كل ما يخص اعدادى صيدلة عين شمس [الأرشيف] - بوابة الثانوية العامة المصرية

مشاهدة النسخة كاملة : كل ما يخص اعدادى صيدلة عين شمس

* dr.sara*

31-07-2009, 05:21 PM

السلام عليكم ورحمة الله وبركاته

اولا: احب ارحب بالطلبة الجدد (اخواتنا الصغيرين) اللى رايحين اعدادى ان شاء الله
اهلا بيكم فى كليتنا العزيزة (صيدلة عين شمس)
الف مبروووووووك عليكم مجموعكم العالى والتحاقكم بكلية الصيدلة
اللى هى من احسن كليات الصيدلة ومن احسن الكليات بصفة عامة فى مصر
وان شاء الله تتفوقكوا فيها ونشوفكم صيادلة اد الدنيا ان شاء الله

فى الموضوع ده ان شاء الله هحاول انى اعرفكم المواد اللى هتاخدوها فى اعدادى فى الترمين و طريقة مذاكرتها وازاى تحصل على تقدير عاااااالى (امتياز) ان شاء الله فى السنة دى

اسال الله العلى العظيم ان يكون هذا الموضوع معينا لكم فى الدراسة وان تستفيدوا منه ان شاء الله

نبدا مع بعض فى معرفة المواد اللى هتاخدوها :

بالنسبة للترم الاول

First semester:
1-botany نبات
2-inorganic كيمياء غير عضوية
3-zoology حيوان
4-physics فيزياء
5-english
6-math
7-terminology & orientation علم المصطلحات الطبية ومدخل للصيدلة

Second semester :

1-organicكيمياء عضوية
2-biophysics فيزياء حيوية
3-physical chemistry كيمياء فيزيائية
4-anatomy علم التشريح
5-zoology(parasitology) علم الطفيليات
6-biostatistics علم الاحصاء الحيوية
7-botany علم النبات

هناخد بقى كل مادة على حدة نبذة مختصرة عن كل مادة وازاى نذاكرها

بالنسبة للترم الاول

1-botany

المادة دى عبارة عن جزئين botany& taxonomy
Botany عبارة عن
بتتكلم عن علم النبات الطبى وعلاقته بالصيدلة وعن زراعة النباتات الطبية والعوامل اللى بتاثر عليها و شروطها وعن ازاى بيتم غش النباتات الطبية و ازاى نقدر نكتشف ده بالطرق المعملية
وبعدين بقى فيه شابتر عن active constituents المواد الفعالة
عن المواد الفعالة اللى فى النباتات وطرق الكشف عنها بال
Chemical tests

الشابتر ده مهم اووووووى عشان الترم التانى هتاخدوها بالتفصيل وهتعملوا الاختبارات دى عملى
Taxonomy اللى هو الجزء التانى من المادة بيتكلم عن تصنيف مملكة النبات

والعائلات اللى فيها والنبات اللى من العائلات دى ونبذة عن المواد الفعالة اللى فيها

واستخدامها الطبى

اما العملى عبارة عن unknown

1-dusting powder

2-starch

المطلوب منك تتعرف عليهم من الميكرسكوب وتملى سكيمة بالبيانات +

تحت الميكرسكوب تتعرف عليهم بردو6spots

ازاى بقى نذاكر المادة دى :

المادة دى هتاخدوها فى الترمين بس الترم الاول مليان دش كتييييييير ومحتاج حفظ جامد
بس الدكاترة هيبسطوهالكوا جدااااااا ودكاترة قسم العقاقير ممتازين جدااااا
فالمطلوب منك انك تحضر المحاضرات وتذاكرها اول باول وتركز على

1-origin

2-active constituents

3- medical uses

لان الحاجات دى هتفضل معاك لحد ما تتخرج فلو ثبتت معاك دلوقتى هتسهل عليك كتيييييير بعد كده
وفى طبعا رسومات الدكاترة بيجيبوها فى الامتحان بيدوها خلال المحاضرات عشان كده مينفعش الكتاب بس

الكتاب + المحاضرات

2-inorganic

المادة عبارة عن 3 او 4 فصول عن الجدول الدورى وخواص العناصر والروابط الكيميائية والتهجين
النظريات Theoriesوال
اللى عن تركيب الذرة المادة دى فيها حاجات كتيييييييييير زى الكيميا بتاعت ثانوى مع توسع طبعا

اهم حاجة بردو حضور المحاضرات اهم كمان من النبات عشان الكتاب بتاعه اقل بكتيييييييير من شرح الدكاترة

واللى انت ملزم بيه طبعا هو شرح الدكاترة يبقى لازم تحضر عشان تسجل اللى بيقولوه الدكاترة من مسائل
واسئلة بيجى منها فى الامتحان كتيير
المادة دى بتعتمد على الفهم اكتر بكتييييييييير من الحفظ فلازم كل حاجة تبقى فاهمها تمام عشان الامتحان بيكون مستواه عالى
ومحتاج واحد فاااااااااهم

بالنسبة للعملى بيكون Unknown

بيتعرف عليه من خلال السكيمة

بيبقى امتحانين واحد عن الانيون ( خليط من 2 انيونز ) والمفروض منك تتعرف عليهم

والامتحان التانى (خليط من 2 كاتيونز)

3-zoology
Physiology & histology
Physiologyبالنسبة لل

بيبقى عبارة عن شابترز عن الاجهزة المختلفة فى الجسم و ووظيفتها وهى شبه كتيييييييير الاحياء بتاعت ثانوى
اما histology

علم الانسجة بتتدرس فيه الانسجة المختلفة فى الجسم ووظيفتها وتكوين النسيج وملاءمته الوظيفية

المادة دى هيديهلكوا دكاترة من علوم دكتور حمدى السيد بيدى على الانسجة الهستولوجى الدكتور ده تقريبا امتحانه بيكون نسخة من امتحانات السنين اللى فاتت فعن تجربة متتعبش نفسك فى الدش الكتير اللى فى الكتاب ذاكر الحاجات اللى هو بيقولها بس + امتحانات السنين السابقة تحلوها كويس وان شاء الله الامتحان مش هيخرج عنها

بالنسبة للعملى بتاع المادة دى فى الفسيولوجى هتاخد الضفدعة وتشريحها بس متخافوش التشريح اتلغى من علينا يعنى هتجيلك الضفدعة كspot
وهيشاورلك على وعاء دموى فيها وتقول اسمه او على عضو معين وهكذا
اما الهستولوجى بتبقى spots
تحت الميكروسكوب تتعرف على النسيج وتقول اسمه

4- physics :

جزئين واحد عامل زى فيزيا الثانوية العامة بس اسهل كتيييييير طبعا قاعدة ارشميدس والروافع وقوانين نيوتن للحركة وكده
والجزء التانى كهربية هتاخد فيها اجهزة كهربية بتستخدم فى الطب زى

E.C.G

جهاز رسم ضربات القلب وهتاخد طريقة عمله
الدكاترة دول من علوم بردو فعشان كده الامتحان بيبقى فيه اسئلة كتييييييير من السنين اللى فاتت
بس لازم بردو تحضر المحاضرات لانهم بيبجبوا بردو اسئلة جديدة
بالنسبة للعملى عبارة عن تجربة + شيت فيهMCQ

5-English

اهم حاجة فيها انك تحل مع الدكتور من الكتاب وهى عبارة عن اسئلة جارمر زى امتحان التيوفيل كده

6-math

هيديكوا دكاترة من هندسة والمادة عبارة عن جزئين تفاضل وتكامل لازم تحل المسائل اللى فى الكتاب لان بيجى منها كتييير فى الامتحان

7-terminology

علم المصطلحات الطبية المادة دى على فكرة هتفيدك كتييييييييير لانها هتسهل عليك معرفة المصطلحات الطبية

وهتخليك متاسس كويس فى اللغة

يعنى هتاخد فيها

Prefix

Suffix

Terms

وبالتالى هتبقى سهل اى مصطلح تجزئه بالطريقة دى وتعرف معناه

فى المشاركة الجاية ان شاء الله هدلكوا شوية نصائح للمذاكرة و هنتكلم عن مواد الترم التانى ان شاء الله

اتمنى اكون ادتلكوا صورة مبسطة عن المواد

وانا تحت امركوا فى اى سؤال

جزاكم الله خيرا كثيرا

* dr.sara*

31-07-2009, 05:36 PM

على فكرة يا جماعة احنا كل المواد عندنا فى الكلية ما عدا (معمل الفيزياء فى علوم )
اى سؤال انا تحت امركوا

Dr/sooma

31-07-2009, 09:49 PM

* dr.sara*

31-07-2009, 09:58 PM

شكرااااااااااااااااا عالموضوع الرائع ده فعلا أنا كنت عايزة اعرف كل ده وربنا يجزيكي خير ان شاء الله
بس أنا بإذن الله داخله صيدلة حلوان وعايزة أعرف أذا كانت المواد واحدة و لا مختلفه ؟؟؟
جزانا واياكى يا قمر
هوا تقريبا نفس المواد او يمكن فيه اختلاف فى مادة او اتنين
ربنا يوفقك ان شاء الله وتجيبى امتياز

Dr.Meno

01-08-2009, 01:23 AM

7elw awyyy eltopic ya Dr. thanks moooot w yareeet law te2daryy tekamili mawad elterm eltanii kaman isA

Bent 3bdo

01-08-2009, 01:38 AM

* dr.sara*

01-08-2009, 09:45 AM

7elw awyyy eltopic ya dr. Thanks moooot w yareeet law te2daryy tekamili mawad elterm eltanii kaman isa
العفو يا قمر ربنا يكرمك يااااااااا رب وتفرحونا كده بالامتيازات اللى هتجيبوها
حاضر هكمل مواد الترم التانى ان شاء الله

* dr.sara*

01-08-2009, 09:48 AM

ااااااااااااااااه يا بطنى
انا بيتهيقلى العملى ده هاخد فيه صفر كبير
ربنا يستر
بكره انا حاجات الاحياء اوى وخصوصا النبات
انا كنت بذاكر ف ثانوى صفحتين احياء ف اليوم
ربنا يستر بقى ف الجامعه

..............................
شكرا ليكى كتير بجد يا دكتورة ساره
وربنا يوفقك يارب ويعملك اللى فيه الخير
شكل الكليه كده مش سهله ربنا يستر
شكرا ليكى تانى يا جميل
والله ما تخافى يا نغم صدقينى لو ذاكرتى نص مذاكرة الثانوية العامة هتاخدى تقدير عااااالى ان شاء الله
الكلية سهلةللى يذاكرها ويديها حقها ويحضر المحاضرات وميستهترش بيها
ربنا يوفقك ان شاء الله وتجيبى امتياز

Bent 3bdo

01-08-2009, 07:32 PM

ربنا يستر والله
ويعديها ع خير
بس قوليلى
هو ف امتحانات ميد تيرم ولالا؟

* dr.sara*

01-08-2009, 07:34 PM

ربنا يستر والله
ويعديها ع خير
بس قوليلى
هو ف امتحانات ميد تيرم ولالا؟
لاء مفيش ميد ترم فى اعدادى من اول اولى (اللى هو احنا )
انتوا عملى ونظرى بس

Bent 3bdo

01-08-2009, 08:01 PM

* dr.sara*

01-08-2009, 08:14 PM

ممممم
ربنا معاكى يا جميل
و شكرا ع ردك
سؤال تانى معلش(أنا عارفه انى مستغله)
هو التقدير النهائى بيبقى تقدسر اخر سنه ولا متوسط كل السنين ولو كل السنين بيتحسب فيه اعدادى ولالا؟
تعباكى معايا معلش
لا مجموع كل السنين واعدادى بتتحسب طبعا بس لو جيتى حسبتى مجموع اعدادى هتلاقيه اقل من اى سنة تانية بس بتتحسب طبعااااااا يعنى مينفعش نستهتر بيها وعلى فكرة اللى بيجيب تقدير وحش فى اعدادى صعب يجيب امتياز فى اى سنة تانى

طـفـلـة الامـس

01-08-2009, 09:45 PM

موضوعاتك كلها جميلة ياسرسورة
الف مبرررووووووووك ليكى :022yb4::022yb4:وممكن تاخدى اللى انتى عايزاه من موضوعنا :friendsxs3:
بس لفت نظرى رد

وعلى فكرة اللى بيجيب تقدير وحش فى اعدادى صعب يجيب امتياز فى اى سنة تانى

ده عموما:o ولا قصدك على عندكم :bosyht9:

Dr.ahmed91

01-08-2009, 10:55 PM

ده عموما:o ولا قصدك على عندكم :bosyht9:

اعتقد يقصدوا عموما
:p:p
اصل المفروض اعدادي اسهل سنة
:bosyht9::bosyht9::bosyht9::bosyht9:

:d:d

* dr.sara*

02-08-2009, 09:23 AM

موضوعاتك كلها جميلة ياسرسورة

الف مبرررووووووووك ليكى :022yb4::022yb4:وممكن تاخدى اللى انتى عايزاه من موضوعنا :friendsxs3:
بس لفت نظرى رد

ده عموما:o ولا قصدك على عندكم :bosyht9:

الله يبارك فيكى يا قمررررررررر وعقبالنا جميعا السنة الجاية
انا اقصد يعنى انها اسهل من السنين اللى بعدها لكن طبعا مش معنى كده انها عموما لاء طبعا
انا اعرف واحدة جابت فى اعدادى جيد وفى باقى السنين امتياز واتخرجت بتقدير امتياز ما شاء الله
وغيرها كتير طبعا مهياش قاعدة يعنى اللى بيتعب ويجتهد بيلاقى و ربنا مبيضيعيش تعب حد ابدااااااا
ربنا يوفقنا جميعا لما يحب ويرضى

طـفـلـة الامـس

02-08-2009, 10:44 AM

اعتقد يقصدوا عموما
:p:p
اصل المفروض اعدادي اسهل سنة

ايه التثبيط ده
هو هنا وفى البيت:frown::frown:

وغيرها كتير طبعا مهياش قاعدة يعنى اللى بيتعب ويجتهد بيلاقى و ربنا مبيضيعيش تعب حد ابدااااااا

اها اكيد طبعا
شكرا ياسوسو يارافعة معنوياتى:p:p

* dr.sara*

02-08-2009, 06:18 PM

مواد الترم التانى
1-BOTANY
البوتانى الترم ده احلى كتيييييييير من الترم الاول ليه؟
لانك هتاخد فيه LEAVES & FLOWERS &BARKS
هتاخد ال 3 اجزاء دول وهتاخدوا امثلة على عقاقير بيكون الجزء المستخدم فيها الاوراق او الازهار او اللحاء
وكل DRUG
هتاخد Origin بتاعه
والمواد الفعالة واستخداماته
وطبعا هتحس بمتعة كبييييييرة لما يجى الدكاترة يشرحولك عقار معين مستخلص من نبات ويقولولك مثال على دواء فيه المادة الفعالة دى
هتحس انك صيدلى فعلاااااااااا
والاجمل بقى كمان ان البوتانى العملى الترم التانى متوازى مع اللى بتاخدوا فى النظرى بمعنى
احنا مثلا اخدنا senna leaf
تيجى السكشن الجاى فى البوتانى تشتغلها عملى وتشوفها تحت ميكروسكوب وتعرف ازاى تتعرف عليها

وتعمل التيست اللى بيعرفك وجود المادة الفعالة دى بجد ممتعة جداااااااااااا
بجد هتسمتعوا جداااااااا بدراستها
العملى بيجيلك
2Unknowns
بتتعرف عليهم عن طريق تست معين وعن طريق
Key elements
اللى هتشوفها تحت الميكروسكوب
2-physical chemistry
المادة دى النظرى بتاعها هيديهولكوا 2 دكاترة
دكتور لبنى هتيديكوا جزء
Solutions
بانواعها
Solid in liquid
Liquid in liquid
وهتاخدوا قوانين لحساب الضغط الاسموزى ودرجة الغليان والتجمد للمحلول
وطبعا المادة3/4
مسائل
والجزء التانى بقى هوا gases
وال plasma
وفى الاول هتاخدوا قوانين الغازات بويل وشارل والقانون العام
يعنى شبه كتيييييير فيزيا ثانوية عامة
بس امتحانها بيكون مستواه عاالى وعايز فهم
لان هيديكوا دكاترة من قسم
الكيمياء التحليلية والدكاترة دول مستوى تفكيرهم عالى اوى عشان كده لازم تحضر المحاضرات ومتسبش اى حاجة مش فاهمها لازم تسال فيه الدكتور
العملى بتاعها عبارة عن
Titration +معايرةsheet
فيه مسائل و اسئلة mcq
3- organic
classes of organic compounds هتاخد
1- alkanes
2- alkenes
3- alkynes
4- alcohols
5- alkyl halides
6- ethers
classكل
هتاخد فيه طريقة تحضير الكلاس دى و التفاعلات بتاعتها والخواص الفيزيائية والكيميائية ليها
الامتحان بيجى فيه
1-conversionsتحويلات
2-Complete the following reaction
3-Write the suitable reagent
4-iupac
ده بالنسبة للنظرى اما العملى فهيجيلك
Unknown تتعرف عليه من خلال سكيم
+sheet
4-BIOPHYSICS
المادة دى جزئين
جزء دكتور السيد والجزء ده بيتكلم عن التطبيقات الطبية للاشعة فوق البنفسجية واليزر وشرح طريقة عمل الاجهزة الطبية وحاجات تانية كتيير
الجزء ده بصراحة صعب او المادة بصفة عامة صعبة عشان الدكاترة مش بيشرحوا كويس بس عشان تتضمن تجيب تقدير كويس فيها حل امتحانات السنين اللى فاتت بيجى منها
واهتم اووووووى بجزء دكتور عبد الستار الجزء بتاعه حلو اوى عن

Action potential & resting membrane potential
عامل زى الجزء اللى عن الجهاز العصبى فى الاحياء بتاعت الثانوية العامة
الجزء ده سهل اوى ذاكره كويس جدااااا يضمنلك درجة كويسة و بردو مش معناه انك تسيب جزء دكتور السيد لاء ذاكره بردو بس اهتم اكتر بجزء دكتور عبد الستار
5-parasitology
علم الطفيليات المادة دى سهلة اوووى ولذيذة هتاخد فيها انواع كتييير من الطفيليات وهتعرف مكان معيشتها والعائل الوسيط والنهائى ليها ودورة الحياة والامراض اللى بيسببها الطفيل ده
العملى بتاعها spots

بتتعرف على الطفيل وبتكتب التصنيف بتاعه وبترسمه
6-anatomy
المادة دى هتاخد فيها الاجهزة اللى فى الجسم بس مش زى الفسيولوجى بقى هيقولك الوظيفة وبتقوم بوظيفتها ازاى لاء دى هتقولك كل عضو مكانه فين فى الجسم ووصفه التشريحى
Muscles & bones& systems هتاخد فى العملى
7-biostat.
احصاء حيوية هيديك دكاترة من هندسة بردو زى الmath
الاحصا اسهل كتيييييييييير هتاخد الاحتمالات والجداول التكرارية و المتغير العشوائى المتصل والمتقطع
واهم حاجة زى الرياضة الكتاب

Bent 3bdo

02-08-2009, 09:09 PM

شكرا اوى يا دكتورة سارة
شكلك حابه الكليه و دراستها اوى
ربنا يوفقك فيها يا جميل
واشوفك فيها معيدع قد الدنيا

* dr.sara*

02-08-2009, 09:24 PM

شكرا اوى يا دكتورة سارة
شكلك حابه الكليه و دراستها اوى
ربنا يوفقك فيها يا جميل
واشوفك فيها معيدع قد الدنيا
العفو يا قمر الشكر لله
اه الحمد لله الكلية لذيذة جداااااا و ان شاء الله تعجبك انتى كمان
اللهم امييييييييين
ربنا يوفقك يا قمر

Dr.genius2009

02-08-2009, 10:45 PM

ممكن مواد القسم المميز في عين شمس ؟؟؟

أنا دورت عليها في الموقع الرئيسي للكلية بس مش لاقية حاجة

ياريت لو حد يعرف يحطها يبقى جزاه الله خير

آسفة على الازعاج

* dr.sara*

04-08-2009, 05:49 PM

نصائح هامة :
1- الاهتمام بحضور المحاضرات ومتستقلش باى مادة ومتقولش حضور المحاضرات مش مهمة اصل معلهوش درجات والله حضور المحاضرات عن تجربة مهم جداااااا
لانك بتبقى عارف ايه الحاجات اللى دكتور مركز عليها اوووووى لان دى اكيييييد فى الامتحان وساعات بردو الدكتور بيقول اسئلة بتيجى بالنص وكمان فيه بعض الاجزاء بيلغيها فلما بتحضر بتبقى عارف ايه اللى عليك وايه اللى ملغى وبالتالى مذاكرتك بتكون منظمة:)
2-لو انت من النوع السريع فى الكتابة وهتعرف تكتب اللى بيقوله الدكتور خلاص تمام سجل وراه
لكن لو انت من النوع البطىء او فى حاجات هتفوتك مش هتلحق تكتبها يبقى سجل بالموبايل او هات جهاز mp3
وسجل المحاضرة
3-اى حاجة مش عارفها روح اسال الدكتور عنها والله الدكاترة بيجاوبوا على كل الاسئلة ومبيملوش ابداااا الا القليل يعنى:stickjo4:اللى هما من علوم لكن كل دكاترة كليتنا اللى هيديكوا فى اعدادى
4-لما تروح البيت اما تقرا المحاضرة على السريع كده مش لازم مذاكرة مذاكرة المهم تقراها على الاقل او تبيضها فى كشكول وفى يوم تانى ذاكرها كويس هتلاقى الموضوع سهل لانك قراتها قبل كده
5-طبعا السكاشن كلها لازم تتحضر لان عليها درجات ولازم تخلى بالك من اللى بيقوله المعيد فى السكشن و لما تيجى تعمل عملى روح اسال المعيد كده انا شغال مظبوط ولا لاء لاااااااازم تساله :slap1qk6: عشان لما تمتحن امتحان العملى الfinal
يكون الامر سهل وتعرف تجاوب تمام
حبيت اقولكوا النصائح دى لانها عن تجربة مفيدة جداااااا
وربنا يوفقكم يا شباب:)

Bent 3bdo

04-08-2009, 10:20 PM

* dr.sara*

04-08-2009, 11:11 PM

بالنسبه بقى
لتسجيل المحاضرات
الدكاتره مش بيضايقوا م الموضوع ده؟

اها عادى بيوافقوا مبيبقلوش حاجة

Bent 3bdo

05-08-2009, 01:02 AM

اها عادى بيوافقوا مبيبقلوش حاجة

كويس والله
انا كنت حامله هم الكتابه اوى
بس كده هضطر اقعد قدام

aquavia

05-08-2009, 03:38 AM

السلام عليكم,
أولا أحب اشكر د\سارة على المجهود الجامد اللى عملته عشان تبيّن للطلبة الجدد نظام الكلية
و ده فكّرنى بأيام السنة اللى فاتت لما كنت لسة ح أقدم ف الكلية و مش فاهم أى حاجة وكان الناس اللى أكبر مننا بيفهّمونا نظام الكلية
لكن مع احترامى للجميع شرح د\سارة وافى اكثر من السنة اللى فاتت

ثانيا بالنسبة لتسجيل المحاضرات مش لازم نقعد قدام اوى عشان نسجّلها..... ممكن نسيب الموبايل على ديسك الدكتور ...... أو مثلا نقعد فى سابع أو ثامن صف (هما حوالى 20 صف على ما أعتقد) و نخلى الموبايل معانا ونسجل والصوت ح يطلع واضح إن شاء الله وده عن تجربة حصلت قدامى
وفى بعد كده ناس بتكتب المحاضرات ورا الدكاتره و تنزّل الورق بتاعها فى المكتبة عشان يبيعوه للطلبة فى مكتبة لازقة فى الكلية و مكتبات أخرى برّه بس بعيدة شوية لكنها بتبيع أرخص بس حوار المكتبات ده بيتضح بعد شهر من بداية الدراسة مش من أول اسبوع

ثالثا سنة اعدادى صيدلة ماكنتش صعبة خالص ولا امتحاناتها بتيجى معقدة و تعجيزية بس المفتاح السحرى ليها (ولكل السنين) المذاكرة أول بأول و عدم التراكم
و خصوصا الترم الأول سهل و من أهم مواده اللى محتاجة شغل جامد (ومقلتش صعبة) هى:
zoology (physiology + histology) , botany , maths

و ربنا يوفّق الجميع إن شاء الله

* dr.sara*

05-08-2009, 09:37 AM

وفى بعد كده ناس بتكتب المحاضرات ورا الدكاتره و تنزّل الورق بتاعها فى المكتبة عشان يبيعوه للطلبة فى مكتبة لازقة فى الكلية و مكتبات أخرى برّه بس بعيدة شوية لكنها بتبيع أرخص بس حوار المكتبات ده بيتضح بعد شهر من بداية الدراسة مش من أول اسبوع
ايوة بظبط مكتبة اوسكار فيها ورق المحاضرات اللى بينزلوا طلبة معانا فى الدفعة زى ما دكتور
aquavia (http://www.thanwya.com/vb/member.php?u=43371) قال اعدادى سهلة والله مش زى ما انتى متخيلة خالص
هى يمكن تحسى بس بصعوبة فى الاول عشان الانجلش وكده لكن صدقينى فى خلال اسبوعين هتلاقى نفسك بقيتى تمام واتعودتى على النظام
ربنا يوفقك يا قمر

* dr.sara*

12-08-2009, 10:29 AM

* dr.sara*

12-08-2009, 10:37 AM

بالنسبة للبالطو حاولوا تجيبوا تقيل عشان يستحمل ومش كل شوية تجيبوا واحد بعض النظر عن سعره لان ممكن يكون ارخص شوية بس تقيييييييييل ويعيش معاك هى اسعار البلاطى ببتراوح ما بين 35 ل50
بس انصحكوا تجيبوا البالطو من المحلات اللىجنب طب عشان الاسعار بتكون افضل

* dr.sara*

12-08-2009, 04:21 PM

بالتوفيق لينا جميعا وكل سنة وانتوا طيبيبن رمضان خلاص على الابواب
كل عام وانتم الى الله اقرب

Bent 3bdo

12-08-2009, 05:26 PM

بنسبة يا جماعة للادوات عشان البنات اللى سالونى عليها
انتوا دلوقتى مطلوب منكوا تجيبوا البالطو مش اكتر والدكاترة هيقولوكوا الادوات لكن اللىعايز يعرفها من دلوقتى
بالنسبة للبوتانى
slides
covers
yellow towel
plastic dropper
small beaker (250 ml)
spatula
watch glass

بالنسبة للinorganic
20 test tubes
rack
holder
pipette
filter paper
funnel
eye goggles
دى اغلب الادوات او كلها تقريبا
وهتشتروها ان شاء الله من مول الزعفران من الحكمة فى اول دور
او من المحلات اللى عند طب عند مسجد النور
بس الافضل متستعجلوش وتجبوهم من دلوقتى لانهم بيتكسروا بسرعة فالافضل تستنوا لحد الدراسة ان شاء الله
ربنا يوفقنا جميعا

شكرا يا دكتور
وربنا يجعله كله ف ميزان حسناتك;)

بالنسبة للبالطو حاولوا تجيبوا تقيل عشان يستحمل ومش كل شوية تجيبوا واحد بعض النظر عن سعره لان ممكن يكون ارخص شوية بس تقيييييييييل ويعيش معاك هى اسعار البلاطى ببتراوح ما بين 35 ل50
بس انصحكوا تجيبوا البالطو من المحلات اللىجنب طب عشان الاسعار بتكون افضل
وحالوا كمان متنسهوش ف المعمل علشان هترجعوه مش هتلاقوه
وهتضطروا تجيبوا واحد تانى:022yb4:

بالتوفيق لينا جميعا وكل سنة وانتوا طيبيبن رمضان خلاص على الابواب
كل عام وانتم الى الله اقرب
وانتى طيبه يا جميل

* dr.sara*

13-08-2009, 01:24 PM

وحالوا كمان متنسهوش ف المعمل علشان هترجعوه مش هتلاقوه
وهتضطروا تجيبوا واحد تانى:022yb4:

اها متفكرينيش بقى

dr/riham

15-08-2009, 12:31 PM

* dr.sara*

15-08-2009, 03:32 PM

جزاك الله كل خير على المعلومات دى بجد انا قرات التوبيكات الخاصة باعدادى صيدله بس مستفدش منهم بقدر مستفدت منك يا اجمل دكتورة فى الدنيا انا عايزة اعرف يادكتوره هى صيدلة طنطا زى صيدلة عين شمس اعتقد انها مبتختلفش عنها
جزانا واياكى يا دكتورة ريهام
ربنا يخليكى يا رب :friendsxs3:
اها هوا تقريبا صيدلة طنطا اقل من عين شمس 5 مواد تقريبا (فيزيا وكيميا ونبات وحيوات وانجلش)
عشان الكيميا مش متجزئة عندكوا زينا احنا متقسمة ل 3 مواد عضوية وغير عضوية وفيزيائية ومعندكوش ماث ولا احصا يعنى بيتهيالى اسهل كتير من عين شمس:av4056bb7jp3:
بس كل حاجة محتاجة مذاكرة طبعااااااا ربنا يوفقك يا جميل وتجيب امتياز ان شاء الله:)

* dr.sara*

17-08-2009, 10:12 AM

هكمل يا جماعة النصائح اللى بدات جزء منها
* نصيحة مهمة لتوفير الوقت :
1-يا جماعة انتوا بيبقى عندكوا سكاشن طبعا و وطبعا هتجيبوا كتاب العملى من القسم لان بيبقى عليه درجات
يا ريت يا جماعة بعد ما تخلصوا شغل العملى حلوا فى الكتاب بحيث توفر لنفسك وقت لما ترجع البيت تقرا فيه السكاشن او المحاضرات لكن لو قعدت ترغى وطنشت الكتاب هترجع ادامك لسه تحله وعقبال ما تحله هتلاقى مش ادامك وقت تذاكر
فحل الكتاب اول باول وروح للدكتور عشان يصححهالك فى نفس السكشن بدل ما تتراكم عليك لان الدكتور بيديك grade عليها
ودرجة العملى بتكون 40 درجة منهم 10 على الكتاب والحضور
و30 على امتحان practical
2- تانى حاجة
بتوفرلك الوقت جامدو عليها ثواب عظيييييييييم هى الصلاة فى وقتها
يعنى انت فاضى بين محاضرتين او سكشنين روح صلى متاخرش الصلوات لما ترجع وتصليهم
* حاول تبقى ليك صحبة صالحة يعنى البنت تكون لها صحبة من البنات والولد كذلك صحبة من الشباب ويا ريت نتجنب الاختلاط خاااااااالص
الصحبة هتعينك على المذاكرة هتحمسوا بعض خاصة لو كلكوا ما شاء الله شاطرين هتبقى حافز كبير جدااااااا للمذاكرة والتفوق
* بالنسبة للمذاكرة فيه ناس كتييييييير بتسال اذاكر منين؟؟؟؟؟؟؟من الكتاب ولا المحاضرة ولا المذكرات اللى فى اوسكار؟؟؟؟؟
هقولكوا مثلا بالنسبة لمواد الترم الاول:
الفيزيكس :تتذاكر من المحاضرة فقط الكتاب ملوش اى لازمة فيها لانه مليان حشو كبيييييير والدكاترة مش بيسالوا غير فى اللى قالوه فى المحاضرات + امتحانات السنين اللى فاتت ودى بتنزل على اخر الترم
الان اورجانيك: زى ما قولت من المحاضرة اهم حاجة وبردو نبص على الحاجات اللى بيقولها الدكاترة فى الكتاب ونذاكرها لكن لو حاجة مقالهاش الدكتور يبقى متذاكرهاش هتبقى مضيعة للوقت على الفاضى
يبقى اذن المحاضرات+ الكتاب الحاجات اللى بيقولها الدكتور نخطط عليها
ولو فى محاضرة ملحقتش تكتبها ورا الدكتور جيب ورقها من اوسكار
البوتانى :بالنسبةللترم الاول الكتاب + المحاضرات اللى بينزلها الدكاترة على السايت
الماث: الكتاب اهم حاجة + المسائل اللى بيقولها الدكتور بس اغلبها او كلها بتبقى من الكتاب
زولوجى بالنسبة لجزء الفسيولوجى بتاع دكتور محمد مصطفى ده يتذاكر من الكتاب
لكن الهستولوجى من الكتاب بردو بس فيه حاجات كتييييييير الدكتور لاغيها فاحضر المحاضرات عشان تعرف ايه اللى عليك وبالنسبة للهستولوجى كان فيه ورق محاضرات فى اوسكار حلو اوووى هيساعدكوا بس بردو لازم الكتاب
ترمينولوجى الكتاب + محاضرات الدكاترة اللى بتنزل على السايت لو نزلوا
orientation: المحاضرة + الدكتور هينزلكوا ملخص واسئلة مهمة جدااااااا
انجلش الكتاب ملوش مصدر غير كده
نظام الامتحانات :
مادة زى الفيزيكس امتحانها بيبقى essay مقالى كله +proplems
الان اورجانيك mcq- true& false-proplems- give reason-
وبيجبلك الperiodic table وبيسالك عليه
البوتانى mcq &true and false &matching&
وبيجبلك رسومات وبيسالك عليها
وممكن يجيب short notes او give reason
الزولوجى mcq- true&false
short notes
drawing
الماث كله مسائل طبعا خاصة بالتفاضل والتكامل
الانجلش كلها mcq
او بيجبلك جملة فيها واحدة من الاختيارات غلط وتقول ايه هى + 4 قطع comrehension
الترمينولوجى بتعمل تعريف للمصطلح الطبى اللى بيجبهولك
او بيجبلك matching بتوصل المصطلح بمعناه وهكذا
انا حبيت اقولكوا نظام الامتحانات عشان هوا ده اللى على اساسه هتذاكروه ان شاء الله ولما الواحد بيكون عارف نظام الامتحان بيكون مطمن اكتر
ربنا معاكوا ان شاء الله ونسمع عنكوا كل خير

Bent 3bdo

18-08-2009, 12:38 AM

ايه النصايح الجامده دى يا دكتورة
ربنا يجازيكى عنها كل خير
يارب
ويجعلها ف ميزان حسناتك
ويديكى ع قد نيتك
....
حلو اوى نظام الامتحانات
صح وغلط ووصل
:av4056bb7jp3:

......

أحد اهم احلام حياتى
أعرف ياعنى ايه
mcq
قريتها كتير أوى
ف
منتديات للصيادله
وطبعا ولا فاهمه اى حاجه
:bosyht9:

aquavia

18-08-2009, 02:04 AM

mcq
multiple choice questions
أسئلة متعددة الاختيار

بمعنى آخر: تخير الإجابة الصحيحة مما بين القوسين

Bent 3bdo

19-08-2009, 01:06 AM

mcq
multiple choice questions
أسئلة متعددة الاختيار

بمعنى آخر: تخير الإجابة الصحيحة مما بين القوسين
اه
شكرا ع المعلومه
حاجه كمان عاوزة اعرف هى ايه
علشان قيتها كتير وبردو مش عارفه هى ايه
(((((0الفارما0))))))))

* dr.sara*

19-08-2009, 10:19 AM

ايه النصايح الجامده دى يا دكتورة
ربنا يجازيكى عنها كل خير[/SIZE]
يارب
ويجعلها ف ميزان حسناتك
ويديكى ع قد نيتك
....
حلو اوى نظام الامتحانات
صح وغلط ووصل
]
واياكى يا قمر
بصضى يا قمر اسئلة الاختيارات mcq
بتبقى مش سهلة زى ما انتى متخيلة لان الاختيارات بتبقى متقاربة جداااااا وممكن تلخبط
بس طبعا لو مذاكرة كويس ان شاء الله هتحلى صح بس اهم حاجة المذاكرة بفهم لان نوعية الاسئلة دى بتقيس الفهم
ربنا يوفقنا جميعا السنة دى يا رب
حاجه كمان عاوزة اعرف هى ايه
علشان قيتها كتير وبردو مش عارفه هى ايه
(((((0الفارما0))))))))

الفارما اللى هيا الفارماكولوجى (علم الادوية) هناخدها فى سنة تالتة ورابعة ان شاء الله
اى حاجة عايزة معناها اسالى يا قمر

د. أحمد رجب

19-08-2009, 04:24 PM

جزاك الله خيرا

* dr.sara*

19-08-2009, 04:51 PM

جزاك الله خيرا
واياك يا دكتور
حضرتك اعدادى بردو؟؟؟؟؟؟

Bent 3bdo

20-08-2009, 02:23 AM

بصضى يا قمر اسئلة الاختيارات mcq
بتبقى مش سهلة زى ما انتى متخيلة لان الاختيارات بتبقى متقاربة جداااااا وممكن تلخبط
بس طبعا لو مذاكرة كويس ان شاء الله هتحلى صح بس اهم حاجة المذاكرة بفهم لان نوعية الاسئلة دى بتقيس الفهم
ربنا يوفقنا جميعا السنة دى يا رب

ربنا يبشرك بالخير يا دكتور

الفارما اللى هيا الفارماكولوجى (علم الادوية) هناخدها فى سنة تالتة ورابعة ان شاء الله

ربنا يدنيا ويدكيى الصحه وطوله العمر ان شاء الله
كل اللى بيتكلم عليها بيقول ان هى ماده زفت

dr\wesam

11-09-2009, 03:04 AM

عاوزة اتعرف علي طلاب اعدادي صيدلة

dr\wesam

11-09-2009, 03:24 AM

اين طلاب اعدادي صيدلة غين شمس

Bent 3bdo

11-09-2009, 03:31 AM

انا اهو
:022yb4::022yb4::022yb4::022yb4:

dr\wesam

11-09-2009, 02:47 PM

اهلا بيكي اخيرا لقيتك ممكن نتعرف

* dr.sara*

11-09-2009, 05:59 PM

اهلا بيكى يا وسام
ربنا يوفقك هبعتلك ميلى عشان لو محتاجة منى حاجة

dr\wesam

11-09-2009, 07:45 PM

شكرا جدا وانا كمان بعتلك ملي يا ساره انا كنت عوزة اعرف الكتب اللي هنستخدمها وهل هناك صعوبة في اللغة انا دراستي كانت عربي

* dr.sara*

11-09-2009, 09:09 PM

ميلك متبعتليش على فكرة
خلاص ضيفينى انتى
وبالنسبة للكتب هتشتريها لما تبدا الدراسة مش دلوقتى واهم حاجة الكتب اللى ليها عملى زى البوتانى والان اورجانيك والماث بردو عشان ليه شيت
دول اهم حاجة والباقى بردو مهم بس دول عليهم درجات عشان ليهم كتاب عملى بتحلوا منه
وبالنسبة للغة ما تخفيش فالاول ممكن تحسى بصعوبة لكن بعد كده يبقى الامر سهل اوووى ان شاء الله يعنى اسبوعين ولا حاجة وتلاقى نفسك اتعودتى
بس اهم حاجة تحضرى المحاضرات وتبيضيها لماترجعى وبعدين تذاكريها بجد فى يوم تانى
وهتقابلك طبعا كلمات مش عارفاها عشان كده خلى معاكى قاموس او نزليه على الكومبيوتر عندك
وبالنسبة لكتابة المحاضرات اما لو سريعة وبتلحقى تكتبى ورا الدكتور يبقى تمام لو مبتلحقيش يبقى ادامك اما تشترى الورق اللى بيتصور فى اوسكار او تجيبى جهاز mp4 او موبايل وتسجلى المحاضرة
وربنا معاكى يا جميل
انا تحت امرك فى اى سؤال

Dr|shereen

11-09-2009, 11:42 PM

اين طلاب اعدادي صيدلة غين شمس
ينفع بتوع صيدله القاهره معاكى شيرين عارفاااااااااااااانى طبعا :av4056bb7jp3::022yb4:

Dr|shereen

11-09-2009, 11:47 PM

شكرااا يا ساره على التوبيك استفدت منه كتييير ربنا يوفقك وتتخرجى بامتياز ان شاء الله

* dr.sara*

11-09-2009, 11:51 PM

ينفع بتوع صيدله القاهره معاكى شيرين عارفاااااااااااااانى طبعا :av4056bb7jp3::022yb4:

ايه ده هى دى وسام اللى كلمتينى عنها يا شيرين
يا اهلا بالحبايب

Dr|shereen

11-09-2009, 11:57 PM

اه هى يا ساره هو فى حد ميعرفش وسام دى عشره عمر

Dr|shereen

11-09-2009, 11:59 PM

عايزاكى تظبطيها بقى هى معاكى فى عين شمس يالا ياست وسام اى خدمه واسطه

* dr.sara*

12-09-2009, 12:04 AM

عايزاكى تظبطيها بقى هى معاكى فى عين شمس يالا ياست وسام اى خدمه واسطه

حااااااضر من عينيا يا قمر هظبطها اخر تظبيط
بقلك يا وسام متعرفيش الويلكم بارتى اتحدد معادها ولا لاء؟

Dr|shereen

12-09-2009, 12:08 AM

هى وسام فين اصلا يا ساره احنا بنتكلم وهى ولا هنا رغم انى شايفاها معانا فى التوبيك بس اكيد هى متعرفش عن الويلكم بارتى انتى الكبيره بقى لما تعرفى قوليلها

* dr.sara*

12-09-2009, 12:10 AM

ان شاء الله يا شيرين لو عرفت حاجة هقولها ان شاء الله

dr\wesam

12-09-2009, 12:12 AM

شكرا جدا ياسارة واناسالت عن قاموس للصيدلة لقيت قاموس متخصص للصيدلة فقط و المورد الطبي لكله اشتري ايه

dr\wesam

12-09-2009, 12:16 AM

شكرا يا شرين علي التوصية الجامدة ديه وان كنت عاوزة اكتب الملف الشخصي بتاعى بس مش عارفة

Dr|shereen

12-09-2009, 12:18 AM

شوفى الرساله الخاصه اللى بعتهالك

* dr.sara*

12-09-2009, 12:22 AM

شكرا جدا ياسارة واناسالت عن قاموس للصيدلة لقيت قاموس متخصص للصيدلة فقط و المورد الطبي لكله اشتري ايه
القاموس الطبى ده افضل لانه انتوا هتاخدوا مواد زى الفسيولوجى والهستولوجى زى مواد طب يعنى
وبردو هتلاقى فيه المصطلحات الصيدلانية فهيبقى شامل لكله
بس اعتقد ان سعره غالى ممكن تنزلي احسن من النت قاموس طبى
انا عن نفسى ما اشتريتش قاموس السنة اللى فاتت كان عندى قاموس على الكومبيوتر بشوف فيه

dr\wesam

12-09-2009, 12:23 AM

انا حضرت the pake of successقالوا ان الويلكم بارتي قريبا وهيتصلوا بينا بس لسة مفيش اخبار هو يا سارة الانشطة في الكلية تضيع الق\وقت ولا ايه

dr\wesam

12-09-2009, 12:25 AM

رسالتك وصلت وقراتها بس انا اتشغلت شوية مع ماما

* dr.sara*

12-09-2009, 12:27 AM

طيب تمام يا ريت يا وسام تبعتيلى رسالة خاصة لما تعرفى معادها او تكتبى هنا على المنتدى اول ما تعرفى
عشان الكل يعرف
بالنسبة للانشطة انا مفضلش الاشتراك فيها من اول سنة لانك فى اول سنة مبتكونيش متعودة على النظام وعلى المذاكرة وكده
فصعب انك توفقى بين الاتنين المذاكرة والانشطة
لكن ممكن من بعد اعدادى تكونى اتعودتى على النظام وعرفتى طريقة المذاكرة واتكيفتى مع الوضع خلاص
يا ريت تشوفى الرسالة اللى بعتهالك و ضيفى ميلى عندك عشان لو محتاجة اى سؤال اجاوبلك عليه ان شاء الله

العمييد

12-09-2009, 12:35 AM

فى جريدة المصرى اليوم بتاريخ 23/ 7 /2009

فى موضوع مهم جدا ً عن الصيادلة و البطالة اللى مستنياهم

و اللى كاتب الموضوع نقيب الصيادلة
حذرت النقابة العامة للصيادلة، الطلاب، من الالتحاق بكليات الصيدلة فى العام الدراسى المقبل، مؤكدة أن مصيرهم سوف يكون الانضمام إلى طابور البطالة.
وأوضحت النقابة أن سوق العمل «تشبعت» بممارسى المهنة، فى حين تجاوز عدد الصيدليات فى مصر ٤٠ ألف صيدلية، مؤكدة أن هذا العدد يفوق المعدلات العالمية.

* dr.sara*

12-09-2009, 12:44 AM

ايه يا اخ العميد حضرتك داخل تعقدنا
الارزاق على الله ولكل مجتهد نصيب
وربنا مبيضيعيش تعب حد
كل واحد يذاكر ويجتهد ويجيب تقدير عالى و الباقى على الله
ان الله لا يضيع اجر من احسن عملا
اللى بيجتهد وبيتعب ربنا هيجبله احسن فرصة عمل ان شاء الله
وربنا اللى قال كده
( ومن اصدق من الله حديثا)
والواقع كمان بيقول كده

* dr.sara*

12-09-2009, 12:47 AM

وبعدين الكلام اللى قالته نقابة الصيادلة ده سبق قالته نقابة الاطباء بردو
هدفهم انهم يقللوا الاعداد
يا ريت منشغلش بالنا بالكلام ده
الافضل ان الواحد يجتهد فى المكان اللى هوا فيه عشان يطلع صيدلى متميز ان شاء الله

m.aas_91

15-09-2009, 10:31 AM

mahitab gamal

15-09-2009, 11:40 PM

amaizing topic, i think da aktar wa7ed estafadt menno fe3ln
thnx ya dr.Sara ana d5la e3dade sydala 3en shams isA w kalamek 5lane so excited to begin

w f3lan ele hykon fahem el madda hyla2eha momte3a gdn

well done
xx

* dr.sara*

16-09-2009, 06:46 PM

amaizing topic, i think da aktar wa7ed estafadt menno fe3ln

thnx ya dr.sara ana d5la e3dade sydala 3en shams isa w kalamek 5lane so excited to begin

w f3lan ele hykon fahem el madda hyla2eha momte3a gdn

well done
xx

ربنا يخليكى يا جميل
الحمد لله انك استفدتى من الموضوع
اكيييد يا قمر وان شاء الله كل المواد تبقى فاهماها كويس وتجيبى امتياز ان شاء الله

dr.boody

18-09-2009, 03:32 AM

Maiouia 2009

26-09-2009, 03:45 AM

* dr.sara*

26-09-2009, 07:24 PM

انا يا جماعه رايح اولى صيدلة بس كنت عايز اسأل الي في 2صديلة وفوق , هو انتوا كنتو بتحبوا الرياضيات والكيمياء ولا كنتوا عادي؟ . وكمان اد ايه صعوبة الرياضيات في الصيدلة؟
وبتذاكروا كام ساعه في اليوم؟

اولا انا اسفة على التاخير فى الرد
ثانيا : انا عن نفسى بموت فى الكيميا و بحبها جدااا لانها بتعتمد على الفهم وهى اساس شغلنا
والماث لذيذ بردو مش صعب ولا حاجة هوا بيبقى مسائل زى اللى فى الكتاب و هو عبارة عن جزئين تفاضل وتكامل
وفى نفس كتير مننا السنة دى قفلت الماث يعنى العملية مش صعبة ولا حاجة
حكاية بقى بنذاكر كام ساعة دى بتختلف من واحد لتانى بس اعدادى والله سهلة ومش محتاجة ووقت كبير للمذاكرة زى ثانوية عامة خااااالص
اهم حاجة بس تحضرالمحاضرات و تقراها اول باول
و ربنا معاكوا

* dr.sara*

26-09-2009, 07:26 PM

مشكور جدا على المعلومات المهمه جد اجدا جدا جدا جدا دى
وجزاك لله كل خير
انا بس كنت عايز اسأل حضرتك سؤال..انا دلوقتى فى اعدادى المنصوره ...صيدله....ونفسي احول عين شمس
بس انا خلصت كل اجراءات التقديم للكليه تقريبا....فهل ينفع احول دلوقتى ولا لازم استنى سنه اول فى المنصوره و بعدين احول؟
وشكرااااا مره تانيه

مش عارفة والله بس لو حضرتك من المنصورة هيبقى صعب تحول او مينفعش اصلا
لكن لو انت من القاهرة يبقى ممكن تحول عن طريق الالتماسات او تستنى سنة بس لازم تجيب تقدير امتياز او جيدجدا وبعدين تحول
بس طبعا هتشيل مواد

* dr.sara*

26-09-2009, 07:30 PM

شكرا جددددددددددددددددددددددددددددددا يا دكتورة سارة انا ان شاء الله داخلة صيدلة عين شمس السنادي و بجد استفدتتتتتتتتتتت جدااااااااااااااااااااا ميرسيييييييييي اوي انا فعلا ما كونتش عاملة حساب السرعة في الكتابة ده و مش عارفة بصراحة هاقدر اكتب وراء الدكتور ولا لأ
شكرا اوييييييييي يا دكتورة و ربنا يوفقك يارب و يا رب مانتعرضش لموضوع البطالة ده يا رب عشان انا فعلا خايفة من الموضوع ده
و جزاك الله كل خيييييييييييييير

العفو يا جميل الشكر لله
الحمد لله ان الموضوع عاجبك واستفدتى بيه
ان شاء الله تلحقى ولو ملحقتيش يبقى تسجلى المحاضرة على موبايل او تشترى الورق من اوسكار بس بردو فى كل الحالات لازم تكتبى ولو شخابيط كده ورا الدكتور عشان تكونى عارفة ايه اللى عليكى ايه اللى اتلغى و كده
وان شاء الله منتعرضش لبطالة ولا حاجة
عايزة اقولكوا حاجة تخليكوا تتفائلوا
انا قابلت واحدة اخت صاحبتى لسه متخرجة السنة دى وما شاء الله عليها بتشتغل فى صيدلية وقدمت كمان العزبى واتقبلت
يعنى مفيش بطالة ولا حاجة ان شاء الله
الارزاق بيد الله وحده

hager92

26-09-2009, 08:10 PM

* dr.sara*

26-09-2009, 09:03 PM

انا رديت على اسئلتك فى رسالة يا هاجر

Maiouia 2009

27-09-2009, 03:32 AM

دكتووورة سارة مومكن تجاوبي على اسئلة هاجر في رد عادي لاني بردو زيها ألأانة و عايزة اعرف هنعمل ايه و كدة او ممكن تبعتي لي رسالة بردو مش مشكلة و شكرااااااااا :)

* dr.sara*

27-09-2009, 12:47 PM

جزاك الله كل خير يا dr sara
بجد نصائحك جميييييييييلة و موضوعك اجمل
انا كنت عايزة اسأل سؤال
هو الادوات و البالطو لما ندخل الجامعة الدكاترة هيقولو لنا نشتريها امتى ؟
و عايزة اعرف احنا هنبدأ اول يوم 3\10 زى كل الكليات ؟
و اول يوم نروح الساعة كام و ايه اللي هنعملو في اول يوم ؟
ارجوك تجاوبيني لاني قلقانة جدا و حاسة اني اول يوم هاكون تايهة
شكرا
اها هما الدكاترة هيقولوا على الادوات اللى هتجبوها
لكن البالطو ممكن تجيبيه دلوقتى عادى
اها هنبدا 3/10 بس لسه الجدول هينزل وهتشوفي عندك محاضرات اول يوم ولا لاء
وهتعرفى هتروحى الساعة وكل حاجة متخفيش اول ما ينزل الجدول على السايت هحطه هنا
اول يوم بيبقى لذيذ والله متخفيش ان شاء الله هتستمعى بيه وهتتعرفى على بنات كتير ان شاء الله
انا هبعتلك ميلى فى رسالة يا مى لو محتاجة اى حاجة

hager92

27-09-2009, 03:13 PM

معلش يا dr sara هسأل سؤال تاني معلش تقلت عليكي
في ناس بيقولو اني لازم آخد كورسات علشان امشي في الكلية ايه رأيك في الموضوع ده ؟
مع اني اعرف ناس في الكلية ما كانوا بيخدوا دروس و مشيو فيها
و انا عن نفسي مش عايزة آخد دروس و لا كورسات حاسة انها بتضيع وقت
فممكن اعتمد على مذاكرتي بس
يا ريت تفيديني و تقوليلي انتي عملتي ايه اخدتي دروس او كورسات و لا مشيتي فيها بمذاكرتك

* dr.sara*

27-09-2009, 04:27 PM

مش لازم كورسات ولا حاجة يا هاجر
بل بالعكس الكورسات هتلخبطك وفيها حاجات غلط لان اللى بيديها دكاترة من علوم مش صيدلة
الافضل طبعا تعتمدى على مذاكرتك
انا عن نفسى مكنتش باخد كورسات وبعتمد على مذاكرتى والحمد لله جبت امتياز
وصدقينى الامتياز مش صعب ولا حاجة
المهم انك تذاكرى اول باول وتحضرى المحاضرات
واحنا عندنا اكتر من 140 طالب وزطالبة جايبيبن امتياز ومعظمنا مش بناخد كورسات
ربنا يوفقك يا قمر ان شاء الله

Maiouia 2009

27-09-2009, 05:24 PM

شكرا على الرسالة يا dr sara
و جزاك الله كل خير

العمييد

28-09-2009, 03:10 AM

الواحد مش طماع جيد كفاية و لو جيد جدا ً يبقى رضا اوى انا اموت روحى فى المذاكره عشان ايه يعنى كله محصل بعضه

dr.basboosa

28-09-2009, 04:27 AM

شكرا اوى يا دكتورة سارة انتى بجد عسولة وووفرتى عليا اسئلة كتيييير اوى

dr.basboosa

28-09-2009, 04:28 AM

معلش اسال سؤال يا دكتورة هو اول يوم بنروح بالبالطو ولا ايه

* dr.sara*

28-09-2009, 10:44 AM

لا مش هتروحوا بالبالطو ولا حاجة لان مش هيبقى عندك سكشن اول يوم
انا مش عارفة جدولكوا نظامه ايه بظبط بس احنا السنة اللى فاتت كان السبت سكشن فيزيا بس مخدنهوش لان كلية علوم مبشتغلش اول اسبوع
فيعتير اول يوم هوا الاحد اللى فيه محاضرات
ده لو جدولكوا زينا

Dr.genius2009

30-09-2009, 09:28 PM

يا جماعة خبر حلو

الجدول نزل على سايت الكلية وده الرابط (اعدادي وباقي الفرق)

http://pharm.shams.edu.eg/undergraduates/tables/main.shtml

أما بالنسبة لنظام الساعات المعتمدة الجدول على الرابط ده
http://pharm.shams.edu.eg/undergraduates/tables/main_1.shtml

dr/a.a.a.h

01-10-2009, 03:11 PM

شكرا علي المعلومات القيمة

OMAR MARY

04-10-2009, 03:45 PM

[quote=dr\wesam;1586557]عاوزة اتعرف علي طلاب اعدادي صيدلة[/qu
هاااااي وسام انا عمر مرعي اعدادي صيدلة عين شمس

OMAR MARY

04-10-2009, 04:10 PM

هاااااااااااااااااااااااااي يا جماعة انا عمر مرعي اعدادي صيدلة عين شمس.....
ممكن اتعرف على الطلاب الي موجودين....:)

dr\wesam

05-10-2009, 02:37 AM

اهلا بيك عمر وبكل صيادلة عين شمس ويا تري ليه انطباكك عن اول يوم محاضرات

Dr.genius2009

05-10-2009, 08:17 PM

دكتورة سارة ياريت تفضي صندوق الرسايل بتاعك

* dr.sara*

05-10-2009, 10:26 PM

اوكى انا فضيته اهو

Bent 3bdo

07-10-2009, 04:59 PM

سارة معلش انا عارفه انك زهقتى منى
البوتانى ده
أذاكره ازاى
الكتاب كله رغى انجليزى
احفظه كده زى احياء ثانوى ولا ايه؟
مش عارفه الاسئله تيجى ازاى؟
وبالنسبه للفيزيا احفظ الرغى والتعريفات الانجليزى ولا القوانين والمسائل بس؟؟

المصطلحات دى بقى الحمد لله ياعنى
مش فاهمه فيها اى حاجه
وملحقتش اكتب اى حاجه ورا الدكتورة
هفهم حاجه م الكتب ولالا؟

* dr.sara*

07-10-2009, 09:10 PM

سارة معلش انا عارفه انك زهقتى منى
البوتانى ده
أذاكره ازاى
الكتاب كله رغى انجليزى
احفظه كده زى احياء ثانوى ولا ايه؟
اها مهو البوتانى حفظ اكتر منه فهم بس بردو مينفعش الحفظ من غير فهم خالص
يعنى بصى انتى هاتى قاموس معاكى او لو منزلة قاموس على الكومبيوتر عندك
واى كلمة تقف قدامك شوفيها و هاتى الكتاب معاكى فى المحاضرة وسجلى المعانى الجديدة اللى بيترجمها الدكاترة بس مش كل كلمة يعنى الكلمات المهمة والمؤثرة فى معنى الجملة
وهتلاقى مرة فمرة وانتى بتذاكرى بقى عندك حصيلة كويسة جدا من الكلمات
وكمان الدكاترة هينزلوا الslides اللى بيشرحلكوا منها على النت
بس متكتفيش بيها خاصة جزء دكتور العزيزى ودكتور شيرويت لازم الكتاب تذاكرى منه بردو
لكن جزء دكتور الرولا اللى هوا بتاع التاكسونومى يتذاكر من ال slides بس لان الكتاب فيه رغى كتير ملوش لازمة
بصى انتى مش هتحفظى كل كلمة زى الاحياء لااااااا طبعا
انتى بتركزى اوووووووووووووووووووووى على اللى دكتور قاله فى المحاضرة على slides
وهتلاقى فيه شوية رغى كده ملوش لازمة فى الكتاب اقرايه بس
وكمان خلى بالك اول lecture دى كان دكتور العزيرزى ودكتور شيرويت بيقولونا احفظوا امثلة على كل نوع
مثال كده او مثالين من النباتات على كل حاجة
يعنى انتى هتلاقى امثلة كتير فى الكتاب اعرفيلك مثالين على كل نوع بس
معلش هى المادة دى فيها حفظ كتييييير
بس والله الدكاترة بيفهموكى بردو فى المحاضرة كويس بس حاولى بس تركزى معاهم و تسجلى الملاحظات اللى بيقولها صدقينى بتسهل الحفظ جامد لانك بتبقى فاهمة مش مجرد حفظ

مش عارفه الاسئله تيجى ازاى؟
الاسئلة بتيجى mcq و matching و short notes و true & false
وطبعا اسئلة ال mcq بتبقى الاختيارات متقاربة جدا فحاولى تكونى فاهمة وانتى بتذاكرى والجزء اللى تحسى انك مش فاهماه اسالى الدكتور وهما والله كويسين جدا و بيجاوبوا على كل اسئلتكوا
وكمان الدكاترة بيقولوا اسئلة اثناء المحاضرة وبيجى منها فى الامتحان
فحاولى تكونى مركزة جداااااااااااا فى كل حاجة بتتقال فى المحاضرة
وبالنسبه للفيزيا احفظ الرغى والتعريفات الانجليزى ولا القوانين والمسائل بس؟؟
اها الفيزيا تذاكرى وتحفظى كل اللى دكتور بيكتبه فى المحاضرة
لان الامتحان بيجى نسخة من المحاضرات حتى المسائل بتبقى مجرد تغيير فى الارقام بس لكن نفس الفكرة
جزء دكتور عاطف كويس جدا وفيه حاجات كتير من ثانوية عامة

المصطلحات دى بقى الحمد لله ياعنى
مش فاهمه فيها اى حاجه
وملحقتش اكتب اى حاجه ورا الدكتورة
الكتاب فيه كل حاجة بتقولها الدكتورة هاتيه و احفظى المصطلحات اللى قالتها
وخلي الكتاب معاكى فى المحاضرة واكتبى ورا الدكتور المعانى بتاعت الكلمات
وهيتبقى بعض الحاجات مقلتش معناها شوفيها فى القاموس

هفهم حاجه م الكتب ولالا؟
ربنا معاكى ومعانا جميعا ياااااااا رب

Bent 3bdo

07-10-2009, 10:15 PM

ربنا يخليكى يا سارة يارب
ويجازيكى كل خير
بالنسبه للمنتدى بتاع الكليه
كذا مرة أسجل فيه وأجى أخش بعدها ميرضاش
سجلت مرة باميل الياهو ومرة بالهوت وبرده مبيرضاش يخش

مش هما بينزلوها عليه بردك ولا ع ايه؟؟

معلش يا سارة سؤال تانى

البوتانى اول حته بتاعه تاريخ الصيدله دى ف الحضارة المصريه والاسلاميه وكده
ده أحفظه ولا ايه؟؟؟

تعباكى معايا معلش ومعاطلاكى

* dr.sara*

08-10-2009, 05:06 PM

مش هما بينزلوها عليه بردك ولا ع ايه؟؟

معلش يا سارة سؤال تانى

البوتانى اول حته بتاعه تاريخ الصيدله دى ف الحضارة المصريه والاسلاميه وكده
ده أحفظه ولا ايه؟؟؟

بينزل على موقع الكلية نفسه مش المنتدى
هتلاقى فى ال home page
المستطيل اللى تحت على الشمال اللى مكتوب عليه lectures
ده تابعيه باستمرار وشوفى المحاضرات اللى بتنزل
وبالنسبة لجزء التاريخى ده
مش عليكوا لاء حتى الدكتور هيقولكوا انه قراءة بس مش بيجى عليه اسئلة
ملوش لازمة يعنى

s.a.r.a

08-10-2009, 07:17 PM

معلش انا كنت عايزة اسأل عن اعدادى عين شمس انا شهادة معادلة و حولت عين شمس لسة هبدأ اروح يوم السبت ان شاءالله احضر فين فصيدلة ولا ف علوم ؟؟؟

* dr.sara*

08-10-2009, 09:57 PM

فى صيدلة يا سارة
ما عدا سكشن الفيزيكس بس فى علوم

* dr.sara*

08-10-2009, 09:59 PM

يعنى روحى علوم يوم السبت عشان سكشن الفيزيكس وباقى الايام فى صيدلة

Bent 3bdo

08-10-2009, 11:54 PM

بينزل على موقع الكلية نفسه مش المنتدى
هتلاقى فى ال home page
المستطيل اللى تحت على الشمال اللى مكتوب عليه lectures
ده تابعيه باستمرار وشوفى المحاضرات اللى بتنزل
وبالنسبة لجزء التاريخى ده
مش عليكوا لاء حتى الدكتور هيقولكوا انه قراءة بس مش بيجى عليه اسئلة
ملوش لازمة يعنى
طمنينى بجد با دوك
كتر ألف خيرك
انا هطنشه وربنا يستر:022yb4:
كل ماأفتح الكتاب
معرفش ترجمه كلمه أقوم أفلاه
ربنا يستر
انتى عامله ايه ف اولى حلوة ولا ايه؟

* dr.sara*

09-10-2009, 11:12 AM

تمام الحمد لله
عندنا 5 مواد والسادسة علم نفس
1-اناليتكال
2-اورجانيك
3-فيسيولوجى
4-فارماكوجنوزى
5-سيوتيكس
بس الحمد لله الواحد اتعود على الدكاترة ونظام المذاكرة
والدكاترة اللى بيدونا لحد دلوقتى كويسين جدااااااااااااااااا
ربنا معانا جميعا ويوفقنا يااااااا رب

Bent 3bdo

09-10-2009, 12:47 PM

ربنا يوفقك يارب

s.a.r.a

09-10-2009, 02:22 PM

يعنى روحى علوم يوم السبت عشان سكشن الفيزيكس وباقى الايام فى صيدلة
شكرررا الحمدلله طمنتيني :d انا كنت خايفة لحسن مبقاش فى صيدلة اصل الكلية جميلة اوى بجد:)

العمييد

09-10-2009, 02:57 PM

معلش انا كنت عايزة اسأل عن اعدادى عين شمس انا شهادة معادلة و حولت عين شمس لسة هبدأ اروح يوم السبت ان شاءالله احضر فين فصيدلة ولا ف علوم ؟؟؟

فى علوم فى مبنى الفيزياء اللى ورا حاسبات ومعلومات معادك الساعه 6 عشان دى اخر مجموعه
و مفيش حاجه تانيه علنا يوم السبت غير السكشن ده

s.a.r.a

10-10-2009, 05:13 PM

فى علوم فى مبنى الفيزياء اللى ورا حاسبات ومعلومات معادك الساعه 6 عشان دى اخر مجموعه
و مفيش حاجه تانيه علنا يوم السبت غير السكشن ده
شكرا بس انا لسة جاية من هناك و لقيت ملفى لسة موصلش فلازم اجيب جواب التحويل احضر بيه الاول:)

العمييد

18-10-2009, 11:31 PM

يا ريت الدكتوره ساره الكبيره تقولى بالنسبه للكيمياء غير العضويه انا ح اكتفى بمحاضرة الدكتورة و لا لازم اذاكر اللى فى الكتاب و بعد اذنك يا دكتوره فى حاجه كمان الفيزياء بتجى مسائل بس و لا معها تعليلات و...

* dr.sara*

22-10-2009, 09:21 PM

اها الان اورجانيك تكتفى بالمحاضرة وتهتم اووووووى بكل كلمة بتقولها اغلدكتورة خاصة دكتورة لبنى وتكون فاهم كويس
لان اسئلتها مش سهلة
وبالنسبة للفيزيكس الاسئلة بتيجى essay مقالية
يعنى short notes
give reason
problemsمسائل
وتتذاكر من المحاضرة بس
ربنا معاكوا ومعانا ان شاء الله

العمييد

23-10-2009, 01:41 PM

العمييد

06-11-2009, 08:59 PM

لو سمحتى يا دكتورة ساره عايز اعرف هو امتحان الزولوجى العملى شكله ايه
بالنسبه لرسومات الضدفدعه علينا حفظها و لا بس نعرف البيانات اللى على الرسم
والدكتور حمدى ليه امتحان عملى محتلف عن الدكتور على و لا هو امتحان واحد
بالنسبه للدكتور حمدى انا مش فاهم منه حاجه و كلامه فى المحاضره مختصر و بيخرج عن المنهج كتير فى (حاجات جانبيه)
الدكتور ده اذاكرله منين و امتحانات السنين اللى فاتت معنديش اى فكره عنها اتصرق ازاى

* dr.sara*

06-11-2009, 11:06 PM

امتحان الزوو بيكون عبارة عن جزئين فسيولوجى اللى هوا الضفدعة بيجبولك ضفدعة متشرحة جاهزة
وهيبقى موجود زى دبوس كده فى عضو معين
او فىblood vessel
وانت تقول اسمه
او هيجبلك ضفدعة وانت تقول دى male or female
وبيبقى فيه bones بردو بتتعرف عليها
وبيحددولك واحدة من ال spots ترسمها وعليها البيانات كاملة
يعنى بالنسبة للفسيولوجى الرسومات كلها عليكوا ببياناتها هرسم منها رسمةواحدة واتنين فى الامتحان
لكن الهستولوجى هيحددولك حاجات بس هى اللى تتحفظ والباقى مجرد هتتعرفوا عليه من غير ما ترسموه
والهستولوجى بيكون spot under microscope
او ورق مطبوع عليه الرسمه
وبالنسبة لدكتور حمدى انا كنت بذاكرله من ورق كده كان بينزل فى اوسكار + الكتاب الحاجات اللى بيقولها بس
وعلى فكرة دكتور حمدى هينزلكوا على الاخر كده ملزمة فيها امتحانات السنين اللى فاتت
وده بيجى منها كتييييييييييييير
وربنا معاكوا ومعانا
دعواتكوا عشان عندنا ميد ترم

كونان باشا

12-12-2009, 08:23 PM

ياجماعه بجد بتدرسوا حاجات مالهاش لزمه لكليه الصيدله
احنا بندرس صيدله حديث مافيهاش لا نبات ولا حيوان ولا رياضه ولا كلام فاضى من ده

Bent 3bdo

17-12-2009, 12:28 AM

ياجماعه بجد بتدرسوا حاجات مالهاش لزمه لكليه الصيدله
احنا بندرس صيدله حديث مافيهاش لا نبات ولا حيوان ولا رياضه ولا كلام فاضى من ده
قدرنا ونصيبنا
ربنا يجعله بفايده ف الاخر بس

زائر غير مسجل

26-12-2009, 07:25 PM

السلام عليكم يا دكتورة سارة انا عندي سؤال انا اتقبلت في الكلية السنة دي بس ما قدرتش احضر الترم الاول عشان عندي ظروف فهل ينفع احضر الترم التاني واسجل في نظام الساعات لو سمحتي لو عندك فكرا يا ريت تقوليلي بعد اذنك شكرا

الاحترام

05-08-2011, 03:01 PM

والله جزاكم الله خيرا على كل المعلومات اللى بتفيدونا بها دى وربنا يجعل كل ده فى ميزان حسناتكم ان شاء الله

Dody Dora

28-07-2013, 09:56 AM

عايزه حضرتك *dr.sara*.

رحيق المسك

17-12-2016, 08:12 PM

لو سمحت يعنى مفيش تشريح ضفدعه ولا فار ف صيدله عين شمس