|
مشاهدة النسخة كاملة : حد يعبرنى بقى fathy 90 04-08-2009, 11:08 AM انا عايز اعرف انا دلوقتى دخلت علوم القاهرة رياضة قسم البترول اللى بفلوس بدخله من سنة اولى ولا تانيه؟؟ وايه شروطة انا 91. 7 والانجليزى 45.5 ياريت الرد ضرورى ........لو مش كده هخش هندسه الشروق Its My Life 04-08-2009, 03:21 PM ههههههههههههههههههههههههههههه علوم قسم بترول طب انا هادخل هندسه قسم بشري :d محمد.فوكس 04-08-2009, 03:31 PM جيولوجيا البترول بتدخله من سنة اولى ..و مجموعك ملهوش دعوة مادام دخلت الكلية اصلا. درجتك في الانجليزي مهمة بس مش عارف هياخدو من كام بس اكيد هياخدو الاعلى بين المتقدمين و انت درجتك مش وحشة..زائد الفلوس. محمد.فوكس 04-08-2009, 03:35 PM ههههههههههههههههههههههههههههه علوم قسم بترول طب انا هادخل هندسه قسم بشري:d الراجل لسه طالع من ثانوية عامة و ميعرفش الاقسام..كتر خيره انه عرف قسم جيولوجيا البترول بس اختصره و قال بترول و احنا فاهمينه...هنمسكله عالواحدة؟! و بعدين ايه قسم بشري ده .. مفيش اي قسم في اي كلية اسمه كده .. اه لا نسيت ده موجود في كلية طب بيطري. كنتي قولي مثلا هدخل هندسة اسنان .. sa3eeed 04-08-2009, 04:22 PM بكام الفلوس دى يا كابتن ؟؟ sa3eeed 04-08-2009, 04:25 PM مش مهم الفلوس انا خلاص هحول علوم القاهرة انا جالى معهد عالى هندسة 6 اكتوبر بس هحول علوم عالاقل حاجه حكومية وشكرا لك محمد.فوكس 04-08-2009, 04:32 PM عندنا في اسكندرية بـ10000 في السنة .. و اعتقد القاهرة زيها و سمعت انهم بيعملو خصم للاوائل في الترم الاول sa3eeed 04-08-2009, 05:00 PM وبعدين لما اتخرج من قسم البترول اشتغل فين ؟ ولا ابقى ايه ؟ fathy 90 04-08-2009, 05:06 PM تتخررج؟؟؟؟؟؟؟؟قدامك 8 سنين فى علوم لو شديت حيلك......................ده مش كلامى ده كلام كل الناااااااااااس fathy 90 04-08-2009, 05:07 PM انا هدخل هندسه الشروق لان المعظم قالى مش هتمشى فى علوم sa3eeed 04-08-2009, 05:11 PM هى العلوم كام سنة اصلا ؟ sa3eeed 04-08-2009, 05:14 PM بس اهم حاجه انها تكون معتمده وفى قسم حاسب الى فى العلوم متعرفش عنه اخبار؟ محمد.فوكس 04-08-2009, 05:17 PM يا جماعة انا طالب اهو قدامكوا في كلية العلوم و انا مش طالب متفوق ولا حاجة و ماشي فيها عادي .. مش حلو اوي بس ماشي. sa3eeed 04-08-2009, 05:19 PM طب قسم الحاسب الالى ده كويس ؟ محمد.فوكس 04-08-2009, 05:19 PM كلية العلوم اربع سنين.. و اكيد طبعا اي حاجة فيها معتمدة sa3eeed 04-08-2009, 05:21 PM لا انا قصدى المعاهد الخاصة بقول لفتحى لازم يشوف المعهد ده معتمد ولا لا؟ محمد.فوكس 04-08-2009, 05:21 PM اه قسم الحاسب .. هو قسم بيعلم البرمجة .. انا معرفش عنه اوي بس العميد بيقولنا انه احسن من هندسة كومبيوتر بس شهادته مجروحة. و انا في احتمال ادخله لو لا قدر الله مجاليش قسم كيمياء اللي هو بلا منازع اكتر قسم ليه شغل في الكلية. sa3eeed 04-08-2009, 05:23 PM شكرا جزيلا لك fathy 90 04-08-2009, 07:21 PM اه طبعا الشروق معتمد ونقابه وكله.....وكمان سمعته كويسه اوى واهم حاجة انه بياخد فوق ال 90% fathy 90 04-08-2009, 07:22 PM اه طبعا الشروق معتمد ونقابه وكله.....وكمان سمعته كويسه اوى واهم حاجة انه بياخد فوق ال 90%...........وربنا يوفقك l0vely girl 05-08-2009, 05:03 PM هاى يا جماعة ازيكو على فكرة انتو مكبرين الموضوع اوى ... كلية علوم مش معقدة للدرجة اللى انتو بتتكلموا بيها دى و الطلبة بتتخرج منها عادى جدا زى كل الكليات اللى ف الدنيا و الكلية عموما اربع سنين الدراسة و المذاكرة فيها سهلة بس بشرط تكون حابب الكلية و المواد اللى بتاخدها و حتى كمان لو مش بتحبها و ذاكرت حتنجح و تعدى مع احترامى للناس اللى بتتريق ع الكلية الناس دى متعرفش حاجة عن الكلية عشان تتكلم انا داخلة تانية علوم ان شاء الله و نجحت فيها من اول سنة من غير دبلرة (يعنى السنة ف سنتين ) ولا حاجة و جبت تقدير جيد جدا ف الترمين نصيحة منى لاى حد عايز يدخل علوم او دخلها فعلا ميسمعش لكلام الناس اللى بتقول صعبة و مش حتمشى و الكلام ده و جرب بنفسك احسن سلام The Philosopher 05-08-2009, 05:21 PM تتخررج؟؟؟؟؟؟؟؟قدامك 8 سنين فى علوم لو شديت حيلك......................ده مش كلامى ده كلام كل الناااااااااااس السلام عليكم ورحمة الله وبركاته أولا مفيش حد ممكن يتنبأ بالمستقبل وكلية علوم مش صعبة أوى يعنى لو عندك شوية ارادة وتصميم هتتفوق فيها وتجيب مجاميع كويسة كل سنة وبعدين أصلا الشغل دى حاجة بتاعت ربنا وربنا وحده اللى يعلم بكره هيحصل ايه بلاش احباط وكفاية كده حرام عليكم كمان كنت عايز أقول وحضرتك مين عرفك ان طالب طب مش يحصل معاه كده وياخد السنة بسنتين وقتها بقى هيكون 14 سنة والسلام عليكم ورحمة الله وبركاته |