مشاهدة النسخة كاملة : اللي داخلين جامعة مصر للعلوم والتكنولوجيا فين


Dr.Cheetah
26-08-2009, 09:24 AM
سلام عليكو ........... يا جدعان في حد داخل جامعة must عشان انا مش لاقي مصريين فيها خالص

:blush::blush:

fuoozz
26-08-2009, 10:00 AM
انا ياغالى معاك ان شاء الله بس اخلص امتحاناتى دى على خير
واقدم كمبيوتر ساينس هى بتاخد كام اصلى انا مجموعى زفت 60 فى المائه
والمصاريف كام وياريت تضيف ايميلى
عشان نقدر نتكلم مع بعض وممكن نتقابل لو انت مش من القاهرة نشوف سكن سوا
النهاردة امتحان الجبر واخلص تظهر النتيجه واقدم على طول

fuoozz
31-08-2009, 07:58 AM
ياغالى انا جايب مجموعى 243 غير المستوى جايب فيه 6 من عشره
ياترى اقدر ادخل كمبيوتر ساينس فى الجامعه عندكم
ومصاريف كام وهل لو مجموع يفرق درجه او درجتين عن تنسيق الجامعه اقدم
التماس مثلا او عذر ويقبلونى وادخل ولا ايه

Dr.Cheetah
31-08-2009, 08:43 AM
ازيك يا fuoozz ...... بالنسبة لكمبيوتر ساينس انا معرفش عشان انا داخل طب ممكن تخش موقع الجامعة وتشوف www.must.edu
او المنتدي بتاع الطلبة وتسأل عن كدا www.misr-uni.com

fuoozz
31-08-2009, 01:15 PM
تسلم ياغالى على مساعدتك
بس الموقع كله انجيليزى وانا مفهمتش حاجة
ولا عرفت استفسر عن اى حاجة
بس هو مينفعش اقدم التماس او عذر
واتقبل فى الجامعه

Dr.Cheetah
31-08-2009, 01:38 PM
بس الموقع كله انجيليزى وانا مفهمتش حاجة

ومين سمعك دا انا لولا ابويا وامي ماكنتش عرفت اعمل حاجة
:078111rg3:


بس هو مينفعش اقدم التماس او عذر
واتقبل فى الجامعه

متهيألي ممكن بس انت اسأل وقدم ف اكتر من جامعة ماتتكلش علي دي بس

fuoozz
31-08-2009, 01:56 PM
ههههههههههههههههه
ربنا يخلهملك ياريت عشان الجامعه ماشاء الله التعليم فيها جميل جدا
واريح فى المصاريف من النهضة

طيب واللى ابوه ولا امه موجودين يعمل ايه
رربنا يخلهملك يارب
ماانا مش عارف اقدم فين تانى
فى حيره فظيعه
ياريت ياغالى تدينى ايميلك او تفتحه عشان انا ضيفت ايميلك

fuoozz
01-09-2009, 10:53 AM
ايه ياباشا مردتيش عليا ياريت ترد عليا بسرعه عاوز اعرف باب التقديم هيفضل مفتوح لغايه امتى
وملويش وقت محدد عشان يغلق ولا ايه وايه المطلوب منى عشان انا مقدرش اروح مصر من بلدى
هنا المنيا وانا ناقص حاجة بحيث ممكن يرجعونى تانى

لا يوجد اسم
01-09-2009, 05:37 PM
ياريت حد يقولى مصاريف كلية الاعلام كام فى الجامعة؟؟

او حتى كلية اللغات او الاثار:frown:

goodgirl12
02-09-2009, 03:50 AM
انا معاكم و اول سنة ليا انشاءالله اعلام

Dr.Cheetah
02-09-2009, 10:29 AM
بص انا اما روحت تاني يوم النتيجة كان صيدلة واسنان قفلوا ..... وبعدين عامة ف اي جامعة لازم تكون واخد الفلوس كاش يعني مش تحويل من رصيد لرصيد عشان حتي لو اتقبلت ومش معاك فلوس هتتحط ف ال waiting list ......... واشطة انتا طلعت منياوي يعني صعايدة زي بعض

Dr.Cheetah
02-09-2009, 10:33 AM
ودي نمر تليفونات الجامعة 16111 - 16878 وكمان خد معاك 6 صور و ورقة النجاح وكمان شهادة الميلاد الالكترونية وصور كل واحدة 5 صور من اولا احسن ........... والجامعة ف الحي المتميز ف 6 اكتوبر لو مش عارف مكانها يللا لو عاوز حاجة قولي


سلاااااااااااااااااااااااااااااااام

fuoozz
02-09-2009, 10:34 AM
هههههههههههههه
خير خير ياباشا لا انا مش هادخل لا طب ولا اسنان
انا كمبيوتر ساينس مش عارف المصروفات كام والاهم مجموعها فى كليه
وياترى مثلا لو ناقص درجتين او درجه عن تنسيق الجامعه
اعمل التماس ويتقبل

Dr.Cheetah
02-09-2009, 10:38 AM
هههههههههههههه
خير خير ياباشا لا انا مش هادخل لا طب ولا اسنان
انا كمبيوتر ساينس مش عارف المصروفات كام والاهم مجموعها فى كليه
وياترى مثلا لو ناقص درجتين او درجه عن تنسيق الجامعه
اعمل التماس ويتقبل


والله الحكاية دي انا معرفهاش وبعد كدا هيا المصاريف بتاعتها مش غالية اوي مش زي طب ............ وبعدين خد معاك مثلا 10 الاف ولا 12 احتياطي عشان لو مش معاك الفلوس مش هتتقبل

fuoozz
02-09-2009, 10:46 AM
اوك شكرا لمساعدتك معاى ياجميل
طيب اعرف مصاريفها منين اتصل بيهم بيسيبونى على الاستعلامات
فترة ومش بيردوا وانت دافع كام فى طب انا سمعت انهم بياخدوا فى كمبيوتر ساينس
14 الف ربنا يسهل عشان لو كدا ممك نتقابل فى الجامعه ونشوف حكايه السكن دى

Dr.Cheetah
02-09-2009, 10:57 AM
السكن المدينة الجامعية ب 17 الف ف السنة .... فأكيد مش هتسكن فيها

والشقق ف الحي السابع ( احسن الاحياء) تمليك من 140 الف الي 180 الف و ايجار من 900 الي 1500 جنية

انا اصلا عندي شقة ف 6 اكتوبر هسكن فيها مع واحد قريبي ف جامعة msa وواحد ف جامعتنا ف كلية طب اسنان

وعلي فكرة اقرب حي للجامعة الحي المتميز بس ما تاخدش فية شقق

fuoozz
02-09-2009, 11:04 AM
الله يطمنك انا ممكن اكون انا واحد صاحبى هو يدخل هندسة بس يارب نلاقى حد تانى
3 او 4 افراد بحيث نكون 6 كلنا ونسكن فى شقه كويسة فيها 3 اود

Dr.Cheetah
02-09-2009, 11:10 AM
الله يطمنك انا ممكن اكون انا واحد صاحبى هو يدخل هندسة بس يارب نلاقى حد تانى
3 او 4 افراد بحيث نكون 6 كلنا ونسكن فى شقه كويسة فيها 3 اود



هههههههههههه

والله ما قصدي ما انا اتصدمت زييك اما عرفت الاسعار وسافرت 3 او 4 مرات عشان اظبط الشقة واشوف الجامعة وكدا

Dr.Cheetah
02-09-2009, 11:13 AM
انا ممكن اديك رقم تليفون واحد بتاع شقق محترم و أمين جدا ومش هيضحك عليك وهيديك حاجة كويسة

fuoozz
02-09-2009, 11:16 AM
ياريت ياغالى تبعتلى ايميلك على الخاص
وربنا يسهل فى حكايه الجامعه بس مش عارف هتقبل ولا لا
هو لو اتقبلت فى الجامعه فى امتحانات قبول
والفلوس بتدفع مرة واحدة ولا عى اقساط
وياريت فى صور للجامعه

Dr.Cheetah
02-09-2009, 11:19 AM
الفلوس بتتدفع علي مرتين ترم اول و تاني ....... انا عندي يوم الاحد امتحان بوم الاحد الجاي انجليزي و كشف طبي

fuoozz
02-09-2009, 11:23 AM
طيب والامتحان دا بيحدد مستوى الطالب ولا ممكن الطالب يترفض
من الكليه عشان منجحش فيه

Dr.Cheetah
02-09-2009, 11:28 AM
طيب والامتحان دا بيحدد مستوى الطالب ولا ممكن الطالب يترفض
من الكليه عشان منجحش فيه

علمي علمك انا مش عارف الحكاية دي .... لو عرفت حاجة ابقي قولي

fuoozz
02-09-2009, 11:37 AM
ربنا يسهل الدراسة هتبدا امتى والكتب تتجاب منين
وانت منين ياغالى واسمك ايه

Dr.Cheetah
02-09-2009, 11:44 AM
اولا اول اما تروح الجامعة هيقولولك كل حاجة

ثانيا انا من اسيوط واسمي محمد

Dr.Cheetah
02-09-2009, 11:47 AM
يوم 26 عادي يعني

fuoozz
02-09-2009, 12:57 PM
اهلا بيك يامحمد وانا ابوبك من مدينه ملوى اظن تعرفها

fuoozz
02-09-2009, 08:18 PM
ويامحمد متعرفش الكليه فيها تخصصات ايه

كــارمن
03-09-2009, 09:30 AM
انا ان شاء الله رايحه اولى صيدله

fuoozz
03-09-2009, 04:18 PM
للاسف مش هاقدر ادخلها بتقبل من 65 % الحد الادنى
كان نفسى ادخلها خلاص انا هاقدم فى النهضة
والسنة االجايه احولها

theprins
04-09-2009, 06:02 AM
اهلا بكل اللي داخلين جامعة مصر انا داخل جامعة مصر قسم ادارة اعمال عربي وان عندي يوم الاحد امتحان اللغة اللي يعرف معلومات عن الامتحان يرد عليا و انا اعتقد ان مصاريف الاعلام حوالي 4500 في الترم الواحد

melanoo2020
06-09-2009, 10:06 PM
لو سمحت ياDr.Cheetah (http://www.thanwya.com/vb/member.php?u=44688)انا عايز اكلمك فى اقرب وقت ممكن

Dr.Cheetah
07-09-2009, 01:12 PM
شوفتو امتحان اللغة اية رأيكو

كــارمن
07-09-2009, 03:55 PM
انا امتحنت الامتحان يادكتور
انت امتحنته ولا لسه

ولو كنت امتحنته هتجيب النتيجه ازاى انا دخلت على السايت وباجى ادخل ال اى دى والباس ورد يقولى غير صحيحين
مش عارفه في ايه هل لسه عشان التسجيل مبدأش ولا ايه
ياريت حضرتك تفهمنى

Dr.Cheetah
07-09-2009, 06:20 PM
انا امتحنت الامتحان يادكتور
انت امتحنته ولا لسه

ولو كنت امتحنته هتجيب النتيجه ازاى انا دخلت على السايت وباجى ادخل ال اى دى والباس ورد يقولى غير صحيحين
مش عارفه في ايه هل لسه عشان التسجيل مبدأش ولا ايه
ياريت حضرتك تفهمنى

انا امتحنت امبارح والنتيجة مش عارف والله هتتجاب ازاي ... عموما انا اصلا مسافر يوم 12 عشان اختار مواعيد السكاشن والكلام دة ..... ممكن علي فكرة يكون عشان ال data بتاعت الطلبة الجديدة ما اتحطتش وانا سألتهم امبارح قالوا انك ممكن تسجل من ع النت من يوم 12 بالليل ......

Dr.Cheetah
07-09-2009, 06:22 PM
بس انا قولت اروح عشان ف حاجات هجيبها للشقة اللي هسكن فيها و بالمرة اتعرف ع العيال اللي معايا ف الكلية :d

melanoo2020
07-09-2009, 09:19 PM
ياريت اى حد عنده معلومات هن الامتحان يقولها لان امتحانى يوم 9/9

goodgirl12
07-09-2009, 10:04 PM
انا كمان امتحاني 9/9 و اللي عرفته ان امتحان الانجليزي بيكون 50 اختيار و قطعة تعبير و بيقولو النجاح معتمد على الخبرة في اللغة و هي مش فارقة اوي هي بس بتحدد مستوي الفرد عشان يشوفو هو محتاج كورس و لا لاء و ربنا يسهلها

ريهام4
08-09-2009, 01:39 AM
انا كمان معاكوا صيدلة داخلة اوى
حد يعرف احنا الصيدلة عندنا فعلا اكلينيكية ولا لاء؟
الامتحان عادى حاجات من ثانوى
عبارة عن كومبرهانشن وحوالى 38 اختيارى مثلا
وحاجات زى البرجرفات مثلا وسؤال كمان كدة مش فاكرة اسمه
انا روحت ومذكرتش حاجة والامتحان عادى وبسيط بس فى الwelcome party قالولنا ان لو الطالب ما اجتزش الامتحان بيقى الانجلش بتاعه اول تيرم تقريبا o98 لو نسبته بين 30-50% هيبقى o99 لو اعلى من 50% هيبقى 101 ودة احسن لانه اعلى مستوى ومش هتبقى محتاج كورسات زيادة
والله اعلى واعلم
لو حد يعرف اذا كانت الصيدلة اكلينيكية او لاء يقولى

melanoo2020
08-09-2009, 04:35 AM
اللى عايز يختبر نفسه امتحان انجليزى من جامعة كامبردج
http://www.englishjet.com/english_courses_files/test_level_answers.asp

melanoo2020
08-09-2009, 09:07 AM
يا دكتور محمد عاوز اكلمك ضرورى

ريهام4
09-09-2009, 12:46 AM
انا داخلة اولى اتكتبت غلط فى المشاركة الاولى

Dr.Cheetah
09-09-2009, 09:16 AM
يا دكتور محمد عاوز اكلمك ضرورى

عامل اية يا خالد انا بعتلك علي الياهو

انا داخلة اولى اتكتبت غلط فى المشاركة الاولى

اهلا بيكي:078111rg3:

و اتشرفنا بمعرفتك ..... وعاوزين التوبيك دا يكون ملتقي الجامعة يعني نكتب فيه الاخبار وكل حاجة عن جامعتنا اما نخشها انشاء الله ..... وعاوز اسألك سؤال انتي خدت الكارنية بتاع الجامعة ولا لأ:022yb4:

كــارمن
09-09-2009, 11:02 AM
انتي خدت الكارنية بتاع الجامعة ولا لأ

سورى انى هرد علة سؤالها بس الكارنيه قالولنا يوم الامتحان هاتوة صور معاكم يوم 12 الى هنسجل فيه وهيطلعولنا الكارنيه انت عملته ولا لسه يادكتور

كــارمن
09-09-2009, 11:03 AM
انا كمان معاكوا صيدلة داخلة اوى
حد يعرف احنا الصيدلة عندنا فعلا اكلينيكية ولا لاء؟
الامتحان عادى حاجات من ثانوى
عبارة عن كومبرهانشن وحوالى 38 اختيارى مثلا
وحاجات زى البرجرفات مثلا وسؤال كمان كدة مش فاكرة اسمه
انا روحت ومذكرتش حاجة والامتحان عادى وبسيط بس فى الwelcome party قالولنا ان لو الطالب ما اجتزش الامتحان بيقى الانجلش بتاعه اول تيرم تقريبا o98 لو نسبته بين 30-50% هيبقى o99 لو اعلى من 50% هيبقى 101 ودة احسن لانه اعلى مستوى ومش هتبقى محتاج كورسات زيادة
والله اعلى واعلم
لو حد يعرف اذا كانت الصيدلة اكلينيكية او لاء يقولى

اه يادكتورره احنا هندرس صيدله اكلينيكال

Dr.Cheetah
09-09-2009, 11:10 AM
انتي خدت الكارنية بتاع الجامعة ولا لأ

سورى انى هرد علة سؤالها بس الكارنيه قالولنا يوم الامتحان هاتوة صور معاكم يوم 12 الى هنسجل فيه وهيطلعولنا الكارنيه انت عملته ولا لسه يادكتور


لأ معملتوش يا ميسون ونسيت اسأل علية انا اديتهم 6 صور ف الاول اوديلهم تاني ولا كدا كفاية ..... انا مسافر يوم 12 عشان اشوف السكاشن ومواعيدها ...... واللي خلاني سألت علي كدا ان كان في واد خليجي كان معاه الكارنية

drblack
09-09-2009, 06:49 PM
جامعة مصر للعلوم والتكنولوجيا
وفيما يلي مصروفات الدراسة بجامعة مصر للعلوم والتكنولوجيا:
كلية الطب 33 ألف جنيه بزيادة 3 آلاف جنيه عن العام الماضى (بشرطألا يقل الحد الأدنى عن 96%) الصيدلة 20 ألف جنيه (بشرط ألا يقل المجموع عن 94%).
طب الأسنان 20 ألف جنيه (بشرط ألا يقل المجموع عن 94%).
الهندسة 16 ألف جنيه (بشرط ألا يقل المجموع عن 90%).
العلاج الطبيعى 12 ألف جنيه (بشرط ألا يقل المجموع عن 90%).
الإعلام 10 آلاف جنيه.
إدارة الأعمال 10 آلاف جنيه.
وتكنولوجيا المعلومات والتكنولوجيا الحيوية 10 آلاف جنيه.
اللغات 8 آلاف جنيه.
التمريض 6 آلاف و700 جنيه.
الألسن 6 آلاف و700 جنيه.
الآثار 6 آلاف و700 جنيه.
وتحصل جامعة مصر للعلوم والتكنولوجيا على مصروفات إضافية مثل تأمين المعامل والمكتبات ومصروفات إدارية 700 جنيه كل عام وكذلك 50 جنيها لتحليل الإيدز للطلبة الوافدين.
أما السكن الجامعى بجامعة مصر للعلوم والتكنولوجيا فيدفع الطالب 1000 جنيه كتأمين تسترد عند انتهاء العام الدراسى.. أما سعر الغرفة المفردة فتصل إلى 12 ألفا.. والمزدوجة 8 آلاف جنيه دون وجبات.
وتصل أسعار الوجبات بجامعة مصر للعلوم والتكنولوجيا إلى 5 آلاف جنيه فى العام.

كــارمن
10-09-2009, 12:37 PM
لأ معملتوش يا ميسون ونسيت اسأل علية انا اديتهم 6 صور ف الاول اوديلهم تاني ولا كدا كفاية ..... انا مسافر يوم 12 عشان اشوف السكاشن ومواعيدها ...... واللي خلاني سألت علي كدا ان كان في واد خليجي كان معاه الكارنية
اها يادكتور لازم تجيب صور ه معاك عشان الكارنيه
هو حضرتك عرفت تجيب النتيجه بتاعت امتحان الانجليش من على النت ولا لا
انا بدخل الباس ورد بيقولى مفييش نتيجه

goodgirl12
10-09-2009, 09:53 PM
النتيجة يا جماعة النهاردة بليل او بكرة الصبح و الorientation يوم الاتنين الساعة 10 صباحا و التسجيل كمان يبدأ من يوم السبت

ريهام4
11-09-2009, 12:54 AM
يا جماعة موقع الجامعة بيقول التسجيل للطلبة الجدد يوم 15 اللى هو الاربع تمام؟ وقالولنا فى الجامعة ان التسجيل يوم السبت اللى هو 12
ف لو حد يقدر يتاكد من الحكاية دى بليييييييز يقولنا لان مش معقول هروح وارجع من غير ما اسجل وارجع اروح تانى
وبالنسبة للاى دى اللى هو الكارنية هما مش هيخدوا من الصور اللى احنا وديناها
ولا لازم نجيب تانى
اتاكدوا بقى من حكاية التسجيل دى

goodgirl12
11-09-2009, 01:13 AM
انا لما اكلمت و سألت قالولي ان التسجيل يبدأ من السبت و ينتهي الاربع
و اعتقد هما هيحتاجوا صورتين او اكتر حسب ما مكتوب في ورقة اللي فيها ارشادات

ريهام4
11-09-2009, 01:54 AM
طيب انتى كلمتيهم امتى لانهم لسة كاتبين امبارح على موقع الجامعة ان التسجيل للطلبة الجدد يوم 15
فايه بقى؟؟؟

goodgirl12
11-09-2009, 02:44 AM
كلمتهم انهاردة الساعة 11 صباحا بالظبط

ريهام4
11-09-2009, 05:10 AM
انا خايفة يكونوا فاكرينك من الطلبة العاديين مش من الجدد
اصل العاديين هيسجلوا من السبت عادى
لكن احنا؟؟؟؟؟؟؟؟؟؟

Dr.Cheetah
11-09-2009, 08:50 AM
يا جماعة موقع الجامعة بيقول التسجيل للطلبة الجدد يوم 15 اللى هو الاربع تمام؟ وقالولنا فى الجامعة ان التسجيل يوم السبت اللى هو 12
ف لو حد يقدر يتاكد من الحكاية دى بليييييييز يقولنا لان مش معقول هروح وارجع من غير ما اسجل وارجع اروح تانى
وبالنسبة للاى دى اللى هو الكارنية هما مش هيخدوا من الصور اللى احنا وديناها
ولا لازم نجيب تانى
اتاكدوا بقى من حكاية التسجيل دى

اسم الله دا انا حجزت القطر علي يوم 12 ذهاب وعودة :abdoog8:هروح وارجع علي مفيش ..... لو روحت وقالولي مفيش تسجيل هطربق الجامعة علي دماغهم

Dr.Cheetah
11-09-2009, 08:52 AM
بصراحة الموظفين ف الجامعة متخلفين ومعاملهم زفت و مايدوش عقاد نافع ....... دا انا كنت همشي من غير ما اعرف حكاية التسجيل دي عرفتها بالصدفة البحتة

theprins
11-09-2009, 03:44 PM
يا جدعان التسجيل للطلاب الجدد هيبتدي يوم 15/9 و التسجيل للطلاب القدام يوم 12 و الكلام دة علي موقع الجامعة

melanoo2020
11-09-2009, 03:48 PM
اسم الله دا انا حجزت القطر علي يوم 12 ذهاب وعودة :abdoog8:هروح وارجع علي مفيش ..... لو روحت وقالولي مفيش تسجيل هطربق الجامعة علي دماغهم




إعــلان هـــام


http://www.must.edu.eg/images/logo.gif


سوف يبدأ التسجيل بالنسبة للطلبة المستجدين للفصل الدراسي خريف 2009-2010 يوم الثلاثاء الموافق 15/9/2009
http://www.must.edu.eg/advertisement/adv4.htm
معلش هتضر سيادتك تكنسل الحجز

وفعلا زى ما انت قلت الموظفين تعبانين وما يعرفوش يقضو مصلحة

melanoo2020
11-09-2009, 03:57 PM
على فكرة احنا هنستلم لاب توب ب 170 جنبه لكن معرفش بالظبط هنستلمه امتى فى شوية بيقولو مع بداية الدراسة وشوية بيقولو الاسبوع اللى جاى

theprins
11-09-2009, 05:54 PM
يا جدعان كاتبين في الجرايد واعلنوا ان الدراسة في المدارس و الجامعات يوم 3/10 هل الجامعة في اليوم دة و لا يوم 26/9

goodgirl12
11-09-2009, 07:48 PM
ايه موضوع اللاب توب ده؟؟؟؟ وبعدين يا جماعة هنعرف نتيجة الانجليزي منين المفروض تبقى امبارح او النهاردة حسب ما الدكتور اللي جاه في الامتحان و قلنا .

Dr.Cheetah
11-09-2009, 08:40 PM
ايوة اية حكاية اللاب توب دة بيدوة لكل الكليات ولا لأ ..... انا مش فاهم ازاي التسجيل يوم 15 دا انا سائل الراجل بتاع شئون طلبة قاللي يوم 12:abdoog8:

Dr.Cheetah
11-09-2009, 08:41 PM
ممكن يكون كل كلية ف يوم مثلا .... انا بفتي علي فكرة

Dr.Cheetah
11-09-2009, 08:48 PM
انا لما اكلمت و سألت قالولي ان التسجيل يبدأ من السبت و ينتهي الاربع
و اعتقد هما هيحتاجوا صورتين او اكتر حسب ما مكتوب في ورقة اللي فيها ارشادات


ايوة هوا دا اللي اتقالي انتو هتجننونا لية :blush::bosyht9:

goodgirl12
12-09-2009, 04:00 AM
بالنسبة لموضوع اللاب توب الجامعة بتقدم لاب توب لكل طالب في الجامعة الطالب مسؤل عنه و في الجامعة مركز صيانة لو حصل اي شئ للاب توب الطالب لازم يروح المركز ده و يتحمل اي تكاليف او خساير و لو الطالب ترك الجامعة قبل التخرج لازم يرجع اللاب توب و بعد التخرج من حق الطالب يحتفظ بالجهاز الى الابد و شكرااا

ريهام4
12-09-2009, 05:04 PM
اه يااجماعة انتوا متعرفوش موضوع الاب توب ؟
دة دة الحاجة الوحيدة اللى حلوة فى الجامعة
عادى على فكرة خدوه وبهدلوه ولا يهمكوا هو كدة خلاص بتاعكوا
واحتمال ناخده واحنا بنسجل
عقبال ما يدوا لكل واحد تكتك بالمرة علشان نروح بيه الجامعة
حد راح الجامعة النهاردة علشان يقولنا ايه اخبار التسجيل؟

Dr.Cheetah
13-09-2009, 12:20 AM
اه يااجماعة انتوا متعرفوش موضوع الاب توب ؟
دة دة الحاجة الوحيدة اللى حلوة فى الجامعة
عادى على فكرة خدوه وبهدلوه ولا يهمكوا هو كدة خلاص بتاعكوا
واحتمال ناخده واحنا بنسجل
عقبال ما يدوا لكل واحد تكتك بالمرة علشان نروح بيه الجامعة
حد راح الجامعة النهاردة علشان يقولنا ايه اخبار التسجيل؟

ما تفكرينيش دا كان يوم زي كالو الصباع:angry2: ..... قالو التسجيل لكل الكليات يوم15 عشان درجات الE لسة مطلعتش ... ورجعت من المشوار زي ما روحت

melanoo2020
13-09-2009, 01:48 AM
ما تفكرينيش دا كان يوم زي كالو الصباع:angry2: ..... قالو التسجيل لكل الكليات يوم15 عشان درجات الE لسة مطلعتش ... ورجعت من المشوار زي ما روحت


سبحان الله مع انى اتصلت بيهم يوم السبت قالولى التسجيل هيبدأ من السبت وعالنت من يوم الثلاثاء

انا حاسس ان الموظفين فالجامعة دى بيدولنا معلومات عن جامعة تانية :angry2::angry2:

goodgirl12
13-09-2009, 02:53 AM
النتيجة بتاعت الانجليزي طلعت ع النت

ريهام4
13-09-2009, 07:48 AM
اه نتيجة الانجلش ظهرت بالسلامة
انا 1o1
ها عملتوا ايه ؟

Dr.Cheetah
13-09-2009, 01:05 PM
اه نتيجة الانجلش ظهرت بالسلامة
انا 1o1
ها عملتوا ايه ؟

جبتيها ازاي

ريهام4
13-09-2009, 01:10 PM
student zone
وفى فى الجمب شوية حاجات فوق بعض واحدة منهم هتلاقى فيها english placement test
هتدخل يا دوكتر وتكتب ال ID وال password
وهتيجى بس انا معلوماتى ان بتاعت علاج طبيعى لسة مظهرتش فلو مظهرتش عندك متقلقش
اصل احنا اول ناس ممتحنه

Dr.Cheetah
13-09-2009, 01:14 PM
انا عملت كدا فعلا وقاللي لسة مافيش نتيجة .... ومعلش كدا انا عاوز اعرف فايدتة اية الامتحان ده

ريهام4
13-09-2009, 01:37 PM
على حسب معلوماتى
ان لو ماجتزتش الامتحان دة هتاخد انجلش الترم الاول
o98
لو نسبتك بين ال 30-50% هتبقى
o99
لو فوق ال 50% هتبقى
1o1
ودة احسن لان اللى فوق مستويات زيادة واقل فى المستوى
بس عادى الموضوع مش مقلق اوى
بس اكيد هتظهر لكله قبل التلات علشان التسجيل

Dr.Cheetah
13-09-2009, 01:48 PM
ايوة اية حكاية الكميائي اللي بيشتم ف كل الدكاترة والصيادلة :p

ريهام4
13-09-2009, 08:54 PM
لا عادى دة كان المفروض يكون نقاش
بس تقريبا الموضوع معمول علشان الناس تقراه بس
مفيش تبادل اراء ولا اى حاجة
بيدافعوا عن كلية علوم ودة مش وحش دى حاجة كويسة اوى
بس فى نفس الوقت بيحطوا من شأن كلية الصيدلة !!!
سيبك من الكلام دة مجرد نقاش وهينزل على مفيش
واضح ان فى ناس لسة لحد دلوقتى عندهم عقدة الخواجة مع انى اعرف ناس كويسة اوى فى علوم
المهم طلعت نتيجة الانجلش لبقيت الناس ايه؟؟

Dr.MORO
14-09-2009, 12:59 AM
asllamo 3likom.....
ezaiekom ya drs 3mlen eih?
elly m7tag ay estfsar iam here...

dr.mido1992
14-09-2009, 03:48 AM
انا اسمى محمد داخل علاج طبيعى و كنت جايب 95.5 فى الثانوية العامة انا هروح يوم 15 عشان التسجيل انا عايز ادور على سكن ومش لاقى حد يسكن معايا ياريت لو حد عايز يقولى عشان ندور على شقة فى الحى السابع رقم موبايلى هو 0172727056

Mr_HeMa2
14-09-2009, 04:34 AM
عايز رقم الجامعة ولو فى كلية السن حد يجيب رقمها من فضلكوا

ريهام4
14-09-2009, 05:51 AM
ادخل على موقع الجامعة
www.must.edu.eg (http://www.must.edu.eg)
وهتلاقى ارقام الجامعة كلها على الموقع
هى فعلا فيها كلية لغات وترجمة

Mr_HeMa2
14-09-2009, 06:05 AM
شكرا على ردك بس متعرفيش بى كام عشان مش لاقى السعر فى الموقع :s

ريهام4
14-09-2009, 06:10 AM
لا بصراحة مش عارفة بس تقريبا كان فى موضوع فى القسم دة عن مصاريف الكليات
لو ملقيتهوش ممكن تدور فى جوجل وانا لو عرفت اجيب الاسعار هكتبها هنا ان شاء الله

Mr_HeMa2
14-09-2009, 06:57 AM
شكرا اوى ومعلش تعبتك معايا

goodgirl12
14-09-2009, 07:24 AM
اللغات و الترجمة 8000 جنية

ريهام4
14-09-2009, 07:53 AM
زى ما قالت good girl ب 8000 جنيه
بس بتدفع 4000 التيرم الاول و 4000 تانين التيرم التانى
يعنى مش كله على بعضه الدفع على تيرمين
مفيش تعب ولا حاجة كلنا زملنا
والشكر لله

Mr_HeMa2
14-09-2009, 08:49 AM
شكرا يا ريهام وشكرا يا good girl

Mr_HeMa2
14-09-2009, 08:53 AM
اسف هرخم بس انا لسه مروحتش الكلية ولا عملت حاجة اصل انا شفتهم بيتكلموا فى حوار الامتحان بتاع اللغة ف أنا أعمل أيه ^_^

goodgirl12
15-09-2009, 12:25 AM
المفروض انك تقدم ورقك و تدفع المصاريف و في نفس اليوم تعمل الكشف الطبي و الامتحان بس

كــارمن
15-09-2009, 02:11 AM
انا اولى صيدله وجبت نتيجه الامتحان وجبت 101 الحمد لله
عقبالكم

Mr_HeMa2
15-09-2009, 03:56 AM
شكرا كمان مرة يا good girl

Dr.Cheetah
15-09-2009, 10:58 AM
انا نتيجة اللغة مطلعتش لسه لكلية طب وشكلها مش هتطلع اصلا .... وانا حاسس اني هجيب واحد مش مية و واحد:bosyht9:

Dr.Cheetah
15-09-2009, 04:57 PM
النتيجة طلعت انا 101 الحمد لله

stare
15-09-2009, 11:18 PM
ممكن سؤال-طلاب شهادات المعادادلة ممكن يسجلوا في الكلية دي امتة ولو في اي معلومات عن طريقة التسجيل ولو كنت هدخل علاج طبيعي بمجموع 94.8 ممكن يعملوا خصم ولا لأ

stare
15-09-2009, 11:23 PM
بلييييييييييييييييييز حد يرد عليا ضروري

dr.mido1992
16-09-2009, 12:23 AM
كان نفسى :confused: اقولك انك تقدر تدخل الجامعة دى لكن اولا مبيعملوش خصم على المجموع انا 95.5 ومعملوليش خصم لكن للاسف باب التقديم قفل خلاص مبيقبلوش حد دلوقتى اسأل فى جامعة 6 اكتوبر بس بسرعة هل باب التقديم مفتوح ولا لأ






ممكن سؤال-طلاب شهادات المعادادلة ممكن يسجلوا في الكلية دي امتة ولو في اي معلومات عن طريقة التسجيل ولو كنت هدخل علاج طبيعي بمجموع 94.8 ممكن يعملوا خصم ولا لأ

Dr.MORO
16-09-2009, 01:53 AM
eih ya gam3a eih a5bar el tasgil?
lazem tsglo 3lshan mosh hynfa3 t3'iar ay 7aga ba3d keda 3'ir f fatrt el add w el drop
w mabrok l el nas elly 101 3lshan da hy5lihom y5llaso el english f 3 terms bs isa

Dr.Cheetah
16-09-2009, 02:24 AM
eih ya gam3a eih a5bar el tasgil?
lazem tsglo 3lshan mosh hynfa3 t3'iar ay 7aga ba3d keda 3'ir f fatrt el add w el drop
w mabrok l el nas elly 101 3lshan da hy5lihom y5llaso el english f 3 terms bs isa

aywa 97 f eltasgeel mawgiid ARAB 101 hwa e7na hna5od 3arbi w tlat sa3at mra wa7da mo7adrato btet7der wla ta6neesh

ريهام4
16-09-2009, 08:23 AM
انتوا ناوينها تطنيش من اولها:stickjo4:
انا عن نفسى مش عارفة ايه العربى اللى هناخده دة
احنا عندنا سبع مواد عربى وانجلش واحصا وكيميا عضوية وكيميا عامة وعقاقير ومادة غريبة اسمها التفكير العلمى
مع ان ماكنتش هى دى المواد اللى مكتوبة فى الكتاب بتاع الجامعة

ريهام4
16-09-2009, 08:26 AM
عاوزة بس اوضحلكوا حاجة
نتيجة الانجلش اسمها ون او ون مش مية وواحد
والتانية او ناين ناين وكذا
اللى فى الانص (او) مش زيرو
اى خدمة

Dr.Cheetah
16-09-2009, 11:33 AM
-- انا عاوز اسأل هي بتتضاف ولا لأ .. عشان انا بكره العربي مش اهرب منه ف تانوية يطلعلي هنا .... وسكشنها 3 ساعات

-- بعدين حكاية o ديا زيرو بس بيتقال او علي الزيرو اوو متهيألي اميريكان انجلش

-- احنا عندنا اناتومي وفسيولوجي و بايو و هشتولوجي والعربي ده و الانجليزي

Dr.Cheetah
16-09-2009, 11:35 AM
انتوا ناوينها تطنيش من اولها:stickjo4:


ههههههه .... لا طبعا مش ناويين تطنييش دا هنذاكر جامد بس انا العربي دةمعقدني هوا اللي خلاني ادخل جامعة خاصة مش حكومي:angry2:

كــارمن
16-09-2009, 04:25 PM
ريهام انا صيدله زيك انتى بتقولى عندنا احصاء مش باين عندى فى التسجيل خالص كده

ان فى احصا
هما جينيرال واورجانيك وفارما واثيكث واربيك وانجليش وعلم نفس
صح ولا ايه

goodgirl12
16-09-2009, 11:29 PM
انا في اعلام مخترتش عربي خالص و الانجليزي تسجيله انتهي و اللي ملحقش يبقى الترم الجاي

goodgirl12
17-09-2009, 10:05 AM
هو ال icdl ده عشان اخده لازم اعمل امتحان ولا ايه؟ اصل و انا بسجل كان متاح ليا عادي

melanoo2020
17-09-2009, 02:37 PM
فى حد عنده اى معلومات عن تأجيل الدراسة فى الجامعة لانى قريت عالمنتدى ان الدراسة عندنا مش هتتأجل 26/9
http://www.misr-uni.com/forum/showthread.php?t=5942

Dr.Cheetah
17-09-2009, 10:11 PM
فى حد عنده اى معلومات عن تأجيل الدراسة فى الجامعة لانى قريت عالمنتدى ان الدراسة عندنا مش هتتأجل 26/9
http://www.misr-uni.com/forum/showthread.php?t=5942

موضوع مهم هسأل علية و اقول لكم

كــارمن
18-09-2009, 05:51 AM
انا والد صحبتى سال امبارح وقالوا ان الدراسه 26

Mr_HeMa2
18-09-2009, 06:04 AM
اانا هادخل اثار وارشاد سياحة ياترا يا هل ترا فى حد فيها وايه رايكوا

Mr_HeMa2
18-09-2009, 06:05 AM
اقصد ارشاد سياحى

Dr.Cheetah
18-09-2009, 02:18 PM
انا سألت واحدة من شئون الطلاب قالت ان الدراسة 26 سبتمبر عادي

Mr_HeMa2
18-09-2009, 10:02 PM
محدش رد يعنى انا سؤالى فوق

كــارمن
19-09-2009, 01:36 AM
معاد الدراسه امته ياريت لو حد يعرف يقول

انا اسمى كارمن
ورايحه اولى صيدله

theprins
19-09-2009, 11:13 PM
المعاد النهائي للدراسة هو يو 26/9 و هو اليوم اللي اككدت عية الجامعة

Mr_HeMa2
20-09-2009, 11:07 AM
لووووووووووووووووووووووووووووووووووووووووو سمحت حد يرررررررررررررررررررررررررررررررررررررررررررررد :*:*:*:*:*

كــارمن
20-09-2009, 07:40 PM
يا جود جيرل
انتى icdl

هما هيعرفوكى تسجليها ازاى لما تدخلى الجامعه

Mr_HeMa2
21-09-2009, 09:23 AM
هوا انا ايه جرثومة ولا مرض محدش عايز يرد على سؤالى بليزززز حد يردايه رايكوا فى كلية اثار وارشاد سياحى وهل الارشاد السياحى حلو ولا وحش وفى حد دخلوا ولا لأ

goodgirl12
21-09-2009, 09:39 PM
يا جود جيرل
انتى icdl

هما هيعرفوكى تسجليها ازاى لما تدخلى الجامعه

شكرا على ردك رغم اني مش فاهمة اوي

كــارمن
22-09-2009, 01:37 PM
رسيتوا على ايه ياجماعه الدراسه امته
الجامعه دى محيره

Dr.MORO
22-09-2009, 02:33 PM
السلام عليكم
سورى على التأخير يا جماعه وكل سنه وانتم طيبين
بالنسبه للعربى دا تافه جداااااااااا واللى يحضر او ميحضرش هيجيب تقدير عالى ان شاء الله دا عباره عن همزة قطع ووصل وحاجات عبيطه جدااااااا
بالنسبه للدراسه هى 26 ان شاء الله
بالنسبه للاى سى دى ال دا لسه فى التيرم التانى لبتوع صيدله او ممكن اللى عاوز ياخده فى التيرم الاول مفيش مشاكل بس فى مواد اسمها متطلبات الجامعه يعنى اجبارى على كل الطلبه زى التفكير العلمى والاى سى دى ال و العربى و الانجليزى و كده وكمان سيكشن العربى بيبقى ساعتين فى المده يعنى بس فى الجدول بيتكتب تلاته علشان لسه فى ابحاث هتقدموها وكده وكلها حاجه سهله جدا و احمدوا ربنا انتوا الاورجانيك عندكوا 3 ساعات احنا كانت 4 و التيرم الاول سهل جدا علشان معظم المواد من مواد متطلبات الجامعه يعنى معندكوش مواد اساسيه غير الجينرال كيمسترى و دى اللى يحضر المحاضره بس يجيب امتياز و الاورجانيك عباره عن كمياء ثانويه عامه بس بالانجليزى وفى الكو***ى دى خدوا بالكوا منها اوى علشان محتاجه مذاكره و ماده رزله شويه و ربنا يو فقكم......و حاجه كمان كليه ارشاد سياحى جميله جدا جدا وواخده حقها اوى فى الجامعه و مستقبلها ما شاء الله كويس اوى

Mr_HeMa2
23-09-2009, 01:02 AM
السلام عليكم
سورى على التأخير يا جماعه وكل سنه وانتم طيبين
بالنسبه للعربى دا تافه جداااااااااا واللى يحضر او ميحضرش هيجيب تقدير عالى ان شاء الله دا عباره عن همزة قطع ووصل وحاجات عبيطه جدااااااا
بالنسبه للدراسه هى 26 ان شاء الله
بالنسبه للاى سى دى ال دا لسه فى التيرم التانى لبتوع صيدله او ممكن اللى عاوز ياخده فى التيرم الاول مفيش مشاكل بس فى مواد اسمها متطلبات الجامعه يعنى اجبارى على كل الطلبه زى التفكير العلمى والاى سى دى ال و العربى و الانجليزى و كده وكمان سيكشن العربى بيبقى ساعتين فى المده يعنى بس فى الجدول بيتكتب تلاته علشان لسه فى ابحاث هتقدموها وكده وكلها حاجه سهله جدا و احمدوا ربنا انتوا الاورجانيك عندكوا 3 ساعات احنا كانت 4 و التيرم الاول سهل جدا علشان معظم المواد من مواد متطلبات الجامعه يعنى معندكوش مواد اساسيه غير الجينرال كيمسترى و دى اللى يحضر المحاضره بس يجيب امتياز و الاورجانيك عباره عن كمياء ثانويه عامه بس بالانجليزى وفى الكو***ى دى خدوا بالكوا منها اوى علشان محتاجه مذاكره و ماده رزله شويه و ربنا يو فقكم......و حاجه كمان كليه ارشاد سياحى جميله جدا جدا وواخده حقها اوى فى الجامعه و مستقبلها ما شاء الله كويس اوى


يااااااااااه شكرا اوى على انك انت الوحيد اللى قدرتنى ورديت عليا شكراااااااااااااا

العمييد
23-09-2009, 01:09 AM
سلامى الى عمرو يوسف رايح تانيه طب فى حامعة مصر للعلوم و التكنواوجيا سلمولى عليه

العمييد
23-09-2009, 01:11 AM
عيد سعيد و عبال العيد الكبير ندبحكوا ههههههههه

bo0osy
23-09-2009, 03:42 AM
ازيكم يا شباب


قولولي عرفتم اي اخبار عن تاجيل الدراسه ولا لا ؟؟

وخلاص اخر كلام ان الدراسه يوم 26/9 ان شاء الله

goodgirl12
23-09-2009, 10:30 AM
انا مش فاهمة عشان وانا بعمل جدولي مكنش متاح ليا غير ال icdl و الانجليش كان full capacity و عملت جدولي و مكنش فيه ولا تفكير علمي و لا عربي مش فاهمة يعني؟؟؟؟؟؟؟؟؟؟؟؟؟؟؟؟؟؟

Mr_HeMa2
23-09-2009, 04:50 PM
خلااااااااااااااص قدمت والدراسة خلاص يوم 26 وياريت نتعرف على بعض اول يوم فى الجامعة ونتقابل فى مكان معين جوه الجامعة واللى موافق يقووول اوك See You isa

bo0osy
23-09-2009, 07:18 PM
ربنا معانا ويا رب نتبسط في الجامعه دي يا رب

Dr.MORO
24-09-2009, 12:13 AM
دا انتى يا بوى هتبقى مبسوطه اوىىىىىىىىى و هتقولى مروه قالت ربنا يسر عليكوا:d
و كمان يا جماعه محدش يشكرنى دا واجب عليا و ميرسى ليكوا اوىىىىىىى و اكيد ان شاء الله نتقابل كلنا
و يا جود جيرل انتى كلية ايه؟

Dr.MORO
24-09-2009, 12:18 AM
سورى قصدى بوسى
يا ريت يا جماعه كل حد يعرف نفسه
انا مروه تانيه صيدله ان شاء الله و شهرتى مورو ههههههههه

كــارمن
24-09-2009, 02:12 AM
يارب الجامعه تكون كويسه
انا زيك يامروه فى صيدله بس سنه اولى

goodgirl12
24-09-2009, 11:32 AM
انا اولى اعلام و ربنا يقدرني هههههه

Dr.Cheetah
24-09-2009, 04:17 PM
انا انشاء الله ف طب ويا مسهل وربنا يوفقنا كلنا ولازم نذاكر ونشد حيلنا بأذن الله عشان الجامعة دي صعبة والدراسة فيها شديدة ..... وانا سمعت ان الجامعة بتودي المتفوقين بعثة لجامعة ويلز ف انجلترا دا بجد ولا هتش

Mr_HeMa2
25-09-2009, 12:38 PM
انا قدمت خلاص ودفعت المصاريف وقالوليى الكارنيه يوم السبت والكتب بردوا يوم السبت بس الكشف الطبى بتاعى يوم الاثنين فا عايز اعرفف انتى هيسلموتى ال id we el password عشان ادخل على موقع الجامعة

goodgirl12
25-09-2009, 01:14 PM
هي الكتب و الكارنيه هيتجابو خلاص و لاايه؟

عادل محيسن
25-09-2009, 03:33 PM
انا اطالب اولى صيدلة ولغاية دلوقتي مش طلعت نتيجة امتحان الانجليزي ولسة مش حطيت الجدول والدراسة بكرة بليييييز حد يقولي اعمل اية

كــارمن
25-09-2009, 08:22 PM
انا ليا زمايلى زيك مش طلعت نتيجتهم متقلقش بكره تعرف فى الجامعه

Dr.MORO
27-09-2009, 07:00 AM
عملتوا ايه فى اول يوم ؟؟؟؟

وبالنسبه للجماعه اللى نتيجتهم ما ظهرتش فى الانجليزى يروحوا يسالوا ضرورى عشان فاضل اسبوع والتسجيل يقفل خالص

معلش يا جماعه تانيه صيدله اجازتهم يوم السبت

وان شاء الله موجوده معاكوا فى الجامعه يوم الاحد الى اخر الاسبوع .

Mr_HeMa2
27-09-2009, 10:00 AM
أول يوم مافيش محاضرات

melanoo2020
27-09-2009, 03:27 PM
أول يوم مافيش محاضرات
مش كل الكليات
تقريبا هندسة ما فيهاش محاضرات الاسبوع ده كله
وفى كليات بدأت
لكن الدراسة الفعلية هتبتدى يوم السبت 3/10

Dr.Cheetah
27-09-2009, 10:42 PM
أول يوم مافيش محاضرات


لأا يا عم انا اخدت 3 محاضرات وسكشن

Dr.Cheetah
27-09-2009, 10:45 PM
هي الكتب و الكارنيه هيتجابو خلاص و لاايه؟

في كليات استلمت و كليات هتستلم يوم السبت الجاي

goodgirl12
29-09-2009, 06:44 PM
انا عرفت ان الجامعة توقفت لحد يوم 3 اكتوبر

melanoo2020
29-09-2009, 07:15 PM
انا عرفت ان الجامعة توقفت لحد يوم 3 اكتوبر

كلام مظبوط
و انا سمعت ان فى 3 اصابات بانفلونزا الخنازير ظهرت http://www.facebook.com/pages/-/87233346283
ربنا يستر ويسهل والسنادى تعدى على خير

goodgirl12
30-09-2009, 01:40 AM
يا نهار ابيض بجد دي مصيبة

melanoo2020
30-09-2009, 04:26 AM
كلام مظبوط
و انا سمعت ان فى 3 اصابات بانفلونزا الخنازير ظهرت http://www.facebook.com/pages/-/87233346283
ربنا يستر ويسهل والسنادى تعدى على خير

بيقولو اشاعة
الله اعلم

Dr.Cheetah
30-09-2009, 06:13 PM
انا سمعت كدا اما كنت ف السكشن و خرجونا منه و قالولنا اجلو الدراسة .... يبقي نروح بكمامات بقي

Dr.MORO
01-10-2009, 12:22 AM
عموما يا جماعه اشاعه او لاء فعلا لازم نستعمل كمامات و خصوصا فى المحاضرات الكبيره
و كل الناس هتبدأ الدراسه الفعليه فعلا 3-10 مع ان احنا اخدنا 6 محضرات و سكشن فى يومييييين بس خير ان شاء الله
و ربنا معانا و معاكم و يستر ان شاء الله

Mr_HeMa2
03-10-2009, 03:33 AM
انا شفت فى الجامعة كام واحدة لابسين كمامة

Dr.Cheetah
03-10-2009, 08:12 PM
الجامعة النهاردة كانت زحمة موت وانا خايف جدن والله

Mr_HeMa2
03-10-2009, 10:38 PM
Me2 :s

theprins
17-10-2009, 06:33 PM
اية يا جماعة فين اصدقاء المنتدي و الجامعة؟

Dr.Cheetah
28-10-2009, 08:05 PM
والله مش عارف انتو نمتو ليه

melanoo2020
29-10-2009, 02:35 PM
والله مش عارف انتو نمتو ليه
يااااااااه
لسه فى واحد على قيد الحياة :022yb4:
الحمد لله

Dr.Cheetah
18-07-2011, 07:43 AM
yalla b2a ay 7ad 3awez 7aga aw yes2al 3an elgam3a y2ool ana f el5edma

مش داري بحالي
18-07-2011, 09:10 AM
السلام عليكم ورحمه الله وبركاته.
عندي شويه اسئله هيا الجامعه بتاخد من كام في الميه لفرع الهندسه
ومصاريفها كام في السنه
وهل يشترط الحصول علي 60 % من مجموع الرياضيات ؟
رجاء الرد .

نورا غريب جلال
01-08-2012, 05:45 PM
انا داخلة الجامعة دى بردووووو

نورا غريب جلال
01-08-2012, 05:50 PM
بس انا موش نورا انا اختها

lamiaa10005
02-08-2012, 05:05 PM
كان نفسى ادخلها بس للاسف الحجز خلص