أولاً تعريف بسيط بفن المقامات : هوه فن نشأ في القرن الرابع الهجري علي يد بديع الزمان الهمذاني , والمقامات عبارة عن مجموعة من الكلام المحسن والبديع والمقفي ويعتبر فن قصصي علشان بيحكي قصة معينة أو فيه نصيحة.
لو تفتكروا أخدنا المقامة الحلوانية لبديع الزمان الهمذاني في ثانوي.
ثانياً : ياريت نخلي بالنا من التشكيل الموجود علي الكلمات الأخيرة حين النطق وخاصة هل فيه تنوين أو لا
علشان القافية تتظبط.

المقامة الصيدلية

فِيْ لَيْلَةٍ قَدْ كُنْتُ فِيْهَا نَائِمَا , أَفْتَرِشُ الأَرْضَ وأَلْتَحِفُ السَمَا , وَعَيْنِيَّ يَمْلَؤُهَا القَرِيْر , وَتُرَدِدُ الأَفَاقُ أَصْدَاءَ الشِّخِيْر , حَتَي سَمِعْتُ أَصْوَاتِ الهَرَج , وَتَعَالَتِ الحَرَكَاتِ وَاشْتَدَ المَرَج , فَصَحَوْتُ فَوْرَاً فِي فَزَع , وَجَرَيْتُ نَحْوَ أَهْلِي فِيْ جَزَع , مَاذَا دَهَاْكُمْ يَا تُرَي؟ , وَلِمَ الصَّرِيْخُ وَالْبُكَا ؟ , نَادَوا بِإِسْمِي فِيْ فَرَح , تَعَالَي قَدْ زَالَ الطَّرَح , ظَهَرَتْ نَتِيْجَةُ ثَانَوِي , فَطَفِقْتُ رُعْبَاً أَهْوِي , حَتَي أَتَانِي صَوْتُ أُمِّي فِيْ سَعَادَة , حَصِلْتُ عَلَيْ مَجْمُوْعِ طِبٍ وَزِيَاْدَة , وأَخْذُتْ أُمِّيْ فِيْ عِنَاقي , وَقَدْ كُنْتُ فَرِحَاً لانْعِتَاقِي , مِنْ سِجْنِ الدِّرَاْسَةِ الثَاْنَوِيْة ,وَبِمَجْمُوْعِي ذِي الطَلَّةِ البَهِيَّة .

ولَمَّا ذَهَبْتُ لأَسْحَبَ الوَرَقَاتِ , مِنْ قِسْمِ تَنْسِيْقِ الرَّغَبَاتِ , وَضَعْتُ أَوَّلَهَا الصَّيْدَلَة , فَغَيْرَهَا كُلِّيَةً لَنْ أَدْخُلَ (تُنطَق أدخلا) .
ذَهَبْتُ أَوَّلَ يَوْمٍ مُوْقِناً , بَأَنَ حُلْمِي أَضْحَي وَاقِعَاً , وَأَنَنِي سَأُصْبِحُ صَيْدَلِيَا , مَهِيْبَ الخَطِوِ فِيْ الدُنْيِا ثَرِيَّا , فَلَمَّا دَخَلْتُ لِلْمُدَرَجِ بَابَا , عَانَيْتُ فِيْ التَّوِ إِكْتَئَابَا , فَمَا رَأَتْ عَيْنِي مُحَاْل , وَجَالَ فِيْ ذِهْنِيْ سُؤَاْل , أَتِلْكَ كُلِّيَةٌ عِلْمِيْة؟ , أَمْ أَنَّهَا فُصُوْلُ مَحْوٍ لِلأُمِّيَة , كُلُّ الوجُوْهِ تَنْظُرُ فِي اقْتِضَاْبِ , وَقَامَاتُهُمْ لِضِيْقِ الدُرْجِ فِيْ انْتِصَابِ , فَوَقَفْتُ بُرْهَةً مِنَ الزَمَن , أَخْطَأْتُ وَدَفَعْتُ الثَمَن ..!! , قَدْ قَاْلَ لِيْ الدُكْتُوْرُ بِاحْتِقَاْر , اطْلَعْ بَرَه يَاض يَا حُمَاْر , فَدُرْتُ عَلَي عَقِبَيَّ , وَأَطْلَقْتُ لِلْرِيْحِ قَدَمَيَّ , لأَنْفُدَ وَلَوْ بِبَعْضِ جِلْدِي , وَنَحَوَ الكَافِيْتِرْيَا كَانَ قَصْدِي , وَمَنْ يَوْمِهَا طَلَّقُتَ ذَا المُدَرَج , وَقَدْ قَارَبْتُ اليَوْمَ لِلْتَخَرُجِ , وَلَمْ أَحُضُرْ وَلا مُحَاضَرَة , وَقَدْ أَسْمَيْتُهَا مُهَاتَرَة .
وَمَرَ العَاْمُ الأَوَّلُ فِيْ عِنَاْدِ , وَكَمْ صَاْدَفْتُ فِيْهِ مِنْ مَوَاْدِ , نَجَحْتُ فِيْهَاْ بِالدُّعَاْءِ , وَذُقْتُ الوَيْلَ مِنْ بُؤْسِ العَنَاْءِ , وَجَاْءَ العَاْمُ الثَاْنِي عَلَي عَجَل , وَمِنْهُ القَلْبُ يَخْفُقُ فِيْ وَجَل ,
وَأَرْسَلَ لِيْ عَقْلِي اسْتِغَاْثَة , أَرِحْنِي مِنْ هَمِّ الدِرَاسَة , وَأَضْحَتِ الحَيَاْةُ كَالِهَبابَا , وَطَارَتِ الأَمَانِي كَالذُبَابَا , وَجَائَتْ النَتِيْجَة كَالقَضَاْءِ , لِيُعْلَنَ ضَمِّيْ فِيْ كَشْفِ الغَبَاْءِ ,
أَبَعْد كَلِ هَذَا الهَمِّ ..!!
أُدَبْلِرُ ..!! فَيَا وَيْحَ أُمِّي؟
فَكَمْ مِنْ مَاْدَةٍ ذَاْكَرْتُهَا , وَطَوْلَ الليْلِ قَدْ رَاْجَعْتُهَا , وَلَمَّا أَشْرَقَ الفَجْرُ وَلاَح , ذَهَبْتُ لِلَجْنَتِي أَرْجُو النَّجَاْح , وَفِيْهَا جَلَسْتُ طُوَالَ الوَقْتِ أَهْذِي ,
أَهَذَا إِنْجِلِيْزِي يِا وِاْدْ يِا مُرْسِي؟ .

وَمَرَّتِ السُنُوْنُ فِي رَتَاْبَة , أَقَاسِي كَأَنِي وَسْطَ غَاْبَة , فَكَمْ شَرَّحْنَا فَي الفَارَمَا ضَفَادِع , وَكَمْ رَسَمْنَا مَاكِيْنَاتِ المَصَانِع , وَكَمْ حَرَقْنَا فِي المَعَاْمِلِ مِنْ ثِيَابِ , وَشَاْبَ الشَّعْرُ فِي سِنِّ الشَبَاْبِ , وَعَانَيْنَا المَرَارَةَ فِي المَسَاْئِل , وَكَشَفْنَا الجَوَامِدَ وَالسَّوَائِل , وَكَمْ شَرِبْنَا فِي ال pipete كُلَّ حِمْضٍ , وَكَابْدَنَا مَعَ الفِئْرَانِ سُوْءَ عَضٍ , وَذُقْنَا فِي البَيْو ذَلَ المَهَانَة , وَتَعِبْنَا أَكْثَرَ مِنْ شيل الحِجَارَة , وَنَطْقْنَا فِي العَقَاقِيرِ اللاتِيْنِي , وَضِعْنَا فِيْ حِفْظِ المَارِيْنِ , وَفَارَقْنَا السِيُوْتِكَال بَعْدَ وَيْلٍ , لِتَلْقَانَا الكِوَالِيْتِي بِكِل غِلٍّ .
فَهَلْ لِيْ مِنَ الكُلِّيَة .. بِوَشْكِ البَيْن* ,
بِحُسْنِ السَيْرِ .. وَحِفْظَاَ لِمِاءِ العَيْن.
وَلَكِنْ
لِمَنْ أَشْكُو وَأَنْعِي سُوْءَ حَالِي
وَمَنْ يُصْغِي ؟
وَهَلْ يُجْدِي سُؤَالِي؟.
-------

*وشك البين : سرعة الفراق
وزي ما قال عمرو بن كلثوم في معلقته
قِفِي نَسْأَلْكِ هَلْ أَحْدَثْتِ صَرْمَاً .. لِوَشْكِ البَيْنِ أَمْ خُنْتِ الأَمِينَا

هههههههههههههه
جامدة جدااااااا
جزاكى الله خيرا يا جميل

هههههههههههههههههه
ربنا يستر
شكرا ع الموضوع

ههههههههههههه
جميله والله
مشكوووره

هههههههههههههههههههههههههه
موضوع جامد جدا
لو تاليفك اكتر من رائع مشكوووووووووووووووووووووووووووووووره

ههههههههههههههههههه
بجد أحلى مقامة سمعتها في حياتي
والله غلبت بديع الزمان الهمذاني

جامدة المقامة دى
ممكن نضمها للتاريخ الفنى للكلية
ههههههههههههههههههه

حلوة المقامة
واضح ان كلية صيدلة بتطلع المواهب الدفينة اللي عند الطلبة :p
يعني مش بعيد لما ادخل الكلية اكتب شعر وروايات:d
ربنا يستر و ان شاء الله كلنا نجيب التقديرات اللي ترضينا

hhhhhhhhhhhhhhhhhhhhhhh

its very nice

thank u

جزاكى الله خيرا
مشكوره على الكلام الجامد ده

شكرا يا جماعة والله ده من ذوقكم بس

والله بجد مقامة جامدة جداااااااااااااا

no comment
ملكش حل
جامده اخر حاجـــــــــــه

:dتوحفة بجد والله
نفس احساسى اول ما دخلت المدرج
الواحد حس بالذل وقلت يا ريت ايام الثانوية ترجع

ربنا يبشرك بالخير

خف علينا شوية

احنا اساسا خايفين

كدة هتخوفنا اكتر

بس عموما

روووووووعة

تسلم ايدك

شكرا على الردود يا جماعة

جمييييلة اوى بس كرهتيني فى صيدلة اكتر منا كارهاها :d

انا معرفش انت دخلت صيدلة ايه يا عبقرى بس أ كيد مش صيدلة عين شمس
فصول محو الاميه اللى بتتكلم عليه دى فى حته تانيه
و بعدين احمد ربنا على كل حال غيرك كان بيحلم بيها :excl:

على فكرة أنا صيدلة عين شمس

وشكرا بجد على الردود

شكراً لكل الناس اللي مرت وأثنت علي المقامة بتاعتي
وشكر خاص ل Dr.genius2009 (http://www.thanwya.com/vb/member.php?u=236070) علي نقلها
بس كنت هبقى سعيد أكثر لو كنتي بينتي إنها منقولة
خاصةً إن فيه حد سأل ومجاوبتيش عليه

المقامة دي من تأليفي
وكان أول نشر ليها علي مدونتي الخاصة
ومضات (http://wamadat40.blogspot.com/2009/05/blog-post.html)

خريج صيدلة بني سويف

سوري والله أنا ماركزتش في الموضوع بتاع منقول ده أنا جبتها من الفيس بوك أصلا

وأكيد مش هعرف أكتب مقامة حلوة كده زي بتاعة حضرتك لسببين

أولا أنا اعفاء عربي يعني ماخدهوش خالص

ثانيا أنا لسة داخلة اعدادي صيدلة يغني أكيد برده مش هعرف أكتب المواد والناس كلها عارفة كده

بس بجد أنا كنت برد أصلا من غير ما أشوف المشاركات

وبجد أنا آسفة جدا اني ملاحظتش الموضوع ده

وربنا يباركلك في موهبتك يارب ونشوف حاجات أكتر وأكتر

مفيش داعي للإعتذار
لأني أصلاً مش زعلان