mo0ny
22-07-2009, 06:43 PM
السلام عليكم ورحمه الله وبركاته
لو سمحتم ياجماعه انا جايبه 95.6 معتقدش انى هدخل صيدله لانى مش هلحقها
فقريت كل حاجه تقريبا عن كليه العلوم لقيتها بتطلعنى زى زى الصيدلى واحسن
بس بيخوفونى منها وبيقولوا صعبه ومحدش بيعدى منها؟
انا من اسكندريه بالنسبه لنظام الساعات المعتمده هل اطبق فى اسكندريه؟
انا علمى علوم فايه نظام الرياضيات اصلى ماخدتش رياضه 2 ؟
والفيزياء فيها اللى اجبارى بتدرس فى سنة اولى حلوه ولاايه نظامها؟
وياترى مين علوم اسكندريه هنا؟ عايزه اعرف شويه
عن نظامها والدكاتره وكده؟
وايه نظام الكشف الطبى ده؟
معلش طولت عليكم
شكرا ليكم مقدما على المساعده^^
زيزو1900
22-07-2009, 08:51 PM
السلام عليكم ورحمه الله وبركاته
لو سمحتم ياجماعه انا جايبه 95.6 معتقدش انى هدخل صيدله لانى مش هلحقها
فقريت كل حاجه تقريبا عن كليه العلوم لقيتها بتطلعنى زى زى الصيدلى واحسن
بس بيخوفونى منها وبيقولوا صعبه ومحدش بيعدى منها؟
انا من اسكندريه بالنسبه لنظام الساعات المعتمده هل اطبق فى اسكندريه؟
انا علمى علوم فايه نظام الرياضيات اصلى ماخدتش رياضه 2 ؟
والفيزياء فيها اللى اجبارى بتدرس فى سنة اولى حلوه ولاايه نظامها؟
وياترى مين علوم اسكندريه هنا؟ عايزه اعرف شويه
عن نظامها والدكاتره وكده؟
وايه نظام الكشف الطبى ده؟
معلش طولت عليكم
شكرا ليكم مقدما على المساعده^^
بصي هى الكليه صعبه بس اللي مش بيزاكر والمهمل
زاكري واعملي اللي عليكى وسبيها ع ربنا لان هو دة اللي في ايدك بس
كليه علوم اسكندريه كليه جميله خصوصا انهم طبقوا نظام الساعات المعتمدة من سنتين
وفيه سامر كورس ونظامها جميل اوى انا ليا اصحابي من علوم اسكندريه بيشكرو فيها اوى
لو دخلتى علوم طبيبعية هتدرسي كزا مادة رياضة بس في سنة اولي بس وبعد كدة هيتدخلي قسم كميا ملكيش دعوة خالص بالرياضة ومعظم الرياضة اللي هتخديها في سنه اولي الدكاترة بيبقوا مراعيين الحكايه دى لان هما عارفيين ان اللي جاي بيبقي علمى علوم
اما لو دخلتى بيولوجى فهتدرسي رياضة في سنة اولي مادتين بس وبردو نفس الحكايه الدكاترة بيبقوا مراعيين
اما نظام الدكاترة في علوم اسكندريه ماقدرش افيدك لانى مكنتش علوم اسكندريه
mo0ny
22-07-2009, 10:14 PM
شكرا اخى على الافاده
طيب واللى بيحدد علوم طبيعيه او بيولوجى ده انا ولاايه؟
ولو اخترت بيولوجى ادرس ايه
زيزو1900
22-07-2009, 11:21 PM
شكرا اخى على الافاده
طيب واللى بيحدد علوم طبيعيه او بيولوجى ده انا ولاايه؟
ولو اخترت بيولوجى ادرس ايه
اها انتى اللي بتحددى
لو اختارتى علوم طبيعيه هتدرسي فزيا ورياضة وكميا دة في اولي اما في سنه تانيه هتتخصصي كميا خاصة
لو اختارتى بيولوجى بتدرسي كمياونبات (بتدرسي فيه فسيولوجىوميكروبيولوجى وبعض النباتات) ووحيوان(بتدرسي فيه خليه وانسجة وفسيولوجى وعلم اجنه) ورياضة وانجليزى بس الانجليزى دى مادة يعنى عليها دراجات قليله وبتبقي مصطلحات علميه وكدة دة في اولي وتانيه وبعد كدة تقدري من البيولوجى تدخلي اي قسم من الاقسام الاتيه
ميكروبيولوجى
كميا وميكروبيولوجى
حيوان
كميا وحيوان
نبات
كميا ونبات
بيوتوكنولوجى
كمياحيوى
كمياحيوى وميكروبيولوجى
كميا وكمياحيوى
وفيه كتير من كليات العلوم دلوقتى بقي
ممكن تدخلي من اولي ع طول كميا حيوى او كميا وميكروبيولوجى اوحيوان الخ من سنه اولي ع طول
وفيه حاجة اسمها السمر كورس في كتير من كليات العلوم
ونظام ساعات معتمدة
يعنى انتى مثلا مش عايز تمتحنى الترم التانى تقومى تاجلي المواد اللي مش عايزة تمتحنيها للصيف
وفيه كليات بتطبق النظام الامريكى بمعنى بيدوكى قائمة بالمواد اللي هتدرسيها
وانتى تحددى عايزة تدرسي ايه السنه دى والباقي تاجليه للسنه الجايه
وبتحضري عادى المحاضرات والسكاشن بتاعت المواد اللي اختارتيها
ومنين ماتخلصي مزاكرة بتروحى تمتحنى وانتى وشطارتك بقي انا اعرف ناس خلصو الكليه في 3 سنين بس بدل اربعة بس العيال دول دحيحة اوىى
mo0ny
23-07-2009, 04:18 PM
شكرا جدا جدا على المساعده اخى
اصل قريبتى قالتلى ان التخصص بيتاخد من 3
وبالنسبه لو دخلت بيولوجى ماخدش فيزيا ولااخد؟؟
وهل علوم اسكندريه حلوه؟
واسفه جدا انى تعبت معايا
زيزو1900
23-07-2009, 06:26 PM
شكرا جدا جدا على المساعده اخى
اصل قريبتى قالتلى ان التخصص بيتاخد من 3
وبالنسبه لو دخلت بيولوجى ماخدش فيزيا ولااخد؟؟
وهل علوم اسكندريه حلوه؟
واسفه جدا انى تعبت معايا
اهاالتخصص بعد سنه تانيه
بسالسنه اللي فاتت بدات بعض الكليات بيبقي التخصص فيها من سنه اولي
لو دخلتى بيولوجى غالبا ا هتخدى فزيا علي حسب نظام الجامعة بس بردو مادة عاديه وسهله
وعلوم اسكندريه طبعا كويسه خصوصا بعد تطبيق نظام الساعات المعتمدة
mo0ny
23-07-2009, 11:11 PM
متشكره جدا اخى
طيب انا سمعت انى لما اخلص اقدر اقف فى صيدليه الكلام ده صح؟
زيزو1900
24-07-2009, 12:02 AM
متشكره جدا اخى
طيب انا سمعت انى لما اخلص اقدر اقف فى صيدليه الكلام ده صح؟
اها تقفي في صيدليه عادى جدا
من اسبوع كانو طالبين كميائيين لصيدليه في جران الاهرام والاعلان اهو
التاريخ:17/07/2009
نوع الإعلان:مبوبة
الدورية:الاهرام - مصرية
الصفحة:45
الجهة المعلنة:هاتف : 0125891056 ـ مصر
تخصصات:صيادلة / طبيب بشرى / كيميائى / مندوب توصيل
معلومات إضافية:طلب صيادلة وطبيب بشري وخريجي علوم وعمال توصيل بالمريوطية
ولينك الاعلان في جران الاهرام اهو
http://www.shoghlanty.com/archive/0907/doc/10183004001110698.html
mo0ny
24-07-2009, 02:18 PM
متكشره جدا اخى
الحمدلله على كل حال وربنا هو اللى اختارلى طريقى
واسفه جدا تعبتك معايا
الف شكر