مشاهدة النسخة كاملة : خايفة من كلية علوم


نورا 2008
03-08-2009, 01:56 AM
انا يا جماعة خلصت 3 ثانوي وممكن تجيلي كلية علوم حسب التنسيق وكل مااقول لحد اني عايزة الكلية دي يولي صعبة وهتعقدك وملهاش لازمة وتجارة احلي وصحابي بيقولولي دي كل اللي في الكلية معقدين وكلية صعبة وملهاش شغل حتي لو ليها للولاد مش للبنات:av4056bb7jp3:وانا خايفة اووووووووي وكذا حد يقولي انا ليا مش عارفة مين خريج علوم ومبيشتغلش:angry2::angry2::angry2::angry2::angry2:: angry2::angry2::angry2::angry2::angry2: واي جامعة اسهل عين شمس ولا القاهرة ولا حلوان:abdoog8::abdoog8:

محمد.فوكس
03-08-2009, 04:12 AM
بالنسبة لصعوبة الكلية .. مش هقدر اقولك الكلية سهلة..لكن مش تعقيد..هي بس عشان بتخشي بتاخدي كيمياء و فيزياء و رياضة و احياء و دي المواد اللي كنا بنهرب منها طول حياتنا..لكن هي مش بالصعوبة اللي بيصوروهالك دي.
الكلية دي ليها لازمة..انا طالب في الكلية و بدافع عن كليتي .. بس بجد لو على الشغل عندك مثلا قسم زي الكيمياء مجالاته كتير اوي و يا سلام لو ليكي قريب في شركة من اللي بيحتاجو كيميائيين و بياخدوهم كمان مندوبين مبيعات يعني ممكن شغل تجارة كمان.
كلية التجارة ميزتها انها من اوسع الكليات في مجالات العمل .. العلوم مجالاتها مش قد التجارة بس في المقابل اعداد الطلبة اقل بكتير من تجارة فبكده يبقى في توازن في اعداد الخريجي او بمعنى اصح اللي بيتنافسوا على الشغل.
و البنات انا شايف انهم بيتاخدو عادي ممكن يكون صعب عليهم شغل الجيولوجيا عشان ممكن يبقى فيها بهدلة بس انا شاف ان في الادوية و البرتول شغالين عادي.
موضوع الجامعة انا معرفش مين اسهل .. بس لوعايزة جامعة فيها اقسام كتير و ليها اسم يبقى القاهرة.

زيزو1900
04-08-2009, 09:20 PM
انا يا جماعة خلصت 3 ثانوي وممكن تجيلي كلية علوم حسب التنسيق وكل مااقول لحد اني عايزة الكلية دي يولي صعبة وهتعقدك وملهاش لازمة وتجارة احلي وصحابي بيقولولي دي كل اللي في الكلية معقدين وكلية صعبة وملهاش شغل حتي لو ليها للولاد مش للبنات:av4056bb7jp3:وانا خايفة اووووووووي وكذا حد يقولي انا ليا مش عارفة مين خريج علوم ومبيشتغلش:angry2::angry2::angry2::angry2::angry2:: angry2::angry2::angry2::angry2::angry2: واي جامعة اسهل عين شمس ولا القاهرة ولا حلوان:abdoog8::abdoog8:

انا خلصت الكليه والحمدالله جايب تقدير الكليه واللهى سهله للي بيحبها
وبالنسبه للشغل للبنات بصي كل اللي اعرفهم من البنات واللهى شغاليين ك
اخصائيين تحاليل في مستشفيات حكوميه ومستشفيات جامعيه وواخدين وضعهم و شغالين بردو كميدكال ريب وفيه ناس في مراكز البحوث
ممكن حضرتك تدخلي ع الرابط دة وتشوفي البنات خريجين علوم بيشتغلوا ابه
http://www.facebook.com/home.php?#/group.php?gid=54268657079

نورا 2008
05-08-2009, 12:32 AM
مرسي علي ردك وعلي فكرةمن موضوعاتك عن الكلية خلتني احبها اكتر وانا علي فكرة جت لي علووووووم

Its My Life
05-08-2009, 12:13 PM
مفيش حاجه مستحيله يا قمرايه

mkaa2008
20-08-2009, 10:10 AM
السؤال اللى لازم تسأليه لنفسك ، هل هتكملى شغل بعد ما تتجوزى ؟؟
لانى انا اعرف بنات كتير بيشتغلو بوعد ما يتجوز يقعدو فى البيت ،
لو كدا يبقى مفيش داعى لعلوم ، لان شغل علوم معناه شغل متواصل مش صعب لكنه بياخد معظم الوقت ،

زيزو1900
20-08-2009, 04:27 PM
السؤال اللى لازم تسأليه لنفسك ، هل هتكملى شغل بعد ما تتجوزى ؟؟
لانى انا اعرف بنات كتير بيشتغلو بوعد ما يتجوز يقعدو فى البيت ،
لو كدا يبقى مفيش داعى لعلوم ، لان شغل علوم معناه شغل متواصل مش صعب لكنه بياخد معظم الوقت ،

كلام مظبوط جدا
انا اعرف بنت اشتغلت ميدكال ريب ب 1500 جنيه
وسابته بعد شهريين
عشان بياخد معظم وقتها