مشاهدة النسخة كاملة : نداء لكل الحاسوباتيين
el saher dodo 08-08-2009, 06:25 PM بسم الله الرحمن الرحيم
السلام عليكم ورحمة والله وبركاته
انا حبيت اعمل الموضوع دا كا قتراح بس مش اكتر
أنا بقترح على اللى ف كلية حاسبات بالفعل اننا مثلا ممكن نشرح اجزاء بسيطة من المناهج
هاتبقى حاجت بسيطة اوووى طبعا لاننا لسة ف أجازة بس عشان اللى داخلين يبقى عندهم فكرة اكتر عن المنهج
وانا شايف ان فى ناس كتير ف حاسبات ومعلومات فعلا
اكيد هانحتاج مساعداتهم طبعا
لو موافقين ع الفكرة انا مستعد ابدأ من بكرة كمان لو حبيتوا
واى حد ف حاسبات طبعا يبدأ معايا
يلا مستنى اشوف ارائكوااااا
~: Zac :~ 08-08-2009, 07:02 PM فكرة جميلة جدا ربنا يوفقك واحنا معاك ان شاء الله
الاسطورة 08-08-2009, 07:57 PM ابدأ يا دودو ابدأ
بس لو مش شرحت كويس ها اضربك لما اقابلك ف الكلية
el saher dodo 08-08-2009, 09:17 PM هههههههه
هو حضرتك المنصورة؟؟؟؟
يا اسطورة؟؟؟
وبعدين فين الاراااااااااء يا شباب؟؟
E/GOGO 09-08-2009, 12:50 AM فكرة حلوة اوى
وبجد هتفدنا نكون عارفين حاجات فى المنهج قبل مندخل
واحنا شاء الله معاك
الاسطورة 09-08-2009, 01:45 PM هههههههه
هو حضرتك المنصورة؟؟؟؟
يا اسطورة؟؟؟
وبعدين فين الاراااااااااء يا شباب؟؟
ههههههههههههه اه منصورة
حضرتى اه
بس اما تعرف انا مين
بس مش ها اقولك
حاول تعرف لوحدك :p
bluestorm 09-08-2009, 02:56 PM والله فكره حلوه ربنا يوفقك
el saher dodo 09-08-2009, 05:30 PM أوك يا جماعة
خلاص ان شاء الله النهارده بالليل هانزل اول جزء
وان شاء الله هايعجبكوا
el saher dodo 09-08-2009, 10:08 PM بسم الله الرحمن الرحيم
انا يا جماعة هابدأ بمادة علوم الحاسب
علوم الحاسب بسيطة جدااااااااا وجميلة جداااااا وهتحبوها اوووى
هيا بتتكلم طبعا عن الكمبيوتر ووحدات القياس فيه والانظمة العددية وكيفية تحويل من نظام لنظام اخر
بس انا مش هبدأ بالانظمة العديية
انا هبدأ بالكمبيوتر الاول وحاجات سهلة كدة
الكمبيرتر يا شبات هو ممكن نعتبره انسان ( نعم يا خويا ؟؟؟ انسان ازاى يعنى ؟ هتضحك علينا )
لا استنوا بس
جسم الانسان مش فيه حاجات اساسية؟؟؟ واطراف؟؟؟؟
حد ممكن يستغنى عن الحاجات الاساسية؟؟؟؟ بس ممكن نستغنى عن الاطراف صح؟؟؟
هو دا الكمبيوتر بالضبط فيه حاجات اساسية مش ممكن نستغنى عنها وفيه وحدات طرفيه ممكن نستغنى عنها
(بص احنا مش فاهمين منك حاجة لخص مش فاضيين ) أووووووووووك
بصوا يا حاسوباتيين
الكمبيوتر بيتكون من حاجتين اتنين
Hardware & software
طيب نتعرف الاول على hardware
الهارد وير بكل بساطة هو اى حاجة تقدر تلمسها تلمسها تلمسها وبركز عليها
اى حاجة تقدر تلمسها اسمها هاردوير
زى الشاشة – الكيبورد – الماوس – السماعات اوك؟؟؟
طيب و software
السوفت وير بقى دى اى حاجة انت ما تقدرش تلمسها (نعم؟؟؟ وهو ف حاجت معرفش المسها) اه والله
زى البرامج – برنامج ال word تعرف تلمسه ؟؟؟؟ وهكذا بقة
لغاية كدا تمام صح؟؟؟؟
طيب نتعرف بقى على مكونات ال hardware
http://www.up-00.com/oqfiles/Ec647108.jpg (http://www.up-00.com/)
اولا ال in put devices دى وحدات الادخال
دى اى حاجة تقدر تلمسها وتستخدمها لادخال البيانات للكمبيوتر
اه فى هنا واقفة الاول
( انت قلت بيانات يعنى ايه الكلمة دى؟؟؟ )
بصوا البيانات دى هى عبارة عن المادة الخام - الاصل – بمعنى اصح الصفر والواحد
وبتبقى عبارة عن ارقام وحروف ورموز .......
(انت بتضحك علينا ؟؟ مانت قلت صفر وواحد ) انا مش بضحك عليكوا فعلا صفر وواحد لان كل حرف او رمز بيبقى ليه رقم معين الرقم دا بيتحول للنظام الثنائى اللى هو الصفر والواحد ( فهمتوا )
يبقى تانى اول حاجة وحدات الادخال اللى بنستخدمها لادخال البيانات
زى الماوس - الكيبورد – ال light pen القلم الضوئى
ثانيا output devices وحدات الاخراج
دى اى جهاز بنقدر نلمسه وبنستخدمه لاخراج بيانات ( غلللللللللط كلمة بيانات هنا ) حد عارف ليه..؟
لاننا بندخل للكمبيوتر البينات وبيطله منه معلومات والصح اننا نقول بقة
دى اى جهاز بنقدر نلمسه وبنستخدمه لاخراج معلومات
زى الشاشة – الطابعة – السماعة – البلاتر ( ودا زى الطابعة بس بيطله منه الحجم كبير مش ورق صغير )
ودا شرح لكلامى
http://www.up-00.com/oqfiles/aE547108.jpg (http://www.up-00.com/)
ثالثا ال CPU المعالج
اختصار للكلمة central processing unit وحدة المعالجة المركزية
دا اللى جواة بتتحول البيانات لمعلومات واضح كدة ؟؟؟
طيب ف حاجة بقى اسمها
Input & out put devices
وحدات ادخال واخراج معا
بصوا ابسط حاجة فيها الموبايل الصينى شوفتوا الشاشة بتاعته؟؟
بتدخلها بيانات صح؟؟؟ بالقلم الصغير دا ( باللمس يعنى )
وبيخرج منها معلومات ع الشاشة صح
دا مثال ليها واسمها العلمى بقى touch screen شاشة اللمس
بالنسبة للشاشات فيه نوعين منها كمان
الاولى اسمها LCD زى اللى موجوده ف اللاب توب ودى اختصارها Liquid Crystal Display
والتانية CTR ودى اختصار ل cathode tube rays انبوبة اشعة الكاثود ودى اللى موجوده عندنا ف البيوت
ف حاجة كمان اسمها وحدات طرفية peripheral devices وحدات طرفيه
زى الفلاشة مثلا مش الكمبيوتر ممكن يشتغل بدونها؟؟ دى وحدة طرفية
كدة اكون خلصت جزء الهاردوير
ان شاء الله هشرح السوفت وير كمان هو اسهل طبعا
وهتفهموه
بس انا عاوز الاول اعرف ارائكوا ف الشرح واستفسارتكوا طبعا
موني دياب 09-08-2009, 10:36 PM لا بجد شرح جااااااااااااااااااااااااااااااامد قوي ومستنييين منك السوفت وير
مرسيه ليييييييييييييييييييييييييييييييك قوي
emytone 10-08-2009, 12:36 AM شرح ممتاز
بس أنا عندى سؤال هو الموضوع ده شرح للطلبة اللى لسة هايدخلوا سنة أولى يعنى ولا فى شرح لسنوات أكبر ولا من غير تحديد هى مواضيع شرح للتوضيح بغض النظر عن السنة الدراسية
el saher dodo 10-08-2009, 01:52 AM دا للى داخلين سنة اولى لسة
وشكرا على ارائكوا طبعا
E/GOGO 10-08-2009, 01:56 AM بجد تسلم
شرحك مية مية
وجزاك الله خير انك بتساعدنا المساعدة الجامدة دى
وان شاء الله مستنين المزيد
الاسطورة 10-08-2009, 03:25 AM جامد يا دودو
الدكتور مجدى زكريا عامل شغل
مستنيين القادم
el saher dodo 10-08-2009, 10:01 PM جامد يا دودو
الدكتور مجدى زكريا عامل شغل
مستنيين القادم
ماشى يا مودى صح ولا ؟؟؟؟؟؟؟
يلا يا شباب اللى عنده اى استفسار ف الجزء اللى فات
عشان بكرة ان شاء الله هاكمل الباقى
el saher dodo 11-08-2009, 01:08 PM بسم الله الرحمن الرحيم
رجعتلكوا تانى
ودلوقت هانشرح السوفت وير
السوفت وير
زى ما قلت اى حاجة ف الكمبيوتر مش نقدر نلمسها بايديناوقلت مثال
برنامجال Word , winamp , …..
السوفت وير عندنا بينقسم لحاجتين اتنين بس
http://www7.0zz0.com/2009/08/11/10/795685053.jpg (http://www.0zz0.com)
اولا Application software
دا عبارة عن برامج التطبيقات ( يعنى ايه برنامج تطبيقى اصلا ؟؟ )
البرنامج التطبيقى ده اعتبروه مثلا وسيلة مساعدة لما بتحتاج ليها بتستخدمها
هو البرنامج كدة ممكن الكمبيوتر يشتغل من غيره ولو انت عاوز تستخدمه ف اى وقت استخدمه
زى برنامج ال word طبعا ممكن الكمبيوتر يشتغل عادى من غيره
لكن لما هتكون عاوز تكتب حاجة تعمل ايه؟؟؟ يبقى انت محتاج ليه صح ؟؟؟
امثلة ليه بقى اى برنامج زى excel , jet audio , ……..
ثانيا ال system software او ليه مسمى تانى Operating system
نظام التشغيل
ايه هو نظام التشغيل دا بقى؟؟؟
نظام التشغيلهو برنامج بس مش زى التطبيقى ( ازااااااى ؟؟؟؟ )
انا قلت التطبيقى ممكن نستغنى عنه صح ؟
دا ما ينفعش نستغنى عنه دى اول حاجة
تانى حاجة نظام التشغيل دا اللى بيربط بين الهارد وير والسوفت وير
يعنى مثلا لو جبت ماوس حالا ووصلته بالجهاز مش هايشتغل من نفسه كدة صح؟؟
كان مكتوب ف كتاب علوم الحاسب عن السوفت وير
It's a software that make your computer work
امثلة ليه بقى
Windows 3.11 , Windows NT , Windows 95 , Windows 98 , Windows 2000 , Windows XP , Windows vista
فى حاجة برده عاوز اقولها فى واحد ممكن يقولى ويندوز اكس بى سيرفس باك 2 وويندوز اكس بي بروفيشنال
الحاجات دى بتبقى versionsيعنى اصدارات من الويندوز
كدا جزء السوفت وير خلص
بس انا عاوز برده اقول شوية معلومات عن الكمبيوتر
اول شركه اخترعت الكمبيوتر هى شركةIBM وعلفكرة الكمبيوتر ف الاول خالص
كان اله حاسبة مش اكتر لكن مع الزمن والتطور بقى زى ما احنا شايفين دلوقت
الكمبيوتر ليه انواع
انواعه
PC ( personnel computer ) ا الحاسب الشخصى زى اللى عندنا
دى الحاسبت اللى احنا بنستخدمها ف البيت وبتبقى اشكالها مختلفة واحجامها كمان
واول شركة اخترعتها كانت IBM سنة 1981
ودى صورته
http://www.up-00.com/oqfiles/SF343115.jpg (http://www.up-00.com/)
حتة زيادة بقى في منه نوعين
الاول افقى ودى صورته
http://www.up-00.com/oqfiles/sl743115.jpg (http://www.up-00.com/)
والتانى عامودى
http://www.up-00.com/oqfiles/SF343115.jpg (http://www.up-00.com/)
تانى نوع من انواع الكمبيوتر
الحاسب المحمول أو Lap top
طبعا كلنا عارفينه ودا بيبقى خفيف الوزن وسهل ف التنقل طبعا وممكن يشتغل بدون الطاقة الكهربية
http://www.up-00.com/oqfiles/Vw643791.jpg (http://www.up-00.com/)
تالت نوع
الحاسب الرئيسى أو main frame
وبيقولوا عليه الكمبيوتر العملاق لانه حجمه كبير جدا وقوى طبعا وسعره عالى اووى
بيستخدموه ف المؤسسات
دا صورته
http://www.up-00.com/oqfiles/6Bx43791.jpg (http://www.up-00.com/)
رابع نوع
APPLE MAC
دا بقى رووووووووعة ليه برامج خاصة بيه
ونظام تشغيل مختلف ( انتوا فاهمين طبعا يعنى ايه نظام تشغيل صح ؟ )
http://www.up-00.com/oqfiles/nZA43791.jpg (http://www.up-00.com/)
خامس نوع
الكمبيوتر الشبكى أو network computer
الشبكة طبعا بتوصل اكتر من حاسب مع بعض وكمان ممكن من خلالها تستخدم طابعة واحدة
لان الاجهزة دى بتبقى مرتبطة مع بعض
http://www.up-00.com/oqfiles/ljL43872.jpg (http://www.up-00.com/)
سادس نوع
المساعد الرقمى الشخصى (PDA )
دا ممكن تستخدمه عشان يفكرك بأى حاجة
وممكن توصله بالنت عادى
ودى صورته
http://www.up-00.com/oqfiles/RWV43872.jpg (http://www.up-00.com/)
كدة خلصنا الجزء دا
بعد كدة هنكمل حاجات خفيفة كدة معلومات حلوة برده عن الكمبيوتر ووحدات قياسه
ووسائط التخزين والزاكرة بتاعته والفرق بينهم و ...........
ما تقلقوش حاجات سهلة اوووى وهتحبوها اووووووى
E/GOGO 11-08-2009, 09:40 PM بجد مجهود رائع منك
تسلم ايدك
وكمان الشرح ممتاز
ومستنين المزززززيد
el saher dodo 12-08-2009, 11:36 PM بسم الله الرحمن الرحيم
دا أخر جزء هاشرحه ف المعلومات دى عشان ندخل بقة على
الانظمة العددية
وحدات القياس ف الكمبيوتر
طبعا عارفين وحدات القياس العادية زى الجرام والكيلو جرام صح؟؟؟؟؟ ( ودى علاقتها ايه بالموضوع ؟؟؟ )
بصوا الكمبيوتر برده ليه وحدات قياس
وأولها حاجة اسمها البت ( بكسر الباء ) Bit ( ايه البت دا )
البت دا اصغر وحدة قياس تتصوروا يكون ايه؟؟؟؟؟؟؟؟؟
البت دا هو الصفر او الواحد
تانى حاجة
البايت و البايت يساوي 8 بت
.
بعد كدة الكيلو بايت ( زى الكيلو جرام )
الكيلوبايت (KB) تساوي 1.024 بايت، او تقريبا ألف بايت.
بعد كدة الميجا بايت وليها اسم تانى الميغا بايت
الميغابايت (MB) تساوي 1.024 كيلوبايت، او تقريبا ألف كيلوبايت او تقريبامليون بايت.
بعد كدة الجيجا بايت وليها برده اسم تانى الغيغا
الغيغابايت (GB) تساوي 1.024 ميغابايت، او تقريبا ألف ميغابايت اوتقريبا مليار بايت
ف حاجة بقى اكبر كمان اسمهاالتيرا (Tera )
التيرا فيها 1024 جيجا
وحدة المعالجةالمركزية CPU) المعالج (
دا العقل بتاع الكمبيوتر لانه بيستخدم لمعالجة البيانات وسرعته بتتقاس بوحدة
اسمها الميجا هرتز
ذاكرةالوصول العشوائيRAM
اكيد كلنا نعرفها ولو حتى اسما بس
اولا هى اختصار ل Random Access Memory
الزاكرة دى مؤقته ( ما كلهم بيقولوا كدة ؟؟؟؟؟ )
استنوا بس اسمعونى
دى زاكرة بتخزن عادى بس فيها حاجة بقى بتمسح كل اللى اتخزن عليها اول ما الكمبيوتر بيتقفل
يعنى انا لو شغال ع ال Word دلوقت الزاكرة دى بتبقى شغالة معايا اول ما الجهاز يتقفل الزاكرة دى
بتشيل كل اللى خزنته ( ازاى مانا بعمل حفظ قبل ما اخلص ) دى حاجة تانية مالناش دعوة بيها
والسعة بتاعت الزاكرة دى بتتقاس بالميجابايت او الجيجا بايت
ذاكرة القراءة فقط(ROM)
اختصار ل Read Only Memory
دى ذاكرة للقراءة فقط يقوم المعالج بقراءة البياناتمن ذاكرة القراءة لكن ما يعرفش يغيرها
الزاكرة دى بكل بساطة دائمة ( برده بيقولوا كدة ) دائمة لان الشركة اللى مصنعة الكمبيوتر هيا اللى بتبقى حاطاها عشان بتبقى مهمة عشان الكمبيوتر يحمل نظام التشغيل
حتة كمان كدة صغنطوطة الزاكرة دى بيبقى عليها برنامج اسمه ROM BIOS البرنامج دا بيعمل فحص ع الجهاز وهو بيفتح ( مش فاهمين ) اوك هاقولكوا ازاى
افترض انك بتفتح الجهاز دلوقت ما فتحش وسمعت صوت صفارة كدة ( بتبقى الرامات مثلا معلقة )
ايه اللى خلاك تعرف ان فى حاجة واقفة ؟؟؟؟ ايه اللى اداك انزار ؟؟؟؟ هو البرنامج دا
يا رب تكونوا فهمتوا قصدى
الشبكات
الشبكةالمحلية LAN
اختصار ل Local Area Network
ودى عبارة عن شوية اجهزة كدة متوصلين مع بعض بس ف مكان محدود مكان صغير يعنى
عارفين لما مجموعة تشترك وتعمل نقطة للنت ؟؟؟ حتى بقى لو كانت المسافة بينهم بعيدة اسمها برده محليه لانها محدودة
الشبكات الواسعة WAN
اختصار ل Wide Area Network
من الاسم دى بتخلينا نوصل اكتر من جهاز ف اى مكان ف العالم
يعنى لو ف مصر والسعودية يبقى اسمها WAN
كفاية اوى كدة ف الجزء دا ولو فى حاجات تانية مهمة برده ان شاء الله هقولها
موني دياب 13-08-2009, 01:02 AM بجد شرحك جااااااااااااامد جدااااااااااااا ومستنيين الباقي
el saher dodo 13-08-2009, 01:08 AM شكرا بجد على ارائكوا
بس انا ليا طلب
عاوزكوا اهم حاجة تركزوا اوووووى ف الشرح وتطلعوا اسئلة ولو مش فاهمين حاجة قولوا عليها اقولها بطريقة تانية
وان شاء الله
لما هتدخلوا الكلية وتشوفوا نفسكوا وتشوفوا الباقى مش عارفين اللى بيتقال زى ما حصل معانا طبعا
هتقولوا الحمد لله ابقوا ادعوووووووولى ها ؟؟؟؟؟؟؟؟
ربنا معاكوا ومعايا برده
~: Zac :~ 13-08-2009, 11:52 AM تسلم ايدك يا باشا ع المجهود الجميل الشرح جميل جدا والله ربنا يجازيك كل خير ويكرمك .....
E/GOGO 14-08-2009, 01:36 AM بجد هايل وكمان الشرح واضح جداااا
فبجد مش محتجين نسال
ومنتظرين المزيييييد
el saher dodo 14-08-2009, 01:48 AM بجد شكرا على ارائكوا
وان شاء الله هنكمل طبعااااااااا
بس انا بسيبكوا كدةبتأخر على ما احط شرح تانى عشان احنا ف اجزة برده ولازم كلنا نتمتع
شكرااااااااااا
romio2010445566 20-08-2009, 09:29 PM شكرا على الشرح الرائع
الاسطورة 22-08-2009, 01:05 PM ماشى يا مودى صح ولا ؟؟؟؟؟؟؟
يلا يا شباب اللى عنده اى استفسار ف الجزء اللى فات
عشان بكرة ان شاء الله هاكمل الباقى
ههههههههههه برافو عليك
صح
كمل يا باشمهندس انت عامل شغل جامد جدآآآ....ولو احتاجت اى حاجة قولى
توته. 24-08-2009, 10:23 PM شكرااااااااااااااااااااا بجد روعة
محمد سليمان 2010 25-08-2009, 06:05 PM انا قريت كل حاجة اني افهم كلمة واحدة
مفهمتش اي حاجة
E/GOGO 09-09-2009, 04:24 AM ايه دة يا دودو
انت بعت القاضية
فينك مكملتش بقالك فترة
مستنييين التكملة
eng.ahmed55 10-09-2009, 04:50 PM بجد الموضوع فى قمة الروعة ايوا كدا عاوزين اكتر
ahmed abobakr 10-09-2009, 05:34 PM ازيكم شباب سنة اولى
احمد سنة 2 جامعة القاهرة
على فكرة الكلية جميلة جدا جدا وبجد هتحبوها من اول يوم
واى استفسار عن اى حاجة انا فى الخدمة
سلام
eng.ahmed55 10-09-2009, 05:52 PM اهلا بيك يا بشمهندس معانا انا احمد داخل اولى حاسبات الزقازيق ان شاء الله
eng.ahmed55 10-09-2009, 06:34 PM ومستنيين تكملة الموضوع
el saher dodo 11-09-2009, 05:33 PM معلش يا جماعة كنت مشغول شوية بس
والصيام برده بيعمل شغله
ان شاء الله هكمل
واسف للتأخير
eng.ahmed55 12-09-2009, 12:56 AM انا عارف بردو الصيام دا عامل عمايله
واحنا مستنيين على نار بجد الموضوع روعة
E/GOGO 12-09-2009, 10:32 PM ربنا يعينك يا رب
وان شاء الله مستنين
AL_Gawad 13-09-2009, 07:27 AM فعلا الموضوع رائع ومستنيين التكمله
وعلشان تستفيد من الكتابه خد نيه وانت بتكتب الموضوع
وشكرا ليك
el saher dodo 13-09-2009, 02:28 PM بسم الله الرحمن الرحيم
رجعتلكوا تانى وسورى ع التأخير
النهارده هنشرح
Number systems
أو بالعربى
الانظمه العدديه
تنقسم الانظمه العدديه ل 3 أنظمة
النظام العشري (decimal) : وهيا محصوره بين الصفر و عشرة (0………….9)10
الرقم (10) اللى تحت القوس دا معناه ان دا النظام العشرى ولو مثلا (2) يبقى معناه ان دا النظام الثنائى وهكذا
والنظام دا العادى اللى كلنا بنستخدمه ودى طبعا الكمبيوتر مش بيعرف يفهمها
2.انظمه يستطيع فهمها الكمبيوتر
أولا النظام الثنائى /
·(Binary) ودا معظمنا يعرفه ودا بيبقى مكون من رقمين اتنين بس اللى هما الصفر والواحد
ثانيا النظام الثمانى /
·(Octal) : ( 0………..7)8 ودا بتكون من الارقام المحصورة بين الصفر وال 8
ثالثا النظام السادس عشر /
·(hexadecimal) :( 0………..9A(10)B(11)C(12)D(13)E(14)F(15) )16
ودا بيتكون من الاقام المحصورة بين الصفر و ال 16
بس فيه حاجة لما تيجى تعد هتعد لغاية 9 عادى جدا لكن من اول عشرة لغاية 16 هتعد بالحروف الابجدية الانجليزية ازاى؟؟؟؟؟؟؟؟؟؟؟
يعنى هنقول مثلا 8 بعدين 9 بعدين ( 10 ؟؟؟؟) لا غلط العشرة دة هنقول بدل منها حرف ال A
بعدين ال 11 نقول بدل منها B
ال 12 بدل منها حرف ال C
ال 13 بدل منها حرف ال D
ال 14 بدل منها حرف ال E
ال 15 بدل منها حرف ال F
ممكن نقول ال 16؟؟؟؟؟؟ لا طبعا لانها مش معانا اوك ؟؟؟؟؟؟؟
امثله بقى عشان نفهم اكتر
صح ولا غلط ؟؟؟
الرقم (1110110001) نظام ثنائى ؟؟ (صح )
الرقم (2135) نظام ثمانى .؟..؟؟ (صح ) لان مفيش رقم اكبر من 7
الرقم (2135) نظام سادس عشر ؟؟( صح) لان الارقام محصورة من صفر ل 16
ايه دا ؟؟؟؟ هو ينفع يبقى ثمانى وسادس عشر ف نفس الوقت ؟؟؟
اه طبعا لاننا شغالين من خلال قاعده بنطبقها
الرقم ( 139 (AFف النظام الثنائى ؟؟؟ ( غلط ) لان فى هنا حروف ابجدية يعنى سادس عشر
للتحويل من النظام العشرى الى اى نظام اخر
ازاى نحول بقى؟؟؟؟ مممممممم عمليه معقده جدااااا ومحدش هيفهمها
لالالالالالا مفيش حاجة صعبه خاااااااالص هتشوفوا
عشان تحول من النظام العشرى الى اى نظام تانى اقسم على اساس النظام اللى هتحول ليه بس كدة
مش فاهمين؟؟؟؟
طييييييييب
للتحويل من العشرى للثنائى اقسم على 2
للتحويل من العشرى للثمانى اقسم على 8
للتحويل من العشرى للسادس عشر اقسم على 16
طيب وبعد ما نقسم ؟؟؟
هتاخد الباقى ف جنب كدة وتكتبه من فوق لتحت وهنعرف ازاى دلوقت
أمثله
حول الرقم 14 من الى النظام الثنائى ؟؟؟؟؟؟؟؟
الطريقة : هناخد ال 14 نقسمها على 2
واللى هايتبقى ف كل مرة هنكتبه ف جنب كدة
http://www.ii1i.com/uploads5/7927c1c0e5.bmp (http://www.ii1i.com)
قسمه عادية خالص اهى بعدين هانكتب بقى الباقى من فوق لتحت
اذن الرقم 14 فى النظام الثنائى = (0 1 1 1 ) بس كدة صعبة؟؟؟
مثال تانى
حول الرقم ( 116 ) من العشرى للثنائى
http://www.ii1i.com/uploads5/42faa359b0.bmp (http://www.ii1i.com)
بعدين نكتب الارقام من تحت لفوق
(1110100)2
حول الرقم (116) من العشرى للثمانى
هنقسم ال116 علي 8
http://www.ii1i.com/uploads5/38e49ff4fa.bmp (http://www.ii1i.com)
ومتنسوش الارقام من تحت لفوق
(162)8
يبقى ال (116) فى العشرى = (162) فى الثمانى
وللتحويل الي النظام(hexadecimal)
هنقسم ال116 علي 16
http://www.ii1i.com/uploads5/6b3edcfff0.bmp (http://www.ii1i.com)
(74)16
بكدة يبقى خلصنا الجزء دا ولسة بقة بقية التحويلات
يا رب تكونوا فهمتوا
يلا مستنى الاستفسارات
AL_Gawad 13-09-2009, 03:17 PM الحمد لله لحد كده مشيين كويس وخصوصا ان عندنا خلفيه بسيطه عن الموضوع من الفيزياء
وربنا يكرمك على المجهود
el saher dodo 13-09-2009, 05:59 PM الحمد لله لحد كده مشيين كويس وخصوصا ان عندنا خلفيه بسيطه عن الموضوع من الفيزياء
وربنا يكرمك على المجهود
الله يخليك
بس المهم يكون كلامى واضح
ربنا معاكوا
eng.ahmed55 13-09-2009, 07:32 PM ربنا يكتر من امثالك وبارك الله فيك معلش انا مقرتش الموضوع الا النهاردة اصل كانت فيه ظروف بس موضوعك بجد روعة انت فعلا هايل وشكرا على مجهودك
eng.ahmed55 13-09-2009, 09:47 PM [quote=el saher dodo;1595949]
http://www.ii1i.com/uploads5/38e49ff4fa.bmp (http://www.ii1i.com/)
طب ازاى واحد على 8 فيها صفر والباقى 1
el saher dodo 13-09-2009, 11:41 PM [quote=el saher dodo;1595949]
http://www.ii1i.com/uploads5/38e49ff4fa.bmp (http://www.ii1i.com/)
طب ازاى واحد على 8 فيها صفر والباقى 1
شكرا على ردك يا أحمد
بص يا عم لا ولا أقولك
بص يا بشمهندس
أدخل ع الرابط دا هتلاقى فلاش شوفه وطبقه ع الثمانى ولو برده ما فهمتش قولى وانا اقولك اووك؟؟؟؟
-::عملية تحويل العدد العشري الصحيح إلى الثنائي (http://i158.photobucket.com/albums/t105/ismaiel/learn/dec1.swf)::-
مستنى ردك
eng.ahmed55 14-09-2009, 01:04 AM خلاص فهمتها دى عملية سهلة جدا شكرا ليك يا بشمهندس
eng.ahmed55 14-09-2009, 01:05 AM خلاص فهمتها دى عملية سهلة جدا شكرا ليك يا بشمهندس
ومستنى تكملتك للموضوع
el saher dodo 14-09-2009, 09:56 AM خلاص فهمتها دى عملية سهلة جدا شكرا ليك يا بشمهندس
ومستنى تكملتك للموضوع
الحمد لله
مستنى اسئلة كمان قبل ما نقول اللى بعده
eng.ahmed55 14-09-2009, 05:14 PM طب كمل انا مش قادر استنى شرحك بجد روعة
E/GOGO 15-09-2009, 02:26 AM thanks alot
we are waiting
احمدبردة 15-09-2009, 02:53 AM شكراااااااااااا بس هل الدراسه كلها بالانجليزي
el saher dodo 15-09-2009, 09:21 AM e/gogo (http://www.thanwya.com/vb/member.php?u=157085)
شكرا لحضرتك
هل الدراسه كلها بالانجليزي
اه هيا انجلش
بس كانوا بيسمحوا لينا نجاوب ف الامتحانا بالعربى عادى
وبعدين مش هتفرق عربى من انجليزى بكرة تاخد عليه
وتقول ان الانجليزى احلى م العربى وتتمنى المواد كلها انجليزى
el saher dodo 15-09-2009, 04:45 PM بسم الله الرحمن الرحيم
رجعتلكوا تانى وهنكمل
احنا اخدنا الانظمة واتعرفنا عليها وعرفنا ازى نحول من العشرى لاى نظام صح؟؟
طيب
دلوقت هنقول ازاى نحول العدد العشرى برده بس اللى فيه كسر بقى
الى النظام الثنائى
يعنى مثلا بيقول حول العدد (125,) من العشرى للثنائى
سهلة جدا احنا كنا عشان نحول من العشرى للثنائى بنقسم /2 صح؟؟؟( بس دا لو العشرى دا صحيح )
طب فى علامة عشرية؟؟؟
هانضرب *2
وهناخد الباقى من اللى على شمال العلامة
ولما نيجى نضرب هنضرب الجزء العشرى بس اللى هو يمين العلامة
يعنى الحل
http://www.ii1i.com/thumbs5/54ddfe35ce.jpg (http://www.ii1i.com/uploads5/54ddfe35ce.jpg)http://www.ii1i.com/thumbs5/54ddfe35ce.jpg (http://www.ii1i.com/uploads5/54ddfe35ce.jpg)http://www.ii1i.com/uploads5/54ddfe35ce.jpg (http://www.ii1i.com)
ودا فلاش للتوضيح اكتر
::-عملية تحويل العدد العشري الكسري إلى الثنائي (http://i158.photobucket.com/albums/t105/ismaiel/learn/dec2.swf) ::-
بعد كدة التحويل من العشرى الكسرى للثمانى وللسادس عشر ؟؟؟؟؟
بنفس طريقى الثنائى
بس ف الثمانى هنضرب *8
وف السادس عشر هنضرب *16
مثال
حول العدد (4,125) من العشر للثنائى ؟؟؟؟
صعبة؟؟؟ سهله جداااااا
كل اللى عليك تفصلها لجزئين
هتاخد اللى قبل العلامة تعمله لوحده وتطلع الناتج
واللى بعد العلامة تعمله لوحدة وتطلع الناتج
هايبقى ناتج اللى قبل العلامة (1 0 0 ,)
وناتج اللى بعد العلامة (0 0 1 ) صح؟؟؟
يبقى الحل النهائى ( 1 0 0 ,0 0 1)
كدة يبقى احنا حولنا من النظام العشرى لجميع الانظمة
دلوقت بقى هنحول من جميع الانظمة للعشرى
اولا / التحويل من الثنائى للعشرى :
هنكتب الثنائى عادى خالص ونضرب بالدور من اليمين للشمال ف 2 اس 0 , 2 اس 1 وهكذا
مثال
حول العدد (10110) من الثنائى للعشرى
http://www.ii1i.com/uploads5/87cbc687a0.jpg (http://www.ii1i.com)
وبنفس الطريقة هنحول الثمانى السادس عشر
طيب لو العدد الثنائى ده فيه علامة عشرية ؟؟؟
هانقسمه برده اللى قبل العلامة لوحده واللى بعدها لوحده
اللى قبلها هانضربه فى اس بالسالب
واللى بعدها هنضربه عادى
ودا مثال
حول العدد (001 ,10110) الى العشرى ؟؟؟؟؟
http://www.ii1i.com/uploads5/539cd4177a.jpg (http://www.ii1i.com)
الثمانى والسادس عشر بنفس الطريقة
بس ف الثمانى ال 2 بتبقى 8
والسادس عشر ال 2 بتبقى 16
كفاية كدة النهارده عشان ما يحصلش لخبطة
وانا مستنى الاستفسارات
eng.ahmed55 15-09-2009, 07:01 PM ايه الحلاوة دى انت فعلا روعة كمل احنا مستنيين
eng.ahmed55 15-09-2009, 07:22 PM [quote=el saher dodo;1595949]
http://www.ii1i.com/uploads5/38e49ff4fa.bmp (http://www.ii1i.com)
بس معلش فى الشرح اللى قبل دا مفروض الناج بالترتيب 4 6 1 من فوق لتحت تلميذك يا دودو
el saher dodo 16-09-2009, 12:20 AM س معلش فى الشرح اللى قبل دا مفروض الناج بالترتيب 4 6 1 من فوق لتحت تلميذك يا دودو
عندك حق يا احمد
معلش والله اسف غصب عنى
اصلى كنت واخدها كوبى فمجربتهاش
eng.ahmed55 16-09-2009, 12:23 AM عندك حق يا احمد
معلش والله اسف غصب عنى
اصلى كنت واخدها كوبى فمجربتهاش
لا يادودو متعتزرش انا والله حبيتك وكتر خيرك انك بتشرح كمل انا مستنى التكملة انت فعلا روعة
el saher dodo 16-09-2009, 12:30 AM لا يادودو متعتزرش انا والله حبيتك وكتر خيرك انك بتشرح كمل انا مستنى التكملة انت فعلا روعة خلاص يا عم هعيط من كلامك هههههههه
انا بس بستنى على ما الكلام يدخل الدماغ اوووى عشان محدش يتوه
لانها حاجات سهله بس داخله ف بعضها وبراحتنا احنا ورانا ايه يعنى؟
eng.ahmed55 16-09-2009, 02:44 AM على رايك بيس يا مان
|