مشاهدة النسخة كاملة : درس عمل لمعة جذابة على تصميمك
:: [ K A B B O W ] :: 23-06-2009, 02:33 AM السلام عليكم ورحمة الله وبركاته
النهارده فى درس حلو اوى هتعمله وصدقونى نتيجته النهائيه هتعجبكم جدا
http://img199.imageshack.us/img199/5808/atefemrandesignno.gif
لو كان الانيميشن الذى فى الديزين لايظهر عندك او كان بطىء فى التحرك فانتظر حتى يتم التحميل الكامل للصورة
الحركه دى بتتعمل بطرق كتيره لكن من وجهة نظرى ان دى افضلها
انا كنت ناوى اعمل الدرس للمستوى المتوسط من مستخدمى الفوتوشوب لكن صعب عليا المبيدئين بصراحه فخليت شرحه ممل شويه علشان يكونوا فاهمين معانا
وهتلاقوا شوية غلطات كده وانا مكتب عدوها ومتركزوش اوى ( راعو الوقت )
اتفضلوا الدرس وانتظر استفساراتكم ونطبيقاتكم
تفضلوا
http://img199.imageshack.us/img199/7904/98656855.jpg
http://img199.imageshack.us/img199/6464/98223160.jpg
اخيرا تم
الحمد لله
انتظر استفساراتكم و تطبيقاتكم
خالص احترامى وتقديرى لكم
فى رعاية الله وحفظه
عاشقـــ الانمى ـــة 23-06-2009, 03:11 AM شكراعلى الدرس
بس انا حسه ان اختيارى للفرشة مكنش موفق أوى
http://img102.herosh.com/2009/06/23/347460814.gif
محمد كامل فوده 23-06-2009, 03:11 AM شكرا ياكابو ولكن اين البرنامج
عاشقـــ الانمى ـــة 23-06-2009, 03:15 AM شكرا ياكابو ولكن اين البرنامج
موجود فى المووضع دا يا مستر محمد
http://www.thanwya.com/vb/showthread.php?t=129947
A.ra7man1 23-06-2009, 06:22 PM ايه الجمال ده يا عاطف باشا .. والشرح تمااااااام بس مش عندنا الزهايمر ولا حاجة هههههههههههههههه.
انا بعمل الحركة دى بطريق تانية >
>
>
http://www.gulfup.com/do.php?img=1885225
:: [ K A B B O W ] :: 23-06-2009, 09:30 PM شكراعلى الدرس
بس انا حسه ان اختيارى للفرشة مكنش موفق أوى
http://img102.herosh.com/2009/06/23/347460814.gif
تطبيق جميل هو زى ما حضرتك قولتى هى المفروض كانت تبقى الفرشه اكبر شويه
بس مش مشكله مع الممارسه هتطلعيها كويسه جدا
تطبيق جميل ومرور جميل
خالص تحياتى لكى
فى رعاية الله
:: [ K A B B O W ] :: 23-06-2009, 10:18 PM ايه الجمال ده يا عاطف باشا .. والشرح تمااااااام بس مش عندنا الزهايمر ولا حاجة هههههههههههههههه.
انا بعمل الحركة دى بطريق تانية >
>
>
http://www.gulfup.com/do.php?img=1885225
هههههههههه ماشى يا سيدى انا قلت حاجه
خلينا فى الجد
تطبيقك تمام بس انت قولت انى معمله بطريقه تانيه مش تفهم الناس ايه الطريقه دى
مش مشكله ان هكون مكانك
بسم الله نبدأ
اولا احنا هنعمل الاربع خطوات الاولى فى الدرس ( مع انى اعتقد هو عامل الاضاءة بالفيثر مش بالبرش المهم ) وبعد كده هنغير علشان تعرفوا اللى عبده عامله ده عامله ازاى ( دبستنى فى شرح درس تانى ماشى لما اشوفك )
تغيير بسيط فى الخطوة 4 : احنا واحنا فى الخطوة 4 فى الدرس عملنا اللير بتاع اللمعه ووقفنا على كده لا هنعمل حاجه زيادة دلوقتى
ايه هى؟ تابع كده
أ- هنضغط Ctrl +A واحنا على اللير بتاعت اللمعه علشان نعمل تحديد للكل
ب- وبعد كده Ctrl +X علشان نعمل للير cut
ج- هنعمل تحديد على الكلمه اللى احنا عاوزين ندخل فيها الكلام زى كلمة الثانوية عند عبده وانا هشتغل على كلمة KABBOW فى تصميمى
طيب هنعمل التدحديد على الكلام دى ازاى
بصو كده
هتيجى على الويندو بتاع الليرز
وتضغط على Ctrl فى نفس الوقت اللى انت بتضغط فيه بالموس كليك واحد على اللير ( بتاعت الكتابه ) اللى انت عاوز تعمل عليها اللمعه
http://img29.imageshack.us/img29/8118/17160603.jpg
وبعد كده اعمل لير جديد ( انطر الدرس الاساسى لتعرف كيفية ذلك)
وبعد كده هنروح قائمة Edite >>> Paste into
http://img29.imageshack.us/img29/9135/84799178.jpg
شوف ايه اللى حصل فى تصميمك خلى بالك من اللمعه اللى جت جديده دى
http://img29.imageshack.us/img29/5957/85762375.jpg
همممممممممم طيب احنا عاوزين بعد ما اللمعه دى تعدى يحصل تغيير فى شكل الصورة
هنعمل ايه نجيب اى خلفيه ساده باى لون ناخدها Copyاو Cutعلى حسب انت عاوز ايه
وبعد كده وانت عامل تحديد برده على الكلمه تعمل Edite >>> Paste Into
وتحاول تخليها خلف اللمعه على طول وبعد كده وانت جاعل لير الخلفيه اللى انت جيبتها فعاله تضغط على المكان ده فى اللير الخاص باللمعه ( خلى بالك واحده منهم فعاله والتانيه فيها العلامه اللى تحت دى )
http://img29.imageshack.us/img29/1237/fhj.jpg
فايدة الخطوة اللى فاتت دى انك كده هتتكم فى الليرين فى نفس الوقت يعنى وانت بتحركهم فى الايمج ريدى
وبعد كده روح على الايمج ريدى وكمل من اول الخطوة 6 فى الدرس الاصلى
والناتج النهائى هيكون كده
http://img29.imageshack.us/img29/4953/untitleggggd1.gif
هممممممم مش انت عملت كده برده يا عبده على اى حال انت مضروب مضروب علشان تدبسنى تدبيسه فله زى دى كده ماشى
يالا اى اسئلة انا موجود
فى رعاية الله و حفظه
محمود حسن عبدالعال 23-06-2009, 10:21 PM حلوووووووووووو
جارى التجربة
thequeenlove 24-06-2009, 03:47 AM هاجرب واجى اقولكم
ادعوا انى اعرف اعملها
BaNZeR 24-06-2009, 04:07 AM مش عارف انقل حاجة فلاش او احملها عالمنتدى
لازم صيغتها تكون ايه او احفظها كايه
:: [ K A B B O W ] :: 25-06-2009, 06:39 AM مش عارف انقل حاجة فلاش او احملها عالمنتدى
لازم صيغتها تكون ايه او احفظها كايه
بص هو المشكله ان المنتدى مفهوش خاصية اضافة فلاش ودى مشكله بتتعب كل اللى ميضعوا الدروس هنا انهم مضطرين يعملوا الموضوع صور وده متعب جدا طبعا زى ما انت عارف المهم يعنى لو عندك درس فلاش ممكن ترفعه عادى خالص بس على موقع ابلود عادى مش من المخصصين للفلاش يعنى وحط الرابط الاعضاء يحملةه وتعيش
فى رعاية الله
thequeenlove 02-07-2009, 02:32 AM هييييييييييييييه
عرفت اعملها
كبداية كدة قولولى رايكم
هاعمل واحدة تانية قريب ان شاء الله
وابقى اجيبها بردة
http://www5.0zz0.com/2009/07/02/00/122034820.gif
:: [ K A B B O W ] :: 02-07-2009, 11:12 AM هييييييييييييييه
عرفت اعملها
كبداية كدة قولولى رايكم
هاعمل واحدة تانية قريب ان شاء الله
وابقى اجيبها بردة
http://www5.0zz0.com/2009/07/02/00/122034820.gif
تمام التطبيق يا كوكى
بس خلى السرعه اقل من كده شويه للرادار يلقطك:p
ههههههههه لا تمام جدا
فى رعاية الله
thequeenlove 02-07-2009, 03:57 PM تمام التطبيق يا كوكى
بس خلى السرعه اقل من كده شويه للرادار يلقطك:p
ههههههههه لا تمام جدا
فى رعاية الله
مش تخاف فى ظابط معرفة هيمشينى بتشريفة :p
فكره انت صح :p
:: [ K A B B O W ] :: 02-07-2009, 10:36 PM مش تخاف فى ظابط معرفة هيمشينى بتشريفة :p
فكره انت صح :p
طيب ليه التسيح ده بقه
هو انا اقدر انساه ده انا من غيره كان زمانى قاعد مع عبده سنارة:romarioxp6:( اسامى غريبه )
نورتى يا كوكى
فى رعاية الله
thequeenlove 02-07-2009, 11:33 PM طيب ليه التسيح ده بقه
هو انا اقدر انساه ده انا من غيره كان زمانى قاعد مع عبده سنارة:romarioxp6:( اسامى غريبه )
نورتى يا كوكى
فى رعاية الله لا مش تخاف مش هاقول انك كنت -------
بلاش بقى
مهما كان انت اخويا :friendsxs3:
ومش نافع اسيحلك قدامهم
وبعدين مين عبده سنارة دة:o
قريب عبده شبكة
ايه دة مين البشر دى:o
كدة بوظت لسانى وعرفتنى على بشر غريبة:slap1qk6:
بنورك يا عاطف والله
فى رعاية الله
ممكن العب شوية فى التوبيك دة:p
:romarioxp6::romarioxp6::romarioxp6::romarioxp6:
مدرس الغد 13-07-2009, 02:13 PM انا بقا مش بعرف اطبق :022yb4: بدون زعل يعنى بس بقولك ايه يا كابو ما تشرح مره كمان فى الغرفه :d علشان خاطرى وعلشان الناس تعرف تشتغل كده والشرح صوت وصوره افضل على الاقل افهم لانى والله مش فاهم :friendsxs3: ماشى حدد ميعاد وانا هشوف الغرفه وندخل وانت تشرح يا باشا
يا رب يقبل العرض داه ويدخل يشرح ل 3 مره هههههههههههههههههههه
A.ra7man1 18-07-2009, 05:23 PM انا بقة يا عاطف مش طبقت بالطريقة الاولى او التانية او الفيثر انا طبقت بطريق رابعة وده مش تقصير منك ولا حاجة والله انت عملت اللى عليك وذيادة والله ..
لو عندك الطريقة دى انا متابع _ انا حاسس انك هتجيب طريقة رابعة وهقولك برضو لا لا مش هى دى الطريقة فى طريقة عاشرة ههههههههههه_
ولو مش هى هجيب لك الشرح الفيديو اللى عندى
سلملنا على حضرتك
سلام عليكم
>
>
>
خليل اسماعيل 04-08-2009, 07:15 AM http://img126.imageshack.us/img126/9472/31456794.gif
محمد دبور 07-08-2009, 06:58 PM http://www.topforums.net/gallery/files/1/0/0/0/0/3/2/0/9/7/zzzzzzzzpv9.gif
:: [ K A B B O W ] :: 13-08-2009, 12:31 PM انا بقا مش بعرف اطبق :022yb4: بدون زعل يعنى بس بقولك ايه يا كابو ما تشرح مره كمان فى الغرفه :d علشان خاطرى وعلشان الناس تعرف تشتغل كده والشرح صوت وصوره افضل على الاقل افهم لانى والله مش فاهم :friendsxs3: ماشى حدد ميعاد وانا هشوف الغرفه وندخل وانت تشرح يا باشا
يا رب يقبل العرض داه ويدخل يشرح ل 3 مره هههههههههههههههههههه
صعب موضوع الغرفه ده يا مان و الله
لان مفيش فيها امكانيات و نت شفت المشكلة اللى حصلت اخر مره
و بالنسبه للفيديو فهحاول ان شاء الله اخلى كل الدروس بعد كده فيديو
فى رعاية الله
انا بقة يا عاطف مش طبقت بالطريقة الاولى او التانية او الفيثر انا طبقت بطريق رابعة وده مش تقصير منك ولا حاجة والله انت عملت اللى عليك وذيادة والله ..
لو عندك الطريقة دى انا متابع _ انا حاسس انك هتجيب طريقة رابعة وهقولك برضو لا لا مش هى دى الطريقة فى طريقة عاشرة ههههههههههه_
ولو مش هى هجيب لك الشرح الفيديو اللى عندى
سلملنا على حضرتك
سلام عليكم
>
>
>
بص انا لو فضلت اجيب فى الطرق مش هتخلص انا ممكن اعمل الحركة دى بسبع طرق و قابلين للزياده
بس اعتقد بقه انك عملت كل حاجه زى اللى فات بس معملتهاش كوبى و بيست عملتها بالماسك صح ؟
لو مكنش كده هبقى اقولك على باقى الطريق
يا ما فى الجرب يحاوى
سلاموز
[quote=محمد دبور;1483076]http://www.topforums.net/gallery/files/1/0/0/0/0/3/2/0/9/7/zzzzzzzzpv9.gif
نورت
A.ra7man1 13-08-2009, 05:33 PM >
>
>
بص انا لو فضلت اجيب فى الطرق مش هتخلص انا ممكن اعمل الحركة دى بسبع طرق و قابلين للزياده
ايوة يا جامد .. ربنا يكرمك وتعملها بسبعين طريقة مش سبعة بس
بس اعتقد بقه انك عملت كل حاجه زى اللى فات بس معملتهاش كوبى و بيست عملتها بالماسك صح ؟
لا يا مان مش بالماسك يعنى هقولك طريقة تانية وهاوجع دماغك وتكون نفس الطرق اللى فاتت مع اختلاف خطوة ..
لا انا قصدى على طريقة اخرى مختلفة
لو مكنش كده هبقى اقولك على باقى الطريق
ربنا يسهّل
يا ما فى الجرب يحاوى __ مش فاهم دى _:confused:
سلاموز
:078111rg3:
بالتوفيق ان شاء الله
:: [ K A B B O W ] :: 13-08-2009, 06:58 PM طيب ارفع الصوره تانى لانها مش موجوده و انا معتش فاكرها اساسا
و بالنسبه لاخر كلمه انا قولتها فعلمى علمك
سلاموز
MBM-MaDo 14-08-2009, 09:47 AM انت عارف انا قعدت اقول هما بيعملوها ازاى يا رب...
قلت افكر و عملتها بطريقة من دماغى غير كدة خااااالص...
و تقريبا معقربة كمان حبتين...
يعنى الفوتو ده مليان حاجات غريبة...
بس مش بتعض...:d
جامد الدرس يا مان و راجع ان شاء الله بالتطبيق...:friendsxs3:
و الشرح شكله و طريقته جاااااامدة جامد.......
الله معاك...
;)
|