مشاهدة النسخة كاملة : الطب الشرعى والطب النفسي للبنات!!!!!!!!!!


*ساسُّو*
26-06-2009, 04:37 AM
السلام عليكم
لو سمحتوا عندى استفسار ضرورى
هل فيه كلية طب شرعى او بحث جنائي او طب نفسي وعصبي للبنات؟
ولو فيه ممكن تقولولى ادخلها ازاى؟ يعنى من طب ولا ايه؟
لو سمحتوا لو حد يعرف يقول ضرورى

**(elktra)**
26-06-2009, 08:27 PM
والله يا ساسو انا اعرف انها من الطب الازهري عادي
لاني باذن الله ناوية ادخل امراض نفسية وعصبية
وده قسم جميل بكتبه وكل حاجة فيه متعة مش مذاكرة الامراض النفسية والعصبية
بس لو في اي حد يعرف يقول

*ساسُّو*
26-06-2009, 08:35 PM
مرسيي كتير ليكى
الحمد لله انى مش هكون لوحدى فى الطب النفسي
بس مش عارفة ادخلها من اى كلية
عشان انا سمعت انها من اداب علم نفس
please لو حد يعرف يقول

**(elktra)**
26-06-2009, 08:47 PM
لا بجد انا سالت في التربية والتعليم وقالوا من الطب
بس لو اداب تبقي وحشة اوي من الازهر
لان بجد طب امراض نفسي وعصبي جميل جدا
انا قعدت اقرا كتب عن علم النفس حاجات خيالية بجد
يلا ربنا يوفقنا

**(elktra)**
01-07-2009, 10:32 PM
السلام عليكم ساسو

انا سالت اخصائي نفسي (بابا اولا )
قال انك بتخدي 5 او 6 سنين طب وبعدين تدخلي سيكولوجي في الاخر ده بالنسبة لعلمي
اما الادبي فدول بيدخلوا اداب علم نفس وبعدين دبلومة وبعدين ياخد6 شهور تدريب باين لدكتوراة وعمل تصريح لدكتور امراض نفسية

لسة قدامي الشخص التاني بقي .......

*ساسُّو*
02-07-2009, 09:02 AM
مرسيي كتير لوالدك على الافادة جزاه الله الجنة
بجد كنت محتاجاها اوى
وان شاء الله الرد التانى هيكون كويس
مرسيي كتير ليكى حبيبة قلبي
اسفة على تعبك جزاكى الله الجنة

**(elktra)**
02-07-2009, 09:13 AM
ولا حاجة ساسو ده مستقبلنا لازم نتعب علشان نرتاح

**(elktra)**
02-07-2009, 10:33 AM
ان شاء الله اكلمه بس امتي الله اعلم
بس مش تستعجلي اوكي

*ساسُّو*
08-07-2009, 10:53 AM
okay حبيبة قلبي
مستنياكى ان شاء الله*لما تسألى براحتك*
ربنا يوفقك

mamoh
19-07-2009, 10:37 AM
السلام عليكم
انا شفت الموضوع بالصدفة وانا بشوف موضوعات عن كلية لغات وترجمة لاختي
قلت اوضح الموضوع علي قد ما اقدر ,
انا الصراحة بتعب من الكتابة بالعربي علي الكومبيوتر فصعب اني اقول تفاصيل مرة واحدة فهقول حاجات بسيطة ولو فيه اي استفسار انا تحت امركم
انا في طب بشري بس عين شمس , فاتمني اني اقدر افيدكم علي قد معلوماتي
بس في الاول
الطب الشرعي(Forensic Medicine) و طب الامراض النفسية والعصبية(Neurology and Psychiatry)
الاتنين فروع في طب بشري ,ومفيش كلية منفصلة لاي فرع منهم , لكن البحث الجنائي مالوش علاقة بطب واظن انه في الشرطة
هتكلم عن طب الامراض النفسية عشان واضح ان ده الي اتكلمتو عليه, بس لو فيه سؤال عن الطب الشرعي والسموم انا ما عنديش مشكلة و هو بالمناسبة احلي بكتير
الطبيب النفسي حاجة و الاخصاثي النفسي حاجة تانية خالص و برده الكتب و المعلومات مختلفين و اظن ان اللي electra بتتكلم عن انها شافت كتب فيه وعجبها هو مواضيع في علم النفس psycology مش الطب النفسي psychiatry لان دي حاجه ودي حاجة تانية وان كان فيه بعض التداخل مش مجاله دلوقتي لو عايزين توضيح ممكن ابقي اوضح
المهم عشان تكوني طبيب امراض نفسية وعصبية مالهاش غير طريق واحد وهو كلية الطب البشري يعني تدرسي الطب 6 سنين و بعدين سنة امتياز وتتخرجي طبيب عام ثم تختاري التخصص الي انتي عايزاه وتعملي فيه دراسات وبالمناسبة النفسيه حاجة والعصبية حاجة , يعني بتكوني دكتورة زي اي طبيب في اي فرع في الطب سواء جراحة او باطنة( بتعتبر جزء من الباطنة)
ومفيش مجال انك تكوني طبيب امراض نفسية عن طريق اداب علم نفس لان ده psychology مش psychiatry
لو فيه اي استفسار انا معنديش مشكلة بس اعذروني لو اتاخرت في الرد عشان مش بفتح الايميل كتير فممكن ما اخدش بالي ان حد رد علي الموضوع

*ساسُّو*
21-07-2009, 11:45 AM
السلام عليكم
انا شفت الموضوع بالصدفة وانا بشوف موضوعات عن كلية لغات وترجمة لاختي
قلت اوضح الموضوع علي قد ما اقدر ,
انا الصراحة بتعب من الكتابة بالعربي علي الكومبيوتر فصعب اني اقول تفاصيل مرة واحدة فهقول حاجات بسيطة ولو فيه اي استفسار انا تحت امركم
انا في طب بشري بس عين شمس , فاتمني اني اقدر افيدكم علي قد معلوماتي
بس في الاول
الطب الشرعي(forensic medicine) و طب الامراض النفسية والعصبية(neurology and psychiatry)
الاتنين فروع في طب بشري ,ومفيش كلية منفصلة لاي فرع منهم , لكن البحث الجنائي مالوش علاقة بطب واظن انه في الشرطة
هتكلم عن طب الامراض النفسية عشان واضح ان ده الي اتكلمتو عليه, بس لو فيه سؤال عن الطب الشرعي والسموم انا ما عنديش مشكلة و هو بالمناسبة احلي بكتير
الطبيب النفسي حاجة و الاخصاثي النفسي حاجة تانية خالص و برده الكتب و المعلومات مختلفين و اظن ان اللي electra بتتكلم عن انها شافت كتب فيه وعجبها هو مواضيع في علم النفس psycology مش الطب النفسي psychiatry لان دي حاجه ودي حاجة تانية وان كان فيه بعض التداخل مش مجاله دلوقتي لو عايزين توضيح ممكن ابقي اوضح
المهم عشان تكوني طبيب امراض نفسية وعصبية مالهاش غير طريق واحد وهو كلية الطب البشري يعني تدرسي الطب 6 سنين و بعدين سنة امتياز وتتخرجي طبيب عام ثم تختاري التخصص الي انتي عايزاه وتعملي فيه دراسات وبالمناسبة النفسيه حاجة والعصبية حاجة , يعني بتكوني دكتورة زي اي طبيب في اي فرع في الطب سواء جراحة او باطنة( بتعتبر جزء من الباطنة)
ومفيش مجال انك تكوني طبيب امراض نفسية عن طريق اداب علم نفس لان ده psychology مش psychiatry
لو فيه اي استفسار انا معنديش مشكلة بس اعذروني لو اتاخرت في الرد عشان مش بفتح الايميل كتير فممكن ما اخدش بالي ان حد رد علي الموضوع

عليكم السلام
اولا مرسيي كتر لحضرتك واسفة كتير على تعب حضرتك
انا كنت بسأل عن الطب الشرعى والنفسيي للبنات فى الازهر
بس مش كنت اعرف ان البحث الجنائي تبع الشرطة*لما سألت حد قالى انه للبنين فقط*
المهم
اللى سألته قالى ان الطب الشرعى احسن كتير فعلا*لو ممكن حضرتك تقولى توضيح ليه حتى لو بسيط*
قرأت كتب فى علم النفس
وكتب كتير فى البرمجة اللغوية والعصبية والتنمية البشرية عشان لو بقي مجالى المستقبلي ان شاء الله
فيه فرق بين الاتنين
بس متهيألى حصل تاتش فى المفاهيم عندى
فيه شوية استفسارات لو مش يضايق حضرتك تقول عنها توضيحات بسيطة
ربنا يوفق حضرتك وفى انتظار رد من حضرتك ان شاء الله لما تدخل
فى رعاية الله

mamoh
29-07-2009, 10:25 AM
زي ما قولتلك,الطب الشرعي و الطب النفسي الاتنين فروع في طب ولازم يكونوا موجودين في كل كليات الطب , ازهر او غيره
هو مافيش علاقة بينهم عشان اطلع فروقات, بس دراسة الطب الشرعي والسموم الذ , بتدرسي الجروح وانواعها وازاي تحددي سببها و الالة المستخدمة وطريقة الضرب و بتدرسي حالت الوفاة و العلامات الي بتدل علي وقت الوفاة التقريبي وايه سبب الوفاة وازاي تكتشفي الفرق بين الانتحار و ال*** والوفاة الطبيعية, ده غير حالات الاعتداء وال***
وهو ده الي ممكن تعتبريه قريب جدا من البحث الجنائي بس هنا انتي دورك مع العنصر البشري بس في القضية , يعني بيكون جزء من البحث في القضية بس بتفحصي الجاني والمجني عليه و احيانا مسرح الجريمة عشان تشوفي متوافق مع العلامات علي الضحية والجاني
الجزء الي اتني منه وهو السموم وده بتدرسي انواع السموم واعراضها وعلاجها
وطبعا الدراسة في الكلية بسيطة ومعظم المعلومات محدودة وعامة بس في التخصص بعد التخرج اكبر بكتير
انما الطب النفسي فده بتدرسي انواع الشخصيات personalities والامراض النفسية في الانسان زي الفصام واضطرابات الشخصية واضطرابات الاكل والامراض النفسية هل ليها منشا عضوي او العكس والعلاجات ومعظمها ادوية واحيانا مع psychotherapy العلاج النفسي
انما علم النفس انا مش عندي معلومات كفاية عنه بس ممكن تبصي في اللينك ده
http://ar.wikipedia.org/wiki/%D8%B9%D9%84%D9%85_%D8%A7%D9%84%D9%86%D9%81%D8%B3
http://ar.wikipedia.org/wiki/%D8%B7%D8%A8_%D9%86%D9%81%D8%B3%D9%8A
http://en.wikipedia.org/wiki/Psychiatry
ممكن اللينكات دي تساعدك
وزي ما قولتلك الطبيب النفسي هو الوحيد اللي من حقه يوصف ادوية لكن الاخصائي النفسي بيستخدم الدراسات الانسانية وعلم النفس ومتهيألي انهم بيهتموا اكثر انهم يعملوا دراسات علي المجتمع والسلوك العام وسلوك الناس اكتر من العلاج النفسي
والكتب اللي انت قراتيها كلها في مجال علم النفس والدراسات البشرية مش في الطب النفسي لانه بيهتم اكتر بالبحث عن الاسباب العضوية للمرض النفسي
اتمني اني اكون قدرت افيدك بحاجة واسف علي التاخير
واي استفسار مفيش مشكلة

**(elktra)**
29-07-2009, 11:36 AM
جزاكي الله خيرا على توضيحك
وفي حاجات كتيرة وضحت عندي

*ساسُّو*
10-08-2009, 11:21 PM
انا كنت بسال عن الفرق بين الطب النفسي والعصبي بس الروابط افادتنى كتير
مرسيي كتير لحضرتك حضرتك افدتنى كتير اوى
فعلا الطب الشرعى والسموم جميل اوى وعجبنى جدا
لو ممكن معلومات بسيطة عن الطب الشرعى اكون شاكرة لحضرتك
وان شاء الله اخر مرة مش هزهق حضرتك تانى
اسفة كتير لتعبك جزاك الله الجنة

*ساسُّو*
10-08-2009, 11:27 PM
انا كنت بسال عن الفرق بين الطب النفسي والعصبي بس الروابط وضحتلى حاجات كتير
مرسيي كتير لحضرتك بجد افدتنى كتير
لو ممكن حضرتك تقولى معلومات بسيطة عن الطب الشرعى والسموم اكون شاكرة لحضرتك
وان شاء الله اخر مرة ومش هزهق حضرتك تانى
اسفة كتير لتعبك جزاك الله الجنة

*ساسُّو*
10-08-2009, 11:32 PM
انا كنت بسال عن الفرق بين الطب النفسي والعصبي بس الروابط وضحتلى حاجات كتير
مرسيي كتير لحضرتك بجد افدتنى كتير
لو ممكن حضرتك تقولى معلومات بسيطة عن الطب الشرعى والسموم اكون شاكرة لحضرتك
وان شاء الله اخر مرة ومش هزهق حضرتك تانى
اسفة كتير لتعبك جزاك الله الجنة

*ساسُّو*
21-08-2009, 04:39 AM
سورى المشاركة اتكتبت مرتين
بس بجد شكرا المعلومات اللى فوق كافية ان شاء الله
ولقيت الرابط ده برده افادنى
http://www.holol.net/term.cfm
جزاك الله الجنة