دلوقتى انا عايزه احول من علوم عين شمس
الى علوم اسكندريه
مش عارفه اعمل ايه ؟
ايه الخطوات الى المفروض اعملها؟
ياربت حد يفدنى

يعني انتي من اسكندرية اصلا؟!..مش محتاج اقولك قواعد التوزيع الجغرافي.
لو انتي من اسكندرية .. هتستني لما مكتب التنسيق يفتح باب التحويلات عالنت..و فيه تلات اختيارات:
تحويل لتخصص مناظر يعني نفس الكلية بس لجامعة اقرب.
و تحويل لتخصص غير مناظر.
و تحويل مخالف لقواعد التوزيع الجغرافي و ده بيبقى التماسات و حالات خاصة.

ينى ايه تخصص مناظر
هو انا لسه اتخصصت ؟!
انا مش عارفه افهم
انا مجموعى مجبش محافظتى
ولا جاب النطاق ب
جاب اول كليه فى النطاق ج
حينفع احول بفلوس او نت او اى حاجه

يا بنتي تخصص مناظر يعني تحولي لنفس نوع الكلية بس جامعة تانية مثلا من علوم لعلوم مش تخصص جوه الكلية.
و خلاص مدام انتي من اسكندرية و جاتلك عين شمس استني التحويلات عالنت و لو منفعتش يبقى في سكة من الباب الخلفي ابقى اقولك عليها.
بس انصحك تقدمي في المدينة الجامعية في جامعة عين شمس عشان تبقي ضامنة لو التحويل منفعش.

طالما انتى جايبه الحد الادنى للكلية دى ودخلتيها خلاص ينفع تحولى لاى كلية علوم فى محافظتك
حتى لو مش جايبه مجموعها ومن عالنت من غير ما تروحى الكلية اللى فيها
حصلت مع صحبى كان هندسة شبين الكوم ومكنش جايب مجموع المنصورة وحول المنصورة من عالنت
بالتوفيق

طالما انتى جايبه الحد الادنى للكلية دى ودخلتيها خلاص ينفع تحولى لاى كلية علوم فى محافظتك
حتى لو مش جايبه مجموعها ومن عالنت من غير ما تروحى الكلية اللى فيها
حصلت مع صحبى كان هندسة شبين الكوم ومكنش جايب مجموع المنصورة وحول المنصورة من عالنت
بالتوفيق

بس انا عايز اقول ان التحويل بتاع النت مش دايما بينفع .. حصلت معايا كان جايلي علوم المنصورة و جيت احول اسكندرية من عالنت و منفعش.
و واحد صاحبي جاله هندسة اسيوط و جه يحول اسكندرية اليكتروني منفعش.
خصوصا الكليات العملية بتبقى اصعب...لان الاماكن بحساب.

شكـرا ليكوووا
طب انت رايك احوول منين ؟!
غير النت ؟

لا النت اساسي ... انت لازم تستني النت ده اول حاجة لازم تتعمل.

اوكى حعمل نت
بس ايه الطريقه التانيه ؟

الطريقة التانية تحسيها دكاكيني شوية.
روحت اشتريت طلب من مكتب التنسيق في كلية الحقوق بـ100 جنيه.
و كل شوية اروح ادارة الجامعة اسأل لغاية ما قالو اتقبل.
و تحضري عادي و تستني اسمك ينزل في الكلية عشان تبدأي تجيبي ملفك و اجراءات الكارنيه و خلافه.
و لما الاسامي تنزل هتروحي شون الطلبة تقوليلهم الاسامي نزلت نعمل ايه دلوقتي .. يقولولك هاتي ملفك و ادفعي حوالي 1200 جنيه (مصلحة بقى!).

طيب هو ينفع احول لكلية انا جايب مجموعها بس مكنتش كاتبها فى الرغبات ؟؟
-----------------------------------------------------------------------------------------
1200جنيه !!! ليه ؟؟ هو انا بحول لهندسة بتروول مثلا ولا حاجه !!!
ياعم والله افضل فى كليتى وخلاص واجيب لبس بالفلوس دى ده ايه ده ؟
شكرا جدا لك

و الله انا معرفش موضوع انتك تكون كاتبها في الرغبات انا كنت بسمع انك عشان تحول لازم تكون كاتبها بس مش متأكد.
بالنسبة للـ1200 هما فعلا كتير على تحويل .. بس هو بيقولك ده كانه تبرع للكلية عشان الطلبة المحولين دول زيادة على طاقتها(بس طبعا كله كلام فاضي).
بس الفلوس دي عايز اقولك انك لو في اقاليم كنت هتصرف اكتر منها مصاريف السفر و غيره.

على فكرة انا برضه زيك انا جاتلى علوم طنطا وعايز علوم اسكندرية
واللى حعمله انى حستنى فتح باب التحويلات على النت يوم الاتنين وحقدم طلب تحويل
وان شاء الله انا وانتى نحول اسكندرية
وكل اللى عايز يحول يارب يحول