مشاهدة النسخة كاملة : رابطه حقوق المنصوره
ريم البنا 14-08-2009, 09:56 PM السلام عليكم ورحمه الله وبركاته
انا انشاء الله داخله اولي حقوق المنصوره
وكنت عايزه اعرف ايه هيه المواد الي هدرسها انشاء الله
وهل هيه صعبه قوي زى ما الناس بتقول
في ناس مخوفاني قوي منها
وبقي عندي قلق
وهل لها مستقبل كويس
ممكن اكون حاجه تانيه خلاف محاميه او وكيله نيابه
وجزاكم الله خير الجزاء
وكل عام وانتم جميعا بخير
a7med_sale7 15-08-2009, 03:20 AM السلام عليكم ورحمه الله وبركاته
انا انشاء الله داخله اولي حقوق المنصوره
وكنت عايزه اعرف ايه هيه المواد الي هدرسها انشاء الله
وهل هيه صعبه قوي زى ما الناس بتقول
في ناس مخوفاني قوي منها
وبقي عندي قلق
وهل لها مستقبل كويس
ممكن اكون حاجه تانيه خلاف محاميه او وكيله نيابه
وجزاكم الله خير الجزاء
وكل عام وانتم جميعا بخير
وعليكم السلام ورحمه الله وبركاته
اهلا بيكى اختنا الكريمه بدخولك كليه الحقوق
كليه الحقوق جميله جدا وهيا مش صعبه زى ما الناس بيقولوا دى ساهله جدا جدا بس اهم حاجه تحضرى المحاضرات كتير وتعرفى تكتبى فى الامتحان
فى سنه اولى الترم الاول هتدرسى قانون دولى عام وهتدرس مدخل للعلوم القانونيه وهتدرسى ايضا تاريخ النظم واخيرا القانون الدستورى
الترم الثانى هتدرسى اقتصاد و لغه وعلم الاجرام والعقاب وحقوق الانسان و الشريعه الاسلاميه
وكلهم مواد جميله وسهله وشيقه للقراءه
طبعا لها مستقبل كويس وباهر ممكن وكيل نيابه ومحامى وادارى وشئون قانونيه وحاجات كتير وفى المخابرات و فى الشهر العقارى وامين شرطه وهكذا
اى معلومات انا فى الخدمه
لمسه حب 17-08-2009, 01:18 AM لا يا احمد المواد دى بتختلف من كليه لكليه
او بمعنى اخر حقوق اسيوط ترتيب موادها فى التيرم بيختلف عن حقوق المنصوره او غيرها من الجامعات
بس لشغل الماح ليها كتير زى ما قال احمد
يعنى ممكن وكيل نيابه
او مجلس الدوله
او فى هيئه التدريس
ممكن فى الشئون القانونيه لاى مصلحه حكوميه او اى جهه حكوميه
او فى الشركات وبرضو شئون قانونيه
وممكن كمان فى وزاره الخارجيه
او كفايه ان المحامى يكون حر ويحترمه اى انسان
fm200099 18-08-2009, 11:23 AM هاى ريم انا ان شاء الله داخل حقوق الاسكندرية ياريت نساعد بعض عشان نجيب تقدير
اوشاشة 19-08-2009, 10:13 PM ريم انا داخل اولى حقوق اسكندرية ياريت نساعد بعض كمان لانى طموحى ابقى حاجة كبيرة غير مجال المحاماه
المجتهد المصرى 23-08-2009, 10:21 PM مجالك ياريم هيكون
1 - النيابه الإداريه
2 - هيئة قضايا الدولة
وفى مشروع قانون مقدم لدخول المرأه سلك النيابة العامه
على شرط أن تكون حاصله على تقدير تراكمى ممتاز
بإلإضافه الى مهنة المحاماه
ramy_ramy3411 24-08-2009, 05:16 AM انا داخل اولى حقوق قنا والناس كرهونى فى الحقوق بيقلولى صعبة موت وانا خايف اوى
ميدو الترامسى 01-09-2009, 07:06 PM نداء الى طلبه سنه اولى حقوق انجلش المنصورة
انا قدمت يا جماعه ونفسى اتعرف على الناس اللى هتخش معايا
يا ريت لو حد داخل يعرفنا بنفسه عشان نكون صحبه كويسه نساعد بعض
مستنيكم
ميدو الترامسى
ميدو الترامسى 05-09-2009, 06:59 PM ايه مفيش حد حقوق المنصورة
ريم انتى منين ؟؟؟؟؟؟؟؟؟
الدويدار الصغير 07-09-2009, 01:30 PM ريم انا محمود تانيه تجاره المنصوره اى حاجه عايزه تعرفيها انا موجود عن الحقوق او التجاره
وبييييييييييييييييييييييييييييييييييييس
mourad 12-09-2009, 04:48 PM هاااااي ميدو الترامسي انا برده داخل حقوق المنصوره بس حقوق عادي مش انجلش ياريت نتعرف على بعض اكتر
ريم البنا 25-09-2009, 11:42 PM طب ايه رايكم نعمل رابطه كلنا مع بعض يلا كل واحد يكتب اسمه وربنا يوفقنا كلنا
Mohamed_AmeesH 13-10-2009, 12:21 AM ياريت يا جماعه متفتحوشى الموضوع كده
تجاره واداب ليهم قسم لكن ده قسم الحقوق فقط
كل واحد فى قسمه ياريت بلاش كده
ودمتم
aldemerdasch 15-10-2009, 10:13 PM كل الى هنا حقوق مينفعش بتوع الهندسه بس ن المنصوره بردك وممكن نفيد اى حد والدويدار خبره فى جامعة المنصوره لأنه 18 سنه خدمة فى الجامعات
Mohamed_AmeesH 16-10-2009, 01:32 AM كل الى هنا حقوق مينفعش بتوع الهندسه بس ن المنصوره بردك وممكن نفيد اى حد والدويدار خبره فى جامعة المنصوره لأنه 18 سنه خدمة فى الجامعات
بردك هههههههههههههه
والدويدار خبره فى جامعة المنصوره لأنه 18 سنه خدمة فى الجامعات
حلوه خبره دى
وبعدين مش باين دا اسمه الدويدار الصغير هوه ينفع
وبعدين يعنى تبقى كوسه ولا ايه مش فاهم والله انا كلامى عربى مش ايطالى
كل واحد ليه قسمه
ودمتم يا دمرداش باشا
mam pop 03-08-2010, 12:36 PM ممكن حد من حقوق المنصورة يقولى اخبار التقديرات عندكم ازاى يعنى فى ناس بتجيب جيد اوجيد جدا كتير وبالنسبة للتصحيح الواحد بياخد حقو ولا لا اصل بالنسبة الحقوق اسيوط الى انا فيها مهما حليت فى الامتحان مفيش غير المقبول والجيد
ياريت حد يرد عليا اصل انا بفكر انقل من حقوق اسيوط ومش عارف اروح فين بنى سويف ولا طنطا ولا المنصورة ولا الزقازيق
mam pop 04-08-2010, 10:17 AM ممكن حد من حقوق المنصورة يقولى اخبار التقديرات عندكم ازاى يعنى فى ناس بتجيب جيد اوجيد جدا كتير وبالنسبة للتصحيح الواحد بياخد حقو ولا لا اصل بالنسبة الحقوق اسيوط الى انا فيها مهما حليت فى الامتحان مفيش غير المقبول والجيد
ياريت حد يرد عليا اصل انا بفكر انقل من حقوق اسيوط ومش عارف اروح فين بنى سويف ولا طنطا ولا المنصورة ولا الزقازيق
ايه يااخونا محدش عايز يرد عليا ليه
محمد البساطي 17-09-2010, 04:12 PM طبعا كل واحد بياخذ حقه وعندنا تقديرات جميله كل سنه واني بنصحك تخش حقوق المنصوره
AMAM3G3IA 25-09-2010, 07:44 PM التقديرات عندنا جامده جدا وكل واحد بياخد حقه وبزياده واى واحد يقول غير كده يبقى فاشل وعاوز ينجح بدون ان يكتب كلمه فى الورقه
للتواصل مع حقوق المنصوره 24 ساعه وللاستفسار عن اى شئ يخص حقوق المنصوره انا فى الخدمه
ممنوع كتابه ايميلات فى المشاركات اكتب اللى عايزه فى الرسايل الخاصه
a7med sale7
ابراهيم زناتي 25-09-2010, 08:27 PM الواضح أن دراسة الحقوق جميلة
AMAM3G3IA 26-09-2010, 08:18 PM دراسه كليه حقوق جميله جدا وخاصه فى المنصوره لأنها اجمل جامعه فى نظرى رغم انى ذهبت زيارات لمعظم الجامعات المصريه ده من ناحيه
وكمان كليه حقوق بتعرفك ازاى تتعامل مع الناس وتعرف حقك فى البلد مش ماشي كده وخلاص أى حد يكلمك انما بتعرف وضعك القانونى وايه اللى ليك وايه اللى عليك
أتوجه بالشكر لكل من ألتحق بكليه الحقوق فى أى جامعه
heron bird 02-11-2010, 01:58 AM مفيش حد فرقه رابعه او خلص السنه دى ؟؟؟
محتاجه نصائح للحصول على تقدير معقول بذات السنه دى ..
وجزاكم الله كل خير
|