السلام عليكم ورحمة الله وبركاته
ربما اكون قد تاخرت فى كتابة مذكراتى الخاصة بالامتحانات ويالها من يوميات حافلة بالاحداث طالما قررت ان تسير ضد التيار طالما قررت ان ترفع سلاح الايمان ضد مايسمى بالغش .
المشكلة من نحارب الغش نفسه ام الطلبه الغشاشين او اولياءء الامور الذين يهملون ابناءهم طول العام ثم يقررون مساعدتهم فى اخر العام من خلال الغش ام المدرسين المقتنعين بالغش ام كل هؤلاء وغيرهم
حتى لا اطيل عليكم نبدا حكاية اليوم
' ركبت السيارة كالمعتاد وعقلى مشغول بما سيحدث اليوم فنحن كل يوم فى لعبة القط والفار . وصلنا اللجنة بحمد الله وقابلنا رئيس اللجنة بابسامته المعتاده وقال لنا كما يقول من اول اللجنه ( كل واحد فيكم حر فى لجنته )
ولك ان تفهم المعنى يعنى تظبط نفسك يغشو من بعض ماشى حد يمليهم ماشى لو اضطر الامر لكتاب ممكن نفكر هههههههههههههههههههههههههههههه
المهم دخلنا اللجنة واكرمنا الله بمراقب دور امين متدين يحب الازهر ( يحارب الغش ) فكانت سعادتى كبيره بدا الطلبه فى الكل وطبعا لم يكفو عن محاولات سرقة كلمه من هنا جملة من هناك وانا وزميلى نحاول بشتى الطرق منعهم مع الحفاظ على الهدوء الا انه فى لجنة الادبى كان الامر مختلف سمعت اصوات عالية وبعد انتهاء الامتحان سالت زميلى عما حدث فاخبرنى بالاتى

هناك طالب طلب ان يشرب فشرب ثم طلب ثانية ان يشرب فجاوا له بماء فشرب ثم طلب ثالثا ان يشرب (شكلها غلاسه صح ) وبعدين طلب شاى فجابوله شاى المهم لما فشل فى عمل ذعر فى اللجنة قال عايز اسلم الورقه ونصف الوقت ماانتهاش قالوله لما نصف الوقت يخلص قام وقف وبدا يتكلم بطريقه مش كويسه فمراقب الدور طبطب عليه وقاله اقعد يابنى حل فلما انتهى نصف الوقت خرج الى بيته مباشرة واخبر والده ان مراقب الدور ضربه فجاء الاب مسرعا الى اللجنىه حاملا سيف الانتقام وشتم وهدد كل من كان فى اللجنه وطبعا مهما يفهمو فيه هو طبعا مصدق ابنه الا ان موجها رد عليه بطريقه شديده فتوقف عن السب وكان السؤال على كل الاذهان ( ماذا ينتظرنا خلف الاسوار ( سنج - مطاوى - طوب ) توكلنا على الله وخرجنا لنركب السيارة عائدين الى بيوتنا وفى الطريق وجدنا والد الطالبب ومعه اثنات وقام بالاعتذار لمراقب الدور ولمراقبى اللجنه وقال ران ابنه مثل ابنهما (طامعا فى ان يكون الغد افضل من اليوم ) فهل ياترى هل سيظل هكذا عندما يعرف ان ابنه لم يغش اليوم التالى
هذا ما سنعرفه فى قصة الغد ان اكرمنى الله ونجوت من معركة الغد والا فاسلو لى الله ان يتقبلنى فى الشهداء

الف شكر يا مستر

جميلة جدا

فى انتظار المزيد من حضرتك

يا سلام يا مستر فكرة جميلة جداً و دمها خفيف

كلنا بنواجه المواقف دى فى الإمتحانات

والسبب هما دايماً أولياء الأمور

ياريت المرة الجاية تكتب إسم المعهد

وتوضح تفاصيل أكتر

وأنا اضمنلك إنتشار وتفاعل أكبر من القراء

وإهتمام أكثر من المسئولين

واليوميات دى هتبقى بداية حقيقة لفضح ممارسات الغش فى المعاهد الأزهرية

أمثال حضرتك هم الذين يبنون بالفعل مصر و يصلحون من حال الأزهر

أما كل من يحرض على الغش ويسهله

فتأكد أنهم فى مزبلة التعليم ...

السلام عليكم ورحمة الله وبركاته
اليوم احكى لكم ماحدث اليوم بعد ان عدت سالما والحمد لله
كالمعتاد وكما ذكرت فى القصة السابقة استقبلنا مسئولو اللجنه بترحيب متمنين ان يكون اليوم افضل من الامس يعنى (المفروض نبحبحها شويه ) مع ان العملية شكلها اكتر من البحبحة اخذت لجنتى وكلما مررت على لجنة اشعر بدعاء الطلبة ( يارب ميكونش علينا ) ولما اعدى احس بيهم بيقولو الحمد لله ( ربنا ياخده ويريحنا منه ) المهم دخلت لجنتى وكانت ادبى وزعت الورق وبدا طالب يتحدث عن حكاية الامس ويقول مراقب الدور امبارح ضرب طالب قلتله يابنى دا كان بيطبطب عليه غريبه اوى اليومين دول لما المدرس يطبطب على الطالب يبقى ضربه اما لما الطالب يشتم المدرس ويمكن يضربه كمان يبقى صاحب حق ( الفين خساره على التعليم ) اه نسيت اقولكم مراقب الدور اللى ظبط اللجنه امبارح كان احتياطى انهارده ( اصلة اخل بالنظام امبارح لما منع الغش) وبسرعه كما يحدث كل يوم الشاى جه بسرعه وطبعا زى مابيحصل كل يوم بنقولهم شكرا لاننا بنشترى فى كل لجنه الشاى والسكر من معانا لاننا عارفين الشاى بتاع المعهد بييجى منين ( ؟؟؟؟؟؟؟؟؟) فكروا انتو فيها المشكلة ان الطلبه فى اول ربع ساعة طلعو (البرشام ) ملخصين الكتاب بتاع المنطق احلى تلخيص والله لو استغلو الوقت ده فى المذاكره كانو نفعو ; خدت منهم البرشام ومرضيتش اعمل حاجه اكتر من كده ومع ذلك زعلو واعتبرونى من اعداء النجاح وظلت نظراتهم طوال اللجنه مختلفه عما سبق نظرات حقد ربما تهديد اما الطلبه المجتهدين فكنت ارى فى عيونهم السعاده وكأنهم يقولون (برافو عليك يا مستر ) . انتهى الوقت بسرعة اصله ساعة ونصف انهارده سلمت الورق لمراقب الدور واسرعت خارجا من بوابة ( السجن ) اقصد المعهد
متمنيا الا اعود اليه مرة ثانية.
حتى نلتقى فى قصة الغد اسألكم الدعاء لى بالثبات

إنت فيييييييييييييييييييييييييين

يا طنطاااااااااااااااااااااااااااااوى

وفقك الله يااستاذى الفاضل

ربنا امعاك طبعا لكن فى الحكاية دى ظلم المفروض الجن لتغش كلها لتشد كلها ممكن يكون طالب هارى نفسة فى المزاكرة والتانى بيلعب ودا غش ودا مغشش ودا بيغش طول السنة ودا مبيغشش طول السنة المهم يجى اخر السنة يلاقى البلعب جايب اكتر منة ويغيظة ودا حصلت معايا شخصيا ومش هقلك انة ممكن يغش يوم والتانى يشد لا اصلا وسايطة كتيرة ومسنود اوى فكل يوم يغش من اول الصف السادس الابتدائى الى حتى الان وياريت بيذاكر حتى ولو ربع ساعة دا مبيشفش الكتاب وكل الاولاد المعاة بتغش طبعا ويطلعوا فرحانين مع انهم ميعرفوش يكتوبوا اسمهم فبيتحرق دمى واشتم على الازهر وعلى اليوم الدخلت فية الازهر فلية كدة وشكرا وامل ان اكون ومخعظم المدرسين معندهمش ضمير فى الجنة العادية يحرقها تحت الحديث(من غشنا فليس منا) لكن لما يكون واحد معرفة ينقلب الحديث ويدور علشان يغششة برضوا دا كلام ربنا يصلح حال الازهر وامل اكون مطولتش عليك وربنا امعاك وينتقم من البيغشش وميراعيش ضميرة والسلام عليكم

ارسل لى احد اعضاء بوابة الثانوية وهو

ahmedkuwit

رسالة خاصة
والنص بتاع الرسالة كان غريب
" نت يا بنال*****ه يا اهبل لو حاربت الغش تاني انا ***** ديك امك"
المشكلة انه مااكتفاش بكده فبعت كمان رسالة ودانصها
"هو يا ******* لما ميكونش فيع غش هنحل ازاي عاوز تفهمني انك مكنتش بتغش يا ابن ال**********""
طبعا انا شلت الكلام اللى مينفعش ينكتب
وبقول للاخ احمد انا متشكر جدا لانك كده خلتنى متاكد انى صح لان الحق دايما بيبقى ليه اعداء واذا كنت بتشتم وبيتهيالك انى مش هعرف اخد حقى منك ففى الاخرة اكيد هاخده وان شاء الله سنكمل المشوار رغم كيد الكائدين وحقد الحاقدين.
وياخسارة يابوابة الثانوية

جزاك الله خيرا على الموضوع
بس انا شايفه ان الطلبه احيانابيكونوا مظلومين

والله والله حرام انا ببقى حاسس اللى انا قاعد فى سوق مش فى لجنة

وكل يوم العيال بتلم من بعضها فلوس وشغالين حاجة سقعة ببس

والواحد مبيعرفش يركز خالص وهز قاعد فى اللجنة

أخي سليمان
شكرا علي مجهودك الرائع وبإذن الله سيقضي تماما علي الغش طالما هناك من يدعو للإصلاح

أما بالنسبة للحشرة الذي أرسل لك رسالة علي الخاص فهو ذبابة من بين ملايين الحشرات وبإذن الله سيأخذ علي رأسه بالشبشب وسيظل ذليل غشه يتسول حتي النجاح ولا هم له في الدنيا سوي السرقة حتي يلقي من يمهل ولا يهمل هو وكل غاش

السلام عليكم
ربنا يكرم حضرتك و يبارك فى حضرتك يا استاذنا

حقيقى بفرح عندما ارى امثال حضرتك
ممن يحاربو الغش
و ربنا يعين حضرتك

لكن معلش لى سؤال عند حضرتك انا ما فهمت هذه الجمله


لاننا عارفين الشاى بتاع المعهد بييجى منين ( ؟؟؟؟؟؟؟؟؟)

بييجى منين ؟؟؟؟؟

لكن معلش لى سؤال عند حضرتك انا ما فهمت هذه الجمله


لاننا عارفين الشاى بتاع المعهد بييجى منين ( ؟؟؟؟؟؟؟؟؟)

بييجى منين ؟؟؟؟؟
للاسف بعض الاداريين بيستغلو موضوع الامتحانات تجاريا وبيجمعو فلوس من الطلبه التعبانين الغشاشين عشان يجيبو شاى وحاجة ساقعة للمدرسين المغششين وربنا ينتقم من الجميع

ااهااا
انا كده فهمت
حسبنا الله و نعم الوكيل فى كل من يفعل مثل ذلك
شكرا لحضرتك على التوضيح

السلام عليكم ورحمة الله وبركاته

ها قد اتى اخر يوم فى امتحانات الثانوية الازهرية وكلنا عارفين ماكان يحدث فى يوم المستوى الرفيع من غش وكتب وبرشام وطبعا مش هقدر احيلكى اللى حصل جوه اللجان بالتفصيل لانى بقالى فترة احتياطى لأنى من اعداء النجاح ................... اقصد اعداء الغش لكن زملائى يعنى بعضهم مش هقول كلهم حكولى عن كمية الكتب والمذكرات اللى طلعوها من الطلبة وفيم ناس منعو الغش فى لجانهم

المهم اللى عايز اقوله

ياجماعه اهو انا مغششتش ومش لوحدى فيه غيرى مغششوش والحمد لله منسخطناش قرود ولا ودونا مشتشفى المجانين ولا قطعونا بالمطاوى او ضربونا بالجنازير حتى لو كانو عملو كده كنا هنحتسبه عند الله وكلنا فداء للازهر اللى للاسف فيه ناس كتير ميعرفوش قيمته بس فيه فرق بينا وبين الجماعه اياهم احنا طالعين مرفوعى الراس لاننا لم نذلها لغير الله اماهم فاعتقد انهم اذلو انفسهم لمجموعه من الحثالة الفاشلين واناشدهم ان يراجعو انفسهم ويتوبو ا ويعقدو العزم ان يناضلو ا معنا لاصلاح الازهر .

الله اكبر ويحيا الازهر

السلام عليكم

ربنا يكرم حضرتك يا استاذ و يجعله فى ميزان حسنات حضرتك

و فى شيئ بالنسبه لهذا الموضوع
بعض الطلبه او المدرسين يعتقدون
ان حرمه الغش
على الذى يطلب الغش فقط
و الذى يساعد عليه
لا شيئ عليه
بمعنى
هو ينظر انه بذلك يفعل الخير
لانه بيساعد
بيساعد الطالب انه ينجح
او بيساعد زميله انه ينجح
و مش معترف انه هذا يعتبر غش
بل هو مساعده و تعاون

و الله هذا حدث و سمعت هذا من احد طلاب الازهر





عذراا للاطاله







الله اكبر ويحيا الازهر

جزاك الله خيرا أما أنا طوال 20 سنة عمل فى الازهر لم أندب الا 5مرات تقريبا و أراحنى الله من هذا الغلب ده لأننى من الذين يثيرون الطلبة كما يدعون اللجنة كانت فى معهدنا سوق جميع المشروبات والاكلات و استخدام تليفون المعهد والله رأيت ذلك من الاداريين بيصحوا ولادهم من النوم منه و كلهم فى اللجنه ولا يوجد ادارى واحد يمشى العمل الادارى الخاص بالمعهد ودى نتجة دخول جميع الاداريين اللجان