مشاهدة النسخة كاملة : اهلا طلاب الثانويه العامه ماهى كليه العلوم
زيزو1900 17-07-2009, 09:49 PM ماهى كليه العلوم كليه العباقرة
لو عايزتدرس طب ومواد طب فسيولوجى وانسجة وخليه وتحاليل كميائيه وطبيه الخ بعد
وتشتغل دكتور تحاليل طبيه في المستشفيات والمعامل وتفتح معمل تحاليل باسمك يبقي مكانك في كليه علوم
لو عايز تدرس صيدله وتراكيب الادويه وتصنيع الادويه والمضادات الحيويه وتشتغل في شركات الادويه زيك زى الصيدلي بالظبط في كل حاجة يبقي مكانك عندنا
لو عايز تشتغل في مجال اطفال الانابيب وتشتغل في المعامل الخاصة باطفال الانابيب يبقي مكانك في كليه علوم
لو عايز تطلع كميائي تشتغل في شركات الادويه او الاسمنت او البترول او السراميك او البلاستك او الاسفنج او الاسمدة او الصبغة الي اخر الشركات يبقي اكيد مكانك في كليه علوم
لو عايز تشتغل في مجال مكافحة العدوى في المستشفيات والمعامل يبقي اكيد مكانك في كليه العلوم
لو عايز تدرس الرياضيات والحاسب والفزياء والفلك والارصاد الجويه واو عايز تدرس الدى ان ايه وتطبيقاته يبقي بردو مكانك عندنا
لو عايز تشتغل في مجال البحث العلمى زى مراكز البحوث القوميه وتطلع عالم من العلماء يبقي بردو مكانك في كليه العلوم
هى الكليه التى يدرس بها كل العلوم الحيه والغير حيه الخاصه بالطبيعه والدراسه طبعا فيها باللغه الانجليزيه في كل الجامعات المصريه
والدراسه على اربع سنوات(نقطة نقاش)
اقسام الكليه الرئيسيه
1- قسم الكمياء الخاصة( special chemistry)
وتدرس فيه كل فروع الكميا من
الكمياء الحيويه
( وتدرس فيها جميع التفاعلات الخاصه بالكائن الحى وخصوصا جسم الانسان
وهى من اقوى الفروع فى الكمياء وتفتح مجلات عمل للمتخصصين فيها مثل التحاليل والادويه
وهى غير موجوده فى كل الكليات كأقسام ولكن تتدرس كمواد في قسم الكميا الخاصة زى الكميا العلاجيه وزى الكميا الحيويه 1 وكميا حيويه 2
الكمياء التحليليه
( ويدرس فيها كل مايخص التحليل الكميائى لاى شئ بالقوانين والمعادلات والنظريات
وتاتى فى المرتبه الثانيه من الكمياء لارتباطها الشديد بالاجهزه التحليليه
ويكون المتخصص فيها قدر على استخدام شتى الاجهزه
الكمياء العضويه
( ويدرس فيها كل مايخص العضويه من تفاعلات خارج الجسم وفى التربه وفى الطبيعه
وهى مرتبطه كثيرا بالصناعه فى مختلف المجالات )
الكمياء الصناعيه
( ويدرس فيها المواد الصناعيه مباشره وبعض المؤثرات والعلاقات فى الصناعه )زى industrial chemistry- اللي بتدرس فيها الصناعات الكميائيه زى صناعة الكميائيه للدهانات والخشب والزيوت
وهناك مواد اخرى كثيره ولكن لن اعرف وصفها بالعربى او حتى اسمها مثل
spectroscopy- sterochemistry- inorganic chemistry - physical organic- quantm- natural product - and more
2 - قسم البيولجى ويندرج تحته اقسام
قسم microbiology الميكرو بيولجى
وده مهم جدا زى الكمياء الحيوى ويختص بدراسه الكائنات الدقيقه (بكتريا وفيروسات وفطريات وطحالب)
قسم zoology علم الحيوان
وده قسم من اقوى الاقسام وتتدرس فيه كل مايخص الحيوان والطفيليات من تشريح ومناعه وفسيولجى وسلوك وتقسيم و وراثه وغيرهم ويختص ايضا بامراض الدم للتحاليل وغيره
طبعا قسم ابحاث ومواد بحثيه
قسم Botony علم النبات
ويختص بدراسه كل مايتعلق بالنبات من تشريح ومناعه وفسيولجى وسلوك وتقسيم و وراثه وغيرهم ويختص ايضا
بدراسه الفيروسات
قسم entomology الحشرات
ويختص بدراسه الحشرات من تشريح وفسيولجى وسلوك وتقسيم و وراثه وغيرهم ويختص ايضا
بمقاومه الافات والحشرات ( الجراد)
قسم الكميا الحيوى ( موجود في بعض الجامعات وليست كلها
وتدرس فيها جميع التفاعلات الكميائيه الخاصه بالكائن الحى وخصوصا جسم الانسانة وتدرس فيها الكميا العلاجيه زى المسكنات وخافضات الحرارة وزىمضادات البكتريا والفطريات والفيروسات والطفيليات
وهى من اقوى الفروع فى الكمياء وتتخصه من بيولوجى وتفتح مجا لات عمل
للمتخصصين فيها مثل التحاليل والادويه
قسم علوم وبحار والاسماك(موجود في بعض الجامعات وليست كلها)
ودة بتدرس فيه كل ما يتعلق بعالم البحار وانواع الاسماك
ودة طبعا شغله في المزارع السمكيه ومجال البحث العلمى
قسم الكميا والميكروبيولوجى
وهو قسم مهم جدا بيملكلك العصايه من النص يعنى انت كميائي وفي نفس الوقت
microbiologist
تدرس فيه كل فروع الكميا السابقة (حيويه وعضويه وتحليله وفزيائيه ) وايضا تدرس فيه كل فروع الميكروبيولوجى السابقة (البكتريا والفطريات والطحالب والفيروسات)
قسم الكميا والحيوان
وهو قسم هجين بين الكميا والحيوان وتدرس فيه علوم كل فروع الكميا وكل فروع الحيوان من الطفيليات والفسيولوجى والامراض الوراثية والانسجة وعلم الخليه الخ
قسم الكميا والنبات
هو قسم هجين بين الكميا والنبات وتدرس فيه كل فروع الكميا وكل فروع النبات من امراض نباتيه ووراثيه
قسم البيوتوكنولوجى (قسم موجود في بعض الجامعات فقط)
DNA تدرس فيه
والخ
3-قسم الجولوجيا
وهوقسم يختص بدراسه سطح الارض ومافيها من معادن وغيره
4-قسم الفيزياء
قسم خاص بالتجارب والقوانين والعلاقات الرياضيه والدوائر الكهربائيه
5-قسم الحاسبات والرياضه
وهوقسم تدرس فيه كل فروع الرياضيات والحاسبات
6-قسم الفلك والارصاد الجويه (موجود في بعض الجامعات وليست كلها)
تدرس فيه كل ما يتعلق بالفلك والنجوم والكواكب والارصاد الجويه
hanoooooooda 18-07-2009, 06:15 AM السلام عليكم
فعلا الكليه دي راااااااااااااااااااااااااائعه جدا والحمد لله إني فيها
تحـــــــياتي,,
AyAh..N 19-07-2009, 05:26 PM انا عاوزة اسال لو عايزة اشتغل في مجال اطفال الانابيب و في المعامل الخاصة باطفال الانابيب بدخل قسم ايه بالظبط ؟
زيزو1900 19-07-2009, 10:19 PM انا عاوزة اسال لو عايزة اشتغل في مجال اطفال الانابيب و في المعامل الخاصة باطفال الانابيب بدخل قسم ايه بالظبط ؟
حضرتك لازم تدخلي قسم بيولوجى وبعد كدة تدخلي اقسام مزدوجه
ولو عايزة استفسار اكتر فيه جروب للعلميين ع الفيس بوك يضم جميع العلميين بما فيهم اخصائي اطفال الانابيب
FARIDA 2010 20-07-2009, 03:29 AM السلام عليكم و رحمة الله و بركاته
اولا شكرا جدا علي الموضوع الجميل ده و شكرا علي تعب حضرتك .
ثانيا انا مجموعي يجيب كليه العلوم بس كل الناس بتقولي مدخلهاش لانها صعبة جدا و ان معظم الناس لازم تسقط اول سنة ( ناس اعرفهم حصل معاهم كده ) و ان عشان تعديها عاوز معجزة و لازم تكون عبقري زمانك .. انا محتارة !!
ممكن حضرتك تقول الكلام ده صح و لا لأ ؟ معلش لتعب حضرتك انا محتاجة اعرف فعلا
و السلام عليكم و رحمة الله و بركاته
نورا 2008 20-07-2009, 06:13 AM انا بردة عندي نفس المشكلة
زيزو1900 20-07-2009, 08:53 PM بالنسبه لصعوبه الكليه من الاخر اللي بيحب الكليه وداخلها وهو بيحبها وبيزاكر اول باول هيبدع فيها و هيتفوق فيهاو اللي مش فارقه معاه ومطنش ومش بيزاكر اكيد هيحس ان الكليه صعبه
انا عن نفسي كنت برجع من الكليه كل يوم ابيض محاضراتى يوميا بعد ما ارجع من الكليه كل يوم بس بيكتبها وابيضها وانا فاهم اللي بكتبه وفي الاخر بقعد امسك المادة كلها ع بعضها اجيب اخرها
والحمدالله اتخرجت وجيبت جيدجدا ومن الاوائل علي قسمى
الكليه صعبه للي مش بيزاكر وللي مش بيحبها فقط انما اللي يزاكر ربنا عمره ماهيضيع تعبه
ودايما تحطو في دماغكو تعملو اللي عليكو اوى اوى والنتايج دى ماتحوطهاش في دماغكو لانى النتيايج دى بتاعه في ايد ربنا
انما اللي في ايدى هو الاجتهاد والمزاكرة وانى اعمل اللي عليا
وبالنسبه للتنسيق ع فكرة التنسيق السنه اللي فاتت كان نازل جدا السنة دى هيعلي زى السنين اللي قبل كدة يعنى ع سنتى انا كان علوم طنطا من علمى علوم 95.5
الباشمهندسة 21-07-2009, 01:41 AM طب انا علمى رياضة ..
ياترى اقدر ادخل قسم ايه ..عشان شوفت فى تنسيق السنة اللى فاتت ...بيبقى تنسيق علوم/رياضة لوحدها ..
يعنى مش فاهمة .."هو انا مش ممكن اكتب علوم عادى من غير رياضة "..؟؟
توتى توتى توتى 21-07-2009, 05:37 AM وانا كمان مش فاهم ياريت اى حد يفهمنا
http://www.crwflags.com/fotw/images/e/eg%5E.gif
محمد خيرى محمد محمد جبريل
الباشمهندسة 21-07-2009, 04:50 PM طب انا علمى رياضة ..
ياترى اقدر ادخل قسم ايه ..عشان شوفت فى تنسيق السنة اللى فاتت ...بيبقى تنسيق علوم/رياضة لوحدها ..
يعنى مش فاهمة .."هو انا مش ممكن اكتب علوم عادى من غير رياضة "..؟؟
ياريت يا جماعة حد يرد عشان التنسيق قرب..
زيزو1900 21-07-2009, 06:33 PM طب انا علمى رياضة ..
ياترى اقدر ادخل قسم ايه ..عشان شوفت فى تنسيق السنة اللى فاتت ...بيبقى تنسيق علوم/رياضة لوحدها ..
يعنى مش فاهمة .."هو انا مش ممكن اكتب علوم عادى من غير رياضة "..؟؟
لا مش ينفع
ادام انتى علمى رياضة يبقي تكتبي علوم رياضة
فيه تنسيقين لكليه العلوم
واحد من علمى علوم والتانى من علمى رياضة
ودايما االتنسيق اللي من علمى علوم بياخد اعلي من علمى رياضة
يعنى علمى علوم ع سنتى كان واخد 95.5 وعلمى رياضة كان واخد 90
اللي من علمى رياضة يكتب علوم رياضة
واللي من علمى علوم يكتب في التنسيق علوم
وممكن اللي من علمى رياضة متاح ليه اقسام جيولوجيا و رياضة وفزيا وحاسب وفي بعض الكليات كميا
وطبعا قسم جيلوجيا قسم ممتاز جدا وبيشتغلوا في شركات البترول
وطبعا الكميا قسم ممتازجدا جداجدا وبيشتغل شركات ادويه-بترول-سراميك-اسفنج-اسمدة اسمنت الخ
وومكن لما تخلص اينا كان قسمك في كليه العلوم
تشتغلي مديكال ريب ووبتاخدى مرتب يعنى 1500 وعربيه ع الزيرو
واظن مفيش اي كليه بتلاقيلها فرص العمل دى غير في علوم
hana999 23-07-2009, 12:39 AM طب ممكن نعرف ايه نظام الدراسة والأدوات والكتب والمصاريف وكل حاجة
كمان اية قسم الجيولوجيا والعلوم البيولوجية دة
وازاي ندخل قسم سبيشيال
وايه الدبلومات اللي بيقولوا بنعملها بعد الكلية عشان نبقى زي خريجي صيدلة وايه أحسن الأقسام وأحسن الجامعات
وكفاية كدة وشكرا
زيزو1900 23-07-2009, 01:00 AM طب ممكن نعرف ايه نظام الدراسة والأدوات والكتب والمصاريف وكل حاجة
كمان اية قسم الجيولوجيا والعلوم البيولوجية دة
وازاي ندخل قسم سبيشيال
وايه الدبلومات اللي بيقولوا بنعملها بعد الكلية عشان نبقى زي خريجي صيدلة وايه أحسن الأقسام وأحسن الجامعات
وكفاية كدة وشكرا
نظام الدراسه طبعا مزاكرة من اول يوم او ممكن تبيض محاضراتك يوم بيوم بعد ماتيجى من الكليه وفي الاخر تزاكر
قسم الجيولوجيا هو دراسه لعلم طبقات الارض
ويندرج تحته جيولوجيا وكميا وجيوفزيا وجيلوجيا سبيشيل
بيواوجى هو قسم بتدرس فيه اولي وتانيه مواد زى الفسيولوجى والكميا الخ
وبعدها بتتخصص ميكروبيولوجى سبيشيل او كميا ميكرو او مثلا حيوان سبيشيل او كميا وحيوان
وبالنسبه للدبلومات انت بعد مابتتخرج بتبقي زيك زي الصيدلي في شركات الادويه
بتبقي اسمك كميائي زى الصيدلي في شركات الادويه
ولو كنت قسم كميا وميكروبيولوجى بتشتغل زى الصيدلي واكتر كمان
يعنى ممكن تشتغل في شركات الادويه في قسم الكميا او في قسم الميكروبيولوجى
هقولك علي اقسام شركات الادويه اللي داخل مصنع الادويه
1 معمل الانتاج لا يجوز ان يعمل بها غير صيادلة وفنيين لان الصيدلى اقرب الى هذا العمل من الكميائى
2- معمل الكمياء يشترك فية الكميائى والصيدلى سواء عن تجربة
3- معمل الميكروبيولوجى لا يعمل بة الا بكالوريوس العلوم قسم ميكوبيولوجى
4- معمل الابحاث والتطوير دى لعبة الصيادلة -- ولا دى كمان فيها شك؟؟؟
5-الاى بى سى ودى ممكن يشتغل فيها كميائيين وصيادلة على فكرة فى جلاكسو كلها فنيين ودة غلط بردة
6-توكيد الجودة ممكن صيادلة وممكن كميائيين عادىبردة
7-ادارة التخطيط ينفع صيدلى او كميائى وهى موهبة اكتر ما تكون علم حد فاهم حاجة
8-ادارة المخازن ينفع صيلى او كميائى ومحدش يستهزأ بالمخازن دى والله فى قمة الاهمية ودورها جوكر-ادارة المخازن ينفع صيلى او كميائى ومحدش يستهزأ بالمخازن دى والله فى قمة الاهمية ودورها جوكر
9- تخصص الفاليديشن validation جديد على مصر وبيندرس فقط برة مصر فى جامعات معينة وفى مصر كورساتة غالية واللى بيفهموا فية فى مصر يتعدوا على الاصابع حوالى 10 بالكتير و اغلبهم كميائيين ودة ممكن يعمل فيى صيدلى او كميائى ترجع للموهبة والقدرة على تنمية المهارات والاطلاع الدورى على كل جديد
زيزو1900 23-07-2009, 01:05 AM اللي فات دة بالنيبه للشغل في شركات الادويه
بره المصنع بقي في الميدكال ريب(تسويق الادويه)
الصيدلي يشتغل كميدكال ريب والكميائي يشتغل كميدكال ريب
الصيدلي يفتح صيدليه الكميائي يفتح معمل تحاليل
الكميائي بقي ممكن يشتغل ككميائي في شركات البترول والمياه والاسمنت والاسمدة والاسفنج والصباغة والزجاج والقطن الطبي والمناديل والبلاستك والعصاير والاغذيه والاخشاب والدهانات الخ
hana999 23-07-2009, 06:04 PM ميرسي ع الرد الوافي بس عايزة أعرف ايه المواد والأدوات المطلوبة ف سنة أولى أنا علمي علوم
زيزو1900 23-07-2009, 06:35 PM ميرسي ع الرد الوافي بس عايزة أعرف ايه المواد والأدوات المطلوبة ف سنة أولى أنا علمي علوم
انت ليك كل الاقسام في الكليه
علوم طبيبعيه
وعلوم بيولوجيه
علوم جيولوجيه
وعلي حسب قسمك بتتحدد المواد والادوات اللي انت هتجيبها
physics_forever 23-07-2009, 10:18 PM بسم الله الرحمن الرحيم
السلام عليكم ورحمة الله وبركاته
اخوكم طالب فى سنة ثالثة علوم
عايز اقولكم اولا ان الكلية مش صعبة للدرجة دى زى ما كل الناس فاكرة طبعا مفيش كلام ان الكلية طبعا محتاجة مذاكرة كتير شوية وطبعا حضور دائم
بس بجد الدراسة فيها ممتعة ولذيدة جدا وكل اللى هيدخلها وهو حاببها هيتأكد من ده
ولازم نعرف ان 80% من اللى بيدخلوها مش بمزاجهم بس لازم الناس تعرف انها هتفضل كده برضة فالناس اللى حاسة اللى هى هتدخلها لازم تقتنع بيها وتحبها علشان تقدر تستمر فيها
طب انا علمى رياضة ..
ياترى اقدر ادخل قسم ايه ..عشان شوفت فى تنسيق السنة اللى فاتت ...بيبقى تنسيق علوم/رياضة لوحدها ..
يعنى مش فاهمة .."هو انا مش ممكن اكتب علوم عادى من غير رياضة "..؟؟
بالنسبة لعلمى رياضة فى التنسيق فعلا لازم يكتب علوم/رياضة
بس ده مش معناه ان انت هتدخل قسم رياضة
لبالعكس بيبقى قدامك اكتر من قسم وهما كيمياء (بس مش فى كل الجامعات) _جيولوجيا_ فيزياء _وطبعا رياضة
وكل قسم بداخله شعب كتيرة
ميرسي ع الرد الوافي بس عايزة أعرف ايه المواد والأدوات المطلوبة ف سنة أولى أنا علمي علوم
فعلا المواد فى سنة أولى بتتحدد على حسب الشعبة وهما 3 بس فى اولى (علوم (طبيعية -بيولوجية -جيولوجية))
وعلوم طبيعية بتأهل للدراسة فى أقسام وشعب (كيمياء و فيزياء ورياضة) علشان كده بتكون مواد الشعبة دى عبارة عن كورسات فى الكيمياء والفيزياء والرياضة
_وعلوم بيولوجية بيدرسوا نبات وحيوان وكيمياء( وفيزياء ورياضة بس مش زى علوم طبيعية طعا أقل بكتير)
وعلوم جيولوجيا بيدرسوا جيولوجيا ونبات وحيوان وكيمياء (وفيزياء ورياضة بس مش زى علوم طبيعية طعا أقل بكتير)
وبالنسبة للأدوات حاجات بسيطة بس أهم حاجة هى البالطو طبعا:)
es_raa 26-07-2009, 10:26 AM :excl:هل صحيح انه يمكن دخول كلية طب عن طريق قلية العلوم؟؟؟؟؟؟؟؟
زيزو1900 26-07-2009, 03:29 PM :excl:هل صحيح انه يمكن دخول كلية طب عن طريق قلية العلوم؟؟؟؟؟؟؟؟
ممكن تبقي دكتور تحاليل بعد ما تخلص بكالوريوس علوم وتاخد دبلومة تحاليل و تفتح معمل باسمك وتكتب عليه الدكتور فلان
محمد.فوكس 26-07-2009, 06:14 PM انا رايح تانية علوم اسكندرية و مستني نتيجة توزيع الطلبة على الاقسام.
و في قلق كبير ان ميجيليش كيمياء.
فحطيت بعدها في الرغبات حاسب و فيزياء ..
فكنت عايز اعرف فرص العمل لو مجاليش كيمياء .. بالذات للفيزياء
و ميهمكش اتكلم بصراحة و قول .. انا عندي خلفية ان ملهوش شغل الا في حاجات نادرةزي مراكز البحوث.
لكن عل و عسى يكون في حاجة تانية.
سلام..
زيزو1900 26-07-2009, 09:13 PM انا رايح تانية علوم اسكندرية و مستني نتيجة توزيع الطلبة على الاقسام.
و في قلق كبير ان ميجيليش كيمياء.
فحطيت بعدها في الرغبات حاسب و فيزياء ..
فكنت عايز اعرف فرص العمل لو مجاليش كيمياء .. بالذات للفيزياء
و ميهمكش اتكلم بصراحة و قول .. انا عندي خلفية ان ملهوش شغل الا في حاجات نادرةزي مراكز البحوث.
لكن عل و عسى يكون في حاجة تانية.
سلام..
قسم الفزيا
شغله في مراكز البحوث ومراكز الاورام ومعامل الاشعه
وبتبقي كفزيائي صحى
ودة لينك فيه الكلام دة من وزارة الصحة
http://www.mohp.gov.eg/sec/Services/texraui.asp?x=1#Part3
وبيشتغلوا في المفاعلات النوويه زى مفاعل انشاص بتاع حلوان وانا ليا زميلي كان واخد التدريب بتاعة في مفاعل انشاص
وع فكرة فيه حاجة اسمها معادله كميا بعد ما بتخلص بكالوريوس مثلا حيوان سبيشيل او فزيا سبيشيل مثلا
بتدخل المعادله وتقريبا مدتها سنة ونص او سنتين وبعد كدة بتاخد بكالوريوس جديد يبقي بكالوريوس كميا وحيوان مثلا او بكالوريوس كميا وفزيا
محمد.فوكس 27-07-2009, 02:28 AM طب فرص الفيزيائي الصحي كتير ولا نادرة...و هل لازم يكون فيزياء حيوية ولا ممكن فيزياء؟
هو المفاعل ده بحثي صح؟
بالنسبة لموضوع المعادلة عشان اخد بكالوريوس فيها كيمياء موجودة في اسكندرية؟..و هل موجودة فعلا ولا لسة بيفكروا يعملوها ولا ممكن تكون كانت موجودة و اتلغت خصوصا مع تطبيق نظام الساعات المعتمدة
زيزو1900 27-07-2009, 04:29 AM طب فرص الفيزيائي الصحي كتير ولا نادرة...و هل لازم يكون فيزياء حيوية ولا ممكن فيزياء؟
هو المفاعل ده بحثي صح؟
بالنسبة لموضوع المعادلة عشان اخد بكالوريوس فيها كيمياء موجودة في اسكندرية؟..و هل موجودة فعلا ولا لسة بيفكروا يعملوها ولا ممكن تكون كانت موجودة و اتلغت خصوصا مع تطبيق نظام الساعات المعتمدة
بالنسبه للفزيائي الصحى هى قليله وعادى ممكن تكون فزيا عادى مش شرط فزيا حيوى
والمفاعل بحثي فعلا
وبالنسبه للمعادله انا اعرف واحد كان داخل المعادله السنه اللي فاتت وهو قسم حيوان سبيشيل وهو في جامعة شبين
ودلوقتى اصلا كل السبيشيل بعد ما يخلص بيروح يدور ع المعادله وفي نفس الوقت بيقدم في الدبلومة بس دى في جامعة ودى في جامعة عشان قانون الجامعات بس
أسورة 27-07-2009, 09:00 PM 6-قسم الفلك والارصاد الجويه (موجود في بعض الجامعات وليست كلها)
تدرس فيه كل ما يتعلق بالفلك والنجوم والكواكب والارصاد الجويه
طيب هو ده بيتحدد على اساس ايه
nourelgna 28-07-2009, 12:45 AM علوم القاهرة ولا عين شمس احسن
زيزو1900 28-07-2009, 12:47 AM علوم القاهرة ولا عين شمس احسن
احسن من ناحيه ايه
nourelgna 28-07-2009, 03:58 PM ياجماعة محدش رد عليا لية بسرعة عشان التنسيق
nourelgna 28-07-2009, 04:02 PM من ناحية كل شئ وخصوصا الدراسة وسؤال كمان لو انا عاوز اطلع دكتورة تحاليل ادخل قسم اية
زيزو1900 28-07-2009, 06:19 PM كل كليات العلوم في الجامات المصريه ي مستوى واحد من حيث كل حاجة
ولو عايزة تطلعى دكتورة تحاليل افضل الاقسام هى
الكميالحيوى
الكميا والميكروبيولوجى
الميكروبيولوجى سبيشيل
كميا سبيشيل
واي كميا مزدوج
nourelgna 29-07-2009, 01:20 AM وهى مصاريف الكلية كام
nourelgna 29-07-2009, 12:12 PM السلام عليكم
زيزو1900 30-07-2009, 04:51 AM السلام عليكم
وعليكم السلام
مصاريف الكليه بتختلف من جامعة لجامعة
بس هى عموما بتبقي 160 جنيه تقريبا
menahero 31-07-2009, 07:31 PM طيب هي ال 160 جينيه دي ثابته حتي لو دخلت علوم رياضه قسم جيولوجيا دي
و بعد ما اتخرج منها انشاء الله يبقي اسمي عشان اشتغل ف شركات البترول
زيزو1900 31-07-2009, 10:52 PM طيب هي ال 160 جينيه دي ثابته حتي لو دخلت علوم رياضه قسم جيولوجيا دي
و بعد ما اتخرج منها انشاء الله يبقي اسمي عشان اشتغل ف شركات البترول
لا فيه قسم جيولوجيا بترول دةة بمصاريف دة ب10 الاف جنيه
انما جيولوجيا وباقي الاقسام عادى بمصاريف عاديه زى ماقلت حوالي 160 او 200 جنيه
ميدو صبحى 06-08-2009, 11:45 AM علوم عين شمس وانا دخلتها
ميدو صبحى 06-08-2009, 11:46 AM طلاب علوم هل بيكونوا فى نفس الكليه مع طلاب علوم/رياضه؟
حد يرد عليا من فضلكم
eng...lido 06-08-2009, 03:09 PM السلام عليكم
eng...lido 06-08-2009, 03:10 PM اكيد كلنا بنبقى مع بعض فى نفس الكلية سواء علوم او رياضة
هى بس بتختلف فى الاقسام
اذكر الله 07-08-2009, 10:48 PM ياريت يا جماعة اى حد علوم المنصورة يبعتلى على الخاص
براءة 08-08-2009, 12:38 AM علوم القاهرة ولا عين شمس احسن
القاهرة اسهل من عين شمس
خريج عين شمس خريج محترم جدا جدا جدا ومادته العلمية قوية
ولكن لما تيجى تشتغل ناس كتير بتفضل القاهرة ع اى جامعة تانية
ولكن خريج عين شمس فى رأيي افضل
khaledhonour 12-08-2009, 02:22 PM ان بس لو سمحت كنت عاوز موضوع لوحدة عن الرياضيات والحاسب الالى وموضوع لوحدة عن جولوجيا بترول الر بسرعة بلييييييييييييييييييييييز:d
زيزو1900 13-08-2009, 12:08 AM ان بس لو سمحت كنت عاوز موضوع لوحدة عن الرياضيات والحاسب الالى وموضوع لوحدة عن جولوجيا بترول الر بسرعة بلييييييييييييييييييييييز:d
بالنسبه لقسم الحاسب فانتى لازم تدخلي علوم فزيائيه في سنه اولي
اما البترول ففيه محاضرةة في جامعة القاهرة للتعريف بالقسم الجديد
التعريف بالنظام الجديد الخاص بالتقنيه الحيويه وكمياء البترول الخاص بعلوم القاهره
اول سبتمبر الساعه 10 صباحا
النظام له تنسيق داخلى يصل الى 95 %
اللغات 90% --- مقابله شخصيه ---- امتحان فى التخصص الثانوى
(http://www.facebook.com/home.php?#)
MuHaMeD kHaLeD 15-08-2009, 12:50 AM خلاص كبرنا
مبقناش طلبة ثانويه عااامه
aest_7777777 01-09-2009, 07:28 PM هل يوجد قسم للبترول بكلية علوم الاسماعيلية زي كلية القاهرة
زيزو1900 01-09-2009, 08:46 PM هل يوجد قسم للبترول بكلية علوم الاسماعيلية زي كلية القاهرة
لا للاسف
قسم البترول موجود في القاهرة واسكندريه فقط
لكن هناك اقسام الجيولوجيا في الاسماعليه
MuHaMeD kHaLeD 06-09-2009, 06:52 AM اناااااااااا تهت و ربنااااااا
حسناء34 11-09-2009, 06:08 AM لو سمحت حد يقولى ضرورى انا عايزه لما اتخرج افتح معمل تحاليل ادخل قسم ايههههههههه بس حد يردعليا بسرعة ارجوكم
حسناء34 11-09-2009, 06:11 AM ايييييييييه ياجماعه محدش جاوبنى
حسناء34 11-09-2009, 06:15 AM لو فى حد علوم المنصورة يكلمنى على الايميل الخاص
زيزو1900 11-09-2009, 10:14 AM لو سمحت حد يقولى ضرورى انا عايزه لما اتخرج افتح معمل تحاليل ادخل قسم ايههههههههه بس حد يردعليا بسرعة ارجوكم
بصي التحاليل الطبيه60%كمياحيوى و 40%ميكروبيولوجى
ولكن كل الاقسام للي هقولهالك دى تقدر تفتح معامل
1-قسم الكمياالحيوى
2-قسم الكميا والميكروبيولوجى
3-قسم الكميا والكميا الحيوى
4-قسم الكمياالحيوى والميكروبيولوجى
5-قسم الكميا والحيوان
6-قسم الكميا والنبات
ساره العراقيه 16-09-2009, 11:29 PM السلام عليكم انا طالبه خلصت الثانويه العامه وعايزه اخش علوم كيمياء او بيولوجي وعايزه اعرف هي الدراسه بلانكليزي والا العربي عشان انا الانكليزي بتاعي مش كويس يعني
ولكم مني فائق الاحترام والتقدير
DARKK 19-07-2011, 02:31 AM يا جماعه هى علووووم دى بجد صعبه اوووووووووى ولا ايه ؟؟
كيميائي طبي2011 19-07-2011, 05:54 PM يا جماعه هى علووووم دى بجد صعبه اوووووووووى ولا ايه ؟؟
لا مش صعبة بس عايزه مذاكرة
Nesma Mohammed 20-07-2011, 03:49 AM طيب لو سمحتو عندى استفسار قسم رياضة اللى ف كلية علوم ده اللى بيتخرج منه بيشتغل ايه ممكن حد يساعدنى بسرعة ويقولى مجالات شغل القسم ده
gomana adel 20-07-2011, 05:08 AM يا جماعة هو مينفعش ادخل قسم فيزياء من علمي علوم افيدوني ضرووووووووووووووووووووووووووووووووووووووووووووووري
d00ry 21-07-2011, 02:29 PM ممكن تبقي دكتور تحاليل بعد ما تخلص بكالوريوس علوم وتاخد دبلومة تحاليل و تفتح معمل باسمك وتكتب عليه الدكتور فلان
طيب بتكون من قسم ايه كيميا ولا احياء عشان تبقى دكتور تحاليل؟؟؟
ولو كيميا هيبقى قسم كيميا ايه؟؟؟
كيميائي طبي2011 21-07-2011, 05:04 PM طيب بتكون من قسم ايه كيميا ولا احياء عشان تبقى دكتور تحاليل؟؟؟
ولو كيميا هيبقى قسم كيميا ايه؟؟؟
اي قسم كيمياء ينفع
لكن طبعا
ده تخصص اقسام الكيمياء بتاعه البيولوجي
وعشان كده افضل االاقسام
هي اقسام الكمياء المزدوججه مع تخصصات البيولوجي
يعني بتدرسي الكيمياء والبيولوجي
x_hunter2008 22-07-2011, 01:15 AM يا جماعة هو مينفعش ادخل قسم فيزياء من علمي علوم افيدوني ضرووووووووووووووووووووووووووووووووووووووووووووووري
طبعا تعرفى تدخلى قسم فيزيا من علمى علوم بس للاسف الموضوع ده مش فى كل الجامعات هو موجود فى بعضها بس واشهرهم جامعة القاهرة بالنسبة للقاهرة ده اكيد على ضمانتى
منة25 22-07-2011, 06:33 PM انا اول مرة اشترك في القسم ده انا مجموعي95وكان نفسي ادخل كلية طب اوصيدلة بس المجاميع كبيرة وانا مجموعي قليل
انا عمي دخل كلية العلوم واستمر فيها 3سنين او اقل وبعدين حول لطب وبقي دكتور باطني وحميات وبيشتغل بره
ياترى النظام ده مطبق الوقتي حد يعرفمعلومات تفيدني
ALLALL 22-07-2011, 06:40 PM لا متهيالى اتلغى
gomana adel 30-07-2011, 02:54 PM طبعا تعرفى تدخلى قسم فيزيا من علمى علوم بس للاسف الموضوع ده مش فى كل الجامعات هو موجود فى بعضها بس واشهرهم جامعة القاهرة بالنسبة للقاهرة ده اكيد على ضمانتى
طب ايه نظام عين شمس ينفع فيها هيا كمان ولا لأ وشكرا للاهتمام
امانى نونا 01-08-2011, 04:50 PM هل كليه العلوم مثل الثانويه العامه فى المذاكره
ahmedmido1 09-09-2012, 09:03 PM يا جماعة هى كلية العلوم دى المفروض تخصص اية علمى رياضة ولا علمى علوم ولا الاتنين ولا اية بالظبط!!!!
سهيله سامح 05-09-2014, 04:52 PM انا محتارة احش علو م ولا تمريض
mhmd111 12-11-2014, 07:12 PM هل قسم فيزياء مسموح لطلاب علمى علوم
|