الى كل من التحق بكلية العلاج الطبيعي جامعة القاهرة [الأرشيف]

مشاهدة النسخة كاملة : الى كل من التحق بكلية العلاج الطبيعي جامعة القاهرة

Doctor P.T

28-07-2009, 05:55 PM

السلام عليكم ورحمة الله وبركاته

احب اهنئ كل طلبة الثانوية العامة بمناسبة دخلوهم مرحلة جديدة عليهم وهيا مرحلة الجامعه

احب اعرفكم بنفسي

انا اخوكم محمد من كلية العلاج الطبيعي جامعه القاهرة بالدفعة الثانية

واحب اقول لكل اللي جاله تنسيقه لهذه الكلية الف مبروك يا دكاترة المستقبل ان شاء الله

واي استفسارات تحبوا تسألوها انا تحت امركم في أي حاجة

أي استفسارات عن الكلية – عن أي حاجة تخطر على بالكم

وانا ان شاء الله هحاول ارد ع كافة اسئلتكم واستفسارتكم

وكمان تقدروا تتعرفو اكتر على مواد الكلية وعن مهنة العلاج الطبيعي واهميتها وعن مستقبلها المهني

وعن كل شيء بيخطر على بالكم

وهتلاقوا زمايلكم في سنة اولى وتانية هيردو عليكم ويساعدوكم في أي حاجة ان شاء الله

تحياتي

Doctor P.T

29-07-2009, 02:10 AM

ايه يا جماعه محدش دخل علاج طبيعي و لا ايه

Doctor P.T

29-07-2009, 02:13 AM

ايه ياجماعه محدش دخل علاج طبيعي ولا ايه
???

رامي نبيل

29-07-2009, 03:39 AM

انا اترشحت لعلاج طبيعى بس هحول صيدله عشان مجموعى جايبها

kimoz

30-07-2009, 03:43 PM

انا جالي علاج طبيعي واريد معرفة نظام الدراسة

loai bahgat

30-07-2009, 11:56 PM

السلام عليكم

أنا أخوكم لؤى بهجت تانية علاج طبيعى و لو محتاج أى مساعدة موجودة و أحب أقولك مبروك و على فكرة بجد العلاج الطبيعى ده هو طب المستقبل
لو أى حد احتاج حاجة عن الكلية فأنا فى الخدمة

lost_love

28-09-2009, 11:01 PM

هاااااااى يا جماعه ازيكو انا طالبة جديده معاكو فى علاج طبيعى بس من المنصورة ومش هعرف اروح غير الاسبوع التانى فى الدراسه حد يقلى اذا كان ممكن يفتنى حاجه مهمه او لا

dr_buffon

03-10-2009, 10:10 PM

لاي ا دكتورة عادى جدا مش هيفوتك كتير

م عبير

30-07-2011, 02:59 PM

mahmoud farid el_lamy

30-07-2011, 03:09 PM

وانا كمان اترشحت لكلية العلاج الطبيعى .. ياريت تفيدونا اكمل فيها ولا احول صيدله ؟؟ بسرررررررعه بليييييييييز

‏Dr.KaR!MaN

30-07-2011, 03:17 PM

أنا نفسي أعرف إحنا مطلوب مننا أدوات في سنه أولي زي بتوع البشري والأسنان ؟!

كيميائي طبي2011

30-07-2011, 04:53 PM

محمد ميزو

30-07-2011, 05:55 PM

السلام عليكم ورحمة الله وبركاته
فى البداية احب اوجه لكم الشكر الجزيل لانكم هتسعدوا الناس تتعرف على الكلية
وانا واحدة من الناس اللى نفسها تعرف حاجات كتير تخص الكلية واتمنى تردوا على سريعا
انا اخى الصغير جايله فى التنسيق كليه العلاج الطبيعى ومضايق جدا جدا لانه كان نفسه يبقى دكتور وانا بقوله ان الكلية دى يتخرج دكاترة ايضا
فارجوكم افيدونا فى الاتى :
ما مسمى الخريج من عندكم ؟ ممرض ام دكتور ام ماذا؟؟
ايه انواع المواد الدراسية اللى بتخدوها؟؟
ما صعوبة الدراسة فى الكلية؟؟
ايه هى فرص العمل بعد التخرج؟؟؟
ارجو تفيدونا فى هذا الامر سريعا

اولا اخوكي هيفرح اوي لما يعرف ايه هي الكلية و هيعرف انه احسن من ناس كتير دخلت كليات الطب و الاسنان و الصيدلة
مبدئيا تمريض دي خاصة بكلية التمريض و معاهد التمريض
دكتور دي لقب الشخص الحاصل على دكتوراه فقط اما احنا عندنا كعرف بنقول لخريج العلاج الطبيعي و الاسنان و الصيدلة و الطب يا دكتور
خريج الكلية بيكون اخصائي علاج طبيعي
صعوبة الكلية دي بتختلف من شخص لأخر لكن هي زي الطبو لكن احنا عندنا شغل عملي كتير
و بالنسبة للشغل هي ممكن تكون الكلية الوحيدة اللي لايمكن خريجها ميلاقيش شغل ده بيشتغل من سنة تانية لو حب لكن مستحيل يكون في خريج مش لاقي شغل عشان احنا كل سنة بيتخرج 800 بس بيتوزعوا على مصر كلها ف صعب ان ميكنش قي شغل غير كده الكلية الوحيدة اللي ليها تكليف

هو هيدرس في سنة اولى

التشريح – علم وظائف الأعضاء – الكيمياء الحيوية – الطبيعة الحيوية – لغة إنجليزية – وسائل العلاج الطبيعى – علم الأنسجة – دراسة الحركة.

و في موضوع كامل في القسم عن الكلية و موضوع عن ايه هو العلاج الطبيعي
و اي استفسار تحت امرك
وان شاء الله احنا في الكلية هنكون مع كل الدفعة الجديدة من اول ما يدخلوا لحد ما يستقروا في الدراسة

lorddrigo

30-07-2011, 06:07 PM

السلام عليكم و رحمة الله و بركاته
انا من الاسكندرية و اسمى الحسينى السيد
وسؤالى هو متعلق بمستقبل الخريج ؟؟؟
ما هى فرص عمله ؟؟؟ و اين يعمل؟؟؟ و ماذا يعمل ؟؟؟؟
و هل ما قيل بانه غير معترف بيها فى نقابة الاطباء صحيح ؟؟؟
و هل من الممكن بعد انهاء الدراسة ان التحق بالكلية الحربية كضابط متخصص؟؟؟
و شكرا

doc_toto

30-07-2011, 10:32 PM

:022yb4:انا الحمد لله جايبة 395.5 لكن لسة مجاش الترشيح بس ان شاء الله معاكم :d

doc_toto

30-07-2011, 10:48 PM

يا جماعة هنروح مكتب شؤون الطلبة فى الكلية امتى

doc_toto

30-07-2011, 11:51 PM

هو ليه مش فيه ردود

محمد ميزو

31-07-2011, 01:17 AM

يا جماعة هنروح مكتب شؤون الطلبة فى الكلية امتى
ان شاء الله بكرة كده على العصر ارد عليك بالظبط امتى

ork3d

31-07-2011, 03:52 PM

:022yb4:انا الحمد لله جايبة 395.5 لكن لسة مجاش الترشيح بس ان شاء الله معاكم :d
و انا معاكى ان شاء الله

بس يا ريت حد يقل لنا ايه نظام التقديم فى المدينه الجامعيه (

1- ميعاد التقديم

2- الاوراق المطلوبه

ork3d

31-07-2011, 03:53 PM

انت منين يا doc_toto (http://www.thanwya.com/vb/member.php?u=311862)

doc_toto

31-07-2011, 08:43 PM

انا من الشرقية يا قمر

shams_love

01-08-2011, 08:38 PM

و انا معاكى ان شاء الله

بس يا ريت حد يقل لنا ايه نظام التقديم فى المدينه الجامعيه (

1- ميعاد التقديم

2- الاوراق المطلوبه

3-ماذا عن الكشف الطبى واللياقة للالتحاق بكلية العلاج الطبيعى

سمسم ك.م

01-08-2011, 09:35 PM

يريت حد يرد عالاسئلة يا دكاترة
انا معاكو ف علاج طبيعى السنة دى

رامى قشوع

02-08-2011, 12:52 AM

انا اترشحت لعلاج طبيعى بس هحول صيدله عشان مجموعى جايبها

the same here

noooura

02-08-2011, 09:56 PM

ميرسى كتير لصاحب الموضوعDoctor P.T

انا جالى علاج طبيعى
و الحمد لله راضيه بيها كان نفسى ف طب بشرى بس مجموعى مش جابها و كمان كتير بيقولولى انها احسن من بشرى

ربنا يوفقنا كلنا

عايزه اسئل عن كذا حاجه

اولا الكليه مكانها فين اصلا لانى مش عارفه مع انى ساكنه ف القاهره هههههههههههه

ثانيا اروح اقدم امتى ؟

ثالثا هى كام سنه ؟ و فيها سنه اعدادى و لا لا ؟

رابعا هندرس ايه ؟ انا قريت اللى انت كتبتوا بس انا عايزه اعرف عن المواد دى

خامسا فى ادوات هتحتاجوها مننا ف اول سنه ؟

و اسفه جداااااا ع الاطاله

صبا الورود

03-08-2011, 03:14 AM

انا كمان جال علاج طبيعي

انا من مدينة السادات

ليلى مصطف

04-08-2011, 08:45 AM

انا كمان علاج طبيعى و ياريت حد يقول نقدم امتى

mo2aa_2010

05-08-2011, 01:04 AM

وانا معاكو وعندى اكتئاااااااااااب

seelvaa

05-08-2011, 10:18 AM

انا كمان تم قبولي في علاج طبيعي مع انه مكنش طموحي بس انا متفائلة جدا بالكلية دي والحلى ما فيها ان مفيش منها اتنين في مصر يعني احنا هنكون مميزين جدا انا عايزة اعرف امتى موعد التقديم وازاي ؟؟؟؟؟؟؟؟ ياريت حد يرد عليا

RedPhoenix

05-08-2011, 01:16 PM

‏Dr.KaR!MaN

05-08-2011, 05:36 PM

أنا اللي أعرفه إنك خلال الأربع سنين بتدرس كل الأقسام وبعد كده بتعمل دراسات عليا في أي تخصص إنت عايزه.

مروه 1

06-08-2011, 02:31 AM

3-ماذا عن الكشف الطبى واللياقة للالتحاق بكلية العلاج الطبيعى
وموعد التقديم للكليه والمدينه الجامعيه

ياسر محمد عبد المنعم

06-08-2011, 11:04 AM

يا جماعة لو حد عرف أي حاجة في أي حاجة في الكلية دي يا ريت يقولي علشان أنا مييييح خالص

محمد ميزو

06-08-2011, 01:52 PM

أنا الحمد لله دخلت علاج طبيعى
أنا بس عندى أستفسار
هو التخصص خلال الدراسة ولا بعد ما نتخرج ولا إحنا مفيش تخصص بنشتغل فى كل الأقسام؟؟؟

و ألف مبروك للجميع أى كانت الكليو اللى داخلها وربنا يوفقنا كلنا فى مجالاتنا

هو في الدراسة بندرس كل الاقسام زي طب كده و بعد التخرج بنحضر الماجيستير او الدكتوراه في القسم اللي حابينه كل واحد بيختار على حسب تقديره في كل قسم ايه
واحسن حاجة ان التخصص غ\في العلاج الطبيعي بيخلي الواحد متميز جدا في شغله

dr.loai

06-08-2011, 11:02 PM

ا اهلا بكل الدكاترة الجداد اللى هيشرفونا فى الكلية باذن الله

اولا بعتذر عن عدم التواصل بانتظام الفترة اللى فاتت لكن ان شاء الله نوعدكم نتواصل اكتر الفترة الجاية

انا هرد سريعا على اخر سؤالين شفتهم

بالنسبة للكلية فهى فعلا الكلية الحكومية الوحيدة على مستوى الجمهورية بجانب 3 كليات خاصة

و بالنسبة لعدد السوات الدراسية فهم 4 سنوات و سنة امتياز

كل سنة فصلين داسيين ما عدا سنة تالته بتبقى 3 ترمات او روندات

بالنسبة لموضوع التخصص فهو بيبقى بعد الدراسة لكن اثناء الدراسة فنت بتتدرس جميع التخصصات

اتمنى اكون جاوبت سريعا على بعض اسئلتكم و فى انتظار المزيد من اسئلتكم للاجابة عليها باذن الله

صفحة معلومات الفرقة الاولى على الفيس بوك

facebook.com/groups/240961975925072/

اخوكم لؤى بهجت
مقرر اسرة الحياة حلوة بكلية العلاج الطبيعى
0199272972

D.rawda

08-08-2011, 12:23 AM

طبعا كل اللي جاله علاج طبيعي محتااااااااااااااااااااااااااااااااااااار ومحبط من كلام الناس
في الاول اعرفكم بنفسي انا روضه ان شاء الله اولي علاج طبيعي زيكم يعني انا مجموعي 97.5 يعني داخلها برغبتي وكنت محتاره زيكم كده بالظبت لكن انا والدي وعمي اطباء بشرين وهما اللي نصحوني ادخل علاج طبيعي الان مستقبلها في الشغل احسن كتيييييييييييييييييييييييييييييييير من صيدله وحتي اسنان
المهم طبعا انا مكنتش مقتنعه لحد مانزلت الكليه النهارده الكليه فعلا جميله وبندرس حاجات كتير جدا من بشري وكمان الدراسه انجليزي علشان محدش يزعل اه ونسيت اقولكم انهم دكاتره وبيلبسوا بلطو ابيض برده
بجد نصيحه سبكم من كلام الناس المحبط لانه مش هيفدكم وسبكم من مشاكل النقابه لانها مؤقته وعلي فكره انا نزلت مستشفيات ومراكز علاج طبيعي ولقيتها فعلا ليها مكانتها بجد هي طب المستقبل

بالنسبه بقي للتقديم هو مش دلوقتي لسه الاسامي منزلتش من مكتب التنسيق الاسبوع الجاي ان شاء الله وهيحتاجوا استماره النجاح وشهاده الميلاد و8 صور
اما بالنسبه بقي لمكانها فانا هقولكم طريق المترو علشان اسهل انا ركبت من المظلات للبحوث حوالي 10 محطات المهم هتنزلوا البحوث وتخرجوا من المخرج بتاع المركز القومي للبحوث لو معرفتوش اسالوا لما تطلعوا اسالوا علي المركز القومي البحوث والكليه جنبه بالظبط يعني تقريبا 10 دقايق مشي يعني الطريق سهل وميتوهش
طبعا اكيد في طرق كتير بس انا روحت من ده
بجد اوعوا تترددوا لحظه واحده ادخلوا الكليه وافتخروا بيها علشان هنتخرج منها دكاتره بحكم المحكمه وهو ده المستقبل وشوفوا جمب الكليه مراكز العلاج الطبيعي............اسفه علي الاطاله بس انا حاسه بالحيره دي بجد حسيت اني بتحارب حتي اقبل ماادخل الكليه

doc_toto

08-08-2011, 08:44 PM

السلام عليكم انا كمان يا دكتورة روضة معاكى اولى علاج طبيعى وكمان رحت الكلية انهارده عايزة اقولك ان المشكلة فعلا فى الناس اللى مش فاهمين .انا دلوقتى الناس بيواسونى انى مش لحقت صيدلة مع انى والله العظيم حلمى الاول هو العلاج الطبيعى والحمد لله انى دخلته :d
لكن انا بجد مقتنعة بيه وحابة دراسته موت وربنا يوفقنا كلنا

FataFeto

09-08-2011, 02:42 AM

dr.loai

09-08-2011, 08:41 PM

هااااااااي يا جماعة انا معاكو ان شاء الله في علاج طبيعي :022yb4: و عاوزة اسأل عن شوية حاجات كدة :

1) بالنسبة للمقابلة بيكون نظام الأسئلة فيها ازاي ؟ و بتكون عن ايه ؟ و ايه الاسئلة اللي ممكن تتسأل؟

2) ايه هي الادوات اللي هحتاجها في سنة اولى ؟ و موضوع لبس السكاشن ده عشان مش فاهماه اوي اللي بيقولوا عليه لبس رياضة تقريبا و احنا بنحتاجه عشان اييه ؛ يعني احنا بنعمل تمارين و لا اييييه ؟؟؟؟

3)احنا بننزل تدريب من امتى ؟ و ممكن نبدأ شغل من امتى ؟؟

4) يعني ايه سنة الامتياز عشان مش عارفة خااالص ؛ يعني بندرس فيها و لا بتكون تدريب و لا ايييه ؟؟

5) نظام الدراسة اللي بالانجلش ده محتاجة اخد كورس انجلش قبل م ادخل الكلية مع العلم اني كويسة في الانجلش و لا الأحسن اخد كورس و يسهل عليا الدراسة شوية و ياريت تقولولي ممكن اخد فين عشان بصراحة خايفة ماسلكش في الموضوع اوي عشان نطقي كمان مش تماام اوي يعني ؟؟

6) هو احنا بنتخصص امتى ؟ و ايه الشروط عشان نتخصص في قسم معين و كدة ؟؟

7) لو في اخبار عن معاد التقديم ياريت تقولولي ... و انا في جامعة القاهرة على فكرة ؟

و ميرسي جددددددن انا عارفة اني طووولت اوي بس عشان مش لاقية حد يفيدني خاااالص والهي :006et4: . ميرسي

بص يا دكتوره متقلقيش خالص من موضوع المقابلة الشخصية او اختبار اللياقة ده خالص .. هو طبعا اهم حاجه ان ميكونش فيه اعاقة عند الطالب لان طبعا فاقد الشئ لا يعطيه غير كده ممكن بس يا دوب تتسالى بعض الاسئلة العادية زى طموحك بعد الدراسة و كده يعنى و كله كلام فى اللذيذ مش تقلقى خالص

بالنسبة لنقطة الادوات و كده فانتى مش هتحتاجى غير بالطو ابيض و لبس العلمى و ده عبارة عن تى شيرت ابيض و بنطلون ابيض و ده بتستخدميه فى السكاشن ( بتتقسموا ولاد بس و بنات بس 9 و لانكم طبعا مينفعش تشتغلوا من اول سنة على مريض حقيقى فبتتدربوا على بعض

بالنسبة لنقطة التدريب فانتى تقدرى تنزلى تدريب من سنة تانيه ان شاء الله و كل ما اثبتى كفاءة مع الدكتور اللى بتتدربى معاه اسرع تشتغلى اسرع لكن طبعا الشغل الرسمى بعد التخرج

سنة الامتياز دى سنة انتى بتنزلى شغل فى مستشفى بس تحت اشراف الدكاترة بتوعنا و بتقبضى فيها مرتب كمان

بالنسبة لموضوع الانجلش فده ليه كذا حل اول حل طبعا هو الكورسات و ان شاء الله هيتوزع مع المطويات بتاعتنا اعلان الكورس و مواعيده اما تانى حل فهو انك تحضرى بانتظام و تحاولى تتعودى مع الوقت و طبعا ممكن تستخدمى القاموس الطبى اللى ممكن تشتريه من كذا مكن هقولكم عليه لما اشوفكم يوم التقديم الاسبوع الجاى ان شاء الله

اتمنى اكون جاوبت على اسئلتكم بصورة شافيه و لو فيه اى استفسار او حاجه مش واضحه انا تحت امركم

ork3d

11-08-2011, 01:38 PM

بسم الله الرحمن الرحيم

http://www.3rbe.com/vb/upload/2007/2/17418_1172676185.gif

اولا : شكرا لجميع الاخوه الاعزاء على تفضلهم بالرد على الاستفسارات السابقه

ولى بعض الاستفسارات اللى هتفيد جميع الطلبه المستجدين و خاصة اللى من محافظات بعيده.

1- متى سيتم تقديم الاوراق الى الكليه ؟

2- ما هى الاوراق المطلوبه عند التقديم الى الكليه ( بالتفصيل )؟

3- ما هو الموعد المحدد للكشف الطبى ؟

4- ما هى المسافه بين الكليه و المدينه الجامعيه للبنات ؟

ahmed bendary

11-08-2011, 01:55 PM

الجروب ده هيبقى للرد على كل استفسارات طلبة سنة اولى ان شاء الله

dr.loai

11-08-2011, 09:04 PM

تقديم الأوراق موعده لم يحدد حتى الآن و ان شاء الله انا متابع معاكم هنا و أول ما يتم تحديده هبلغكم ان شاء الله على الموقع هنا و اللى يحب يكلمنى يوم الاحد اخر النهار ابلغه بالجديد مفيش مشكلة

الاوراق المطلوبة:
8 صور شخصية
بطاقة الترشيح
استمارة النجاح للثانوية العامة
شهادة ميلاد كمبيوتر
بطاقة 2 جند للبنين فقط

الموعد المحدد للكشف الطبى لم يتم تحديده ايضا و سأعلمكم به فور تحديده ان شاء الله

dr.loai

11-08-2011, 09:06 PM

المسافة بين الكلية و المدينة الجامعية للبنات ( مدينة الطالبات ببولاق ) بسيطه جدا و هى عبارة عن محطة مترو واحدة

لو رايحه الكلية هتنزلى محطة مترو البحوث لكن لو رايحه المدينة هتنزلى المحطة الى بعدها ( محطة مترو جامعه القاهرة )

dr.loai

11-08-2011, 09:07 PM

تابعونا على صفحة معلومات الفرقة الأولى على الفيس بوك

عفوا ممنوع وضع روابط فيس بوك

مقدمة من اسرة الحياة حلوة
الاسرة المثالية بكلية العلاج اطبيعى

dr\ola

12-08-2011, 05:15 AM

السلام عليكم
انا بردو معاكم داخله سنه اولى علاج طبيعى
بس بجد فعلا كلام الناس الى حولينا ده بيحبطنى جدا
المهم معلش عايزه اسال شويه اساله
هوه ينفع حد غيرى يروح التقديم ده ولا لازم انا المسافه بعيده
وكمان هوه المعاد امته بالظبط
وبالنسبه للمدينه اقدم فيها ازاى
بجد مش عارفه ومحتاره كمان بس انا راى ان العلاج الطبيعى افضل من الصيدله
وكمان شكراااااااااااااااااااااااااااا جدا على المعلومات دى

ork3d

13-08-2011, 02:01 PM

و انا ايه من المنوفيه يا toto

dr.loai

13-08-2011, 09:40 PM

https://www.facebook.com/groups/240961975925072/

سمسم ك.م

17-08-2011, 03:44 PM

انا فعلا رحت وقدمت بس لسة مش حد قلنا عن الكورسات او الادوات
ياريت يا دكتور لؤى تقولنامطلوب مننا اية بالظبط

وكمان معلومات اكتر عن المقابلة علشان هى يوم الاتنين

اسفة على التطويل

dr.loai

17-08-2011, 08:32 PM

انا فعلا رحت وقدمت بس لسة مش حد قلنا عن الكورسات او الادوات
ياريت يا دكتور لؤى تقولنامطلوب مننا اية بالظبط

وكمان معلومات اكتر عن المقابلة علشان هى يوم الاتنين

اسفة على التطويل

بصى يا ست الكل بالنسبة للكورسات فان شاء الله فيه كورس medical english فى شهر 10 ان شاء الله للى يحب ياخده اما الاداوت فكل اللى مطلوب منكم بالطو و لبس العلمى ( تى شيرت و بنطلون و شورت ابيض ) و متخافوش البنات لوحدهم و الصبيان لوحدهم

أما المقابلة فمتخافيش منها خالص و اعتبريها دردشة بسيطة مع الدكتور او الدكتورة و كله بينجخ فيها بشرط ميكنش فيه اى اعاقة

rosze storm

18-08-2011, 05:09 AM

السلام عليكم ورحمه الله وبركاته
الف مبروك لكل الدكاتره اللى هيدخلو الكليه
وكنت بستاذنكم هسأل سؤال
انا طالبه فى الفرقه الرابعه تربيه رياضيه ونفسى بعد اما اخلص كليتى ادخل علاج طبيعى فكان سؤالى هو هل ممكن وله لازم معهد ولو ممكن فا ايه هى الشروط ؟
وشكرا ليكم
او ممكن تقولولى اسالى فين واعرف الزاى الشروط وشكرا ليكم

سمسم ك.م

19-08-2011, 01:37 PM

بصى يا ست الكل بالنسبة للكورسات فان شاء الله فيه كورس medical english فى شهر 10 ان شاء الله للى يحب ياخده اما الاداوت فكل اللى مطلوب منكم بالطو و لبس العلمى ( تى شيرت و بنطلون و شورت ابيض ) و متخافوش البنات لوحدهم و الصبيان لوحدهم

أما المقابلة فمتخافيش منها خالص و اعتبريها دردشة بسيطة مع الدكتور او الدكتورة و كله بينجخ فيها بشرط ميكنش فيه اى اعاقة

اشكرك جدا يا دكتور

dr.loai

19-08-2011, 08:43 PM

العفو يا دكتوره

A.M.S.

27-08-2011, 10:29 PM

يا جماعة أنا مجموعي اقل من الحد الادنى للكلية بـنص :s
في ناس قالتلي ممكن اقدم التماس للكلية . . . هل ده صحيح ؟؟
لو آه . . . طيب إيه إجراءاته ؟؟؟
يا ريييت تردوا عليا بسرعة :(

rana3994

22-07-2012, 09:04 PM

هم اللى بيدخلوا علاج طبيعى بيبقوا دكاترة

Nada_Mohsen

14-08-2012, 08:47 PM

هم اللى بيدخلوا علاج طبيعى بيبقوا دكاترة

أيوا بننبقى دكاترة طبعا ^_^
و لينا نقابة خاصة بينا و كمان حاليا الحمد لله دخلنا مشروع علاج المهن الطبية تمهيدا لأننا نخش اتحاد المهن الطبية "ع ما الورق يخلص يعنى :) "

Dr.Nihal

15-08-2012, 03:22 PM

انا داخلة اولى ان شاء الله
بس سمعت انها هتكون خمس سنين دراسة و سنه امتياز .. الكلام ده بقى هيطبق من السنه دى ولا ايه بالظبط ؟

hana abdallah

17-07-2013, 12:50 AM

لو سمحتوا عايزه اعرف هي طب علاج طبيعي بتاخد من كام في العادي يعني وبما ان التنسيق هينزل السنه دي ممكن تاخد من كام السنه دي انا جايبه 94.39 % ولسه هعمل تظلم بس خايفه مش الحقها لو سمحتوا الرد

Rozal Nona

29-07-2013, 02:15 PM

انا جديدة معكو
انا ان شاء الله قررت ادخل علاج طبيبعى بس خاص فى كلية 6 اكتوبر
كنت عايزة اعرف اولا
الكلية هناك بتعلم حلو؟
العلاج الطبيبعى فى العموم ايه هى الوظايف ال ممكن اخرج استغلها على طول
وهى بتجيب فلوس على طول ولا نظامها اية
وشكرا كتييير

رامى قشوع

29-07-2013, 08:05 PM

والله بالنسبه لجامعه 6 اكتوبر انا اعرف ان هى و فاروس ف اسكندريه من احسن الجامعات الخاصه عموما وفى العلاج الطبيعى خصوصا

خريج العلاج الطبيعى بيشتغل فى اكتر من مكان
اولا فى المستشفيات و العيادات . زى الطبيب البشرى بتشتغلى ف المستشفيات العامه و الخاصه وليك حق انك تفتح عيادتين حد اقصى ..
2- تشتغل فى الانديه . عشان كل نادى بيحتاج اخصائى علاج طبيعى للطب الرياضى و للمتابعه مع الرياضيين

اما بالنسبه للفلوس فدى ارزاق :d محدش بيقدر يتكلم ف دى بس زيك زى اى طبيب بشرى بتحتاجى دراسات وماجيستير بعد التخرج وكلما تدرجتى ف الدرجه العلميه الفلوس بتزيد خصوصا ف السفر :)

Rozal Nona

01-08-2013, 09:21 PM

GGMGG

01-07-2014, 08:22 PM

عايزه اعرف كل حاجه عن العلاج الطبيعى
المجموع من كام
كام سنه
ايه اللى بيدرس

totatata

04-08-2014, 11:19 PM

طب يا دكاترة يعنى احنا برده معندناش معلومات كفية عن الكلية يعنى عيزين نبذة كدة عن الدراسة واقسام الكلية والتخصصات الكويسة المطلوبة فسوق العمل وكيفية المذاكرة بعنى احنا مش عارفين حاجة خاالص بصراحة

totatata

04-08-2014, 11:23 PM

طب بعد اذنكم يا دكاترة احنا برده معندناش معلومات كفاية يعنى عيزين نبذة مختصرة عن نوعية الدراسة واقسام الكلية والتخصصات المطلوبة فسوق العمل وطبيعة الدراسة وكيفية المذاكرة يعنى احنا مش عرفين حاجة خاالص

mac gyver

14-10-2014, 07:36 PM

شكرا على الدعوة

menna 1995

15-11-2014, 01:52 PM

عايزة اعرف اذا كانت مشكلة التوزيع الجغرافي لكلية علاج طبيعي القاهرة اتحلت و لا لأ ؟
و سمعت ان العميد بيقبل التحويلات بغض النظر عن التوزيع الجغرافي و من غير قضية ؟
ياريت حد يفيدني أفادكم الله

7nooya

24-10-2015, 03:43 AM

لو سمحت مافيش محاضرات ف اليوتيوب عم المواد الي بيدرسوها في سنه اولى علاج طبيعي ف جامعه القاهره لاني لسى ما مزلتش الحامعه .. وعايزه احضر عشان ما يتراكم علي الدراسه

اية احمد حسن

16-11-2015, 06:59 PM

بارررررررررررررررررررك الله فيك