هاي يا جماعة انا طالبة منكم خدمة بس ياريت حد يرد عليا انا عاوزة اعرف هندسة خاصة المنصورة بتاخد من كام ومصاريفها اد ايه ومناهجها سهلة ولا صعبة وايه المواد اللي بياخدوها هناك وهل هي أسهل من الهندسة العادية في طنطا ولا ايه نظامها واكون شاكرة جدا لكل واحد يرد عليا....

في اتنين هندسة خاص في المنصورة واحدة نشأت عام 2005 والتانية اتنشأت عام 2007 الاولي تابعة لاكاديمية مصر (السلاب) والتانية تابعة لاكاديمية الدلتا ... فأنتي تقصدي اي واحدة فيهم ؟؟

علي العموم انا هكلمك علي السلاب .. بصي هندسة السلاب من الهندسات الخاصة اللي اثبتت نفسها بجدارة في وقت قليل وهتلاقي تنسيقها بعد الحكومة علي طول .. انا اعرف ان الدكاترة اللي فيها هما نفس الدكاترة اللي بيدوا في جامعة المنصورة .. واعرف ان امتحاناتها ما بتجيش سهلة يعني محتاجة مذاكرة كويس و مصاريفها 6500


لو عاوزة اي استفسار تاني انا تحت امرك

انا محمود
هندسة 6 اكتوبر ( اكاديمية الثقافة والعلوم )



للمزيد من المعلومات ادخلي علي الموقع ده www.tansik.egypt.gov.eg

ميرسي كتير ليك يا محمود وعلى اهتمامك بس معلش انا كنت عاوزة اعرف اكتر عن الاتنين من حيث كل حاجة ولو تعرف حد فيهم ياريت تعرفي معلومات اكتر عنهم والدراسة في اي واحدة منهم اسهل.