لو سمحتم ممكن سؤال عن حقوق [الأرشيف] - بوابة الثانوية العامة المصرية

مشاهدة النسخة كاملة : لو سمحتم ممكن سؤال عن حقوق

فيلسوفه!!

15-07-2009, 12:37 AM

انا عارفه ان سؤالي في وقت غريب شويه
لاني قاعده على اعصابي عشان النتيجه((احنا بتوع الثانويه على يمينكوا وانتوا داخلين على موقع ثانويه ابقوا زورونا)) بهزر يمكن انسى!! :028ja7:

عامة انا ان شاء الله هنضملكوا كده كده بس نفسي برده يبقى المجموع الكلي 94 او 95 كان نفسي اجيب اكتر والله بس الظروف
ادعولنا كلنا نحقق اللي احنا عايزينه

المهم سؤالي هو عن حقوق انجلش

-بتاخد من كام في مادة الانجليزي؟ ولو بتهتم بالفرنساوي يبقى من كام برده؟
-هل هي صعبه عن حقوق العاديه ولا كويسه؟
-فيها كام ماده؟
وهل كل المواد بالانجليزي ولا في مواد بالعربي او لغات تانيه؟

انتمنى انكم تجاوبوني وبالتوفيق للجميع ان شاء الله

:romarioxp6:

TOTY_R

15-07-2009, 07:27 AM

حقوق انجلش كانت واخده السنه الى فاتت من حاجه وتمنين
وبتعتمد على مجموع الغات يكون عالى عندك فى الثانوى
واكيد هتدرسى فرنساوى فيها لان انا عرفى وبدرس فرنساوى وانجليزى فاكيد انتى هتدرسى
وبالنسبه لموضوع المواد دا مش عارفه الحقيقه بس ممكن تدخلى على موقع الكليه واكيد هتعرفى كل حاجه
اختارى القسم الانجليزى وهتلاقى جوه المواد والاقسام
دا موقع كليه الحقوق جامعه القاهره الى انا فيها ان شاء الله تنوريها ولو ناويه تنورى جامعه تانيه يبقى اكتبى فى السرش مثلا كليه الحقوق جامعه عين شمس مثلا على حسب الجامعه وهيجيلك الموقع

http://law.cu.edu.eg/

يارب اكون قدرت افيدك واى استفسار احنا فى الخدمه

CoMMaNdo

15-07-2009, 09:56 AM

45 فى الانجليزى
و مجموع المواد الاجنبيه كلها فوق 85
المواد بقى انا مقدرش افيدك فيها بس فيه هنا ناس معانا فى حقوق انجليزى
ياريت يدخلو ويقدرو يردو
بس انا الى اعرفه ان المواد هيا هيا
بس فيه مواد بتتدرس باللغه الانجليزيه
وفيه مواد باللغه العربيه عادى وبالفرنساوى طبعا
من الاخر هيا صعبه شويه بس دراستها ممتعه ومستقبلها احسن بكتير من العربى
وان شاءا لله تنورينا فى قسم الحقوق وفى الجامعه ان شاء الله

فيلسوفه!!

17-07-2009, 05:06 PM

ألف شكر ياجماعه
انا ان شاء الله هدخلها انا عرفت معلومات عنها كمان
هي مش مشكله اللغه المهم المنهج ومناهجها اقل لان اللغه هنتعود عليها دول 4 سنين!!
يلا الحمد لله
وشكرا ليكوا تاني نردهالكوا في الافراح

فيلسوفه!!

17-07-2009, 05:16 PM

وعلى فكره انا ان شاء الله هروح حقوق المنصوره
كله بيقول انها اصعب بس ان شاء الله خير
ادينا هنشوف

فيلسوفه!!

17-07-2009, 05:19 PM

بس طمنتوني برده لاني الحمد لله مجموعي في اللغات ميه ميه كده

maro 210

17-07-2009, 06:10 PM

انا كمان بدور على حد يكون فعلا حقوق انجليزى ....... عايز اعرف هى فى التنسيق من الاول و لا بعد لما ادخل حقوق عادى ابقى اقدم انجليزى..........بس انا سمعت ان فيها جزء بالانجليزى و الباقى عادى و مفيش فرنساوى........ يا ريت حد يفيدنا ....... مع الشكرررررررررررررررررررررر

maro 210

17-07-2009, 06:16 PM

وعلى فكره انا ان شاء الله هروح حقوق المنصوره
كله بيقول انها اصعب بس ان شاء الله خير
ادينا هنشوف

على فكرة حقوق انجليزى جامعة المنصورة اعلنت النهاردة فى الاهرام صفحة 9 فى الاجتماعيات عن فتح باب القبول عن طريق مكتب التنسيق (حقوق انجليزى او فرنساوى) :excl:

HAIDYMW

20-07-2009, 08:12 AM

هـــاي يا جماعة
يا مارو اي كليه فيها لغات بيكون فيها حاجة اسمها تنسيق داخلي دة بيكون غير التنسيق العام بتاع الكليات و دة انتا بتروح الكليه اللي انتا عايزها وتسأل عن اللغة اللي انتا عايزها يعني لو مثلا انتا عايز تدخل حقوق انجلش بتروح اول ما النتيجة بتاعتك تظهر على شباك شئون الطلبه بتاع الانجلش داخل الكلية وهناك هتلاقي الشروط اللازمة للالتحاق بيها ودة بيتغير كل سنه على حسب التنسيق والشروط دي بتكون درجة الانجلش + مجموع اللغات الثلاثة (عربي + انجلش + اللغة التانية) و في الغالب كمان بيكون فيه حد ادنى للمجموع الكلي يعني ممكن تلاقي مثلا الشروط كالتالي :
-الحد الادنى للمجموع الكلي 85%
-الحد الأدنى في اللغة الانجليزية 48
-الحد الأدنى لمجموع اللغات الثلاثة 140
ودي طبعا امثله .......
ربنا يوفقكم كلكم بس اهم حاجة تذاكروووووووووووووووا كويس جدا و ماتستهتروش عشان نظام الجامعة مش زي مابتسمعه عنه انه سهل و ان في ناس بتقضي السنه وبتذاكر فآخر شهر عشان الكلام دة كله مش مظبوط وعن تجربة شخصيه وشدوا حيلكوا عشان تجيبوا تقدير .....
اسفة اني طولت عليكم .. بـــاي

maro 210

21-07-2009, 03:56 AM