_-_ِِلو عندك استفسار ..تعالا اسئل يا بشمهندس_-_© [الأرشيف]

مشاهدة النسخة كاملة : _-_ِِلو عندك استفسار ..تعالا اسئل يا بشمهندس_-_©

Eng.Sherief

20-06-2009, 12:51 AM

بسم الله الرحمن الرحيم
الموضوع ده يا جماعه
معمول عشان نشوف استفسارات المهندسين الجدد
لو حد كان محتار ف حاجه
عنده سؤال عن قسم معين
اى حاجه
اسئل وهنحاول نجاوبك :stickjo4::stickjo4:
وياريت المهندسين القدام يشاركوا ف الموضوع :slap1qk6:

ومعلش الموضوع معمول بدرى ..بس المنتدى ناااااااااايم اوى فقولت اكهربه بموضوع ولا حاجه يمكن يعيش :d:d

اخوكم شريف - اولى هندسه حلوان

BaNZeR

20-06-2009, 07:32 PM

طيب بما إنك عايز تكهربه عايزك تتكلم شوية بقى عن الكهربا قصدي قسم كهربا

احكيلنا عنه شوية مبيناً الشعبتين الآتيتين
كهربا باور
اتصالات

وايهم اوفر مجالا بالعمل

EnG.BeLaL

20-06-2009, 10:43 PM

الحقيقة انا من زمان نفسي الاقي حد يساعدني في المنتدى ده
لانه فعلا نايم و انا حاولت اكهربه كتير :blush: بس للأسف كان بدون اي فايدة
و مفيش غير اسامي معدودة بس اللي موجودة فيه ,بس اشكرك فعلا يا باشمهندس على موضوعك الجميل
و الحقيقة انا كمان نفسي اعرف عن قسم كهربا اكتر :)

Eng.Sherief

21-06-2009, 12:30 AM

هههههههههههههه
جيتوا على الجرح :blush:
بصوا انا ممكن اكلمكوا على اتصالات حلو اوى
لان معظم اصحابى ف الكليه اساسا اتصالات
أما باور بقى
إاسمعوا وأقروا مأساتى
------------------
انا كنت ناوى على اتصالات ..وف اخر السنه بفكر
لقيت ان احسن قسم باور ف مصر هوا قسم باور حلوان
فحيراااااااان جدا
وطبعا لانى مش عارف قسم باور كويس فمحتار جدا جدا
بس الحمدلله
قريبا هقابل واحد من باور وهقعد اتكلم معاه واحاول افهم منه

ومش تنسوا يا جماعه
صلاااااااه الاستخاره

وانا هجبلكوا كام حاجه مكتوبه على قسم باور لقيتها وانا بدور على النت
ده كلام طالب ف جامعه القاهره

السنه الدراسيه : تالته باور

تعريف بالقسم في سطور :

القسمبتاعنا باختصار .. اسمه الصح .. قسم القوي والالات الكهربيه .. المتعارفعليه ب قسم باور .. قسمنا دا بقي بيختص بكل ما يمت بصله من الات وكهربا

المقررات الدراسية الأساسية في القسم :

المواد الدراسيه الرئيسيه بتاعه قسمنا

electric material
circuits1 ,2
machines 1, 2 3
signal
high Voltage
measurement1,2
power electronics1,2
control 1,2
electric protection
utilization and generation
power system1,2

math
التدريبات التي يحتاج إليها الطالب أثناء الدراسة :

في اثناء الدراسه .. احنا بندرس كورسات معينه رئيسيه لينا ..

MatLab
و ده مهم جدا لكل الناس اللى فى القسم و انتو هاتسمعوا عنو فى الترم التانى بس مش كيتيير قوى
Micro controller
PLC( programmable logic control )
auto cad
و دا للناس اللى هاتخش مشروع توليد و استخدام القوى فى تالتة او رابعة

تفرعات قسم باور :

جواقسم باور في ست اقسام.. دول بيبقوا اساساسك ف الشغل .. بس انت مابتتقسمشلاي واحد فيهم غير ف اخر تالته ببروجكت صغير كدا .. وفي اول رابعهبالمشروع طبعا .. ايههما بقي الاقسام السته دول ؟
6 sub dept.

high voltage

machine
control
utilization
power system
power control

and the graduate engineer work as a power engineer
يعني كل حاجه لازم يكون بيفهم فيها .. عشان كدا التقسيمات دي مابتبقاش ف اولي ولا تانيه .. بتبقي ف الاخر خالص http://unimasr.com/community/images/smilies/smile.gif
يعنى انتا بتتطلع تشتغل مهندس بور فالازم تكون فاهم فى كل حاجة

مميزات القسم :
احدالمميزات الرئيسيه ف القسم ان مجالاته واسعه .. نظرا لتعدد الاقسام زيماحنا لسه قايليين فوق .. دا غير ان ممكن تجيب فيه تقديرات بسهوله .. نوعاما مش صعب زي بقيت الاقسام التانيه لو كنت بتحب المجال نفسه و كترالتفرعات دى دليل على تعدد مجالات العمل
كمان القسم بينضم للاقسام الحيوية التلاتة
اللى هما مدنى و ميكانيكا و كهرباء

عيوب القسم :
من اهم عيوب القسم
ان المشروع فى سنة رابعة بالتقديير و ده بيعمل كل سنة مشاكل
و كمان بعض مشاريع تالتة فى ناس عشان تقديرها فى تانية مكنش عالى ..مش دخلت المشروع اللى هيا عايزاه

حاجة كمان ..مش عارف دى ميزة ولا عييب ..ان القسم مشهور بالتقارير الكتيرة سواء
hard or soft copies
لازم يكون التقرير بتاعك كويس عشان تاخد درجات
برده احنا ساعات كونا بناخد مواد من برا القسم و مش ليها اى علاقة بينا بس مش كتيير ممكن مادة واحد فى السنة ولا حاجة
هل يجب ان تتوفر في طالب هذا القسم مهارات معينه؟؟؟؟
انك تعرف تشتغل تحت ضغط
بتحب المواد الذى الكهربية و المغناطيسية و الدوائر الكهربية لان دى اساسيات القسم
انك تكون داخلة عشان بتحبه و دى اهم ميزة

مجالات العمل:

الميزهفي قسم باور انه منتشر .. يعني ف كل حاجه هتلاقيه .. اي مصنع .. محطاتطاقه .. محطات توليد .. مصانع تشغيل وتوزيع .. اي مؤسسه مهما كانتمابتستغناش عن مهندس الباور .ودي يمكن الميزه اللي بتشفع لقسم باور .. حتيف المكاتب الهندسه .. مابتلاقيش مكتب من غير مهندس باور وحتي الفنادق

كفايا كدا

واللى يعرف حاجه يقول
انا فاشل زيكوا لسه محددتش قسمى
:av4056bb7jp3::av4056bb7jp3:

BaNZeR

22-06-2009, 01:57 AM

أحمد بلما

22-06-2009, 04:35 PM

السلام عليكم
والله فعلا الواحد معدش بيدخل غير عشان يشوف المشاركات بس نظرا لصعوبة التواصل عبر بوابة الثانوية نتيجة ان معدش مهندسين جدد بيدخلو
بس خير ان شاء الله
شوفوا يا باشمهندسين
دا رابط منتدي طلبة هندسة القاهرة بيضم كل طلبة ودكاترة الكلية وفيه مناقشة للاقسام وتقدروا تتناقشوا فيه حول اي قسم انتو عايزينه
وانا اسف لو وضع الرابط بيخالف قوانين المنتدي بس انا هدفي الافادة والله

EnG.BeLaL

23-06-2009, 01:08 AM

EnG.BeLaL

23-06-2009, 01:09 AM

متشكرين اوي يا باشمهندس شريف على معلومات قسم باور

Eng.Sherief

23-06-2009, 04:35 PM

السلام عليكم
اولا عذرا للتأخير

قسم اتصالات

ده كلام المعيده:ايناس صقر
من جامعه القاهره
الاسم: إيناس صقر

معيدة بقسم اتصالات

الماده الدراسية التي أقوم بتدريسها: موجات كهرومغناطيسية
تعريف بالقسم في سطور

قسماتصالات من أجمل الأقسام في الكلية و من أكثرها ارتباطا بروحالعصروالتكنولوجيا . يهدف إلى دراسة الالكترونيات و الاتصالات الكهربيةويهتمبالمقاييس المتناهية قي الصغر.. هتعرف ازاي حاجات كتيرة بتشتغلمنأولالتليفزيون لحد المحمول و ما هو أحدث

المقررات الدراسية الأساسية في القسم

كل قسم فيه أولا مواد أساسية زي الرياضيات و الفيزياء لكن مواد القسم هي:

<دوائر كهربية

لدراسةتحليلالدوائرالكهربية و علاقات الجهد و التيار و تأثير المقاومات والمكوناتالأخرى علىالتيار المتردد و المستمر.بتدرس في أول سنتين

الكترونيات
وهيمعتمدةشويةعلى مادة الدوائر بس بتتدرس على مدى الأربع سنين. بتهتمبتحليلالدوائرالالكترونية و دؤائر الترانزستور و تصميم الدوائر لتنفيذوظائفمعيننة مثلتكبير الجهد أو الإحسساس بالضوء و الصوت ...إلخ. أوتصميمالدوائر المنكاملةو دوائر الذاكرة..و دوائر الإرسال و الاستقبال

إشارات

ديمادةفيسنة تانية بس أساسية جدا لمواد أخرى زي الاتصالات و التحكم,بتدرسقيهاتحليل الإشارات و تحويلها لعمل تعديلات أو حساباتعليهاباستخدامالكمبيوتر.. و دراسة الإشارة و تحليل تردداتها وتغير الإشارةمعالزمن

اتصالات

مادةفيسنةتالتة و رابعة و أهم مادة,بندرس فيها نقل الإشارات و طرق رفعترددهاوتجهيزها للإرسال.. الهدف الرئيسي هو استقبال الإشارة و فكشفرتهابأسلوبصحيح و دراسة احتمال الاستقبال الصحيح. المادة دي من أجمل وأظرفمواد القسم

مجالات و موجات كهرومغناطيسية:

بتبتيمنسنةتانية, بندرس فيها المجالات الكهربية و المغناطيسية أولا ثمندرسطبيعةالموجات الكهرومغناطيسية و انتشارها في الوسط سؤاء كان هواء أوكابلأوغيره, كمان بندرس الهوائيات (الإريال) و أنواعها .. دةغيرهندسةالليزر والضوئيات. المادة دي ظريفة و عايزة قدرة على التخيل

تحكم

سنة تالتة و رابعة, بندرس فيها طرق التحكم في الأنظمة المختلفة لأداء وظائف معينة , مفيدة جدا للتحكم في المصانغ و في مجال البترول

حاسبات

منأولسنةأولى , فيها مواضيع مختلفة في الهاردوير و السوفت وير. بندرستصميمالحاسباتالرقمية و طرق توصيلها مع الذاكرة و كروت الصوت..إلخ, وكماندراسة لأنواعالذاكرة المختلفة.. و في موضوعات في البرمجة و دراسةالشبكاتالتدريبات التي يحتاج إليها الطالب أثناء الدراسة

تركيب الدوائر الالكترونية

- البرمجه
matlab- c/c++

microcontrollers

الوظائف التي ممكن أن يلتحق بها خريج القسم

مهندسي التنفيذ و التصميم و الصيانة في شركات الشبكات الأرضية و اللاسلكي

[]mobinil- vodafone- itisalat- (alcatel-lucent)-hawaui
[]مراكز توزيع الشبكات و السنترالات
[]البنوك الذكية و تأمينها
[شركات البترول و المصانع المختلفة
]شركات التصميم الالكتروني
ibm-valeo-mentor graphics- …..
it engineer in any company or association.

عيوب القسم

الدراسة تحتاج لمجهود<

لازم تاخد كورسات في البرمجة مثلا عشان تنمي قدراتك و تتعلم حاجات تفيدك في مشروع التخرج<هل يجب ان تتوفر في طالب القسم مهارات معينه؟

المواظبة على المذاكرة<
التعامل مع الكمبيوتر و تكون قادر تعلم نفسك في البرمجة ..<
كتابة التقارير الهندسية و القدرة على البحث عن المعلومات<

أهم حاجة تكون مقتنغ باختيارك و تكون بتحب القسم اللي داخله.... و ماتنسوش الاستخارة<
enas sakrhttp://208.79.200.93/community/richedit/smileys/yahooim/1.gif http://208.79.200.93/community/richedit/smileys/yahooim/53.gif

EnG.BeLaL

23-06-2009, 08:34 PM

السلام عليكم

اولا عذرا للتأخير

قسم اتصالات

ده كلام المعيده:ايناس صقر
من جامعه القاهره

ربنا يبارك فيك بجد مش عارف اشكرك ازاي

Eng.Sherief

23-06-2009, 10:06 PM

وانا مالى
أدعى لايناس صقر مش انا
ربنا يباركلها
-------------
ويابلال
عايز اعمل موضوع اتناقش فيه مع المهندسين
على ذا بست واى تو استغلال ذيس اجازه
:d:d:d
نعمل ايه ف الاجازه دى يعنى

شوف لو الفكره حلوه كلمنى على الخاص

BaNZeR

24-06-2009, 12:50 AM

جزاك الله خيراً وللأخت المعيدة على ذلك التقديم

وياشريف اعمل للقسم اي حاجة انت شايف انها تنشطه
وتبقى عملت خير

EnG.BeLaL

24-06-2009, 09:48 PM

انا برضه رأيي انك تعمل الموضوع بس يكون هادف و مفيد و لو عاوز تكلمني
على الخاص انا ايميلي موجود

زهره الخريف

24-06-2009, 10:32 PM

السلام عليكم ورحمه الله وبركاته
هحاول انزل لكم باذن الله بعض المعلومات عن الاقسام
واتمني ان تستفيدوامنها وتقدروا تحددوا قسمكم ان شاء الله
ونبدأ..

قسم الهندسة المعمارية

نبذة مختصرة عن قسم العمارة :
العمارة هي فن البناء الذي يتعامل مع توزيع المساحات الداخلية المناسبة لأغراض استخدام المبني وراحة المستخدمين له و توفير التناسق الخارجي للمباني كوحدات و كمجموعات وتخطيط المدن .
فيعتبر قسم العمارة من أفضل أقسام كلية الهندسة خاصة ان الملتحق به يستطيع ان يشعر بحلاوة الهندسة حيث يتصف الملتحق به بذوق رفيع في اختيار الأشياء وفي التعامل عموما , وكذلك أيضا يحتاج الى نوع من الموهبة في حب الرسم وحب الإبداع والإحساس .
ويمتاز قسم العمارة بأنه يتعامل مع شيء محسوس ( البناء ) وبالتالي توافر المعلومات حول موضوع الدراسة .

طبيعة الدراسة :
ويتم دراسة مقررات في نظريات العمارة والبيئة والمناخ وتاريخ العمارة وتنمية المهارات الفنية في الرسم والألوان والصوت والضوء والتصميم المعماري و التصميم الداخلي و إنشاء المباني و إعداد الرسومات التنفيذية وتخطيط المدن مع مقررات دراسية في الهندسة الإنشائية ومواد البناء .
و يقوم الطالب في السنة النهائية بإعداد مشروع تطبيقي في مجال المباني العامة ( مباني الإسكان ) وتخطيط المدن .

علاقة الفرقة الإعدادية بالدراسة في قسم العمارة :
يمكن القول بأنه لا علاقة بين دراسة مواد السنة الإعدادية ومواد قسم العمارة الا باليسير . أما عن الرسم الهندسي فهو يختلف تماما عن طبيعة الرسم المعماري ولكنها مادة أفادتك في كيفية التعامل مع الأدوات ومع اللوحة , أما الرسم المعماري فله طبيعته الخاصة .

وظائف مهندس العمارة :
- مصمم معماري : يقوم بتصميم مبني معين ومراعاة النواحي التصميمية التي تعرف عليها بدراسته , وبمعنى أوضح انه يقوم ببناء بناء على أرض فضاء يتلاءم مع المناخ والمداخل والمخارج ودخول الشمس إليه وغير ذلك .
- مصمم تنفيذي : يقوم بعمل الرسومات التي تنفذ على أرض الواقع بالأساليب المتاحة لدية كالرسم ببرنامج الأوتوكاد .
- مهندس موقع : يقوم باستلام المباني بعد التشطيبات النهائية لها ومدى مطابقة هذا المبني للرسومات التي رسمت له .
- مصمم جرافيك : يقوم بعمل أشكال المباني برسومات ثلاثية الأبعاد وتلوينها وتقديمها للعميل قبل الشروع في التنفيذ .

مجالات العمل :
ومجال العمل يشمل جميع أعمال إنشاء المباني وتنفيذها و الإشراف عليها سواء كانت للحكومة او الهيئات او الأفراد او الشركات ( المالكة للمباني او المنفذة لها ) او الوحدات المحلية او الإدارات الحكومية المختصة بالتعمير والمجتمعات الجديدة .

برامج الكمبيوتر التي يستخدمها مهندس العمارة :
- برنامج اوتوكاد ( AUTOCAD ) : يستخدم لعمل الرسومات المعمارية بكل دقة وبشكل أسرع من الطرق اليدوية .
- برنامج فوتوشوب ( Photoshop ) : يستخدم في تلوين وإظهار العمل المعماري بشكل جيد للعميل .
- برنامج ( 3D MAX ) : يستخدم في عمل الأشكال ثلاثية الأبعاد واستنتاج المساقط منها مباشرة .
- برنامج الأوفيس ( OFFICE ) وخاصة ( Power point - Excel - Word )

الدورات الخارجية :
- دورات تدريبية في شركة او مكتب .
- دورات في برامج الكمبيوتر التي يستخدمها .
- تنمية المواهب كالتعامل مع الألوان .

دبلوم الدراسات العليا فى الدراسات المعمارية:
- دبلوم الدراسات العليا فى علوم وتكنولوجيا البناء.
- دبلوم الدراسات العليا فى التصميم والتخطيط البيئى.
- دبلوم الدراسات العليا فى دراسات التنمية العمرانية وتصميم المجتمعات.
- دبلوم الدراسات العليا فى تخطيط المدن والمستقرات العمرانية محلياً واقليمياً.

درجة الماجستير فى الهندسة المعمارية :
- الدراسات المعمارية .
- علوم وتكنولوجيا البناء .
- التصميم والتخطيط البيئى .
- التنمية العمرانية وتصميم المجتمعات .
- التخطيط العمرانى .

ملاحظات :
- هناك ارتباط واضح بين المهندس المعماري و مهندس مدني من حيث طبيعة الدراسة وطبيعة العمل بعد ذلك .
- العمل الخارجي متوفر للغاية .
- تعتمد الدراسة في قسم العمارة على مجهود أثناء الدراسة وتقديم اللوحات بشكل مستمر .
- قسم مريح جدا أثناء فترة الامتحانات .

وطبعا المعلومات دي منقوله...

Eng.Sherief

25-06-2009, 01:20 AM

اوك يا بلال
------------------
واخيرا حد ساهم ف الموضوع
ياااااااااااه
يلا الف شكر يا بشمهندسه

~M-ELMasry~

25-06-2009, 08:03 PM

ياريت يا شباب تجيبولنا عن قسم الطيران وقسم الاتصالات جامعه عين شمس

EnG.BeLaL

25-06-2009, 09:06 PM

ياريت يا شباب تجيبولنا عن قسم الطيران وقسم الاتصالات جامعه عين شمس
http://www.eng.cu.edu.eg/eng.asp موقع هندسة القاهرة
http://eng.shams.edu.eg/ هندسة عين شمس

~M-ELMasry~

25-06-2009, 09:24 PM

يا باشا انا عاوز تفاصيل عن القسم نفسه موآد التقدير او النسبه اللى المفروض اجبها فى اعدادى علشان ادخل القسم ده وكده

ع العموم شكرآ لتفاعلك

a7med_zd_4

27-06-2009, 12:18 AM

ممكن سؤال ؟

ان محتار بين انى ادخل قسم مدنى ولا ميكانيكا
وبسراحة انا بحب الاثنين
ولكن خايف ما الميكانيكا انة قسم صعب

مهندس شريف محمد

06-07-2009, 05:04 PM

مهندس شريف محمد

06-07-2009, 05:11 PM

http://www.thanwya.com/vb/01032009213 رددددددددددوا عليه

Eng.Sherief

06-07-2009, 05:23 PM

انا طلاب الفرقة الاولى مدنى باسوان والمد لله نجحت صافى واريد التحويل لاسيوط ده ينفع ولا ايه ارجوكم ردددو عليه انا من سوهاج وكنت فى اعدادى اسيوط ثم حولت بعد اعدادى لاسوان والان أموت وارجع
ده ينفع وازاى

مممممممممم
مش هقدر افيدك من الناحيه الاداريه
اعتقد ان احسن حاجه تعملها دلوقتى
انك تصحى ف يوم بدرى ..وتقوم تفطر او تاكلك اى لقمه
وتنزل على كليتك ..وتبدأ ملحمه الصراع مع الروتين المصرى

لالالا بهزر ان شاء الله تعدى بسرعه
المهم انزل كليتك واسألهم ف شئوت الطلبه واكيد هيفيدوك اكتر من اى حد
لان ممكن يكون ف مواد مختلفه ولا قدر الله ممكن يشيلوهاك

فاحسن حاجه انك تنزل شئون الطلبه وتسأل هناك

اعذرنى لاسلوبى التهكمى ..بس اصل اسمك عاجبنى اوى ..بيفكرنى بأسمى
:d :d :d :d

Eng.Sherief

08-07-2009, 02:13 PM

اللى عنده سؤال احنا هنا
متخافوش مش نايمين وناسينكوا

FARIDA 2010

09-07-2009, 03:14 PM

السلام عليكم و رحمة الله و بركاته
السؤال الاول: ممكن معلومات اكتر عن هندسة طبية من فضلكم..
السؤال التاني: انا من خلال معرفتي البسيطة بالهندسة الطبية بيتهيألي انها بتحتاج فيزياء اكتر من رياضيات .. فهل يمكن لحد علمي علوم يدخل هندسة طبية؟؟
والسلام عليكم و رحمة الله و بركاته

Eng.Sherief

10-07-2009, 02:59 AM

فهل يمكن لحد علمي علوم يدخل هندسة طبية؟؟نعم !!
ازاى دى !!
علمى علوم مينفعش يخش هندسه .

اما هندسه طبيه بقى
فهشوفلك معلومات وهقولك
بس غالبا اللى اعرفه
انك بتدرس احياء والمفروض ف دكاتره طب بيجوا يشرحوا
وانك بتخرج تعمل الاجهزه الطبيه وتصلحها وكده يعنى
وطبعا مجالها ف مصر مش عالى بس بره جامد جدا

معلش ده اللى اعرفه انا ..هشوفلك حاجه واقولك
ان شاء الله

eng...lido

10-07-2009, 10:23 PM

حموت وابقى مهندس زيكوا ان شاء الله

mahmoudtariq

11-07-2009, 12:34 AM

BaNZeR

11-07-2009, 02:17 AM

هل في فرق بين هندسة بترول السويس وهندسة بترول القاهرة
طب ليه هندسة بترول السويس بتاخد مجموع في الثانوية اعلى من القاهرة ؟؟؟؟؟؟؟
و هل الاثنين نفس عدد السنوات

و ما مجموع هندسة بترول القاهرة
و لا بنخش بنفس مجموع الهندسة العادية و بعدين نتخصص؟؟؟؟؟؟؟؟؟؟

محمود __

أولاً مفيش حاجة اسمها مجموع الهندسة العادية

كل هندسة في كل محافظة ليها مجموعها الخاص
وطبعاً بترول السويس اعلى من القاهرة ومن غيرها وافضلهم (اعتقد)

والقاهرة زي اي كلية هندسة لازم بتدخل اعدادي في الاول وبعدين تختار القسم

لكن اظن بترول السويس مفهوش

تركى هاكر

11-07-2009, 02:53 AM

أولاً مفيش حاجة اسمها مجموع الهندسة العادية

كل هندسة في كل محافظة ليها مجموعها الخاص
وطبعاً بترول السويس اعلى من القاهرة ومن غيرها وافضلهم (اعتقد)

والقاهرة زي اي كلية هندسة لازم بتدخل اعدادي في الاول وبعدين تختار القسم

لكن اظن بترول السويس مفهوش

انا اؤيده فى هذا الكلام واحب ان اضيف عليه ان هندسة بترول السويس بتشغلك علطول بعد التخرج وكمان سمعت انى بتعطى مرتبات كمان اثناء الدراسة و اولا و اخير هى بتاخد اعلى من القاهرة عشان البترول فى السويس مش فى القاهرة فهمنى ......................:confused::confused::confuse d::confused:

mahmoudtariq

13-07-2009, 03:03 AM

هندسة بترول السويس بتشغلك علطول بعد التخرج

و هندسة القاهرة مش نفس الحكاية...؟..........

و هل عدد السنوات واحد في الكليتين
اقصد هل في سنة اعدادي في هندسة السويس...؟...

و شكرا..........

محمود

Eng.Sherief

13-07-2009, 10:52 AM

معتقدش ان ف سنه ف اعدادى ف السويس
لان اعدادى اساسا وظيفتها انها بتشوف الطلبه المواد وتعدهم للقسم بتاعهم
ان كان اتصالات .بترول ...الخ

اما السويس
فانتا داخل عارف انك بترول
فأيه لزمته ؟!

والله اعلم

eng_refat

14-07-2009, 12:14 AM

ممكن يا بشمهندسين الاول اعرفكم بنفسى انا رفعت هندسه شبرا جامعه بنا
وكنت عايز معلومات عن التحويل الى هندسه القاهره ايه الى المفروض يتم
وهل ده احسن ولا ايه

Eng.Sherief

14-07-2009, 12:48 AM

اولا اكيد جامعه القاهره احسن
هندسه القاهره واحده من احسن هندسيات مصر
فأعتقد احسن لانى معرفش هندسه بنها ايه نظامها

اما اجراءات التحويل مش هقدر افيدك وغالبا محدش هيقدر يفيدك الا لو كان محول
لان الاجراءات بتختلف من كليه لكليه تانيه
فاحسن حاجه زى ما قولت ل100 واحد قبلك رووح شئون الطلبه عندك واسأل
وهوما هيظبطوك :d :d

واى خدمه ف اى استغسار تانى

civil2020

14-07-2009, 01:06 AM

انا هقولك يا بشمهندس
اولا انا معاك فى هندسة شبرا ...
انتا لو عاوز تحول لازم اولا تكون جايب تقدير على الاقل
جيد جدااا ...وبتشترى ملف تقريبا من جامعة القاهرة...وبتعمل طلب
بس فى مشكلة او انهم بيفتحولك الاقسام بس اللى مش موجودة فى شبرا زى طبية وبترول اوطيران او ...
يعنى لو عاوز تدخل مدنى او عمارة مثلا مش هينفع....
وبالتوفيق ان شاء الله...

Eng.Sherief

21-07-2009, 12:42 AM

شكرا لزدك يا بشمهندس
بس اعتقد ده شبرا لهناك

االاجزاءات مش ثابته ف كلها
صح ؟

KeMoZzAzZ

21-07-2009, 11:06 AM

طب انا عندى سؤال بيطرح نفسه :d
انا حاسس ان عمارة هى اللى هقدر امشى فيها
بس وعجبانى يعنى
انما المشكلة
كل الناااااااس بدون استثناء بتقولى مفيش شغل ليها
وحتى لو فيه ممكن حد من مدنى ياخد كام كورس ويبقى زيك واحسن
فمش عارف يعنى
فعشان كده بدئت افكر فى كهربا وهى عجبانى ققسم المشكلة فى صعوبتها وانا عارف انى مش هقدر عليها لانى مش بحب المذاكرة من اساسه
فانا دلوقتى قدامى اختيارين يأما كهربا يأما عمارة ...لان مدنى وميكا مش مستهوينى بصراحه
فانتوا تعتقدوا المفروض اختار ايه وليه يعنى ؟ :s

EnG.BeLaL

21-07-2009, 04:27 PM

Eng.Sherief

21-07-2009, 06:01 PM

المنتدى هيشلنى
من ساعه النتيجه وهوا بايظ
-------------
عامه
وهحاول اكون مختصر
-------------
اول نصيحه بتتقالف حوار الاقسام ده
خش اللى انتا بتحبه او اللى انتا حاسس انك تقدر تقدم فيه

وبالنسبه لحوار الشغل فااااااااكس منه
لان انتا ممكن دلوقتى فسم زى طبيه مش بيشتغل كمان 5 سنين لما تتخرج تلاقى شغل كتييير
والعكس صحيح
فموضوع الشغل مش مقياس

خش اللى انتا حابه

KeMoZzAzZ

22-07-2009, 01:55 AM

افهم من كلامكوا ان مالهاش شغل صح ؟ :d
عموما ربنا يوفقنى للى فيه الخير ليا

BaNZeR

22-07-2009, 02:39 AM

بص

انت لو نصيبك مش حتشتغل
لو دخلت اكتر قسم في شغل برده مش حتشتغل
لأنه نسبة عدم الشغل في كل وظيفة واردة

يبقى متدخلش قسم مش حابه وممكن تفشل وحتى لو لقيت شغل حتفشل فيه
وتندم إنك مرحتش للقسم اللى انت هاويه وكان ممكن تنجح فيه وتتوظف وتبقى ناجح

يعني باختصار خش القسم اللى بتحبه
ده عندنا قالولنا مبيشتغلش غير عمارة ومدني

والباقي في بحري اكتر
ومع ذلك انا داخل كهربا برده

وكل اللى قابلتهم بقولي كهربا ده كذا كذا وصعبة ودكاترتها اصعب و....
بس برده داخل لأنها الانسب لاهتماماتي

وممكن في الآخر مشتغلش :d
عادي يعني مبتتحسبش كده

KeMoZzAzZ

22-07-2009, 02:49 AM

BaNZeR

22-07-2009, 02:57 AM

شكرا يا بنذر بجد
بس مين اللى قالك عمارة بتشتغل وكهربا مش بتشتغل؟؟ شاورلى عليه بس :d
لا الحمد لله انا كده بدئت افكر فى عمارة
بس المشكلة اللى جت فى بالى ان كده اما اجى اشتغل هلاقى فنون تطبيقية وجميلة وكل الحجات دى اكيد داخله معايا فى الشغل صح ولا لأ؟
مش عارف بس اكيد دول بياخدوا حاجة عمارة

بص يا سيدي

معروف إنه ترتيب الاقسام عندنا

كهربا
عمارة
مدني

السنادي متوقعين الترتيب يكون كده

مدني
عمارة
كهربا

لأنه الطلب على مدنيكبير جداً

عمارة عندنا بتاخد 75 طالب تقريباً
هو اساساً معظمهم بنات

السنادي متقدم لعمارة تقريبا اكتر من 120 طالبة غير الطلاب الولاد

يعني الاقبال عليها زاد
اكيد مزدتش عشان كلهم هوايتهم الرسم :)

وكهربا الاقبال عليها قل بالنسبة للسنين اللى فاتت
ده حسب الآراء اللى جمعتها وشفتها بين اصحابي وبعض زمايلي

بس يبقى ده بيؤيد كلامي ولا لأ :)

KeMoZzAzZ

22-07-2009, 03:23 AM

BaNZeR

22-07-2009, 03:39 AM

اوكى هو فعلا الطلب على مدنى زاد
بس احنا عندنا اللى يخش مدنى دول بواقى الدفعة على فكرة :d
بس فعلا الطلب عليها زاد
وكهربا بيقل
بس بتفضل هى التوب الكهربا

طب ماشى بغض النظر احنا مش مشكلتنا انهى اكبر
المشكلة انك اما بتيجى تشتغل زى ماقولتلك بيخش معاك بتوع فنون جميلة وتطبيقية و كمان قالولى ان بتوع مدنى دول لو اخدوا كام كورس يقدروا يعملوا شغل عمارة فهل ده فعلا ولا تهييس ؟:d
انا بس حابب اسأل حد اكبر منى يعنى

في مهندس عندنا اعرفه بتجيله الناس في مكتبه بتطلب منه تصميم ارض

بيرسمهلهم الرسمة بالاوتوكاد ويديهالهم

وبعد كده بيتفقلهم مع المقاول وبيروح بنفسه يشرف على الارض ويتأكد من تنفيذ التعليمات عليها صح

يعني مهندس عمارة ومدني مع بعض
وهو اصلا مهندس مدني

ده مثال حي جايبهولك من الواقع مش حد قالي ولا حاجة
حتى قبل ما اعرفه في ناس قالتلي
ممكن بتاع مدني يشتغل عمارة وبتاع عمارة يشتغل مدني

بس ممكن حتلقى اكتر بتوع مدني بيشتغلو عمارة عشان عمارة اسهل في التعلم
بينما بتاع عمارة اصعبله مدني إنه يعرفها

لكن الاتنين بيشتغلوا الاتنين
يعني بياخدو الطريق كله من اول رسم عمارة ولحد شغل مدني

فهو مش تهييس ولا حاجة
ومنصحكش متدخلش حاجة مش هاويها

انت ممكن تغير رأيك تروح مدني

بس غير كده حتكون غيرت اهتماماتك خالص
وصلي استخارة وحتوصل للى بتحبه ان شاء الله

KeMoZzAzZ

22-07-2009, 04:05 AM

شكرا يا بنذر جدا

Eng.Sherief

26-07-2009, 07:17 PM

BaNZeR

26-07-2009, 10:07 PM

بنذر
ممكن سؤال
:( :(
4
4
4
4
4
4
4
4
4
4
4
4
4
4
4
4
4
اخش باور ولا اتصالات ؟؟

بص انا عارف معلومات كتير عنهم
بس انتا ممكن تفيدنى بأآ معلومه جديده تغير رؤيتى للموضوع

وطبعا انا مش قصدى بنذر بس
بس عشان نشاطه الملحوظ هنا فمعتقدش حد هيرد غيره اساسا

رد ياد بسرعه انا مش فاضيلك :p :p :p :p

مين يا حبيبي :p

مش انت اللى كنت عايز تكهرب القسم وقولنالك حكيلنا شوية عن كهربا واقسامها :d
انا لحد دلوقتي معرفتش أنت في سنة كام اصلاً بس انت تعرف اكتر مني

انا كل اللى اعرفه إنه باور هو قسم موجود في كهربا وميكانيكا

والاتنين متكاملين
باور يعني طاقة يعني الآلات
ميكانيكا بتدرسها من الناحية الميكانيكية وهي بتاخد الجزء الاكبر من الماكينةاو الآلة

لكن باور كهربا بيدرس الناحية الكهربية للآلة ده (فهمني طبعا) :)

اما اتصالات مش حنعرف اكتر منك يعني
معرفش عنها غير إنها مختصة بالشبكات والالكترونيات وكده

وصلي استخارة وربنا معاك :022yb4:

KeMoZzAzZ

27-07-2009, 06:30 AM

واشمعنى بنذر يعنى؟؟
واحنا هنا ايه يعنى اكياس جوافه ؟:d
لا على فكره فى تفرقه عنصريه ولا عشان هو مشرف بقى ؟؟؟ (نعمل فتنة طائفية ) :d

Eng.Sherief

27-07-2009, 08:51 PM

ههههههههههههه
ايوه مانا كل ما حد يكتب سؤال على المنتدى
بقعد اضحك الاول وبعدين ارد
لسبب واحد انى مش عارف احدد قسمى اساسا
بس الغريب انى بنصح كويس ::d ,,حد معترض ؟ :p

عامه هيا شكلها باور مع انى كنت طوول السنه ناوى على اتصالات

ويا كيمو
تحيا التفرقه العنصرريه ::d:d

وعامه رد يا سيدى ,,يمكن نطلع بمعلومه ولا حاجه

واها يا مستر بنذر
;)
معرفتكش بنفسى للاسف بس قريبا ف موضوعى عن حلوان هتعرف

BaNZeR

27-07-2009, 09:27 PM

واشمعنى بنذر يعنى؟؟
واحنا هنا ايه يعنى اكياس جوافه ؟:d
لا على فكره فى تفرقه عنصريه ولا عشان هو مشرف بقى ؟؟؟ (نعمل فتنة طائفية ) :d

يعني انا اللى كاس جوافة مثلاً ولا ايه

ومين قالك إني بقيت مشرف
إنت حتطلع عليا إشعاعات كمان ولا ايه :d

i wish

04-08-2009, 12:04 AM

لو سمحت يا بشمهندس ايه مستقبل الميكاترونكس فى مصر وهل هو احسن ولا ميكانيكا لوحدها او كهربا لوحدها؟؟؟؟؟؟؟؟

EnG.Mohammed

04-08-2009, 12:07 AM

لو سمحت يا بشمهندس ايه مستقبل الميكاترونكس فى مصر وهل هو احسن ولا ميكانيكا لوحدها او كهربا لوحدها؟؟؟؟؟؟؟؟

هوا الموضوع كبر في دماغك اوي كدا :d

i wish

04-08-2009, 12:21 AM

ده انا دماغى خلاص هتفجر اصل دول القسمين اللى داخلين دماغى وحاسس ان لو طلع الميكاترونيكس مطلعش حلو هروح لاتصالات واريح نفسى بس انا بحب شغل الروبوتات والميكانكا فياريت تفيدنى

EnG.Mohammed

04-08-2009, 12:31 AM

ده انا دماغى خلاص هتفجر اصل دول القسمين اللى داخلين دماغى وحاسس ان لو طلع الميكاترونيكس مطلعش حلو هروح لاتصالات واريح نفسى بس انا بحب شغل الروبوتات والميكانكا فياريت تفيدنى

معنديش فكره الصراحه انا لسه زيك رايح اعدادي

انا ناوي على مدني باذن الله :stickjo4:

mohannd

04-08-2009, 02:25 AM

بصوا يا جماعة قسم كهربه بور من اوسخ واصعب الاقسام فى الكليه خاصة لو معاه دكاتره بيعاملوا الطلبه كاليهود زى عندنا فهندسة اسكندرية اما قسم اتصالات فقسم جميل الكل بيخلص فيه بسرعه من غير اصابات والتقديرات فيه متاحه وليست حلم صعب المنال كما هو الحال فى قسم بور

انا تانيه بور على فكره والمفروض اكون اتخرجت السنة دى بس النصيب بقه يعنى مضروب فيا مفكات

eng_emy

06-08-2009, 11:16 PM

شكرا يا بشمهندس شريف على الموضوع ده
وبصراحة انا داخلة هندسة اسكندرية لسة اول سنة
وكنت عاوزة اعرف تقدير هندسة كمبيوتر وميكانيكا باور
اللى لازم اجيبهم فى اعدادى عشان ادخلهم
وجزاك الله كل خير