مين دخل سياحة وفنادق [الأرشيف] - بوابة الثانوية العامة المصرية

sympathique

28-07-2009, 05:04 AM

الف الف مليون مبروك لطلبة السياحة والفنادق الجدد

ويلاا بقى عاوزين نشوف نشاطكم فى الحياة الجامعية بشكل عام
وياريت اللى دخل سياحة وفنادق السنة دى يقول لنا
وكمان يعرفنا هو ناوى على ايه
يلااااا مين دخل سياحة وفنادق
انا عاوز طلبة معايا فى الاسماعيلية :av4056bb7jp3:

soha fouad

28-07-2009, 11:04 PM

حلواااااااااااااان الحمد لله

treka_100

28-07-2009, 11:51 PM

انا دخلت سياحة وفنادق فيوم
وناوي قسم ارشاد
ايه رايك ؟؟؟ :d

ya ra7man

29-07-2009, 04:35 AM

وانا كمان سياحه وفنادق الفيوووم :d:d

حظنا وقعنا ولدين فى بعض :d

eslam_2009

29-07-2009, 06:41 AM

انا دخلت سياحة وفنادق المنصورة

وناوى على قسم دراسات سياحية

sympathique

29-07-2009, 10:04 AM

الف مبروك ليكم جميعا

ولدين ولدين مش هتفرق دلوقتى لسا الايام جاية

الف مبروك يا سوسو قلتلك متخافيشى

ومتقلقيش من حكاية العبايات دى

وعقبال الانترفيو

عمرو ع

29-07-2009, 11:53 AM

sympathique

29-07-2009, 12:44 PM

انا لو سمحتوا جاتلى تجاره بنها وانا مستنى التنسيق الداخلى بتاع تجاره انجلش فى شهر 9 فلو مجتليش ممكن احول سياحه وفنادق حلوان قسم ارشاد سياحى
انا مجموعى 362 وهى واخده من 361.5 يعنى جايبها على نصف درجه المهم فرصه التحويل مفتوحه لحد امتى؟

فرصة التحويل فى اى وقت

بس مش هتكون عن طريق الانترنت

هتاخد ورقك وتروح للشئون فى الكلية وهما هيخلصوا الورق
مفيش مشاكل:022yb4:

treka_100

29-07-2009, 06:02 PM

وانا كمان سياحه وفنادق الفيوووم :d:d

حظنا وقعنا ولدين فى بعض :d

اهلا بيك يا صاحبي
انت منين بقى
انا من حلوان يعني اتبعت :d
انت من الفيوم ولا اتبعت زيي
انا سجلت ايميلك ابقى كلمني

sympathique

29-07-2009, 09:37 PM

ههههههههه

الله عليكم

ايه اللذاذة اللى انتوا فيها دى

بتعملوا جروب من دلوقتى

ربنا يوفقكم

treka_100

29-07-2009, 09:42 PM

شوفت بقي
انت ايه رايك صحيح لو قدمت تحويل لحلوان ممكن اتقبل من ال10 % ولا ايه :d

sympathique

29-07-2009, 09:47 PM

ايوة اكيد ان شاء الله

بس التحويل بيكون من جامعة القاهرة

يعنى فيه اوراق بتخلص من جامعة القاهرة

ومتقلقش

treka_100

29-07-2009, 09:51 PM

يعني اقدم طلب تحويل ولو اتقبلت يبقى اروح القاهرةاخلص ورق صح ولا بحول من هناك اصلا

صحيح شكرا على العملات لو تعرف تجبلنا العواصم وبقيت الحجات اللي ممكن نتسال فيها يبقى كده تمام اوي

sympathique

29-07-2009, 10:06 PM

treka_100

29-07-2009, 10:09 PM

هههههههههه اوك يا صاحبي
تعبتك معايا يا كبير
شكرا اوي

sympathique

29-07-2009, 10:18 PM

هههههههههه اوك يا صاحبي
تعبتك معايا يا كبير
شكرا اوي

لا ولا يهمك مفيش مشاكل

احنا كنا اكتر من كده وكنا مطلعين عين الناس معانا كمان

sendrlavig

29-07-2009, 10:52 PM

انا دخلتها جامعة حلوان وناوية ان شاء الله قسم ارشاد ربنا يسهل

riham_eg

30-07-2009, 01:21 PM

انا دخلت كلية سياحه وفنادق الفيوم
وكنت عايزه اعرف ازاى ممكن احول لحلوان ومجموع حلوان 462.5 وانا مجموعى 248يعنى ممكن احول ولا لا

treka_100

30-07-2009, 02:53 PM

بالنسبة ليكي يا ريهام في تحويل 10% لمنع الاغتراب للكليات المتناظرة
يعني قدمي وممكن تتقبلي
انا ممكن احول بردو بس الناس بتقولي الدراسة في حلوان صعبة مش عارف بفكر اقعدهناك وخلاص

treka_100

30-07-2009, 03:08 PM

وعلى فكرة انا روحت الجامعة لسه التقديم مش دلوقتي عشان الكشوفات ماجتش
وده رقم الجامعة تتصلوا وهم يقولوكوا اذا جه ولا لا 0846352181
وعلى فكرة الجامعة جامدة اخر حاجة ونضيفة
ودي صورتها سياحة وفنادق فيوم
http://photos-b.ak.fbcdn.net/hphotos-ak-snc1/hs188.snc1/6295_1127101671128_1634763452_320825_5429018_n.jpg

sympathique

30-07-2009, 03:11 PM

هى حلوان صعبة بس فعلا هى اجمد كلية

وبعدين سياحة وفنادق الاسماعيلية هى مقر الاتحاد النوعى لكليات السياحة والفنادق فى الشرق الاوسط

احنا لنا وضعنا برده

ومليون المية هتحولى مفيش مشاكل

treka_100

30-07-2009, 03:11 PM

معلومة اخيرة هيحتاجوا في التقديم
استمارة نجاح الثانوية الاصل
شهادة ميلاد كمبيوتر
6 صور
استمارة 2 جند للولاد
بطاقة ترشيح
242 جنيه
و 100 جنيه انتر فيو

ده في الاول وبعد كده اسالوا على المصاريف و السكن

sympathique

30-07-2009, 03:13 PM

انت داخل حامى اوى

احنا كنا 50 جنيىه انتر فيو

treka_100

30-07-2009, 03:15 PM

ههههههه اي خدمة قولت اهمل منظر :d
كل حاجة في البلد دي بتغلي
انا مجموعي جايب الاسماعيلية لو عايزني اجيلك ولا حاجة :d

sympathique

30-07-2009, 03:20 PM

ههههههه اي خدمة قولت اهمل منظر :d
كل حاجة في البلد دي بتغلي
انا مجموعي جايب الاسماعيلية لو عايزني اجيلك ولا حاجة :d

هههههههه

انا عارف ان انت مجموعك جايب الاسماعيلية هى واخدة اقل مجموع

بس تعالى معايا وانا هعيشك حياتك :022yb4:

لا ياعم خليك فى بلدك احسن وبلاش الغربة وربنا يوفقك

treka_100

30-07-2009, 03:24 PM

انا اساسا من حلوان :d
شوفت البعتة دي
اه صحيح هوالاحسن الواحد ياخدها عربي ولا انجليزي

sympathique

30-07-2009, 03:28 PM

انا من رايى تاخدها عربى

وعلى فكرة لازم تاخد خبرة من وانت فى الكلية

وصدقنى لو اخدت الخبرة دى مع شوية كورسات وتظبط نفسك

هتطلع تشتغل فى اى مكان

treka_100

30-07-2009, 03:30 PM

واخدها ازاي الخبرة دي :d

sympathique

30-07-2009, 03:37 PM

الخبرة بقى ياعمنا بتكون اثناء الاجازة فترة التدريب حاول تدرب طول فترة الاجازة

وبعدين فيه مراكز متخصصة بتدى دورات جامدة اوى

وعلى فكرة سياحة وفنادق حلواااااان فيها كل ده ومتوفر فيها ومدعمة كمان

انا ليا اصحابى هناك وبياخدو الكورسات فى الجامعة
اانا بجد يارتنى كنت فى حلواااااااان

اصبر بس لما تدخل وانت هتظبط

بس حاول مضيعش من وقت 4 سنين مش كتير

ابتدى من اولى ومتعملش زينا

treka_100

30-07-2009, 03:44 PM

اوك يا صاحبي
انا هقوم افطر بقى :d
عشان انزل الجيم
سلام

sympathique

30-07-2009, 03:48 PM

اوك يا صاحبي
انا هقوم افطر بقى :d
عشان انزل الجيم
سلام

ههههههههه

على فكرة انت لذيذ اوى ياريت نكون اصحاب

وانا كمان خارج رايح اجيب مغامرات شرم من واحد صاحبى علشان انزلها على الجهاز

سلاااام ياصاحبى

سى يو

ebrahim kamal

30-07-2009, 09:11 PM

انا فى كلية سياحة قسم ارشاد
وبجد بنصح اللى ناوى يجتهد وعاوز مجال كويس وبيحب اللغات اكيد يدخل ارشاد
هو احسن قسم فى السياحة والفنادق كلها هو الارشاد هو صعب شوية وفى مواد رخمة زى الهيروغليفى بس بجد قسم جامد
ان شاء الله تدخلو وبالتوفيق ان شاء الله

treka_100

30-07-2009, 09:26 PM

ههههههههه

على فكرة انت لذيذ اوى ياريت نكون اصحاب

وانا كمان خارج رايح اجيب مغامرات شرم من واحد صاحبى علشان انزلها على الجهاز

سلاااام ياصاحبى

سى يو

انا تاني وسؤال تاني
هو ليه اخدها عربي مع ان في انجليزي وهينفعني في الشغل اكتر
الاجابة لاني مش هفهم حاجة :d

طبعا يا صاحبي هو انا اطول
اصل انا قصير :d
170 بس

خلاص انا بعتلك ايميلي على الخاص

seco33

30-07-2009, 11:45 PM

انا جالى سياحة وفنادق حلوان بس المصاريف عالية للارشاد حوالى 3750 حنيه

seco33

30-07-2009, 11:46 PM

ياريت حد يرد ويدينتى رايه
واعمل ايه

soha fouad

31-07-2009, 12:23 AM

انت كنت معلق نفسك اوي كده بالارشاد
معلشي
انا والله العظيم كنت ناوية ارشاد بس برضه لقيت المصاريف عاليه كفاية اللي ابويا كعوا في الثانوية

وبعدت عن الاحباط ده وفكرت في قسم تاني ولقيت سياحة انسب قسم ليا

شوف المواضيع االتانية اللي هنا عن الاقسام التانية اللي عاملها اسلام وشريف وان شاء الله هتغير رأيك وتقتنع بيها

nosa kamanosa

31-07-2009, 03:39 PM

انا جاتلى سياحة وفنادق حلوان وناوية على دراسات سياحية انشاء الله

riham_eg

31-07-2009, 05:22 PM

انت بتروح لمكتب التنسيق فى القاهرة وهما بيعرفوك كل حاجة

وصدقنى هتحول مفيش ادنى مشاكل فى موضوع التحويل ده

انا ليا واحد صاحبى حول من علوم اسيوط لعلوم الزقازيق

يعنى زيك بالظبط متقلقش بقى تانى وحط فى بطنك كلية سياحة وفنادق

على فكره التحويل هيكون عن طريق الانترنت زى التنسيق بالظبط وكمان نفس الصفحه بس هيكون ليك رغبه واحده بس وهيبدأ التحويل بعد ظهور نتيجة المرحلة التانيه والمعلومه ديه من رقم بوابة الحكومه المصريه ده 19468 اتصلوا بيها عشان تتاكدوا كمان

riham_eg

31-07-2009, 05:32 PM

[quote=treka_100;1457775]وعلى فكرة انا روحت الجامعة لسه التقديم مش دلوقتي عشان الكشوفات ماجتش

http://www.fayoum.edu.eg/Tourism/ (http://www.fayoum.edu.eg/Tourism/)
ده موقع الكليه وانا اتصلت بيهم يوم الثلاثاء وكلمت شئون الطلبه وقالى الكشوفات بالاسماء هتيجى يوم الخميس واتصلى يوم الخميس او الاحد عشان تعرفى ميعاد الانترفيو واتصلت يوم الخميس متاخر الساعه 12 ماردوش وهتصل ان شاء الله يوم الاحد بدرىواقولكم قالولى ايه

treka_100

31-07-2009, 06:16 PM

اوك ثانكس يا ريهام انا كمان هبقى اتصل بيهم
هو انتي من هناك ولا زي من هنا وروحتي هناك :d

seco33

01-08-2009, 03:01 AM

انا جاتلى سياحة وفنادق حلوان وبفكر ادخل قسم ارشاد او احول تجارة انجلش القاهرة

sympathique

01-08-2009, 03:16 AM

اهى دى الحيرة بعد الثانوية

بجد لازم تحدد انت عاوز ايه وناوى على ايه واحلامك وخططك

متخليش الوقت يسرقك او تاخد قرار تندم عليه بعد كده

شوف انت عاوز ايه

treka_100

01-08-2009, 10:56 AM

يا سلام هو ده الكلام
يعني واحد زيي انا من حلوان
وجاتلي سياحة وفنادق الفيوم
مع ان مجموعي يدخلني تجارة انجلش حلوان
بس انا حابب دراسة السياحة وفنادق ونفسي اكون............
مرشد في القسم :d
خلي بالك من نفسك :d
يعني كل الموضوع اعمل ما تحب لكي تحب ما تعمل

treka_100

01-08-2009, 10:58 AM

اه صحيح
احنا في الفيوم في سنة اولي هناخد لغة تانية
بفكر اخد صيني ولا ايه رايك :d

rodita

01-08-2009, 03:35 PM

Eslam_Tourism

01-08-2009, 06:09 PM

انا كنت عايزة اعرف يا جماعة هي الكلية هي المسؤلة عن التدريب الصيفي ده يعني هي اللي بتودينا الشركات والمناطق السياحية والفنادق وكده ولا دي مننا احنا
انا ان شاء الله ناوية علي دراسات سياحية

لو كنتى فى سياحة وفنادق حلوان هتدربى فى الصيف فى شركة سياحة تبع الكلية حسب ما سمعت او هما هيدوكى جواب توصية من الكلية عشان تتدربى انتى بنفسك وكمان فى فندق تعليمى فى حلوان .

اما الجامعات التانية عادى فى تدريب برضو يعنى مثلا انا بسمع عن ناس كتير من قسم فنادق بيتدربو فى الصيف فى شرم الشيخ او فى فنادق من مصر بس بتبقى صغيرة شوية

اما قسم الدراسات السياحية بتتدربى فى اى شركة سياحة او وكالة سفر او شركة طيران والكلية ممكن تبعتك لشركات فى الصيف تتدربى فيها بس ده حسب امكانيات كل كلية او ممكن هيا تساعدك فى الموضوع ده بتوصبة منهم او ممكن تسيبلك الامر كله انك تختارى الشركة اللى انتى عايزاها وتتدربى فيها

بس سهل تلاقى شركة سياحة تتدربى فيها دورى بس وانتى هتلاقى

يعنى مثلا انا بتدرب فى شركة سياحة من وانا فى سنة تانية بس الشركة الصراحة مش قد كده وكمان لما روحتلهم اتفقوا معايا انى اتدرب وماخدش ولا مليم على سبيل اكتساب الخبرة يعنى وكمان ان انا لسه فى كلية وكده بس الخبرة دى بتفيد بعد التخرج جامد فى الشغل .

sympathique

01-08-2009, 07:43 PM

اه صحيح
احنا في الفيوم في سنة اولي هناخد لغة تانية
بفكر اخد صيني ولا ايه رايك :d

لغة تانية صينى
كويسة اوى على فكرة لان النمور الاسيوية ابتدت تغزو سوق السياحة
بس ياريت تاخد ايطالى او روسى دلوقتى وبعد كده ان شاء الله تاخد تايلاندى:039uw8:

فيفا

02-08-2009, 07:10 PM

انا دخلت سياحه وفنادق حلوان
بس محتارة فى الاقسام اوى

لو ممكن حد مخلص يقولى اى معلومه عن قسم سياحه عربى
هل ينفع اخد كورسات بعد كده ؟
ولو ينفع هتكون معتمده من الجامعه ولا لا

ولا ادخل ارشاد احسن؟

sympathique

02-08-2009, 08:41 PM

اولا الف الف مبروك

وكمان الف مبروك لانك فى افضل كلية سياحة وفنادق وهى حلوان

بالنسبة لقسم دراسات سياحية ده قسم جميل اوى ومناسب للبنات جدا

بتدرسى فيه ادارة الشركات السياحية ووكالات السفر

وكمان المراسلات واقتصاديات السياحة والتخطيط والتنمية ومجالات تانية كتيييير

بياهلك للعمل فى سوق السياحة

قسم الدراسات السياحية بياهل الطالب او الطالبة للعمل فى شركات السياحة وشركات الطيران كموظف لحجز

التذاكر وايضا كوكيل سياحى وموظف بيع رحلات وايضا الطالبة ممكن تشتغل فى خطوط الطيران كمضيفة وايضا

يشترط اللغة فى ذلك والحصول على كورس اماديسو وجاليلو وللعلم شركات الطيران المصرية بتعمل بنظام جاليلو.

اما بالنسبة لللكورسات فاطمنى انتى فى حلوان يعنى كل حاجة موجودة بصراحة الكلية مش مخلية الطلبة عاوزين

حاجة هناك

والكورسات بتكون معتمدة من اكثر من جهة مش الجامعة فقط

ثم انتى كفاية انك بتخرجى 4 سنوات خبرة بحصولك على بكالوريوس السياحة والفنادق

بس لازم التدريب فى فترة الاجازة لاكتساب الخبرة وايضا اخذ كورسات لغة وicdl وتنمية بشرية

انتى هتعرفى كل حاجة لما تدخلى الكلية وهتعرفى الدورات كمان ثم ان كفاية ان فيه فندق بيشرف على التدريب فى حلوان وشركات سياحة ايضا

بصراحة هى دى معلوماتى لانى انا قسم فنادق وفى الاسماعيلية

ياريت لو اى حد فى دراسات سياحية وعنده معلومات يكتيها ويعرفنا

riham_eg

02-08-2009, 09:55 PM

الانترفيو فى الفيوم يوم 12\8:( بس لازم الناس اللى فى الفيوم يقدموا قبل الانترفيو

riham_eg

02-08-2009, 10:21 PM

treka_100

02-08-2009, 11:02 PM

ايه ده الانترفيو يوم 12
طيب والتقديم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

treka_100

02-08-2009, 11:03 PM

انا اتصلت النهاردة قوليلي اتصل بكرة او بعده

sympathique

02-08-2009, 11:37 PM

كنت عايزه اعرف المفروض اروح اقدم ورقى فى الكليه الول ولا استنى التحويل
وكمان انا بفكر ابعد ما اقبل فى الكليه ان شاء الله ادخل قسم دراسات فندقيه لانى مش بحب التاريخ وكمان شايفه مجال شغله واسع ودراسته سهله
ياريت اللى فى دراسات فندقيه يقولولى رايهم

بالنسبة لمجال الشغل فهو واسع جدا وطلبة فنادق هما اول ناس بيشتغلوا بعد ما يخلصوا
وانتى ممكن تشتغلى قى الريسبشن كمان

بس دراسته مش سهلة دراسته صعبة اوى اوى كمان ومتسألنيش انا اسالى الدكاترة نفسهم فى الكلية هيقولوك ان فنادق اصعب قسم

على فكرة دراسات سياحية جميلة اوى والله وبرده ممكن تشتغلى فى الريسبشن انتى كده كده هيكون معاكى لغة طبعا
انا برشحلك دراسات سياحية

فنادق ده للاولاد فقط وليس للبنات

sympathique

02-08-2009, 11:38 PM

لازم تقدموا الورق قبل الانتر فيو ياجماعة

treka_100

02-08-2009, 11:43 PM

ايه ده يعني انا هقدم امتي ولا اروح انام ولا انت مين يا شريف

aya gamel

03-08-2009, 12:04 AM

treka_100

03-08-2009, 12:09 AM

التحويل على النت اي سينك انه 3 رغبات يعنيممكن تكتبي حلوان بعديها السادات
ولا ايه

sympathique

03-08-2009, 12:23 AM

هاى يا جماعة انا كمان اتقابلت سياحة و فنادق الفيوم كنت بفكر احول مدينة السادات لانى خايفة مجموعى ما يخيبش انى احول حلوان لانى جايبة 348 و انا ليا محاولة واحدة فى التحويل مش عارفة اكتبها ايه ياريت حد يساعدنى

بصى فيه طريقتين للتحويل

الاول عن طريق النت زى ما الكابتن ابو تريكة وضح

بعد كده لو انتى مجاش ليكى اللى انتى عاوزاه من التحويل

بتروحى لمكتب التنسيق فى القاهرة وبتعملى طلب تحويل للكلية اللى انتى عاوزاها

وشئون الطلاب بتظبط كل حاجة

بس اللى انتى عاوزة تحولى لها اكتبيها الاول

aya gamel

03-08-2009, 12:27 AM

ميرسى اوى ليكوا يا جماعة و ياريت كل اللى اتقبل فيوم يقول عشان مش احس انى لوحدى لانى شكلى كده هقعد فيها خلاص
و على فكرة انا رحت الكلية و هى حلو اوى و الجامعة كلها جميلة جدا بصراحة

sympathique

03-08-2009, 12:32 AM

ده الموقع الرسمى لكلية السياحة والفنادق جامعة الفيوم

http://www.fayoum.edu.eg/Tourism/

sympathique

03-08-2009, 12:44 AM

دى بعض الروابط لكليات السياحة والفنادق بالجامعات المصرية

http://www.helwan.edu.eg/arabic/faculties/tourism/index.htm

http://www.fayoum.edu.eg/Tourism/

http://www.alextourism.net/

shababsea7a.ahlamontada.net/forum.htm

http://www.mans.edu.eg/facth/arabic/

http://www.menofia.edu.eg/faculty_generalInfo.asp?id=20

treka_100

03-08-2009, 12:10 PM

الي كل من يهمه الامر
بدا اليوم الاثنين الموافق 3/8/2009 فتح باب التقديم في كلية سياحة وفنادق جامعة الفيوم
والاوراق المطلوبة هي الاتي
-استمارة نجاح الثانوية الاصل
-شهادة ميلاد كمبيوتر الاصل او مستخرجرسمي منها
-6 صور شخصية
-استمارة 2 جند للطلاب الذكور فقط
-بطاقة الترشيح
-242 جنيه رسوم
- 100 جنيه للانترفيو
وللحصول على ايمعلومات اخري يرجي الاتصال بشئون الطلبة الخاصة بكلية سياحة وفنادق جامعة الفيوم
من داخل الفيوم على رقم 6352181
من خارج الفيوم يرجي اضافة كود المحافظة وهو 084
وشكرا

ايه رايك يا شيري انفع :d

sympathique

03-08-2009, 03:48 PM

طبعا تنفع ومشكوووووووووووووووووور اوى على المعلومات القيمة دى

لان فيه طلبة هنا فى الفيوم

aya gamel

03-08-2009, 06:59 PM

انا كمان اتصلت و سالت و قالولى تعالى فى اى يوم الصبح و اتصلت كمان ببيت الطالبات و قالولى ان التقديم لسنة اولى هيفتح من يوم 10 والارواق المطلوبة
جواب الترشيح الاصلى
6 صور
وصل كهربا او مايه او تليفون
شهادة ميلاد او صورة البطاقة

بس كنت عاوزة اعرف هو انا ينفع استنى لغاية يوم عشرة واروح بالمرة اقدم للجامعة مع المدينة بدال ما اروح مرتين يعنى

sympathique

03-08-2009, 08:34 PM

ينفع فى اى وقت لان كده كده بيكون فيه كشف با لاسماء فى الكلية

بس المهم ان ده يكون قبل ميعاد الانترفيو

foooxman

03-08-2009, 09:38 PM

انا سياحة وفنادق المنيا

و روحت قدمت بس ماطلبوش منى فلوس الرسووووووووووووووووووووووووووووووم

يبقى ايه دا ؟؟؟؟؟؟؟؟؟؟؟؟؟؟

sympathique

03-08-2009, 11:24 PM

ممكن توضح ورسوم ايه بالظبط

treka_100

04-08-2009, 05:23 PM

وبعد خنقة كبيرة :d من موظف الخزنة اللي جه الجامعة الساعة واحدة والمفروض بيمشي 2 :d
قدمـــــــــــــــــــــــــــــــــــــــــــــــ ــــــــــــــــــــــــــــــــــــــت
وبالنسبة للسكن ياجماعة يوم 9 هيبداالتقديمبس لازم تخلص انتر فيو وكشف طبي الاول عشان تعرف تحجز مدينة
ودي الحجات اللي عايزنها
جواب الترشيح الاصلى
6 صور
وصل كهربا او مايه او تليفون يثبت مكان السكن
صورة شهادة ميلاد او صورة البطاقة "خلي الاتنين معاك"
اي استفسار انا ميت تحت السرير خبط برجلك مش هرد عليك :d

treka_100

04-08-2009, 05:25 PM

الحجات دي بتاعت السكن
انما التقديم انا قولت قبل كده بس سوري هيعوزو منك 270 جنيه رسوم مش 242

klashenkoav

05-08-2009, 12:19 AM

انا دخلت سياحة الاقصر لو حد دخل الاقصر يكلمني

eslam_2009

05-08-2009, 12:31 AM

مفيش حد هنا فى سياحة وفنادق المنصورة ؟؟؟

klashenkoav

05-08-2009, 12:55 AM

انا دخلت سياحة الاقصر لو في حد دخل الاقصر يكلمني

foooxman

05-08-2009, 01:54 PM

ممكن توضح ورسوم ايه بالظبط

انا بقصد الرسوم اللى انت بتقول عليها 270 جنية

ماطلبوش منى اى فلوس خالص

EtsH77

05-08-2009, 02:44 PM

انا الحمد لله دخلت سياحه وفنادق السادات بس كنت عاوز استفسر هوة ليه محدش بيتكلم عنها كتير
هنا في المنتدي وعاوز اعرف ازاكان كان الكليه فيها حاجه وحشه ولا ايه وهيه فيها مراكز تدريب زي حلوان كده
والف شكر ليكو علي المعلومات اللي بتقدموهالنا

riham_eg

05-08-2009, 05:17 PM

التحويل هيبدا على النت يوم 10\8 وقالولى فى رقم بوابة الحكومه المصريه هيكون ايكى رغبه واحده بس
والاولويه فى التحويل هتكون للمجموع الاعلى

riham_eg

05-08-2009, 05:24 PM

بالنسبة لمجال الشغل فهو واسع جدا وطلبة فنادق هما اول ناس بيشتغلوا بعد ما يخلصوا
وانتى ممكن تشتغلى قى الريسبشن كمان

بس دراسته مش سهلة دراسته صعبة اوى اوى كمان ومتسألنيش انا اسالى الدكاترة نفسهم فى الكلية هيقولوك ان فنادق اصعب قسم

على فكرة دراسات سياحية جميلة اوى والله وبرده ممكن تشتغلى فى الريسبشن انتى كده كده هيكون معاكى لغة طبعا
انا برشحلك دراسات سياحية

فنادق ده للاولاد فقط وليس للبنات

يعنى ممنوع دخول البنات ولا نسبة البنات اقل من الاولاد

riham_eg

05-08-2009, 05:30 PM

هاى يا جماعة انا كمان اتقابلت سياحة و فنادق الفيوم كنت بفكر احول مدينة السادات لانى خايفة مجموعى ما يخيبش انى احول حلوان لانى جايبة 348 و انا ليا محاولة واحدة فى التحويل مش عارفة اكتبها ايه ياريت حد يساعدنى

انا كمان قبلت الفيوم ومجموعى 348
وعايزه اقولك ان مدينة السادات فى الكيلو93 طريق اسكندريه الصحراوى والتحويل على النت هيكون يوم 10 وفعلا ليكى فرصه واحده والاولويه هتكون للمجموع الاعلى

riham_eg

05-08-2009, 05:37 PM

ميرسى اوى ليكوا يا جماعة و ياريت كل اللى اتقبل فيوم يقول عشان مش احس انى لوحدى لانى شكلى كده هقعد فيها خلاص
و على فكرة انا رحت الكلية و هى حلو اوى و الجامعة كلها جميلة جدا بصراحة

انا معاكى هناك بس ان شاء الله نحول احنا الاتنين حلوان وكنت عايزه اعرف الطريق خد وقت اد ايه منك عشان انا لو فضلت فى الفيوم مش هقدم فى بيت الطلبه وهروح كل يوم وانا ان شاء الله هروح اقدم بكره او يوم الاحد

sympathique

05-08-2009, 06:03 PM

يعنى ممنوع دخول البنات ولا نسبة البنات اقل من الاولاد

لا طبعا مش ممنوع دخول البنات بس نسبتهم اقل

انتى ممكن تشتغلى فى اى مكان فى الفندق طالما معاكى لغة

بس فعلا قسم فنادق اصعب

بصراحة ده رايى وانا برشحلك سياحة

treka_100

05-08-2009, 11:21 PM

اولا بالنسبة لموضع ايه اقرب السادات ولا الفيوم
الفيوم اقرب واسهل طبعا
وبالنسبة لنظام المواصلات في 3 طرق تقريبا
اول واحدة لللي ساكن في حلوان في موقف محافظات في عين حلوان في هناك اتوبيسات وميكروباصات
ومعاد الاوتوبيسات ودي بانتظام 7 و 10 و 1 و 4 و 7 ونفس المواعيد من الفيوم لحلوان الاتوبيس ب 6 جنيه :d
والطريقة التانية لسكان حلوان والجيزة
تنزل الجيزة عند المنيب في ميكروباصات هناك بتروح الفيوم على طول وهي اسرع والميكروباص ب 7 جنيه :d
الطريقة التالتة ودي اصعب طريقة "بالنسبة ليا"
انك تاخد اتوبيس من عبود وهو ب 6 جنيه بردو :d
ومش عارف مواعيده الصراحة يعني
ولو اخدت الاتوبيس من اي حتة قولناها هتنزل تاخد ميكروباص رقم 7 للجامعة ب 35 قرش :d
ولو ميكروباص يبقى خد تاكسي احسن وتقريبا ب10 الي 15 جنيه
بالنسبة للوقت اللي بيخده السفر من حلوان 3 ساعات او ساعتين ونص
ومن الجيزة ساعتين ونص بالكتير
بالنسبة للناس اللي عايزة تروح وترجع كل يوم بقولهم ان الحوار هيبقى صعب عليهم خصوصا انهم بنات
لان المشوار رايح جاي 6 ساعات هتتعبوا
وكمان مش هتلحقوا المحاضرات الصبح ومش هتعرفوا تروحوا عشان في محضرات بتخلص الساعة سبعة بليل
ولو محتاجين ايمعلومات تاني انا موجود

riham_eg

05-08-2009, 11:33 PM

riham_eg

05-08-2009, 11:38 PM

لا طبعا مش ممنوع دخول البنات بس نسبتهم اقل

انتى ممكن تشتغلى فى اى مكان فى الفندق طالما معاكى لغة

بس فعلا قسم فنادق اصعب

بصراحة ده رايى وانا برشحلك سياحة

ميرسى اسراء .شريف مش عارفه المهم ميرسى على الرد

riham_eg

05-08-2009, 11:43 PM

كنت عايزه اعرف لو بعد التخرج ممكن تعمل شغل حر ولا لازم تكون موظف فى مكان يعنى مثلا تطلع رحلات لاى مكان او تنظم سفارى او اى حاجه تانيه

treka_100

05-08-2009, 11:50 PM

اولا يو ار ويلكم ولو محتاجين اي حاجة تانية انا موجود
بالنسبةلمجال الشغل ممكن تسالي شريف

هو اسمه شريف بلاش اسراء عشان بيزعل :d

sympathique

06-08-2009, 12:26 AM

بالسبة لمجال الشغل بعد الكلية انتى ممكن تشتغلى حرة فى اى مكان

انتى كده كده هيكون عندك مؤهلات ده فى حالة لو اخذتى كورسات ممكن تتعاملى انتى مع شركة سياحية وتنظمى رحلات تبعك بس دى محتاجة يعنى معرفة فى الاول وواحد يقف معاكى يعنى يكونى انتى وحد معاكى

بس انا برشح ان الانسان يبتدى فى شركة سياحية بحيث ان دايرة علاقاته توسع وتقدرى انتى بعد كده تعملى شغل لحسابك وبعدين الشغل فى الشركات السياحية وشركات الطيران والسياحة الداخلية

والضيافة كمان

متقلقيش اهم حاجة تظبطى كورساااااااات

aya gamel

06-08-2009, 02:04 AM

هاى يا جماعة ازيكم انا كمان رحت قدمت النهارده و الحمد لله خلصت و قالو لى ان معاد الكشف الطبى يوم 12 و 13 و يوم الانترفيو بيبقى على حسب المجموع و انا يومى هيبقى 17 او 18 و بالنسبة للمدينة الجامعية قالو لى هيبدا يوم عشرة التقديم بس انا هروح يوم 12 عشان يبقى تديم المدينة و الكشف الطبى سوا
و ياريت لو حد عنده اى معلومات عن الكشف الطبى يقول لنا ايه نظامه
و فعلا يا ريهام هيبقى صعب اوى اننا نروح و نيجى كل يوم و خصوصا ان فى ايام المحاظرات ممكن تبقى متاخر وانا بروح من رمسيس فى هناك ميكروباصات بتروح الفيوم و هى سريعة اوى ساعة و نص ساعتين بالكتير و ببقى فى الفيوم و ياريت يا ريهام تقوقلى لى انتى هتروحى امتى عشان ممكن نبقى نتقابل و نروح سوا بدل الهو اللى الواحد بيبقى فيه هناك و هو ما يعرفش حد خالص كده

aya gamel

06-08-2009, 02:06 AM

و معلش كنت عاوزة اسال سوال كمان انا سالت بالنسبة للاوراق المطلوبة للمدينة قالو لى بطاقة الترشح الاصلية زى ما تركة قال مش هى دى اللى احنا طبعناها من النت و لا حاجة تانية

sympathique

06-08-2009, 02:17 AM

جميلة اوى الصداقة اللى انا شايفها دى

طبعا دلوقتى انتوا طلبة جامعيين وتفكيركم متحضر وثقفين كمان يعنى ببساطة كده لازم تكونوا اصحاب

اما بالنسبة للطلبة اللى هتتغرب فانا ياجماعة بنصح بمدينة جامعية هتساعدك فى حاجات كتييييييير اوى

محاضرات وحضور باستمرا علشان الغياب واعمال السنة وكمان علشان الكورسات تاخدوها هناك كمان

اما بالنسبة لبطاقة الترشيح يا آية فهى دى اللى انتى طبعتيها

treka_100

06-08-2009, 08:59 AM

بالنسبة للكشف الطبي ده كله حوار روتيني
يعني مثلا بيدخلوكي مكان يوقفوكي قدام لوحة بتاعت نظر يقول العلمات دي يمين ولا شمال الحجات دي يعني
ويسالوكي هل عندك امراض او بتتعالجي من حاجة بس كده
يعني كله هيعدي ان شاء الله

بالنسبة انك قولتي مواعيد الانتر فيو والكشف الطبي
هو انا ليه ما قوالوليش حاجة :d

aya gamel

06-08-2009, 01:15 PM

معلش بقى يا تريكة مش اى حد هههههههههههههههه
انا لما رحت كانت المواعيد لسم ما نزلتش و قالو لنا ان المواعيد هتتعلق كمان شوية فا استنينا شوية لغاية ما اتعلق
انا روحت يوم الاربعا انت روحت امتى

treka_100

06-08-2009, 04:19 PM

ههههههه طبعا ليديز فريست
انا روحت يوم الثلاثاء
وقالولي هننزل المواعيد على الموقع ولغاية ناو مافيش حاجة
هو انا كده هروح تاني ولا ايه :(

اها قد تم تحديد موعد بدا الدراسة
26/9
يعني بعد العيد :d

aya gamel

06-08-2009, 07:46 PM

انا مجموعى 348 ولاقيت نفسى فى اخر يوم فى الكشف يوم 18 او 19
و ممكن تتصل بشئون الطلبة و هما اكيد هبقوقلوك لان الورقة معلقة على شباك شئون الطلبة بتاع سنة اولى
وعلى فكرة لو انت هتحجز مدينة جامعية التقديم هيبدا من يوم 10 زى مدينة البنات

treka_100

06-08-2009, 08:42 PM

اها هشوف لو صحيت بدري بكرة هتصل بيهم :d
انا هحجز مدينة اه بس قالولي يوم 9 هو الناس دي بتعمل معايا كده ليه :d

اه صحيح انتوا هتقدموا تحويل ولا خلاص فيـــــــــــــــــــــــــــــــــــوم

aya gamel

06-08-2009, 08:56 PM

لا انا شكلى كده خلاص هقعد فى الفيوم بصراحة الكلية عجبانى و كمان فى حلوان التخصص من اولى على طول لكن الفيو م التخصص من تانية يعنى قدامى فرصة اعرف مزايا الاقسام

treka_100

06-08-2009, 09:01 PM

بس خلي بالك ان التخصص في الفيوم لو عايزة ارشاد لازم تجيبي تقدير في اولى
وهي الجامعة هناك حلوة وكل حاجة وفي رايي انها انضف من حلوان بكتير اوووووووووووووووووووووي

aya gamel

06-08-2009, 09:45 PM

عندك حق يا تريكة الجامعة هناك نظيفة اوى و كمان المدينة الجامعية حلوة اوى انا رحتها

treka_100

06-08-2009, 09:48 PM

اها طيب خلاص بقي نشوف لو هتقدمي تحويل ابقي قولي عشان نقدم كلنا
ولو مش كده نبقى مع بعض هناك
ولا ايه
ولو محتاجين اي حاجة انا هنا

riham_eg

06-08-2009, 11:53 PM

ميرسى ياشريف وياتريكه ويا ايه على معلوملتكم
انا ان شاء الله هروح يوم الاحد اقدم فى الكليه
وغالبا الانترفيو بتاعى هيبقى معاكى لانى نفس مجموعك
وعلى فكره انا هحاول احول لحلوان لان مش هينفع اروح الفيوم
وحتى لو منفعش حلوان هحول تجاره القاهره او حلوان
فادعولى تيجى حلوان عشان نبقى مع بعض

treka_100

07-08-2009, 12:04 AM

ربنا معاكي يا ريهام
وان شاء الله تقبلي في سياحة حلوان
بس نصيحة لو هتحولي تجارة بلاش تجارة عربي لو انجلش اوك
وابقي شوفيلي الانتر فيو بتاعي وانتي هناك :d
انا جايب 352
وانا هبقي اتصل بيهم بردوا

riham_eg

07-08-2009, 12:13 AM

ربنا معاكي يا ريهام
وان شاء الله تقبلي في حلوان
بس نصيحة بلاش تجارة عربي لو انجلش اوك
وابقي شوفيلي الانتر فيو بتاعي وانتي هناك :d
انا جايب 352
وانا هبقي اتصل بيهم بردوا

كسوووووووووووووووووووووووووووووووول
بس ولا يهمك هشوفهولك
بس خلاص يعنى خلتنى قبلت تجاره ادعيلى اقبل فى سياحه وفنادق حلوان

aya gamel

07-08-2009, 02:25 AM

خسارة يا ريهام انك تحولى تجارة سياحة احسن كتير و بعدين المدينة الجامعية هناك كويسة اوى و على العموم ربنا معاكى و يوفقك و ان شاء الله تتقبلى سياحة و فنداق حلوان يبقى احسن بازن الله
و يا تريكة اعتقد ان معاد الانترفيو بتاعك هيبقى زينا لان مجموعك قريب مننا بس انا مش متاكدة على العموم اتصل و اسال وكمان احنا كده كده هنروح الكشف الطبى يوم 12 او 13 تبقى تتاكد يومها من معاد الانترفيو بتاعك و الظاهر كده ريهام هتخلع و تسيبن و مش هيفضل هناك غيرى انا وانت

riham_eg

07-08-2009, 02:50 AM

[quote=treka_100;1481577]ربنا معاكي يا ريهام
وان شاء الله تقبلي في حلوان
وابقي شوفيلي الانتر فيو بتاعي وانتي هناك :d
انا جايب 352
وانا هبقي اتصل بيهم بردوا[/qu

اوكيه ولا يهمك هشفلك الانترفيو بتاعك امتى

بس نصيحة بلاش تجارة عربي لو انجلش اوك
ادعيلى بس تيجى سياحه وفنادق حلوان

aya gamel

07-08-2009, 02:41 PM

ان شاء الله يا ريهام تحولى حلوان التحويل هيبدا يوم الاتنين الجاى
و بتهيالى يا تريكة ان الانتر فيو بتاعك هيبقى فى نفس يومنا لان مجموعك قريب مننا و برده اتصل و اسال و كده كده معاد الكشف الطبى يوم 12 يعنى برده تبقى تتاكد لما تروح ان شاء الله

treka_100

07-08-2009, 02:45 PM

المنتدي خرف خالص :d
ربنا معاكي يا ريهام وان شاء الله تقبلي سياحة حلوان
بس بردو بلاش تجارة عربي :d
هو الكشف الطبي للناس كلها 12 و 13 ؟

aya gamel

07-08-2009, 02:47 PM

ايوة يا تريكة الكشف الطبى للناس كلها اليومين دول
و فعلا المنتدى خرف خالص ان مش عارفة ايه اللى جراله

treka_100

07-08-2009, 02:49 PM

طيب تمام
وانتوا هترحوا يوم 12 ولا 13

cedek

07-08-2009, 04:01 PM

انا كمان قبلت سياحة وفنادق الفيوم بس لما رحت قالولى الكشف الطبى يوم 12 بس ينفع اروح يوم 13 وكمان كنت عايزة اسالك يا اية هى المدينة الجامعية حلوة بيقول انها مش حلوة

treka_100

07-08-2009, 04:11 PM

تسمحيلي ارد انا عشان اية مش هنا :d
المدينة هناك نضيفة على فكرة والجامعة كلها كويسة

aya gamel

07-08-2009, 05:05 PM

عندك حق يا تريكة المدينة هناك كويسة اوى و الناس فيها محترمين جدا و الجامعة كلها نضيفة اوى انا مكنتش متقبلة فكرة انى اقعد هناك و كنت عاوزة احول بس بجد لما رحت لاقيتها كويسة اوى
وانا هروح الكشف الطبى يوم 12 عشان اعمل ورق المدينة كمان

treka_100

07-08-2009, 05:08 PM

اها صحيح انتي هتاخدي الكارد امتي

aya gamel

07-08-2009, 05:09 PM

هما قالو لنا بعد عشر ايام يعنى ممكن على معاد الانترفيو

treka_100

07-08-2009, 05:13 PM

انا المفروض يوم 13 بس ممكن اخليها بعدين :d
هما هيعوزوا صورة الوصل بتاع المصاريف والحجات دي تاني ولا ايه النظام

aya gamel

07-08-2009, 05:26 PM

انا مش اعرف بس انا هجيبه معايا احطياتى عشان انا عرفاهم ممكن يرخموا ويطلبوهم

treka_100

07-08-2009, 05:30 PM

انتي بتروحي مع مين
ولا هتروحي مع ريهام المرة دي ولا ايه

aya gamel

07-08-2009, 06:24 PM

انا عموما بروح مع اختى بس انا لسه مش عارفة هنروح انا و ريهام مع بعض ولا لا

riham_eg

07-08-2009, 07:39 PM

ايه انا هروح ان شاء الله يوم الاحد واكيد ان شاء الله هنروح مع بعض يوم الكشف الطبى والانترفيو
بس انا مش عارفه لما اروح هاخد معايا ايه غير بس
6 صور وشهادة ميلاد كمبيوتر اصليه وبطاقة الترشيح و270جنيه فى حاجه تانيه ولا كده بس

aya gamel

07-08-2009, 08:31 PM

بصى يا ريهام انتى هتحتاجى صور لشهادة الميلاد كتير ابقى صوريهم
و المصاريف370 جنية عشان فى فلوس زيادة بتاعة الكارد ده غير 100 جنيه بتوع الانترفيو
بس كده هو ده اللى هتحتاجى

treka_100

07-08-2009, 10:52 PM

كل اللي هتحتاجي 270 جنيه مصاريف و 100 انتر فيو
يعني كله 370 ولا ايه يا اية
و6 صور وصورتين شهادة ميلاد وصورتين بطاقة بتاعتك
وشهادة ميلاد الاصل و بطاقة ترشيح الاصل واستمارة نجاح الثانوية الاصل
تمام كده ولا نسيت حاجة :d

aya gamel

07-08-2009, 11:00 PM

لا كده تمام بس هما بياخدوا ياما صورة البطاقة او شهادة الميلاد

treka_100

07-08-2009, 11:02 PM

اها ده انا قضتها مشاوير لغاية المكتبة اللي قدام الجامعة :D

اها صحيح
ترقبوا فتح باب التحويلات
ده للي عايز يحول
http://www.tansik.egypt.gov.eg/application/
تقريبا كده بكرة

riham_eg

07-08-2009, 11:25 PM

طب واللى ناوى يحول يدفع المصاريف برده ولا ايه
والمصاريف قبل الانترفيو ولا بعده

riham_eg

07-08-2009, 11:27 PM

اه نسيت ياتريكه التحويل قريب بس بعد بكره

sympathique

07-08-2009, 11:27 PM

ياجماعة انا خلاص قربت اتجنن من المنتدى

treka_100

07-08-2009, 11:29 PM

بصي يا ريهام انا هقولك اللي هيحصل
اولا المصاريف قبل الانتر فيو
بس لودفعتي المصاريف وبعد كده حولتي المصاريف هتروح عليكي

sympathique

07-08-2009, 11:41 PM

على ما اظن ياجماعة التحويل هيكون يوم الاتنين

sympathique

07-08-2009, 11:50 PM

مفيش فيكم حد عنده اقتراح للى بيحصل فى المنتدى ده

riham_eg

07-08-2009, 11:59 PM

بصي يا ريهام انا هقولك اللي هيحصل
اولا المصاريف قبل الانتر فيو
بس لودفعتي المصاريف وبعد كده حولتي المصاريف هتروح عليكي
انت بتهزر ولا بتتكلم بجد ازاى يعنى مش معقول اكيد هما عملين حسابهم ولا الكليه بتعمل كده عشان تكون فى السليم

sympathique

07-08-2009, 11:59 PM

ياشباب

طبعا انتوا عارفين ان فيه مواضيع بايظة فى المنتدى هنا

وانا راسلت اللرود نائب الادراة وقال ليا ان المسؤل عن كده الدعم الفنى الاستاذ محمود سراحان

admin

ياريت ياجماعة كلنا الموجودين دلوقتى انا وتريكة وريهام وايه كل اللى موجود نبعت رسالة له ونقوله يشوف لنا حل

اوكى

treka_100

08-08-2009, 12:02 AM

انا بتكلم جد يا ريهام كان في واحد بيسال وقالولوا كده

اوكي ياشريف انا معاك

riham_eg

08-08-2009, 12:02 AM

مفيش فيكم حد عنده اقتراح للى بيحصل فى المنتدى ده
ايوه طبعا انا عندى اقتراح نسيبه ينامله ساعتين يريح فيهم ونبقى نشوفه بكره لو لسه تعبان يبقى حد يعمله كمادات عشان شكله جاتله ضربة شمس وبيخرف

riham_eg

08-08-2009, 12:04 AM

اوكيه ياشريف

sympathique

08-08-2009, 12:08 AM

هو اصلا نايم با ستمرار يمكن يكون هو ده السبب

riham_eg

08-08-2009, 12:12 AM

انا مش عارفه ارسله
اصلا مش عارفه اوصله

sympathique

08-08-2009, 12:13 AM

ياريت ياجماعة تكتبوا المشكلة فى الرابط ده هو خاص بالعم الفنى

انا كتبت ولازم انتوا كمان تكتبوا علشان يحلوا المشكلة دى

http://www.thanwya.com/vb/showthread.php?t=108796&highlight=admin

sympathique

08-08-2009, 12:31 AM

انا اسف ياجماعة انا خارج من المنتدى واضح كده ان محدش بيسأل

الله يرحمه سعد زغلول قال

مفيش فايدة

riham_eg

08-08-2009, 01:05 AM

على فكره التحويل 10\8 وده هيكون يوم اتنين
وعايزه اعرف ياشريف لو خت اول سنه فى الفيوم وحولت حلوان السنه التانيه هيبقى ازاى وحلوان التخصص فيها من اولى والفيوم من تانيه

sympathique

08-08-2009, 02:18 AM

مش عارف والله اقولك ايه

انا كنت سامع قبل كده ان حلوان مش بتقبل نحويل بس مش عارف الخبر ده صحيح ولا لاء

ثم انتى ان شاء الله تحولى فى الاغتراب وربنا يسهل ياريهام

ثم انك لو كملتى هناك عادى مفيش مشلكة

riham_eg

08-08-2009, 03:14 AM

ميرسى ياشريف على الرد

sympathique

08-08-2009, 03:25 AM

بصراحة انا حاسس انى انا مردتش كويس

بس ان شاء الله هشوفلك الموضوع ده

ياريت لو اى حد فعلا عنده معلومة يقدر يقول

بس انا كنت سامع ان حلوان مش بتقبل تحويل

وفيه طلبة لما بتحول من جامعة لجامعة فيه مواد بتشيلها معاها

مش عارف والله اقولك ايه

اما بالنسبة فى انك عاوزة تحولى فانا وتقبلى رايى مش موافق اطلاقا

sympathique

08-08-2009, 03:26 AM

سورى تحولى من سياحة وفنادق لتجارة انا مش موافق

فكرى كويس

riham_eg

08-08-2009, 04:16 AM

على فكره انت رديت كويس وقلت اللى تعرفه ومش مطلوب منك اكتر من كده
اما بالنسبه للتحويل فانا هحاول جاهده انى ما احولش تجاره ادعولى ابقى معاكم فى سياحه وفنادق

sympathique

08-08-2009, 04:28 AM

ان شاء الله تكونى معانا فى سياحة وفنادق

ثم ان التجارة مش هتزيد ولاتقل انما سياحة وفنادق هتزيد بدخولك فيها

وبعدين هتسيبى ايه وتريكة لوحدهم

treka_100

08-08-2009, 11:59 AM

هو موضوع مافيش تحويل ده مسمعتش عنه
بس انا اللي اعرفه انه اللي بيحول بيشيل مادتين من اولي بتوع الجامعة اللي محول ليها
وان شاء الله تكوني معانا في سياحة يا ريهام
وزي ما قولنالك انا وشريف بلاش تجارة عربي

aya gamel

08-08-2009, 12:10 PM

هاى يا جماعة ازيكم و فعلا يا تريكة حرام تحول تجارة عربى هى ان شاء الله تقبل سياحة حلوان بس انا معرفش موضوع المصلريف ده نظامه ايه و احنا ان شاء الله هنروح خلاص يوم 12 الكشف الطبى

treka_100

08-08-2009, 12:16 PM

اوك خلاص وانا كمان رايح يوم 12 الكشف
لو تحبوا نتقابل هناك اوك لو مش هيضايقكم يعني

aya gamel

08-08-2009, 01:53 PM

خلاص اوك انشاء الله انا وريهام وبسمة هنروح سوا
وانشاء الله يا تريكة نبقى نتقايل هناك

treka_100

08-08-2009, 03:32 PM

اوك خلاص
وانا هروح لوحدي :d
ونبقى نتقابل هناك

treka_100

08-08-2009, 10:58 PM

في حد هنا بيركب من الجيزة ؟؟؟؟

aya gamel

09-08-2009, 12:01 AM

انت ايه اللى بيركبك من الجيزة يا تريكة اركب من رمسيس اسهل لك

treka_100

09-08-2009, 12:05 AM

ماهو انا معرفش منين من رمسيس :d
انا اعرف الجيزة عشانركبت من هناك :d

treka_100

09-08-2009, 11:07 AM

انا اتصلت بالشئون النهاردة قالولي ان يوم 12 الانتر فيو مش الكشف الطبي:bosyht9:
والكشف الطبي بعدما اتقبل في الانتر فيو
وانتوا قولتولي الكشف يوم 12 والانتر فيو بعدكده حسب المجموع :friendsxs3:
واللي ردت عليا ماجبتش سيرة المجموع
سالتها الانتر امتي قالتلي يوم 12 بس كده:022yb4:
فا ممكن اسال سؤال
هو انا ميـــــــــــــــــــــــــــــــــــــــــــــــن :romarioxp6:

cedek

09-08-2009, 11:24 AM

لا انا سالت قالولى ان الكشف الطبى هو الى يوم 12 والانترفيو حسب المجموع

aya gamel

09-08-2009, 02:57 PM

ايوة انا منتاكدة من كلام بسمة ده انا شفت الورقة بعينى يعنى مفيش حد قالى اكيد اللى رد عليك مش فاهم حاجة خالص

treka_100

09-08-2009, 02:59 PM

ههههههههههههه الناس دي نايمة ولا ايه
اوك خلاص يبقى يوم 12 الكشف الطبي بالاجماع :d

aya gamel

09-08-2009, 03:04 PM

هما بصراحة فعلا شكلهم مش طبيعى خالص تحس ان معضمهم غايب عن الوعى
هههههههههههههههههههه

treka_100

09-08-2009, 03:06 PM

انا والله كنت هتجنن الصبح
ماكنتش عارف انا رايح فين يوم 12 :d

aya gamel

09-08-2009, 03:07 PM

على العموم ريهام راحت النهارده تقدم ورقها و هى اكيد اللى هتاكد لنا الموضوع ده

treka_100

09-08-2009, 03:08 PM

اه صحيح انتي خلاص شور مش هتقدمي تحويل بكرة ؟

aya gamel

09-08-2009, 03:13 PM

لا خلاص مش عاوزة احط لنفسى امل و بعدين يضيع و بعدين الكليه هناك عجبتنى و احسن حاجة عجبانى هناك انى هقدر اشوف فى اولى كل التخصصات و اقرربراحتى انا عاوزة اتخصص ايه و خصوصا ان المشوار مش صعب اوى ده انا رحت مرة جامعة حلوان المشوار اخد منى ساعتين

treka_100

09-08-2009, 03:15 PM

اها تمام يعني معانا الاربع سنين ان شاء الله
انتي ساكنة فين صحيح

aya gamel

09-08-2009, 03:31 PM

انا ساكنة فى امبابة

treka_100

09-08-2009, 03:51 PM

احسن نـــــــــــــــــــــــــــاس

sympathique

09-08-2009, 05:01 PM

اها تمام يعني معانا الاربع سنين ان شاء الله
انتي ساكنة فين صحيح

ياشباب بعد اذنكم

ياريت الدردشة مش تكون فى الموضوع ده

فيه موضوع للدردشة (دردشة شباب سياحة)

وياريت محدش يزعل

وخصوصا طلبة الفيوم

riham_eg

09-08-2009, 07:04 PM

تريكه الانترفيو بتاعك يوم 16 و17 والانترفيو متقسم حسب المجموع انا رحت النهارده واتاكدت من الكلام ده
والكشف الطبى للكليه كلها يوم12 و13
والكلام ده متعلق فى كشف على شباك التقديم
356 الى 350 يوم 16و17
ومن 350الى 345 يوم 18و19

وعلى فكره ياجماعه روحوا من الجيزه احسن لان لو روحتوا من رمسيس بياخد وقت كبير لانه بيطلع من مطله الهرم
يعنى لو روحتوا رمسيس هتروحوا القاهره وبعدين هترجعوا الجيزه تانى
انا عملت انهارده واكتشفت انى غلط متكرروش الغلطه ديه تانى
وبالنسبه للتقديم بتاعى هيبقى بعد ظهور نتيجة التحويلات
وبالنسبه للمصاريف والانترفيو لو دفعتوا رسومهم وحولتوا حلوان فى مدير شئون الطلبه اللى فى الدور الاول قالى انهم بيردوا الفلوس
والمدير فى الخدمات الطلابيه قال لا وقالى باب التقديم مفتوح لحد بعد التحويلات لان فى نسة تخلفات وكمان لسه ناس هتحول تروح الفيوم وقالى متخافيش احنا عاملين حسابنا روحى ولما النتيجه تظهر تعالى قدمى
وعلى فكره انا وايه طلعنا سكنين فى مكان واحد وكنا بنركب الباص مع بعض كمان

treka_100

09-08-2009, 10:21 PM

ياشباب بعد اذنكم

ياريت الدردشة مش تكون فى الموضوع ده

فيه موضوع للدردشة (دردشة شباب سياحة)

وياريت محدش يزعل

وخصوصا طلبة الفيوم

سوري مستر شريف :(
ابام سو سوري فور دوينج زيس فاول

تريكه الانترفيو بتاعك يوم 16 و17 والانترفيو متقسم حسب المجموع انا رحت النهارده واتاكدت من الكلام ده
والكشف الطبى للكليه كلها يوم12 و13
والكلام ده متعلق فى كشف على شباك التقديم
356 الى 350 يوم 16و17
ومن 350الى 345 يوم 18و19

ثانكس فور زيس انفورميشن يا ريهام :av4056bb7jp3:

وعلى فكره ياجماعه روحوا من الجيزه احسن لان لو روحتوا من رمسيس بياخد وقت كبير لانه بيطلع من مطله الهرم
يعنى لو روحتوا رمسيس هتروحوا القاهره وبعدين هترجعوا الجيزه تانى
انا عملت انهارده واكتشفت انى غلط متكرروش الغلطه ديه تانى
وبالنسبه للتقديم بتاعى هيبقى بعد ظهور نتيجة التحويلات
وبالنسبه للمصاريف والانترفيو لو دفعتوا رسومهم وحولتوا حلوان فى مدير شئون الطلبه اللى فى الدور الاول قالى انهم بيردوا الفلوس
والمدير فى الخدمات الطلابيه قال لا وقالى باب التقديم مفتوح لحد بعد التحويلات لان فى نسة تخلفات وكمان لسه ناس هتحول تروح الفيوم وقالى متخافيش احنا عاملين حسابنا روحى ولما النتيجه تظهر تعالى قدمى
وعلى فكره انا وايه طلعنا سكنين فى مكان واحد وكنا بنركب الباص مع بعض كمان

مش هتكلم عشان مستر شريف :romarioxp6:

treka_100

09-08-2009, 11:10 PM

دي مواد اولي سياحة فيوم :d
مدخل فى علم السياحة
تاريخ مصر القديم
حضارة الفيوم
مبادئ الصحة العامة
الجغر افيا
علم الاجتماع
مدخل فى علم الضيافة
الجغرافيا السياحية
البيئة المصرية
مدخل فى علم الاقتصاد
نظم سياسية
لغة أجنبية 1
لغة أجنبية 2
طبعا دول الترمين :d

islam_forever

09-08-2009, 11:43 PM

انا سياحة و فنادق السادات وعايز احول اسكندرية ويا ريت حد يقولى الانترفيو ده عبارة عن ايه ؟و امتى؟

treka_100

09-08-2009, 11:49 PM

انت بتسال في الكلية عندك
وهو عبارة عن اسئلة بالانجلش والعربي ونظرة على مظهرك

mora mony

10-08-2009, 01:07 AM

هاى يا جماعة انا isaهحول من سياحة الفيوم لحلوان و رحت الجامعة هنا و هناك و كلية سياحة اللى فى جاردن و مكتب التنسيق و كل واحد قال حاجة شكل الخلاصة ان طلع التحويل عالنت و بس.... السؤال هو التحويل لسياحة حلوان مرتبط بدرجات محددة ولا لانى جايب 353 الفرق بينى و بينها كبير لو حد عارف حاجة يقولىىىىىىىىىىىىىىىىىىىىىىىىىىى

aya gamel

10-08-2009, 03:06 AM

والله اللى انا اعرفه ان التحويل بيبقى حسب اعلى الدرجات المتقدمة لانهم بياخدوا 10% بس من سعت الكلية و ربنا معاكى و مجموعك يجيب حلوان
و على فكرة انا برده سياحة الفيوم وفى هنا ناس كتير اوى الفيوم و برده ناس متير هيحاولو ان شاء الله يحولوا و ربنا مع الجميع

treka_100

10-08-2009, 09:52 AM

aya gamel

11-08-2009, 12:06 AM

كلامك صح يا تريكة و انا خلاص اقتنعت بالفيوم وخصوصا ان الجامعة هناك تحفة وكمان عجبنى نظام التخصص هناك
عشان كده انا قررت انى افضل هناك عشان مش عايزة احط امل على حاجة انا عارفة انها مش هتحصل لانها مستحيلة

aya gamel

11-08-2009, 12:08 AM

يعنى انا اول واحدة ضمنها معاك هناك
ههههههههه

treka_100

11-08-2009, 12:10 AM

اهلا بيكي معايا هناك
انا شكالي 4 سنين هناك

riham_eg

11-08-2009, 01:02 AM

احنا عندنا كزا كلية سياحة وفنادق على مستوي مصر
نفترض ان احنا عندنا 7 كليات سياحة هيحول من كل كلية 50 طالب لحلوان
يبقي 7 * 50 = 350
هياخدوا 10% من ال350 واحد دول
وهم 35 واحد هيتاخدوا حسب المجموع
عشان كده ايام شور اني مش هحول ومش ناوي اقدم تحويل :d
تريكه الموضوع مش كده انا اتصلت برقم بوابة الحكومه ورد عليا واحد شكله مش فاهم حاجه او فاهم الله اعلم قالى ان النسبه مش بتتحسب كده قالى لو مثلا 20الف طلب تحويل جالهم لكل الكليات هيقبلوا من الطلبات ديه 10% بس
انا كنت فاهمه ان الموضوع اسهل من كده كنت فاكره ان كل كليه هتقبل 10% من نسبة الطلبه اللى قبلتهم فى نفس السنه يعنى لو مثلا كليه قبلت 1000 هتقبل بعد التحويل 100 كمان
وكنت فاكره ان لو حد قبل فى المجموعه ج وعايز يحول للمجموعه أ مش هينفع بس ممكن يحوله للمجموعه ب ده اللى كان بيحصل زمان يعنى لو كان حد قبل فى اسيوط كانوا ممكن يحولوه للزقازيق مثلا
بس دلوقتى غيروا النظام ومش هيبصوا للمجموعه اصلا سواء أ او ب او ج

treka_100

11-08-2009, 11:07 AM

طيب انا بتكلم في ايه يا ريهام
ما انا قولت فور ايكسامبل مثلا يعني لو 350 حولوا من الكليات كلها لحلوان هايخدوا منهم 10% بس اللي هم 35
:d

good_2020

20-08-2009, 01:25 AM

السلام عليكو
انا عايز اعرف لو في مرشد معاه انجليزي ممكن يشتغل في فندق زي خريج قسم ادارة
ولا مش هينفع ولو ينفع مرتبة هيكون زي بتاع الادارة ولا اقل ولا اكتر بحك انه ارشاد
ولو بتاع الارشاد خد دورة اماديوس وجاليلو بتوع شركات الطيران والسياحه ممكن يشتغل
زيهم في شركة سياحه....
وكمان عايز اعرف مرتبات الفنادق ومرتبات شركة السياحه انا عارف انه علي حسب مكان الشغل
بس عايز اعرف في حدود ....
وكمان الشغل في فندق بيكون عدد الساعات فيه اد ايه من كام لكام يعني ممكن تروح بيتك ولا لازم تبات في الفندق
ومتتحكش عليه في الحته دي
وشكررررررررررررا
حد يرد عليه باستفاضه لاني حيران
ووعايز اعرف حاجات كتير

sympathique

20-08-2009, 01:46 AM

السلام عليكو
وعليكم السلام
انا عايز اعرف لو في مرشد معاه انجليزي ممكن يشتغل في فندق زي خريج قسم ادارة
ولا مش هينفع
طبعا ممكن تشتغل فى الفندق فى المكاتب الامامية
ولو ينفع مرتبة هيكون زي بتاع الادارة ولا اقل ولا اكتر بحك انه ارشاد
حكاية المرتبات دى كلها فى الاول زى بعضها يعنى ارشاد زى فنادق زى سياحة ده فى اول الوظيقة
وبعد كده بتعتمد على مجهودك انت

ولو بتاع الارشاد خد دورة اماديوس وجاليلو بتوع شركات الطيران والسياحه ممكن يشتغل
زيهم في شركة سياحه....
بس لاحظ انك هتكون مدربتش قبل كده فى الدراسة يعنى مفيش خلفية خالص ولا فيه خبرة الا اذا صاحب الشركة نزلك تدريب ويشوف شغلك الاول
وكمان عايز اعرف مرتبات الفنادق ومرتبات شركة السياحه انا عارف انه علي حسب مكان الشغل
بس عايز اعرف في حدود ....
معرفش بقى حتة المرتبات دى بس ربنا يسهل
وكمان الشغل في فندق بيكون عدد الساعات فيه اد ايه من كام لكام يعني
معظم الفنادق شيفت الشغل 12 ساعة الا الفنادق المحترمة فبتكون 8 ساعات زى مادرسنا فى الكلية

ممكن تروح بيتك ولا لازم تبات في الفندق
فنادق القاهرة والاسكندرية لاتوفر سكن للعاملين يعنى تروح بيتك
اما لو فى شرم والاماكن دى يعنى الغردقة و القرى السياحية فطبيعى انك هتبات فى سكن العاملين

ومتتحكش عليه في الحته دي
واضحك ليه انا نفسى اشتغل فى فنادق القاهرة علشان اروح يوميا

وشكررررررررررررا
لا شكر على واجب
حد يرد عليه باستفاضه لاني حيران
ووعايز اعرف حاجات كتير

يارب اكون وصلتلك معلومة

حاول تركز فى مجال واحد واجتهد لتصل الى احلامك ومتشتتش نفسك

good_2020

20-08-2009, 01:54 AM

شكرا لحضرتك انك رديت علية
ايه الفرق بين فنادق القاهرة والغردقة وشرم
الغردقة وشرم افضل ولا مش شرط
يعني ممكن تشتغل في فندق في القاهرة ويكون افضل من الغردقه
وايه المواصفات التي بتكون عاوزاها الفنادق الكبيرة السبع نجوم
وحضرتك تفضل ايه دراسات سياحية ولا ادارة فنادق
خصوصا اني عايز اشتغل في القاهره مش شرم والغردقه وكده
اروح بيتنا يعني ههههه ....

good_2020

20-08-2009, 01:58 AM

هو في دورات لطلبة ادارة الفنادق زي بتوع السياحه اماديوس وجاليلو بتساعدهم علي الشغل
ولا مفيش وايه ايه الدورات دي وفين واسف تعبتك معايا

sympathique

20-08-2009, 02:06 AM

شكرا لحضرتك انك رديت علية
اتمنى انى اكون افدتك
ايه الفرق بين فنادق القاهرة والغردقة وشرم
هو فيه ناس هتقولك فيه فرق وفيه ناس هتقولك مفيش فرق
بس انا هقولك على حاجة شغل السياحة والفنادق ده بيعتبر فرص يعنى انت ممكن تكون فى بوزيشن معين فى فتدق وتلاقى بوزيشن اعلى منه فى فتدق تانى فتروح له فانت متشغلش بالك بحكاية الفنادق دى لانك لما هتخلص الكلية هتعمل كذا انترفيو وفى اكتر من فندق حتى لو اتقابلت فى فندق ما هتروح انت من نفسك تعمل فى فندق تانى
الغردقة وشرم افضل ولا مش شرط
لا مش شرط المهم انك تشتغل اللى انت عاوزه
يعني ممكن تشتغل في فندق في القاهرة ويكون افضل من الغردقه
اكيد طبعا
وايه المواصفات التي بتكون عاوزاها الفنادق الكبيرة السبع نجوم
بص انا هقولك حاجة اللغة ثم اللغة ثم اللغة وبعدين الكمبيوتر ويايرت بقى الكورسات حسب قسمك انت
وحضرتك تفضل ايه دراسات سياحية ولا ادارة فنادق
انا قسم ادارة فنادق بس هقولك حاجة لو انت مش بتحب المطبخ بلاش تدخل ولو بتحبه تعالى على نفسك وادخله
ودراسات سياحية جميلة وميزتها انها بتجمع بين القسمين يعنى هتلاقى مواد ادارة فى مواد دراسات سياحية
وانا برشح دراسات سياحية
خصوصا اني عايز اشتغل في القاهره مش شرم والغردقه وكده
اروح بيتنا يعني ههههه ....

بكرة تغير رايك اصل الشغل فى فندق معين ومحدد ده استحالة يحصل

sympathique

20-08-2009, 02:12 AM

هو في دورات لطلبة ادارة الفنادق زي بتوع السياحه اماديوس وجاليلو بتساعدهم علي الشغل
ولا مفيش وايه ايه الدورات دي وفين واسف تعبتك معايا

اكيد انت عندك خلفية عن مجالات قسم ادارة فنادق

طبعا فى الاول والكل متفق ان اللغة اهم شئ

عندك بقة دورات كمبيوتر icdl

خد بقى عندك الدورات دى

front office
sales and marketing
F and B
وياسلام بقى لو كورس
comunication skills

تبقى انت كده تمام وفل اوى

وعاوز اقولك حاجة التسويق والمبيعا هو عصب الفندق

وفيه دورة شغالة فى سياحة وفنادق حلوان اسمها AHLA فيها الحاجات دى

لو انت بقى مش فى حلوان تاخدها فى مكان تانى

good_2020

22-08-2009, 03:37 AM

بكرة تغير رايك اصل الشغل فى فندق معين ومحدد ده استحالة يحصل

لية استحالة لو الواحد مرتاح في فندق وشغال تمام ايه السبب

sympathique

22-08-2009, 11:05 AM

بكرة تغير رايك اصل الشغل فى فندق معين ومحدد ده استحالة يحصل

لية استحالة لو الواحد مرتاح في فندق وشغال تمام ايه السبب

السبب انك عاوز بوزيشن اعلى فيتطر انك تروح فنادق كتييييير

بكرة تروحوا الفنادق وتدربوا وتشوفوا هتلاااااقى مدير اى قسم راح اكتر من 20 فندق

متستعجلوش

buterfly11

24-08-2009, 11:08 PM

hi ana syaha w fanade2 elfayom bs isa a2dar athawel le helwan.............

MOOMOO

25-08-2009, 12:01 AM

انا معااااااااك يااااااااماااااان سياحة وفنااااادق اسماااعلية
انا ميزووووووووووو

john zamalek

27-08-2009, 11:26 PM

انا جاتلى سياحه اسماعليه و حولت الحمد لله لسياحه اسكندريه

و مستنى الانترفيو

بس عندى سؤال مهم هو لازم شهاده الميلاد تكون كمبيوتر ؟

sympathique

27-08-2009, 11:42 PM

انا جاتلى سياحه اسماعليه و حولت الحمد لله لسياحه اسكندريه

و مستنى الانترفيو

بس عندى سؤال مهم هو لازم شهاده الميلاد تكون كمبيوتر ؟

لازم شهادة الميلاد تكون كمبيوتر:abdoog8:

john zamalek

28-08-2009, 12:05 AM

لازم شهادة الميلاد تكون كمبيوتر:abdoog8:
انت متأكد من المعلومه دى
انا شهاده الميلاد بتعتى عاديه مش كمبيوتر

sympathique

28-08-2009, 12:10 AM

انت متأكد من المعلومه دى
انا شهاده الميلاد بتعتى عاديه مش كمبيوتر

ههههههههه

ايوة متاكد

john zamalek

28-08-2009, 12:15 AM

ههههههههه

ايوة متاكد

هو ده وقت ضحك ؟؟؟؟؟؟؟؟؟:frown:
كده انا لازم اعمل واحده فى اقرب وقت ممكن

بنووووته مصريه

04-09-2009, 01:09 AM

انا جاتلى سياحه السادات وربنا يستر بس اهم حاجه ان عاوزه افهم بس نظام اللغات ايه فى اول سنه وهنبقى محتاجين قورسات ولا ايه

DINAELELAMY

07-09-2009, 04:11 AM

انا جاتلى سياحه السادات وربنا يستر بس اهم حاجه ان عاوزه افهم بس نظام اللغات ايه فى اول سنه وهنبقى محتاجين قورسات ولا ايه

الكلية كويسة جداا انا رايحة سنة تانية ان شاء الله
وكنت بروح واجي كل يوم والحمد لله تقديري جيد مرتفع الحمد لله
انا عبري وجايبة فيه في الترمين تقديرات كويسة الحمد لله بس اللي واخدين عبري واخدينه علشان تقديراته كويسة في الكلية لكن الكورسات والحاجات دي هنبدأها السنة دي ان شاء الله لأن التخصص من سنة تانية وان شاء الله ناويين علي ارشاد
لو محتاجة اي حاجة في اي حاجة انا تحت امرك
وان شاء الله تبقي الكلية خير عليكي بإذن الله

sympathique

07-09-2009, 04:51 AM

الكلية كويسة جداا انا رايحة سنة تانية ان شاء الله
وكنت بروح واجي كل يوم والحمد لله تقديري جيد مرتفع الحمد لله
انا عبري وجايبة فيه في الترمين تقديرات كويسة الحمد لله بس اللي واخدين عبري واخدينه علشان تقديراته كويسة في الكلية لكن الكورسات والحاجات دي هنبدأها السنة دي ان شاء الله لأن التخصص من سنة تانية وان شاء الله ناويين علي ارشاد
لو محتاجة اي حاجة في اي حاجة انا تحت امرك
وان شاء الله تبقي الكلية خير عليكي بإذن الله

منورة القسم يادينا وفى انتظار الجديد

ahmed magic

08-09-2009, 02:51 PM

حلواااااااااااااان الحمد لله
وانا كمان دخلت كلية سياحة المنيا

ahmed magic

08-09-2009, 02:57 PM

باركولى انا عملت المقابلة الشخصية وعديت الحمد لله وعقبالكوا

sympathique

08-09-2009, 04:18 PM

باركولى انا عملت المقابلة الشخصية وعديت الحمد لله وعقبالكوا

الف مبروك يا احمد

king samy

28-09-2009, 12:24 PM

ازيكو يا جماعه انا سياحه وفنادق حلوان وقبلت قسم ارشاد ياريت الى يعرف عن القسم ده حاجه يقول وربنا يوفقنا كلنا وعاوز ناس فى حلوان نتعرف عليهم بردوا الواحد قلقان من الجامعه والجو ده شكرا يا جماعه:022yb4:

king samy

28-09-2009, 12:34 PM

يا جماعه ممكن حد يجاوبنى على السؤال ده بيقولو ان التخصص من تانيه طيب ليه كتبنا اننا هندخل ارشاد ودفعنا المصاريف بتاعت القسم ده من اولى انا سياحه وفنادق حلوان ولما عملنا الانتر فيو اخترت الارشاد وصنفونا خلاص حسب الاقسام الى مخترينها يبقى ازاى التخصص من تانيه وشكرا

treka_100

28-09-2009, 09:35 PM

التخصص عندكم من اولي يا سامي

بنووووته مصريه

29-09-2009, 12:35 AM

ازيكمممممم عاملين ايه يار تكونوا بخير دايماااا وتكونوا استعديتواا للسنه الدراسيه ومكافحه انلفونزا الخنازيرررر ربنا يستررر

treka_100

29-09-2009, 06:45 PM

تمام يا مني ازيك
ايه فينك يا بنتي ماحدش بيشوفك

بنووووته مصريه

30-09-2009, 07:53 PM

الحمد لله موجوده انتم اللى مش بقيتوا تظهروا فى دردشه سياحه ياريت نرجع نتجمع تانى

zomahisham3

07-10-2009, 08:34 PM

انا دخلت سياحة و فنادق بمدينة نصر ( معهد العالي الألسن سياحة و فنادق )

labelle_princesse

29-10-2009, 08:28 PM

انا دخلت كلية سياحة وفنادق الاسماعلية
الفرقة الاولى
شعبة دراسات سياحية
عايزة اتعرف على حد فى الكلية
وممكن محاضرات سكرتارية انجليزية وعلم احصاء
ارجو الرد:av4056bb7jp3:

sympathique

30-10-2009, 12:40 AM

انا دخلت كلية سياحة وفنادق الاسماعلية
الفرقة الاولى
شعبة دراسات سياحية
عايزة اتعرف على حد فى الكلية
وممكن محاضرات سكرتارية انجليزية وعلم احصاء
ارجو الرد:av4056bb7jp3:

الف مبروك على الكلية وان شاء اللع ربنا يوفقك

وطبعا احنا كلنا معاكى وانا فى الاسماعيلية

وطبعا انتوا محاضراتكم بتبدى من يوم التلات

ان شاء الله هعرفك على زملاتك اللى فى دراسات سياحية اللى فى الفرقة التانية وهما هيعرفوكى كل حاجة