاية الألقاب دي)

بس أنا من رأيي يا دكتور يعني أن أنت تعرض المشكلة وتعرض الحلول بتاعتها عشان بس ماحدش يتعقد خصوصا يعني أن أحنا معانا في المنتدى ناس كتيرة داخلة طب زي هيثم وفيثاغورث وغيرهم وغيرهم

بس هي دي الفكرة اللي أنا كنت عايز أوصلهالك يا أحمد (وخليها أحمد وخالد و كدة يعني طبعا لو سمحتلي يا د/ أحمد)
وبعدين أنا من اللي سمعته أن طب بيطري أصعب كتير من طب بشري

وربنا مع الجميع

الصراحة مافيش ياخالد حاجة سهلة
لكن صعوبة طب بيطري انه بيدرس كائنات كتيير
لكن اللي عرفته من اصحابي
ان حتي اسامي العضلات والشرايين والاوردة واحد سواء في الانسان اوالحيوان

أنا فعلا أعرف ان الى بيدرسوه فى بيطرى ميختلفش كتير عن بشرى

والله يا أحمد أنا باقول اللي سمعته

يمكن فعلا زي ما انت بتقول كدة أن الصعوبة في زيادة الكمية والمواد

وانت ماقولتليش يا عم أحمد أنت في سنة كام

وأنت يا فيثاغورث ماقولتش أنت هاتدخل عين شمس ولا القاهرة

أنا دخلت خلاص
عين شمس
هو أحمد فى ايه ؟

انا في اخر سنة طب طنطا
يعني فاضلي ان شاء الله 3 شهوور واخلص ادعولي

ياااااااااااااااااااااااااااااااااااه
3 شهور
انا فاضلى 6 سنين بإذن الله.
ربنا يوفقك
عايزينك دكتور ناجح.
بس لا تترك هذا المنتدى الجميل .
وعايزينك تضع كل النصائح الطبية التى تفيد الجميع.

<div class='quotetop'>إقتباس(haitham2005 @ Aug 15 2006, 11:01 AM) 190574</div>
ياااااااااااااااااااااااااااااااااااه
3 شهور
انا فاضلى 6 سنين بإذن الله.
ربنا يوفقك
عايزينك دكتور ناجح.
بس لا تترك هذا المنتدى الجميل .
وعايزينك تضع كل النصائح الطبية التى تفيد الجميع.
[/b]
انا بشكرك يا دكتور وربنا ان شاء الله يوفقك
ماتخافش السنين بتعدي بسرعة

أن شاء الله من الأوائل يا دكتور/أحمد


ويا ريت ماتسيبش المنتدى زي ماهيثم طلب منك

وربنا يصبرنا لحد ما نوصل سنة سادسة طب


بس أسمحلي أحييك يا أحمد أنك في سنة سادسة ولسة فاكر ذكريات سنة أولى


وليا سؤال هي سنة سادسة كام شهر بالظبط عشان ناس بتقول سنة وناس بتقوول سنة ونص

شكرا والى الامام

شكرا ليكم جميعا
لخالد
ولعاشق الجمال
ان شاء الله ربنا يسهل والظرووف ماتجبرنيش اني اسيب المنتدي
وبالنسبة لسنة سادسة دي بتبدا في شهر 11 وتنتهي في شهر1
يعني سنة ونص
اما بالنسبة لاني فاكر الزكرياات لانها فيها فعلا معاناه جامدة قوي
وان شاء الله هاحكي لكم الشفوي

أحكي يا أحمد على الشفوي

وأنا ممكن لو سمحتلي أحكي عن العملي بتاع الAnatomy بس

ياريت يا خالد والله
وباذن الله ادوني مهلة بس مشغول اليومين دول بس

يا راجل أذا كان التفكير والكتابة هايعطلوك عن المذاكرة بلاش منهم دلوقتي

المذاكرة أهم دة أنت في البكالوريوس يعني أكيد مش فاضي

أمال هاتطلع الأول أزاي

وعلى العموم هانت هي كلها 3 شهور وتخلص خالص

يلا ربنا معاك



<div class='quotetop'>إقتباس(fethaghors @ Aug 14 2006, 09:44 AM) 189372</div>
أنا دخلت خلاص
عين شمس
[/b]

على العموم أنا ليا أصحابي في عين شمس طب برضه بس دفعتي (داخلين سنة تانية)

وأن شاء الله ممكن أشوفك هناك يا هشام

السلام عليكم
هبدا اليوم في رواية عن امتحانات كلية الطب
انهاردة اول يوم في الامتحانات
انه يوم امتحان مادة الفسيولوجي
رايح الامتحان خايف طبعا مش مذاكر قوي الصراحة يعني
استلمت ورقة الاسئلة نظام غرييب شوية
قريت الاسئلة كانت اختيار من متعدد واكمل
المهم الاختيارات دي كانت صعبة جدا
الصعوبة تكمن في وجود مترادفات يعني اختار الكلمة الادق حاجة غريبة انا اصلا مذاكر علي خفيف يعني قشوور
وهو عامل اختبار لغة عربية
المهم دة كان 20% فزي ماتقولوا ماقلقتش كانت درجاته بسيطة بس كان فيه كافتريا تحتينا كانت مشغلة اغنية لعمرو دياب كانت بتقول ااااااااااااااااااه بعد الليالي
انتظروا اول يوم شفوي
مسخرة
يتبع

السلام عليكم
أختكم أسماء في صيدلة الإسكندرية و خلصت إعدادي و رايحة أولى
على فكرة أنا بحمد ربنا من أول يوم دخلت فيه الكلية دي لإني جبت مجموع كبير أوي في ثانوي و مع ذلك رفضت كلية الطب على الرغم من ان أخويا خلص رابعة و رايحة خامسة طب ان شاء الله.... الرفض ماجاش من صعوبة الطب لإن كل كلية و أكيد ليها مشاكلها و حسناتها بس الفكرة في الرفض كانت عشان طول مدة الدراسة.... صعوبة وجود الشغل بعد انهاء الدراسة .... تعرض البنات أثناء الدراسة للكشف على رجالة و ده أكيد بيسبب إحراج كبير :rolleyes: .... و طبعا ده غير الاسباب المتعلقة بالمستقبل زي الإرتباط و الجواز و غيره ................يا أحمد جميل منك أوي انك بتدخل على السايت ده و متابع مع إخواننا الغلابة المعذبين في الثانوية العامة و جميل منك أوي برده انك بتكتب عن الكلية دي مع إنو صدقني طب صعبة و امتحاناتها متباعدة جدا في جامعة إسكندرية بس صيدلة مش هينة أبدا و اللي يشد على نفسه في المذاكرة في أي كلية ينجح و يرتب كمان....... :D .... أكيد طبعا بما إنك خلصت كل السنين دي بتبص لسنة أولى على إنها كانت سهلة جدا أنا أعرف ان تالتة صعبة جدا فارما و ميكرو و أرف جامد أوي ده غير رابعة اللي بيدرسو فيها رمد و أنف و أذن و غيره (ربنا يحفظنا جميعا) :rolleyes:

يا ريت تتابع الموضوع و تورينا عملت ايه في كل السنين :D و ادعيلي بالنجاح يا دكتور

سؤال هام للولاد فقط....... لو انت عيان أوي حاتروح لدكتور و لا لدكتورة ؟؟؟؟؟؟؟؟؟؟؟؟؟ حاتستريح لمين أكتر؟؟؟؟؟ أنا شخصيا بفضل الدكتور

مشكور يا دوك ميدو يا حبي موضوع جميل وانتظر لك الباقي


الحمد لله رايح اعدادي صيدلة :P :D

وهكون مع هيثم في الجامعة الباين لاني منصورة :D

يلا ربنا يعدلها ونعمل حاجا ان شاء الله

<div class='quotetop'>إقتباس(*muslima* @ Aug 24 2006, 10:02 PM) 200410</div>
السلام عليكم
يا ريت تتابع الموضوع و تورينا عملت ايه في كل السنين :D و ادعيلي بالنجاح يا دكتور

سؤال هام للولاد فقط....... لو انت عيان أوي حاتروح لدكتور و لا لدكتورة ؟؟؟؟؟؟؟؟؟؟؟؟؟ حاتستريح لمين أكتر؟؟؟؟؟ أنا شخصيا بفضل الدكتور
[/b]
اولا سعيد بمرورك جدا يادكتورة
ثانيا انا افضل اكشف عند دكتور لان للاسف مش لاقي دكتورة شاطرة علي الاقل من النادر لما تلاقي دكتورة شاطرة عمليا ولس نظريا
بالنسبة لاصعب سنة كانت رابعة لانها مواد صغيرة لكن امتحانتها جات غلسة
ابقي تابعي لسة فيه امتحانات غريبة

<div class='quotetop'>إقتباس(*muslima* @ Aug 24 2006, 10:02 PM) 200410</div>
السلام عليكم
يا ريت تتابع الموضوع و تورينا عملت ايه في كل السنين :D و ادعيلي بالنجاح يا دكتور

سؤال هام للولاد فقط....... لو انت عيان أوي حاتروح لدكتور و لا لدكتورة ؟؟؟؟؟؟؟؟؟؟؟؟؟ حاتستريح لمين أكتر؟؟؟؟؟ أنا شخصيا بفضل الدكتور
[/b]
اولا سعيد بمرورك جدا يادكتورة
ثانيا انا افضل اكشف عند دكتور لان للاسف مش لاقي دكتورة شاطرة علي الاقل من النادر لما تلاقي دكتورة شاطرة عمليا ولس نظريا
بالنسبة لاصعب سنة كانت رابعة لانها مواد صغيرة لكن امتحانتها جات غلسة
ابقي تابعي لسة فيه امتحانات غريبة

محمد البري
حبيب قلبي وبس
بدون تعليق

عندك حق يا دكتور أحمد (خايفة أقول أحمد بصراحة) :blink:
أنا بفضل الدكاترة الرجالة بحس انهم متفرغين أكتر لشغلهم و حريصين عليه أكتر من الستات و دي من أهم الاسباب اللي خلتني دخلت صيدلة ........
ربنا معاك يا محمد صيدلة كلية تمام

متابعين معاك و لو اني عارفة ان الشفوي حايبقى تحفة :D :D :D

اليوم هو اول امتحان شفوي في الكلية
رايح مذاكر بس ماعرفش هادخل لمين من الاساتذة
بيخوفونا من دكتور اسمه السروجي
المهم اسمع انه كان عميد الكلية سنة70
وراجل كبيير ومعقد وبيديك القلم تحط صفر لنفسك
المهم رحت يومها مستحمي ومذاكر ومزبرنشق
طول الطريق بنهزر انا واصحابي
رحت لاقيت رقمي مع الدكتور السروجي
كنت هامووت
المهم كنا حوالي 20 عنده
الناس كلهم خلصوا الا لجنتنا لسة اول واحد بيمتحن عنده
المهم الواد خرج بنساله سالك في اية قالنا هما 3 اسئلة
واحد يخرج والتاني يدخل نفس الاجابة
المهم دخلت للراجل دة لاقيت راجل كبيير قوي اسمر قصير جدا
لابس حمالات علي البدلة
المهم قالي بص عايز اسالك سؤال من 60ولا 3اسالة كل سؤال من20
اختيار صعب المهم قلتله بلاش مجازفة 3 اسئلة
قالي السؤال الاول 00000000؟ عارف ولا مش عارف اقوله عارف
يقولي يابني ماتتعبنيش معاك عارف ولا مش عارف اقوله عارف
يقولي هانشوف
السؤال التاني 00000000000 عارفة اقوله ااه يقولي ماتتعبنيش معاك
المهم السؤال التالت 000000000 عارفة اقوله ان شاء الله
قالي يلا جاوب
اجاوب يقوم قايل انت مذاكر من اين اقوله من كتاب القسم يقولي وراحت فين الكتب الكبيرة
المهم جيت في اخر سؤال فنسيت حته لاقيته بيقولي ياعم قول نسيت جلا من لايسهوا
قاللي الوحيدة اللي ماتعبتنيش هي البت دي وشاور علي واحدة قاعدة قلتله واديتها الفول مارك
قاللي يابني مابديش لحد الفول مارك
المهم قاللي قوم
دخل واحد صاحبي من اصحاب الرؤس العالية
قاله نسبة مادة كذا في الدم قد اية
قاله40 قاله اربعين اية قاله 30 قاله مشع عارز رقم عايز تمييز
قاله200 لتر
قالله ليه دة دم الانسان كله5لتر اية دة دم فيل
انت بتشتغل اية ميكانيكي سيارات
قعد يشتم فينا كلنا انت هاتطلع طعمجي وانت عربجي وانت ميكانيكي
اطلعوا ياغجر كلكم برة
واحنا بنضحك هههههههههههه
رئيسة القسم دخلت له بتقوله وريني الدرجات قالتله اية يادكتور دة انت بتحطها من جيبك
قالها اعملكط اية عيال اغبية اعلي واحد جايب 9 من 60
دة كان انا والحمد لله
المهم قالتله ارفع الدرجات شوية
والحمد لله جبت فيها تقدير ازاي مااعرفش
يتبع

أحنا عندنا كانوا بيهزقوا برضه بس ماكنش فيه طعمجي وميكانيكي وسباك

أنا يوم الشفوي بتاع التشريح اللي هي أول مادة شفت دكتور لابس شبشب وبنطلون قماش ومطلع القميص برة وعنده بتاع 60سنة برضه

أول ماشفته من برة قبل ما أدخل قلت يارب يارب مادخلش للدكتور دة والحمد لله أنا دعائي مقبول على طول

طبعا دخلت لقيته في وشي بس الحمد لله طلع راجل كويس (مش أوي يعني)

بس كانت جمبنا دكتورة على طول كدة تقول للي بيدخلولها بعض ما يخلصوا: قوم قوم يا غبي قوم يا حمار

دة في واحد قالتله (معلش سوري في اللفظ اللي هاقوله دة) بس والله هي اللي قالتله كدة: قالتله قوم يلعن أبو شكلك وطبعا كله مسخسخ من الضحك

جميله اوى اليوميات يادكتور احمد وياريت تكملها
وربنا مايحرمنا من حضورك الجميل

<div class='quotetop'>إقتباس(ميتاب @ Aug 30 2006, 04:37 PM) 205932</div>
جميله اوى اليوميات يادكتور احمد وياريت تكملها
وربنا مايحرمنا من حضورك الجميل
[/b]
ميرسي لحضورك ياميتاب وجزاكي الله خيرا علي الدعاء
بس اني اكمل او ماكملش معلش مش هاقرر دلوقت

جميلة اليوميات دى خصوصا انها فيها مواقف كوميدية

الله يكون ف عونكم يا دكاترة ما كنتش متخيل ان الوضع غريب بالشكل ده

دكتور احمد انا هاسألك سؤال

هتاخد كام لما تتخرج وامتى مرتبك هيزيد ويا ترى هيزيد قد ايه

سؤال مؤلم اهو

<div class='quotetop'>إقتباس(اينشتاين @ Aug 31 2006, 08:59 AM) 206583</div>
جميلة اليوميات دى خصوصا انها فيها مواقف كوميدية

الله يكون ف عونكم يا دكاترة ما كنتش متخيل ان الوضع غريب بالشكل ده

دكتور احمد انا هاسألك سؤال

هتاخد كام لما تتخرج 200جنية وامتى مرتبك هيزيد لما اخد الماجيستير ويا ترى هيزيد قد ايه هايبقي في حدود500 جنية

سؤال مؤلم اهو لاة هو سؤال مش مؤلم لاننا كاطباء بنصبر نفسنا اننا هانشتغل ان شاء الله شغل خاص يعني مش هاعتمد علي المرتب دة
[/b]

بصراحة يا دكتور روووووووووووووووووووووووعة


و ربنا يستر ع الطب من الاشكال دي

انه يوم امتحان التشريح
جاي مذاكر كويس الحمد لله
واستلمت ورقة الاجابة
قريتها ففيه سؤال عارفه كويس قلت ابتددي بيه علشان يشجعني
اذ بي افوجأ اني مش فاكر ولا كلمة من السؤال دة المهم قلت خش علي بعده
مش فاكر مش فاكر مش فاكرررررررررررررررررررررر
اعمل ايه بقي قعدت اضحك والله
المهم سميت الله وباعصاب هادية جدا جبت الامتحان من تحت لفوق المهم سؤال سؤال كدة حليته والحمد لله افتكرت
تاني يوم بقي امتحان المشرحة
مسخرة هههههههههههههههههه
بندخل الصبح بدري حاطين في طرقة طويلة طربيزات صغيرة وعلي كل طرابيزة جزء من الجتثة وعلينا نقول اية دة واسم الحاجة دي اية
المهم فيه واحد قوامي وواحد ورايا ولما نخلص الدكتور يقول change ونغير
المهم اللي قدامي الدكتور يقول شينج الواد مش عارف حاجة يقول بصوت عالي بليييلة بليييلة
واحنا نضحك الدكتور يقوله بس يابني يقوله اطردني احسن هههههههههه
المهم جاء امتحان الشفوي لاقيت واحد صاحبي خارج بقوله عملت اية قاللي
انا قلتلها باللي عملتيه دة انتي كدة خسرتي دكتور
يتبع

هههههههه
بجد يا دكتور ضحكت من قلبى
موضوع جميل بجد ولذيذ اوى
وكان الله فى العون

<div class='quotetop'>إقتباس(tweety_girl793 @ Sep 2 2006, 12:39 PM) 208556</div>
هههههههه
بجد يا دكتور ضحكت من قلبى
موضوع جميل بجد ولذيذ اوى
وكان الله فى العون
[/b]
ميرسي ياتويتي لمرورك
وسعيد اني اضفيت بسمة علي اي حد من اعضاء المنتدي

هههههههههههههههههههههههههههههههههه


حلو قوي الموقف بتاع انتي خسرتي دكتور

انت حكيتلي عنه قبل كده

بس جامد

ههههههههههههه
انا مش قادر امسك نفسى موضوع جااااااااااااااااااااامد
مش موجود فى اى منتدى آخر
يارب تكمل هذه اليوميات الرائعة يا د\أحمد.

الصراحة انا الموضوع دة اكتر موضوع متابعاة فى المنتدى و الاحداث جمييييلة اوى

يلا يا دكتور احمد كمل بقى

<div class='quotetop'>إقتباس(-سوسو- @ Sep 3 2006, 01:51 AM) 209166</div>
الصراحة انا الموضوع دة اكتر موضوع متابعاة فى المنتدى و الاحداث جمييييلة اوى

يلا يا دكتور احمد كمل بقى
[/b]
ميرسي ليكي يا سوسو دة شئ يسعدني

<div class='quotetop'>إقتباس(haitham2005 @ Sep 2 2006, 11:45 PM) 209045</div>
ههههههههههههه
انا مش قادر امسك نفسى موضوع جااااااااااااااااااااامد
مش موجود فى اى منتدى آخر
يارب تكمل هذه اليوميات الرائعة يا د\أحمد.
[/b]
متشكر ياهيثم علي مرورك يارب ماتشوف اللي شوفنااه هههههههههه

بتفكرنا بالمأسي اللي شوفناها يا دكتور

تقريبا هو دة اللي حصل معايا في أمتحان الشفوي

بس أحنا كانت عندنا 10 عينات عضم و5 ترابيزات جثث وعلى كل ترابيزة فيه 3 عينات لازم تتعرف عليهم وتكتبهم وكل دة في دقيقة واحدة على كل ترابيزة

وطبعا جثث الأمتحان كانت غريبة مختلفة خالص عن الجثث اللي أحنا بنشوفها خلال السنة واللي أحنا راجعنا عليها

وقبل الأمتحان كله كان خايف من العضم ومطمن نوعا ما للجثث لأن تقريبا كنا راجعنا عليها 700 مرة وأنا عن نفسي كنت تقريبا شاربها شرب

المهم أحنا أول مادخلنا دخلنا على العضم اللي كان عليه 20 درجة من 50 وسبحان الله كان زي العسل وسهل جدا

كنا بنقف على كل عظمة دقيقة و نكتب في الورقة 4بيانات موجودين على العظمة

المهم طبعا كله بعد ما خلص العظم قال دة أنا خلاص ضمنت ال50 درجة بتاعت الأمتحان

المهم دخلنا على قطع الجثث ( دراع- رجل- قلب رئتين) وطبعا هي مافيش غيرها دقيقة وتلاقي الدكتور على طولMove يا عم أصبر مافيش

المهم كل واحد بيدخل على الجثة يعد يفعص فيها ويغير مكان العضلات واللي بعده دة طبعا يتحرق مش مهم

وممكن تلاقي حتة مقطوعة ماتعرفش دة عصب ولا شريان ولا وريد ولا أيه وطبعا لو حاولت تتبعه لأصله يبقى مش هاتلحق تكتب أسمه وتقعد الدقيقة كلها في أول بيانة

يعني من الأخر كانت حاجة غلب وبصراحة دة كان أصعب أمتحان عملي وأول أمتحان عملي نمتحنه

والواحد كان طالع بعده نفسيته زي الزفت وحاسس أنه هايشيل المادة



يا جدعان اللي لسة داخل طب مايقراش اللي أنا كاتبه أحسن يتعقد


معلش يا دكتور أحمد أنا كتبت اللي حاصلي من غير ما أستأذنك بس بصراحة أول ما قريت رد حضرتك أفتكرت كل البلاوي اللي حصلتلي

يلا ربنا معانا

ومعلش باعتذر للمرة التانية أحمد

ماتقولش كدة ياخالد الموضوع مفتوح للي عايز يقول اي حاجة
ومعلش ياما دقت علي الراس طبووول

اليوم هو امتحان مادة الكمياء bio
الصراحة كلنا مستهيفين المادة بالنسبة للتشريح مثلا
الصراحة مذاكر نص نص مش قوي يعني
المهم امتحان الشفوي
داخل لدكتوور اسمه صفوت
المهم بيقولوا دكتوور وحش قوي
دخلت انا وواحد صاحبي مع بعض
سالنا سؤالين بس
كارنيهاتكم فين
قولي يابني انواع الdiabitis السكر
قلتله DM
قالي كفاية
وانت لصاحبي يعني قالله DIABITIS INCIPIDOUS
قالننا شطار قوموا اربعين من اربعين
سبحان الله فرق شاسع بين مادة ومادة

السلام عليكم ورحمة الله وبركاته أزيك يا دكتور أحمد وازي با قي الدكاتره في كلياتهم انا قرأت الموضوع وعدبني جداً جداً لأنه روعة وصدقني ده يستحق النشر في كتاب زي مهو كده بس
أنا على فكرة الحمد الله فلت من الكلام ده ودخلت رياضة وبعدين دخلت بفضل الله هندسة بترول
بس انا مستمتع باليوميات جداً جداً ومستني الأجمل منك يا دكتوووووووووووووووووووور:):)

انه امتتحان مادة الفارما علمة دراسة الادوية
طبعا مادة جميلة وحبيتها جدا والحمد لله مذاكرها كويس امتحان النظري كان جميل جدا
المهم امتحان العملي كان مسخرة
بيدخلك علي المعمل وليك تجربة
المهم تجربتي كانت انه يديني ماديتين ويقولي ايه دول
ومديني مع المادتين ارنب وضفدعة
المهم الارنب المفروض احط في عينه هذه المادة في عين والاخري في عين تانية
لاحظو في عين تانية علشان اشوف الفرق بين الاكشن بتاعهم
المهم مسكت الارنب قم مغمض عينه
زي مايكون عارف انا هاعمل اية
المهم افتح عينه بالعافية وحطيط المادة الاولي
الارنب اتنطط والمادة مادخلتش في عينه او بمعني ادق دخلت بس مش قوي
قمت ماسكه كويس وحطيط له تاني بس للاسف مافتكرتش انهي عين اللي كنت حاطط فيها
طبعا حطيط نفس المادة في العنين الاتنين يعني التجربة باظت
مافاضلش بقي غير اني اعمل عالضفدعة
المهم شرحتها ونظفتها زي ماكون بنظف سكمة
حاجة تقرف طبعا لاقيت الارنب بقي بيشمشم وعايز يجري
قمت ماسكه وحطيته في القفص تاني بس طبعا بعد مابوظ الدنيا
الدكتورة جاية قلتلها علي الللي حصل
قالتلي مايلزمنيش غير انك تقولي اية المادة دي واية التانية
قلتلها سالتني جاوبت شوية نظري والحمد لله
بس كنت ببص حوليا بقي لاقيت ناس بتعمل مسرحيات تموت من الضحك
هاحكي لكم الحلقة الجاية
سلام

لسه ياجماعة مكملين يوم امتحان الفارما
بقولكم احنا في المعمل وقدامي الناحية التانية واحد بيعمل تجربة بريدة
المهم قدامه ثلاث فئران المفروض انه يخدرهم بمادة بيحقنها في الفئران
المهم مسك اول فار وحقن الحقنة طلعت من الناحية التانية جت علي اللي قدامه
طبعا اللي قدامه قعد يزعقله حاسب ياعم انت وشوف انت بتحقن فين
طبعا الفار مات
الفار التاني لا لا ركز بقي حقن الحقنة الباشا ضربها في قلبه مات مباشارة
الفار التالت الامل فيك انت
ملا الحقنة عالاخر وحقن لقي الفار اتنفخ المهم مات ههههه
جاله بقي الدكتور علشان يساله
قاله حقنت المادة والفئران نايمة زي ماحضرتك شايف
قاله طب صحيهم لي هههههههه
قاله دول ميتين يانصاب
واحد تاني تجربته تخدير عن طريق الشم
المفروض يحط قطنة للفار في العلبة بتاعته وعليها المادة المخدرة
المهم حط القطنة للفار
الفار اكل القطنة ومات علي طوول
دة قعد يصوت جنب الفار والمهم قال للدكتور هاتلي فار تاني قالله روح اشتري واحد بقي الفئران خلصت
المهم طبعا الدكتور بيهزر
جاله الدكتور اللي بيساله
قاله الفار نايم
نفس الاجابة صحيه
ههههههههه وطبعا نام جانبه وسقط هو كمان بسبب غلطة مش غلطته
غلطة فار طفص 00000؟
يتبع

أذيك يا د\أحمد أنت هايل بتوصف اللي بيحصل بالضبط
بس الحمدلله المشرحة دي أيام وراحت المهم
أنا بقي من البنات الي عندهم حصانة بس والله الولاد عندنا ولا كان بيهمهم لا حصانة ولاغيره
ربنا يوفقك وأن منتظرة باقي اليوميات
أختك نورا رابعة طب B) [color=#CC0000][font=Arial]

<div class='quotetop'>إقتباس(زهرة المدائن @ Sep 8 2006, 10:16 AM) 213716</div>
أذيك يا د\أحمد أنت هايل بتوصف اللي بيحصل بالضبط
بس الحمدلله المشرحة دي أيام وراحت المهم
أنا بقي من البنات الي عندهم حصانة بس والله الولاد عندنا ولا كان بيهمهم لا حصانة ولاغيره
ربنا يوفقك وأن منتظرة باقي اليوميات
أختك نورا رابعة طب B) [color=#CC0000][font=Arial]
[/b]
والله يادكتورة نورا انا سعيد ان اخيرا حد في طب دخل المنتدي وقرا اللي انا كاتبه
مستنيين مواضيعك يادكتورة بقي

هههههههههههههههههههههههههه :D :D

ايه يا دكتور احمد :lol:

روعة يا باشمهندس :P ..... ايه الجمال ده يا استاذ :P ..... متحرمناش منك تاني يا كابتن :ph34r:

ههههههههههههههههههههه

مستنيين الباقي يا ميدو

اخوك

اسلام :D .... اعداي اسنان

طبعا يا استاس ويا باشمهاندز دي تشرفني قوي انك تقولهالي
انما ياكابتن دي يااسلام والله مش بحبها خصوصا من سائقي التاكسي والميكروباص
وانت طبعا نقيب التباعين وليس السائقين يبقي ماتقولهاش تاني
هههههههههههه
ياجماعة اسلام حبيبي زي اخويا بالضبط وانده بقي يااسلام علشان نطلع بالميكروباص

والله يادكتور أحمد حضرتك غيرت الصورة نهائى عن الكلية وعذابها وعلى فكرة أنا إن شاء الله ناوية كدة على طب بس إدعولى مع أسعار المجاميع العالية إن شاء الله أنا ناوية أتخصص علاج طبيعى إيه رأيك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

<div class='quotetop'>إقتباس(هينار @ Sep 8 2006, 01:13 PM) 213908</div>
والله يادكتور أحمد حضرتك غيرت الصورة نهائى عن الكلية وعذابها وعلى فكرة أنا إن شاء الله ناوية كدة على طب بس إدعولى مع أسعار المجاميع العالية إن شاء الله أنا ناوية أتخصص علاج طبيعى إيه رأيك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
[/b]
اولا طبعا برحب بيكي وسعيد بمرورك
وكنت عايز اقولك ان فيه مجالات متخصصة ودة احسن
زي العلاج الطبيعي طب اسنان ودة شئ جميل انك تكوني من الاول محددة انتي رغبتك تدرسي اية
انا مثلا بدرس حاجات بيتهيالي عمري مافكر اتخصص فيها زي العظام مثلا محبتهاش لكن مضطر ادرسها
صحيح انتي في سنة كام واسمك دة معناه اية

<div class='quotetop'>إقتباس(ahmed monsif @ Sep 8 2006, 12:46 PM) 213882</div>
طبعا يا استاس ويا باشمهاندز دي تشرفني قوي انك تقولهالي
انما ياكابتن دي يااسلام والله مش بحبها خصوصا من سائقي التاكسي والميكروباص
وانت طبعا نقيب التباعين وليس السائقين يبقي ماتقولهاش تاني
هههههههههههه
ياجماعة اسلام حبيبي زي اخويا بالضبط وانده بقي يااسلام علشان نطلع بالميكروباص
[/b]


اخد عشرة جنيه كل طلعة بالميكروباص

و لو مكنش دورلك علي حد تاني غري يشتغفل معاك

هههههههههههههههههههههههههه :)

انا بهزر يا دوك

لو زعلت اشرب من الفورملين :D :D :P :P

اولا طبعا برحب بيكي وسعيد بمرورك
وكنت عايز اقولك ان فيه مجالات متخصصة ودة احسن
زي العلاج الطبيعي طب اسنان ودة شئ جميل انك تكوني من الاول محددة انتي رغبتك تدرسي اية
انا مثلا بدرس حاجات بيتهيالي عمري مافكر اتخصص فيها زي العظام مثلا محبتهاش لكن مضطر ادرسها
صحيح انتي في سنة كام واسمك دة معناه اية
أنا إن شاء الله طالعة تالتة ثانوى وهينار معناه الملاك الصغير وبالنسبة للتخصص فأنا مازلت مترددة أدخل معهد علاج طبيعى ولا طب وأتخصص علاج طبيعى والله أنا شايفة إن الموضوع ده لسة بدرى عليه قوى المهم إن أنا عايزة علاج طبيعى جداااااا وحابة المجال وربنا يقدر اللى فيه الخير هههههههههه

ربنا يوفقك يا ملاك ياصغير هو فيه ملاك صغير وفيه كبيير
هههههههه
المهم انتي جايبة كام في تانية
وادخلي الحاجة اللي تحبيها

انا خلاص مش قادر
انت فظيع يا د\ أحمد
ربنا يوفقنا كلنا

<div class='quotetop'>إقتباس(haitham2005 @ Sep 9 2006, 03:23 PM) 215079</div>
انا خلاص مش قادر
انت فظيع يا د\ أحمد
ربنا يوفقنا كلنا
[/b]
متشكر يادكتور هيثم علي الروح العظيمة دي
وربنا يوفقنا ان شاء الله

الموضوع حلو اوى و على فكرة انا رايحة اولى طب عين شمس و ماما كان تفسها ادخل صيدلة علشان خمس سنين و بس لكنى ما قدرتش اتخيل نفسى فى كلية تانية غير الطب و عارفة انه ليها سلبيات بس ربنا يسهل ان شاء الله
انا فعلا بحلم باول يوم انا دخلت المشرحة يوم الكشف الطبى بس ما خفتش و لا حاجة لكنى دخت من ريحة الفورمالين دى طلعت افظع من الامونيا
شكرا لهذه اليوميات و فى انتظار المزيد.

<div class='quotetop'>إقتباس(ranony @ Sep 9 2006, 07:26 PM) 215208</div>
الموضوع حلو اوى و على فكرة انا رايحة اولى طب عين شمس و ماما كان تفسها ادخل صيدلة علشان خمس سنين و بس لكنى ما قدرتش اتخيل نفسى فى كلية تانية غير الطب و عارفة انه ليها سلبيات بس ربنا يسهل ان شاء الله
انا فعلا بحلم باول يوم انا دخلت المشرحة يوم الكشف الطبى بس ما خفتش و لا حاجة لكنى دخت من ريحة الفورمالين دى طلعت افظع من الامونيا
شكرا لهذه اليوميات و فى انتظار المزيد.
[/b]
اهلا بيكي يادكتورة
طبعا الغرض من اليوميات اني اضيف روح الدعابة واني اطرح بس الصورة من جانب فكاهي علشان متتتصدموش بالواقع لما تشوفوها
بالنسبة بقي للفورمالين دة ياما هاتشمي منه غصبن عنك فهاتتعودي عليه لان بدونه الجثث مش هاتفضل كويسة
اما بالنسبة لطب او صيدلة لو تساليني عن رايي الصيدلة احسن للبنات بالنسبة لرايي
لكن طالاما انتي حابة طب يبقي خلاص ربنا يوفقك
ادرسي اللي تحبيه علشان تتفوقي فيه وتقدري تفيدي المجتمع ونفسك
وسعيد بمرورك

عندك حق فعلا لان الصيدلة احسن كتير للبنات من حيث الالتزامات التانية زي الزواج و الاولاد والحاجات دي

كلام ahmed monsif صح وصدقوني , أنا كلية طب أسنان اسكندرية , ربنا يوفقنا كلنا

<div class='quotetop'>إقتباس(ahmed monsif @ Sep 7 2006, 11:48 PM) 213355</div>
دة قعد يصوت جنب الفار والمهم قال للدكتور هاتلي فار تاني قالله روح اشتري واحد بقي الفئران خلصت
المهم طبعا الدكتور بيهزر
جاله الدكتور اللي بيساله
قاله الفار نايم
نفس الاجابة صحيه
ههههههههه وطبعا نام جانبه وسقط هو كمان بسبب غلطة مش غلطته
غلطة فار طفص 00000؟
يتبع
[/b]

:lol: عجبني اوي لما الدكتور قاله روح اشتري فار الفيران خلصت..

وكمان صعب اوي انه طالب يسقط بسبب غلطه فار!!!

<div class='quotetop'>إقتباس(هينار @ Sep 8 2006, 07:06 PM) 214195</div>
اولا طبعا برحب بيكي وسعيد بمرورك
وكنت عايز اقولك ان فيه مجالات متخصصة ودة احسن
زي العلاج الطبيعي طب اسنان ودة شئ جميل انك تكوني من الاول محددة انتي رغبتك تدرسي اية

هو كليه والسنه دي واخده مجموع 96.7%........</span>

ولا طب وأتخصص علاج طبيعى والله أنا شايفة إن الموضوع ده لسة بدرى عليه قوى المهم إن أنا عايزة علاج طبيعى جداااااا وحابة المجال وربنا يقدر اللى فيه الخير هههههههههه
[/b]


طالما بتحبي علاج طبيعي يبقي شدي حيلك وهاتي مجموع كبير وادخلي الكليه..

انا الحمد لله فيها وبحبها جدا...

الــــــــــــــــــــــــــــــــــــــــــــــــ ــــــــــــــــــــــــــلـــــــــــــــــــــــ ـــــــــــــــــــــــــــــــــــــــــــــه

السلام عليكم
طبعا انا اسف والله مش عندي وقت مشغول جدا في الامتحانات ادعولي
واوعد كل متابعي سلسلة مذكرات طالب طب اني هاكملها ان شاء الله
ومتشكر للي سال عليا وخصوصا اختي العزيزة نغم البحر و بري رئيس جمهورية المنصورة ونائبه واسلام رشوان حبيب قلبي

السلام عليكم
طبعا الكل بيسال انا فين متاسف والله عندي امتحانات
لكن هانكمل انهاردة اتحان الفارا الشفوي
رايح مذاكر كالعادة
المهم الدكتور اتاخر كالعادة بردة وانا رايح من بدري وبعد طوول انتظار قالوا الدكتور بتاعنا مش جاي
وهانتوزع علي دكتور تاني
المهم دخلت انا واتنين اصحابي للدكتور
اول كلمة قالها اقفل الباب ياولا
المهم قعدنا قاللي تحب اسالك في اية ياكتكت قلتله انا مذاكر كل المنهج وعالعموم اسالني في cns دة اصعب جزء في المنهج
المهم قعد يسال وانا اجاوب لحد ماقلتله ماعرفش بس هو عايز دي
قام قعد يقولي علشان انتوا مش بتحضروا محاضرات المهم هو يشتم ويزعق وانا اضحك
فواحد صاحبي مابيضحكش
قاله اضحك ياد وانت عامل زي اخر الشهر
المهم موبايلي رن قاللي اااااه طبعا كل واحد معاه موبايل ولو اب عنده 3 عيال وهو يبقوا 400 جنيه في الشهر
وتبقي ليلته سودا لو الواد بيحب كمان00000000000
كل دة وانا بتاسف وبعتذر والله مش قصدي يقولي اسكت ياكوتش ياكوتش
قلتله يعني اية هههههههههه
المهم جاء في الاخر بيقولي تدي لنفسك اية امتياز ولا جيد جدا ولا مقبول
قلتله انت شايف اية
قاللي ماديكش مقبول لكن علشان ربنا يباركلي في عيالي ومايطلعوش بهايم زيكم
هاديلك جيد جدا
قلتله شكرا
يتبع0000000000000000

<div align="center">

<div class='quotetop'>إقتباس</div>قاله اضحك ياد وانت عامل زي اخر الشهر[/b]


ده دكتور نكته

هههههههههههههه

انت اتشتمت يا دكتور

كل ده عشان حته تقدير

يلا كلمة تفوت ولا حد يموت

ايه وبعدين

منتظرين

.........</div>

<div class='quotetop'>إقتباس(مهرة @ Nov 3 2006, 11:56 PM) 237186</div>
<div align="center">

<div class='quotetop'>إقتباسقاله اضحك ياد وانت عامل زي اخر الشهر[/b]


ده دكتور نكته

هههههههههههههه

انت اتشتمت يا دكتور يااااااااااااه كتتتتتتتتتتتتيييير

كل ده عشان حته تقدير والله ابدا يامهره بس علشان ماتحولش لمجلس تادييب لو هارد عليه

يلا كلمة تفوت ولا حد يموت لاة الاحسن قولي ياما دقت عالراس طبوول وياما لسه هاتدق

ايه وبعدين للاسف يامهرة مش هاقدر اكمل باستمرار لاني عندي امتحان جراحة ادعولي

منتظرين
ربنا يسهل كل مالاقي وقت فاضي هاحاول سامحوني
.........</div>
[/b][/quote]

موضوع روعة يا دكتور احمد وشكلو هينطبق وفعلا الحلقات الاولى فيه نفس الي بيحصلي بالظبط وكأنك واقف ورايا :D
وكويس والله انك قولتلي ان هما بيشتمو عشان انا مش بستحمل حد يهزأني كتير بس شكلي هاخد على كده :D
يا مسهل :D
اخوك مغترب اولى طب اسكندرية :)

اهلا بيك يا مغترب صديق وطبيب جديد
على فكرة الكلية حلوة قوي ومش هاتحس بقيمتها الا لما تروح المستشفيات فعلا وحد يدعيلك دعوة كويسة لما تكشف عليه
هي دي فعلا القيمة الحقيقية للطب

انا نفسي فعلا اوصل لمرحلة المستشفيات بس لسه بدري :(

<div align="center">ربنا يوفقك يا دكتور احمد

ان شاء الله بالتوفيق وتحقيق امانيك

وما زلنا فى انتظارك


........</div>

السلام عليكم ورحمة الله وبركاته
انا أتأخرت شويه فى الردود علشان انا دخلت كلية الطب
ومكنتش عارف حاجة خالص
بس دلوقتى يعنى العملية اتصلحت والواحد بدأ يفهم
وربنا يستر على القادم.

مستنيينك د/ أحمد وربنا معاك في أمتحان الجراحة

وفعلا يا أحمد أنت قولت حاجة جميلة جدا أن فعلا الواحد بيحس بحلاوة الكلية دي بعد ما يخلص سنة تالتة ويخش في شغل المستشفى

فعلا عالم تاني خالص مع أن أنا يعني لسة في سنة تانية بس عندنا في الكلية في مادة بناخدها بتدربنا على الحاجات اللي بنعملها في المستشفى كبدايات بس
بس بجد أنا حاسس أن دي أحلى حاجة بناخدها في الكلية

السلام عليكم
لقد اشتقت لكم بعد طول غيااب
انه يوم امتحان البارا سايتولوجي
الصراحة مادة سهلة وجميلة فيها بندرس دورة حياة الحشرات والديدان زي البلهارسيا والاسكاريس
المهم الدكتور بيسالني سؤال
قولي يابني الناموسة بتقرصك بالليل ولا بالنهاار
قلتله في اي وقت زي ماهي عايزة
قاللي هو انت فاكر نفسك ازكي من الناموسة
الناموسة يابني بتقرصك بالليل طبعا قلتله طيب ليه ماردش عليا قلتله طيب ليه قعد يضحك
ممكن حد يفهمني ليه الناموسة بتقرص بالليل مش بالنهاار
اي حد في علووم طب ودرس بارا او حد من معلوماته العامة

ههههههههههههههههههههههههه:D

ايه يا بو حميد هو انت مساغرب ليه الناموسة بتقرصك بالليل مش بالنهار :D دي حاجة بسيطة بالنسبة للي بدرسه

ممكن بقي حد يقولي ايه علاقة طب الاسنان بدراسة \تشريح الضفدعة و الصرصار و عضم الكلب و الاسكارس
حعمل بيهم ايه

و مالي انا و مال النبات حعمل ايه لما اعرف الجذر و الساق و الاوراق و الخلايا

احنا مالنا احنا و مال الحاجات دي

و قال ايه بيقولوا علينا طب اسنان
هههههههههههههههههههههههههههههه

لا حول و لا قوة الا بالله

اولا وحشتني جدا يا اسلام
ثانيا دي اسمها سنة اعدادي والحمد لله اتلغت من طب عقبال ماتتلغي من اسنان
اما بالنسبة لتشريح الضفدعة فدة لازم لانه بيعلمك طريقة البحث العلمي ودة هاتحتاجة في يوم من الاياام
باعتبارك مش هاتقف عند الباكالوريوس بس
وماتزعلش يااسلام دة روتين التعلييم في مصر مش بس في اسنان
تقدر تقولي انا بدرس مادة زي النسا ليه وانا ممكن ماتخصصش نسا

احنا دلوقت بقينا في الفرقة الرابعة يعني بندرس عملي بقي ياجماعة
ودخلنا مستشفي الرمد وكل واحد فينا مزبرنشق ونسا بقي اللي حصل فيه من احداث حلوة ومرة
المهم رايحين بقي الرووند بتاع الرمد
عددنا 160 فرد في الروند ومعانا بنات يعني المفروض نكشف علي المريض واي كشف
انه النظر ياجماعة يعني عينه وطبعا كلنا عارفين عينه دي قد ايه
المهم قال ايه قسمونا خمسة كل يوم خمسة مننا هاياخدوا الشيت يعني هما اللي هايكشفوا والباقي يقف يتفرج ويستمع
طبعا قعدت علي ماجاء رقمي ودوري حوالي شهر وماشفتش حاجة خالص
انها اللحظة الحاسمة وجاء دوري لكي اثبت نفسي ووجودي
رحت الصبح بدري وسالت النايب علي اسم الحالة
ورحت اخدها اذ بي افوجأ بزميلاتي البنات حسبي الله ونعم الوكيل 0000000000 واقفين مع الحالة وملمومين حواليها
المهم رحت لهم طبعا ماقدرتش اتكلم احنا في بلد حاليا لهم حقوق اكتر مننا
ووقفت اشوف بيعملوا ايه يمكن استفيد
وعارفين كنت واقف فين ورا الراجل يعني عينه قدام وانا شايف قفاااه

يتبع0000000

السلام عليكم
عود احمد
انهاردة بقي يا جماعة امتحان الرمد ودة كان اول مادة في المستشفي
رايح بقي مش عارف الصراحة نظام الامتحان هايبقي ازاي
المهم الحالة كانت ptrygium اظن اللي في طب فاهمني
والمفروض معظم الحالات كاتاراكت(مياه بيضاء)
كشفت علي الحالة كويس هي صحيح غلبتني لكن كشفت بسالها عندك ايه ياحاجة قالتلي عنيا
وتسكت ياماما بتشتكي من ايه عنيا000000 عنيا 0000000
المهم كشفت عليها
والمفروض استني الدكتور اللي هادخله شفوي اذ بي افوجأ باني داخل للدكتوور عبد الباسط
ودة ياجماعة عميد الكلية سنة 75 ورئيس مستشفيات جامعة طنطا سنة 80 ومش عارف رئيس المنظمة المش عارف اية للحول
يعني من الاخر اليافطة قدام مكتبه واخدة من السقف للارض والله العظيم مش بكدب
المهم دخلت له قاللي انت من اين قلتله من المحلة قعد يشتم في المحلة واساتذة المحلة
قاللي اقعد قعدت علي كرسي بعييد في اخر القوضة
فضل يسال وانا اجاوب لحد مابسالني سبب المرض دة اية
هي اسبابة التعرض لدرجة حرارة
فبيقولي واحدة فلاحة تتعرض لحرارة ايه
قلتله الشمس في الارض قاللي وايه كمان قلتله بوتوجاز
قاللي هي مامتك عندها بوتوجاز قلتله ايوة قاللي عنيها تعباها
قلتله لاة قاللي خلاص يبقي السبب اية
قلتله فرن قاللي فرن قش يا حبيبي
قلتله ماعدش حد بيستخدمه
قاللي بقولك اية الشباك موجود ورايا هاحدفك منه
يلا قوم امشي
ودي ياجماعة كانت المادة الوحيدة اللي جبت فيها جيد
يتبع0000000

مستني ردودكم

والله احسن حاجة يا دكتور احمد انك بتقول الي هيحصل عشان اكون واخد بالي بس

يامسهل :)

عندك حق يا مغترب
لما نكون عارفين ممكن ناخد بالنا بس ازاى؟؟؟؟؟؟؟؟؟؟؟؟؟؟؟؟؟؟؟؟؟؟؟مش عارفة
انا كل اما افكر انى فى اخر السنة همتحن شفوى ودكتور زى ده بتصعب عليا نفسى من اللى هيحصل
ربنا يستر
و ع فكرة حكاية الرمى من الشباك دى منتشرة فى كل كليلت الطب
واحد قريبى فى سنة 4 فى عين شمس الدكتور قاله لو الشباك ماعلهوش حديد كنت رميتك و ارتحت
شكرا يا دكتور احمد

<div class='quotetop'>إقتباس(مغترب وبس @ Jan 16 2007, 11:07 PM) 256810</div>
والله احسن حاجة يا دكتور احمد انك بتقول الي هيحصل عشان اكون واخد بالي بس

يامسهل :)
[/b]
يا مغترب انا مش بحكي علشان اعقدكم انا بحكي لمجرد الفكاهة مش اكتر
يعني مش كل الدكاترة كدة
انا بس اللي حظي حلو كتيير

<div class='quotetop'>إقتباس(ranony @ Jan 17 2007, 12:58 AM) 256823</div>
عندك حق يا مغترب
لما نكون عارفين ممكن ناخد بالنا بس ازاى؟؟؟؟؟؟؟؟؟؟؟؟؟؟؟؟؟؟؟؟؟؟؟مش عارفة
انا كل اما افكر انى فى اخر السنة همتحن شفوى ودكتور زى ده بتصعب عليا نفسى من اللى هيحصل
ربنا يستر
و ع فكرة حكاية الرمى من الشباك دى منتشرة فى كل كليلت الطب
واحد قريبى فى سنة 4 فى عين شمس الدكتور قاله لو الشباك ماعلهوش حديد كنت رميتك و ارتحت
شكرا يا دكتور احمد
[/b]
اولا يا دكتورة انا بشكرك علي مرورك الجميل
ثانيا احب اعرف انتي طب اية والفرقة الكام
واحب اقولك ان مش كل الشفوي كدة بس اهم حاجة تعملي اللي عليكي وتذاكري بس
اما بقي تدخلي لدكتور مين او هو هايديكي درجة او لاة دي بتاعة ربنا

انا فى الفرقة الاولى
طب عين شمس
شكرا يا دكتور احمد على اليوميات و فى انتظار المزيد
thank u

<div class='quotetop'>إقتباس(ranony @ Jan 17 2007, 07:03 PM) 257035</div>
انا فى الفرقة الاولى
طب عين شمس
شكرا يا دكتور احمد على اليوميات و فى انتظار المزيد
thank u
[/b]
اهلا بيكي يادكتورة وبالتوفيق ان شاء الله
ومتشكر لمتابعتك لليوميات

هههههههههههههههههههههههههههههههههه


اللي يعبطك يا منصف

ايه ياد الحلاوة دي

انا مستنيها تكلم ان شاء الله

و ارجع بسرعة و بطل لف و انتتا فاهمني طبعا :lol:

<div class='quotetop'>إقتباس(اسلام رشوان @ Jan 19 2007, 07:20 PM) 257589</div>
هههههههههههههههههههههههههههههههههه


اللي يعبطك يا منصف

ايه ياد الحلاوة دي

انا مستنيها تكلم ان شاء الله

و ارجع بسرعة و بطل لف و انتتا فاهمني طبعا :lol:
[/b]
اولا نحب نرحب بطبيب الاسنان اسلام رشوان
وطبعا كلنا سناننا بايظة ومستنينه
لكن مش علشان يعالجها لكن علشان نشيلها ونركب طقم عند دكتور كويس غيره
مين بقي اللي يعبطك؟
وهي مين اللي مستنيها؟
وارجع من اين وانا بلف فين ياااد؟

ما خلاص يا جماعة

المهم كمل يا دك

دة أحنا باين علينا هانشوف أيام سودة في السنين اللي جاية

ده على كدة أولى وتانية دول مية

السلام عليكم
انهاردة بقي يوم تاريخي وهو اول يوم ليا في سنة خمسة
ودي سنه مهمة لاني هاتعامل مع المرضي بجد مش زي الرمد عن طريق اجهزة وكدة يعني
المهم بندرس في هذه السنة مادتين هما الباطنه والاطفال
وفي اول يوم ليا في المستشفي قلت ياواد ارمي السنين اللي فاتت ورا ظهرك وانتبه بقي للي جاي
افتح صفحة جديدة مع الكلية
المهم رحت المستشفي بدري قوي قوي واذ بي اري الصفوف الامامية محجوزة لزميلاتي الاعزاء والاحباء
المهم قلت ماتتعصبش فيها اية اقعد وراهم
قعدت وسمعت الشرح
طبعا المفروض ان فيه مريض نايم علي شازلونج والروند عدده 80
والدكتور بيشرح
يقوم مجموعة من الزملاء واقفين حولين الدكتور
اللي قاعد مايشوفش
قمت جاي قايم انا كمان
يادوبك شفت ظفر المريض
قلت المرة اللي جاية بقي يابوحميد اجمد كدة واصحي بدري بقي
نفس الموضوع هو هو
طيب اعمل اية
يتبع00000000000000000

وبدات بقي السنة الجديدة ومادة الباطنة
المهم علينا حاجة اسمها شيت يعني بنكشف علي المريض ونناقش الموضوع قدام زمايلنا وقدام الدكتوور
ورحت اكشف علي الراجل الصبح قبل الروند
الراجل اسمه عاشوور
عنده ازمة يعني مريض صدر بقاله 15 سنة
بيقولي انا هنا من ايام ماكانت المستشفي دي بتتبني
المهم دخل دكتور كبير بيمر علي العنبر
قاللي عارف الدكتور محمد دة كان بيلعب معايا كورة قدام المستشفي ايام ماكان طالب
طبعا وانا قاعد مزهوول
سالته عندك ايه
رص كلام ولا كلمة عربي
كله انجليزي وانا طبعا في اول السنة نص المصطلحات مش عارفها
يعني بيقولي wheezy chest
crepitation
وانا متنح بقوله الاسبيل بتاعها ايه ياعاشور
المهم جيه في الاخر وقاللي عايز تمن البخاخة يابيه قلتله كاام قاللي 20 جنيه قعدت اضحك
قاللي بتضحك ليه قلتله انت بتنزل الروند كل يوم قالي ااه
قلتله يعني يوميتك بعشرين جنيه قاللي ايوة هاتقر عليا
قلتله انا لما اتخرج هاخد 200جنيه في الشهر يعني كام في اليوم ماتجيش 7 جنيه
حسبي الله ونعم الوكيل

ههههههههههههههههههههههههههه

علي رايك و الله يا ميدو حنعمل ايه بـ 200 جنية دول

ده انا بصرف اضعافهم و انا في اول سنة

<div class='quotetop'>إقتباس(اسلام رشوان @ Jan 28 2007, 10:34 PM) 260972</div>
ههههههههههههههههههههههههههه

علي رايك و الله يا ميدو حنعمل ايه بـ 200 جنية دول

ده انا بصرف اضعافهم و انا في اول سنة
[/b]
لا لا لا يا اسلام
ان شاء الله ال200جنيه هاشحن الموبايل بميه
والميه التانية اعمل جمعية علشان اتجوز بيها
طبعا لو ماكانش ليا اصحاب زيكم كل يوم اعزمهم وكدة يعني

<div align="center">موضوع جميل يا دكتور احمد...وانا يمكن لسه مابداتش الكلينيكال بس هبدا ان شاء الله السنه الجايه

والمستشفيات والراوندات....بس حاليا ساعات بنزل عياده الكليه اشوف العيانين بيصعب عليا الحالات جدا.....

<div class='quotetop'>إقتباس</div>علي رايك و الله يا ميدو حنعمل ايه بـ 200 جنية دول

ده انا بصرف اضعافهم و انا في اول سنة
[/b]


فعلا دول مش يكفوا حاجه خالص ولا حتي بنزين العربيه او اي حاجه...

بس قالوا هيبقي فيه كادر جديد للاطباء...

بس انا مش بتفرق معايا المرتب قد ماتفرق معايا علاج المرضي..اهم حاجه الثواب ان شاء الله عند ازاله الالام عن المرضي </div>

بسم الله الرحمن الرحيم
يوميات جميله اوي يا دكتور :)

انا بشكر الدكتورة فلاوز
وربنا يوفقك

<div class='quotetop'>إقتباس(بحرالحب @ Jan 29 2007, 10:39 AM) 261127</div>
بسم الله الرحمن الرحيم
يوميات جميله اوي يا دكتور :)
[/b]
انا بشكرك يابحر الحب علي مرورك
الجميل الناس اللي بيشجعوني علي استمرار المذكرات

والله بجد فكرة جمييييييييلة
وانا ان شاء الله حتابع المذكرات الجميلة دي علي طوووووول
ســــــــلام

السلام عليكم ورحمه الله وبركاته
على فكره يا دكتور أحمد موضوع جميل جدا وكنت عاوز اقول لحضرتك انى زميل فى كليه الطب جامعه اسكندرية
بس زى مافى سلبيات كتير وتكاد تطغى على الايجابيات بس الموضوع له مزايا كتير كفايه ان ربنا يوفقك ويجعل شفاء مريض على ايديك تخيل مقدار ما ستأخده من دعاء ................
وكمان نفسى تجذب الناس للكليه مش تنفرهم منها يعنى بلاش التهويل ده مع انى معترف انى كرهت الكليه فى السنوات الاولى بس بعد كده جميله جدا وشيقه جدا

اتمنى ان نكون اصدقاء وياريت ردى ما يبقاش دمه تقيل

اول حاجة انا زي ماوضحت في الاول الهدف من الموضوع هو اضفاء نوع من البهجة وروح الدعابة علي المنتدي كله
ثانيا الحمد لله ربنا وفقني في الكلية وخلصت واشتغلت طبيب وعرفت قيمة هذه المهنة العظيمة
ثالثا ودة الاهم ان الناس كلها عارفة مميزات هذه الكلية وقلت اعرف الشباب مش عيوبها لكن علشان ماحدش يفوجئ بحاجة مش عارفها
وعلي فكرة ردودكم بتسعدني حتي لو فيها نقد ليا
وشكرا علي مروركم

السلام عليكم كيف الحال د احمد انا من سورية في طب عين شمس سنة اولى ولسه الان واصل وا فاهم شي ومو مذاكر والميد تيرم عالبواب برجاء انصحني لاني خايف كتير وما عم بعرف كيف ذاكر وعم فكر انقل من الكلية

انا بقى نفسى احكى حكايتى
انا فى الثانوية كنت مقضيها وماشى بنظام طنش تعش تنتعش وبذاكر المختصر المفيد المهم فى تانية جبت 97.8 وجبت مجموع كلى 98.5 المهم اهلنى لدخول طب القصر العينى المهم ماكنتش اعف ولا واحد فى الكلية وفىيوم حفلة الترحيب كنت قاعد لوحدى باندب حالى المهم اول يوم كنا فى رمضان يعنى مفيش سكاشن رحت اول يوم الساعة 11 وخلصت الساعة 2 وخدت بعضى وروحت وانا بدعى ع الدكتور لانى لسة قدامى مشوار المهم روحت وبعد اسبوعين بدا عالعمل واول سكشن كان التشريح ومش هوصف الجثث انهاردة خليها بكرة
انتظروا الحلقة القادمة من حكايتى اللى هتبكيكوا

انتم محظوظين يا دكتور احمد كان علي ايامكم جثث اما احنا غلابه &واكثر ناس مظلمين بتوع سنة اولي بيكونوا طلعين من الثانوي الي الجامعة مش عرفين ايه النظام ومفكرين الجامعة زي اللي بيشفوه في tvوعقبال مايفهموا بتكون السنة اوشكت علي النفاذ واسوا الامتحانات عملي anatomy واحب اقول لكل من يرغب في دجول كلية طب المواد والموضوعات العلمية شيقة جدا وخصوصا الphysiology اذا فهمته علي حقيقته

اكيد يا دكتور احمد بتحس بعد العشره دي مع الكلية واصحابك اللي فيها انها بيتك وبشكرك علي اليوميات الجامدة اووووووووووووي

رااااااااااااااااااااااااااااااااااااااائع

بارك الله فيكم

:av4056bb7jp3:بارك الله فيكم