انا عملت الموضوع دة عشان اوريكو نماذج لكليه علوم وانا بقول للطلبه او الخريجين عشان توصل للناس دى عايز مجهود وعرق ودراسه بعد التخرج لانهم بجد هم دول العلماء بتوع مصر

الاول احنا كعلميين اتجمعنا وعملنا جروب علي الفيس بوك عشان حجات كتير اوى اوى لو دخلتوا علي الجروب دة هتعرفوها
http://www.facebook.com/topic.php?uid=54268657079&topic=10644&start=30&hash=3e012fbf7fa4a7f3d46d055124ea8afc#/group.php?gid=54268657079


نبدا بقي

د اميره هريدى اخصائيه تحاليل وسموم في مستشفي جامعةعين شمس
ودى مؤسسسهالجروب
طبعا الكلام دة علي لسانها انا نقلتهلكو


خريجه دفعه 2003 و
القسم حيوان كيمياء
دبلومه بيو تكنولوجي ----علوم عين شمس
ديلوه سموم بيئيه و علوم بيئيه كما اطلق عليها
حاليا في اللمرحله الاخيره من الماجيستير ادعولي اناقش و اخلص
*******
الوظيفه :-اخصائيه تحاليل طبيه و سموم بمعمل المركز السموم -مستشفيات الجامعه
العدد الكلي للعاملين في المعمل هو حوالي 15 دكتور ما بين زميل كيمياء حيويه (خريجين علوم )
دول حوالي تلاته و فيه حوالي 9 تاني علميين برضه من ضمنهم انا
واحده دكتوراه كلينكال باثولوجي طبيبه يعيي وواحده تانيه ماستر جلديه بجد مش هزار و دول بقي مندوبين الكوسه في المعمل لانهم دخلوا المعمل بسبب قرابتهم الشديده لاساتذه عندنا
الشغل عندنا قائم علي نظام الطواريء يعني شفت 24 ساعه و بيقوم حاليا بالعمل فيه والي 6 افراد
ازاي بقي دخلت الوظيفه ديه هو ده اللي هحكيه بس الاول احب اقولكم اني يوم ما دخلت المركز كان هو المركز الوحيد في مصر وكان الدخول للشغل فيه حلممكنتش حتي بحلمه
المهم ابتدي باني بعد تخرجي علي طول رحت اتدرب في وحده علي خليفه لتشخيص الاورام و اول ما رحت قابلني موظفين قالولي لاااااااااااااااااااااااااا مفيش حاجه اسمها تدريب و دكتور علي مش بيرضي بصراحه اتغاظت اوووووي وقلتلهم عايزه اقابله قالولي مش بيجي المهم صممت و عرفت مواعيده و يوم ما رحت لقيت ناس كتير معاه و لاي حد ما يعرفش بابا علي خليفه ده كان اروع شخصيه ممكن حد يقابلها المهم وقفت علي جنب مستنيه اقابله وهو خارج و صممت اني اكلمه له و ولما شافني ندهني و قولتله اللي حصل معايا و اني نفسي اوي اتدرب و بالفعل وافق و كنت اول علميه اتدربفي الوحده و بدات هناك و انحابه المكان و بعد فتره اثبت كفائتي لدرجه انهم كانوا بيتخانقوا في الوحدات عشان اشتغل معاهم لاني كنت بشيل الشغل عنهم و فضلت فتره تدريب لحد ما د/علي حس باني بحب المكان اوي و بتعب فيه فبدا ينزل ليا مكافاه و ده كان اول مرتب اخده في حياتي وكنت طاااااايره من الفرح بجد المهم فضلت علي الحال ده املا في تعيين يجي لي هناك لحد ما حصل اللي مكنتش متخيلاه
مات دكتور عي خليفه الاب الروحي ليا و لغيري كتير وكان موته صدمه نفسيه لينا وطبعا بعدها جه دكتور جديد مسك الوحده وكان اول قرار ياخده بعد وجودي سنه هناك اني ادفع فلوس اخر كل شهر نظير تدريبي بدل ما اقبض يعني من الاخر امشي من هناك و طبعا اتصدمت جدا و حسيت اني تايه و حزينه لاني حبيت شغلي هناك جدا و اتعلمت فيه كتيييير و في نفس اليوم ده و انا ماشيه لفت نظري يا فطه مكتةب عليها مركز ابحاث و علاج السموم و ----------بدا لفصل التاني من القصه

د وائل ابو المجد ا خصائي ميكروبيولوجي بالمعمل المرجعي لمياه الشرب


-الاسم :وائل ابو المجد
-سنة التخرج :1996
-التخصص: ميكروبيولوجي
-الوظيفة الحالية :
اخصائي ميكروبيولوجي بالمعمل المرجعي لمياه الشرب
- مهام الوظيفة: عمل كافة التحاليل الميكروبيولوجية الخاصة بمياة الشرب
- الصفات المطلوبة لشاغل الوظيفة : الحصول على البكالوريوس في العلوم تخصص ميكروبيولوجي
-يمكن الللألتحاق بهذه الوظيفة عن طريق الشركة القابضة لمياه الشرب
- يوجد فرصة للترقى فى هذه الوظيفة
- أعلى منصب فيها من الممكن ان يكون مديرا عاما للمعمل المرجعي ككل أو أستشاري في اى جهة خاصة بتحليل المياة او التحاليل الميكروبيولوجية بشكل عام
- الراتب التقريبى لهذه الوظيفة يبدأ من 3000 جنيه بالنسبة لحديث التخرج
- الساعات المطلوبة للعمل هى 8 ساعات
- أعتقد انه يمكن العمل فى وظيفة اخرى بعد الظهر
-عدد الافراد ذو مؤهل علمى ( خريج كلية العلوم ) التى تحتاجها الشركات لشغل هذه الوظيفة:حوالي 40
- الفئات الى اتعامل معها فى هذه الوظيفة : فنيين و عمال
-ليس مطلوب اى دارسات عليا لهذه الوظيفة ( دبلومة – ماجستير )
- ايجابيات هذه الوظيفة : الاستقرار النسبي حيث انها تابعة لجهة حكومية
- سلبيات هذه الوظيفة : عدم تنوع الخبرات بها (أى محدودية نوعية التحليل- المياة فقط

الوظيفة السابقة:
اخصائي ميكروبيولوجي ورئيس قسم الميكروبيولوجي و نائب مدير ادارة رقابة الجودة بشركة لانتاج ألبان و أغذية الأطفال.
- مهام الوظيفة: عمل كافة التحاليل الميكروبيولوجية الخاصة بألبان الأطفال - بالأضافة الي المسئولية الفنية و الادارية عن معمل الميكروبيولوجي .
- الصفات المطلوبة لشاغل الوظيفة : الحصول على البكالوريوس في العلوم تخصص ميكروبيولوجي-أو بكالوريوس الصيدلة
-يمكن الللألتحاق بهذه الوظيفة عن طريق اعلان طلب وظائف من الجرائد او المصنع نفسه.
- يوجد فرصة للترقى فى هذه الوظيفة.
- أعلى منصب فيها من الممكن ان يكون مديرا عامالادارة رقابة الجودة أومديرا عامالادارة تاكيد الجودة.
- الراتب التقريبى لهذه الوظيفة حوالي2000 جنيه اذا كان اخصائي ميكروبيولوجي و حوالي 3500جنيه بالنسبة لمنصب رئيس القسم و يزيد بالطبع اذا كان مديرا
- الساعات المطلوبة للعمل هى7- 8 ساعات
- أعتقد انه يمكن العمل فى وظيفة اخرى بعد الظهر
-عدد الافراد ذو مؤهل علمى ( خريج كلية العلوم ) التى تحتاجها الشركات لشغل هذه الوظيفة:حوالي 10
- الفئات الى اتعامل معها فى هذه الوظيفة : صيادلة و مهندسين وفنيين و عمال
-ليس مطلوب اى دارسات عليا لهذه الوظيفة ( دبلومة – ماجستير )
- ايجابيات هذه الوظيفة :التفرد في نوعية التحاليل الخاصة بالبان الأطفال حيث لايوجد سوى هذا المصنع في مصر و الشرق الأوسط
- سلبيات هذه الوظيفة : بالنسبة لاخصلئي ميكروبيولوجي قديم هو ان نوعية التصنيع تعتبر اغذية مما يعني عدم اتخاذ اجراءات ميكروبيولوجية مشددة وبالتالي عدم اجراء العديد من اللأختبارات الميكروبيولوجية الأخرى .. مثل
sterility testing , endotoxin test ,..etc

د فاطمه عبد الحميد باحث مساعد في المركز القومى للبحوث


الاسم: فاطمة عبد الحميد
سنة التخرج: 1998- جامعة المنصورة
المؤهل: ماجستير كيمياء حيوية 2004 و مسجلة دكتوراه بقالي 3 سنين
الوظيفة: باحث مساعد في المركز القومي للبحوث
ما تفتكروش ان الوظيفة دي جت على طبق من فضة بالعكس انا من يوم ما اتخرجت و انا حطيت هدف في دماغي لازم اسعى له كان بكل سهولة اخد دبلومة اسكندرية و ارفع قضية و افتح معمل اقعد فيه زي الباشا بس الحكاية مش كل طموحاتي
طموحاتي ان العلم اللي اتعلمته مش لازم يقف عندي لازم اتعلم زيادة و اوصل علمي ده للناس و علشان اتعلم زيادة لاوم اتعب و اجيب العلم و لو في الصين و اكتسب خبرة كتيييييرة علشان اقدر اقف قدامكوا دلوقتي و اديلكم الخبرة دي فيه مثل انجليزي بيقول N pain No gain يعني بالبلدي ان ما كنتش هاتتعب مش هاتلاقي ان مكنتش هاتزرع مش هاتاكل انا من يوم ما تخرجت اشتغلت في حاجات كتير و تدربت في معامل تحاليل بدون مقبل طبعا لمدة طويلة و بعدين اشتغلت في مركز ابحاث خاص كنت باشتغل و باحضر ماجستير كنت باسافر من بلدي و اجيب عينات و ارجع تاني في بلد تانية و اعملها في محافظة تانية كنت باكتب رسالة الماجستير بتاعتي و في نفس الوقت لما باحتاج حاجة ناقصاني في الكتابة بادور عليها في مكاتب كتير زي مكتبة اسكندرية -معهد البحوث الطبية في اسكندرية-طب القاهرة - طب عين شمس - طب المنصورة كان طموحي مالوش حدود كنت عايزة الرسالة بتاعتي ما تبقاش شبه اي رسالة كنت باتعب جامد و ساعات بييجي عليه اوقات اقول لنفسي هاخد ايه في الاخر رسالة هاتتحط في الدرج و خلاص و بعدين ارجع لنفسي تاني و اقول ان الله لا يضيع اجر من احسن عملا
نكمل بعد الماجستير و التعب و المصاريف الكتير نزلت لسوق العمل اشتغلت مندوبة مبيعات كنت باسافر على الاقل 3 اماكن مع بعض و اشيل و اودي و الكيماويات تبقى تقيلة و اتبهدل في الشمس بس طلعت بحاجة من شغل مندوب المبيعات ده اخدت خبرة في معاملة الناس بكل طبقاتها في مجالنا من الدكتور للممرضة للفني عرفت اتعامل مع كل فئة و ارد عليها كويس و اخرج بعلاقات جديدة فادتني بعد كدة في حياتي و اتعلمت ان مش بس اللي بياخد درجة علمية له خبرة كبيرة و لا اللي بيحبس نفسه وسط معمله و ابحاثه يبقى نجح لكن اهم نجاح هو معاملة الناس و الخبرة لكسبهم في صفكو هايفيدك بعد كدة بشتى الطرق و اتعلمت كمان ان ما القيش فرصة قدامي و ما اخدهاش لا يا بيه لازم امد ايدي و اخدها لأن ربنا حطها قدامي علشان دي بتاعتي على فكرة انا ما باحبش لا وسايط و لا رشوة اتعرض عليه شغل قبل كدة فيه وسايط و رشوة و رفضت لأن ده حرام على فكرة دي مش شعارات هي دي الحقيقة لأني انا شايفة ان ده حق مش حقي المهم و قعدت سنتين في شغلة المبيعات لغاية ما جالي تعيين المركز لأنهم نزلوا اعلان في الجرايد و كنت متابعة مع واحد زميلي في اعلانات المركز و اتعينت بالماجستير و بالتقدير و عرفت فعلا ان ربنا يمهل و لا يهمل

د عماد حمدى محمود
الاسم :عماد حمدى محمود
سنة التخرج :1992
التخصص:نبات و كيمياء
الوظيفة الحالية :دكتور باحث(مدرس)


ثانيا: الوظيفة:

ما هو المسمى الوظيفى؟باحث(مدرس) (دكتور)
ما هى مهام الوظيفة؟القيام بأعمال البحث و الدراسة فى المجالات التى تخدم خطة و طبيعة العمل بالجهة البحثية التابع لها

ما هى الصفات المطلوبة لشاغل الوظيفة ؟أن يملكالعقلية المناسبة للبحث العلمى و ان يكون صبور (صبور جدا) و يتحلى بالامانة العلمية
كيف يمكن الللألتحاق بهذه الوظيفة؟الاعلانات الحكومية للجامعات و المراكز البحثية او البداية كأخصائى تم التسجيل للماجستير و التحول للكادر الخاص
ومافرصة الترقى فى هذه الوظيفة ؟ تعتمد على المجهود فى الانتهاء من الماجستير و الدكتوراة و الابحاث
وما هو أعلى منصب فيها ؟استاذ دكتور
وما هو الراتب التقريبى لهذه الوظيفة ؟المدرس حوالى 1500 جنية
وماهى الساعات المطلوبة للعمل؟مواعيد العمل الرسمية مع الحضور على الاقل اربعة ايام اسبوعيا
وهل يمكن العمل فى وظيفة اخرى بعد الضهر ؟صعب و لكن ممكن


ثالثا: اسئلة منوعة :
كم عدد الافراد ذو مؤهل علمى ( خريج كلية العلوم ) التى تحتاجها الشركات لشغل هذه الوظيفة ؟اعداد قليلة حسب الاحتياج
ما هى الفئات الى اتعامل معها فى هذه الوظيفة ؟كل الفئات من اول العمال الى الاساتذة الدكاترة

هل مطلوب اى دارسات عليا لهذه الوظيفة ( دبلومة – ماجستير )؟طبعا يجب البدء بالماجستير ثم الدكتوراة
هل تساعدنى هذه الوظيفة فى اللاتحاق بوظيفة اخرى؟يمكن العمل كإستشارى او خبير هذا بالطبع بالاضافى لأمكانية الانتقال للجامعات

ماهى ايجابيات هذه الوظيفة ؟مجال البحث العلمى مجال ممتع جدا و يشجع على القراءة و المعرفةالدائمة و التعامل مع المشاكل بعقلية علمية و منظمة كما يعلم الصبر
ما هى سلبيات هذه الوظيفة ؟ الدخل محدود جدا بالمقارنة لما تحتاج الى صرفة على الدراسة و الابحاث العلمية المنشورة و تجميع المادة العلمية

والجروب مليان بوجهات مشرقه جدا لكليه علوم
ومنهم د مصطفي سمير اخصائي تحاليل طبيه بمستشفي القصر العينى
د محمدمحمود اخصائي اطفال انابيب
والجروب مليان بحوالي 1500 خريجى كليه علوم الحقيقين
وحطوا في دمغكو عشان توصلوا لازم تعب ومجهود

ودة اكبر موقع لتحاليل الطبيه في مصر و الشرق الاوسط كله والعالم العربي اللي عاملينه خريجين علوم
وكل اللي فيه كلهم اخصائيين تحاليل من كليه علوم في محافظات مصر

http://clinicalanalysis.healthgoo.com/

السلام عليكم ورحمة الله وبركاته
والله مش عارف ياأستاذ زيزو أقولك ايه
أنت فعلا انسان محترم ربنا يجزيك خيرا على اللى بتعمله ده
أنت بتعيد الأمل لناس احتمال لو مش قريوا الكلام ده يفقدوا الأمل
من النهارده لازم كلنا نرفع راسنا فى السماء ونقول احنا طلاب كلية العلوم الكلية اللى أبسط تعريف لها أنها خرجت الدكتور أحمد زويل
شكرا جزيلا
والسلام عليكم ورحمة الله وبركاته

السلام عليكم ورحمة الله وبركاته
والله مش عارف ياأستاذ زيزو أقولك ايه
أنت فعلا انسان محترم ربنا يجزيك خيرا على اللى بتعمله ده
أنت بتعيد الأمل لناس احتمال لو مش قريوا الكلام ده يفقدوا الأمل
من النهارده لازم كلنا نرفع راسنا فى السماء ونقول احنا طلاب كلية العلوم الكلية اللى أبسط تعريف لها أنها خرجت الدكتور أحمد زويل
شكرا جزيلا
والسلام عليكم ورحمة الله وبركاته

العفو واحنا عملنا جروب الفيس بوك دة عشان نعيد كليه علوم لمكانها
ودة لما الصحافة كتبت علي الجروب وطبعا اسمد اميرة موجود فيه

http://up1.arb-up.com/files/arb-up-2009-8/r1x58382.jpg (http://www.arb-up.com/)

دى فقطنماذج انا اعرف كتتتتتتتتتتتتتتتتتتتتتتير جدا كدة واللهى 90% من خريجى علوم دلوقتى بقوا اول ما يخلصو ياخدو دبلومة تحاليل في الكميا الحيوى او الميكروبيولوجى وبييشتغلوميدكال ربيب و بيقدمو ماجستير وع مايخلصوا ماجستير بيفتحو سلسه معامل من فلوس الميدكال ريب لانهم بيكونوكونو فلوس كويسه من الميدكال ريب

مشكووووور يا زيزو عالنماذج الجامده دى والحمدلله اننا فى علوم وربنا معانا كلنا يا رب

شكرا ياستاذ زيزو على المجهود الرائع انت حقا نموذج للانسان الناجح والمحترم
وان شاء الله اى حد حيفكر يعمل اى حاجة تانى حيعرف حيحصله ايه لان كليتنا احسن من اى كلية

مش عرفة اقول ايه اكتر من ربنا يكرمك
جزاك الله كل خير

العفو يا جماعة اهم حاجة للي داخل الكليه يزاكر ويتعب ويجتهد ويجيب تقدير
ولما يتخرج يحاول يثببت نفسه يلاقي شغل ويثبت نفسه فيه زى النماذج دى
ويحضر ماجستير ويثبت نفسه اكتر

ان شاء الله يازيزو