مشاهدة النسخة كاملة : كلية سياحة وفنادق جامعة حلوان...هنا
soha fouad 30-07-2009, 11:58 PM ياريت اي حد حلوان يبقي معانا هنا عشان نتفق ع كل حاجه قبل ما نروح الانترفيو
واللي عنده اي سؤال عن الكلية جامعة حلوان يقول
بعض المعلومات ع الكلية
العنوان في المنيل:السيدة زينب ناحية مستشفي ابو الريش وبعدين تاكسي لغاية جامع صلاح الدين وتاخد الشارع لغاية اخره هتلاقي الكلية جمب جراند حياه
سنة اولي بتبقي في عين حلوان
وباقي السنين في المنيل
بالنسبة المصروفات
1-سياحة(لغات)
2-فنادق(لغات)
3-ارشاد سياحي
المصاريف في حدود 3000 جنية
4-سياحة (عربي)
5-فنادق(عربي)
المصاريف 222جنية
ميعاد الانترفيو 16/8 وده ميعادي (بس لازم تروح وتسال في الكلية عشان تتأكد)
ها....مين معايا في حلوااااااااااااااااااااااااااااااااااااااااااان... .؟
sympathique 31-07-2009, 01:51 AM ايوة كده عاوزين نشوف النشاط بقى
يلااااااااا فين جرووووووووب حلواااااااان
sendrlavig 31-07-2009, 03:18 AM انا كمان يا سوسو معاكى وربنا يستر انا لسه ماروحتش هما قالولى يوم الحد عمتا هعرف امتى الانترفيو وقولك ولو نفس اليوم نتقابل ان شاء الله هناك
soha fouad 31-07-2009, 02:05 PM SHRIEF SHOMAN
ميرسي كتير
بس في كتير هنا حلوان بس محدش رد
sendrlavig (http://www.thanwya.com/vb/member.php?u=253629)
ان شاء الله نبقي نتقابل انا وانتي وتبقي معايا في نفس اليوم
sympathique 01-08-2009, 01:24 AM ميعاد انترفيو حلوان امتى يا سوسو ؟
treka_100 01-08-2009, 10:52 AM 16/8
وراوك وراك في كل حتى :d
انا ليا واحد صاحبي في حلوان عشان كده قولت ارد عليك هو هيبقى يوم 16 /8 ان شاء الله
seco33 01-08-2009, 01:46 PM الانترفيو يوم 16/8 ان شاء الله وان معاكو فى حلوان كمااان وان شاء الله نتقابل هناك انا عبده
seco33 01-08-2009, 01:48 PM كلنا تريكا وسها والناس كلها اللى هتدخل ان شاء الله
seco33 01-08-2009, 01:49 PM وانا ان شاء الله داخل ارشاد وهى مصاريفه 3750 جنيه فى السنة
seco33 01-08-2009, 01:50 PM يلا بقى كل واحد يقول القسم اللى عاوز يدخله
treka_100 01-08-2009, 01:55 PM انا ارشاد بس انا مش حلوان انا فيوم بس انا من حلوان
sympathique 02-08-2009, 12:06 AM بالمناسبة ياجماعة
يفضل فى الانترفيو كلاسيك وليس شرط
soha fouad 02-08-2009, 10:16 PM يا اخواني
1-مين معايا يوم 16/ 8 سواء بنات او شباب
2-ولو حد معايا من البنات ياريت تقول عشان نجمع
seco33 04-08-2009, 07:38 PM انا معاكى حلوان .................................................. .................................................. .........................وان شاء الله نتقابل كلنا بنلت وولاد
amir atef 05-08-2009, 02:20 PM انا تانية ارشاد عايز اعرف الكلية هتتنقل ولا لا
rodita 05-08-2009, 08:11 PM هاي يا جماعة انا اولي معاكو بس انا الانترفيو بتاعي يوم 17مش 16
soha fouad 06-08-2009, 01:35 PM اهئ اهئ اهئ
يا خسااااااااااااااااااااااااااااااارة
انتي معاكي بنتين برضه
وانا لوحدي بنتوتة
بس معايا سيكو وتريكا
ها يا جماعة مين معايا تاااااااااااااااااااااااااني........؟
sympathique 06-08-2009, 01:40 PM مش عارف اقولك ايه
بس تريكة شكله كده ناوى على الفيوم
احمد حسن خضر 06-08-2009, 04:09 PM انا معاكم والانتر فيو يوم 16
احمد حسن خضر 06-08-2009, 04:10 PM انا معاكووووووووووووووو حلوان والانتر يوم 16/8
nosa kamanosa 06-08-2009, 06:31 PM لااااااااااااااااا يا جماعة معاد انترفيو حلوان مش 16/8للكل كل مجموعة وليها معادها انا 17/8لااااااااااااازم تروحو الكلية بس اللى فى المنيل مش اللى فى الجامعة وهناك هيدولكو معاد الانترفيو
nosa kamanosa 06-08-2009, 06:34 PM وانا ان شاء الله داخل ارشاد وهى مصاريفه 3750 جنيه فى السنة
طيب هم ال3750دول بالكتب ولا من غير اصل فى ناس بتقول من غير الكتب وبالكتب هتقفل على خمسة او خمسة ونص لو حد عندو فكرة عن الموضوع دة يارييييييييت يقول سواء عن ارشاد او سياحة
amir atef 06-08-2009, 06:47 PM الكلية مصاريفة السنة اللى فاتت 3222جنية والكتب حوالى250جنية بس انا سمعت انها زادت حوالى 100جنية
sendrlavig 07-08-2009, 02:11 PM انا كمان يوم 17وربنا معانا كلنا
seco33 07-08-2009, 10:17 PM انا يو 16 مع سها ان شاء الله
nosa kamanosa 07-08-2009, 11:53 PM الكلية مصاريفة السنة اللى فاتت 3222جنية والكتب حوالى250جنية بس انا سمعت انها زادت حوالى 100جنية
طب ده بالنسبة للارشاد ولا السياحة وبعدين انا عايزة اعرف الاقسام اللى باللغات المواد كلها بتبقى بالانجليزى ولا فى مواد عربى؟؟؟والانجليزى بتاعى فى الكلية ولا لأ؟؟؟؟؟؟؟اصل انا كنت واخدة مستوى رفيع انجليزى وكنت بذاكر الانجليزى طول السنة عشلن ادخل حاجة بالانجليش وجاتلى اداب انجليزى عين شمس وفضلت عليها سياحة وفنادق فلو حد يعرف يفيدنى فى الموضوع ده ياااااااريت يرد عليا وكمان ما ينساش يقولى على موضوع المصاريف دة وشكررررررررررا
mora mony 09-08-2009, 10:48 PM هاى انا هحول من الفيوم لحلوان فى حاجة غير تحويل النت بكرة؟ :confused:
seco33 10-08-2009, 11:31 AM فاضل على الاختبار 6 ايام ان شاء الله
soha fouad 10-08-2009, 12:00 PM ايه يا عبده ده هو اختبار زي شكة الدبوس
مش هتحس بأي حاجه
ان شاء الله خير
(شكلنا احنا الاتنين اللي هنروح نمتحن بس)
a7med.kimo 10-08-2009, 12:36 PM هااااي ياجماعة
انا كان جالي سياحة وفنادق الفيوم .. وحولت لسياحة وفنادق حلوان النهاردة الصبح اول ما الموقع فتح فترة التحويلات
لو سمحتوا عاوز اعرف امتي نتيجة التحويلات دية هتظهر
وعاوز اعرف بعد اذنكوا معاد الانترفيو في حلوان علشان ان شاء الله لو حولت يعني ان شاء الله ... ادعولي وبعدين رودوا عليا بليييز علشان انا اتروشت:av4056bb7jp3:
Cave Man 10-08-2009, 11:09 PM ايون يا جماعه انا بردو سياحه وفنادق بس انا مش متفائل لأنى مكنتش عايزها اساسا يلا كل اللى يجيبه ربنا كويس فرقت اثار معايا ع درجتين يلا
والانترفيو 16/8 بس بردو كالعاده انا مش متفائل وبيقولوا انه معلومات عامه ربنا يستر
يا جماعه احنا كلنا اخوات اللى يعرف حاجه او اللى عارف حاجه من السنه اللى فاتت ياريت يقولنا
والله ما متفائل
sympathique 10-08-2009, 11:43 PM - قسم ادارة فنادق (دراسات فندقية)
تعد الدراسة فى قسم ادارة فنادق من وجهة نظرى المتواضعة من افضل الدراسات بانسبة للاقسام لان مجال العمل بالنسبة لقسم ادارة فنادق واسعة بشكل كبير اوى.
حيث ان الحاصل على بكالوريوس سياحة وفنادق قسم ادارة فنادق
يستطيع العمل فى اى قسم من اقسام الفندق المختلفة .
ويحق للحاصل على بكالوريوس السياحة والفنادق شغل الوظيفة الشاغرة بدلا من الحاصل على المعاهد الخاصة للسياحة والفنادق وبمرتب اعلى .
ومن مجالات العمل :
1- العمل فى المطعم والتدرج فى الوظائف الى ان توصل لمدير مطعم او مدير قاعة او مدير حفلات .
2- العمل كموظف فى المكاتب الامامية ويشترط ان تكون متمكن فى اللغة الانجليزية بشكل رئيسى ولغة اخرى على الاقل ويفضل ان تكون لغة منفردة كالروسى او الاسبانى او اى لغة اخرى حيث ان ذلك يوفر عليك كثيرا فى التدرج فى الوظائف داخل الفندق وفى القسم الذى تنتمى اليه؟
3- العمل كطاهى فى قسم المطبخ(شيف) وذلك يشترط ان تكون على قدر من السرعة فى الاداء ومتمكن فى عمل الوجبات وللعلم الكلية بتقوم بتدريب الطالب على كل ذلك وبيكون عنده خلفية كبيرة اوى عن جميع الاصناف .
قسم ادارة فنادق:
القسم ده بيحظى باهتمام كبير اوى فى الكلية بس فيه حاجة عايز اوضحها ان دراسة المطبخ اساسية فى هذا القسم بمعنى ان الطالب اللى مش بيحب المطبخ ميدخلش القسم ده؟
ويقوم قسم المطبخ فى الكلية بعمل الوجبات امام الطلاب ومشاركتهم فى العمل وعمل جميع الاصناف من لحوم واسماك وخضار وارز وحلويات وغيرها .
وايضا هناك المطعم وبيتم التدريب على اكمل وجه فى المطعم ومعرفى طريقة التقديم المناسبة للمطعم حيث ان هناك الخدمة على الطريقة الامريكية والخدمة بالسرفيس الفضى وخدمة الجريدون وغيرها من الخدمات ولكل منها خصائصها.
ثم ان الكلية بتقوم بتدريب الطلاب لمدة شهرين كل سنة بعد انتهاء الامتحانات وذلك يتيح للطلاب معرفة وطبيعة العمل فى مجال السياحة واكتساب الخبرات ؟
اكرر مرة اخرى فيه وظائف كتيرة اوى .
Cave Man 10-08-2009, 11:52 PM شكرا جدا جدا جدا يا شريف ويارب عقبال منتخرج منها ونلاقى شغلانه كويسه
( تفائلت نوعا ما .... فى امل )
dodo gogo 11-08-2009, 07:34 PM ياجماعه انا خلود انا اتقبلت سياحه وفنادق حلوان وخايفه جدا من الانترفيو وربنا يستر انشاء الله
a7med.kimo 12-08-2009, 05:17 AM علي فكرة محدش رد عليا عموما .. انا حولت حلوان . ونتيجة التحويل كمان بعد 3 ايام من النهاردة ومعني كدة ان لو نفع وحولت حلوان الانترفيو هيفوتني في حلوان والفيوم ... قي معاد تاني
ولو عاوز اسال اسال فين بالظبط .. وياريت تردوا عليا
محسن عبدة 12-08-2009, 02:30 PM السلام عليكم يا اعضاء المنتدى انا مصطفى محسن بازن اللة هبقى فى سياحة وفنادق بس لسا الانترفيو يوم 16 عندى سؤال معلش هوتقديم الاستمارة يوم16 بس مكنش نفس يوم السحب
:078111rg3:ياريت والنبى حد يرد عليا بسرعة لحسن انا مخنوق وخايف
soha fouad 12-08-2009, 02:50 PM يا احمد مادام انت في القاهرة
روح بكرة ع طول الكلية اللي في المنيل العنوان مكتوب في اول صفحة وتدخل شئون الطلبة وتسأل الميعاد امتي وتسألهم ع انك محول والحكاية دي
وياريت تروح الجامعة قبل نتيجة التنحويل عشان يمكن تكون في خطوة المفروض تتاخد
soha fouad 12-08-2009, 02:56 PM بص يا محسن انت رحت الكلية اللي في المنيل تمام
و وريتلهم ورقة الترشيح واخدت وصل يثبت انك رحت ودفعت الفلوس وكله حاجة مظبوطة واختاروا ليك يوم الانترفيو بتاعك
الخطوة اللي بعد كده انك هتروح الكلية يوم الحد الجاي عشان الانترفيو وبعدين تطلع النتيجة
ونبقي بعدين نقدم في الكلية
محسن عبدة 12-08-2009, 02:57 PM هاى يا جماعة اى حد موجود عيزين نتكلم شوية
ويجوبنى هنقدم اة يوم16
محسن عبدة 12-08-2009, 02:59 PM بصى انتى اسمك سوها انا مصطفى محسن المهم انا بسال على الاستمارة هتتقدم 16 بس مع صورى والبطاقة صح
محسن عبدة 12-08-2009, 03:02 PM هى الاستمارة معاكى قصدى وهنقدمها يوم 16 صح بس متخدتش فى نفس يوم سحب الاستمارة صح
soha fouad 12-08-2009, 03:02 PM يا محسن مش هنقدم حاجه احنا هنروح نمتحن بس تديهم الوصل اللي اخدته و وورقة النجاح بتاعك والورقة بتاعت الرغبات اللي المفروض تبقي معاك
وان شاء الله خير
محسن عبدة 12-08-2009, 03:05 PM هو مفيش حد بيرد عليا لية
soha fouad 12-08-2009, 03:06 PM بص يا محسن انت هتروح ومعاك استمارة النجاح
ورقة الرغبات اللي بتملي فيها بياناتك وتدبس فيها واحد من الوصلين وصورة
ويستحسن تاخد معاك صورتين للظروف وانا هاخد معايا بطاقة الترشيح (ضمانا للظروف)
محسن عبدة 12-08-2009, 03:07 PM انا مصطفى ومحسن يبقى ابويا وانتى عاملة اة دلوقتى انتى يوم16 معانا عيزين كلنا نبقى مع بعض ونجهز نفسناواللة بقالى تلات ايام قاعد من الشغل عشان اظبط حالى بس انا خايف يارب استر
هو مفيش حد الا انا وانتى اللى فتحين
محسن عبدة 12-08-2009, 03:12 PM هو اة الوصل انا مش معايا الا استمارة الرغبات وحاجاتى بطاقة الترشيح وهجيب الصور وكدة بس اة الوصل دة انا مخدتوش
soha fouad 12-08-2009, 03:13 PM ماشي يا مصطفى وع فكرة انا اسمها سها مش (سوووها) وفي معانا نجمة وعبده
انا هشوف عبده ونجمة ونتجمع كلنا ونبقي شلة سوا بدل ما كل واحد يبقي رايح لوحده مش عارف حد
soha fouad 12-08-2009, 03:15 PM ايه؟؟؟
انت مش رحت المنيل ودفعت ال75 جنيه؟
محسن عبدة 12-08-2009, 03:20 PM مش معايا وصلات مخدتش الا الاستمارة
محسن عبدة 12-08-2009, 03:22 PM رحتى فين عايز الرد بسرعة انا مش عارف اة الوصل
internationalahly 13-08-2009, 02:29 AM انا حسام معاكوا في سياحه و فنادق حلوان وعندي معلومات مهمه جدا عن الكليه والانترفيو كلموني لكي تطمئنوا***********
,وسلامي لكم
Cave Man 13-08-2009, 11:18 PM نكلمك ازاي يعنى يا عم حسام متقول اللى انت عارفه علشان الناس كلها تقراه
ولا انا كلامي غلط ؟؟؟!!!
internationalahly 14-08-2009, 01:36 AM انا حسام وكان قصدي نتكلم علي الاميل وعلي العموم امتحان القدرات سهل جدا وعلي الطالب منا الاتي
1 مراعاة الملابس و المظهر الخارج
2 يكون الطالب علي علم ببعض المعلومات كالاتي
1 الاسم والسن وتاريخ الميلاد
2 اين يسكن
3 اسم المحافظ
4 اسم وزير السياحة
5 لما الطالب يفضل السياحه والفنادق
6 اي قسم يفضل الطالب اختياره
7 العملات
وعلي العموم ان شاء الله ننجح ويكون سهل واظن الطالب الي عدي86% يقدر يعدي القدرات بسهوله.
Cave Man 14-08-2009, 01:46 AM طيب ولازم كلاسيك ولا ممكن كاجوال
السؤال دا محيرني اوي
sympathique 14-08-2009, 02:20 AM لا مش لازم كلاسيك ممكن كاجول
نجمه السما 14-08-2009, 02:33 AM ياجماعه انا راحه حلوان يوم 16 بس قلقانه من حكايه عملات البلاد وهو وزير السياحه الحالى اسمه ايه ومين هقابله يجى معايا
sympathique 14-08-2009, 02:49 AM ياجماعه انا راحه حلوان يوم 16 بس قلقانه من حكايه عملات البلاد وهو وزير السياحه الحالى اسمه ايه ومين هقابله يجى معايا
د. زهير جرانة
وشوفى بقى مين جاى وياكى
ahmed_usama_com 14-08-2009, 11:14 AM انا كمان يوم سياحة وفنادق حلوان والانتر فيو بتاعى 16-8 ان شاء الله
soha fouad 14-08-2009, 01:08 PM اوك
كده عددنا زاد الحمد لله للي رايحيين يوم 16-8
بليز اي حد يرد بعدي يقول انه رايح معانا يوم الحد الجاي بحيث نعرف عددنا قد ايه وع يوم السبت بليل نكون متفقين نتقابل فين
1-soha fouad
internationalahly 14-08-2009, 02:03 PM انا معاكوا في الانترفيو يوم الاحد 16/8
وياريت نتقابل
2 حسام محمد بس ازاي يا soha
a7med.kimo 14-08-2009, 03:14 PM هاي ياجماعة معلش ممكن اطلب طلب من ال هيروحوا يوم 16
ممكن بس حد يسالي علشان انا في الغردقة .. هو انا محول من الفيوم لحلوان ونتيجة التحويل يوم الاتنين او التلات معني كدة ان معاد الانترفيو هيفوتني .. كنت عاوز اعرف في معاد تاني علشان لو حولت اروحة ’’ وفي حاجة تاني المفروض اني اعملها سوري لو كنت هتقل عليكم بس بليز , ممكن .....
بس لو حد هينسي او مش هيسال ياريت يرد عليا بسرعة علشان اعرف اتصرف
محمود علي عويس 14-08-2009, 09:48 PM انا طالب جديد في الكلية ومش عارف اخش قسم سياحة عربي ولا انجليزي فهل تفرق في الشغل ولا لاء؟
seco33 15-08-2009, 10:48 AM انا عبده معاكم يوم الاحد ان شاء الله وياريت ندخل الموقع الساعة 9 علشان نتفق وكمان اللى يدخل الاختبار الاول يقول للباقى على اللى حصل
seco33 15-08-2009, 10:49 AM وياريت محدش يخاف
محمود علي عويس 15-08-2009, 01:46 PM انا لسة يوم 18 يا ريت تقولوا لية اية اللي حصل واخش عربي ولا انجليزي انا حلوان
a7med.kimo 15-08-2009, 02:01 PM اية ياجماعة دة هو انا بن البطة السودة ولا اية
اشمعنا انا ال محدش بيرد عليا
عموما شكرا ليكم كلكم
sympathique 15-08-2009, 02:10 PM اية ياجماعة دة هو انا بن البطة السودة ولا اية
اشمعنا انا ال محدش بيرد عليا
عموما شكرا ليكم كلكم
لا يامان عندنا مفيش بطة سودة ولا بطة بيضة كلنا ولاد بطة واحدة:078111rg3::078111rg3:
اما بالنسبة للتحويل فوقت ما النتيجة تظهر دى مفيش فيها مشاكل تروح على الجامعة اللى انت هتتنسب ليها
وتعمل الانترفيو عادى مفيش مشكلة حتى لو الميعاد كان فات ودونت ورى :d
soha fouad 15-08-2009, 03:25 PM شباب حلوان التجمع عند شئون الطلبة
الشباب بس
(انا مش وياكم )
لو حد عنده مكان افضل يقوووووووووول
sympathique 15-08-2009, 03:55 PM طب انا مش معاكم فى حلوان
بس انا ليا راى
مش هينفع تتقابلو عند شئون الطلبة لان ببساطة كده هتلاقوا الكلية كلها واقفة عند الشئون
طبعا انتوا كلكم نزلتوا وشفتوا الكلية فياريت تحددوا مكان تعرفوا تتقابلوا فيه
soha fouad 15-08-2009, 07:08 PM الاوضة بتاعت شئون الطلبة صغيرة شوية و اعتقد ان الدكاترة مش هيقعدوا في مكان زي كده
ها يا شباب ايه رايكم
seco33 15-08-2009, 07:39 PM ما احنا كلنا لازم نروح على شئون الطلبة فنتقابل هناك احسن
seco33 15-08-2009, 07:43 PM شئون الطلبة حلو والكلية تساع 1000
Prince of dark 16-08-2009, 02:28 AM انا جبت 279 جت اثار وكتبت التحويل بس شاكك فى حوار الانترفيو مش عارف وياريت لو حد رايح اتقابل معاه بدل ما ابقى لوحدى جود باى وميرسى ليكو يا شباب
love never die 16-08-2009, 03:14 AM ازيكم كلكم انا احمد معاكم فى سياحه وفنادق بس لسه الانترفيو بتاعى يوم 17 ياريت اللى راحو يوم 16 يطمنونا ولو فى حد تانى رايح يوم 17 ياريت يقول
محمود علي عويس 16-08-2009, 12:00 PM انا رايح يوم 18 مفيش حد خالص يوم 18 يا ريت اللي راحوا يطمنونا
soha fouad 16-08-2009, 12:05 PM انت كنت انهي عبده في التلاته يا سيكو............!
seco33 16-08-2009, 01:23 PM انى 3 فيهم انا فعلا كان معايا 2
seco33 16-08-2009, 01:27 PM المهم عملتى ايه
محمود علي عويس 16-08-2009, 01:36 PM طمنينا عملتي اية في الانتر فيو
a7med.kimo 16-08-2009, 02:09 PM اية ياجماعة عملتوا اية النهاردة ؟؟؟؟؟؟؟؟؟
واية الحصل
قولوا كل حاجة حصلت معاكوا
soha fouad 16-08-2009, 07:17 PM انا اول واحده اتسالت في المجموعه بتاعتك وكان اللي اسمهم عبده كانوا معايا
شكلك انت اللي كنت لابس تي شيرت احمر
كينج اوف لوف 16-08-2009, 09:50 PM اهلا يا جماعة انا رحت الكليه انهاردة بس انا الانترفيو عندي 17/8 وعرفت الاسئله وكدة والحياه موز اوي في الاسئلة
كينج اوف لوف 16-08-2009, 09:52 PM يا جماعة لو حد عايز اي حاجة انا موجود انا ارشاد
محمود علي عويس 17-08-2009, 12:00 PM طيب الناس اللي راحوا اية الاسئلة اللي اتسالتوها ساعدونا
soha fouad 17-08-2009, 12:35 PM يا جماعه ده مش امتحان ده نقاش بيتم بينك وبين الدكتور اللي معاك
وبيسألك اسئلة معقولة
بس المعلومات العامة فعلا لا تخطر ع البال ولا الخاطر
انا اتسالت عن الفرق بين الاشتراكية والراسماليه ................!
وهل اقصر مدينة ام محافظة وان كانت مدينة ايه هي المحافظة اللي تابعه ليها
وعن عاصمة المملكة المتحده وعاصمة المانيا
وغيري اتسال عن الفرق بين رئيس الحكومة المصرية ورئيس الوزرا (ومعرفشي...!) وفي طلبة معرفتشي مين هو اصلا رئيس الوزرا
وعن ميعاد كاس العالم الجاي وهيتلعب فين
و99% من ده بــ(الانجلش)
الخلاصة الاسئلة بتدور عن
1- عواصم البلاد (كلها يعني في واحد من المجموعة بتاعتي اتسال عن عاصمة تشيلي وعاصمة باكستان والهند وجنوب افريقيا)
2- الاتحادات والجماعات( زي الاتحاد الاوروبي ودول الخليج ودول شمال افريقيا ودول شرق اسيا) وكله بالانجلش
gulf =خليج
3- عملات البلاد
4- وزراء مصر والاثار
وان كنت سياحة يسالك ليه عاوز تدخله وتعرف شركات سياحية زي ايه وان كنت فنادق يسالك عن اشهر الفنادق اللي في مصر وان كنت ارشاد يسالك عن الاثار(في واحد اتسال عن الاثار الاسلامية في القاهره كان سؤال يفزع لان معظم الاثار اللي في القاهره يا اما حديثة او فرعونية والاسلامية زي جامع محمد علي وجامع الازهر وقلعة صلاح الدين والمناطق اللي ان فيها الخلافة الفاطمية القديمة زي منطقة الحسين
5- محافظات مصر دي خطيررررررررررررررة جدا والكل وقعوا فيها حتي انا عشان مكنتش اعرف اقصر محافظة ولا مدينة
فلازم تعرف كل المحافظات والمدن اللي تابعه لكل محافظة ليها
6- لازم تحفظ اسمك وسنك وساكن فين ومدرستك اللي اتخرجت منها وهوايتك (لوكشة واحده بالانجلش ) لانك بتدخل اول حاجه بيقولهالك بيقولك عرف نفسك بالانجلش فبدل ما تقعد تتهته ترميهاله ع طول
يا جماعه العملية سهله خالص وكان الدكتور اللي معايا قالنا اهدوا خالص وافردوا ظهركم وفي هدوء خالص
حاجات لازم تاخد بالك منها يا طالب حلوان
1- صوتك واضح (مش عالي) يكفي يكون واضح لان كان في دكتور قدامي مع ناس تانية والله شخط في البنت عشان عماله تنمنم
2- بلاش يبقي في صوتك رعشه او لما تحضر لجملة تقولها بلاش تقول ااااااااااااااااااااااا خليك ساكت وبعدين رتب الجملة وقولها ع طول
3- ايدك مش في بعض ووبلاش تقعد تخبط وتترعش
العملية ابسط مما نتصور بتكييييييييير وسهله جدا والحوار معاك مش بيكمل 5 دقايق وتحس انك مبسوط لما تخرج وصدقني هتعرف تجاوب وياريت لو حد مش لاقي حاجه يعملها يقعد يعمل سيرش عن عناوين الحاجات اللي انا كاتباها
متخافوش بس لازم الثقة
وربنا معاكم
محسن عبدة 17-08-2009, 12:51 PM هاى سها افتحى ايميلك عاوز اكلمك
محسن عبدة 17-08-2009, 12:53 PM سها افتحى ايميلك مش بتردى لية
محمود علي عويس 17-08-2009, 03:54 PM طيب قالوا ليكم النتيجة امتي
seco33 17-08-2009, 09:38 PM سها انا رحت الساعة عشرة ونص وكنت لابس قميص وبنطلون مش تيشرت
soha fouad 17-08-2009, 11:07 PM نتيجة اليوم الاول طلعت والكشف الطبي غداااااااااااااااااااا
seco33 18-08-2009, 05:50 PM هو الكشف الطبى ده ايه وعلى العموم انا رايح بكرة بدرى الساعة 9 ان شاء الله اشوف النتيجة وحوار الكشف ده
Prince of dark 20-08-2009, 02:15 PM انا مصطفى جايب 93% ولو على كلام سها الى فى صفحه 4 الانترفيو مقلق جدا لانى معرفش حاجه عن العواصم والمحافظات والاثار وكده انا تمام انجلش اوى بس انا خايف من الحاجات دى ارجو الرد
نورا 2008 20-08-2009, 02:27 PM هو شرط ان اللي يدخل الكلية دي مش محجبين
sympathique 20-08-2009, 02:43 PM انا مصطفى جايب 93% ولو على كلام سها الى فى صفحه 4 الانترفيو مقلق جدا لانى معرفش حاجه عن العواصم والمحافظات والاثار وكده انا تمام انجلش اوى بس انا خايف من الحاجات دى ارجو الرد
لا متقلقش ومتخافش من اى حاجة
هى رجعت وقالت تانى ان هو سهل وبعدين ده سؤال واحد فى العواصم بس مش اكتر
وممكن متنسالهمش كمان
والكل بيعدى يعنى
كده ياسهى :slap1qk6:
sympathique 20-08-2009, 02:44 PM هو شرط ان اللي يدخل الكلية دي مش محجبين
لا طبعا معانا البنات فى الكلية محجبات
مفيش اى مشكلة
مين اللى وصلك المعلومة الخطأ دى
treka_100 20-08-2009, 02:55 PM على فكرة يا جماعة انا كنت في سياحة حلوان توداي
بس بصراحة مش قد كده :d
كليتنا احلي بكتير :p
ربنا معاكوا يا شباب وبنات
عايزنكم تشرفونا
والكشف الطبي شغال للناس اللي متعرفش
والمصاريف والتقديم اول الدراسة
ونتيجة الانتر طلعت
وتقريبا كل الناس نجحت الا كام واحد كده اتحولو قسم تاني
يلا سلام بقي
وابقوا شرفونا في الفيوم :friendsxs3:
Prince of dark 22-08-2009, 03:35 PM شكرا ليك هو الانترفيو للناس اللى حولت بيبقى مختلف ولا لا انا لسه مستنى نتيجه التحويل
buterfly11 24-08-2009, 11:10 PM mmmmmmm yrb at2bel w agy helwan isa.......
a7med.kimo 25-08-2009, 02:19 AM انا حولت حلوان والتحويل نجح الحمد لله وحولت
وان شاء الله هروح ااقدم بكرة او بعدة اعرف الانترفيو امتي والكشف الطبي
seco33 29-08-2009, 01:18 AM ايه يا جماعة هو من ساعة كله ما قدم محدش بقى يدخل ويدى اى معلومات فين سها اللى عملت الصفحة وفين الباقى ولا خلاص بقى عالكل نجح وعرف قسمه خلاص ينسى انه ماكنش عارف حاجة بس لما دخل هنا عرف كل حاجة يارب تدخلوا
khafra 30-11-2009, 09:01 PM السلام عليكم هى الرحلات العلميية اللى بتكون تبع الرشاد مجانا ولا بفلوس
sympathique 10-12-2009, 05:08 PM السلام عليكم هى الرحلات العلميية اللى بتكون تبع الرشاد مجانا ولا بفلوس
حضرتك الرحلات بتكون بفلوس وده عندنا فى الاسماعيلية
مش عارف بصراحة بقى ايه النظام فى حلوان
بس غالبا فيه فلوس
هادي م 08-09-2010, 10:47 AM طيب انا عايز اعرف ايه النظام لان انا جاتلي سياحة وفنادق جامعة حلوان ولسة هنزل بعد العيد مصر ومش عارف اي حاجة
Eslam gamal hero 30-11-2010, 04:26 PM بالتوفيق ليكم جميعا ان شاء الله بس انا كنت عايز اسال حضرتكم انا اخر سنة ليا السنة دى ثانوية عامة وعايز اقدم ومش عارف اى حاجة عن المجموع والمصاريف والمكان لو فى مكان فى المعادى ياريت حد يقولى عليه وربنا معاكم يارب
treka_100 04-12-2010, 04:26 PM كلية السياحة والفنادق جامعة حلوان هي اقرب حاجة ليك يا إسلام
مصاريف قسم ارشاد 3500 في السنة تقريبا
وسياحة وفنادق في حدود 300 تقريبا
والمجموع من 84 ل 86 % حسب التنسيق
وبالتوفيق ان شاء الله
بحب ربنا 04-12-2010, 05:09 PM سورى انا مش من حلوان
baskuta92 27-07-2011, 03:12 PM مساء الخير
اعرف منين نتيجة الانترفيو جامعة حلوان
eslamsemsem 19-08-2011, 03:46 PM يا جماعه انا جالي في التنسيق ترميم اثار وحولت سياحه وفنادق انجلش ياريت حد يقولي اعمل ايه دلوقتى عشان امتحن قدرات واقدم في الكليه ياريت حد يجاوبني بسرعه مع العلم ان انا جامعه حلوان
محمد طارق 1 20-08-2011, 04:53 PM ازاي جتلتك ومعملتش القدرات لو معملتش يبقي مينفعش تدخل روح اسال في الكلية
القدرات قفلت وفتحت تاني وقفلوها خلاص
eslamsemsem 20-08-2011, 07:20 PM يعني الحل ان اروح الكليه واسال هناك
ممكن تقولي عنوان الكليه لو سمحت عشان مش عارف اروحها ازاى
محمد طارق 1 20-08-2011, 09:21 PM جنب فندق جراند حياة علي طول في المنيل
في جزيرة القصر العيني
بوسي 2020 27-08-2011, 09:12 PM ممكن سؤال واحده جاتلها سياحه وفنادق بعين حلوان جامعه حلوان هى مرحله تالثه عايزة بس تعرف هي دي كليه ولا معهد ؟؟ ومصايفه قد ايه لو لغات او عربي عادي ؟؟ ونظامه ايه وايه اقسامه وياترى ليه مستقبل ولا لا ياريت بس حد يرد عليا ضرورى ممكن ؟
mustafaelashry 09-09-2011, 08:47 AM ana mustafa d5lt 5las elkolya...................3awz ftndz yalla
سياحة وسفر 10-09-2011, 07:28 PM الله يعزك استفدت كتير
شمس للحياه 03-04-2012, 02:24 PM بصي يا سكر انا في السعوديه عوزه اعرف انا لو عوزه اقدم ايه الورق المطلوب
وهل لزم تحصيلي وقدرات
وفي معلومه كمان انا
تحفيط يعني = ازهر
شوفي وبليز ردي عليه علي الخاص اوكي ياقمر
|