كيفيه قضاء يومك أيام الدراسه في الكلية [الأرشيف]

مشاهدة النسخة كاملة : كيفيه قضاء يومك أيام الدراسه في الكلية

جعلتني مهندسا

24-08-2009, 10:20 PM

سلام عليكم

ببساطه روشته سريعه لطلبه اعدادي (زي كده).. يمكن يكونوا سمعوها قبل كده بس بردو مفيش ما يمنع من تكرارها
لأن التكرار بيعلم الشطار http://www.elostaz.com/montada/images/smilies/icon_smile.gif

1- لازم تحضر المحاضرات
ولو الدكتور معجبكش ممكن تحضر مع دكتور آخر.. بس خد بالك ساعات بياخدوا غياب.. انا بقول ساعات
و علي فكره الكلام داه في اعدادي بس. لكن لما تتخصص مبيبقاش امامك الا دكتور واحد (خلقتك ف خلقته السنة كلها) ...مش كذا دكتور

2- سكاشن مهمه
عليها بقه درجات و بتفهمك حاجات مش واضحه في المحاضره.. ممكن تقول عليها هي خلاصه المحاضره.. بس ده لا يمنع ان المحاضره ساعات الدكتور بيقول حاجات كده في الخباثه و ساعات بيشرح حااجات متتقالش في السكشن و العكس صحيح

اذا نستخلص ان الحضور مهم حتي ولو كان الدكتور مبيعرفش يشرح اصلا

3- (مهمه اوي).. مذاكره كتيييييييييييييييييييييييييييييييير ليه؟؟
علشان اولا متشيلش مواد ولا تعيد السنه http://www.elostaz.com/montada/images/smilies/seq/sm170.gif
ولو انت عاوز قسم معين تدخله علي طول( لأن المذاكره بتخليك تجيب مجموع عالي)
كمان علشان تقديرك التراكمي بعد الخمس سنين

طيب المذاكره ازاي .. سؤال وجيه http://www.elostaz.com/montada/images/smilies/vip/sm179.gif

محاضره+ سكشن+ حل مسائل+ حل امتحانات السنين السابقه (مهم جدا الامتحانات ديه)
بعض المواد الدكاتره بينزلوا لها كتب... بالذات اعدادي... خد بالك بيجيبوا اسئله من هذه الكتب
و لكن تبقي ملزمه الامتحانات هي الاهم(امتحانت السنين السابقه) ليه؟؟
لأنها هي بتخليك تعرف الدكتور بيفكر ازاي و بعض الافكار بتتكرر
فيه نقطه مهمه هنا
في الكليه مش زي ثانوي.. الافكار ممكن تتكرر و لكن بتحريف... لكن نظام الاقي مسأله بأرقمها تيجي زي الثانويه العامه (نظام البصمجيه) داه تنساااااااااااه..... قلما و نادرا حدوث ذلك

حاول تذاكر المحاضرات و السكاشن اول بأول و لا تجعلها تتراكم عليك.قدر الامكان.. لأنها للأسف حتتراكم عليك آجلا ام عاجلا ( ربنا ببشرك )
بس حاول بردو يعني متخليش حاجه تتراكم عليك( اصل المناهج كبيره اوي.. و هتحس بيها لما يبدا الاسبوع الثاني او الثالث في الكليه و تبدأ العمليه توسع منك)
يعني حاول علي الاقل يعني.. ميدخلش اسبوع جديد قبل لما تكون مخلص مذاكره الاسبوع اللي عدّي ديه
يعني ...
لو فات الاسبوع داه و خلص حاول ان حاجات الاسبوع داه تكون مخلص مذاكرتها قبل يوم الاحد القادم علشاتن تستقبل اسبوع جديد دون مذاكره متراكمه من الاسبوع اللي قبله.... صدقوني العمليه ديه بتبعث علي التفاؤل

حوال تأخذ قسط مناسب من الراحه ( بس متسوئش فيها http://www.elostaz.com/montada/images/smilies/icon_mrgreen.gif ) يوميا علشان متزهقش من المذاكره
لأن معظم اعملك دلوقتي هيكون مع علمين فقط من العلوم اللي عرفتها قبل ككده .. الفرعين هما: الرياضيات و الفيزياء
تخيل كده 5 سنوات مفيش حاجه غير رياضيات و فيزيا ( يعععععععععع )

اجل لنفسك يوم الخميس و الجمعه او السبت مثلا.. راحه.... علشان تجدد نشاطك للاسبوع اللي بعده.. الا لو كان عندك ظروف طارئه زي امتحان او حاجات متأخره عليك و ملحقتش تخلصها

ايام الميدرمات و امتحانات آخر الترم...و ما قبلها
الفتره ديه تبقي معسكر ..معسكر مغلق
لما حاجه تقف معاك لا تترد في سؤال الدكتور امو المعيد او زملائك مش عيب يعني حتي ولو اتريقوا علي تفاهه سؤالك

و ملكش دعوه باصحابك اللي في كليات اخري زي اداب و تجاره ...الخ.. لأن طبيعه مذاكرتك مختلفه عنهم.. انت محتاج مجهود جامد في حين هم المجهود اللي هيبذلوه اقل منك
فمش لما يقولوا لك ياللا نخرج في اي وقت كده توافق.. لأ .. لازم تشوف هل تقدر فعلا تخرج معاهم ولا عندك حاجات كنت المفروض تخلصها بس مخلصتش او مزنوق فيها اوي و مينفعش تتأجل

و في النهايه... ابتسم.. لأنك في كليه الهلوسه اقصد الهندسه http://www.elostaz.com/montada/images/smilies/vip/sm179.gifhttp://www.elostaz.com/montada/images/smilies/vip/sm179.gif

Eng. A'laa Salah

24-08-2009, 11:12 PM

شكرا علي النصائح دي
ويا رب نعدي علي خير من الكليه دي

eng_emy

24-08-2009, 11:21 PM

شكرا على معلوماتك
وان شاء الله نحاول نطبقها
بس بصراحة صدمتنى
انا ايه يدخلنى كلية جهنم وعذاب زى دى

sooomaaa

24-08-2009, 11:39 PM

جعلتني مهندسا

25-08-2009, 12:02 AM

يا بشمهندس
سيبها على الله ربنا يسهل
هما خمس سنين وهيعدوا يعنى هيعدوا يخلصوا بقى 5 يخلصوا 7 زى ما يخلصوا
صراحه النظام ده حلو اوى والى هيمشى عليه (اكيد مش انا)اكيد امتياز كل السنين
بس هو صعب مذاكره كل يوم ويوم او يومين اجازه ده انا ما عملتهاش فى ثانوى
يلا ربنا يوفقنا كلنا والكليه ان شاء الله سهله حتى لو صعبه هنقول عليها سهله
وكل سنه وانتم طيبين
رمضان كريم

ومين قال اني هعمل حاجة من الحاجات دى :)

دانا بس بقولكم النظام هيبقى عامل ازاي

sooomaaa

25-08-2009, 12:31 AM

ومين قال اني هعمل حاجة من الحاجات دى :)

دانا بس بقولكم النظام هيبقى عامل ازاي

ههههههههههه
ايوة كده
هى ديه الناس المتفوقه

BaNZeR

25-08-2009, 01:53 AM

بما إنك في اعدادي يبقى الكلام ده مش بتاعكولو كان الكلام ده بتاعك يبقى اسمحلي اصححلك بعض المفاهيم :d

2- سكاشن مهمه
عليها بقه درجات و بتفهمك حاجات مش واضحه في المحاضره.. ممكن تقول عليها هي خلاصه المحاضره.. بس ده لا يمنع ان المحاضره ساعات الدكتور بيقول حاجات كده في الخباثه و ساعات بيشرح حااجات متتقالش في السكشن و العكس صحيح

اذا نستخلص ان الحضور مهم حتي ولو كان الدكتور مبيعرفش يشرح اصلا

احنا السكاشن ده بنحضر منها اللى يكمل المحاضرة ونادر لما المعيدين ياخدوا عليها درجات
المعيدين بيكبروا دماغهم ويسيبولنا حرية الاختيار
شايف الديموكراتية :d

3- (مهمه اوي).. مذاكره كتيييييييييييييييييييييييييييييييير ليه؟؟
علشان اولا متشيلش مواد ولا تعيد السنه http://www.elostaz.com/montada/images/smilies/seq/sm170.gif
ولو انت عاوز قسم معين تدخله علي طول( لأن المذاكره بتخليك تجيب مجموع عالي)
كمان علشان تقديرك التراكمي بعد الخمس سنين

قولنا ميت مرة ال5 سنين دول الاساسي من غير ما نحسب الاضافي :d
وبعدين حتشيل حتشيل بتفكر في ايه

طيب المذاكره ازاي .. سؤال وجيه http://www.elostaz.com/montada/images/smilies/vip/sm179.gif

محاضره+ سكشن+ حل مسائل+ حل امتحانات السنين السابقه (مهم جدا الامتحانات ديه)

كل ده
ايه رأيك إنه امتحاناتنا السنادي جت مختلفة في كل المواد عن جميع السنين السابقة
بس طبعاً احنا سنتنا مميزة من ايام الثانوية العامة
عشان كده مش حقارن
يلا:bosyht9:

بعض المواد الدكاتره بينزلوا لها كتب... بالذات اعدادي... خد بالك بيجيبوا اسئله من هذه الكتب
و لكن تبقي ملزمه الامتحانات هي الاهم(امتحانت السنين السابقه) ليه؟؟
لأنها هي بتخليك تعرف الدكتور بيفكر ازاي و بعض الافكار بتتكرر
فيه نقطه مهمه هنا

احنا بيحط امتحانا 4 دكاترة
منهم دكاترة بتبقى لسه جايلنا طازة في نص السنة من امريكا وواخدة الدكتوراة
كتب ايه يا راجل :d

في الكليه مش زي ثانوي.. الافكار ممكن تتكرر و لكن بتحريف... لكن نظام الاقي مسأله بأرقمها تيجي زي الثانويه العامه (نظام البصمجيه) داه تنساااااااااااه..... قلما و نادرا حدوث ذلك
قلما اه
في ثانوي كنت بتفهم
في هندسة بتحفظ وياريتك عارف تحفظ ازاي ولا منين ولا فين:d

حاول تذاكر المحاضرات و السكاشن اول بأول و لا تجعلها تتراكم عليك.قدر الامكان.. لأنها للأسف حتتراكم عليك آجلا ام عاجلا ( ربنا ببشرك )

اول جملة تقولها صح
وابقى قابلني لو ذاكرت محاضرة بدري :d
مجرد التفكير ده شيء صعب اصلاً :d

حوال تأخذ قسط مناسب من الراحه ( بس متسوئش فيها http://www.elostaz.com/montada/images/smilies/icon_mrgreen.gif ) يوميا علشان متزهقش من المذاكره
لأن معظم اعملك دلوقتي هيكون مع علمين فقط من العلوم اللي عرفتها قبل ككده .. الفرعين هما: الرياضيات و الفيزياء
تخيل كده 5 سنوات مفيش حاجه غير رياضيات و فيزيا ( يعععععععععع )

احم احم
قسط راحة
دحنا من غير مذاكرة ومكناش عارفين ناخد قسط راحة
معندناش اقساط احنا في هندسة
كله كاش :d

الفتره ديه تبقي معسكر ..معسكر مغلق
لما حاجه تقف معاك لا تترد في سؤال الدكتور امو المعيد او زملائك مش عيب يعني حتي ولو اتريقوا علي تفاهه سؤالك

انت في معسكر طول السنة اصلاً :d
ودكتور ايه ده اللى تستجري تسأله
طب افرض سألك السؤال المحرج "انت مش سمعتني وانا بقولها في المحاضرة ؟ " :d
حتعمل ايه ؟

و ملكش دعوه باصحابك اللي في كليات اخري زي اداب و تجاره ...الخ.. لأن طبيعه مذاكرتك مختلفه عنهم.. انت محتاج مجهود جامد في حين هم المجهود اللي هيبذلوه اقل منك
فمش لما يقولوا لك ياللا نخرج في اي وقت كده توافق.. لأ .. لازم تشوف هل تقدر فعلا تخرج معاهم ولا عندك حاجات كنت المفروض تخلصها بس مخلصتش او مزنوق فيها اوي و مينفعش تتأجل

هما دول اصلاً بيروحو كلية عشان تعتبرهم في كلية
دول بيروحو يخبطوا عالباب لقيو في محاضرة يدخلو ملقيوش بيروحو

انت بتروح لو في محاضرة بتدخل لو مفيش بتستنى المحاضرة اللى بعدها عادي يعني :d

وكل سنة وانت طيب في كلية الهندسة
احم قصدي الهلوسة :d

yasasa

25-08-2009, 03:44 AM

طب لو صاحبى فى علوم من نفس الكلية أخرج معاه ولا لأ

علوم صعبة

خخخخخخخخ

yasasa

25-08-2009, 03:49 AM

سؤال ممكن أنفض وأدى الدكتور خمشتاشر جنيه وينجحنى فى الأمتحان

جعلتني مهندسا

25-08-2009, 04:39 AM

آه وليه لأ بس يريت تبقى تسلملي على الدكتور

BaNZeR

25-08-2009, 06:51 AM

سؤال ممكن أنفض وأدى الدكتور خمشتاشر جنيه وينجحنى فى الأمتحان

دكتور في منصب دكتور جامعة وتقوليله خمستاشر جنيه
ده اهانة
ده ممكن يشيلك عشان الكلمة ده بس

نقطة التحول في تفكيره ممكن تبدأ من الف جنيه فأكثر :d

كان واحد بيحكيلنا على واحد معانا في هندسة اسيوط قسم ميكانيكا
معروف دكاترة ميكانيكا دول اعقد دكاترة بعد كهربا او قبل كهربا كمان
المهم

دكتور اخد موقف من طالب
حلف عليه مش حينجحه طول ما هو عايش
الحمد لله الواد ده باقيله 13 سنة في سنة رابعة مش عارف يطلع منها
بيشتغل شغل خارجي وهو لسه في الكلية

جاب كل الوسايط والحبايب الممكنة والدكتور يقوله ابداً

يعني الحل الوحيد إنه ي*** الدكتور ده عشان يعرف يعدي :d

وتقولي خمستاشر جنيه
ده فيها مؤبد في هندسة :d

بروف انس

25-08-2009, 10:09 AM

ايه يجماعه اللي انتم بتقولوه ده والله انتم واخدين الحكايه جد اوي اوي زياده عن اللزوم والله في ناس اعرفهم شخصيا بتعمل كل اللي في نفسها وبتذاكر كويس وبيجيب تقديرات جامده بس يمكن علشان هما في هندسه طنطا اللي مفيش حد بيحترمها مش عارف السبب لغيط دلوقتي ولا الجماعه بتوع التجاره دول في اول سنه بيقعدوا علي السلم علشان جيش المغول اللي داخلها ولا بتوع العلوم اللي كلهم بيدخلوا قسم كميا علشان في منتهي التفاهه ويهربوا من قسم الطبيعه اللي بيخشوا عشره او عشرين بلكتير ميه

abdelRhman772007

25-08-2009, 11:50 AM

سيبوها على الله يا جدعان
و أول بند فى القانون متقارنش نفسك بحد كله ليه نصيبه
بس خير اللهم اجعله خير بروف أنس بيتكلم عن هندسة طنطا ؟؟؟!!! أنت هندسة طنطا يا بروف أنس ؟

KeMoZzAzZ

25-08-2009, 04:13 PM

2- سكاشن مهمه
عليها بقه درجات و بتفهمك حاجات مش واضحه في المحاضره.. ممكن تقول عليها هي خلاصه المحاضره.. بس ده لا يمنع ان المحاضره ساعات الدكتور بيقول حاجات كده في الخباثه و ساعات بيشرح حااجات متتقالش في السكشن و العكس صحيح

اذا نستخلص ان الحضور مهم حتي ولو كان الدكتور مبيعرفش يشرح اصلا

لا ثانيه بقى كده :d
السكاشن عندنا فى عين شمس المفروض انك لازم تحضرها اولا عليها الغياب ثانيا ان فى السكاشن تلت تربعها المفروض انها بتحل ومش فيها شرح اساسا الا قليل
المحاضرة هى اللى بيبقى فيها الشرح

3- (مهمه اوي).. مذاكره كتيييييييييييييييييييييييييييييييير ليه؟؟
علشان اولا متشيلش مواد ولا تعيد السنه http://www.elostaz.com/montada/images/smilies/seq/sm170.gif
ولو انت عاوز قسم معين تدخله علي طول( لأن المذاكره بتخليك تجيب مجموع عالي)
كمان علشان تقديرك التراكمي بعد الخمس سنين

ذاكر واهى دقنى لو فرقت :p
طيب المذاكره ازاي .. سؤال وجيه http://www.elostaz.com/montada/images/smilies/vip/sm179.gif

محاضره+ سكشن+ حل مسائل+ حل امتحانات السنين السابقه (مهم جدا الامتحانات ديه)
بعض المواد الدكاتره بينزلوا لها كتب... بالذات اعدادي... خد بالك بيجيبوا اسئله من هذه الكتب
و لكن تبقي ملزمه الامتحانات هي الاهم(امتحانت السنين السابقه) ليه؟؟
لأنها هي بتخليك تعرف الدكتور بيفكر ازاي و بعض الافكار بتتكرر
فيه نقطه مهمه هنا
في الكليه مش زي ثانوي.. الافكار ممكن تتكرر و لكن بتحريف... لكن نظام الاقي مسأله بأرقمها تيجي زي الثانويه العامه (نظام البصمجيه) داه تنساااااااااااه..... قلما و نادرا حدوث ذلك
مين قال كده ؟؟؟
لا طبعا ولا حتى نفس الافكار
انت لازم انت اللى تفكر فى كل المسائل امال هيبقى امتحان ليه؟
يعنى من الاخر مش هتلاقى نفس الافكار دى الا فى مواد معينة انما عندى الفيزيا مثلا
لو لقيت مسألة واحده زى السنين اللى فاتت اديك اللى انت عايزه :d

حاول تذاكر المحاضرات و السكاشن اول بأول و لا تجعلها تتراكم عليك.قدر الامكان.. لأنها للأسف حتتراكم عليك آجلا ام عاجلا ( ربنا ببشرك )
بس حاول بردو يعني متخليش حاجه تتراكم عليك( اصل المناهج كبيره اوي.. و هتحس بيها لما يبدا الاسبوع الثاني او الثالث في الكليه و تبدأ العمليه توسع منك)
هههههههه
اكيد هتحس الموضوع ده عشان انا حسيته كتير اووووى اووووى يعنى :d
واشد حاجه اما تحسه بقى قبل الامتحانات بأسبوع :d
اجل لنفسك يوم الخميس و الجمعه او السبت مثلا.. راحه.... علشان تجدد نشاطك للاسبوع اللي بعده.. الا لو كان عندك ظروف طارئه زي امتحان او حاجات متأخره عليك و ملحقتش تخلصها
قول يارب بس تعرف تاخده اجازة :d
مش بحبطك ولا حاجه بس يابنى انا بقولك الحقيقة المرة
احنا دايما بيخلوا عندنا الامتحانات يوم الجمعه اساسا عشان مايجوش على المحاضرات ويأخروها ....يعنى من الاخر فى شهور هتنسى فيها ان فى يوم جمعة اجازة :d
ايام الميدرمات و امتحانات آخر الترم...و ما قبلها
الفتره ديه تبقي معسكر ..معسكر مغلق
لما حاجه تقف معاك لا تترد في سؤال الدكتور امو المعيد او زملائك مش عيب يعني حتي ولو اتريقوا علي تفاهه سؤالك
على رأيك يابنذر السنه كلها معسكر :d
سورى قصدى بنظر :p

و في النهايه... ابتسم.. لأنك في كليه الهلوسه اقصد الهندسه http://www.elostaz.com/montada/images/smilies/vip/sm179.gifhttp://www.elostaz.com/montada/images/smilies/vip/sm179.gif

مبتسمين ومنشكحين اوى كمان ماتخفش:d

[

جعلتني مهندسا

25-08-2009, 04:23 PM

بجد أنت كده طمنني على مستقبلي

ربنا يكون في عوني

theotherface

25-08-2009, 04:24 PM

لأن التكرار بيعلم الشطار http://www.elostaz.com/montada/images/smilies/icon_smile.gif

اولا انا عاوز اضيف تعليق على الجملة ديه

التكرار بيعلم الحمار مش الشطار وخلى بالك لو كتبتها بالتعديل ده يبقى

معناها ان كل الكلية هتنجح:d:d:d

وثانيا الكلام اللى قولته صعب حد يعمله دل انا مكنتش بعمل ربعه فى ثانوى
وكمان على حكاية مذاكرة الاسابيع انا فى ثانوى اساسا كان كله بيتركم على بعضه ما عدا حاجتين هما الرياضة والفيزيا وممكن تقول االرياضة بس عشان كان كلها حل ومفهاش حكاية النظرى ديه

بس والله ربنا يفوقنا ويكرمنا بتقدير كده يارب واخيرااااااااا شكراااا على النصايح ديه اللى بالنسبالى مستحيل امشى عليها بس اهو الواحد يوهم نفسه احسن :blush:

جعلتني مهندسا

25-08-2009, 04:32 PM

ولا أن كنت هعمل كده أصلا

EnG.BeLaL

25-08-2009, 04:54 PM

سلام عليكم

ببساطه روشته سريعه لطلبه اعدادي (زي كده).. يمكن يكونوا سمعوها قبل كده بس بردو مفيش ما يمنع من تكرارها
لأن التكرار بيعلم الشطار http://www.elostaz.com/montada/images/smilies/icon_smile.gif

1- لازم تحضر المحاضرات
ولو الدكتور معجبكش ممكن تحضر مع دكتور آخر.. بس خد بالك ساعات بياخدوا غياب.. انا بقول ساعات
و علي فكره الكلام داه في اعدادي بس. لكن لما تتخصص مبيبقاش امامك الا دكتور واحد (خلقتك ف خلقته السنة كلها) ...مش كذا دكتور

يا عم هو الدكتور فاضي للغياب بيبقى قدامه الاف هياخد الغياب هيقعد فيه يومين :d
2- سكاشن مهمه
عليها بقه درجات و بتفهمك حاجات مش واضحه في المحاضره.. ممكن تقول عليها هي خلاصه المحاضره.. بس ده لا يمنع ان المحاضره ساعات الدكتور بيقول حاجات كده في الخباثه و ساعات بيشرح حااجات متتقالش في السكشن و العكس صحيح

اذا نستخلص ان الحضور مهم حتي ولو كان الدكتور مبيعرفش يشرح اصلا
على فكرة السكاشن اهم لانها فيها غياب و حضور و فيها حاجات بتعملها بإيدك و بتاخد عليها درجات

3- (مهمه اوي).. مذاكره كتيييييييييييييييييييييييييييييييير ليه؟؟
علشان اولا متشيلش مواد ولا تعيد السنه http://www.elostaz.com/montada/images/smilies/seq/sm170.gif
ولو انت عاوز قسم معين تدخله علي طول( لأن المذاكره بتخليك تجيب مجموع عالي)
كمان علشان تقديرك التراكمي بعد الخمس سنين

ربنا يعينكم :d
طيب المذاكره ازاي .. سؤال وجيه http://www.elostaz.com/montada/images/smilies/vip/sm179.gif

محاضره+ سكشن+ حل مسائل+ حل امتحانات السنين السابقه (مهم جدا الامتحانات ديه)
بعض المواد الدكاتره بينزلوا لها كتب... بالذات اعدادي... خد بالك بيجيبوا اسئله من هذه الكتب
ساعات الدكاترة بتقول حاجات في المحاضرة بتيجي بالنص عشان كده الكتب و المحاضرات مهمة جدا بس خلي بالك المحاضرة اهم
و لكن تبقي ملزمه الامتحانات هي الاهم(امتحانت السنين السابقه) ليه؟؟
لأنها هي بتخليك تعرف الدكتور بيفكر ازاي و بعض الافكار بتتكرر
فيه نقطه مهمه هنا
في الكليه مش زي ثانوي.. الافكار ممكن تتكرر و لكن بتحريف... لكن نظام الاقي مسأله بأرقمها تيجي زي الثانويه العامه (نظام البصمجيه) داه تنساااااااااااه..... قلما و نادرا حدوث ذلك
لا بيحصل بقى ان فيه مسائل بتتكرر بأرقامها ( نظام البصمجية ) :006et4:

حاول تذاكر المحاضرات و السكاشن اول بأول و لا تجعلها تتراكم عليك.قدر الامكان.. لأنها للأسف حتتراكم عليك آجلا ام عاجلا ( ربنا ببشرك )
بس حاول بردو يعني متخليش حاجه تتراكم عليك( اصل المناهج كبيره اوي.. و هتحس بيها لما يبدا الاسبوع الثاني او الثالث في الكليه و تبدأ العمليه توسع منك)
يعني حاول علي الاقل يعني.. ميدخلش اسبوع جديد قبل لما تكون مخلص مذاكره الاسبوع اللي عدّي ديه
يعني ...
لو فات الاسبوع داه و خلص حاول ان حاجات الاسبوع داه تكون مخلص مذاكرتها قبل يوم الاحد القادم علشاتن تستقبل اسبوع جديد دون مذاكره متراكمه من الاسبوع اللي قبله.... صدقوني العمليه ديه بتبعث علي التفاؤل
عندك حق و الله

حوال تأخذ قسط مناسب من الراحه ( بس متسوئش فيها http://www.elostaz.com/montada/images/smilies/icon_mrgreen.gif ) يوميا علشان متزهقش من المذاكره
لأن معظم اعملك دلوقتي هيكون مع علمين فقط من العلوم اللي عرفتها قبل ككده .. الفرعين هما: الرياضيات و الفيزياء
تخيل كده 5 سنوات مفيش حاجه غير رياضيات و فيزيا ( يعععععععععع )
في حاجات ارخم منهم زي الاسقاط و الانتاج و على فكرة دي الرياضة دي احلى مادة
اجل لنفسك يوم الخميس و الجمعه او السبت مثلا.. راحه.... علشان تجدد نشاطك للاسبوع اللي بعده.. الا لو كان عندك ظروف طارئه زي امتحان او حاجات متأخره عليك و ملحقتش تخلصها

و لا هتلحق تاخد راجة حتى
ايام الميدرمات و امتحانات آخر الترم...و ما قبلها
الفتره ديه تبقي معسكر ..معسكر مغلق
لما حاجه تقف معاك لا تترد في سؤال الدكتور امو المعيد او زملائك مش عيب يعني حتي ولو اتريقوا علي تفاهه سؤالك

و ملكش دعوه باصحابك اللي في كليات اخري زي اداب و تجاره ...الخ.. لأن طبيعه مذاكرتك مختلفه عنهم.. انت محتاج مجهود جامد في حين هم المجهود اللي هيبذلوه اقل منك
فمش لما يقولوا لك ياللا نخرج في اي وقت كده توافق.. لأ .. لازم تشوف هل تقدر فعلا تخرج معاهم ولا عندك حاجات كنت المفروض تخلصها بس مخلصتش او مزنوق فيها اوي و مينفعش تتأجل
قصده يعني ربنا يعينك على اللي انت فيه

و في النهايه... ابتسم.. لأنك في كليه الهلوسه اقصد الهندسه http://www.elostaz.com/montada/images/smilies/vip/sm179.gifhttp://www.elostaz.com/montada/images/smilies/vip/sm179.gif
حسبي الله و نعم الوكيل

ربنامعانا و معاكم

3loom _alex

25-08-2009, 05:00 PM

ولا بتوع العلوم اللي كلهم بيدخلوا قسم كميا علشان في منتهي التفاهه ويهربوا من قسم الطبيعه اللي بيخشوا عشره او عشرين بلكتير ميه
.
.
.
.
.
على قكرة الكيمياء مش في منتهى التافه و لا حاجه ..بالعكس صعبه ..و فيه كتير برده عايزين يروحوا قسم فيزيا. و مش بيهربوا منها ..عموما تقبل مروري ..و مش عايزة اطول عشان ده ملوش علاقه بالموضوع

بروف انس

25-08-2009, 05:36 PM

لا ياعم عبد الرحمن انا هندسه شبين الكوم بس انا اصلا من الغربيه وكل اصحابي الكبار عني في هندسه طنطا

بالنسبه لكليه العلوم انا كل اللي اعرفهم ودخلوها بيدخلوا قسم كميا وهم بعضمه لسانهم بيعترفوا نه تافه انا مبجبش كلام من عندي دا كلام اكتر من واحد يمكن بالنسبه لكليتكم حاله خاصه

abdelRhman772007

26-08-2009, 12:03 AM

بروف انس

26-08-2009, 10:04 AM

مش ناوى تحول لطنطا ؟
كان نفسنا نشوفك هناك

و على فكرة واحد صاحبى فى شبين هتبقوا تتقابلوا

بالتوفيق يا بروفسير

انا والله كنت عاوز احول طنطا بس في رغبات التحويل لقيت جميع كليات الهندسه ماعدا طنطا باين عليها قفلت بس هندسه شبين كليه جميله جدا والكل بيشكر فيها من حيث نظام الدراسه وكل حاجه يعني

yasasa

26-08-2009, 05:23 PM

آه وليه لأ بس يريت تبقى تسلملي على الدكتور

حاضر هقله فيه باش مهندس بيسلم عليك

yasasa

26-08-2009, 05:28 PM

دكتور في منصب دكتور جامعة وتقوليله خمستاشر جنيه
ده اهانة
ده ممكن يشيلك عشان الكلمة ده بس

دكتور اخد موقف من طالب
حلف عليه مش حينجحه طول ما هو عايش
الحمد لله الواد ده باقيله 13 سنة في سنة رابعة مش عارف يطلع منها
بيشتغل شغل خارجي وهو لسه في الكلية

:d
انا مش هديله مواقف خالص
وخلاص علشان خاطرك نزودله ربع جنيه مخروم من بتاع زمان :039uw8:

eng_dero

26-08-2009, 09:13 PM

قول يا رب نقدر نمشى على ربعها
وبعدين زى ما كان بيتراكم فى ثانوى وكانوا بيقولولنا نصايح اد كده ومش كنا بنعمل بيها
ربنا هيسترها معانا برضه
وبعدين كل واحد ليه سياسه فى مذاكرته يعنى بتختلف من حد للتانى
وبعدين ياااااااااااااااااااااااااااااااااااا رررررررررررررررررررررررررررب استرها معانا وعدينا منها ان شاء الله ونطلع منها دكاتره برضه ونطلع عين الطلبه هما كمان

Eng M-Adel

27-08-2009, 02:21 AM

كلام جميل يا بشمهندس بس على ما اظن ان الكليه بتعلم ناس بتفهم مش ناس حافيطه وبكده احنا مش هنذاكر كثير زي ما انت بتقول دي كليه عمليه مش حقوق حفظ وكده
يعني من الأخر مفيش حاجه اسمها بصماجيه في هندسة

جعلتني مهندسا

28-08-2009, 08:52 PM

بصوا بقى كل واحد يذاكر براحته

أنا عن نفسي مبعرفش أذاكر الا لما يبقى قدامي طبق بصارة بالزيت الحار يستاهل بقي

ياااااه تخيلوا جعت

Amgad Shalby

12-09-2009, 08:55 PM

ومين قال اني هعمل حاجة من الحاجات دى :)

دانا بس بقولكم النظام هيبقى عامل ازاي
ولما انت مش هتعمل الحاجات دي تاعب نفسك ليه

eng_ baka

24-09-2009, 06:15 PM

كل الكلام :slap1qk6: ده جميل:slap1qk6: وربنا يوفقنا

Eng_lfc

24-09-2009, 06:32 PM

بصوا بقى كل واحد يذاكر براحته

أنا عن نفسي مبعرفش أذاكر الا لما يبقى قدامي طبق بصارة بالزيت الحار يستاهل بقي

ياااااه تخيلوا جعت

يا عم ما فيش اسود بياكلوا بصارة

eng_ baka

24-09-2009, 11:05 PM

تمام اوى كده وربنا يوفقنا

eng.ahmed55

25-09-2009, 12:01 AM

ولا بتوع العلوم اللي كلهم بيدخلوا قسم كميا علشان في منتهي التفاهه ويهربوا من قسم الطبيعه اللي بيخشوا عشره او عشرين بلكتير ميه
ههههههههه تصدق ضحكتنى
بص انا بكره واحد اللى يتكلم فى حاجة هوا مش عارفها
انت تعرف ان قسم كيمياء اسبيشيل اعلى قسم فى علوم
ياريت يا حبيبى لو مش عارف حاجة متتكلمش
انا صحيح مش فى علوم بس انا شايفها انها من اقوى الكليات بس للاسف مش واخدة حقها
ياحبيبى كلية علوم من الاساس بتطلع علماء مش مدرسين زى ما البلد المتخلفة دى بتقول
معلش سامحنى بس انا مش بقدر اشوف ناس فى كلية بيتريقوا على ناس فى كلية تانية
انا بحمد ربنا انى مدخلتش علوم لانها من اصعب الكليات فى مصر وانا بعتبرها اصعب من هندسة

BaNZeR

25-09-2009, 01:03 AM

ههههههههه تصدق ضحكتنى
بص انا بكره واحد اللى يتكلم فى حاجة هوا مش عارفها
انت تعرف ان قسم كيمياء اسبيشيل اعلى قسم فى علوم
ياريت يا حبيبى لو مش عارف حاجة متتكلمش
انا صحيح مش فى علوم بس انا شايفها انها من اقوى الكليات بس للاسف مش واخدة حقها
ياحبيبى كلية علوم من الاساس بتطلع علماء مش مدرسين زى ما البلد المتخلفة دى بتقول
معلش سامحنى بس انا مش بقدر اشوف ناس فى كلية بيتريقوا على ناس فى كلية تانية
انا بحمد ربنا انى مدخلتش علوم لانها من اصعب الكليات فى مصر وانا بعتبرها اصعب من هندسة

فعلاً
كلية علوم اصعب من كلية هندسة

وفعلاً
الكلية مش واخدة حقها

وفعلاً
محبش حد يتكلم في حاجة هو ما شفهاش او ميعرفهاش

عشان كده انتو الاتنين متحكموش على اي قسم مشفتهوش
ومتقلش على حد متخلفين
لأنه اي كلية زي ما بتطلع علماء بتطلع سفهاء

والمدرسين مش حاجة حقيرة عشان تعتبرها ذم لبتوع الكلية

***************************
كلام عام بقى
ياريت محدش يتكلم على حد من كلية تانية بسوء
واللى بيقول كده اعرف إنه فاشل في كليته ومش داخلها غير للمنظرة بس

Eng_lfc

25-09-2009, 01:11 AM

فعلا لو شوفت الكليات القمة فى اوروبا و امريكا هتلاقى الترتيب ده
1 _ كلية سياسة و اقصاد
2 _ كلية العلوم
بعد كده الطب و الهندسة و الحقوق

eng.ahmed55

25-09-2009, 01:24 AM

فعلاً
كلية علوم اصعب من كلية هندسة

وفعلاً
الكلية مش واخدة حقها

وفعلاً
محبش حد يتكلم في حاجة هو ما شفهاش او ميعرفهاش

عشان كده انتو الاتنين متحكموش على اي قسم مشفتهوش
ومتقلش على حد متخلفين
لأنه اي كلية زي ما بتطلع علماء بتطلع سفهاء

والمدرسين مش حاجة حقيرة عشان تعتبرها ذم لبتوع الكلية

***************************
كلام عام بقى
ياريت محدش يتكلم على حد من كلية تانية بسوء
واللى بيقول كده اعرف إنه فاشل في كليته ومش داخلها غير للمنظرة بس
والله الراجل ده اصدى البشمهندس ده بيتكلم كلام زى العسل
وانا معاك فى الراى

يحيى عزت

25-09-2009, 03:38 PM

نصائح جميله اوى هاخد بيها ان شاء الله

YEHY

25-09-2009, 05:20 PM

يا شباب فى حد داخلاعادى شبين او يعرف حد داخ اعدادى شبين