مشاهدة النسخة كاملة : إستفسارات هامة جداً عن أدوات الرسم الهندسي ومعمل الكيمياء والورش
إنتحار طالب ثانوي 08-08-2009, 07:23 PM السلام عليكم ورحمة الله وبركاته
أهلاً بكل الباشمهندسين اللي هنا
عندي أستفسارات عن أدوات الرسم الهندسي في أعدادي هندسة و أدوات معمل الكيمياء و أرجوا منكم الإجابة عليها لأني تعبت في البحث على النت و في كتابتها وخدت مني مجهود كبير
--------------------------------------------------------------------------
أ- اللوحة الورق أو الكارتون :
اللوحات اللي أنتوا بترسموا عليها هل أسمها كده
فرخ كلك 70 * 100 70جرام روترنج بــ 2 جنيه
أو
فرخ كلك 70 * 100 90 جرام روترنج بـ 2 و نص جنيه
أنا جايبها من موقع مكتبة برناسوس ولا ديه مش هى اللي بتستخدموها ؟
والسوليتيب اللي بلزقها به بيكون أي نوع ولا نوع معين و أجيب العرض بتاعه أيه ؟ الكبير ولا الصغير ولا المتوسط
--------------------------------------------------------------------------
ب- اللوحة الخشبية للرسم الهندسي :
في موقع مصري بدون ذكر أسماء شوفت لوحتين - أنهي واحدة بتستخدموها ؟ وهل بتاخدوها معاكوا الكلية في الشنطه بتاعتها ولا بتستخدموها في البيت بس ؟
اللوحة الأولى
جهاز رسم A2 رقم 442 وسعره 318 جنيه بس مش عارف ماركته روترنج ولا أيه وصورته
http://www3.0zz0.com/2009/08/07/13/189852039.jpg
اللوحة الثانية
لوحة رسم بروفيل A3 روترنج وسعره 304 جنيه وصورته
http://www3.0zz0.com/2009/08/07/13/186098089.jpg
وهل اللوحتين دول بيجي معاهم حامل عشان يتحطوا على المكتب؟ أو يتعلقوا على طرابيزة الرسم ؟
ولا أنا ممكن أجيب للوحة حامل يركب عليها ؟
والمفروض أجيب مقاس 80 * 120 سم ؟ ولا أيه ؟
--------------------------------------------------------------------------
ج- شنطة اللوحة :
على موقع روترنج شوفت شنطتين روترنج وصورهم تحت فهل في سمير و علي أو أي مكتبة تانيه موجودين في مصر؟وإذا كانوا مش موجودين فهل يوجد ماركات أخرى غير روترنج لحمل اللوحة الخشب ؟ أو الأدوات الهندسية ولا لأ؟ والصور بتاعتهم
http://www3.0zz0.com/2009/08/07/13/491818063.jpg
http://www3.0zz0.com/2009/08/07/13/986349116.jpg
--------------------------------------------------------------------------
د- ترابيزة الرسم الهندسي الكبيرة :
عايز أعرف لو جيبت اللوحة هل ححتاج الترابيزة ؟ وهل اللوحة بحطها على الترابيزة وأنا برسم ولا أيه ؟؟
وأنا أصلاً لو دخلت حدخل يا ميكانيكا يا أما مدني لكن معماري لأ فأجيب ترابيزة رخيصة وأبعد عن الغاليين؟ولا أيه ؟
وهل لازم أجيب الكرسي بتاعها ولا ينفع كرسي عندي في البيت بعجل و بيعلى و يوطى؟
وأسعارها بتبدأ من كام إلى كام ؟
والمفروض أجيبها 60 * 80 سم بالحامل ؟
صورة لها
http://www12.0zz0.com/2009/08/07/13/230707812.jpg
--------------------------------------------------------------------------
هـ - الصابونة ومنظفات اللوحة الورق و اللوحة الخشب:
من ضمن الطلبات حاجه أسمها صابونه فهل المقصود أستيكه صابونه ؟ أنا شوفتها في موقع برناسوس وأسمها استيكة صابونة سانفورد تستخدم فى المسح والتنظيف فى وقت واحد و سعرها 2 جنيه و صورتها
http://www12.0zz0.com/2009/08/07/13/808769945.jpg
و شوفت في موقع تاني مصري
1 - كوب بودرة لورق الرسم روترنج بـ 44 جنيه و صورته
http://www12.0zz0.com/2009/08/07/13/675505385.jpg
2- كوب منظف رمادى روترنج بــ 13 جنيه وصورته
http://www8.0zz0.com/2009/08/07/14/780507661.jpg
3 - كوب تنظيف احمر روترنج بــ 13 جنيه وصورته
http://www8.0zz0.com/2009/08/07/14/390928745.jpg
4- زجاجة سائل منظف 100 مللى روترنج بــ 17 جنيه وصورتها
http://www8.0zz0.com/2009/08/07/14/601391170.jpg
5 - زجاجة منظف 250 مم سائل روترنج بــ 19 جنيه و صورتها
http://www8.0zz0.com/2009/08/07/14/570467482.jpg
فأنهي حاجه بقى من دول هي اللي مطلوبة في تنظيف اللوحة الورق ؟ وأنهي حاجه من دول هي المطلوبة في تنظيف اللوحة الخشب ؟وأنهي حاجه بنضف بها سطح طرابيزة الرسم؟
--------------------------------------------------------------------------
و- مسطرة حرف تي روترنج 80 سم :
هل بيجي معاها جراب ولا بجيبلها جراب؟ ولو فيه أحتمال أدخل مدني يبقى أجيب 100 سم أحسن؟
--------------------------------------------------------------------------
ز- الفرنش كيرف :
شوفت 3 حاجات روترنج على النت بس مش عارف أنهي المفروض أجيبه ؟ والأصفر أحسن ولا الشفاف؟
طقم فرنش كيرف3 قطعه أصفر روترنج بـ 19 جنيه وصورته -1
http://www8.0zz0.com/2009/08/07/14/338322749.jpg
2- طقم فرنش كيرف 3 قطعه شفاف روترنج بـ 19 جنيه وصورته
http://www8.0zz0.com/2009/08/07/14/734830754.jpg
3- فرنش كيرف روترنج شفاف بـ 18 جنيه ومش عارف كام قطعه و صورته
http://www8.0zz0.com/2009/08/07/14/745691640.jpg
--------------------------------------------------------------------------
ح- المثلثات :
فيه ناس قالوا المثلثات طولها 22 سم وناس قالوا 30 سم بس أنا مالقيتش في الروترنج غير 25 و 35 و 32 و 36 و فيه شفاف و فيه أصفر ؟
المفروض أجيب أنهي طول ؟ و الشفاف ولا الأصفر ؟
--------------------------------------------------------------------------
ط-المنقلة :
في الروترنج فيه أتنين واحد 180 درجة و 10 سم وشفافه و بـ 5 جنيه و فيه 360 و 10 سم و لونها أصفر و بـ 11 جنيه
الأفضل أنهي ؟
--------------------------------------------------------------------------
ي- مسطرة إسكيل :
المطلوب منها كام سم ؟ 30 ولا 50 ؟ و هل ديه النوع المثلث ده ولا أيه؟ في اللينك اللي تحت ديه في
مسطرة روترنج إسكيل مثلث رقم 1 و 4 و 6
http://www.nefsak.com/Engineering-Tools/?page=6 (http://www.nefsak.com/Engineering-Tools/?page=6)
المفروض بجيب أنهي واحده فيهم ؟
--------------------------------------------------------------------------
ك - المساطر الأخرى :
هل بحتاج أجيب بجانب المسطره الأسكيل مسطرة 50 سم ؟ لأن مسطرة حرف تي 80 سم بتبقى طويله في بعض الرسومات
--------------------------------------------------------------------------
يتبع
إنتحار طالب ثانوي 08-08-2009, 07:24 PM أستكمال باقي الإستفسارات
-----------------------------------------------------------------------------
ل- الأستيكة:
أنهي الأحسن الفيبر كاسيل ولا الروترنج ولو حجيب الروترنج المفروض أجيب أنهي من اللي تحت دول؟
Rotring B20 and B30
http://www8.0zz0.com/2009/08/07/14/905114508.jpg
Rotring TB20
http://www8.0zz0.com/2009/08/07/14/228335614.jpg
Rotring T30
http://www8.0zz0.com/2009/08/07/14/229776150.jpg
ولو حجيب الفيبر كاسيل أجيب أنهي من اللي تحت دول ؟
أستيكة فيبر كاسيل 7020 _ 18 بـ 2 ونص وصورتها
http://www8.0zz0.com/2009/08/07/14/128767004.jpg
أستيكه فيبر كاسيل 7085 _ 20 بـ 1 و نص و صورتها
http://www8.0zz0.com/2009/08/07/14/388462892.jpg
-----------------------------------------------------------------------------
م - أسطمبة مسح :
هل أسطمبة المسح اللي بمسح بها بدل الأستيكه الرفيعه هي اللي شوفتها في موقع مكتبة برناسوس وأسمها أسطمبة مسح تيواني ب 2 جنيه ولا مش هي دي وصورتها
http://www8.0zz0.com/2009/08/07/14/738572521.jpg
-----------------------------------------------------------------------------
ن - أسطمبة الأشكال البيضاوية و أسطمبة الدوائر الصغيرة:
بالنسبة للأسطمبة البيضاوي اللي بتستخدم في رسم المنظور الهندسي شوفت أتنين المفروض بجي أنهي واحده فيهم ؟
أسطمبة روترنج بيضاوي رقم 645 و بـ 40 جنيه وصورتها
http://www8.0zz0.com/2009/08/07/14/212527012.jpg
أسطمبة بيضاوي روترنج قطاع ناقص صغير ورقمها 011 و بـ 56 جنيه وصورتها
http://www8.0zz0.com/2009/08/07/14/524664152.jpg
وبالنسبة لأسطمبة الدوائر الصغيرة اللي بتستخدم في رسم الدوائر الصغيرة بدقة شوفت أتنين المفروض بجيب أنهي واحدة فيهم؟
أسطمبة دوائر ك رقم 633 روترنج و أعتقد ديه للدوائر الكبيرة وبـ 36 جنيه وصورتها
http://www8.0zz0.com/2009/08/07/14/997703467.jpg
أسطمبة دوائر ص رقم 631 روترنج وأعتقد ديه للدوائر الصغيرة و بـ 33 جنيه و صورتها
http://www8.0zz0.com/2009/08/07/14/549011015.jpg
وهل بحتاج لأسطمبة دوائر خارجية أو أسطمبة فرش أو أسطمبة منحنى دائري أو أسطمبة منحنيات أو أسطمبة أشكال هندسية أو أسطمبة مربعات أو أسطمبة كهرباء أسطمبة صحي أو أسطمبة معالجة بيانات ألكتروني أو أسطمبة صواميل أو أسطمبة أوزان قطاعات حديد أو أسطمبة حروف؟ في أعدادي ؟ ولا لأ ؟ وهل كلمة شبلونه ديه هي الأسطمبة ولا دي حاجه و دي حاجه؟
-----------------------------------------------------------------------------
س - مثلث أرسطو :
شوفت على النت أتنين على موقع برناسوس و التاني على موقع نفسك دوت كوم
الأول
مثلث أرسطو والكود 00800412 و سعره 18 جنيه و نص R080
والتاني
مثلث أرسطو ص16سم/45درجة بماسك رقم042 R
ب 6 و نص المفروض أجيب أنهي واحد فيهم ؟
-----------------------------------------------------------------------------
ع - أدوات معمل الكيمياء :
اللي هى 6 أنابيب أختبار و حامل و ماسك و نضارة (كحماية للعين) وفرشاة أنابيب و فوطه صفراء
بجيب الحاجات ديه منين وهل بيطلبوا منكوا النضارة أو أصلاً فيه حد بيجيبها ولا كله بينفض على حوار النضارة؟
-----------------------------------------------------------------------------
ف - البالطو :
البالطو الأبيض بتاع معامل الكيمياء و البالطو الأزرق بتاع معامل الورش بيتجابوا منين ؟
-----------------------------------------------------------------------------
ص- الأقلام السنون :
هل أفضل حاجة روترنج تيكي 2 ولا فيه موديل أفضل في الروترنج ؟ ولا الستيدلير أحسن ؟ ولو أحسن يبقى موديل الأستيدلير أيه ؟
وهل لازم السنون تكون نفس نوع القلم؟ يعني لو جيبت قلم روترنج يبقى لازم سنون روترنج ؟
-----------------------------------------------------------------------------
ق - طقم البراجل :
وأنا بدور على البراجل على النت لقيت مصطلحات غريبة في البراجل ( عجلة - طوالة - قلم جدول - ستونج 4 برجل - وصلة برجل - كتر دوائر للبرجل)
عايز أعرف أيه معنى كل واحدة فيهم ؟ و أيه فائدتهم ؟ و أسمهم بالأنجليش أيه ؟
و وصلة البرجل و كتر دوائر للبرجل ديه زي قطع غيار بتتجاب لو الأجزاء في برجلك باظت ؟
-----------------------------------------------------------------------------
ر-الفوطه الصفراء :
هل الفوطه الصفراء ديه بستخدمها في تنظيف اللوحة الورق ولا اللوحة الخشب ولا الأتنين ؟ و بتتجاب منين ؟
وهل بردوا بجيب فوطه صفراء زيها عشان معمل الكيمياء ؟
-----------------------------------------------------------------------------
ش - هل بيطلبوا مني في أعدادي أي حاجه من الحاجات دي ( جهاز لوحة رسم - مثلث هد لوحة رسم - وصلة تحبير - قلم تحبير - طقم أيزو جراف - طقم تحبير - سن تحبير - مثلث كلينجراف - مسطرة لوروي - عقربة لوروي - طقم لوروي ) والحاجات اللي بين قوسين ديه بيستخدموها في قسم عمارة ومدني ولا عمارة بس ؟
-----------------------------------------------------------------------------
ت - الألة الحاسبة :
أيه هو أفضل موديل موجود في اللينك ديه ؟
http://www.cairotrading.com/products/Products.asp?SubSubId=17 (http://www.cairotrading.com/products/Products.asp?SubSubId=17)
-----------------------------------------------------------------------------
وفي النهاية أحب أشكر كل من قرأ موضوعي أو شارك فيه
شكراً جزيلاً
إنتحار طالب ثانوي 08-08-2009, 07:29 PM يا ريت والنبي اللي يعرف حاجه يقولها وبلاش تريقة و أستهزاء بالموضوع بتاعي زي ما حصل قبل كده
وأنا على فكره خليت المشرفين يحذفوه عشان أعمل الموضوع الجديد ده و الهدف منه أيجاد أجوبة لأسئلتي وليس للتريقه و الإستهزاء !!
BaNZeR 08-08-2009, 09:39 PM ههههههه
انا شفت الصور ده كلها قلت ماشاء الله دنتا شارح الحكاية بالتفصيل
لقيتك كل ده بتسأل بس
بص انا عايز اقولك حاجة
متوجعش دماغك باللى انت جايبه ده كله لأن كل ده فرعيات
بودرة وصابون وسائل منظف وبوردة وترابيزة وشنطة كمان !!
كل ده فرعيات ثانوية انا مجبتهاش خالص
ممكن تفكر فيها لو انت داخل قسم حيحتاجها
مبدأياً أنت بتفكر في عمارة ؟ ولا قسم ايه ؟
مسطرة الدواير ده كنت جايبها عشان حاجة واحدة
في دواير صغيرة جداً قطرها ملي و2ملم فصعب اعملها بالبرجل فكنت بعملها بده بس
يعني مش محتاجة العذاب ده كله
اللوح كان الدكتور قالنا على نوع وبعد كده اشتريت انا نوع احسن شوية مش فاكر اسمه
حبقى اجيبهولك وارد عليك
بس في الاول قولي ناوي تخش ايه وراجعلك تاني
EnG.Mohammed 08-08-2009, 09:44 PM ياعم ركز في امتحان الفيزيا بتاع الدور التاني الي عندك وبعدين تعالا اوجع دماغنا
إنتحار طالب ثانوي 08-08-2009, 10:17 PM banzer
مدني - ميكانيكا انتاج - كهربا حاسبات
eng.mohamed
دور تاني أيه ؟ اللي أنتا جاي تقول عليه
هي الهلوسه رجعتلك تاني ؟
معلش بكره تخف
وبعدين الموضوع ده معمول للناس اللي دخلت هندسة قبل كده مش اللي لسه حتدخل هندسة فبليز يعني حصرتك مكانك مش في التوبيك بتاعتي
أنما الناس اللي دخلوا هندسة السنين اللي فاتت يشرفونا
إنتحار طالب ثانوي 08-08-2009, 10:19 PM وبعدين يا eng.mohammed مادام أنا واجع دماغك داخل و تاعب نفسك ليه و بتقرأ موضوعي ليه و ترد عليه من الأساس ؟ ولا أنت عندك هواية ( زيادة عدد المشاركات ) ؟
EnG.Mohammed 08-08-2009, 10:23 PM في ايه ياعم انتا سخنت كده ليه
متزعلش نفسك
بس انا يتهيالي اني قريت موضوع ليك في قسم التنسيق
كنت كاتب حتغير اسمك لا اعدام طالب بعد امتحان الفيزيا
عموما انا متاسف لو كنت غلط فيك
young coder 08-08-2009, 11:05 PM في واحد رد عليك في المنتدى التاني :d
خش شوف رده مفيد
BaNZeR 08-08-2009, 11:52 PM والسوليتيب اللي بلزقها به بيكون أي نوع ولا نوع معين و أجيب العرض بتاعه أيه ؟ الكبير ولا الصغير ولا المتوسط
السولوتيب هو العادي بتاعنا
تجيب بكره صغيرة وكل ماتكون اعرض يبقى افضل
بتحطها تمسك بيها اللوحة من ع الاطراف
متجبش من البكرهالضخمة وتقولي عريضة اهه :d
--------------------------------------------------------------------------
ب- اللوحة الخشبية للرسم الهندسي :
في موقع مصري بدون ذكر أسماء شوفت لوحتين - أنهي واحدة بتستخدموها ؟ وهل بتاخدوها معاكوا الكلية في الشنطه بتاعتها ولا بتستخدموها في البيت بس ؟
في الكلية بيبقى عندك بوردات جاهزة ونضيفة بترسم عليها
مش محتاج لشنط ولا تشيل
كفاية عليك المسطرة التي
كان بيبقى يوم تقيل اوي عليا يوم الشيل ده
وهل اللوحتين دول بيجي معاهم حامل عشان يتحطوا على المكتب؟ أو يتعلقوا على طرابيزة الرسم ؟
لو عندك في البيت ترابيزة او مكتب ينفع ترسم عليها خلاص
لو داخل عمارة او ميكانيكا وعايز راحة اكتر ممكن تجيب ترابيزة حامل للبوردة
بس مش حقدر افيدك في الانواع عشان انا مجبتش ومسألتش
والمفروض أجيب مقاس 80 * 120 سم ؟ ولا أيه ؟
حيتوقف على المساحة اللى بترسم فيها في القسم بتاعك
عمارة وميكانيكا حيحتاجو مقاسات كبيرة
اللوحة بتاعتي الاطار بتاعها كان حوالي 42 * 30 سم
ده اطارالرسم يعني اللوحة اكبر والبوردة اكيد ضعف اللوحة
الاقسام التلاتة اللى مختارهم بعاد عن بعض
فبحاول افهمك وانت تختار
--------------------------------------------------------------------------
ج- شنطة اللوحة :
مش حنتكلم في الشنطة لإنك مش حتحتاج تروح بيها الكلية حالياً ولابعدين تقريبا
بس لواحتجتها بعدين تبقى تشتريها بعدين
لكن حاليا مش حتحتاجها فلا داعي لها
--------------------------------------------------------------------------
هـ - الصابونة ومنظفات اللوحة الورق و اللوحة الخشب:
فأنهي حاجه بقى من دول هي اللي مطلوبة في تنظيف اللوحة الورق ؟ وأنهي حاجه من دول هي المطلوبة في تنظيف اللوحة الخشب ؟وأنهي حاجه بنضف بها سطح طرابيزة الرسم؟
ياريت انت لوعرفت حاجة عن دول تقولي
عشان اول مرة اشوف الاشكال ده :d
انت مش حيبقى عندك وقت اصلاً تفكر في نضافة اللوحة
ولو انت رسمك نضيف (ودول نادرين) مش حتوسخ اللوحة منك خالص
بس اللى زي حالاتي كانت اللوحة بتخلص بيبقى لونها اسود :d
بس بتتشاف يعني :d
برده ده فرعيات فكر فيها بعدين
--------------------------------------------------------------------------
و- مسطرة حرف تي روترنج 80 سم :
هل بيجي معاها جراب ولا بجيبلها جراب؟ ولو فيه أحتمال أدخل مدني يبقى أجيب 100 سم أحسن؟
مدني هاتها 100 اه بس اتأكد في الاول إنهم مش حيحتاجو 120
بس هما بيرسمو لوح كبيرة اه
والمسطرة لازم تيجي بالجراب
وتقدر تفك الراس (حرف التي) وتفصلها عن المسطرة
عشان تتحط في الجراب وبعدين تركبها تاني عادي لماترسم
--------------------------------------------------------------------------
ز- الفرنش كيرف :
شوفت 3 حاجات روترنج على النت بس مش عارف أنهي المفروض أجيبه ؟ والأصفر أحسن ولا الشفاف؟
فرنش كيرف ب20 جنيه ليه :d
وروترنج :d
يابني بلاشالمصاريف ده كلها
حتجيب كل حاجة روترنج
دنا جايب الفرينش كيرف ب7 جنيه ونص وكان مضحوك عليا :d
انت اصلاً مش حتستعملها غير في حالات نادرة
فمتشغلش بالك بيها اصلاً
انا جبتها ساعتها للاسقاط مش للرسم الهندسي
والالوان مش حتفرق
--------------------------------------------------------------------------
ح- المثلثات :
فيه ناس قالوا المثلثات طولها 22 سم وناس قالوا 30 سم بس أنا مالقيتش في الروترنج غير 25 و 35 و 32 و 36 و فيه شفاف و فيه أصفر ؟
المفروض أجيب أنهي طول ؟ و الشفاف ولا الأصفر ؟
لو في شفاف افضل
والاطوال هات الاطول حتنفعك في الرسم
لإني معظم الوقت المفروض برسم بالمثلث اكتر من المسطرة
ولو عايز تسهل على نفسك اكتر هات مثلث ارسطو برده
بيفيد الخبرا اكتر
لإنك حترسم بالمهارة اكتر مش بالمسطرة والمثلث
--------------------------------------------------------------------------
ط-المنقلة :
زي ما قلت في موضوع تاني المنقلة مستعملتهاش غير مرة واحدة في السنة كلها
هاتها 360 وارخص نوع تلاقيه
روترنج تجيبه الحاجات المهمة اللى شغاله على طول
البراجل - المسطرة التي - المثلثات - قلم السنون - ممكن السنون - ممكن الاستيكة
غير كده حرام الباقي تجيبه غالي عالفاضي ومش حتستعمله
وممكن تدخل كهربا وكل ده ترميه
--------------------------------------------------------------------------
ي- مسطرة إسكيل :
المطلوب منها كام سم ؟ 30 ولا 50 ؟ و هل ديه النوع المثلث ده ولا أيه؟ في اللينك اللي تحت ديه في
مسطرة روترنج إسكيل مثلث رقم 1 و 4 و 6
http://www.nefsak.com/engineering-tools/?page=6 (http://www.nefsak.com/engineering-tools/?page=6)
المفروض بجيب أنهي واحده فيهم ؟
برده زي ما قلت قبل كده المهم يكون الاسكيل فيه نص ملم
يعني تدريجه بالنص ملم
30 حيشتغل معاك
50 حتبقى طويلة زيادة بس ممكن تساعدك في بعض الحالات النادرة
كل ما تجيب حاجات اكبر كل ما حتتعبك في الشيل ولو ناوي مدني او عمارة جيبها كبيرة ماشي
--------------------------------------------------------------------------
ك - المساطر الأخرى :
هل بحتاج أجيب بجانب المسطره الأسكيل مسطرة 50 سم ؟ لأن مسطرة حرف تي 80 سم بتبقى طويله في بعض الرسومات
هو ايه الفرق بين المسطرة اسكيل والمسطرة العادية ؟
عشان كده اتلخبطت
واساساً المسطرة حرف تي مش بتشيلها من عاللوحة
يعني هي اللى بتشتغل ترسم بيها الوقت كله
حتى لما بترسم بالمثلث بتسنده على المسطرة التي
كله بيعتمد على المسطرة التي
فما حاجتك لمسطرة طويلة اخرى ومساطر كتير
--------------------------------------------------------------------------
يتبع
تم الرد بخط مختلف.
a7mad3ali 09-08-2009, 12:05 AM يا نهار ابيض ايه كل ده يابني ببص يا انتحار طالب خدها نصيحه ومتشغلش بالك باي حاجه من الحاجات ديه خالص واقسملك بالله انا معرف اي حاجه من اللي انتو عمالين تتكلمو عليها ديه لكن كل ده بيتعرف لما تدخل السنه ومفيش حاجه بتستخبي يعني ده غير انك بتلاقي ربنا بيفرجها من طرق مختلفه يعني انا كنت قاعد من يومين في امان الله وعرفت اني في واحد قريب خلص هندسه السنادي هيديني كل ادواته وحاجاته وانا قريبي ده لو شوفته معرفوش علي فكره
شوفت بقي ربنا بيسهلها ازاي بدل وجع الدماغ ده كله ع العموم عقبالك يمكن يطلعلك واحد يديلك حجاته هو كمان ان شاء الله
BaNZeR 09-08-2009, 12:14 AM أستكمال باقي الإستفسارات
-----------------------------------------------------------------------------
ل- الأستيكة:
هات اي استيكة بتمسح روترنج ب2 جنيه
والله مش عملية صعبة
-----------------------------------------------------------------------------
م - أسطمبة مسح :
والله معرف ده ايه اصلا سيبك من الكلام الفاضي ده
-----------------------------------------------------------------------------
ن - أسطمبة الأشكال البيضاوية و أسطمبة الدوائر الصغيرة:
كل ده ولا ليه اي لازمة في اعدادي
معرفش بعد كده
وبرده زي ما قلت انا جبت مسطرة دواير عشان حاجة واحدة بس
إنه الدواير الصغيرة جداً صعب تتعمل بالبرجل
فكنت بزورها بده :d
لكن كل ده زيادة عالفاضي
-----------------------------------------------------------------------------
س - مثلث أرسطو :
علقت عليها في ردي السابق ومقدرش افيدك برده في الانواع نظراً لإني مشتريتهوش ولما عرفته كان الوقت اتأخر في السنة وطنشت
-----------------------------------------------------------------------------
ع - أدوات معمل الكيمياء :
اللي هى 6 أنابيب أختبار و حامل و ماسك و نضارة (كحماية للعين) وفرشاة أنابيب و فوطه صفراء
بجيب الحاجات ديه منين وهل بيطلبوا منكوا النضارة أو أصلاً فيه حد بيجيبها ولا كله بينفض على حوار النضارة؟
هوانا كنت اقدر ادخل السكشن اصلاً من غير البالطو والنضارة
انت لو جاي بالنضارة ومش جاي بالانابيب يدخلوك
لأنهم مسؤولين لو حصلك حاجة لكن مش مسؤولين لو معرفتش تشتغل
وكانوا بيحكلونا مرة عن التشدد على الموضوع ده قالولنا السنة اللى فاتت بنت ماسكة الانبوبة وحطت حاجة غلط طارت عينها فيها
يعني بقت بعين واحدة :d
عشان كده كل اللى يلاقوه مش لابس نضارة بيهزقوه وساعات يطردوه كمان
وبرده كنا بنكسل نلبسها وبنحطها على راسنا منظر :d
بس لازم تكون معاك
الانابيب على الاقل يكون معاك في السكشن 5 انابيب
عشان في الشغل
بس انت لما تشتري تجيب 10 مثلاً احتياطي عشان طول السنة
منساش البالطو برده
الفرشا ده زيادة وبيبقى في منها في المعمل
بس بعض المحاليل بعد ما تتفاعل في الانبوبة
تيجي تغسلها مش عايزة تطلع
او حطيت ورقة عباد شمس ولزقت تحت من الميا ومش عايزة تطلع
فالفرشا عشان الحاجات ده
ولو عايز تجيبها مش حتخسر
الفوطة الصفرا مجبناش منها بس حتبقى كويسة برده هاتها
-----------------------------------------------------------------------------
ف - البالطو :
البالطو الأبيض بتاع معامل الكيمياء و البالطو الأزرق بتاع معامل الورش بيتجابوا منين ؟
ممكن تلاقي في الكلية او في الجامعة عندك وممكن من بره
حسب المنطقة بتاعتك مش حقدر افيدك
وتستنى برده لحد ماتشوفهم
هو صحيح المفروض الورش ازرق
بس عندنا كنا شغالين في الاتنين بالابيض
-----------------------------------------------------------------------------
-----------------------------------------------------------------------------
ق - طقم البراجل :
وأنا بدور على البراجل على النت لقيت مصطلحات غريبة في البراجل ( عجلة - طوالة - قلم جدول - ستونج 4 برجل - وصلة برجل - كتر دوائر للبرجل)
عايز أعرف أيه معنى كل واحدة فيهم ؟ و أيه فائدتهم ؟ و أسمهم بالأنجليش أيه ؟
ايه الثقافة ده
مش لما نفهمهم بالعربي :d
اي علبة برجل حتلاقي فيها حاجات كتير زيادة
متسألش غير عن حاجتين
البرجل الكبير والبرجل الصغير وبس :d
و وصلة البرجل و كتر دوائر للبرجل ديه زي قطع غيار بتتجاب لو الأجزاء في برجلك باظت ؟
افتكرتها لو اجزاء في رجلك باظت :d
نفض نفض
-----------------------------------------------------------------------------
ر-الفوطه الصفراء :
هل الفوطه الصفراء ديه بستخدمها في تنظيف اللوحة الورق ولا اللوحة الخشب ولا الأتنين ؟ و بتتجاب منين ؟
وهل بردوا بجيب فوطه صفراء زيها عشان معمل الكيمياء ؟
فايدتها لما بتيجي ترسم على اللوحة تمسح بيها البوردة
عشان بتبقى متسابة هناك ممكن عليها تراب او حاجة
وساعات مكان مسح الاستيكة بتاع الطالب اللى كان قبلك
اوبتاعك انت في الآخر
بتمسحه وبعدين تحط لوحتك عشان متوسخش مش اكتر
وممكن تجيبها في الكيميا خاصة وانك بتستعمل الميا كتير وحتغسل الانابيب ستين مرة في السكشن
-----------------------------------------------------------------------------
ش - هل بيطلبوا مني في أعدادي أي حاجه من الحاجات دي ( جهاز لوحة رسم - مثلث هد لوحة رسم - وصلة تحبير - قلم تحبير - طقم أيزو جراف - طقم تحبير - سن تحبير - مثلث كلينجراف - مسطرة لوروي - عقربة لوروي - طقم لوروي ) والحاجات اللي بين قوسين ديه بيستخدموها في قسم عمارة ومدني ولا عمارة بس ؟
مفيش عربية لوري :d
ممكن طيب تشرحلي الحاجات ده بتعمل ايه:d
بس مش حتستعملها في اعدادي ريح نفسك
-----------------------------------------------------------------------------
ياريت بلاش اسئلة تاني عشان مفجرش الموضوع :d
صدقني الموصوع ابسط مما تتصور
إنتحار طالب ثانوي 09-08-2009, 01:25 AM شكراً لك و أسف تعبتك معايا
هو قسم الميكانيكا بيحتاج ترابيزة و كبيرة كمان ؟؟؟؟؟؟؟؟
أنا اللي أعرفهم أنهم بيرسموا في مادة واحدة أسمها تصميم ميكانيكي مش في الأربع سنين !!!!
فيه حاجه تانيه معلش أنا مش فاهمها
البوردة الخشب اللي بستخدمها في البيت لو معاها أو أنا جيبتلها حامل الحامل ده بيكون حامل صغير بحطه على المكتب بحيث يخلي اللوحة مائلة مش أفقية على مستوى المكتب ؟ ولا بيكون حامل كبير بيتحط على الأرض ؟؟؟؟ أنا مش فاهم الجزئية دي
وهل أي بوردة ممكن يتجابلها الجزة السفلي الكبير ده اللي بيتحط على الأرض ولا أيه ؟؟؟؟؟؟
EnG.BeLaL 09-08-2009, 01:38 AM ياااااااااااا ده انت سخن اوي صابونة ايه يا عم و شنط ايه اذا كان انا مجبتش اللوحة الخشب و كنت برسم على المكتب
بلاش وجع دماغ
BaNZeR 09-08-2009, 03:25 AM هو قسم الميكانيكا بيحتاج ترابيزة و كبيرة كمان ؟؟؟؟؟؟؟؟
أنا اللي أعرفهم أنهم بيرسموا في مادة واحدة أسمها تصميم ميكانيكي مش في الأربع سنين !!!!
متجبش ترابيييييييييييييييييزززززززززززززززززززاااااااااا اااااااااااااتتتتتتتتتتتتتتتتتتتتت
كفااااااااااااااااااااية البوردة بس
دنا اللى جالي احباط :(
هو انا مكنتش برسم على كده :angry2:
مش عندك مكتب او ترابيزة في البيت
خلاص كفاية
وبعدين متجننيش
مادة في ميكانيكا عشرين مادة في ميكانيكا حترسم في الآخر ولا لأ
وانت حيرتني معاك
جايبلي كل الاقسام
طيب انا ارشحلك ايه
كل قسم وليه ظروفه
بيقولك بتاع عمارة على الاقل بيصرف 3 آلاف جنيه في الادوات بتاعته كلها
حاجات اكتر من حاجات اعدادي
وانت مش داخل عمارة
يبقى انت وظروفك
متجبش حاجة دلوقتي مش حتحتاجها
BaNZeR 09-08-2009, 04:22 AM هو العضو انتحر بجد ووقفوه ولا ايه ؟؟؟؟؟؟
طالب في ثالثة ثانوي 09-08-2009, 10:11 AM هو العضو انتحر بجد ووقفوه ولا ايه ؟؟؟؟؟؟
لأ لسه مأنتحرش
أتفضل أقرأ الموضوع ده وأنت تفهم
http://www.thanwya.com/vb/showthread.php?p=1487768 (http://www.thanwya.com/vb/showthread.php?p=1487768)
طالب في ثالثة ثانوي 09-08-2009, 02:14 PM السلام عليكم ورحمةالله وبركاته
أولاً:
أنا بالنسبة للبوردة متلغبط لأني دورت في مواقع مكتبات مصرية و مواقع أخرى أجنبية
فا يا ريت حضرتك تقيس لي اللوحة الورق اللي كنت بترسم عليها في أعدادي
ويا ريت مقاس البوردة كمان
لأن من الواضح أمامي من خلال بحثي أن مقاس البوردة مش بيكون نفس مقاس اللوحة الورق
ثانياً :
وده الأهم
الورق اللي حجمه a3 بيكون مقاسه 29.7 * 42 سم
والورق اللي حجمه a2 بيكون مقاسه 42 * 59.4 سم
و تقريباً والله أعلم ومش عايز أفتي غير لما أعرف منك المقاس اللي عندك في أعدادي بيرسموا على a3 و في مدني بيرسموا على a2 و معماري a2 و a1 و a0
ثالثاً:
لو نفترض مثلاً أنا جيبت بوردة مقاسها معموله للورق ال a2 مثلاً عشان تنفعني بعد كده لو داخل مدني فهل حتكون متعبة أوي بالنسبة لي عشان أنا برسم على ورق حجمه أصغر وهو a3 ؟؟؟
ولا لو كانت البوردة كبيرة أو صغيرة مش حتفرق غير في الفلوس ؟؟
رابعاً:
أنا مقدر مجهودك و تعبك معايا و أنا أسف بجد على الإزعاج
eng.yasmin 12-08-2009, 08:44 PM يا جماعة ايه كل الحاجات دي
أنا داخلة هندسة ومش عارفة كل الحاجات دي
طب مش المفروض هما في الكلية هيقوللنا علي الادوات اللي هنحتاجها
وهل هيا بتختلف من كلية لتانية
ولا دي حاجات اساسية في اعدادي
مع العلم اني داخلة كلية الهندسة الالكترونية بمنوف
وياريت حد يرد عليا يا جماعة
ومقدرين مجهودكم
طالب في ثالثة ثانوي 14-08-2009, 12:20 PM الورق اللي بترسموا عليه بيكون أسمه أو ماركته أيه أنا وانا بدور على النت لاقيت كذا حاجه زي
1-ورق كانسون
2- ورق بريستول
3-فبريانو
4- ورق شفاف
5-ورق كلك
6-ورق كمبيوتر
7-ورق زبدة شفاف !!!
أسف تعبتكم معايا
KeMoZzAzZ 14-08-2009, 04:33 PM احنا فى عين شمس الراجل قالنا نروح نشترى من حته معينه عشان هو بيكون مكتوب عليها حجات معينة هى اللى لازم نجيبها
حاجه خاصة بكليتنا يعنى
عشان كده بنصحك للمرة ال 3043839824732847 استنى لحد اما تخش الكلية :d
طالب في ثالثة ثانوي 14-08-2009, 04:50 PM أنا مش حجيبه دلوقتي
يعني أنتا يا باشمهندس مش عارف ماركة الورق ولا نوعه ؟؟؟ ما تعرفش أذا كان أسمه كلك و لا ورق شفاف ؟؟
KeMoZzAzZ 14-08-2009, 05:42 PM والله ماعرف
كل اللى اعرفه انه A3
:d
وانه بتاع رسم :d
طالب في ثالثة ثانوي 16-08-2009, 01:27 AM أوكي يا باشمهندس كيمو ومعلش أسئلتي كتير و تعبتك معايا
طالب في ثالثة ثانوي 16-08-2009, 02:15 AM احنا فى عين شمس الراجل قالنا نروح نشترى من حته معينه عشان هو بيكون مكتوب عليها حجات معينة هى اللى لازم نجيبها
حاجه خاصة بكليتنا يعنى
عشان كده بنصحك للمرة ال 3043839824732847 استنى لحد اما تخش الكلية :d
حاجات مكتوبه زي أيه يا باشمهندس كيمو ؟ قصدك ماركة الورق؟ زي فبريانو اللي بتكون محفور أسمها على الورق ؟ :confused:
eng_salwa 16-08-2009, 06:39 PM انا بصراحه ماشترتش كل اللي انت كاتبه
وفي حاجات مش لازم تشتريهااااا علي فكره
وماتشغلش بالك قب الكليه ماتبدء
لما تدخل الكليه ابقي اشتريهم
و هتحس ان كل ادوات اعدادي اللي هتستخدمهم
هيا مسطره حرف تي ومثلث ارسطو وطقم مثلثات وبرجل عادي
ونادرا ما تستعمل الفرنش كيرف
ومش لازم كل حاجه تشتريها روترنج
والبورده ليه شنطه ؟ انت اصلا مش بتروح بيها الكليه
ديه للبيت عندك ترسم اللوح عليها
هههههههههه انا ماجبتش البورده الا فين وفين اساسا
وومكن بلاش البورده وترسم علي المكتب
بس نصيحه بلاش توجع دماغك بحاجات هتلاقيها مش مشكله
انت في كليه مش مهتمه بده ..الادوات ديه بس للترفيه عنك
والله لو يطولوا يقولولك بلاش ادوات وارسم بايديك وطلع رسم حلو
هيعملوهااااااا ..
انت تدخل بس الكليه وهتحس ان الادوات ديه زي ماقلولوك الباشمهندسين فروع ثانويه
عبد العزيز أبودنيا 17-08-2009, 02:33 AM أزيك يابشمهندس انت بس مالك داخل ناوى كدة أستيكة وبعدين الادوات دى علشان تروح الكلية عايزلك شيال معاك لخص انا صاحبى قالى الافلام دى كلها ملهاش لزمة ماهى الان منظرة بس اهم حاجة المثلثات والبوردة ومالها ياعم سمير وعلى وبقى ورينى هتعمل اة فى الرسم ......................×××××:av4056bb7jp3:
etisalat__011 19-08-2009, 03:32 AM هههههههههههههههههههههههههههههههههههههههههههههههههه هههههه
ايه يا بشمهندس ده كله ؟؟؟؟؟؟؟؟
يا عم استنى بس حقولك
انا لسه داخل هندسة معاك بس الحاجات دى كلها واحدة واحدة
انته مستعجل ليه ؟؟ لو عايز يا عم تفرح أنك دخلت هندسة اشترى المسطرة حرف تى و اتبسط إنما الحاجات دى و الله لسه بدرى اوى عليها
تقبل مرورى و هات المسطرة و فوكك من الباقى دلوقتى
و يا ريت يا جماعة طالما هوه عايز يعرف قولوله لو تعرفوا و متقعدوش تتريقوا عليه
Eng M-Adel 27-08-2009, 02:24 AM الي الحـــــــــــــــــــــــــــــــرب
ma7moud_sites 06-10-2009, 12:03 AM كتب جامدة جدا يازعيم http://www.gulfup.com/gfiles/12547792551.jpg
|