مشاهدة النسخة كاملة : هزيمة الأهلي من الحدود في السوبر


Golden Eagle
21-07-2009, 10:52 PM
النهارده الأهلي إتهزم يا رجاله
بس هزيمة مبشرة
حرس الحدود خطف هدف جميل ( الواد لف بيها لفة حلوة بصراحه ) ف اول المباراه يمكن ف أول 5 دقايق
بعدها سيطرة للأهلي و فيها فرص ضايعه
منها العجيزي اللي لم الحارس و شاط الكورة ف العارضه
و تريكه ( اللي كانت منحسه معاه جامد النهارده ) ضيع 3 كور
إتنين برا الملعب
و إنفراد صده المتألق كاميني
دا غير اللي إتقطع منه لسوء الاستلام
بس ف الآخر جاب جون " لحفظ ماء الوجه " علشان يتقال إن الحرس كسب فرق واحد
حج أحمد السيد " كابتن " النادي الأهلي عمل شد مع عيد عبد الملك
عيد زقه ع الأرض و الحكم ولا الهوي
المهم أحمد السيد إدي كوع لعيد و طلع برا الماتش ف الدقيقه يمكن 35 م الشوط الأول
باقي الشوط الأول ضغط م الأهلي بس التكتل الدفاعي للحرس كان كويس و الخطوره كانت صفر
أول 10 دقايق م الشوط التاني الأهلي كمل ضغط الشوط الأول
بعد كدا الرتم هدي خالص يمكن إستحواذ م الأهلي
و يمكن بعد فترة الاستحواذ السلبي م الأهلي دي الحرس بدأ يهاجم هجمات منظمة بدل الهجمات المرتدة اللي كان معتمد عليها
و من هجمه مرتده تانيه أحرز الحرس الهدف التاني من تسديدة ممتازه و مركونه علي يمين ميرو
و الهدف دا قضي ع أمال لاعيبة الأهلي
هجمات متبادلة م الفرقتين ما لهاش أي لازمه
و وسط الملل دا محمد طلعت خطف كوره براسه طار عليها كاميني و طلعها كورنر
و ملل تاني لغاية الدقيقه يمكن 92 أحمد فتحي خطف شوطه صدها كاميني و تابعها تريكه جاب منها جون الأهلي الوحيد
و غالبا ً أنا ما شفتش الحرس بيسنتر
الحكم نهي الماتش
و ع فكرة الحكم ما كانش وحش
بل كان كويس جدا ً
طرد أحمد السيد صح مليون ف الميه
هما بس كام فاول غلط فيهم لأنه بشر
و ما طردش أحمد عيد عبد الملك لما زق أحمد السيد وقعه ع الأرض ( و إن كانت الزقه مش جامده قوي يعني )
الحرس أدي دفاعيا ً بشكل ممتاز
الأهلي أدي بشكل أكتر من رائع بالتشكيلة الجديدة 4 4 2 ( زي الحرس )
و أكيد طرد أحمد السيد أثر ع الفريق
و مع مراعاة الغيابات في صفوف الأهلي ( وائل و أحمد حسن و بركات و غيرهم أو يمكن بس كدا )
بداية مبشرة للأهلي
ألف مبروك للحرس
و ألف مبروك لجمهور الأهلي علي الأداء الجيد

Golden Eagle
21-07-2009, 11:10 PM
تصحيح يا جماعه
هدف حفظ ماء الوجه ما إتحسبش
الأهلي خسر 2 صفر

theotherface
21-07-2009, 11:18 PM
يا باشا الحكم كان اكثر من رائع ما عدا حتة بتاعة احمد السيد وعيد عبد الملك لان الطرد بيتاخد اذا كانت الكورة مع عيد واخدها احمد السيد بالكوع اما مش بعد ماخدها لان احمد السيد خدها بدون فاول اولا ثم اداله كوع يعنى من الاخر احمد السيد يستحق انذار وفاول لصالح حرس الحدود بس مش طرد............. فانا بعتبر ان ده الخطا الوحيد للحكم فى المباراة بس المباراة كانت حلوة ورغم ان الاهلى خسر الا انه كسب حاجات اكتر من الفوز وهو انه لاول مرة يلعب ب4-4-2 ويلعب بالاسلوب ده يبقى كويس وباذن الله المباريات الجاي هيكسب فيها..................:):):)

** MR.SmilE **
21-07-2009, 11:19 PM
ههههههههههههههه

انا من ساعتها و انا مستنيك تخلص الموضوع ده يا درش

اولا مبروك للحرس و هاردلك للأهلي

( مع اني اهلاوي و متضايق اوي )

ثانيا : حاسس ان المتش ده غريب شويتين بداية من المعلق

اللي مش عارف يفرق بين العجيزي و طلعت .. و كمان ماحسبش جون ابو تريكه :d

( تعديل صغير الجون بالفعل ماتحسبش و لكن كل المواقع حسبته .. حاجة غريبة :d )

لغاية حسام البدري ذات نفسه

الاهلي طبعا داخل ناقص لاعيبة كتير و متوتر ع الاخر

لأنه من ناحية عاوز يثبت نفسه انه يقدر يكمل من غير اونكل جوزيه

و من ناحية تانية عاوز يرد لجمهوره الثقة اللي بدأوا يفقدوها من ساعة دوري

افريقيا و الكونفيدرالية و الدوري اللي كسبه بالعافية

دي نقطة

النقطة التانية ان انا بصراحة شايف ان الاهلي فقد التكنيك بتاعه
و اكيد الكلام ده بان لما نزل شبيطة فقد التناغم تماما مع اسلوب الفريق

النقطة التالتة هي ان في لاعيبه ماكانش المفروض تنزل المتش اساسا و لو
حتي من أوله زي ميرو ( زمان كان شغال الله ينور .. و فجأة ما عادش عارف يعمل حاجة )
و كمان اينو اللي بتقتصر شغلته علي تسديد الكرة من بعيد
و حسام عاشور اللي شغله هو الربط بين الجانبين

و من الناحية التانية ماكانش المفروض تماما ان البدري يبدل العجيزي بدري اوي
كدة .. ده هيعطي للعجيزي انطباع انه مش كفء تماما انه يلعب حاليا

و كمان ده أثر كتير علي داء ابو تريكة في الشوط التاني
خصوصا و انه لعب مهاجم و بالتالي فقد الاهلي صانع العاب فريقه

و ايضا ظهرت نقاط ايجابية كتير في الاهلي النهاردة و ده اللي هاقوله
بعدين

سلام دلوقتي يا كوتش

fatac2
22-07-2009, 03:39 AM
بالعكس الهزيمة تفوق من اولها
والمباراة شرفية لا اكثر
ولكنها نعتبرها مجرد رقم من 108 بطولة

المهم نعرف اخطائنا بدري

وهي خط الظهر ززبالة

ومحمد سمير كفاية كده عليه

ومعتز اينو الضريب كفاية

وعم هاني الملزق مش حيشوفها تاني لما الوحوش المستنية علي الخط تنزل


لاتنسوا ان الحرس يشارك في بطولة افريقيا واستعداده من بدري مش 3 ماتشات مع فرق سكة في معسكر المانيا



وفوق يا عم حسام يابدري

Golden Eagle
22-07-2009, 11:49 AM
طيب كويس إننا متفقين
الحكم كان كويس
الحدود ما كسبش إلا لسببين
تألق الحارس
و إستغلاله أخطاء الأهلي
و دا مش تقليل من الحرس
أما خط الضهر
الوحش كان برا
وائل
سيبك م البطولة دي
الأهلي مش محروم زي غيرة
المهم قدام
بس بصراحه للأسف كان المفروض يخرج تريكه
في ساعات ما يبقاش يوم اللاعب خالص
دا كان إمبارح بالنسبه لتريكه
من رأيي أمير لم يختبر
الجونين شداد
و ما جاش بين الـ 3 خشبات كور تذكر غيرهم
و حج هاني مش عارف أقول فيه إيه
هو صلح كورة بالهيد لتريكه
بس ضيع هدف كان يفرق كتير مع الأهلي
بس طلعت كان كويس نوعا ً ما الهيد اللي خطفه دا
و تصليحات لتريكة
ربنا يستر عليه
شكرا ً ع المرور يا رجاله

sranty
22-07-2009, 03:57 PM
اهم حاجة ان مفيش تعصب ومبروك للحرس
امير صعبان عليا انة يحاول بس مينفعش مع الاهلى
انا كنت حاسة ان المباراة سوف تنتهى 2-0 للحرس يعنى مزعلتش عشان كنت حاسة وكفاية هدف ابو تريكة اللى بيفرحنا علطولhttp://www.thanwya.com/vb/picture.php?albumid=945&pictureid=6658

Golden Eagle
22-07-2009, 09:13 PM
اهم حاجة ان مفيش تعصب ومبروك للحرس
الحرس فريق جامد و إلا ما كانش لعب ف السوبر مع الأهلي و كان خلع زي غيرة
و برضو الحرس حبيبنا
امير صعبان عليا انة يحاول بس مينفعش مع الاهلى
الحمد لله إنه لم يختبر ف مباراة الحرس
الجونين بصراحه مش غلطته
بس لو كان إختبر
كان الأهلي شال تاني لكن الحرس ما كانش بيهاجم يعني الماتش ما يثبتش إن هجوم الحرس كويس
بس برضو كل دا بيتنسي و بيتكتب إن الحرس كسب السوبر علي حساب الأهلي
انا كنت حاسة ان المباراة سوف تنتهى 2-0 للحرس يعنى مزعلتش عشان كنت حاسة وكفاية هدف ابو تريكة اللى بيفرحنا علطول
مش هاتفرق كتير
http://www.thanwya.com/vb/picture.php?albumid=945&pictureid=6658
ممكن سؤال
إيه علاقة الصورة بالموضوع ؟؟؟ :d
شكرا ً للمرور

fostos614
23-07-2009, 12:54 PM
اولا هزيمه الاهلى لازم تكون متوقعه لانه فى نهايه الدورى السنه اللى فاتت كان تعبان جدا فريق زباله والاخر الحاج ريشه ادهم الدورى علشان يتجدد له السنه دى ويفضل فى التحكيم وده حصل ريشه كان موقوف واسنده له المباره قبلها 24 ساعه بس شوفوا الفوضه وبعدين الراجل عمل اللى عليه فى المباره فى كوره ابو تريكه صفر فاول وبعديها صفر جون شوفوا بقا خلى الاعلام الاهلاوى يشتغل الناس كدا بس ربنا مش بينصر ظالم وخرجتم من البطوله الافريقيه والكنفدراليه بعد هزيمه قاسيه ومخجله من فرق له بتلمس كوره وسلملى على ابو ضحكه جنان كركركركركركركر

Golden Eagle
23-07-2009, 07:05 PM
اولا هزيمه الاهلى لازم تكون متوقعه لانه فى نهايه الدورى السنه اللى فاتت كان تعبان جدا فريق زباله
خراشوف
خراشوف
شكل أعصابك تعبانه
أجيبلك 7 أب تروق دمك ؟؟؟
والاخر الحاج ريشه ادهم الدورى علشان يتجدد له السنه دى ويفضل فى التحكيم وده حصل ريشه كان موقوف واسنده له المباره قبلها 24 ساعه بس شوفوا الفوضه
ياعم صلي ع النبي
الاسماعيلي معمول من إمتي ؟؟؟
بتاع 85 سنه
و عنده كان بطوله ؟؟؟
هو ريشه اللي ضيع عليه البطولات ؟؟؟
دا غير ان الأهلي كسب 3
الجون الاول مش عاجبك ؟؟؟ إلغيه و ما تعترفش بيه
يبقي الأهلي كسبان 2
و كسب الاسماعيلي ف الماتش الفاصل
ولا كنت عايز الزبالك ياخد الدوري بفريق الأطفال اللي ناقصه مصاصتين
مش أطفال ف العمر بس لأ
و ف التصرفات كمان
في لاعيبه محترمه تتخانق ع ضربة جزاء ؟؟؟
و أدي صورة من الماتش اللي كان ريشه بيحكمه و ضربة جزاء للأهلي ما شافهاش
يعني بشر بيغلط أهو
http://photos-e.ak.fbcdn.net/hphotos-ak-snc1/hs012.snc1/4198_79930789117_579609117_1842684_1768149_n.jpg
شايف الشدة ولا أسلفك نضارة ؟؟؟
وبعدين الراجل عمل اللى عليه فى المباره فى كوره ابو تريكه صفر فاول وبعديها صفر جون شوفوا بقا خلى الاعلام الاهلاوى يشتغل الناس كدا بس ربنا مش بينصر ظالم وخرجتم من البطوله الافريقيه والكنفدراليه بعد هزيمه قاسيه ومخجله من فرق له بتلمس كوره
شكلك ما عندكش تليفزيون أصلا ً
هو الأهلي خسر ليه ؟؟؟
سيبك من بيلعب ع أرضهم
بس مين كان م الأهلي بيلعب ف المنتخب ؟؟؟
و مين كان مصاب ؟؟؟
و أكيد الفريق دا مش بني عبيد
وسلملى على ابو ضحكه جنان كركركركركركركر
أبو ضحكه جنان دا علم ع الزبالك 7 مرات
و رقص أوسه
بس سؤال للكومبارس
السوبر كان بين بطل الدوري و بطل الكاس
مال سادس الدوري بالموضوع ؟؟؟
خليك بس ف اللي شيلكم 7
بس ألف مبروك عليكم
شلتوا كل النتايج من 1 لـ 7
حد تاني ليه شوق ف حاجه
بس عايز أشكرك
أصلي مش لاقي زمالكاوي أحرق دمه بقالي كتير و الله
اللي كنت باتسلي عليهم هنا طفشوا و حتي قبل السباعية
الظاهر قلبهم كان حاسس

و ع العموم دوركم جاي ف الدوري
فكر ف أداء الأهلي بعد إضافة وائل و أحمد حسن و بركات و فرانسيس
و سلملي ع رومانيا