مشاهدة النسخة كاملة : ازاي يبقي بعد بكرة رمضان
ahmedmody 23-09-2006, 01:29 AM بعد السلام والتحيه لكل الاعضاء الموجودين <_< ........... عندي استفسار ازاي يبقي بكرة رمضان عند السعودية والأمارات والكويت وقطر واليمن والبحرين وفلسطين ولبنان اللى هما بيقعوا علي ناحيه الشرق من مصر وكمان عند ليبيا اللى علي الغرب وكمان السودان اللى هيا بتقع ف الجنوب من مصر ......... بجد شئ لا يصدقه عقل ........ يعني البلاد اللى قبلنا والبلاد اللى بعدنا والبلاد اللى تحتينا يبقي عندها بكرة رمضان واحنا لسه بعد بكرة ........ فعلاّ اللى يعيش ياما يشوف :angry:
ahmedmody 23-09-2006, 01:44 AM يا جماعه بقولكوا عايز حد عاقل يرد عليا ........... بليز عايز اعرف وجهة نظري صح ولا لا
القطة الروشة 23-09-2006, 08:40 AM والله مش عارفة اقول ايه
بس لو هو بكرة وهم بيقولوا بعد بكرة يبقى ربنا الى هيحكمهم
ميرسي على المرور
khaled_TheEnergizer 23-09-2006, 09:30 AM يا عمى حسب الهلال
مش لازم لا شرق ولا غرب
وبعدين هيكدبوا كل النتايج والامساكيات
حرام عليك يا راجل :D
وهى هتفرق معاك فى حاجة
هتصوم هتصوم
أسيل رزق 23-09-2006, 11:58 AM بص يا اخى العزيز انا ذات نفسى صمت انهارده زى كل الدول :)
لان احنا هيكون اول يوم عيد لينا مع الدول اللى بدات الصيام انهارده (السبت)
بمعنى انهم هيصوموا 30 يوم واحنا هنصوم 29 يوم :huh:
لكن مش عارفه ليه الحكومة تدخل السياسة فى الصوم :blink:
يمكن خايفه على صحته الشعب تتعب فنقصت يوم :P
اللى غايظنى اكتر ان تونس هتصوم معانا ازاى والجزائر وليبيا صايمين السبت مع ان تونس بينهم يعنى القمر اتكسف يظهر هناك
والله دى امه مايعلم بيها الا ربنا :(
ربنا يخللنا على جمعه وحسنى مبارك فى يوم واحد
ويخللنا ماما سوزان ويطولنا فى عمرها كمان وكمان
وربنا يخليلنا جمال مبارك واخوه عيلاء مبارك :D
قولوا امين :D
وشكرا على الموضوع :)
اسلام رشوان 23-09-2006, 02:00 PM يا جماعة حقولكم علي معلومة مهمة
لو احنا مشتركين مع حد في جزء من الليل نصوم مع بعض
و احنا علي هذا الاساس مشتركين مع اغلب الدول العربية في جزء كبير جدا من الليل
فبالعقل المفروض نصوم مع بعض
ربنا يسامحنا و
و هما اللي حيشيلوا الذنب مش احنا
هما الرعاة
اينشتاين 23-09-2006, 02:21 PM <div class='quotetop'>إقتباس</div>بص يا اخى العزيز انا ذات نفسى صمت انهارده زى كل الدول [/b]
لا حول ولا قوة الا بالله
صمتى ازاى بس
وبعدين يا جماعة بلاش تسييس كل موضوع
ايه اللى جاب سوزان ف الموضوع دلوقتى
السلام عليكم
اولا نحن ملتزمين بالهلال وليس بالدول
ثانيا نحن مسؤليتنا تقع على اولى الامر
فلا قلق يا شباب
واستعينوا بالله
ومن الاخطاء ان نصوم بمزاجنا
فاليوم يعتبر يوم شك ويحظر الصوم فيه الا لقضاء
هذ والله اعلم
بلاش كل شوية نختلف
ونحن مطالبين باطاعة اولى الامر منا
وشكرا اخى
وشكرا
msamido 23-09-2006, 04:30 PM يا جماعه بالله عليكم بلاش نفتي بدون علم كل اللي بتقولوه ده علي اي اساس يعني
مين فيكم عنده معلومات فلكيه بتقول ان احنا لازم نصوم مع باقي الدول
وبعدين مين فيكم شاف الهلال علشان نصوم معتقدش حد شافه يبقي نسيب ده للناس اللي عندها العلم وهما اولي الامر والله هما بقي شافوا الهلال وبيستهبلوا الذنب عندهم هما مش عندنا
بس بلاش نفتي بالله عليكم
شكرا
أسيل رزق 23-09-2006, 09:29 PM شكرا يا جماعه لردكم على كلامى وانا اقتنعت بيه جداا بس اللى خلانى اصوم حاجة واحده بس
ان بكده كل الدول اول يوم عيد ليها مع بعض
ازاى بقى رمضان عندنا يبقى 29 يوم وفباقى الدول 30 يوم
عموما حصل خير
ربنا يخللنا الامه العربية كلها
haytham383 23-09-2006, 11:13 PM على فكرة غلط يا اسيل انك تصومي مخالفة لرأي ولي الأمر لكن لما يثبت الهلال بنصوم مش لازم الكل مع بعضه و دية حكمة حديث الرسول ( صوموا لرؤيته) يعني مش المهم تربيطات الدول المهم رؤية الهلال ما احنا كلنا عايشين على الأرض مثلا يبقى لو حد شافه لازم كل الأرض تصوم لأ طبعا كل قبيلة أو مدينة أو دولة شئ مستقل بنفسه لازم يثبت الرؤية وبمعلوماتي الديني القليلة جدا جدا أنا بتهيألي انك لازم تفطري لأنك مينفعش تصومي يوم الرؤية أنا قلت أنا على قدي مبعرفش كتير في الدين بس ده للي أنا فاهمه
bosy .. mostafa 23-09-2006, 11:26 PM <span style="color:#CC66CC"><div align="center">بسم الله الرحمن الرحيم
انا هقولك ازاي
في السعوديه والدول اللي بان فيها انه النهارده رمضان .. الرؤيه ثبتت فيها
انا الدول اللي زينا الرؤيه ماثبتتش فيها
و انا عارفه عندنا ليه .. اكيد علشان السحابه السودا في أخضر دي
احنا في القاهره عايشين عليها .. بتيجي تمسي علينا دايماً قبل الدراسه و تقولنا "عام دراسي سعيد يا طلاب انتم" و في رمضان "رمضان كريم يا طلاب انتم "
و على فكره مش لازم كل الدول تبقى مع بعض .. احنا بمشي حسب الرؤيه مش اي كلام بنمشي وراه
والله اعلم ثبتت ولا لأ :ph34r: </div> </span>
بهاء الدين 24-09-2006, 12:28 AM هناك رأى فى الفقهه يقول " إن لكل بلد مطلع خاص بها " وقد حدث فى عهد سيدنا معاوية رضى الله عنه أن اشام قد صامت فى يوم والمدينة صامت فى يوم أخر وكان هذا مقبولا ً فى الماضى لصعوبة الأتصالات ولرفع الحرج عن الناس
وهناك رأى فى الفقهه يقول " بتوحيد الرأيه لقوله عليه الصلاة والسلام صوموا لرؤيته وأفطروا لرؤيته "
ورؤية أهل أى بلد رؤية لنا
لأن الهلال تثبت رؤيته باثنين عدول وليس من الضروري أن تراه الأمة كلها وإلا فكل من لم يره يقول لا اصوم حتى أراه فهذا غير معقول
والأتصالات بين الدول اليوم أصبحت سهلة فلما لا نوحد الرؤيه ونتحد فالأتحاد قوة
فلما لانتحد فى هذا الشهر الكريم
إن لم نتحد فى هذا الشهر فمتى نتحد ؟
رمضان كريم
كل عام وأنتم بخير
أسيل رزق 29-09-2006, 12:59 PM خلاص يا جماعه كلنا بنغلط
حقكم عليا
مش هعملها تانى :(
انا اسفه :(
وشكرا لهتمامكم :D
|