! (¦//¦) رابطة مهندسي هندسة اسيوط (¦\اـ\¦)! [الأرشيف]

مشاهدة النسخة كاملة : ! (¦//¦) رابطة مهندسي هندسة اسيوط (¦\اـ\¦)!

BaNZeR

23-08-2009, 06:25 PM

http://abeermahmoud2006.jeeran.com/484-Bismellah.gif

سيداتي سادتي

أرحب بكل المهندسين والمهندسات الجدد معانا من كلية هندسة أسيوط

سواء كنتم من اسيوط او وافدين إليها

وأقدم لكم هذا الموضوع المتواضع لخدمتكم

هدية مني ليكو

والذي سيتكلم عن كلية الهندسة بجامعة اسيوط

وهذا رابط موقع الكلية
http://www.aun.edu.eg/fac_eng/arabic/index.htm (http://www.aun.edu.eg/fac_eng/arabic/index.htm)

ساتكلم أولاً عن الكلية منذ انشائها
تم إنشاء كلية الهندســــة عام ١٩٥٧م بمبنى الجامعة القديم بالوليدية حيث بدأت الدراسة بها فى العام الجامعى ١٩٥٧ / ١٩٥٨م. ومدة الدراسة بالكلية خمس سنوات منها سنة إعدادية لجميع الطلاب ثم أربع سنوات بالأقسام العلمية المتخصصة.

أقسام الكلية

تضم الكلية منذ نشأتها خمسة أقسام علمية متخصصــــة :-

قسم الهندسة المدنيــــــة.
قسم الهندسة الكهربائيـــــة.
قسم الهندسة الميكانيكيـــــة.
قسم الهندسة المعماريـــــــــة.
قسم هندسة التعدين والفلــــزات.

الدرجات التى تمنحها كلية الهندسة :-

درجة البكالوريوس فى التخصصات السابقة الذكــر.
درجة الدبلـــوم.
درجة الماجستيـــر.
درجة الدكتــوراه فى الفلسفــــــة.

موقع كلية الهندسة

تجاور كلية الهندسة كلية الحاسبات والمعلومات
وتقابل كلية علوم تقريباً
حيث المسافة بينهم شارع بالطول

مبنى كلية الهندسة

ساحة الكلية (زي فناء المدرسة كده) وهي مكان تجمع الطلبة بين المحاضرات
ويوجد عدة أبنية بالكلية منها
مباني الاقسام الخمسة
الورش
المدرجات (4 مدرجات كبيرة)
الكافيتيريا
شئون الطلاب

نظراً لإن الموضوع يختص بطلبة اعدادي هندسة فحكلمك عن كل اللى حتحتاجه في اعدادي هندسة

وسائل الراحة والشراء
طبعاً الساحة مكان التجمع الاول

ثم الكافيتيريا (لجميع الاغراض اكل – شرب – حل واجب – راحة بين المحاضرات)

الجمعية (الدور الارضي لمبنى ميكانيكا)وهي مكتبة متكاملة ستجد فيها معظم الاغراض التي تحتاجها

مكتبة اعدادي (وهي في الدور الارضي بمبنى الهندسة المدنية) وده للمذاكرة او الاطلاع
وده هي اللى نفعتني في المذاكرة الترم التاني بصراحة

أما الاماكن الرسمية للمذاكرة فهي قاعات الاستذكار الهادئ
أ – ب – ج – د
حيث الأخيرتين قريبتين من هندسة والاولتين بعيدتين قليلاً
وهم غير تابعين لكلية الهندسة وإنما لجميع الكليات
مشهورين جداً ولو سالت عنهم أي حد حيدلك عليهم
القاعات مكفية وصالحة جداً للمذاكرة الهادئة المفردة
حيث أن التكلم فيها ممنوع تماماً

مواد اعدادي هندسة

الرياضيات
مادة ترمين
امتحانها ترمين
من 300 درجة
150 لكل ترم منهم 40 اعمال سنة و 10 شيت و100 امتحان التيرم

الفيزياء
مادة ترمين
امتحانها ترمين

الميكانيكا
مادة ترمين
امتحانها آخر العام فقط
30 درجة امتحان ميد تيرم لكل تيرم
10 شيت
كده 40 لكل تيرم
+امتحان الفاينل آخر العام كده 200 درجة اجمالي

الحاسب والبرمجة
مادة ترم اول فقط
امتحان ترم اول فقط
حتدرس فيها لغة البيزيك
BASIC
وطبعاً المادة بالانجليزي

اللغة
ترم اول فقط
وامتحان ترم اول فقط
حتدرس مبادئ بسيطة جداً وكلها من اللى فات عليك
يعني من الآخر آخرك فيها الجيد جداً لو بتفهم انجليزي
من 50 درجة منهم 15 الميد تيرم

الرسم الهندسي
مادة ترمين
امتحان آخر العام فقط
اتقل مادة على قلبك
مش عشان صعوبتها لكن عشان الادوات اللى بتيجي بيها
من 150 درجة
30 درجة ميد تيرم لكل تيرم
90 درجة امتحان الفاينل
بيتوزعوا على رسمتين
رسمة كبيرة 60-70 درجة
رسمة صغيرة 20-30 درجة

الاسقاط الوصفي
مادة ترمين
امتحان آخر العام
100 درجة
15 امتحان الميد تيرم
كده 30 و10 هدية او شيت
+60 درجة لامتحان الفاينل موزع 15 درجة لكل رسمة
مادتي الاسقاط الوصفي والرسم الهندسي متلازمتين
100 وصفية + 150 رسم هندسي = 250 درجة
وامتحانهم آخر السنة مع بعض

تكنولوجيا الانتاج
مادة ترمين
وامتحانها آخر العام فقط
السكشن بتاع المادة ده هو الورش
حيث الورش هي التطبيق العملي للعمليات اللى بتدرسها
من حدادة وسباكة ونجارة وسمكرة وتخطيط وشنكرة
ودراسة بعض الماكينات مثل المخارط والمكاشط والفرايز الخ

مش فاكر ترتيب درجات المادة ده دلوقتي

المادة ده رخمة جداً للى مش بيبحها ولذيذة جداً للى بيعشق ميكانيكا

الكيمياء
مادة ترم ثان فقط
وامتحانها اكيد برده ترم تاني فقط

السكشن بتاع الكيميا هو العملي للتجارب

بتروح السكشن في الجامعة القديمة في معمل الكيمياء الكبير
سكشن ساعتين بتتمنى يكون تلات ساعات
بتفضل واقف طول السكشن
بتشوف اغلس معيدين ممكن تشوفهم هناك
بس بتبقى عايز برده وقت اطول عشان تلحق تعمل حاجة في التجارب
مش حتحس بيها في السكاشن الاولى

لازم في السكشن يكون معاك
(البالطو + النضارة الواقية) دول مش حتخش السكشن من غيرهم
(انابيب الاختبار + الماسك) دول عشان تشتغل بيهم
(حامل الانابيب + الفرشا ) دول موجود منهم في المعمل بس تقدر تجيب انت حاجة خاصة بيك
حيتم الاعلان عن كل ده في اول سكشن ومش حتحتاج تشتريهم اول سكشن
حيدوك هما اول مرة انابيب تشتغل بيها بس اللى حيتكسر على حسابك (كلها بـ 15 قرش الانبوبة ):d

المواد الفرعية

حقوق الانسان
ترم اول
امتحان ترم اول ولا يوجد امتحان ميد تيرم
50 درجة
لا تضاف للمجموع

تاريخ العلوم الهندسية
مادة جديدة انا كنت تالت دفعة تاخدها
يعني انتو الرابعة
المادة ترم تاني
لا يوجد امتحان ميد تيرم
50 درجة
لا تضاف للمجموع

*****
مدة المحاضرات والسكاشن الافتراضية هي ساعتين

محاضرات الاسقاط الوصفي وتكنولوجيا الانتاج ساعة واحدة

سكشن الرسم الهندسي ثلاث ساعات

تقسيمة الطلبة
الدفعة حوالي 1400 طالب (في سنتنا)
يتم تقسيمهم على 4 مجموعات
كل مجموعة تحوي 10 سكاشن
كل سكشنين متلازمين في معظم الاحيان سواء سكاشن او محاضرات
كل سكاشن المجموعة الواحدة مرتبطين بنفس المحاضرة
وتؤخذ المحاضرة في المدرج
يوجد في الساحة مدرجين اساسيين هما أ و ب
حيث أ للمجموعتين الاولى والثانية
وب للمجموعتين الثالثة والرابعة
وتتبادل المجموعتان فيما بينهما بحيث لما ده تكون في محاضرة دول يبقو في سكاشن وهكذا
يحتوي السكشن الواحد ما لا يقل عن 30 طالب
ويتغير العدد طبقاً لأعداد المحولين من كليات أخرى او اللى حولو من الكلية او الوافدين من دول اخرى كاصحاب المعادلات

ممكن تلاقي حد جديد لسه جاي معاك بعد شهرين من بداية الدراسة

عشان بييجي من بره وبياخد اجراءات ومدة عقبال ما بيوصل

المصاريف المدفوعة للحاصل على الثانوية العامة المصرية هي 200 جنيه
المصاريف المدفوعة للحاصل على الثانوية العامة من الخارج 2000 جنيه

بالنسبة للدكاترة اللى بيدو المادة فهم كتار جداً للمادة الواحدة لذا فمن الصعب عليا ذكرهم
بيكون على الاقل في 4 دكاترة للمادة الواحدة كمتوسط
واحياناً بيكونو 7
واحياناً 8 حسب ما بيقسموا نفسهم

الفيزيا والكيميا والرياضة والميكانيكا دكاترتهم من علوم
الانتاج والوصفية والرسم الهندسي والحاسب من هندسة
اللغة من اداب
حقوق الانسان من حقوق
تاريخ العلوم الهندسية واحد من هندسة مجهول الهوية ^_^

طريقة التنسيق ....

إذا حصلت على 85% فأكثر فهي امتياز (ز)
75-84% فتقديرك جيد جداً (ج ج)
65-74% فتقديرك جيد (ج)
50% فأكثر فتقديرك مقبول
أقل من 50% فأنت ضعيف (ض)
مستوى متدني فانت ضعيف جداً (ض ج)
بس مش عارف نسبتها كام

عند حصولك على مجموع مرتفع جداً تحصل على
امتياز مع مرتبة الشرف

لدخول الاقسام

ترتيب الاقسام حتى العام الماضي كان كالتالي

الهندسة الكهربية
الهندسة المعمارية
الهندسة المدنية
الهندسة الميكانيكية
هندسة التعدين والفلزات

حيث قسمي الهندسة الكهربية والمدنية يحوي كل منهم على ثلث الدفعة
بينما المعمارية حوالي 75 طالب فقط
والهندسة الميكانيكية 20% من اجمالي الدفعة
والبقية في تعدين

وكانت هذا الترتيب ثابت مدة طويلة
ويتخلف باختلاف اعداد الداخلين الى الاقسام
حيث تغير هذا العام نظراً للزيادة المهولة لداخلي قسم الهندسة المعمارية
واصبح كالتالي

الهندسة المعمارية
الهندسة المدنية
الهندسة الكهربية
الهندسة الميكانيكية
هندسة التعدين والفلزات

ويتم حساب مجموعك بجمع مجموعك في اعدادي هندسة ومجموع الثانوية العامة الخاص بك

فكان نصيب الهندسة المعمارية هذا العام 154%
والهندسة المدنية 151% تقريباً

حسب آخر احصائيات وصلتني

ملحوظة : الكلام ده كله بالذاكرة الشخصية عدا التعريف بالكلية اللى في البداية بس
يعني كلام مش رسمي وقد يحتمل الخطأ
وهو يعبر عن وجهة نظر صاحبه فقط :d

يلا عايز اشوف كل الوجوه بتاعت اسيوط هنا

eng_emy

24-08-2009, 03:03 AM

انا للاسف
مش داخلة هندسة اسيوط:o
انا داخلة هندسة اسكندرية:049gc0:
بس حبيت اشاركك:078111rg3:
لان فعلا مجهودك اكثرمن رائع:078111rg3::078111rg3:
ربنا يبارك فيك
معلومات هايلة:av4056bb7jp3: عن الكلية
تقدرتفيد بيها اى حد
داخلها
ويارب الرابطة بتاعتك تحقق نجاح عظيم:078111rg3:
وانا اسفة لو اتطفلت

BaNZeR

24-08-2009, 03:12 AM

لا ابداً مفيش تطفل احنا بنرحب بالضيوف

نورتي الموضوع يا ايمي

EnG.BeLaL

24-08-2009, 04:56 AM

انت ابتديت من غيري يا محمد ماشي ... بس انا كده هشيل كل مواضيع هندسة اسيوط كده

eng tweety

24-08-2009, 05:21 AM

انا عايزة اعرف تنسيق كهربا خد من كاااااااااام السنه دى اللى يعرف يقلى

basmasaad

24-08-2009, 06:12 AM

انا ومع الاسف تحويلى مقبلش ان ارجع المنصوره
وهحاول محاوله اخيره اقدم طلب التماس لو مش قبل
هضطر اسفه انى ادخل اسيوط
بعيد عن اصحااااااااااااااااابى

حب سات

24-08-2009, 11:14 AM

انا دخلت هندسة اسيــوط
انا يوسف عبد الكريـــــــــم
من المنصــــــــــــــــــــــورة

BaNZeR

24-08-2009, 04:44 PM

انت ابتديت من غيري يا محمد ماشي ... بس انا كده هشيل كل مواضيع هندسة اسيوط كده

لا والله بس انا معرفتش اوصلك عالميل فقلت ابدأ هنا واوريك شكل القالب :d

ابقى اظهر :stickjo4:
وعلى فكرة انا كنت بتكلم فيها مش سايبها يعني

EnG.BeLaL

24-08-2009, 06:02 PM

لا والله بس انا معرفتش اوصلك عالميل فقلت ابدأ هنا واوريك شكل القالب :d

ابقى اظهر :stickjo4:
وعلى فكرة انا كنت بتكلم فيها مش سايبها يعني
معلش يا محمد اصل النت عندي اليومين دوول رخم شوية

BaNZeR

24-08-2009, 06:31 PM

ربنا مــــعاك

ahmed rushdi

24-08-2009, 07:43 PM

كنت هابقى معاكم بس الحمد لله تحويلى اتقبل وسلااااااااااااااااااام

جعلتني مهندسا

24-08-2009, 09:28 PM

أنا مش أسيوط

بس مجهود متميز

BaNZeR

25-08-2009, 01:08 AM

انا ومع الاسف تحويلى مقبلش ان ارجع المنصوره
وهحاول محاوله اخيره اقدم طلب التماس لو مش قبل
هضطر اسفه انى ادخل اسيوط
بعيد عن اصحااااااااااااااااابى
على فكرة ما تجربي هندسة اسيوط حتقولي الحمد لله إني دخلت هندسة اسيوط
حيبقى العيب الوحيد إنك حتسافري بس

انا دخلت هندسة اسيــوط
انا يوسف عبد الكريـــــــــم
من المنصــــــــــــــــــــــورة

أهلاً بيك يا يوسف في هندسة اسيوط واي مساعدة انا تحت امرك

كنت هابقى معاكم بس الحمد لله تحويلى اتقبل وسلااااااااااااااااااام
ربنا يوفقك

أنا مش أسيوط

بس مجهود متميز
مشكور وتسلم لمرورك

Eng_lfc

25-08-2009, 02:19 AM

معاكم فى هندسة اسيوط
محمد بكر
من دمياط

BaNZeR

25-08-2009, 02:23 AM

اهلاً بيك محمد معانا واهلا بالدمايطة كلهم :)

Eng_lfc

25-08-2009, 02:27 AM

اهلاً بيك محمد معانا واهلا بالدمايطة كلهم :)

شكرا على الموضوع و شكرا لك

theotherface

25-08-2009, 05:34 PM

اوووووووووووووووف

ايه العالم المتطفلة ديه ايه اللى دخل حد والموضوع مش موضوعه
بس على فكرة انا هندسة اسكندرية وحبيت اتطفل انا كمان:d:d:d

بس صراحة انا دخلت لان الموضوع معمول فيه شغل جاااااااامد

حقيقى البشمهندس محمد دايماااا بيعمل الشغل ده مش جديده عليه يعنى وربنا يوفقكوا ويكبر رابطتكم كده ومعلش استحملوا المطفلين اللى زى :):)

BaNZeR

25-08-2009, 05:46 PM

Eng_lfc

25-08-2009, 05:58 PM

انا مش مدايقني إنه المتطفلين كتير :d
بالعكس انتو تشرفوني

مدايقني اني اللى عاملهم الموضوع لسه مظهروش :d

شكرا على الموضموع
بس ممكن شويه معلومات عن الأقسام و تنسيقها

BaNZeR

25-08-2009, 06:11 PM

شكرا على الموضموع
بس ممكن شويه معلومات عن الأقسام و تنسيقها

لما تيجي تاخد رد تقدر تدوس على كلمة اقتباس اللى بتكون اسفل الرد
زي الاقتباس اللى انا عامله ده كده

بالنسبة لتنسيق الاقسام انا ذكرتها في الموضوع او نبذة عنها
عايز اعرف منك التنسيق تقصد بيه ايه اكتر

بالنسبة للاقسام لو عايز تعرف عنها شوية تقدر تزور الموضوع ده
كل ما يخص اقسام كليه هندسه (http://www.thanwya.com/vb/showthread.php?t=60194)

تركى هاكر

25-08-2009, 10:09 PM

حصرياااا النتيجة النهائية لنسب دخول الاقسام للفرقة الاعدادية 2009/2010

من قلب شئون الطلاب بكلية هندسة - جامعة أسيوط اتيت لكم بصورة من النتيجة النهائية لنسب تنسيق الاقسام وذلك عشان خاطر عيونكم

اى استفسار اخر انا فى الخدمة........................

م/ ياسر جلال (اولى مدنى)

واليكم الصورة الان

http://img139.imageshack.us/img139/5607/section.jpg

تركى هاكر

25-08-2009, 10:15 PM

ايه ده بس احنا مش اد ده كله:d:d..

(مجهود عظيم من شخص عظيم)

شكرااا لك كثيرا يا باشمهندس محمد على

وبالتوفيق ان شاء الله فى القسم اللى انت دخلته باذن الله

:022yb4::022yb4::022yb4::022yb4::022yb4::022yb4:

تركى هاكر

25-08-2009, 10:21 PM

ارجو من جميع من دخل كليه هندسة اسيوط الاشتراك فى هذه المجموعة

http://www.thanwya.com/vb/group.php?groupid=68

BaNZeR

26-08-2009, 01:55 AM

تسلم لمرورك تركي هاكر وتسلم على إتيانك بالنتيجة

تركى هاكر

26-08-2009, 02:03 AM

ده انت اللى تسلم على الموضوع الرائع ده

Eng_lfc

27-08-2009, 04:53 PM

انا فدمت الحمد لله و طلعت الجامعة حلوه جدا

الللى رايح الكشف الطبى يوم 31 يقولى

thecutemezo

28-08-2009, 03:57 AM

ana kman ademt el7amd lellah

bs hwa el wa7ed lazem yeroo7 el kash el teby youm 31 wla mmkn f ay w2t tany

BaNZeR

28-08-2009, 04:20 AM

la2 elmafrood te7dar fe ma3adak

ma3takedsh enaha mafto7a

Eng_lfc

28-08-2009, 06:50 PM

هو مش مفروض ان انت تروح يوم 31
ممكن تروح فى الدراسة

♥έĻ-мΰšŧâρèdâ♥

29-08-2009, 02:45 PM

إلســلآم ع ــليكم

شوكــرن ليكـ يـآ بشموهندس مح ـمد على إلموضــوع إلج ــميل

ولو إني مركزتش غ ــير فى وصف إلكولية وأمآكن إلموذآكــرهـ

وطنشت جزء إلمواد ـههههههههههـ <<< يخ ــوف

أنـآ إن شـآء الله يوم 31/8 يوم إلكشـف إلطبــي هروح

ويـآريت إلكل يكون موجود وميـآج ــلش

بس هيبـقى سهـل ولآ أروح أتلطـع فى إلح ــر وإلصيــآم ... ؟!

♥έĻ-мΰšŧâρèdâ♥

29-08-2009, 02:50 PM

سؤال تـآني

بإلنسبــه لموضوع إلكورســـآت

لو ركزت فى إلمُح ـآضرآت وكده ووآظبطت بإستمرار

يبقى مفيش دأع ـي للكورســـآت .... ؟!

ولو ح ـبيت أخ ـد إيه إلمواد إللى بيكون ع ـليهآ إلع ـين يع ــنى

وبتكـون فين

BaNZeR

29-08-2009, 07:23 PM

ويـآريت إلكل يكون موجود وميـآج ــلش

بس هيبـقى سهـل ولآ أروح أتلطـع فى إلح ــر وإلصيــآم ... ؟!

لأ هو سهل بس حتتلطعي اه :d
لأنه بالطابور واحد واحد

سؤال تـآني

بإلنسبــه لموضوع إلكورســـآت

لو ركزت فى إلمُح ـآضرآت وكده ووآظبطت بإستمرار

يبقى مفيش دأع ـي للكورســـآت .... ؟!

ولو ح ـبيت أخ ـد إيه إلمواد إللى بيكون ع ـليهآ إلع ـين يع ــنى

وبتكـون فين

أيوه
مفيش داعي لأي كورسات
بضيع الوقت ومش بيديك زي ما حيديك الدكتور

لو (ولو تعني الاستحالة) حبيتي تاخدي كورسات
فهي لا تخرج عن تلاتة
الرياضة والفيزيا والكيميا والميكانيكا
اصل الرياضة والميكانيكا بيديهم نفس الدكتور
بس طبعاً كل مادة بحسابها :d

بعد ما تبدأي الدراسة وتعرفي الدكاترة اللى حيدوكي
لو عرفتي تحضري مع دكتور تاني احسن من ده ماشي
لو معرفتيش وسايفة نفسك مش فاهمة يبقى خدي مش مشكلة

بس نصيحة أخوية
متحطيش ابداً الكورس دلوقتي في دماغك
غير لما الموضوع يتأزم بس
والترم الاول سهل (طبعاً مش بتكلم عالفيزيا :d)

Eng_lfc

30-08-2009, 09:02 PM

♥έĻ-мΰšŧâρèdâ♥

31-08-2009, 11:12 AM

أنـآ روحت

إلموضوع سهــل جداً

بس هتروح تسـال على طيب بيطرى هتلآقى جنبهآ مكآن إلكشف إلطبـي

هتآخ ـد إستمآره عليهـآ صورتك وفآضيــه

على شبـآك جنبهـآ تدفع 10 جـــ وتآخ ــد بطآقة صح ــيه صفرآء

وبع ـديهآ بكم متر كدهـ فى خيمــه هتكشف عن إلنظــر بس وهما هنـآك هيكتبوا لآئق على كله

( من ع ـظآم وقلب وأسنـأن وكله ـهههههـ ) يعني مع ـــــدي بسـلآمة

وترج ــع تآنى على هندسه تودي إلورقه دى و تتخ ــتم

وهتأخ ــد ورقة من قدام إلكوليــه فيهـآ إلج ـدول بس فـآضى لسه هتملآه لمـآ ينزل إلج ـدول ويتع ــلق

بس إلتعب كل إلتعب فى إللى مرح ـهآش قبل كده

هيلوش ذى ح ـآلآتى وواح ـد يودي فيه وواح ـد يجيبه ويبقى ملطشــه

لآنهـآ وآسع ــه جـداً وإلامآكن تتوه فيهــآ

حب سات

31-08-2009, 11:37 AM

انا يوسف من المنـــــــــــصورة
مروحتش يا جماعة الكشف الطبى انهارده
اعمل ايــــــــــــــه ؟
بليز حد يرد علــــــــــــيه
لانى كنت مشغول بتقديم الالتماس

♥έĻ-мΰšŧâρèdâ♥

31-08-2009, 10:13 PM

في يوم تـآني للمتخ ــلفين 10 / 9 يوم إلاتنين

♥έĻ-мΰšŧâρèdâ♥

01-09-2009, 11:23 AM

بنــذر

هو إلج ــدول إللى إستلآمآنه بس كده أول عن أخ ـــــــــر كده

حب سات

01-09-2009, 11:28 AM

هوه ينفع نروح الكشف فى الدراسة
بليز حــــــــــد يـــــــرد عليــــــــــــه
---_^يــــــــــــوســــــــــــــف^_---

♥έĻ-мΰšŧâρèdâ♥

01-09-2009, 11:45 AM

هوه ينفع نروح الكشف فى الدراسة
بليز حــــــــــد يـــــــرد عليــــــــــــه
---_^يــــــــــــوســــــــــــــف^_---

هو إللى اع ـرفه إن فى بنـآت إلسنوات اللى فـآتت كآنت من بـلآد

ورأح ــت فى إول يوم وع ـملت

بس هسـآلكـ وأشــــــــوف

حب سات

01-09-2009, 12:02 PM

اكون فى غاية السعاده لو ده حقيقى لانى تعبت على اما قدمت

BaNZeR

01-09-2009, 09:24 PM

بنــذر

هو إلج ــدول إللى إستلآمآنه بس كده أول عن أخ ـــــــــر كده

مش مكفيكي كل ده
وعايزة تاني :d

اه هو ده بس الجدول

باقي بس تعرفي كل سكشن حيبقى مكانه فين وده حيتعلق بورقة قدام شئون الطلاب جنب ورق النتيجة والاعلانات وكده

Eng_lfc

02-09-2009, 11:55 PM

هو إلج ــدول إللى إستلآمآنه بس كده أول عن أخ ـــــــــر كده

جدول ايه اللى بناخده

BaNZeR

03-09-2009, 03:01 AM

جدول ايه اللى بناخده

جدول الحصص :d

حتلاقي واحد كده قاعد وبيوزع ورق في الساحة
لو ملقتوش يبقى الجداول خلصت

يعني خدو من اي حد وصوره

وكمعلومة جانبية
لو حبيت تعمل اقتباس تقدر تدوس على كلمة اقتباس الموجودة تحت كل رد

Eng_lfc

03-09-2009, 03:10 AM

طيب لو حد معاه الجدول ده يارينت يرفعه علشان انا هروح على الدراسة و ممكن ما لائيش الراجل ده

BaNZeR

03-09-2009, 09:15 AM

طيب لو حد معاه الجدول ده يارينت يرفعه علشان انا هروح على الدراسة و ممكن ما لائيش الراجل ده

دنتا لو رحت دلوقتي احتمال مش تلاقيه

لو رفعه هنا من اللى جابوه يبقى خير وبركة
لو مفيش تصوره اول يوم سهلة

بس اهم حاجة تروحو تشوفو اساميكو في كشف الاسماء
عشان تعرفو مجموعة كام وسكشن كام

غالبا اول اسبوع اجازة من السكاشن
بس في محاضرات

Eng_lfc

03-09-2009, 05:13 PM

طب محدش يعرف يجيبه من الموقع بتاع الكلية

Eng_lfc

04-09-2009, 08:10 PM

هو ما فيش حد من اسيوط خالص

♥έĻ-мΰšŧâρèdâ♥

04-09-2009, 10:49 PM

أنـآ سـآلت لكم ح ــد فى إلكوليــه واكدت لـي أنه ع ـآدي تروح أول إلدرآســه لإنكـ من بلد تآنيه وليكـ عُ ــذر السفر

بس إلآضمن وإلآســلم تح ـآولأ تيج ــووا 10/9 يوم إلاتنين

Eng_lfc

05-09-2009, 10:55 AM

طب الورق اللى متوزع فيه الفرق و المجموعات اتعلق ؟؟؟؟؟؟؟؟

Eng_lfc

05-09-2009, 01:52 PM

ممكن حد يقولنا بس ميعاد فتح المدينة الجامعية ؟؟؟؟؟؟؟؟؟؟

♥έĻ-мΰšŧâρèdâ♥

05-09-2009, 03:48 PM

طب الورق اللى متوزع فيه الفرق و المجموعات اتعلق ؟؟؟؟؟؟؟؟

انـآ كُنت إلنهـآردهـ بإلج ـآمعه مفيش غير إلج ــدول بس إللى كآن موج ــود

مُمكن تصــورهـ من ح ـــد

أمـآ إلامآكــن فمع ــرفش

لســه هسـآل قبل إلدرآســه بيومين عنــه

ممكن حد يقولنا بس ميعاد فتح المدينة الجامعية ؟؟؟؟؟؟؟؟؟؟

طآلمـآ قدمت فى إلج ــآمعه وخ ـلآص

يبقـي إلمدينه مع ــآك لآول إلسنه ع ــآدي

Eng_lfc

05-09-2009, 06:47 PM

[quot

طآلمـآ قدمت فى إلج ــآمعه وخ ـلآص

يبقـي إلمدينه مع ــآك لآول إلسنه ع ــآدي
[/quote]

أقصد يعنى لو جيت قبل الدراسة بيومين مثلا
ألاقيها فاتحا و ابات فى الشارع

BaNZeR

05-09-2009, 07:34 PM

اللى بسمعه يعني إنهم بيقفلو الساعة 10 مساء ً :d

لكن اكيد فاتحين كل يوم يعني :d

Eng_lfc

05-09-2009, 10:18 PM

اللى بسمعه يعني إنهم بيقفلو الساعة 10 مساء ً :d

لكن اكيد فاتحين كل يوم يعني :d

هم مين دول

BaNZeR

06-09-2009, 12:55 AM

متاخدش في بالك شكلي كنت بتكلم في حتة تاني :d

اصلي مش فاهم جملتك الاخيرة اصلا
ألاقيها فاتحا و ابات فى الشارع

Eng_lfc

06-09-2009, 01:13 AM

متاخدش في بالك شكلي كنت بتكلم في حتة تاني :d

اصلي مش فاهم جملتك الاخيرة اصلا

لا بس انت بتكلم على اساس هو فرن عيش و لا حاجة

Eng_lfc

07-09-2009, 10:40 PM

اههههههههههههههههه
يا بنى ادمين انتوا فين
الجدول اللى معاه
عشان مش هنلحقه

جعلتني مهندسا

07-09-2009, 10:43 PM

جدول ايه انتو بتكلموا على ايه ياجماعة

وحلوة أوي يابني آدمين

Eng_lfc

07-09-2009, 10:51 PM

جدول ايه انتو بتكلموا على ايه ياجماعة

وحلوة أوي يابني آدمين

جدول المحاضرات

جعلتني مهندسا

07-09-2009, 11:54 PM

هو جدول المحاضرات بينزل من دلوقتي

BaNZeR

08-09-2009, 02:34 AM

عندنا اه

انا لحد دلوقتي مفهمتش جملتك با بكر

والجدول لو معايا مكنتش قصرت وجبته

ينفع بتاع سنتنا :d

Eng_lfc

08-09-2009, 02:52 AM

بجد لو عايز تخدم صح
ممكن تقولنا على المراجع و اكتب
اللى بنستخدمها

ba7eb alahly awi

08-09-2009, 03:21 AM

اللي بيسأل عن المدينه
لازم تقدم مدينه قبل الدراسه وتدفع الفلوس لان اهم حاجه المدينه وقبل حتي التقديم للجامعه
عشان انتا لازم تحجز مبني كويس او ممكن لو اتأخرت شويه مش تلاقي مكان
وبعدين الكشف الطبي ده مش مشكله انا سألت وحده صحبتي كانت في هندسه السنه اللس فاتت وقالتلي انهم عملوا الكشف الطبي في الترم التاني
بس خلاص كده
المدينه ثم المدينه
اللهم بلغت اللهم فشهد

بستو

08-09-2009, 03:10 PM

شكرا على المعلومات العظيمة

Eng_lfc

08-09-2009, 04:03 PM

انا حجزت المدينة و قالولى لما تيجى ادفع الفلوس و هتدخل على طول

تركى هاكر

16-09-2009, 05:58 AM

هى الرابطة قفلت ولا ايه؟؟؟؟؟؟؟؟؟؟؟؟

BaNZeR

16-09-2009, 07:00 AM

لأ بس يبدو إنه مفيش اعضاء للرابطة :d

Eng_lfc

16-09-2009, 11:28 AM

لا انا موجود بس مافيش اى جديد

BaNZeR

16-09-2009, 06:33 PM

طيب احنا كده تلاتة بس
وانا قدمت تقريبا اللى عندي
عايزين انتو تسألو في اي حاجة حد عندو اخبار جديدة نبقى نحطها

Eng_lfc

17-09-2009, 07:15 PM

BaNZeR

18-09-2009, 02:04 AM

هو اللى موجودين هنا و بيدخلوا

أنت يا بشمهندس محمد
و انا و اعوذ بالله من قوله انا
و تركي هاكر
و المستبده
و حب سات
هم دول بس لحد دلوقتى
بس انت ممكن تستنى علشان اللى فى
الأزهر ممكن ينضموا للرابطة

هتلاقى كتير داخلين فى اسيوط

مين حب سات ؟
انا شفت اسم كابالا قبل كده
بس اللى متفاعلين حالياً احنا الاربعة بس

وانت بس اللى موجود دلوقتي من اعدادي
مش عايز تسأل في أي حاجة :d

Eng_lfc

18-09-2009, 02:44 AM

مين حب سات ؟

انا شفت اسم كابالا قبل كده
بس اللى متفاعلين حالياً احنا الاربعة بس

وانت بس اللى موجود دلوقتي من اعدادي

مش عايز تسأل في أي حاجة :d

شويه معلومات عن المدينة
و الجامعة هتعمل ايه
و لا هتخليها زى المنصورة كده

تركى هاكر

18-09-2009, 07:07 PM

من فضلكم كل عضو يقييم الرابطة.

تركى هاكر

18-09-2009, 07:09 PM

عشان نحس انى فيه شوية تفاعل اوكيه...........

حب سات

24-09-2009, 02:40 PM

i wish

24-09-2009, 03:09 PM

خلاص يا عم بنذر انسانى وخد عنوانى انا حولت والتحويل نفع والحمد لله رحت شبرا يلا بقه نصيب كان نفسى اشوفك بجد

Eng_lfc

24-09-2009, 04:31 PM

خلاص يا عم بنذر انسانى وخد عنوانى انا حولت والتحويل نفع والحمد لله رحت شبرا يلا بقه نصيب كان نفسى اشوفك بجد

الف الف مبروك

BaNZeR

24-09-2009, 10:43 PM

انا اسف على التاخير بس رجعتلكووووو تانى
انا موجود يا حبايب قلبى بس كنت غايب عن الاضواء شوية
اصل النت عندى زبالة اليومين دول
محدش عارف اى جديد عن لجامعة
وكل سنة وانتم طيبين
------- بليز حد يرد

عودة حميدة يا حب سات
وآخر الاخبار حالياً إنه الدراسة 3 اكتوبر
تقريباً مفيش جديد

BaNZeR

24-09-2009, 10:46 PM

خلاص يا عم بنذر انسانى وخد عنوانى انا حولت والتحويل نفع والحمد لله رحت شبرا يلا بقه نصيب كان نفسى اشوفك بجد

ننساك ليه يا راجل انت في اسيوط منورنا مش في اسيوط مش منورنا :d
احم
قصدي احنا كلنا في هندسة ومش حتفرقنا الجامعة يعني :)
وانت في بيتك برده والحمد لله إنه جاتلك الحاجة اللى انت عاوزها

ومنور القسم تاني يا بشمهندس :)

Eng_lfc

25-09-2009, 01:25 AM

ننساك ليه يا راجل انت في اسيوط منورنا مش في اسيوط مش منورنا :d
احم
قصدي احنا كلنا في هندسة ومش حتفرقنا الجامعة يعني :)
وانت في بيتك برده والحمد لله إنه جاتلك الحاجة اللى انت عاوزها

ومنور القسم تاني يا بشمهندس :)

انا خلاص نويت على اسيوط وحتى مافكرتش فى التحويل بعد ما رحت الكلية هناك
كفاية منظرها نظيفة
روح كده شوف المنصورة و انت تشوف ان المبانى لو مشى جنبها قطر هتأع
على دماغ اللى فيها

ba7eb alahly awi

25-09-2009, 02:22 AM

يا جماعه كوتشن بسيط
هو احنا مفروض نروح الكليه من اول يوم ولا اول اسبوع مش بيكون فيه حاجه
طاب واللي مسافر انسب ميعاد يسافر فيه امتا
والمدينه الجامعيه حتكون فاتحه في يوم الجمعه اللي قبل يوم السبت علطول ولا ايه

Eng_lfc

25-09-2009, 02:29 AM

BaNZeR

25-09-2009, 02:46 AM

انا خلاص نويت على اسيوط وحتى مافكرتش فى التحويل بعد ما رحت الكلية هناك
كفاية منظرها نظيفة
روح كده شوف المنصورة و انت تشوف ان المبانى لو مشى جنبها قطر هتأع
على دماغ اللى فيها
اكيد طبعاً جامعة اسيوط على مستوى راقي جداً
مش بجامل فيها بس هي فعلاً نضيفة

يا جماعه كوتشن بسيط
هو احنا مفروض نروح الكليه من اول يوم ولا اول اسبوع مش بيكون فيه حاجه
طاب واللي مسافر انسب ميعاد يسافر فيه امتا
والمدينه الجامعيه حتكون فاتحه في يوم الجمعه اللي قبل يوم السبت علطول ولا ايه
انا عندي استفسار واحد
مين كوتشن ده :d
انا خمنت إنه كويستشن يعني :d
المهم
مين ده اللى اول اسبوع مفيش دراسة
احنا بدأنا من اول يوم وحياتك :d
هو ممكن بس اول اسبوع ميكنش في سكاشن
لأنه كده كده السكشن مفهوش شرح جديد
فمش حينفع تاخده وانت مخدتش حاجة لسه
لكن في محاضرات اكيد

بالنسبة للسفر انا مفهمتش تقصد ايه
قصدك لو عايز تيجي يعني تيجي امتى ؟
لو تقدر خليها من اول يوم

اقصاك عايز تاخد اسبوع خد وابقى انقل اللى فاتك او حد يشرحهولك

ba7eb alahly awi

25-09-2009, 02:49 AM

هو انت منين و رايح كلية ايه يا معلم ؟
انت منين ديه فهمناها
رايح فين ديه غريبه شويه؟
يعني بتكلم في موضوع اسمه رابطه هندسه اسيوط يبقا كليه ايه (خدمه اجتماعيه مثلا):d:d
انا ف كليه هندسه اسيوط يا معلم
متشكرين علي الرد

ba7eb alahly awi

25-09-2009, 02:51 AM

انا عندي استفسار واحد
مين كوتشن ده :d
انا خمنت إنه كويستشن يعني :d
المهم
مين ده اللى اول اسبوع مفيش دراسة
احنا بدأنا من اول يوم وحياتك :d
هو ممكن بس اول اسبوع ميكنش في سكاشن
لأنه كده كده السكشن مفهوش شرح جديد
فمش حينفع تاخده وانت مخدتش حاجة لسه
لكن في محاضرات اكيد

بالنسبة للسفر انا مفهمتش تقصد ايه
قصدك لو عايز تيجي يعني تيجي امتى ؟
لو تقدر خليها من اول يوم

اقصاك عايز تاخد اسبوع خد وابقى انقل اللى فاتك او حد يشرحهولك [/quote]
سانك يو يا مان

Eng_lfc

25-09-2009, 02:53 AM

انت منين ديه فهمناها
رايح فين ديه غريبه شويه؟
يعني بتكلم في موضوع اسمه رابطه هندسه اسيوط يبقا كليه ايه (خدمه اجتماعيه مثلا):d:d
انا ف كليه هندسه اسيوط يا معلم
متشكرين علي الرد

يا معلم اصل اول مرة اشوفك هنا فى الموضوع ده
هو انت منين ؟

ba7eb alahly awi

25-09-2009, 02:57 AM

دور في الموضوع حتلاقيني كاتبه اكتر من رد
واراهنك دور كده ولو ملقيتش (بحب الاهلي اوي) اللي هو بلا فخر انا منوره الموضوع يبقا حقك عليا يا برنس

Eng_lfc

25-09-2009, 03:25 AM

دور في الموضوع حتلاقيني كاتبه اكتر من رد
واراهنك دور كده ولو ملقيتش (بحب الاهلي اوي) اللي هو بلا فخر انا منوره الموضوع يبقا حقك عليا يا برنس

معلش و اه انت اه طلعت من الدقهلية يعنى اريبين من بعض

i wish

26-09-2009, 03:11 PM

الف الف مبروك

الله يبارك فيك يا مان الحمدلله

i wish

26-09-2009, 03:17 PM

ننساك ليه يا راجل انت في اسيوط منورنا مش في اسيوط مش منورنا :d
احم
قصدي احنا كلنا في هندسة ومش حتفرقنا الجامعة يعني :)
وانت في بيتك برده والحمد لله إنه جاتلك الحاجة اللى انت عاوزها

ومنور القسم تاني يا بشمهندس :)

نعم مين بتقول ايه؟ ماشى يا بنظر :stickjo4::stickjo4::stickjo4:

اهى كلها هندسة وخلاص على رأيك اى نعم انا رايح شبه حضانة وموقع زبالة ومكان ازبل بس مش مشكلة

ده بنورك انت يا بروف بس صحيح عندى سؤال هو انا اعمل ايه علشان اشترك فى مسابقة روبوكون

او ادخل فى التيم بتاع الكلية ازاى وهل ينفع ده من اعدادى؟؟؟؟؟؟؟؟؟؟؟؟؟؟؟؟

انا خلاص نويت على اسيوط وحتى مافكرتش فى التحويل بعد ما رحت الكلية هناك
كفاية منظرها نظيفة
روح كده شوف المنصورة و انت تشوف ان المبانى لو مشى جنبها قطر هتأع
على دماغ اللى فيها

ماتغيظونيش بقه انا اصلا مكنتش عايز احول متكلموش تانى ان الكلية جميلة وجامدة وحلوة وروعة هتموتونىىىىىىى

Eng_lfc

26-09-2009, 06:46 PM

ماتغيظونيش بقه انا اصلا مكنتش عايز احول متكلموش تانى ان الكلية جميلة وجامدة وحلوة وروعة هتموتونىىىىىىى

متزعلش اوى

عبدالله90

27-09-2009, 09:51 PM

انا عبدالله اعدادي هندسة اتشرف بمعرفتكم

Eng_lfc

29-09-2009, 01:26 AM

انا عبدالله اعدادي هندسة اتشرف بمعرفتكم

ممكن يا عبد الله شوية معلومات عنك

تركى هاكر

19-10-2009, 02:02 AM

نامت الرابطة علام اعتقد.......ولا ايه؟؟؟؟

ba7eb alahly awi

25-11-2009, 03:09 PM

لو فيه حد هنا في اعدادي يا ريت يقول راأيه في امتحانات اعمال السنه(الفيزيا والحاسبات والبرمجه واللغه)

رضوى حامد

27-11-2009, 12:44 PM

لو فيه حد هنا في اعدادي يا ريت يقول راأيه في امتحانات اعمال السنه(الفيزيا والحاسبات والبرمجه واللغه)

أنا في إعدادي هندسة ودي أول مشاركة ليا تقريباً في الرابطة دي (بس يمكن شاركت قبل كدة وأنا مش واخدة بالي يعني:p ) المهم ...
طبعاً أنا امتحنت وخدت درجتي كمان في الفيزياء (( ويا ريتني ماخدتها قبل العيد أديني مش طايقة أخرج مع حد خاااااالص)) ،، الفيزياء بصراحة كانت سهلة وصعبة في نفس الوقت والامتحان كان محتاج واحد مذاكر وفاهم ومخلص كل التمارين وفاهم كويس يعني ،، يعني هوا مكانش فيه أفكار غير مسألة الديناميكا الحرارية الأخيرة يمكن هيا اللي شوية يعني صعبة(وأنا أكيد معرفتش أحلها)
بس أنا سمعت اشاعة كدة بتقول اننا هنترفع درجتين قبل ما تنزل درجاتنا بعد العيد يعني ،، مش عارفة دي صح ولا غلط ،
بالنسبة للحاسبات بقى ،، والله الامتحان كان حلو بس للي قرأ الكتاب مش داخل حافظله كام امتحان من السنوات اللي فاتت وخلاص
اللغة ده بقى اللي مش عارفة أقول عنه ايه ولا ايه ،،، ده من طول الامتحان الناس كانت بتعيط واللي طلب وقت إضافي ..... طبعاً بهزر يعني:d ، الامتحان كان سهل وأي طالب في ابتدائي ولا إعدادي كان ممكن يحله في نص ساعة بسسسسسسسسس لو فاهم الأزمنة كويس لأني عن نفسي لخبطت في الأزمنة دي شوية وعندي 3 أسئلة غلط فيها بس دي سنة الحياة عندي ولازم أغلط حتى في الامتحانات السهلةB)
ده كان رأيي باختصار شدييييييد جداً زي مانتا شايف
وربنا يوفقك ويوفقنا كلنا:av4056bb7jp3:

ba7eb alahly awi

28-11-2009, 11:13 AM

أنا في إعدادي هندسة ودي أول مشاركة ليا تقريباً في الرابطة دي (بس يمكن شاركت قبل كدة وأنا مش واخدة بالي يعني:p ) المهم ...
طبعاً أنا امتحنت وخدت درجتي كمان في الفيزياء (( ويا ريتني ماخدتها قبل العيد أديني مش طايقة أخرج مع حد خاااااالص)) ،، الفيزياء بصراحة كانت سهلة وصعبة في نفس الوقت والامتحان كان محتاج واحد مذاكر وفاهم ومخلص كل التمارين وفاهم كويس يعني ،، يعني هوا مكانش فيه أفكار غير مسألة الديناميكا الحرارية الأخيرة يمكن هيا اللي شوية يعني صعبة(وأنا أكيد معرفتش أحلها)
بس أنا سمعت اشاعة كدة بتقول اننا هنترفع درجتين قبل ما تنزل درجاتنا بعد العيد يعني ،، مش عارفة دي صح ولا غلط ،
بالنسبة للحاسبات بقى ،، والله الامتحان كان حلو بس للي قرأ الكتاب مش داخل حافظله كام امتحان من السنوات اللي فاتت وخلاص
اللغة ده بقى اللي مش عارفة أقول عنه ايه ولا ايه ،،، ده من طول الامتحان الناس كانت بتعيط واللي طلب وقت إضافي ..... طبعاً بهزر يعني:d ، الامتحان كان سهل وأي طالب في ابتدائي ولا إعدادي كان ممكن يحله في نص ساعة بسسسسسسسسس لو فاهم الأزمنة كويس لأني عن نفسي لخبطت في الأزمنة دي شوية وعندي 3 أسئلة غلط فيها بس دي سنة الحياة عندي ولازم أغلط حتى في الامتحانات السهلةB)
ده كان رأيي باختصار شدييييييد جداً زي مانتا شايف
وربنا يوفقك ويوفقنا كلنا:av4056bb7jp3:
طاب انتوا ازاي خدتوا درجات الفيزيا انا ما سمعتش ان النتيجه ظهرت اصلا
يعني هما قلولنا ان النتيجه بعد العيد يعني
وبالنسبه للامتحانات بجد الفيزيا كانت سهله بس المشكله كامن في الديناميكا الحراريه بس باب الحراره وخواص الماده كانوا سهلين
ده بالنسبه ليا
والحاسب كانت المشكله في مسئله الفلوشارت الاخيره
بالنسبه للغه مش عايزه افنكره خالص كان بمنتهي الصعوبه انا معرفتش احل فيه ولا كلمه
ربنا يستر وانجح فيه:angry2::angry2::angry2:

رضوى حامد

28-11-2009, 11:46 AM

طاب انتوا ازاي خدتوا درجات الفيزيا انا ما سمعتش ان النتيجه ظهرت اصلا
يعني هما قلولنا ان النتيجه بعد العيد يعني
وبالنسبه للامتحانات بجد الفيزيا كانت سهله بس المشكله كامن في الديناميكا الحراريه بس باب الحراره وخواص الماده كانوا سهلين
ده بالنسبه ليا
والحاسب كانت المشكله في مسئله الفلوشارت الاخيره
بالنسبه للغه مش عايزه افنكره خالص كان بمنتهي الصعوبه انا معرفتش احل فيه ولا كلمه
ربنا يستر وانجح فيه:angry2::angry2::angry2:

هما هينزلوها بعد العيد عند رعاية الشباب أو شئون الطلاب بس الدكاترة رصدوها وعندهم ودكتور الحرارة في المحاضرة كان قاللنا اللي عايز ياخدها في قسم الفيزياء وأنا تقريباً الوحيدة اللي رحت أشوفها قبل العيد.
الديناميكا كانت حاجة يعني أستغفر الله العظيم بجد منها ،، وأنا عكيييت في الوحدات والأبعاد مع انها كانت سهلة جداً ،، والفلو شارت كان سهل بس أنا محلتش الأخيرة برضو وطلعت غلط عندي مع اني اليوم اللي قبله كنت بشرحها لزمايلي (سبحان الله)
اللغة : انتي أكيد بتهزري لأن أغلبية الناس مخدتش تلت ساعة وقامت طلعت م الامتحان ،، وأنا قعدت طبعاً لآخر الوقت يمكن يجيني الفرج ،،، يعني أنا مش الوحيدة اللي عكت في اللغة :dوالله مكسوفة من نفسي أوي ومن الدكتورة اللي بتدينا،، بس هننجح ان شاء الله يا بنتي ربك هيستر وهننجح أنا عندي أمل كبييييير أوي في ربنا زي مانجحت في الفيزياء دي
وربنا معانا وعقبال ما نخلص من الاستاتيكا والرياضة على خييييير

BaNZeR

28-11-2009, 04:02 PM

بالنسبه للغه مش عايزه افنكره خالص كان بمنتهي الصعوبه انا معرفتش احل فيه ولا كلمه
ربنا يستر وانجح فيه:angry2::angry2::angry2:
في اللغة وحتعملولي كده :d
دي المادة اللى كنا بنحلي بيها في الترم الاول :d
وبما إنه المادة من ترم واحد يبقى مفيش مجال إني اعوض درجتي في الترم التاني
يعني يا نلحق يا نشيل :d
زي ما انا حدبلر دلوقتي في الترم الاول ومش حلحق اوصل التاني حتى :d

ba7eb alahly awi

28-11-2009, 05:09 PM

theotherface

28-11-2009, 05:28 PM

طبعاً أنا امتحنت وخدت درجتي كمان في الفيزياء

ايه السرعه ديه ياجماعه احنا نتيجه امتحانات الميد تيرم عندنا بتطلع قبل التيرم باسبوع ولا اسبوعين ..

اصل الدكاتره بيحبوا يعلموا بمزاج يعنى مثلا نتيجه التيرم الاول بتتطلع فى شهر تالته او اربعه كمان

يعنى بعد التيرم الاول بشهرين او تلاته

يعنى احنا بنمتحن وبننسى الامتحان اساسا عبل ما النتيجه تتطلع مبنفتكرش بقى كنا غلطانيين فى ايه ^_^

ba7eb alahly awi

28-11-2009, 05:32 PM

[quote=theotherface;1768935]ايه السرعه ديه ياجماعه احنا نتيجه امتحانات الميد تيرم عندنا بتطلع قبل التيرم باسبوع ولا اسبوعين ..

اصل الدكاتره بيحبوا يعلموا بمزاج يعنى مثلا نتيجه التيرم الاول بتتطلع فى شهر تالته او اربعه كمان

يعنى بعد التيرم الاول بشهرين او تلاته

يعنى احنا بنمتحن وبننسى الامتحان اساسا عبل ما النتيجه تتطلع مبنفتكرش بقى كنا غلطانيين فى ايه ^_^
لا اصلا ده مش امتحان ميدتيرم ده امتحان اعمال سنه:):)

theotherface

28-11-2009, 05:39 PM

لا اصلا ده مش امتحان ميدتيرم ده امتحان اعمال سنه:):)

ماهى امتحانات الميد تيرم امتحانات اعمال سنه بس مش عارف انتوا عندكم ميد تيرم وامتحانات تانيه اسمها اعمال سنه
يعنى بتمتحنوا تلاته مرات فى التيرم الواحد ؟؟؟؟:o

BaNZeR

28-11-2009, 05:44 PM

ماهى امتحانات الميد تيرم امتحانات اعمال سنه بس مش عارف انتوا عندكم ميد تيرم وامتحانات تانيه اسمها اعمال سنه

يعنى بتمتحنوا تلاته مرات فى التيرم الواحد ؟؟؟؟:o

لا هي اعمال السنة هي الميد تيرم
احنا عندنا وقت اساساً ناخد امتحان تاني لكل مادة
دحنا ممكن نلغي امتحانات التيرم عشان نكمل الميد تيرم :d

ba7eb alahly awi

28-11-2009, 05:45 PM

ماهى امتحانات الميد تيرم امتحانات اعمال سنه بس مش عارف انتوا عندكم ميد تيرم وامتحانات تانيه اسمها اعمال سنه

يعنى بتمتحنوا تلاته مرات فى التيرم الواحد ؟؟؟؟:o

لا احنا بنمتحن مرتين في التيرم
بنمتحن الاول امتحان اعمال سنه وبعدين بنمتحن ميدتيرم:(:(
احنا خلصنا امتحان الفيزيا والحاسبات ولسه حنمتحن ميكانيكا ورياضه بعد العيد علطول وده بيكون يوم الجمعه
ده غير ان فيه امتحان رسم بعد كل اربع سكاشن
يعني انتا في هندسه اسيوط مش حتقدر تغمض عينيك يا عيني:giljotiiniug3::giljotiiniug3:

BaNZeR

28-11-2009, 05:47 PM

ايه يا جماعه انتوا اخدتوا موضوع اللغه ده جد ولا ايه:slap1qk6:
انا كنت بهزر
ده حتي القطعه كانت عن الطفوله ويحلها طفل في كي جي تو اصلا
حد قالكم عني اني صنايع ولا ايه؟؟؟؟؟؟
بمناسبه الصنايع يعني
يا ريت حد يقولي لو ما فيهاش رخامه الواجب في شيت الرسم الهندسي ده رقم كام وكام في الكتاب عشان انا سافرت ومش خدت كراسه التمارين ومش معايا رصيد عشان اتصل بحد ومعايا الكتاب وكنت عايزه احضر الرسومات
اللي هو التمرين التاني يعني في باب الاسقاط
يا رب حد يكون فهمني
أكيد بتهزري طبعاً
زي ماحتهزروا يوم النتيجة وتدمعوا
مش تدمعو من العياط تدموا من كتر الضحك :d

وبالنسبة للشيت اكيد فاهمين
هو شيت الرسم الهندسي اللى في الباب التاني في الاسقاط
مش اللى اتشرح في سكشن الرياضة اللى اتبدل مع الفيزيا
احم
انا مش في اعدادي بصراحة فمش حقدر اساعدك :d

ba7eb alahly awi

28-11-2009, 05:52 PM

أكيد بتهزري طبعاً

زي ماحتهزروا يوم النتيجة وتدمعوا
مش تدمعو من العياط تدموا من كتر الضحك :d

وبالنسبة للشيت اكيد فاهمين
هو شيت الرسم الهندسي اللى في الباب التاني في الاسقاط
مش اللى اتشرح في سكشن الرياضة اللى اتبدل مع الفيزيا
احم

انا مش في اعدادي بصراحة فمش حقدر اساعدك :d
لا يا يشمهندس انا قصدي علي شيت الرسم اللي اتشرح في سكشن الفيزيا اللي اتبدل مع الرياضه
يلا ال هي يعني ناقصه لخبطه:giljotiiniug3::giljotiiniug3:

رضوى حامد

29-11-2009, 09:16 AM

ايه يا جماعه انتوا اخدتوا موضوع اللغه ده جد ولا ايه:slap1qk6:
انا كنت بهزر
ده حتي القطعه كانت عن الطفوله ويحلها طفل في كي جي تو اصلا
حد قالكم عني اني صنايع ولا ايه؟؟؟؟؟؟
بمناسبه الصنايع يعني
يا ريت حد يقولي لو ما فيهاش رخامه الواجب في شيت الرسم الهندسي ده رقم كام وكام في الكتاب عشان انا سافرت ومش خدت كراسه التمارين ومش معايا رصيد عشان اتصل بحد ومعايا الكتاب وكنت عايزه احضر الرسومات
اللي هو التمرين التاني يعني في باب الاسقاط
يا رب حد يكون فهمني:giljotiiniug3::giljotiiniug3:
أنا مفهمتش حاجة :huh:
بس لو انتي قصدك على الرسمتين اللي بيحددهم الدكتور ترسموهم في السكشن ، فده على حسب مجموعتك والسكشن بتاعك ، مش كل السكاشن بتاخد نفس الرسومات ده بيبقى على حسب الدكتور بتاعكم بس ، فانتي شوفي حد من السكشن بتاعك واسأليه ،، بس لو انتي المجموعة التانية أنا ممكن أفيدك:078111rg3:
واللغة كمان هوا كان سهل أوي أوي بس شكلي الوحيييييدة اللي غلطت فيه و3 أسئلة كمان ،، يا فضيحتشييييي:unsure:

♥έĻ-мΰšŧâρèdâ♥

07-12-2009, 03:14 AM

BaNZeR

07-12-2009, 02:29 PM

دي جداول امتحاناتنا على قد ما عرفت اصورها اعدادي واولى واللى حتبدأ يوم 19 بعد كانوا عاملينا 12

BaNZeR

07-12-2009, 02:31 PM

http://img41.imageshack.us/img41/8767/20091207461.jpg
http://img710.imageshack.us/img710/9779/20091207462.jpg

♥έĻ-мΰšŧâρèdâ♥

07-12-2009, 05:36 PM

هــوـو إلج ـدول دهـ إللى ع ـند مدنـــــــــــــــــي ....... ؟!!

BaNZeR

07-12-2009, 11:49 PM

اه هو موجود في كل قسم انا مصوره من كهربا

abdelRhman772007

08-12-2009, 02:20 AM

إلســلآلآم ع ــليكم يـآ شبـــــــــــــــــــآآ/ب

أنــآ م ( 2 ) أخ ــرـر هبـآبه أنـآ أتنقلت للأولـي بس برخم ع م ( 2 ) وبح ــضرـر مع ــآآهم

إلموهيـــــــــــــــــــم :confused:

أنـآ إلميكـآنيكـآآآ/ ع ـندي ضـآيع ــة ع إلآلآخ ــرـر

ح ـد يفهمنـــــــــــــــي دول

1/ أثبت أنه لأي ثلآثة مُتج ـهآآت a . B . C تتح ــقق إلع ـلآقة

http://www14.0zz0.com/2009/12/07/01/381395163.gif (http://www14.0zz0.com/2009/12/07/01/381395163.gif)

2/ بإستخ ــدام إلمُتج ــهآآت استنتج قـآآعدة ج ـيب إلتمــآآم للمُثلث وهي

http://www10.0zz0.com/2009/12/07/01/514924796.gif (http://www10.0zz0.com/2009/12/07/01/514924796.gif)

3/ أوج ـد إلمُتج ــه الذى طوله 2 وح ـدة عموديـاً ع كل من إلمُتج ـهين

a= i + 2 j + 3k
b= i + j - 2k

أنــــــــآ شديت شع ـرى فى دول غ ــيرـر إلهيـآآكل كمـــآآن :mad:

الأخيرة أظن سهلة
ممكن نضرب ضرب اتجاهى هيدينى متجه عمودى عليهما
نجيب متجه الوحدة من الناتج و نضربه فى 2

أو من الأول نجيب متجه الوحدة للاتنين نضربهم فى بعض يدينا
متجه الوحدة العمودى و نضربه فى 2

و التانية فى المرفقات

أما الأولى أرجو توضيحها

و بالمناسبة يا ريت مكونش ضايقتكم فى رابطتكم

بس يا ريت لما تحطى ملفات أو أسئلة فى الرابطة

تتحط فى موضوع فى القسم للناس

لأن زى ناس كتير ما ببصش فى الرابطات

و حتى شوفت الأسئلة ده بالصدفة

بالتوفيق

♥έĻ-мΰšŧâρèdâ♥

10-12-2009, 08:22 PM

شُكــراً لكـ يـآ ع ـبد إلرح ــمن

أنـآ ع ــرفت ح ــلهم إلح ـمد لله سـأألت ع ـنهم إلموع ـــيد

وهبقــي أنزلهم بس أنـآ مستع ـجلة ع ـلشآن ع ـندي إمتح ـآآن إستآتيكـآ بوكرا

♥έĻ-мΰšŧâρèdâ♥

11-12-2009, 05:11 PM

BaNZeR

11-12-2009, 10:25 PM

إلســلآلآم ع ــليكم يـآ شبـــــــــــــــــــآآ/ب

هو إمتح ــــــــــــــــــآآن إلآستآتيكآآ لأع ـمال إلسنة موهيــم يع ــني ولآ مومكن لو مج ـبتش فيه ح ـآجة أع ـدي :(

أصلــي روح ــت إلامتح ـآن متآآخ ــر وكآن فآآضل نوص ســآعة بس مع ـرفتش أع ـمل ح ـآجة وأتلخ ــمت

وإتوترت ع إلآخ ـرـر وطلع ــت ع ـندي هيستريـآ ع ــــــــــيآط

فطمنؤنـــــــــــــي يع ــني ع ـآدي لو ح ــتى ج ــبت 4 من 30

وإع ـوض فى نهـآية إلترم ولآ كده رآح ــت ع ــليآ :(

نص ساعة !!!!
ودخلوكي الامتحان كمان :d
انا النهاردة كنت بمتحن تحتيكو
استلمنا الورق قبل المعاد بعشر دقايق كمان :d

الميكانيكا اعمال سنة عليها 30 درجة ترم اول و30 ترم تاني
و120 امتحان فاينل اخر السنة كده يفضل 20 درجة بيبقو شيتات غالباً

يعني يعني لو خسرتي ال30 درجة كلهم فهي لا تمثل سدس المجموع الكلي للمادة
انا فاكر امتحانا معرفناش نعمل فيه حاجة وفضلو يدونا درجات بونس :d

.. وسؤال تـآني ..

ينفـع أروح لـ د/ فــكري أخ ـليه يع ـملى أمتح ـآن لوح ـدي بدل إللى فـآتني دهـ ولآ مينفع ــش ..... ؟!! :confused:

احم
هو بيديكو فكري :d
انا مرة دخلت لفكري مكتبه كنت بسأله عالشيت جاوبني بقرف وشوية كان ممكن يطردني :d
موضوع اعادة الامتحان ده اقترحو يعملوه عندنا في الرياضة الترم الاول عشان الدرجات الاقل من النص ممكن يحسنوا
بس الامتحان حيكون اصعب بكتير وحياخدوا نص الدرجة
اما عشان يعيدو الامتحان لفرد واحد فاحتمال تنفيذها ممكن 3% ومنصحش بيها :d

♥έĻ-мΰšŧâρèdâ♥

11-12-2009, 10:58 PM

نص ساعة !!!!

ودخلوكي الامتحان كمان :d

وإللى أدآني إلورقــة د/فكــري وقـآلى مش هتع ـملى ح ـآجة قولت أح ــسن من أنى أتكتب غ ــيآآب وخ ــلآص

الميكانيكا اعمال سنة عليها 30 درجة ترم اول و30 ترم تاني
و120 امتحان فاينل اخر السنة كده يفضل 20 درجة بيبقو شيتات غالباً

هو إلآمتح ــآن مش من 150 ----> 120 إلآمتح ـآن إلاخ ــيرـر و 30 أع ـمآل سنهـ

و 30 بتتقســم ترمين ولآ إيه ... ؟!

يعني يعني لو خسرتي ال30 درجة كلهم فهي لا تمثل سدس المجموع الكلي للمادة

مآأنآ شكلـي هخ ــسر إلـ 30 يـآ ح ــسرتي

اما عشان يعيدو الامتحان لفرد واحد فاحتمال تنفيذها ممكن 3% ومنصحش بيها

:( شوكــرن ع إلآح ــبآآط

يـآ ع ــم إرح ــم شووية بس 3 أنت تطلُع ـآتك خ ــيآلية

BaNZeR

12-12-2009, 12:31 AM

هو إلآمتح ــآن مش من 150 ----> 120 إلآمتح ـآن إلاخ ــيرـر و 30 أع ـمآل سنهـ

و 30 بتتقســم ترمين ولآ إيه ... ؟!
درجة الرياضة من 300
150 لكل ترم

بينما الميكانيكا مفهاش امتحان تيرم (نص السنة يعني)
فيها امتحان الفاينل بس (اللى هو آخر السنة)
عشان كده المادة من 200 وامتحان الفاينل بتاعها من 120

:( شوكــرن ع إلآح ــبآآط

يـآ ع ــم إرح ــم شووية بس 3 أنت تطلُع ـآتك خ ــيآلية

انا مرضتش اقول صفر وقلت ارفع من روحك المعنوية شوية :d

اصل موضوع يعمل امتحان كامل عشان طالبة ده محتاج ربع لجنة ومحتاج امتحان جديد ومحتاج تصحيح جديد !
وبافتراض العملية مشيت ودي
الكل حيقول وانا عايز اعيد !!!!
يعني حنفتح في سين وجيم :d

معلش انتو لسه في البداية
شوية وحتتعودو على يوم الجمعة وشوية حتصحوا من الفجر زيي كده :d

سيبك من الامتحان ده مش مشكلة دلوقتي
المهم نهتم حالياً بامتحان الجمعة الجاية :d

BaNZeR

13-12-2009, 11:03 AM

هو صح في حاجة قالولكو عليها اسمها محاضرة تجنيد حتاخدوها في حقوق ؟

ولو اه ده ايه نظامها ؟

زائر غير مسجل

23-01-2010, 11:09 PM

انا من المنصوره وكنت فى هندسه اسيوط وخدت فيها اعدادى وأولى مدنى ورجعت المنصوره بس والله بجد مفيش اصدقاء زى اللى فى اسيوط ابدا انا حاليا فى رابعه مدنى خلاص هخلص اهه بس انا نفسى الاقى حد هنا رابعه مدنى عشان اقدر اتصل باصحابى من جديد

ba7eb alahly awi

05-02-2010, 08:34 AM

يا جماعه يا ريت اي حد لو شاف جد ول محاضرات الترم التاني يقول عليه ضروري جداااااااااااااااااااااااااااااااااااااااااااااااا ااا

سندريلا 1

18-02-2010, 02:38 AM

يا جماعة فية حد جاب جول محاضرات الترم الثانى انا عايزاه لانى انا مش من اسيوط بليز اللى جابه يرد عليا :blush:

BaNZeR

18-02-2010, 03:41 PM

كويس إنه لسه في حد عايش في الرابطة دي :d
حتى اللى كنت اعرفهم مشيو :(

كنت في الجامعة النهاردة ونسيت خالص إنكو طالبين جدول اعدادي
بس هو نزل ونزل بتاع اولى مدني برده
بتاعنا احنا في كهربا لسه منزلش :(

ba7eb alahly awi

27-02-2010, 01:51 PM

ما حدش يا جماعه يعرف النتيجه بتاعت اعدادي امتي
عشان بجد انا زهقت

3etra3

01-03-2010, 10:38 AM

الموضوع جميل جدا
ياريت بقي شويه معلومات عن الاقسام
وشفلنا امتي نتيجه اعدادى هتظهر
كل يوم بيقولوا بكره
انا زهقت
شكرامره تانيه

ba7eb alahly awi

05-03-2010, 01:20 PM

الحمد لله انا جبت النتيجه ونجحت
وجبت امتياااااااااااااااااااااااااااااااااااااااز

في حقوق الانسان طبعا

BaNZeR

08-03-2010, 05:57 PM

الحمد لله انا جبت النتيجه ونجحت
وجبت امتياااااااااااااااااااااااااااااااااااااااز
في حقوق الانسان طبعا
طب الف مبرووك :d
انا فاكر جبت فيها جيد جداً :d

عملتو ايه بقية المواد
شايف النتايج ما شاء الله وخصوصاً في الحاسب
كام واحد جايب امتيازات عندكو عشان مشفتش غير واحد

ba7eb alahly awi

11-03-2010, 02:36 PM

انا عن نفسي الحمد لله جبت جيد جدا في الحاسب
وفيه ناس عندنا في المجموعه كتير جايبه امتياز وخصوصا في الرياضه

هبه.احمد

11-08-2011, 02:33 PM

جزاكم الله خيرا
بجد مجهود رااااااااااااائع

abdomada

11-08-2011, 02:41 PM

مشكوووووووووووووووووور

mostafa_kamal_1990

11-08-2011, 08:00 PM

موضوع خرافى تسلم عليه

Eng.Mostafa Mahmoud

11-08-2011, 11:05 PM

أنا كنت لسه صاحي من النوم وبصراحه مكنتش فايق

بس اول ما شوفت الموضوع ده

حسيت اني صاحي من زمان :p ، بجد تسلم ايدك يا باشا وربنا يكرمك

وتسلم علي المعلومات القيمه دي عن كلية عريقه زي دي :bosyht9:

،،،،،،،

ابراهيم الاول

11-08-2011, 11:18 PM

شكرا على الموضوع الرائع انتا حبيبتنى فى الكليه بس انا من اسماعيليه ياربينفع احول ليها عشان متغربش

Eng.Mostafa Mahmoud

11-08-2011, 11:35 PM

انا :d

يا رب اكون من الوجوه الحلوه علي قلوبكم

بس ايه حكاية مجموعك بيكون ناتج جمع مجموع اعدادي هندسة + ناتج الثانوية العامة المصريه

ليه بس تزعلني منك :d

وبعدين 200 جنيه كتير ههههههههه ، وانا شايف ان المواد كتيره

بس تكون لذيذه بإذن الله ، عشان بس انسان جميل زيك هو الي شارحها من ذاكرته الخاصه

،،،،،،،

BaNZeR

15-08-2011, 02:11 PM

ياااه ... رجعتوني لأيام اعدادي :d

كويس إنه لسه في حد بيستكشف مواضيع من 2009

nourhan gaber

16-08-2011, 08:53 PM

أنا معاكم في هندسة أسيوط هو ميعاد التقديم امتي ممكن الرد ضروري لو سمحت

BaNZeR

17-08-2011, 02:53 AM

أنا معاكم في هندسة أسيوط هو ميعاد التقديم امتي ممكن الرد ضروري لو سمحت
المفروض انه بدأ من يوم 10

ولو حد قدم بالفعل ممكن يأكدلنا انه التقديم مفتوح

7oota

17-08-2011, 06:37 AM

بيييس يا رجالة

انا معاكم فى هندسة اسيوط

BaNZeR

19-08-2011, 05:34 PM

بيييس يا رجالة

انا معاكم فى هندسة اسيوط

تنورنا يا كبير وكل اللى دخلوا معانا هندسة اسيوط

πoữr-αlģђaЯiρ

19-08-2011, 10:41 PM

السلام عليكم ,

انا معاكم ان شاء الله في اسيوط ...

بس مفيش حد كدة من أسيوط يسألنا التقديم بدأ ولا لسه ؟؟ ومستمر لحد امتي ؟؟

الواحد من المنصورة وصعب اننا نخبط المشوار دة كله علي الفاضي

henry2010

20-08-2011, 12:23 AM

انا من الغربية و احتمال اسافر يوم الاثنين

ahmed61200

20-08-2011, 08:30 AM

الحمد لله أنا بس معرفش أى حاجه و لا أعرف أى حد فى أسيوط و لا هندسة أسيوط و أنا من لبقلهرة

BaNZeR

22-08-2011, 05:54 PM

السلام عليكم ,

انا معاكم ان شاء الله في اسيوط ...

بس مفيش حد كدة من أسيوط يسألنا التقديم بدأ ولا لسه ؟؟ ومستمر لحد امتي ؟؟

الواحد من المنصورة وصعب اننا نخبط المشوار دة كله علي الفاضي

وعليكم السلام ورحمة الله
هو من ناحية بدأ فهو بدأ من زمان
لكن اخره امتى اعتقد ده بيبقى محدد لكل الكليات ومعنديش فكرة بيقفلوه امتى

انا من الغربية و احتمال اسافر يوم الاثنين
اظن ده اللى هو النهاردة
تنور يا ريس
واتمنى تكون المحافظة والجامعة عجبتك :)

الحمد لله أنا بس معرفش أى حاجه و لا أعرف أى حد فى أسيوط و لا هندسة أسيوط و أنا من لبقلهرة
معتقدش في حد من اللى ساكنين مدينة من اللى اعرفهم جايين من بره
كانو يعرفو حد قبل ما ييجو
والحمد لله
فيهم ناس دلوقتي بقت تعرف من طلبة اسيوط اكتر من اللى انا اعرفهم كمقيم هنا !

محمود الأطرش

22-08-2011, 07:13 PM

جروب طلاب هندسة اسيوط للتواصل بين الدفعة خاص بطلبhttp://www.facebook.com/pages/%D8%AC%D8%B1%D9%88%D8%A8-%D8%B7%D9%84%D8%A7%D8%A8-%D9%87%D9%86%D8%AF%D8%B3%D8%A9-%D8%A3%D8%B3%D9%8A%D9%88%D8%B7/214270521958508ة اعدادى السنادى

محمود الأطرش

22-08-2011, 07:14 PM

الرابط اهو http://www.facebook.com/pages/%D8%AC%D8%B1%D9%88%D8%A8-%D8%B7%D9%84%D8%A7%D8%A8-%D9%87%D9%86%D8%AF%D8%B3%D8%A9-%D8%A3%D8%B3%D9%8A%D9%88%D8%B7/214270521958508