مشاهدة النسخة كاملة : تجمع طلبة وطالبات سياحة وفنادق الفيوم
treka_100 10-08-2009, 11:18 AM النهاردة برحب بكل زمايلي في سياحة وفنادق الفيوم
وعملت الموضوع ده عشان نتعرف على بعض اكتر
نساعد بعض اكتر
يعني موضوعنا ده هندردش فيه عن كل حاجة :039uw8:
تخصنا اوتخص الكلية والدراسة
وهبدا بتقديم نفسي
:078111rg3::078111rg3::078111rg3:
محمود محمد ابراهيم
سياحة وفنادق الفيوم
الفرقة الاولي "مستجد"
نفسي ادخل قسم ارشاد
بفكر اخد صيني :d
ساكن في حلوان
حاليا ماعنديش هواية او رياضة غير البادي بيلدينج :romarioxp6:
يلا عرفونا بنفسكم ويلا ندردش
:022yb4::av4056bb7jp3::022yb4:
cedek 10-08-2009, 12:25 PM انا بسمة سياحة وفنادق الفيوم الفرقة الاولى ونفسى ادخل قسم ارشاد ومن بنى سويف:d
aya gamel 10-08-2009, 06:48 PM هاى يا جماعة انا اية سياحة و فنداق الفيوم برضه و ان شاء الله نفسى ادخل ارشاد و هاخد ايطالى
treka_100 10-08-2009, 10:37 PM اهلا بيكي يا بسمة انتي و آية
ايه اخباركم يا جماعة
هتروحوا الكشف امتى
وهتركبوا منين صحيح
وان شاء الله قسم ارشاد يا جماعة
وحلو اوي الايطالي يا اية وسهل جدا
aya gamel 11-08-2009, 12:15 AM ميرسى ليك يا تريكة و فعلا الايطالى سهل موووووووووت و انا كنت بدرسه فى ثانوى
بالنسبة للكشف فانا هاروح يوم الاربعاء 12 وانشاء الله هركب من الجيزة المرة دى عشان اشوف انهى اسهل فيهم
انا روحت مرة من الهرم ودى كانت اطول مده وبعد كده روحت من رمسيس ودى يعنى مش كانت طويلة بس الرة دى هروح من الجيزة انشاء الله
وانتوا ابقوا قولوا هتعملوا ايه وهتروحوا ازاى
treka_100 11-08-2009, 12:19 AM انا هروح بردو يوم 12 وهركب من الجيزة
لو تحبوا نتقابل كلنا هناك ونركب مع بعض اوك
cedek 11-08-2009, 12:32 PM اكيد انشاء اله هنتقابل كلنا بس انا سمعت ان الكشف الطبى مش هيكون فى الجامعة هيكون فى كلية تربية نوعية وهما بيقولو انها جنب الجامعة
treka_100 11-08-2009, 12:34 PM انا ولا اعرفاي حاجة
انا رايح عشانانتوا قولتولي
انا ولا كنت اعرفالميعادحتي :d
احنا نروح نسال
treka_100 11-08-2009, 12:44 PM اها اكيد لما بتكبي رد بيهنج دوسي باك هيرجعك الصفحة نفسها اعملي ريفريش هتلاقي الرد ظهر
اتعودي على كده المنتدي بيخرف عشان الصيانة :d
aya gamel 11-08-2009, 02:21 PM هاى يا جماعة انا سالت فى الشئون قالو لازم الاول نروح الكلية و بعد كده هما هيقولولنا هنروح فين
و ان شاء الله نتقابل كلنا هناك الاول عشان ما نتلخبطش و بعد كده نبقى ننظم الموضوع مع بعض
ronaldinho10 11-08-2009, 08:49 PM مساااااااااء الروقان انا انطون لسة مستجد في سياحة و فنادق الفيوم و عايز اعرف الكشف الطبي امتي و هل ليه يوم واحد فقط:blush:
treka_100 11-08-2009, 09:06 PM الكشف الطبي يوم 12 و 13
treka_100 12-08-2009, 04:24 PM انا خلصت الكشف الطبي
الانتر فيو بتاعي يوم 16 الاحد الجاي
في حد معايا ؟؟؟؟؟
ولا هبقي لوحدي هناك :d
aya gamel 12-08-2009, 08:47 PM هاى يا جماعة ازيكم على فكرة الكشف الطبى ده عادى جدا محدش يقلق منه انا عملته النهارده و هو تقدروا تقولوا مجرد روتين
treka_100 12-08-2009, 11:02 PM صح يا اية مافيهوش اي حاجة
وحمد الله على السلامة
dr \manoo 13-08-2009, 01:19 AM حمدالله على سلميتكوا كلكوا بس اقول بقى كلمه مضايقانى اوى انتوا ازاى دخلتوا سياحه ياعيال انتو مش جرئين خالص ومفيش ورقه انتوا عملتوها كله اخواتكوا ياخيبة هههههههه ده طبعا هظار
treka_100 13-08-2009, 11:53 AM حمدالله على سلميتكوا كلكوا بس اقول بقى كلمه مضايقانى اوى انتوا ازاى دخلتوا سياحه ياعيال انتو مش جرئين خالص ومفيش ورقه انتوا عملتوها كله اخواتكوا ياخيبة هههههههه ده طبعا هظار
؟؟؟؟؟؟؟؟؟؟؟؟؟؟
aya gamel 13-08-2009, 01:35 PM انا عارفة يا منى انك بتهزرى بس على فكرة بقى احنا مش خيبة ولا حاجة هو بس احنا اللى لسه ما اتعودناش على النظام الجديد بس ان شاء الله بكرة نتعود يعنى مثلا انا دلوقتى صحيح اختى هى اللى بتعملى كل حاجة لكن طبعا بعد كده هعتمد على نفسى مش معقول مثلا هاخدها معايا الكلية و اخليها تحضر لى المحاضرات
treka_100 13-08-2009, 01:40 PM اه صحيح يا اية ابقي اكتبي بيعوزوا ايه في المدينة
وهنعمل ايه وكده
عشان الناس اللي لسه ماعملتش تعرف :d
cedek 13-08-2009, 02:25 PM بس يامنى انا عارفة انتى قاعدة تلقحى بالكلام اهدى انتى كدة واسكتى وبعدين انتى داخلة هنا ليه دى اصلا مش كليتك
treka_100 13-08-2009, 02:27 PM صباح الخير
ازيك يا بسمة
treka_100 13-08-2009, 02:51 PM هو ليه محدش بيرد عليا
هو في حاجة ؟
على العموم شكرا
سلام
aya gamel 13-08-2009, 03:18 PM هاى يا تريكة انا لسة داخلة والله و مش كنت شفت مشاركاتك و بعدين ازاى يعنى حد ما يقدرش يرد عليك هو احنا نقدر
و الاجراءات بتاعة المدينة سهلة بتسحب دوسية من المدينة بعد ما بتدفع 53 جنية فى الجامعة و تملاه و تحط معاه 8 صور و تستوفى فيه كل الاوراق المطلوبة و تروح المدينة توديه هناك
dr \manoo 14-08-2009, 12:23 AM ماتضيقش اوى يابسمه انا عارفه انها مش كليتى
بس انا رحت وشفتك انتى واية وتريكه
دى نصيحه وهزار
واية ياتريكه ؟؟؟؟؟؟
انا بقول الحقيقة
بصراحه ردك عجبنى يااية
cedek 14-08-2009, 09:05 AM هاى ياجماعة ازيكو ازيك يا اية وازيك يا تريكة وسورى انا لسة داخلة ومش شفت مشاركتك ازاى يعنى مش هنرد عليك وانتى يامنى خلاص ياختى قولتى الى فى قلبك يلا بقى مع السلامة انتى مش قريتى العنوان كويس بيقولك تجمع طلبة سياحة وفنادق الفيوم وانتى مش معانا على العموم لو عايزة تقعدى شوية اهلا وسهلا بس ياريت مش تكونى ضيف تقيل
aya gamel 14-08-2009, 01:04 PM الله ينور عليكى يا بسمة
treka_100 14-08-2009, 02:05 PM ماتضيقش اوى يابسمه انا عارفه انها مش كليتى
بس انا رحت وشفتك انتى واية وتريكه
دى نصيحه وهزار
واية ياتريكه ؟؟؟؟؟؟
انا بقول الحقيقة
بصراحه ردك عجبنى يااية
اها سوري اصل ما كنتش اعرف انه انتي :d
بس على فكرة انا اختي كانت جاية معايا كده
بتتفسح يعني :d وعشان الطريق طويل ومش بلاقي حد اتكلم معاه
بس مش اكتر والدليل على كده اني انا الليمخلص كل الورق وانااللي روحت قدمت لوحدي :p
يلا بقي روحي على الكلية بتاعتك
treka_100 14-08-2009, 02:09 PM ثانكس يا اية على المعلومات
وبالنسبة لانكم ماردتوش عليا
نو بلوبلوم انا كنت بهزر :d
ميـــــــــــــــــــــــــــــــــن هايجي معايا يوم الحد :p
aya gamel 14-08-2009, 02:33 PM هاى يا جماعة
بصراحة يا منى شكلك بقى وحش اوووووووووووى يا منى و بصراحة هما معاهم حق يعنى دى مش كليتك ولا حتى جمعتك
هههههههههههههههه
وانشاء الله يا تريكة احنا كلنا هنروح يوم الحد
cedek 15-08-2009, 11:08 AM خلاص يا جماعة كفاية كدة على منى هى استوت خلاص وبعدين هسال سؤال هو مفيش غيرى وانا واية وتركة بس الى فى سياحة وفنادق الفيوم اومال فين الباقى ويا تريكة بالنسبة ليوم الحد كلنا رايحين المهم يااية عايزة اقولك على حاجة بس بعدين لما تدخلى على الميل بقى :d
treka_100 15-08-2009, 12:37 PM خلاص عشان خطرك يا بسمة مش هنقولها حاجة تاني
وتقريبا كده مافيش غيرنا في الكلية دي كل ما اسال حد هناك يقولي هاحول :d
اوك خلاويث نتقابل يوم الحد
cedek 15-08-2009, 12:52 PM الواضح فعلا ان مفيش غيرنا فى الكلية دى بس يا تريكة انت الانترفيو بتاعك بكرة يعنى اول ما ترجع تنزل الاسئلة عالطول وبالاجوبة احسن احنا كدة هنضيع
treka_100 15-08-2009, 01:28 PM اوك طبعا هنزلها
بس انا هحلها ازاي :d
بس على فكرة يا جماعة المعلومات العامة عليها 20 من 100 في الانتر فيو
يعني دونت وري
a7med.kimo 15-08-2009, 01:43 PM هااااي ياجماعة .. انا احمد من الهرم
انا مش عارف انا معاكوا في الفيوم ولا لا ,, هو بطاقة الترشيح جاتلي الفيوم بس انا حولت حلوان ..
يابختكوا هتخلصوا من الموال دة
انا روحت جامعة الفيوم علي فكرة .. وعجبتني بس انا ااقرب لحلوان
عموما لو حولت يبقي كويس .. ولو محولتش يبقي كويس بردة علشان انتوا هتكونوا معايا والاقي حد اعرفة
بس انا في مشكلة ان نتيجة التحويل لسة يوم التلات او الاربعا معني كدة ان معاد الكشف الطبي والانترفيو هيفوتني في الفيوم وحلوان .. وانا مش عارف اعمل اية .. ممكن حد يساعدني علشان انا اتروشت بجد ياريت حد يساعدني
a7med.kimo 15-08-2009, 01:47 PM ياجماعة حد يرد عليا ....
sympathique 15-08-2009, 01:51 PM بالنسبة للطلبة المحولين عادى
ممكن تعمل الكشف الطبى فى ايوم وكمان الانترفيو دى مفيش فيها مشاكل
حتى لو انت مكنتش محول واتاخرت كمان على الانترفيو ورحت فى اي يوم
حكاية الانترفيو دى عادية ودونت ورى
cedek 15-08-2009, 02:01 PM كلامك صح يا شريف بس حتى لو نتيجة التحويل ظهرت يوم التلات هيكون الانترفيو مش فاته بالنسبة لجامعة الفيوم لان اخر يوم فى الانترفيو هيكون الاربع
sympathique 15-08-2009, 02:06 PM انا مش عاوزه يقلق حتى لو فاته مفيش فيها مشكلة
عندنا ريها مستنية نتيجة التحويل زيه تمام
a7med.kimo 15-08-2009, 02:12 PM شكرا اوي ... بس يا بسمة .. لو نتيجة التحويل ظهرت التلات ومثلا حولت حلوان هيكون فات المعاد في حلوان
يعني كدة في معاد تاني ؟؟؟؟
sympathique 15-08-2009, 02:15 PM هههههههههههههه
يابنى حتى لو مفيش ميعاد تانى اى يوم انت ممكن تعمل الانترفيو وفيه
وغالبا حلوان فيه ميعاد يوم 18
مش عارف حلوان ولا الاسماعيلية
اى يوم يا احمد اى يوم يا احمد افهم بقى
a7med.kimo 15-08-2009, 02:27 PM هههههههههه خلاص ياباشا .. معلش
وشكرا مرة تانية
aya gamel 15-08-2009, 03:01 PM هاى يا جماعة ازيكم انا اللى عرفته ان معاد الانترفيو مش بيبقى مهم اوى ده يوم ما روحنا عشان الكشف الطبى كان فى ناس مش معادها اصلا و عملت الانترفيو
dr \manoo 17-08-2009, 12:20 AM لا انا حبيت بقى قسم سياحه وفنادق اصل بتوع صيدله مفيهمش اصحابى وانا مش عايزة ادخل القسم بتاعها
يعنى م الاخر بمزاجى
ثانيا انا مردتش عليكوا بس علشا ن اا نا مكنتش بدخل
ارد عليكوا واحد واحد
اولا بسمه اهدى وملكيش دعوه ادخل فى اى حته احبها المنتدى دى للجميع ياقطه مشى وعيب عليكى ده انا صحبتك
ومستوتش ولا حاجه انا لسه خضرة
انت بقى ياتريكه
اولا انا كت بهظر على موضوع انكوا جايين باخواتكوا وكت اقصد اية انت الى افتكرتها عليك
سو الى على راسه بطحه على العموم ده just joke with u لو انت اضايقت مش هظر تانى اوك
اما انتى يااية
كنت بقول عليكى عقله وكده مش انا الى مساعدكى ياابت للدار والله زعلت منك
بتقوليلها علشان خطرك يابسمه كده يعنى انا ماليش خاطر عندك والله زعلت شوفى ازاى
اما انت يااحمد
بالرغم اك مادخلتش فى الموضوع ده
بس ازيك عامل اية nice to talk to u , ihope to u kol 7`eer
a7med.kimo 17-08-2009, 01:25 AM هااااااااااااي ياجماعة .. ازيكوا كلكوا .. اية الاخبار
شكرا يا مني بس انا محبتش اتطفل لاني معرفش اية السبب ال خلهاهم يردوا عليكي كدة
عموما انا تمام الحمد لله .. وانتى اية اخبارك
aya gamel 17-08-2009, 02:59 AM جرا ايه يا منمن انتى زعلتى احنا كنا بنهزر معاكى هو احنا نقدر على زعلك يا جميل برضه
treka_100 17-08-2009, 11:24 AM ايه ده دي زعلت :006et4:
مش انتي كنتي بتهزري احنا كمان كنا بنهزر :d
على العموم ده just joke with u لو انتي اضايقتي مش هاهزر معاكي تانى اوك :p
dr \manoo 17-08-2009, 05:38 PM لا انا مبزعلش ياجماعه انتوا اخواتى الكبار
هههههههه اصلى اانا صغيرة
لا عادى اانا بس حبيت اناطقوا شوية
بس بجد انا حبيت الكلية بتاعتكوا مع انى مكتش مقتنعه بيها من الاول
بس ناو عجبتنى ربنا معاكو بقى وكفاية انتوا هتكونوا اصحاب جامدين
مع بعض
a7med.kimo 17-08-2009, 06:33 PM اية ياجماعة انتوا موتوا ولا اية
فين تريكة وفين بسمة .. فينكم كلكم
:confused:
aya gamel 17-08-2009, 07:01 PM هاى يا احمد ازيك احنا موجودين اهو
a7med.kimo 17-08-2009, 07:46 PM انا قاعد جوة من الساعة 10 .. وانتوا بتكلموني وانتوا مشين !! وملحقتش حتي ااقول سلام عليكم
هو بكلم محمود كلمتين لقتكم هتمشوا .. اعمل اية طيب
عموما متزعليش
a7med.kimo 19-08-2009, 12:43 PM انتووووووووووووووووووووووووووووووووووووووووووووووو ووووووووا فيييييييييييييييييييييييييييييييييييييييين
cedek 19-08-2009, 01:23 PM موجودين يا معلم اومال فين الباقى يا جماعة
a7med.kimo 19-08-2009, 01:48 PM موجودين مين بس
والباقي مات خلاص الحتة دية بقيت وحشة
aya gamel 19-08-2009, 07:46 PM هاااااااااااااااااى يا جماعة اعزرونى والله اصل كان عندى الانترفيو النهارده بس خلاص خلصت و فضيت لكم اهو
عاملين ايه وحشنننننى موووووووووووووت
treka_100 21-08-2009, 09:19 PM كــــــــــــــــــــــــــــــــــــــل سنة وكل طلاب سياحة وفنادق الفيوم بخير
ومش طلاب الفيوم بس طلاب سياحة كلهم
ومش طلاب السياحة بس لا كل الطلاب
ومش الطلاب بس لا كل الناس
كل سنة وانتوا طيبين
:d
a7med.kimo 23-08-2009, 05:48 AM وسعوووووووووووووووووووووووووووووووا .. انا جييييييييييييييييييت
كل سنة وانتم طيبين كلكم .ز ( محمود , وبسمة . واية . وكلكم )
رمضااااااااااااااااااااااااااااان كريييييييييييييييييييييييييم
hassansuperstar 24-08-2009, 07:43 PM ياجماعة لو حد رايح يقدم انا رايح بكرة ممكن نتجمع ونتقابل ونروح مع بعض
aya gamel 25-08-2009, 02:08 PM والله يا حسن انا خلاص قدمت بس ابقى طمنا انت عملت ايه
a7med.kimo 25-08-2009, 04:24 PM انا حولت حلوان ياجماعة !!!!!!!!!!!!!!!
hassansuperstar 25-08-2009, 04:56 PM انا ياجماعة رحت النهاردة قدمت وقالى كلمنى بعد اسبوع علشان اخد معاد الانتر فيو بس الرجوع من الفيوم للقاهرة صعب اوى لو حد عرف ميعاد الانترفيو ياريت يقولى
aya gamel 25-08-2009, 06:12 PM انت ممكن تتصل بيهم الاول قبل ما تروح لو مش معاك الرقم قولى وانا اديهولك
tifa2000 30-08-2009, 11:14 AM هاااااااااااااى لكل اللى هنا انا مصطفى من شبرا ام الدنيا انا معاكوا فى سياحه الفيوم لو اى حد يعرف حاجه عن ميعاد الانترفيو واللغات اللى هناك فى الكليه اصل انا سمعت انهم 4 لغات بس
aya gamel 30-08-2009, 08:37 PM اولا اهلا بيك معانا يا مصطفى ثايا هو انت لسه ما رحتش لغاية دلوقتىليه الانتر فيو بيتعمل من بدرى المفروض تروح بسرعة
و بالنسبة للغات انت هتختار الغة وانت بتعمل الانترفبو و هما المانى- فرنساوى- صينى -يابانى
و على العموم اتصل اسال قبل ما تروح ولو مش معاك الرقم قولى وانا اديهولك
hassansuperstar 30-08-2009, 09:12 PM مصطفى انا بردة لسة مارحتش الانتر فيو لو كدة نتقابل ونروح مع بعض
tifa2000 01-09-2009, 02:18 AM اولا يا تريكه انا كنت مقدم فى التحويلات علشان كده لسه مرحتش
ثانيا ياريت يا جماعه اعرف رايكوا عن(الكيله_الجامعه_البلد_الفرق بين القاهرة وهناك)
مستنى الرد:romarioxp6:
aya gamel 01-09-2009, 03:30 AM بص انا هقولك عن انطباعى بس ده راى الشخصى و على فكرة انا من القاهرة بس لما رحت الكلية ما قدمتش اصلا فى التحويل
اولا هى احسن كلية سياحة و فنادق على مستوى مصر
ثنايا انا شايفة ان الجامعة نضيفة جدا و جميلةو فى راى انها احسن من جامعة القاهرة
ثالثا المشوار مش بعيد اوى ده فى ناس اصلا بتروح و تيجى كل يوم
رابعاهى صحيح البلد نفسها تعبانة شوية بس شغالة برده هى اه مش زى القاهرة بس كويسة و خصوصا ان المدينة الجامعية جوا الجامعة نفسها حتى الدار اللى انا قدمت فيها قريبة اوى منها يعنى مفيش تعب
و ده راى انا ر ربنا معاك فى التقديم
treka_100 01-09-2009, 07:32 PM بص انا هقولك عن انطباعى بس ده راى الشخصى و على فكرة انا من القاهرة بس لما رحت الكلية ما قدمتش اصلا فى التحويل
اولا هى احسن كلية سياحة و فنادق على مستوى مصر
ثنايا انا شايفة ان الجامعة نضيفة جدا و جميلةو فى راى انها احسن من جامعة القاهرة
ثالثا المشوار مش بعيد اوى ده فى ناس اصلا بتروح و تيجى كل يوم
رابعاهى صحيح البلد نفسها تعبانة شوية بس شغالة برده هى اه مش زى القاهرة بس كويسة و خصوصا ان المدينة الجامعية جوا الجامعة نفسها حتى الدار اللى انا قدمت فيها قريبة اوى منها يعنى مفيش تعب
و ده راى انا ر ربنا معاك فى التقديم
كنت هقولها :d
بس على فكرة يا اية احنا مالفناش البلد كلها
بس على فكرة فيها اماكن حلوة كتير وده اللي انتوا ما تعرفهوش :p
وكلامك تمام الجامعة جمدة اوي وفيها امكانيات كويسة ومعامل لغات
والسكن قريب وكله تمام
وماتخافش احنا معاك :049gc0:
a7med.kimo 02-09-2009, 06:07 AM الاول السلام عليكم
بعد كدة بقي ... انتو اصحاب مش تمام علي فكرة وبالاخص محمود واية والبش مهندسة القعدة تهلل وعاملة ازعاج ودلوقتي ولا حد سمعلها صوت طبعا يامحمود عارف مين واية بردة اعتقد عارفة .... عموما هي لما تدخل وتشوف الا انا كتبة هتعرف نفسها علي طول
كدة ياجدعان محدش يسال عني كدة بعد التحويل مبروك ياحمد وخلاص علي كدة ماشي يامحمود انت واية والمهندسة التانية ماشي اصلا من لقي احبابة نسي اصحابة
عموما انا اكيد هجيلكم يوم وهيطلع عينكوا
سلام يا
يا اصحاب
aya gamel 03-09-2009, 04:54 PM الاول السلام عليكم
بعد كدة بقي ... انتو اصحاب مش تمام علي فكرة وبالاخص محمود واية والبش مهندسة القعدة تهلل وعاملة ازعاج ودلوقتي ولا حد سمعلها صوت طبعا يامحمود عارف مين واية بردة اعتقد عارفة .... عموما هي لما تدخل وتشوف الا انا كتبة هتعرف نفسها علي طول
كدة ياجدعان محدش يسال عني كدة بعد التحويل مبروك ياحمد وخلاص علي كدة ماشي يامحمود انت واية والمهندسة التانية ماشي اصلا من لقي احبابة نسي اصحابة
عموما انا اكيد هجيلكم يوم وهيطلع عينكوا
سلام يا
يا اصحاب
لا طبعا ازاى تقول كده انت اللى رحت و قلت عدولى و طبعا دورة بقى على اصحاب جداد من حلوان
ههههههههههه
و بصراحة انا مش فاهة انت بتتكلم على مين؟؟؟؟؟؟؟؟؟؟؟ظظظ
treka_100 04-09-2009, 12:11 AM ههههههههههههههههه
صباح الفل انت اللي ما صدقت يا احمد انك حولت وماشوفناكش خالص كده
انتي مش عارفة مين ياآية
انا عارف بس ماتقولوش اني قولت ................
بسمة :D
ابقي تعالي ووريني هتعمل ايه يااحمد :-p
ميدو ابن حميدو 05-09-2009, 10:10 PM مساء الخير عليكم كلكم اولا
انا احمد مجدي طه
داخل تانية سياحة جامعه الفيوم
انا اصلا من الفيوم
كلام ايه صح
والله ياجماعه جامعه الفيوم جميل جدا ونضيفة
ومعترفبسياحة الفيوم عن اي سياحة تانية واسئلوا اي حد فى المجال ده واتحداكم ان قال غير كده
بالنسبة للتقديم ماتقلقوش من اي حاجة كله ماهو الاروتين
مفيش قلق غير من المدينة الجامعيه غير كده زى ماقولتلكم ماتقلقوش من اي حاجة
بالنسبة للغات في روسي وفرنساوي وايطالي والمانى واسباني وصيني
ولو عايزين اي حاجة انا موجود
أخوكم
ميدو ابن حميدو
وخليكم فاكرين ان بجد سياحة الفيوم حلوة جدا ومتخلوش حد يقنعكم بالعكس
treka_100 05-09-2009, 10:28 PM اهلا بيك معانا يا احمد
كل سنة وانت طيب
ميدو ابن حميدو 05-09-2009, 11:38 PM وانت طيب يامحمود
معلش انا احسبك داخل تانية علشان كده كنت بقولك انى اكيد عارفك
aya gamel 05-09-2009, 11:45 PM اهلا بيك يا ميدو و بجد متشكرين اوى على المعلومات دى
treka_100 06-09-2009, 12:26 AM لا عادي يا احمد
وان شاء الله هنعرف بعض اكيد
ميدو ابن حميدو 06-09-2009, 01:21 AM وان شاء الله هاعرفكم كلكم
وبجد الفيوم هتنور بيكم كلكم
treka_100 06-09-2009, 01:34 AM منورة باهلها يا صاحبي
ميدو ابن حميدو 06-09-2009, 02:03 AM انت منين يامحمود وعملت ايه في التقديم خلصت ولا لا
والمدينة خلصت الورق بتاعها ولا في حاجة تانية
riham_eg 06-09-2009, 02:42 AM مساء الخير عليكم كلكم اولا
انا احمد مجدي طه
داخل تانية سياحة جامعه الفيوم
انا اصلا من الفيوم
كلام ايه صح
والله ياجماعه جامعه الفيوم جميل جدا ونضيفة
ومعترفبسياحة الفيوم عن اي سياحة تانية واسئلوا اي حد فى المجال ده واتحداكم ان قال غير كده
بالنسبة للتقديم ماتقلقوش من اي حاجة كله ماهو الاروتين
مفيش قلق غير من المدينة الجامعيه غير كده زى ماقولتلكم ماتقلقوش من اي حاجة
بالنسبة للغات في روسي وفرنساوي وايطالي والمانى واسباني وصيني
ولو عايزين اي حاجة انا موجود
أخوكم
ميدو ابن حميدو
وخليكم فاكرين ان بجد سياحة الفيوم حلوة جدا ومتخلوش حد يقنعكم بالعكس
طب ليه المدينه الجامعيه فيها مشكله
وايه احسن لغه اخدها هناك ولو خدت لغه اول مره ادرسها هبقى تمام فيها ولا اخد لغه عارفاهها اصلا
عشان انا لسه مقررتش هدخل ارشاد ولا درسات سياحيه
ميدو ابن حميدو 06-09-2009, 02:48 AM هو المشكله في المدينة انها بتاخد بمجموع معين وده اللى حصل السنة اللى فاتت
اما بالنسبة للغة فبجد اوعى تاخد لغة انتى اصلا عارفها
خدي لغة جديدة علشان تبقى احسن تتعلمي لغة ومعاكي لغة انتى عارفها يعني لوخدتى فيها كورس واحد ممكن تتقنيها
انا صراحة واخد روسي وكتير قالى انه صعب بس في المقابل هو من اللغات المطلوبة في الغردقة وشرم الشيخ وكنت بفكر بره هاخد بولندى او صيني فيعني الاحسن تاخدى صيني او روسي ولو فعلا حابة اللغات جدا خدى صيني ممكن هاتتعببي في الاول بس فعلا هتستريحي بعد كده
وبردوا اول الدراسة ممكن تقعدي مع ناس خدت صيني وتساليهم
وياريت ماتبصيش للغة على انها صعبة اوسهلة بصي لشغلها بعد كده
riham_eg 06-09-2009, 02:58 AM طب مش ممكن اخد يابانى ولا صعب
فى ناس بتشجعنى اخد ياباى عشان لغه نادره
وانا عارفه انها لغه صعبه
وفعلا الاجانب اللى فى مصر معظمهم روس وطلاينه
ميدو ابن حميدو 06-09-2009, 03:02 AM بصي ياريهام احنا اتفقنا انك تنسي موضوع صعبه دي نهائي
قولى اللغة دي شغالة ولا لا ده هو اللى هيهمك بعد كده
وبعدين يععني نفترض انها صعبة هتتعبي فيها سنة 2:3 مش مم بس هتلاقى بعد كده
وهو فعلا الياباني صعب الى حد ما لانه شبيه جدا بالصيني بس لو حاسة فعلا انك مش هتقدري عليه خد روسي وحاولى تبعدى شوية عن الايطالى لانه بجد كتير جدا وزي مابقولك مسمينه عربي الكلية
riham_eg 06-09-2009, 03:06 AM بصي ياريهام احنا اتفقنا انك تنسي موضوع صعبه دي نهائي
قولى اللغة دي شغالة ولا لا ده هو اللى هيهمك بعد كده
وبعدين يععني نفترض انها صعبة هتتعبي فيها سنة 2:3 مش مم بس هتلاقى بعد كده
وهو فعلا الياباني صعب الى حد ما لانه شبيه جدا بالصيني بس لو حاسة فعلا انك مش هتقدري عليه خد روسي وحاولى تبعدى شوية عن الايطالى لانه بجد كتير جدا وزي مابقولك مسمينه عربي الكلية
ميرسى جدا
بس لنا كده محتاره بين صينى وروسى ويابانى
واللى هيحددلى الموضوع ده الكورسات يعنى انهى لغه فيهم كورستها اسهل
ان سمعت ان كورس اليابانى المستوى الواحد سنه
ميدو ابن حميدو 06-09-2009, 03:11 AM بصي ياريهام انا صراحة معرفش موضوع الكورسات ده اوى لانى لسه مابداتش بس اللى اعرفة ان المعظم بيظبط نفسه على ان الكورسات تاخد المستوى في الاجازة والاجازة اللى بعدها المستوى التانى وكده يعني لكن مدة الكورس دي صراحة فعلا معرفهاش وكل لغة ليها عدد مستويات انتى ممكن تدخلى على المعهد الثقافى الروسي وتشوفى والصيني والياباني نفس النظام وتشوفى الكورسات ونظامها
treka_100 06-09-2009, 04:32 AM انا من حلوان
وخلصت تقديم وخلصت المدينة
بس لسه ماعرفتش نتيجة الانتر فيو :-p
بس انا ناوي اخد صيني ان شاء الله
او ياباني :D
وعلى فكرة السنة دي مافيش روسي في الورقة
الماني وفرنساوي وصيني وياباني
وماتقلقيش يا ريهام ان شاء الله كل حاجة هتبقي تمام
ميدو ابن حميدو 06-09-2009, 06:46 PM بص يامحمود انا كنت زيك قلقان من الانترفيو لكن بعد كده عرفت انها مجرد روتين عادي خالص
هو القلق بيبقى من الانترفيوما بتاعت ارشاد ودي طبعا لسه في سنة تانية
اما بالنسبة للغات فصراحة انا اول مرة اعرف انه مابقاش في غير اربع لغات
لكن السنة اللى فاتت كان فى روسي وصيني والمانى وفرنساوي وايطالى واسباني
aya gamel 06-09-2009, 10:59 PM هاى يا جماعة ازيك و بجد مييرسى اوى يا احمد على المعلومات دى بس انت ما قلتش انت قسم ايه
انا اخترت صينى و ان شاء الله ناوية اخد فيها كورسات بس كنت عاوزة اعرف اللغة دى بتفل معايا الارع سنين و لا على حسب القسم اللى هدخله
hassansuperstar 08-09-2009, 03:02 AM هاى ياجماعة انا رحت عملت الانترفيو النهاردة وبجد سهل خالص والداكترة اللى هناك طيبين جدا وعلى فكرة انا قدمت ارشاد بيئى بجد نظام الارشاد البيئى دى كويس جدا علشان التخصص فية من اولى وبنتخرج بعد تلات سنين ونص وببنشتغل مرشد سياحى عادى + مرشد بيئى انا اللى قالى على النظلم دة الدكاترة اللى عمللولى الانترفيو وخدوا بالكو الدفعة 30 واحد بس
hassansuperstar 08-09-2009, 04:44 PM ميرسى جدا
بس لنا كده محتاره بين صينى وروسى ويابانى
واللى هيحددلى الموضوع ده الكورسات يعنى انهى لغه فيهم كورستها اسهل
ان سمعت ان كورس اليابانى المستوى الواحد سنه
انت لما تيجى تقدمى هتلاقى قدامك اربع لغات بس صينى ويبانى وفرنساوى والمانى وفية كمان فى الارشاد البيئى سبع لغات صينى ويبانى وفرنساوى والمانى و ايطالى واسبانى وروسى
انا عن نفسى خت صينى
ميدو ابن حميدو 08-09-2009, 11:23 PM ازيكم ياجماعه انتم فين محدش بيدخل ليه
ميدو ابن حميدو 08-09-2009, 11:26 PM بصي يأيه انا قسم ارشاد ان شاء الله او سياحة احتمال يعني بس ده احتمال بسيط
اما بالنسبة لموضوع اللغة فهيا بتفضل معاكى الاربع سنين مش على حسب القسم
يعني انك لو انتىداخلة من اولى عاملة حسابك انك هاتدخلى ارشاد اكيد هاتخدى لغة نادرة
اما مثلا لو هتدخلى فنادق هاتخدي لغة سهلة كده يعني
cedek 12-09-2009, 09:04 AM هاااااااااااااااى يا جماعة وحشتوووووووووووووووووووووونى جدا يا احلى اصحاب وسورى على الغيبة الطويلة دى ومبرووووووووووووك يا احمد على التحويل وبعدين يعنى بلاش نظام التلقيح دة وانت يا محمود ما صدقت تقول اسمى طيب اية عملت عبيطة اعمل عبيط انت كمان واهلا بالفريندس الجداد اهلا يا حسن ومصطفى وميدو وريهام وسلام كبير لاية الندلة الى مش بتسال وسلام كبير اوى لمحمود عمنا كلنا واخيرا لقينا فريندس جداد فى سياحة وفنادق الفيوم بس للاسف كلنا وشنا فقرى اخر حاجة عشان الدراسة اتاجلت على وشنا النحس بس مش تياسوا يا جماعة انشاء الله هيكون وشنا حلو فى حاجات تانية يلا كفاية عليكو كدة عشان طولت عليكو:078111rg3:
treka_100 12-09-2009, 03:15 PM اهلا اهلا يا بسمة حمد الله على السلامة انتي وحشتينا اكتر ........... وعلى فكرة مش انا اللي قولت الاسم
الكيبورد هو اللي قال :d
وسلام كبير اوى لمحمود عمنا كلنا
مين ده :d
وماتقلقيش شوية لو الموضوع استمر هيلغوا الدراسة خالص ونقعد في البيت بقي
وانا اقشر بصل جنب مامي :p
hassansuperstar 12-09-2009, 05:36 PM واهلا بالفريندس الجداد اهلا يا حسن
اهلا بيكى يابسمة واتمنى نكون اصحاب ورمضان كريم
cedek 12-09-2009, 08:45 PM يا محمود لو انت الى هتقشر بصل جنب مامى اومال احنا البنات تعمل اية ننزل نقعد على القهوة وبعدين لو الموضوع استمر كدة وفضلو ياجلو عادى جد ننزل احنا ونروح الكلية لوحدنا من غير حتى دكاترة هو بقى كدة رخامة ماحنا هنروح الكلية يعنى هنروحها :bosyht9:وانشاء الله يا حسن نكون اصحاب بس يا جماعة انا عايزة اسال سؤال هو دلوقتى خلاص مش هينفع اقدم فى الارشاد البيئى ولا لسة ممكن اقدم فيه
hassansuperstar 13-09-2009, 10:31 AM يا :bosyht9:وانشاء الله يا حسن نكون اصحاب بس يا جماعة انا عايزة اسال سؤال هو دلوقتى خلاص مش هينفع اقدم فى الارشاد البيئى ولا لسة ممكن اقدم فيه
لا ينفع تقدمى بس روحى بسرعة علشان القسم بيقبل 30 بس وعلى فكرة انا قدمت ارشاد بيئى
riham_eg 13-09-2009, 08:02 PM هاااااااااااااااى يا جماعة وحشتوووووووووووووووووووووونى جدا يا احلى اصحاب وسورى على الغيبة الطويلةواهلا بالفريندس الجداد اهلا يا حسن ومصطفى وميدو وريهام واخيرا لقينا فريندس جداد فى سياحة وفنادق الفيوم بس للاسف كلنا وشنا فقرى اخر حاجة عشان الدراسة اتاجلت على وشنا النحس بس مش تياسوا يا جماعة انشاء الله هيكون وشنا حلو فى حاجات تانية يلا كفاية عليكو كدة عشان طولت عليكو:078111rg3:
اهلا بيكى يا بسمه
انا روحت الجامعه انهارده وقالولى كل الناس نجحت فى الانترفيو
ميدو ابن حميدو 13-09-2009, 09:00 PM ازيكم ياجماعه بجد واحشنى ومعلش الدراسة اتاجلت بس طبعا كله في مصلحتنا
hassansuperstar 13-09-2009, 10:05 PM انا روحت الجامعه انهارده وقالولى كل الناس نجحت فى الانترفيو
شكرا ليكى ياريهام وبجد وفرتى عليا المشوار لانى كنت رايح بكرة
riham_eg 13-09-2009, 11:23 PM محدش يروح عشان يتاكد من النتيجه انا قالتلى ناجحه من غير متعرف اسمى اصلا وقالتلى كل الطلبه ناجحين وسالت كمان الدكتوره اللى كانت فى الانترفيو بتكلمنا بالانجلش قالتلى متقلقيش خالص محدش يروح الكليه غير لما تسمعوا ان الجدول اتعلن ونتيجة المدينه الجامعيه عشان تدفعوا الفلوس
بس انا هروح عشان لسا مدفعتش المصاريف البنك بيقفل بدرى قبل 1.30 وانا كل مره بروح متاخر
مش عارفه بقى ينفع فى اى وقت ولا اروح بكره تانى
ميدو ابن حميدو 14-09-2009, 12:12 AM ياجماعه محدش فاكر رقم الكلية علشان مش معايا
hassansuperstar 14-09-2009, 01:36 AM ياجماعه محدش فاكر رقم الكلية علشان مش معايا
0846352181
ميدو ابن حميدو 14-09-2009, 01:42 AM شكرا ياصاحبي
hassansuperstar 14-09-2009, 02:18 AM على اية ياباشا انت تأمر
ميدو ابن حميدو 16-09-2009, 01:10 AM ايه ياجماعه هيا الناس راحت فين
tifa2000 18-09-2009, 05:42 PM هاااااااااااااااااى
ازيكوا يا جماعه(تريكه_ايه)وكل اللى هنا
كل سنه وانتوا طيبين
انا رحت عملت الانترفيو واخترت المانى بس لسه مش مقتنع لأنى بجد مش عارف ازاى مفيش غير 4 لغات بس
ياريت لو حد يعرف اذا كان ممكن احول ولا خلاص كده:(
mina khokha 19-09-2009, 03:08 PM hiii ya gmaa3aaa anaa lsaa gdeed flmontaadaaaa we fe gaam3t alfaayooooom dakhlt alsnaa deee ershaad bee2eee spanich lw fee 7ad wakhd spanich y2oleeeeeee ya reeet ...folaaa yaboo 7asn :P :P
hassansuperstar 19-09-2009, 09:17 PM hiii ya gmaa3aaa anaa lsaa gdeed flmontaadaaaa we fe gaam3t alfaayooooom dakhlt alsnaa deee ershaad bee2eee spanich lw fee 7ad wakhd spanich y2oleeeeeee ya reeet ...folaaa yaboo 7asn :p :p
اهلا بيك معانا فى المنتدى يامينا وفلة عليك يامعلم
mina khokha 20-09-2009, 01:34 PM baolk ehh mt3rfsh m3aad al interview btaa3 al ershaad alockal daa a:confused:mtaaa ??lw 3rft 7aagaa gdeeedaa ab2aa oleeee 3lfkraaa fekrt almontaaadaaa dee gamdaa aweee ya gmaa3aaa we a7laa 7agaa anooo daaameeem alnaas btoo3 syaa7aa we fnaad2 alfayooom we bgddd antoo shklookoom nass gamdaa aweeee we b2zn alaah nb2aa groub gamd flkolyaaaaaa :):049gc0:
aya gamel 21-09-2009, 05:41 AM كل سنة وانتم طيبين يا جماعة و اهلا بيك يا مينا طبعا
aya gamel 21-09-2009, 05:44 AM هاااااااااااااااااى
ازيكوا يا جماعه(تريكه_ايه)وكل اللى هنا
كل سنه وانتوا طيبين
انا رحت عملت الانترفيو واخترت المانى بس لسه مش مقتنع لأنى بجد مش عارف ازاى مفيش غير 4 لغات بس
ياريت لو حد يعرف اذا كان ممكن احول ولا خلاص كده:(
والله انا مش عارفة بالضبط لكن اعتقد ان موضوع التحويل ده خلاص خلص لكن سال برده فى الكلية و على موضوع اللغات اللى عرفته ان كان فى لغات اكتر من كده بس السنة دى خلوها اربعة بس مش عارفة ليه
mina khokha 21-09-2009, 05:36 PM ahln beekee ya ayaa we kol snaaa we antoom taybeeen ya gmaa3aaa we 3id ftr mobaark
tifa2000 22-09-2009, 03:58 AM اولا ازيك يا ايه
ثانيا انا بتكلم على التحويل من الالمانى للغه تانيه مش التحويل من الكليه
ثالثا (هو فى حد يعرف ناس زى العسل زيكوا ويمشى من هناك)
:blush:
riham_eg 22-09-2009, 04:06 AM كل سنه وكلكم طيبين
واهلا بالاعضاء الجدد
انا كمان عملت الانترفيو واخترت المانى وعايزه احول من المانى
بس الاربع لغات صعب الاختيار بنهم بجد
ميدو ابن حميدو 22-09-2009, 04:33 PM موضوع التحويل سهل جدا ومفيش مشاكل بس انتم اسالوا فى شئون الطلبة وهما هيقوللكم ازاى ممكن تحولوا
وكل سنة وانتم طيبين
hassansuperstar 22-09-2009, 05:07 PM ازيكوا ياجماعة عاملين اية انا سمعت موضوع مضياقنى شوية انى احنا بنستلم الغرف بتاعت بيت الطلية يوم 15 اكتوبر فاياريت لو فى حد يعرف حاجة يكتب ويقولنا
cedek 24-09-2009, 01:25 AM هاااااااااااى يا جماعة كل سنة وانتو طيبين وحشتونى ازيك يا اية وتريكة ومصطفى وريهام وحسن وميدو بس ليه يا مصطفى وانت وريهام عايزين تحولو من المانى انا كمان مختاراه ودى لغة جميلة
treka_100 24-09-2009, 01:30 AM هاي بسمة ازيك......... انتي اكتر والله
ايه يا بنتي انتي مالك اللي عايز يحول يحول ......... مافيش كده ابدا :p
tifa2000 24-09-2009, 07:10 AM هاى ريهام ازيك وبجد عندك حق فى اللى بتقوليه
شكرا ميدو على الافاده
نتيجه بيت الطلبه يوم 1/10
cedek 25-09-2009, 12:53 AM وانت مالك انت يا تريكة انا مش وجهتلك كلام انا بكلم مصطفى وريهام وبعدين ياعم خليك فى الصينى بتاعك
hassansuperstar 25-09-2009, 02:06 AM مالوا الصينى بقى ياست بسمة ما انا كمان واخد صينى واحسنلك تحولى صينى بدل مانتفق كلنا عليكى هههههههههه
cedek 25-09-2009, 06:44 AM لا والله مالوش وبعدين انتو هتتفقوا عليا ازاى بقى انا بس من رايى ان لو انت ناوى تدخل قسم ارشاد سياحى يبقى لازم تجيب تقدير فى اللغة دى فا مش هينفع اخد لغة صعبة معرفش اجيب فيها تقدير فا الاحسن انى اخد اللغة السهلة دلوقتى واجيب فيها تقدير ولما ادخل القسم الى عايزاه ابقى اخد اللغات الصعبة بقى حتى على الاقل اخد فيها كرسات دة رايى
mina khokha 25-09-2009, 01:22 PM 3lfkraaa klaaaaaamk gamd aweee ya basmaaaaa we klaaam mantkee aweeeeee bs blnsbaa lyaa ana we 7asn fa a7naa dakhleeeen ershaad bee2ee we alksm daaa zay mante 3arfaa altakhsoos feeh mn awl snaaaaa .......ya gma3aa lw 7ad daakhlll ershaad bee2eeee yakhoood spanish logh`aaaaaaa 7lwaaa aweeee we sahlaaa we fe nafs alwa2t shogh`lhaa koisss blaa seeneee blaa tgh`deeenee :p :P :P :P
ميدو ابن حميدو 25-09-2009, 05:20 PM ازيكم ياجماعه فعلا راي بسمة صح
بس مش معنى كده انك تاخد لغة سهله بس مالهاش طلب
وبعد كده احنا اتفقنا ان نلغى موضوع صعبه ده من دمغنا
نقول لغة شغالة ولا لا
hassansuperstar 25-09-2009, 07:50 PM لا والله مالوش وبعدين انتو هتتفقوا عليا ازاى بقى انا بس من رايى ان لو انت ناوى تدخل قسم ارشاد سياحى يبقى لازم تجيب تقدير فى اللغة دى فا مش هينفع اخد لغة صعبة معرفش اجيب فيها تقدير فا الاحسن انى اخد اللغة السهلة دلوقتى واجيب فيها تقدير ولما ادخل القسم الى عايزاه ابقى اخد اللغات الصعبة بقى حتى على الاقل اخد فيها كرسات دة رايى
لو انتى عايزة تبقى ارشاد على طول خشى ارشاد بيئي
rosebush 25-09-2009, 09:00 PM السلام عليكم ورحمة الله وبركاته
ازيكم يا جماعة كلكم
انا معاكم فى الكلية بس اكبر منكم
المهم موضوع التحويل من لغة للغة سهل جدا بس المهم ان بيبقى فى ميعاد محدد فى اول سنة للتحويل
حتى الانترفيو ممكن بعد فترة اى حد يعمله
وكمان نصيحة يعنى الالمانى صعب وفى اسهل منه الاسبانى والايطالى
بس انا مش فاهمه حكاية ان مفيش غير اربع لغات بس
treka_100 25-09-2009, 09:53 PM اهلا بيكي معانا
وابقي عرفينا بيكي بقي اسمك وسنة كلم وكده
وموضوع اللغات نازل السنة دي الماني وفرنش وصيني وياباني بس
الباقي مخلينهم للارشاد البيئي بس كده
واهلا بيكي مرة تانية
cedek 26-09-2009, 01:29 AM ازيكم ياجماعه فعلا راي بسمة صح
بس مش معنى كده انك تاخد لغة سهله بس مالهاش طلب
وبعد كده احنا اتفقنا ان نلغى موضوع صعبه ده من دمغنا
نقول لغة شغالة ولا لا
انت فعلا عندك حق ان المفروض نشوف اللغة دى شغالة ولا لا بس ماهو انى اخد اللغة السهلة فى الاول وادخل القسم الى انا عايزاه مش هيمنع بعد كدة انى اخد لغة صعبة وشغالة اصلى مش هستفاد حاجة لما مش اجيب تقدير فيها ومعرفش ادخل القسم الى انا عايزاه
ميدو ابن حميدو 28-09-2009, 01:14 AM انت فعلا عندك حق ان المفروض نشوف اللغة دى شغالة ولا لا بس ماهو انى اخد اللغة السهلة فى الاول وادخل القسم الى انا عايزاه مش هيمنع بعد كدة انى اخد لغة صعبة وشغالة اصلى مش هستفاد حاجة لما مش اجيب تقدير فيها ومعرفش ادخل القسم الى انا عايزاه
كلامك صح
بس انا مثلا كنت ناوى اخد بره بولندى واكمل بولندى
ده كان معناه انى اخد مثلا ايطالى في الكلية علشان لغه سهله لكنى اخترت تاني اكتر لغة كانت موجوده ونادرة اه موضوع الصعوبة فرق معايا بس مفرقش كتير يعني خلانى اخدت بردوا لغة صعبه الى حد ما لكنها كويسة في الشغل
وبصيت لادام يعني انا مثلا كنت هاجيب في الايطالى امتياز
لاجيب في الروسي جيد جدا او جيد
بس هاطلع على الاقل عندى فكرة عنه ولو كورس اوكورسين وممارسة هابقى حلو فيه وبكده هاكون ضمنت لغتين شغالين روسي وبولندى
اما لو كنت اخدت ايطالى كنت هاضمن لغة واحدة شغالة والتانية شغاله اه بس الضغط عليها اكتر من اللازم
ونهاية انا مش بقول معنى انك تبص على اللغة من حيث شغلها تنسى موضوع انك هتبقى كويس فيها ولا لا
اه بص للصعوبة بس الصعوبة اللى فعلا تعجزك مش صعوبة انك كسلان تتعب شوية
وانا واثق ان اللغة مفهاش صعوبة تعجز
العملية عايزة ممارس مش اكتر
وياريت مكنش طولت عليكم
واشوفكم ان شاء الله يوم السبت
اسالوا اي حد من تانية واقولوله احمد مجدى وهو اكيد هيقولكم عليا باذن الله وياريت اشوفكم وبجد هتنور الفيوم
hassansuperstar 29-09-2009, 01:24 AM ياجماعة انا رايح يوم الخميس الجامعة علشان اعرف نتيجة المدينة الجامعية لو فى حد رايح ياريت يقولى ونتجمع ونروح
mina khokha 29-09-2009, 03:03 PM ya gma3aa khlaaas alkolyaa yom alsbttt ......7ad hyroo7 yoom alsbtt ?????
wla htro7oo yom al7ad 3latoool ?????l
hassansuperstar 29-09-2009, 04:50 PM مش محتاجة ذكاء منك يامينا اكيد حانروح يوم السبت
ميدو ابن حميدو 30-09-2009, 03:07 AM كل سنة وانتم طيبين بمناسبة الدراسة ونتجمع باذن الله يوم السبت
aya gamel 30-09-2009, 03:22 PM وانتم طيبين جميعا و ميرسى يا مينا على المعلومة لانى انا كنت فاكرة انها الاحد
kemoking 01-10-2009, 06:21 AM هاى يا جماعة ازيكم انا كريم طالب بالفرقة الثانية قسم السياحة لو حج عايز اى مساعدة او يسال عن اى حاجة فى الكلية يكلمنى
kemoking 01-10-2009, 06:35 AM اسف على مظهر الكتابة ده بس انا معرفش ليه كدة و اتمنى لكم سنة سعيدة و ربنا يوفقكم
احمد نصار. 01-10-2009, 05:38 PM ازيكم يا جماعة انا اخوكم احمد سياحة وفنادق اسكندرية سنة تالته دراسات سياحية
awtar el7op 25-02-2010, 09:07 PM هاي ازيكم يا جماعة انا نور طالبة بالفرقة التالتة ومعاية لغة صيني لو حد احتاج مساعدة او يسال عن حاجة انا موجودة معاكم انا لسة اول مرة اشترك في المنتدى ..........
chernobyl 21-07-2011, 12:40 AM مساء الجمال عليكو جميعاا اولا واخيرا احب اعرف لكو نفسى
تخوكو محمد شرف من الفيوم
دبلوم سياحه وفنادق ونفسى اكون معاكو فى الكليه بس تعبت اوووووووى مش عارف اصرف ازاى وزهقت كل شويه اسمع كلام شكل
وكمان مجموعى مقلقنى انا جايب 75% مش عارف ده يقبل ولا لا ياريت موبيل اى حد فيكو عشان الكلام كتير والاستفسارات كتير
وشكرا..........
chernobyl 23-07-2011, 01:26 PM اهلا بكل الاعضاء طارق أيه بسمه ازيكم كلكم يا فيوميه يا كتاكيت هههههههههههههه اخوكم محمد الكتكوت الجديد ناوى انشاء الله ادخل سياحه وفنادق بس ادعولى انتو بس انشاء الله لو دلختها ليكو عزومه عندى بس ربنا يسهل انا دبلوم سياحه وفنادق 5 سنوات وجايب مجموع 75 % وفى الانجليش 41 من 50 بس مش عارف ايه خطوات التقديم ومش عارف اتصرف ازاى واعمل ايه الواد تايييييييييه اوى هههههههههه
|