مشاهدة النسخة كاملة : عاجل و خطير ابوس اديكو ردوا عليا
abdallaelkotbi 13-08-2009, 10:25 PM يا شباب انا دلوقتى جايب الحمد لله 96,6
و طبعنا ممكن اخش هندسة عين شمس
بس انا ادمت فى كلية حاسبات و معلومات عين شمس
و بعدين دلوقتى دخلت و حولت من حاسبات لهندسة
انا كده صح ولا ايه؟
abdallaelkotbi 13-08-2009, 10:30 PM يا جماع فين الردود
KeMoZzAzZ 13-08-2009, 10:35 PM طب انت ليه دخلتها من الاساس؟
انت على حسب ميولك وشوف انت تحب ايه وتخشه
بس بينى وبينك هو طبعا كفاية الاسم انك فى هندسة اساسا :d
بس برضه اكيد يعنى فى سبب انك كتبتها الاول
فانت شوف ميولك ايه الاول
بس انا موافقك على التحويل عموما من وجهة نظرى مش من ميولك
abdallaelkotbi 13-08-2009, 11:23 PM ياااااااااااااااااا شبااااااااااااااااااااااااااااب
abdallaelkotbi 13-08-2009, 11:48 PM ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
sooomaaa 14-08-2009, 12:11 AM انت شوف انت عاوز ايه وياريت ما تكونش حولت لهندسه علشان هى اسمها هندسه وخلاص لان الواضح ان الى يدخل مجال هندسه لازم يكون حابه علشان يتفوق فيه
حاسبات كويسه ومستقبلها حلو وهندسه كويسه بس زى ما قلتلك لازم تكون حاببها وما تدخلهاش على اسس اسمها وانها كليه قمه وهيقولولك بشمهندس والكلام الفاضى ده
abdallaelkotbi 14-08-2009, 12:37 AM يلا يا جماعة ادونى أراكم
بروف انس 14-08-2009, 01:32 AM بص ياعم علي ما اعتقد انهم هيقبولوك لسببين اولا مجموعه جايب الكليه ثانيا نسبه العشره في الميه اللي تكون لتقليل الاغتراب ولكن مادام يوجد اماكن فاضيه يقبلوك عادي بس لو كنت عايز تدخل تخصص حاسب قدامك كليه الندسه بعد اعدادي علي ادخل قسم حاسب حلو هو كمان بل افضل من الحاسبات والمعلومات
Its My Life 14-08-2009, 11:57 AM ايه الناس الي بتتبتر على النعمه دي
جايب 96.6 ومكنتش كاتب هندسه
وفي غيرك هيموت على واحد في الميه زياده
ده ممكن يكون جنان او ممكن يكون مثلا جنان معتقدش ان ممكن يكون في سبب تالت:d
انما فكره التحويل لهندسه دي ميه ميه
EnG.BeLaL 15-08-2009, 12:13 AM انا شايف انك تمشي ورا ميولك و تصلي صلاة استخارة و ربنا هيوفقك للخير بإذن الله
abdallaelkotbi 15-08-2009, 02:27 PM يا جماعة النهرده اخر يوم للتحويل ها احول لهندسة ولا أيه ؟
sooomaaa 15-08-2009, 02:42 PM يا باشا اعمل الى يتوافق مع ميولك انت زى ما بشمهندس بلال قالك
KeMoZzAzZ 15-08-2009, 03:12 PM يا باشا اعمل الى يتوافق مع ميولك انت زى ما بشمهندس بلال قالك
بالظبط كده
انجزيشن بقى حدد ;)
abdallaelkotbi 15-08-2009, 04:07 PM يا جماعة مهو انا مش عارف
طب ممكن حد يقولى مميزات هندسة
ريناد2025 15-08-2009, 04:10 PM انا مش فاهمة انت غريب اوى فى حد فى الدنيا يجيب مجموع هندسة وميدخلهاش دى معلش استعباط بس هندسة كلية عملية اوى وحلوة ولازم تخدها جد من الاول بتاخد فى اعدادى مواد زى الكيميا والفيزياوالرياضة والميكانيكا وكلام كتير مش فاكراة يعنى بعد كدة بتتخصص فى قسم معين فى مدنى ومعمارى واتصالات وحاسبات ونظم ومكانيكاوكهربا واقسام بردة مش فاكراها المهم فى اقسام معينة شغلها حلو اوى والاولاد بيدربوا فى الاجازات عليها ما انت ممكن تدخل هندسة وبعدين اتخصص فى حاسبات ونظم قسم حلو اوى وشغلة كمان متوفر اما حاسبات ومعلومات فانت بتاخد السوفت وير دراسة كاملة ماتضيعش الفرصة من ايديك وممكن افهم انت لية فكرت تدخل حاسبات ومعلومات هتقولى مستقبلها حلو مش هصدقك دا كفاية انك تدخل هندسة يعنى كلية قمة وبما انك مش عارف تدخل اية فخلاص ادخل كلية قمة وانصحك انك تصلى صلاة الاستخارة وربنا يوفقك
eng_dero 17-08-2009, 09:15 PM حسب رغبه سيادتك يعنىلو بصراحه عايز تتخصص فى الحاسبات يبقى حاسبات ومعلومات احسن لانها اصلا تخصص وبيفضلوا خريج حاسبات عن خريج هندسه كمبيوتر
بس لو مش عايز حاسبات يبقى هندسه احسن مليون مرة طبعا وربنا يوفقك ان شاء الله
eng_salwa 17-08-2009, 09:20 PM رغبتك شوفها اييه .انت ميال لايه
وربنا يوفقك
abdallaelkotbi 17-08-2009, 11:11 PM يا جماعة احب افرحكوا انا خلاص حولت هندسة عين شمس ........... و ربنا يستر
KeMoZzAzZ 17-08-2009, 11:27 PM مبرووووووووك
انت تنورنااااا
وماتقعدش فى الكافتيريا والجنينه كتير بقى وركز فى المحاضرات واتعلم من اخطاء السابقين :d
abdallaelkotbi 18-08-2009, 11:45 AM علفكره انا اخويا انشاء الله هيخلص السنادى هو اصلا قسم ميكانيكا انتاج
وان ان شاء الله ناوى ادخل كهربه
و ادعولنا احنا الاتنين
yasasa 18-08-2009, 03:05 PM هندسة أفضل مية مرة
حاسبات مش حلوة أوى
-----------
أنا مش مقتنع أساساً بالجامعة فيه ناس بتفهم فى الكمبيوتر أحسن من أى خريج وهما أساساً مش فى الكلية
prince amr 18-08-2009, 07:18 PM انت غلطان وكل واحد ينام على الجنب اللى يريحه
KeMoZzAzZ 18-08-2009, 07:40 PM براحه ياعم عمر شوية بس :d
وثانيا هندسة افضل فعلا
واما تيجى لتخصص الكمبيوتر
انا اللى اعرفه ان اللى بياخدوه تقريبا سوفتوير انما اللى احنا بناخده وبنركز عليه فالهاردوير والله اعلم ده اللى بسمعه
فانت شوف ايه اللى تحبه
masternew 19-08-2009, 01:35 AM http://www.thanwya.com/vb/showthread.php?t=138452
شوف الموضوع ده و اقرأه كويس هتلاقى فيه اجابه على اسألتك بإذن الله
yasasa 19-08-2009, 01:19 PM انت غلطان وكل واحد ينام على الجنب اللى يريحه
واحد بيسألنا فانا بقله رأى
حوار حاسبات ومعلومات أنا شايفه مش ناجح أوى فى مصر
أولاً ملهمش نقابة والنقابة ديه شئ مهم طبعاً
ولو أشترك هيشترك نقابة التجاريين
لكن لو دخل هندسة نقابة المهندسيين وشتان الفارق
أسم هندسة أحسن مليون مرة من أسم حاسبات ومعلومات وأنت عندك فى مصر ده شئ مهم
أعرف واحد فى حقوق بس شغال فى موضوع الكمبيوتر من وهو صغير وأشتغل فى محلات من 2 ثانوى
دلوقتى بيفهم كمبيوتر زيه زى أى خريج حاسبات ومعلومات
وكل ده بدون كورسات
جعلتني مهندسا 19-08-2009, 01:27 PM أنا شايف أنك تخش الكلية اللي أنت حاببها طالما جبت درجة كويسة
ولم ماكنتش جبت درجتها يبقى حب ماتعمل حتى تعمل مت تحب
ونصيحة مني
بص لمستقبل الشغل بعد 4 أو 5 سنين
|