mkaa2008
16-08-2009, 04:13 AM
أنا خريج علوم فيزياء خاصة دفعة 2008 جامعة أسيوط
و أول مره اعرف المنتدى دا النهارده وبحثت فيه عن أى عضو بيتكلم عن الفيزياء الخاصه وللأسف لم أجد ،
أتمنى من أى حد بيدرس فيزياء خاصه أو خريج يدخل ويقولنا هو عمل ايه بعد التخرج ، ولو كان لسا طالب أكيد هيكون عنده أسئله كتير، وبالتأكيد ممكن نساعده
يعنى ياريت يكون فيه تواصل بين خريجين الفيزياء لانى بجد مش لاقى حد فى تخصصى اطلاقا ، كل الناس اما فيزيا او كيميا ،
زيزو1900
17-08-2009, 12:58 AM
أنا خريج علوم فيزياء خاصة دفعة 2008 جامعة أسيوط
و أول مره اعرف المنتدى دا النهارده وبحثت فيه عن أى عضو بيتكلم عن الفيزياء الخاصه وللأسف لم أجد ،
أتمنى من أى حد بيدرس فيزياء خاصه أو خريج يدخل ويقولنا هو عمل ايه بعد التخرج ، ولو كان لسا طالب أكيد هيكون عنده أسئله كتير، وبالتأكيد ممكن نساعده
يعنى ياريت يكون فيه تواصل بين خريجين الفيزياء لانى بجد مش لاقى حد فى تخصصى اطلاقا ، كل الناس اما فيزيا او كيميا ،
مع انى مش قسم فزيا خالص لكن شغل قسم الفزيا
أخصائى أشعه
خبير أشعة
علمي نظائر مشعة
في المعامل والمستشفيات
بعد الحصول علي دبلومة الفزيا الحيويه او دبلومة الفزيا الاشعاعيه
وهما موجودين في جامعة القاهرة
واللينك دة معمول لاخصائي الاشعه
http://clinicalanalysis.healthgoo.com/montada-f42 (http://clinicalanalysis.healthgoo.com/montada-f42/)
mkaa2008
20-08-2009, 09:37 AM
لا للأسف أنا ماشى فى اتجاه تانى خالص غير الكلام دا ،
أنا سافرت الصيف قبل الماضى تايلاند وقضيت هناك فصل دراسى كامل درست فيه الخلايا الشمسيه وتصنيعها وتحسينها ، وخلال الشهر القادم أبدأ تمهيدى الماجستير فى نفس الموضوع ، وطبعا لسا ما اشتغلتش لانى يدوب واخد تأجيل الجيش من شهرين ، طبعا انا مش محتاج اكترم ن شغل مؤقت امشى بيه حالى لحد ما اخلص الماجستير لانى بعدها هسافر اكيد ،
انا بفكر فى التدريس و كتبت طلبات وظايف فى مدراس ثانوى كتير بس مش بيردو غير فى اول الدراسه ،
لو حد يعرف اى مدرسه ثانوى ( خاصه )محتاجه لمدرسين فيزيا بدون خبره طبعا يبقى كويس
eman_ph
19-10-2009, 06:16 AM
السلام عليكم ورحمة الله وبركاته
انا خريجة علوم فيزياء
وبرده بسال ايه هو مجال الشغل اللي الواحد ممكن يعمل فيه فعلا
الواحد كده هيبدل اتجاهه خالص لاني مش لقيه شغل في مجالي
انا بصراحه سجلت مخصوص في المنتدي لان عجبني الموضوع
وخصوصا برده ان مجال الاشعه مش موجود في اسيوط خالص
وبسال استاذmkaa2008 هو ازاي سافر معلش ديه كانت تبع الكليه ولا ايه ؟
وبرده انت كده اتعلمت صح فممكن تسافر القاهره وتشتغل فيه حاجات كويسه في القاهره
بس يارب حد يقول بجد نشتغل ايه بس يكون واقع
لان الواحد حس ان ضيع عمره في مجال المفروض يكون كويس لكن مش هنا
shahpoup
19-10-2009, 10:39 AM
السلام عليكم انا اسمى احمد عادل جامعة المنصورة ودى اول سنة لية وتخصصت فى الفيزياء خاص وعددنا قليل جدا فى القسم ده وانا حلسا ان محتار هل انا اخترت الصح ولا لأ ارجوكم ساعدونى
eman_ph
20-10-2009, 10:41 AM
والله يا احمد قسم الفيزياء جميل
بس برده قبل ما تدخله تشوف حاجتين
1 _ هل في المنصوره في اماكن شغل كتيره للفيزيائين( وانا ما اعتقدش)
2 _ هل القسم عندكم في المنصوره بيعين كتير يعني بياخد معيدين كتير وديه تسال عليها وتستفسر وهل الدفعه اللي معاك فيه ولاد دكاتره كتير وشاطرين وهيخدوهم بتبقي بالتخمين
وفي الحاله ديه لازم تكون عارف نفسك انك هتذاكر مذاكره من نار يعني مش هتسيب الكتاب من ايدك وبرده وقتك الفاضي مش هتخدوا في تهريج لا لازم تروح المكتبه وتقرا اللي خدته وكدا يعني وتنظم نفسك بحيث برده ترفه علي نفسك بس كله بنظام
واكيد انت عارف نفسك
غير كده من الافضل طبعا انك تتجه الي القسم اللي ليه شغل وطبعا هو كيمياء
وربنا يوفقك
mkaa2008
26-10-2009, 10:55 PM
الاخت ايمان
أنا اسف بجد جدااااااااااا لانى تأخرت فى الرد
والسبب ببساطه انه ما حدش رد على الموضوع من فتره طويله لذلك مش بفتح الصفحه دى خالص ،
اولا انا اسمى محمد و () دى اختصر اسمى رباعى
المهم
نتكلم عن الشغل
شوفى يا ستى
اهم حاجه انتى تقديرك ايه ؟
لو جيد جدا هتلاقى شغل كتير اكاديمى
يعنى معيده فى جامعه خاصه ، بيطلبو معيدين فيزيا تبع العلوم الاساسيه فى كليات الهندسه ،
وكمان بيطلوب معيدين فى هيئة الطاقه الذريه و فى هيئة الامان النووى ( لسا الاسبوع الفات كانو طالبين 25 معيد فيزيا )
و بعد كدا فيه شغل المصانع بس دا هوا اللى نفسى حد يكون يفهم فيه او سئل عنه علشان يفيدنى لانى مش عارف ابدا فيه منين ؟
وبعد كدا فيه شغل مندوبى المبيعات و انا جمعت عنه اعلانات كتير وهبدأ فيها بعد يومين لما اخلص حاجه فى ايدى
( بس دا صعب عليكى كبنت لكنها ممكن تكون بدايه لانه ميزة شغل المبيعات دا انه بيلففك على اماكن كتير وبالتالى ممكن تلاقى فرصتك بسرعه )
وبعد كدا فيه شغل التدريس بس دا ممل اوى وانا ما دورتش فيه كتير ،
بعد كدا فيه شغل البلاد العربيه وخصوصا السعوديه طبعا لان شغلها اكتر ،
بس المشكله انهم دايما بيشترطو خبره
يعنى لازم تتبهدليلك سنه هنا على الاقل و بعد كدا ممكن تسافرى وانتى مطمنه ( وهتلاقى فرص كتير ) انا بشوف اعلانات كتير اوى لكن بشرط خبره على الاقل سنه
هوا انتى كنتى جامعة ايه ؟
mkaa2008
26-10-2009, 11:02 PM
بالنسبه للاخ طالب الثانوى ؟
هوا انتا ازاى تخصصت فيزيا خاصه وانتا فى سنه اولى ؟
انتا تخصصت علوم فيزيائيه يعنى لسا قدامك تختار ما بين كيميا فيزيا وكيميا رياضه و بعد كدا فى سنه تالته ممكن تختار فيزيا خاصه يعنى مش دلوقتى خالص
لو هنصحك يبقى تدخل كيميا وفيزيا علشان تتخصص كيميا اسبيشيال لانها انسب كتير فى الشغل يعنى شغلها متوفر اوى
وبالنسبه للفيزيا الخاصه هيا كويسه بس لازم تقدير لا يقل عن جيد جدا علشان تلاقى شغل فى المجال البحثى
وشد حيلك ولو احتجت اى شئ إسئل
اوك
eman_ph
28-10-2009, 06:19 AM
السلام عليكم
شكرا ليك يا محمد علي ردك بس مش علارفه ليه برده مش حسه ان الحياه وردي اوي كده
اولا انا تقديري للاسف جيد
ثانيا انا فعلا سمعت عن هيئة الطاقه بس متاخر بس مكنش هيفرق
بالنسبه لشغل المصانع اعتقد انهم بياخدوا كيمياء بس
وياريت فعلا لو فيه مصانع بتاخد فيزياء ديه تبقي طبعا حاجه كويسه
بالنسبه للمبيعات برضه بيخدوا الكيمياء عشان مجال الادويه وهي اصلا متعبه جدا زي ما قلت
فتقريبا مفيش شغل
لدرجة ان الواحد بيفكر يعمل تعديل شعبه بس ديه صعبه اوي
وبالنسبه للتدريس هو تقريبا هترسي عليه بس للاسف انا مش حباه خالص وممكن كمان ابهدل العيال لان مش هيفهموا مني حاجه
والسفر هيبقي عشان تدريس برضه بس ده ممكن افكر فيه بس زي ماقلت لازم خبره
يبقي ايه الحل؟؟؟؟؟
midoo_shindy
29-10-2009, 12:38 AM
بالنسبه للاخ طالب الثانوى ؟
هوا انتا ازاى تخصصت فيزيا خاصه وانتا فى سنه اولى ؟
انتا تخصصت علوم فيزيائيه يعنى لسا قدامك تختار ما بين كيميا فيزيا وكيميا رياضه و بعد كدا فى سنه تالته ممكن تختار فيزيا خاصه يعنى مش دلوقتى خالص
لو هنصحك يبقى تدخل كيميا وفيزيا علشان تتخصص كيميا اسبيشيال لانها انسب كتير فى الشغل يعنى شغلها متوفر اوى
وبالنسبه للفيزيا الخاصه هيا كويسه بس لازم تقدير لا يقل عن جيد جدا علشان تلاقى شغل فى المجال البحثى
وشد حيلك ولو احتجت اى شئ إسئل
اوك
بالنسبة للتخصص من السنة الاولي فعندنا في جامعة المنصورة نظام الساعات المعتمدة يعني التخصص من اولي انا عن نفسي انا اولي كيمياء سبيشل