دخلت حاسبات و معلومات .... طب تعال .. [الأرشيف] - بوابة الثانوية العامة المصرية

Eng. Alios

28-08-2009, 02:23 AM

سلام عليكم

معاكم طالب ثانوي و اسمه علي ...
لسه مخلص ثانوية ...
و داخل على مرحلة جديدة ...
مرحلة الجامعة ...

انا في حاسبات و معلومات حلوان ...

و الحقيقة زعلت في الأول ..
لأن مجتليش هندسة ...

بس كنت عبيط برضه ...
لأن ميولي كمبيوتر ...
و لما تبقى ميولي كمبيوتر تبقى كلية حاسبات انسب لي طبعاً ...
لكن مفكرتش في دي ...
كانت الناس هى السبب ...
لأنهم عايزين القاب ...
و خلوا دماغي تفكر في الالقاب ...

لكن الامور اختلفت ...

و اعتقد ان كتير منكم زعل في الاول انه مجتلوش هندسة ..

لكن تعالوا نفكر ...

كلية الحاسبات و المعلومات صراحة مش ح تنجح في مصر ...

ليه ؟

لأن معندناش تكنولوجيا ... و مادام معندناش تكنولوجيا يبقى محدش ح يقدرنا و الكل ح يقعد يتريق علينا ...

أمال مين اللي ح يقدرنا ؟

الناس اللي بتقدر المبرمجين و بتقدر الكمبيوتر ... دول العالم الاول ... امريكا و اليابان و المانيا و بريطانيا و غيرهم و غيرهم ...

يعني ماليش مستقبل في مصر ؟

لأ ليك , بس في الشركات الخاصة و الاستثمارية ..... و الشركات دي قليلة ....
فتضطر انك تشتغل بره و لكن بمرتب خيالي ...

و اسمي ايه لما اتخرج من الكلية ؟

مبرمج في مصر ...
مهندس برمجيات في اي دولة من دول العالم الأول ...

--------

بيقولوا اني لما اتخرج من الكلية ح يبقى زيي زي خريج معهد ؟

كلام مش صحيح بالمرة , خريج المعهد يادوببك يعلموه ازاي يكتب على الورد و الاكسل ...
انت بقى خريج حاسبات و معلومات , يعني ح تتعلم بقى ازاي تبرمج الورد و الاكس , ازاي تبرمج ويندوز , ازاي تنظم المعلومات , ازاي تعمل اي حاجة بالبرمجة ...
أكيد الفرق واضح و كبير ... و الاولوية ليك طبعاً ...

طب و اعمل ايه في الناس اللي بتتريق عليا ؟

اضرب بكلامهم عرض الحائط ...
افتخر بانك في عالم البرمجة و الكمبيوتر في هذه البلد المتخلفة ...

طب و مصير الكلية دي ايه بعد كده ؟

الحقيقة في اعتقادي , ان النقابة هى العائق اللي موقف الكلية دي من التقدم , الكلية دي اول ما طلعت كان تنسيقها اعلى من هندسة ...
و لا اعلم لماذا هبطت بمجموعها للأسفل ...
لكن لما النقابة دي تتعمل بإذن الله , و ح تتعمل ....
ح تلاقي مجموع الكلية ارتفع و ح يقرب من مجموع بترول ...
لان الكمبيوتر زيه زي البترول ... مجاله مفتوح و هو ده مستقبل العالم بعد كده ...

امال ليه الناس بتتريق على بتوع حاسبات ؟

لان في تخلف مزروع جوه المواطن المصري ...
يعني احنا لو 85 مليون مصري ... فمننا 20 مليون يعرفوا يعني ايه تكنولوجيا ...
بينما الباقي يصر على ان المهندس و الدكتور هو الأحسن ...

و مكانتي ح تبقى ايه ؟

مكانتك كمبرمج او كمهندس برمجيات لا يقل عن مكانة مهندس البترول ...
و مرتباتك في الشغل ح تبقى خيالية فوق ما تتصور ... زي مهندس البترول برضه ...
و ح تسافر هنا و هناك ... زي مهندس البترول برضه ...

بيقولوا الاولوية لهندسة الحاسبات اللي في كلية الهندسة بالنسبة لحكاية الشغل , هل ده صحيح ؟

لا اعتقد , لان هندسة الحاسبات عندهم الهاردوير اكتر من السوفت وير , يعني عندهم صيانة الكمبيوتر اكتر من برمجته , و بيدرسوا البرمجة على حاجات معمولة قبل كده ...
و خريج هندسة الحاسبات مكانته عالية , ده لو اشتغل بره ..
اما لو اشتغل جوه مصر , فمش ح يلاقي شغل الا في شركات خاصة قليلة , او بقى لو معاه فلوس يفتح مركز صيانة و ح يكسب من وراه دهب ..

اما بالنسبة ليك يا طالب حاسبات و معلومات , فشركات الكمبيوتر بقى تيجي لحد عندك في كليتك , و تاخدك و تشغلك بل و بتدربك عندها من و انت في سنة تالتة ...

طب برضه بيقولوا ان العالم ح يتجه للاتصالات , و يسيبوا طلبة هندسة الحاسبات و طلبة حاسبات و معلومات , هل ده صحيح ؟

لأ طبعاً .... لأنه بالعقل
ازاي ح ادير شبكة اتصالات من غير ما ابرمجها الأول ؟
اعلم يا عزيزي ... ان البرمجة داخلة في كل حاجة في الدنيا متعلقة بالتكنولوجيا ...
آلات المصانع عايزة برمجة الأول .... الاتصالات و شبكاتها عايزة برمجة .... الهاردوير و البروسيور عايزة برمجة لتشغيلها .....
م الآخر ... مجال البرمجة مفتوح و في كل حاجة , فماتقلقش ...

و العمل علشان حكاية الشغل دي ؟

مافيش حاجة بسيطة ...
عايزينك تبقى متميز ... تاخد امتيازات في كل سنة ...
تذاكر بجد و تشتغل بجد ...
لا استهتار و لا بنات و لا كده ...
حالك و مصلحتك اهم ...
و زود نفسك بكورسات لغات و برمجة اكتر و اكتر ...
كل ده ح تلاقي مليون شكرة جاية لك لحد عندك ....

يعني اطمن على مستقبلي ؟

طبعاً ... العالم دلوقتي لن يستغني عن الكمبيوتر ....
سيبك من مصر و قرفها و كلام ناسها اللي يحبط ....

انت بس اعمل اللي عليك ...
و ربنا عليه الباقي ....

الكلام ده انا باشجع نفسي بيه كل يوم و الله ...
و باشجعكم بيه ...

E/GOGO

28-08-2009, 04:03 AM

بجد شكرا على الموضوع الرائع
بجد بجد لازم الواحد يتجدعن فى اى كليه يدخلها عشان يلاقى فرص اكتر
وربنا يوفق الجميع
وشكرا ليك كمان انك وضحت الفرق بين خريج كليه حاسبات وبين خريج المعد
وكمان بين حاسبات وهندسة حاسبات

محمد نوكيا

28-08-2009, 07:07 AM

شكرا على كلمك الرائع جدا على فكرة انا زيك زعلت لما راحت عليا هندسة بس قالولى انها كلية حلوة جدا بعد كده دخلت على موقع الاستاذ لقيت طلاب مجاميعهم اعلى من هندسة بكتيييييييييير و دخلوا حاسبات يمكن 1/3 حاسبات مجموعهم اعلى من هندسة على فكرة انا فى حاسبات و معلومات المنيا

dando-255

28-08-2009, 09:58 AM

Eng. Alios

28-08-2009, 11:26 AM

الرد دا قرأته فى احدى المنتديات و عجبنى جداا
لأنه منطقى بشكل كبير .. دا رد على واحد محتار بين هندسة و حاسبات
.
.
.
انا تقريبا دلوقتى بعانى من نفس الصراع اللى انت فيه .. لكن الحمدلله انا مقتنع جدا بحاسبات و قدرت اقنع اللى حواليا
و حتى اللى مقتنعش .. رميت كلامه ورا ضهرى .. متخليش حد يحقق احلامه فيك
ولا تخلى حد يعيش عليك دور الفاهم .. لأن تلت تربع الناس بيتكلموا و خلاص و هما مش فاهمين ايه حاسبات دى اصلا
و لو هتدخل هندسة لمجرد ارضاء الناس و اهلك و يبقى اسمك مهندس
يبقى عمرك ما هتنجح فيها .. ولو نجحت فيها هتتعب جدا فى حياتك العملية
انا عاوزك متبصش تحت رجليك .. و متبصش لاسم الكلية
بص لسوق العمل .. و تبصلوا كمان خمس سنين مش دلوقتى
المستقبل لحاسبات مش هندسة
هندسة الدفعة بتاعتك اللى هم داخلين السنادى هيتخرج منها 21 الف طالب و قدهم فى الجامعات الخاصة
دا غير 4 دفعات قبلهم .. يعنى قول على الاقل 100 الف مهندس فى خلال الخمس سنين الجاية
يعنى منطقيا هيبقى مستحيل نصهم بس يلاقى شغل مهما كان الاحتياج للمهندسين .. أصل احنا فى مصر مش فى المانيا
و اللى هيلاقى شغل هتبقى مرتبات مش مناسبة و طبيعة عمل مهينة غير اللى هيتفوقوا بقى دا موضوع تانى
و حتى السفر هيبقى صعب
لأن الدول العربية دلوقتى عندها خطط للاستكفاء من العمالة المصرية
بل و ابتدى فعلا الاستغناء و تسريح مصريين كتير
يعنى مش بس مش هتعرف تلاقى وظيفة فى الخارج .. لأ دنتا هيجيلك ناس من بره ينافسوك و يقطعوا عليك فى فرص شغلك
غير كدا
انت فى حاسبات هتقعد 4 سنين بس منغير العقد و حشو المناهج بتاع هندسة .. و الكل اجمع ان حاسبات دراستها بالرغم من صعوبتها اللا انها ممتعة جدا
و هتتخرج بعد 4 سنين هيبقى اسمك مهندس بروجرمر او ديفولوبر .. و بشوية كورسات هتبقى كومبيوتر سينتيست و دول محدش يقدر يكلمهم فى البلد
و الدفعة كلها على مستوى الجمهورية 5 اللاف طالب بالكليات الخاصة
75 % منهم بنات .. قول تلت تربع البنات دول هيتجوزوا و يقعدوا فى البيت
و المنافسة على فرص العمل هتقل
يعنى وش هتلاقى شغل محترم جدا
و كمان شغل حاسبات أشيك و أمتع من هندسة
هتقعد فى تكييفك يا برنس قدام لاب توبك و تبرمج .. ولا فى نزول مواقع .. ولا كل يومين تروح الصحرا تبنى ولا تقف على بريمة بترول او تصلح تكييفات و تلاجات
ولا هتروح تراقب جودة و صيانة فى مصانع العاشر من رمضان و 6 اكتوبر .. ولا تشتغل فى محطة القاهرة لتوليد الكهربا و يبقى اسمك كهربائى بعد خمس سنين دعك
لكن فى حاسبات مش هتتبهدل م الاخر

المشكلة ان الكل ماشى بسياسة القطيع .. و البلد كلها هتبقى مهنسين باين

بالنسية لقسم الحاسبات و الاتصالات
انا واحد أعرفه اتصالات متخرج منه بقاله 3 سنين و ملقاش وظيفة مع ان تقدريه جيد جدا
لف على شركات كتير .. قاولوله روح خد الكورسات الفلانية دى و تعالى بعد سنة نشغلك
يعنى قعد 5 سنين مطحون عشان فى الاخر يطلع يكتشف ان كل اللى درسه دا ملوش علاقة بسوق العمل
خدها من قاصرها و راح خدلوا كورسين ماركيتينج و بيزنيس .. و بقى شغال سيلزمان بمرتب محترم
دا بالنسبة للاتصالات

بالنسبة لهندسة الحاسبات
هى أنضف قسم فى هندسة .. بس سوقها فى مصر مش ماشى
اصلهم بيهتموا اكتر بالهارد وير .. و احنا هنا فى مصر ولا بنصنع ولا بنركب حتى
فيا اما يطلع من ال 10الاوائل و يسافر بره و يبقى كدا عدى .. و دى صعبة
يا اما يشتغل صيانة .. و دى ممكن اى حد ياخد كورسات و ينافسه فيها
يا اما يشتغل الشغل بتاع حاسبات و معلومات .. و طبعا مش هيكون احسن مننا فيه

جزاك الله كل خير على ردك الجميل

و فعلاً ... البلد اصبح كلها مهندسين و دكاترة ...

و المنافسة بين المهندسين و الدكاترة على أشدها ...

فمثلاً واحد خريج فنون جميلة قسم عمارة يتنافس في تريقته و وظيفته مع واحد خريج هندسة عمارة ...

لكن انت كطالب حاسبات و معلومات ...
فكل الأقسام تعتبر واحدة ...
و المنافسة ح تقل , لان عدد الطلبة بكل الكليات صغير جداً جداً ...

اوعى حد يقول لك الاولوية في الشغل لهندسة الحاسبات ...

هندسة الحاسبات له الاولوية اذا كان من العشرة الاوائل على دفعته ,,, ساعتها يقدر يشتغل بره , بس طبعاً لما ياخد كورسات و يعمل معادلة علشان يشتغل بره ...

و صدقوني , اللي بيتخرج من هندسة و له في الكمبيوتر بياخد كورسات , و اللي هى في نفس الوقت مجمل دراستنا في 4 سنين ... لكن طبعاً الدراسة بتاعتنا اقوى و احسن ...

الاولوية للمبرمجين .... الاولوية لمهندسي البرمجيات اللي هما طلبة الحاسبات و المعلومات ...
لان العالم محتاج جداً للبرمجة ...

مايكروسوفت نفسها عاوزه مبرمجين من كل الدنيا .... و ما زالت تحتاج رغم نجاحها الساحق ... و رغم انها ام الكمبيوتر , الا انها مازالت تحتاج لمبرمجين ...

فقط اللي علينا حاجة بسيطة ... نذاكر و نتميز ...

و لما نتخرج و نشتغل في شركات نضيفه .. ح نضحك على ايام الثانوية و التنسيق ...
ح نضحك على عبطنا و هبلنا لما قلنا ان احنا كنا عاوزين هندسة ....

و مرتب المبرمج في اول الطريق اعلى من مرتب المهندس في اول الطريق ....

اسمعوا كلامي , لازم نتميز , و لازم نحاول نعمل النقابة باي شكل ....

بالشكل ده ح يبقى لينا كيان ...

و اوعوا تقولوا ان كلية الحاسبات دي مش من كليات القمة ...

كلية الحاسبات دي في يوم من الايام كانت اعلى من الهندسة ....
و لا تزال كلية من كليات القمة حتى لو مجموعها قل ....

اقعدوا مع نفسكم و فكروا ....
ده الاول على الجمهورية في شعبة رياضة دخل حاسبات اسيوط ...

و لو الناس اتريقت قول لهم : بكرا نتفرج و نشوف ...

اوعوا تزعلوا ...
حد يطول يدخل كلية ممتازة زي دي ؟

محمد نوكيا

28-08-2009, 01:44 PM

انتم معاكم حق و اكيد ده خير لينا ثم بعدين كل ده نصيب يعنى ممكن تلاقى واحد خاريج صنايع و بيشتغل اكثر و بيكسب اكتر من اى مهندس او دكتور يعنى انا قصدى ان الشغل لا يرتبط بالكلية

Eng. Alios

28-08-2009, 03:16 PM

في ملاحظة حلوة اكتشفتها يا جماعة ...

كلية الطب بيتقال له يا دكتور ...
و كلية الصيدلة اللي اقل من طب بيتقال له يا دكتور ...

و الاتنين بيشتغلوا دكاترة ...

كذلك الهندسة بيتقال له يا باشمهندس ...
و الحاسبات و المعلومات اللي اقل من هندسة بيتقال له يا باشمهندس ....

و الاتنين بيشتغلوا مهندسين ...

فاللي بيجري ورا اللقب مايقلقش ...
و حتى كمان نعرف الناس .. انه مفيش فرق ...

raghdamohammad

28-08-2009, 04:01 PM

aslamo 3alekom wa rahmat allah wa barakato
shokran gazelan leko ya ALIOS PIZZA wa ya MOHAMMAD NOKIA 3ala el kalam da wa shokran leko enokom 3araftona el far2 ben el FCI wa handaset el hasebat la2ny kont dakhla 3almy reyada 3ala eny hakhosh handaset computer wa ba3den gebt fe tanya thanawy 92.6 fa bada2t 2as2al 3an el FCI wa ba3deen ektana3t beha 2aktr wa talama ana wa 3ayza computer leh 2akhod ta3ab el handasa wa kaman lawo magebtesh ta2der la kadar allah 2aroh ba2a 3ala 3emara wa hagat ana mesh 3ayzaha khales wa leya 2akh etkharag men handasa wa howa ely shaga3ny eny 2akhosh hasebat wa 2aly en handasa bedon korsat kol wana wala haga wa eno 3ala el raghm eno kesm etisalat laken howa beyshtaghal be shoghl hasebat fa zad ektena3y ba el FCI wa saraft nazar 3an handasa wa fe sana talta sanawy alhamdollah gebt 98.5 wa dakhalt el FCI wa ana moktaneya beha fa 2ahsan haga en ehna nekon moktaneyeen be el ehna bene3melo wa manheshesh fe lahza en ehna 2a2al men handasa 2awo nekaren nafsena behom la2en mesh ma3na enaha betakhod 2a3la men hasebat y**** heya 2ahsan menha wa balash nekaren bena wa benhom la2en ehna lawo karena yab2a ehna haseen enohom 2ahsan wa fe el hakeka mafesh 2ahsan wa 2awohash ely 3ayez computer y**** FCI heya ekhteyaro el 2amsal ely 3ayez mekaneka wa 3emara wa keda yab2a handasa wa ma3lesh eza kont tawely fe el kalam
wa aslamo 3alekom wa rahmotallah wa barakayo
Ramadan Kareem

Eng. Alios

28-08-2009, 04:22 PM

عندك حق ....

و اعتبري نفسك مثال ممتاز لكلية الحاسبات ...
لان حضرتك مجموعك عالي و ف الآخر اختارتي اللي بتحبيه ...

و فعلاً .... ميولك اساس مصلحتك و مستقبلك ...
و اوعى تدخل حاجة انت مش حاببها ... لانك ح تتعب في الآخر

بنت شبابيك

28-08-2009, 07:12 PM

بجد كلامكم حلو جدا و فعلا لازم الواحد يختار اللى بيحبه مش اللى الناس بتحبه ..............وربنا يوفقنا كلنا

fuoozz

29-08-2009, 04:01 AM

اولا مع احترامى ليك
خريج المعهد ذيه ذى الكليه بضبط
ولا عشان اسمه معهد وبعدين خريج معاهد معينه ذى الشروق مثلا
بيبقى شغل على طول ودراسة
مش ذى ماانت بتقول مش عارف يشتغل على الوورد والاكسل

Eng. Alios

29-08-2009, 04:10 AM

اولا مع احترامى ليك
خريج المعهد ذيه ذى الكليه بضبط
ولا عشان اسمه معهد وبعدين خريج معاهد معينه ذى الشروق مثلا
بيبقى شغل على طول ودراسة
مش ذى ماانت بتقول مش عارف يشتغل على الوورد والاكسل

لا يا باشا معلهش ...
انا عندي ناس خريجة معاهد ما تعرفش تشتغل على الفيجوال بيسك و كده ...

و بعدين الشروق دي اكاديمية مش معهد ... يعني تعتبر جامعة خاصة ...
و الجامعات الخاصة بيتعلموا برمجة ...

انا اقصد المعاهد الخاصة و ليس الجامعات الخاصة ...

في معاهد بالملايين علشان الكمبيوتر ....
و بيتخرجوا علشان يشتغلوا محاسبين و ليس مبرمجين ...
و بياخدوا لغة واحدة من لغات البرمجة , و اللغة دي كانت بتدرس ايام تالتة اعدادي ...

الشروق و 6 اكتوبر و المستقبل و فاروس و كل الجامعات الخاصة .... فيها برمجة عادي جداً .... و بياخدوا كل لغات البرمجة ...

بينما المعاهد الخاصة ... بياخدوا ورد و اكسل و بور بوينت ..... و لغة واحدة برمجة ....

و حتى لو اتخرج و اخد كورسات برمجة .... برضه اسمه محاسب و مش ح يبقى مبرمج بقوة مبرمج كلية الحاسبات و المعلومات ...

و الاختلاف في الرأي له احترامه ...

fuoozz

29-08-2009, 04:34 AM

اه معاك حق معلش
بس انا بقى واحد جايب مجموع زى الزفت
مش عارف هاحصل جامعه مصر كمبيوتر ساينس ولا لا
وبقيت فى صراع نفسى ومحتار جدا مابين اى معهد هندسة ادخله وبعدين احول لشروق ولا ادخ
ولا كمبيوتر ساينس ادخلها
وكل واحد بيمدح فى كليته ودراسته ويقول فيها قصائد شعر
مخلينى فى تردد على طول

Eng. Alios

29-08-2009, 12:58 PM

ادخل اي جامعة خاصة ... بلاش حكاية المعاهد دي ....

و على العموم ربنا ح يوفقك ان شاء الله ...

fuoozz

29-08-2009, 02:15 PM

يارب انا بفكر اقدم فى جامعه مصر للعلوم والتكنولوجيا
كنت ناوى على جامعه النهضة قريبة منى بس لقيت مصاريفها نار نار
19 الف جنيه حاسبات ومعلومات فى السنه 9500 جنيه فى الترم الواحد
وفى ترم صيفى دا غير السكن والاكل والشرب

eng.ahmed55

30-08-2009, 06:23 PM

كلامك ياAlios Pizza (http://www.thanwya.com/vb/member.php?u=57902) والله زى العسل فعلا البلد دى مش بتقدر حد هوا لما بتوع هندسة يشوفونا بنشتغل احسن منهم هيعرفوا ان الله حق وفعلا موضوع النقابة ده بيدرس حاليا وان شاء الله سنة او اتنين بالكتير والنقابة تتنشأ

Eng. Alios

30-08-2009, 07:30 PM

الله يخليك يا ahmed_va16

و زي ما انت قلت , لكن برضه علشان ما نظلمش المهندسين

في اقسام في الهندسة زي الفل و شغلها حلو ... الاتصالات ... و عندك بقى اقسام خاصة زي البتروكيماويات و النووي ..

بس برضه ح يعرفوا ان الله حق ...

ده الوزير بتاع التنمية الادارية قال ان تقريباً البطالة في مهندسي البرمجيات تكاد تكون معدومة ..

يعني مافيش بطالة ..

الطالبة السعيدة

30-08-2009, 08:02 PM

سكرا ليك على هذه المعلومات المفيدة

Eng. Alios

30-08-2009, 08:55 PM

العفو ... على ايه ؟

انا احب افيد ..

eng.ahmed55

31-08-2009, 12:42 PM

طب انت ياAlios Pizza (http://www.thanwya.com/vb/member.php?u=57902) فى حاسبات ايه واسمك الحقيقى ايه

Eng. Alios

31-08-2009, 03:32 PM

اسمي الحقيقي علي ...
و في حاسبات حلوان ان شاء الله

amour_amour88

31-08-2009, 04:41 PM

بجد كلامكم جميل جدا بس حضراتكم تعرفوا ايه المشكله المشكله كلها اتن الواحد بيبقي حاطط امل قدامه زي مثلا كليه الهندسهفلم مجموعه او نصيبه يقف عائق قدام دخولها اكيد بيزعل ومش بيعرف يفرق بعدها بين الصح والغلط بيبقي حاسس ان كل الكليات كلها بعد كده زي بعض بس صدقوني الواحد كان المفروض من الاول فكر يعني مثلا بتوع الاداب او التجاره مش بيشتغلوا .........اكيدلا طبعا

طيب دي كليه بتنسيق مرتفع واعدادها قليل بكتير ومطلوبه فلازم نأخد وقفه مع نفسنا ونفكر ونقول مش معقول كل دول غلط وانا اللي صح يعني انت او احنا مشكلتنا ان احنا مش عارفين ناخد قرار صح مره ف حياتنا حاطين نفسنا ف مكان ضيق اوي مع ان الدنيا حوالينا واسعه جدا بس هي دي العقليه المصريه السائده او اللي عودونا عليها فلازم احنا نتغير بأيدينا يا اما كده او حنفضل زي ما احنا

كل واحد لازم يأخد خطوه ف حياته بس تكون بتفكير ادخل الكليه وليه مش تتميز فيها انا اعرفواحد شخصيا ف هندسه كنت مفكر ان خريجي الهندسه اول ما يتخرجوا ييجي ليهم عقد العمل ع طول ففوجأت ان هو بيقولي _وهو تقدير جيدجدا_ انا رايح ادور ع شغل ف 6 اكتوبر ويااااااااااااااا عالم حيلاقي ولا لا

دور ع حاسبات ومعلومات انت لو احترت وملقتش شغل_ودا من سابع المستحيلات طبعا حتلاقي شغل_ حتفتح ورشه وتبقي ملك ولا حد يتمريس علك

صدقوني حاولي تفكروا انا كنت زيكم كده ف الاول كنت حاسس ان الدنيا وقفت بس لم فكرت عرفت اختار صح

انا ف حاسبات الزقازيق

Eng. Alios

31-08-2009, 05:14 PM

اهلاً و سهلاً بيكي وسط مجتمع حاسبات و معلومات ...
و عندك حق في كل اللي قلتيه ...

ما انا كنت ف الاول زعلان على هندسة ...
بس طلعت عبيط ...

انا ميولي كمبيوتر من صغري ...
و لما ميولي تبقى كلها كمبيوتر , يبقى قدامي حاسبات و معلومات مش هندسة ...

بس زي ما انتي قلتي ...
العقلية المصرية اللي ماشية بسياسة المعيز هى دي اللي ودتنا ف داهية ...

كله شايف ان هندسة و طب هما الاعلى ...
يعني حتى الصيدلة رموها على جنب اليومين دول ...

كله باصص للمنظر و الاسم ...

طب فين الشغل ؟
فين الشغل ؟

كلية حاسبات و معلومات دي الكلية الوحيدة اللي مش محتاجة وسايط في اي حاجة ...

الدكتور لما بيتخرج بعد ما يفقع 7 و لا عشر سنين ...
يا إما بيشتغل ممارس الأول مع دكتور كبير لمدة عشر سنين و بعد كده يفتح عيادة ...
يا إما يفتح عيادة من اولها و ده ممنوع ... و حتى لو عرف , متعرفيش ح يجيب راس المال منين ...
يا إما يشتغل في مستشفى حكومة و يكون مرتبه 200 جنيه شهرياً ...

المهندس ... لما بيتخرج بعد 5 سنين ... بيبقى عايز واسطة في القسم اللي هوا فيه علشان يشتغل ...

و هندسة الحاسبات برغم انه قسم جامد الا انه مالوش اكل عيش في مصر ...
و السعودية هناك قالت نفس الكلام , قالت ان هندسة الحاسب مش مطلوب بقوة زي هندسة البرمجيات ...

يا جماعة الوزير بتاع التنمية الادارية قالها : لا بطالة في مهندسي البرمجيات ..
و عميد كلية حاسبات حلوان قالها : لا بطالة في خريجي كلية الحاسبات لدينا ...

يعني اي قسم ح تشتغل ... ح تشتغل

بس معلهش , بكرا نقول : ح نتفرج ...

و الله ح نلاقي حاسبات دي مجموعها وصل لبترول و تبقى اعلى من هندسة ...
و نقابتنا ح تتعمل ح تتعمل ...
و اذا كان مالناش مكانة في مصر , ح يبقى لينا مكانة في الدول اللي بتقدر التكنولوجيا و التقدم ...

ملكش مكانة في مصر , ماتزعلش ...
احنا دولة متخلفة ... و لا نزال متخلفة و حتى و لو بعد 100 سنة ...

ح يبقى عندنا تكنولوبيا ان شاء الله في الخطة المهلبية الجاية !!!!!!!!!

fuoozz

31-08-2009, 06:09 PM

ادعيلى ياعلى معاك ابوبكر
ادخل حاسبات ومعلومات جامعه مصر
عشان خايف جدا متقبلش بسبب المجموع طبعا
بس سالت واحد قالتله لو قدمت التماس او اعتذار يتقبل

Eng. Alios

31-08-2009, 09:35 PM

يارب تدخلها

يااارب

amour_amour88

01-09-2009, 01:40 AM

ع فكره انا ولد مش بنت

fuoozz

01-09-2009, 03:14 AM

يارب ياغالى
ادعيلى عشان الدراسة فى الجامعه كويسة جدا
وبيدوا شهادات معادله يعنى ايه شهاده معادله

Eng. Alios

01-09-2009, 04:52 AM

و الله مش عارف يا فيوز

بس اعتقد هى تبتقى نفس الشهادة ... لكن من جامعتك انت

ربنا معاك ان شاء الله و ح تعدي ان شاء الله

و amour_amour88 ... اعذرني يا باشا , انا مخدتش بالي و الله

mido bassyo

01-09-2009, 02:36 PM

كمان شغل حاسبات أشيك و أمتع من هندسة
هتقعد فى تكييفك يا برنس قدام لاب توبك و تبرمج .. ولا فى نزول مواقع .. ولا كل يومين تروح الصحرا تبنى ولا تقف على بريمة بترول او تصلح تكييفات و تلاجات
ولا هتروح تراقب جودة و صيانة فى مصانع العاشر من رمضان و 6 اكتوبر .. ولا تشتغل فى محطة القاهرة لتوليد الكهربا و يبقى اسمك كهربائى بعد خمس سنين دعك
لكن فى حاسبات مش هتتبهدل م الاخر

بالنسبة للاخ اللى بيقول الكلام دا... اومال انت زعلت ليه اوى لما عرفت انك مش هتنزل مواقع ولا هتروح تراقب جودة و صيانة.... الهندسة راحت ولا جت... برده هندسة...... ما تعيبش فى حاجة انت مش فيها . اوك الحاسبات زى الفل و مية مية..... بس ما تجيش على هندسة و النبى

mido bassyo

01-09-2009, 02:40 PM

اسمى كهربائى؟ هههههههههههههههههههه المهنددس بيبقى اسمه كهربائى......... شعب مسخرة احنا

fuoozz

01-09-2009, 02:56 PM

كلام الاخ ميدو صح هندسة كليه كبيرة ومينفعش يتقال عليها حرف غلط كفايه انها بتاخد من 93%

AL_Gawad

01-09-2009, 04:21 PM

بصراحه الناس اللى فى حاسبات هم اللى غلطنيين لان هم على طول محسسين نفسهم انهم اقل من هندسه علشان حاسبات بتاخد اقل من هندسه يبقى بتاع حاسبات اللى محصلش هندسه واللى دخل هندسه هو اللى جايب مجموع كبيير ومتفوق وميه ميه الحكايه مش فى مجموع الثانويه المهم اللى ينجح ويطور نفسه فى الكليه بتاعته وما اكثر اللى دخلوا حاسبات او هندسه ومطوروش نفسهم فى الكليه وفى الاخر ملقوش شغل الشغل الكويس فى حاسبات وهندسه عايز تقدير و كورسات ولغه حتعمل دول هتلاقى شركات كيييره بيطلبوك هتريح باه فى الكليه وتقول خلاص انا عملت اللى عليه ودخلت هندسه وجبت مجموع فى الثانويه يبقى ضيعت نفسك على الرغم من انك فى هندسه واسمك مهندس ونفس الحكايه فى حاسبات
فياريت بقى ننسى حكايه هندسه و حاسبات ده و نجتهد فى الكليه اللى ربنا كتبهلنا
سنه اولى حاسبات

Eng. Alios

01-09-2009, 04:56 PM

الاخ mido bassyo

انت مهندس ... على عيني و على راسي
و محدش جاب سيرة كلية الهندسة في حاجة وحشة يعني ...

كلية الهندسة مهما كانت كلية مرموقة و عريقة ...

انا بس باحب اشجع اللي داخل حاسبات
و باقول له يتميز ....

المهندس مش ح يبقى مهندس الا بمجهوده و تعبه و تميزه ...
الدكتور مش ح يبقى دكتور الا بمجهوده و تعبه و تميزه ...

انا بحب اشجع اللي داخل حاسبات , علشان كلية حاسبات دي مش شوية ...
دي كلية فوق الممتازة كمان ...

و كلية هندسة برضه كلية فوق الممتازة ... و كلية مرموقة ...

انا احترم رأي الآخرين ... و لا احب الاعتراض الذي يؤدي الى الخلاف و النزاع ...

mido bassyo

01-09-2009, 05:37 PM

Eng. Alios

01-09-2009, 05:46 PM

يا اخ ميدو ... انا معتبرك مهندس حتى ولو كنت في اعدادي هندسة ...

ربنا يوفقك ان شاء الله

dando-255

07-09-2009, 11:00 PM

الاخ alios

كلام حضرتك صح مية فى المية و انا عارف ان كلية الحاسبات كلية محترمة و كلية جامدة جدا انا معاك فى كل دا بس انا بتكلم على كلام الاخ التانى دا اللى بيتريق ع المهندسين و بيقولك بينزل مواقع و شبكات صيانة ومش عارف ايه.... مش كلام يتقال يعنى هههههههههه . انا مش مهندس انا لسه اعدادى هندسة

اخ ميدو
انا اسف لو الرد دا ضايقك
مش انا اللى كتبته اصلا .. انا لقيته فى منتدى و عجبنى قولت انقله هنا
و مظنش ان الراجل يقصد يهين المهندسين .... هو بيتكلم فى طبيعة عمل المهندس المتخرج
و أظن انك مش مختلف فى اللى قاله
ماهو فعلا مهندس الميكانيكا بيروح مصانع العاشر من رمضان و يلبسوه خوذة صفرا زى العمال و يشغل الات و يعمل صيانة و مراقبة جودة
و مهندس المدنى بيتمرمط فى بداية حياته فعلا و شغله كله بيبقى فى مواقع و غالبا صحراوية فى عز الشمس
و اللى بياخد منهم مرتبات عالية مبيلحقش يصرفها و يستمتع بيها من كتر وقته و مجهوده اللى ضايع
دا كان قصد الراجل ... لكن ميقصدش اهانة المهندس ... دا بيتكلم فى امر واقع
و عامة لو الرد زعلك انا اسف جدا .. و اعتبره مقالش حاجة
و الهندسة كلية زى الفل يا معلم و نمرة واحد بشرط ان اللى داخلها يكون فاهم هو داخلها ليه و ايه هتطون طبيعة عمله
شكرا

Eng. Alios

08-09-2009, 02:18 AM

عفارم عليك و الله

ردك في منتهى الجمال و الاحترام
جزاك الله كل خير

mohamedelzwidy

10-09-2009, 12:47 AM

يا جماعة قريب جدا اناهعمل موضوع في القسم ده هكلمك فيه عن تجربتي الكاملة في كلية الحاسبات والمعلومات وانا علي فكرة متخرج من سنة

و انتظروني قريبا
علشان اكون جمعت كل المعلومات الي عندي التي تفيدكم بدراستكم

انا اسمي محمد الزويدي وده ايميلي للتعارف
zizoooooo85***********

غدا انشاء الله لو كان ليا عمر هكلمك باستفاضة كبيرة عن كلية الحاسبات والمعلومات ومستقبلها

سلام مؤقت

Eng. Alios

10-09-2009, 01:03 AM

احنا في الانتظار ...

بس ايميلك ياهو و لا هوتميل , علشان مش واضح للأسف

eng/el doktor

15-09-2009, 02:10 PM

مبدئيا أرحب بكل مهندسين المستقبل المصريين واللى هيمثلوا إسم مصر ف كل حته يروحوها بعد كده إن شاء الله بس نصيحه للبشمهندس على عشان تبقى صادق مع نفسك وبإذن الله لما تروح تشتغل بره فى أى دوله من دول العالم الأول إبقى عرفهم إن إنت إبن الدوله المتخلفه المهلبيه وشوف هيشغلوك ولا لا وانت بقى المبرمج العبقرى اللى بنيت نفسك بنفسك والدوله المتخلفه دى معلمتكش أى حاجه هو ده الانتماء يا بشمهندس على فكره مش معنى كده إن مفيش أخطااااااااااء لا تعد ولا تحصى فى بلدنا لكن ميصحش نتكلم عنها بالاسلوب ده دى نقطه حبيت ألفت نظر البشمهندس على ليها ولعلمك يا بشمهندس إحنا زمايل أنا أحمد على من المنصوره مستجد ف حاسبات ومعلومات حلوان وعجبنى الكلام الحلو ده كله ما عدا شوية نقااط لكن طبعا إختلاف الرأى لا يفسد للود قضيه إحنا يا جماعه لينا تفكير كشعب مقدرش أقول تفكير جاهل لكنه تفكير غريب جدا
للأسف طلبه وأولياء أمور إن التنسيق ده مقياس للكليه أولا حتة الشغل دى مينفعش نتكلم فيها بالتحرر ده لالن دى حاجه بتاعة ربنا مش ف إيدينا الله أعلم بيها بمعنى أعمق إعقلها وتوكل أشوف أنا عاوز ايه أعمله هل معنى إن أنا مدخلتش أحياء مش هبقى دكتور لو أان فعلا عاوز اكون دكتور عشان نفسى بس عشان انا عاوز أبقى كده بصرف النظر كليا وجزئيا عن نظرة المجتمع ممكن يبقى عندى خبره فى المجال ده عن طريق القرايه واعرف أدى حقن مثلا واعرف أسماء الادويه المشهوره بمعنى أعمق برضه أعرف شيئ عن كل شيء ولا أعرف كل شيء عن شيء وأثقف نفسى ف كل المجالات وأزود خبرتى فى مجالى بصرف النظر مطلوب ف مصر أو بره مصر أو مش مطلوب خالص أنا بعمل اللى عليا وربنا هيسوقلى الشغل لغاية عندى لو أنا صادق فى طلبه بالنسبه لموضوع التنسيق ده أنا عمرى ما إعتبرته مقياس مثلا كلية التعدين والبترول اللى ف السويس اللى رافع تنسيقها ف السما كده ايه إن هى كليه واحده على مستوى الجمهوريه والدليل على كده الازهر عندهم كليتين هندسه بس تلاقى الهندسه عندهم من 96 وطالع ده معناه إن التنسيق مش مقياس لاى حاجه بالنسبه لحاسبات كليه فوق الرائعه للى يفهمها مش اللى يمشى ورا الالقاب هى الالقاب بتأكل عيش يا عم الحج يعنى هو ده اللى مش تخلف طب يا بشمهندس على حاسبات حلوان إتفتح فيها قسم جديد السنه دى اللى هو هندسة برمجيات قول لاى حد من اللى مش عاجبه الكليه أنا فى حاسبات قسم هندسة برمجيات هيقولم مبرووووووووووووووووووووووووووك يا بشمهندس ودى فطرة الانسان المصرى مش جهل ولا حاجه دى نابعه من إن كل واحد نفسه ومنى عينه يشوف أولاده أحسن ناس دا من وجهة نظر المجتمع طبعا لكن متعملش إلا اللى إنت مقتنع بيه ميه الميه ومتفكرش فى موضوع الشغل ده الوقتى خالص عشان متندمش وحب بلدك حتى لو قست عليك ومتنقلش كلام وخلاص وإعمل لنفس دنيا لوحدك كون طبيب ومهندس ومحمى ومدرس وكل حاجه فيها وتخل فيها اللى غنت عاوه بس من الناس واللى مش عاوزه إديله ضهرك وأتمنى أشوفك ف الكليه يا بشمهندس وأوعى تزعل منى وآسف جدا على الاطاله

Eng. Alios

15-09-2009, 02:59 PM

اولاً : جزاك الله كل خير على ردك الجميل ...

ثانياً : تعال بقى نتكلم على مصر ... انا مبتكلمش على مصر كدولة , مصر مهما رحت و مهما جيت دي بلدي و انا باحبها ... و محدش يقدر على بعد مصر خالص ....

ثالثاً : المواطن المصري انا معاك ان له فطرة اتولد عليها .... لكن معلهش , احنا لازم نتطور ... ميبقاش كل حياتنا هندسة و طب ... ليه منخليش حياتنا كلها علم ... منخليش حياتنا كلها قانون و اجتماعيات ....

متبقاش الحياة كلها للهندسة و الطب ... و لا ايه يا باشمهندس ؟! :-)

رابعاً : المستقبل في الاول و الآخر ده بتاع ربنا و صدقني انا قلت كده و مازلت بقول كده ....

خامساً : انا ممكن مثلاً بحب الطب , و قريت عن الطب كتير و اعرف ادي حقن و اكشف و اعرف المرض .... لكن عمري عمري مثلاً ما ح ابقى زي الدكتور .... لأن الدكتور عنده خبرة .... مش كل من قرا كتب طب بقى دكتور ... و لا ايه يا باشمهندس ؟ :-)

سادساً : انا حالياً سبت حاسبات و معلومات و حولت فنون عمارة ... لان انا حلمي من صغري اني امسك مسطرة حرف t !! و في نفس الوقت ميولي اني ارسم على الكمبيوتر و استخدم الكمبيوتر بشغف ... و لكن مع ذلك انا مازلت متمسك بحاسبات و معلومات من قلبي كمان و متأكد انها احسن من بترول كمان !

لازم كل واحد يحب كليته و يرتفع بيها للسما ...

سابعاً : انت معاك حق فعلاً في انطباع الناس لما اقول لهم ان انا حاسبات قسم هندسة برمجيات ... فعلاً اتغيرت انطباعات بعض القرايب من الكآبة للسرور و الفرح .....
ده علشان سمعوا كلمة هندسة و بس .... هندسة بقى برمجيات هندسة ابو زعبل ... مش مشكلة ...
المشكلة طبيعتنا اللي ربتنا على كدا ... نبص للاسم و السمعة ... و مانبصش للعلم و المستقبل ...

لكن جزاك الله كل خير على الكلام الجارح دا .... :-) , انا بهزر طبعاً ...

كلامك زي الفل و افادني في حاجات كتير

جزاكم الله كل خير

eng/el doktor

16-09-2009, 10:19 PM

eng/el doktor

17-09-2009, 12:23 AM

على فكره القسم ده اسمه هندسة برمجيات اللى ف جامعة حلوان عشان بجد عاوز رأيكم عشان انا معرفش عنه معلومات قد كده ومشكورين جميعا

Eng. Alios

17-09-2009, 04:58 AM

أحلى سلام للدكتور على قصدى البشمهندس على ف كلا الحاتين أنا إلتمست فيك إنك شخصيه ما شاء الله ناضج فكريا ومحترم ومتتخيلش أنا بحترم الشخصيه اللى كده أد إيه وطبعا أنا والله ما قصدت بالكلام الجارح ده إلا كل خير وأعتقد إنك إستوعبت كده وخساره إنك سبت حاسبات وإنت بالعقليه دى ربنا يكرمك وإن شاء الله تبقى دكتور ف الجامعه ومش أى دكتور كمان وطبعا أنا مش بشكك ف حبك لبلدك لكن كل واحد بيعبير عن مشاعره من وجهة نظره اللى هى مرايه للبيئه الأسريه والإجتماعيه اللى نشأ فيها وغالبا بيكون مقتنع بيها لدرجه أنه ممكن يصم آذانه عن أى وجهات نظر خارجيه بس إنت ما شاء الله متجاوب ودى حاجه نادره شويه انا بس حبيت أقول إن الإنسان اللى واثق من نفسه ومن قدراته لا يمكن ينحنى تحت أى عراقيل نفسيه كانت أو ماديه وبيثبت نفسه ف أى مجال وأنا بقولك اللى يقرأ عن الطب مش عشان يبقى دكتور ولا حاجه أنا أقصد إنه يبقى عنده ولو خلفيه عن كل شيئ أحسن من إنه يبقى متعمق فى مجال واحد وأنا عن نفسى ياااااااااااااااا ما سمعت عن حاسبات واللى يقولى روح المعهد العالى للتكنولوجيا ببنها دا أحسن من الهندسه واللى يقولك ملكش نقابه واللى يقولك زيك زى معهد حاسب آلى وطبعا إنت تفضلت مشكور ووضحت كل الكلام ده لكن أنا ملتفتش للكلام ده بصرف النظر كان صح ولا غلط أنا دخلت وسايبها لله وواثق فى نفسى الحمد لله لان أنا مؤمن جدا أنه ليس هناك ناجح وفاشل لكن هناك محاول ويائس وربنا يستر ...... نيجى بقى للمهم دلوقتى أنا زى ما قولت انا ف حاسبات حلوان وكان قدامى أحول المنصوره اللى هى بلدى ومع ذلك أنا معملتش تحويل بس موضوع القسم اللى ف حلوان ده قالقنى جدا وأعتقد البشمهندس على يقدر يفيدنى فيه لان انا بفكر فيه بس متخوف خصوصا إنه من أول سنه فياريت أعرف رأى البشمهندسين ويهمنى رأيك يا بشمهندس على لان الموضوع ده شاغلنى جدا وآسف جدا ع الاطاله دى وشكرا يا بشمهندس على زوئك

ياباشا و الله ده كرم منك ... كفاية كلمة شكراً بس .... :d
انا مدخلتش فنون جميلة عمارة تحت ضغوط نفسية , بس علشان ما اتقوقعش في مجال واحد بس .... لأن مجال الكمبيوتر رغم انه مفتوح بس في مصر محدود و شركاته المتخصصة ( المتخصصة فقط في مجال البرمجة و قواعد البيانات ) مش كتيرة ... فالواحد مش ضامن نفسه يعني , فبدل ان انا اخدم مجال واحد , اخدم مجالين , اخدم مجال العمارة و هندستها و اخدم في نفس الوقت مجال الكمبيوتر ...
علشان كده أنا مش ح اسيب نفسي للعمارة و بس , لازم ح اخد كورسات كتيير في البرمجة و الهاردوير كمان ... و يمكن مش ح ابقى قوة خريج حاسبات و معلومات طبعاً , إلا إني لازم يكون عندي خلفية عن كل ده ...

جزاك الله كل خير على كلامك الجميل اللي بجد يقنع اي حد يعني ...

على فكره القسم ده اسمه هندسة برمجيات اللى ف جامعة حلوان عشان بجد عاوز رأيكم عشان انا معرفش عنه معلومات قد كده ومشكورين جميعا

تعال بقي يا باشمهندس نكلمك عن هندسة البرمجيات ..

أولاً : انت لو سألت أي حد في القسم ده ... ح يكرهّك فيه لعدة أسباب ..
ثانياً : تعال نتكلم على المميزات و العيوب باختصار :

المميزات :
- قسم جديد و تخصص جديد .
- التخصص مش موجود طبعاً في أي كلية هندسة في مصر .
- عدد الطلاب اللي فيه قليل جداً .
- شهادتك اسمها : بكالوريوس حاسبات و معلومات - تخصص هندسة البرمجيات ... طبعاً انا قلت اسم الشهادة علشان فيه اشاعات بتقول ان الشهادة اسمها بكالوريوس حاسبات تخصص علوم حاسب و ده غلط طبعاً ..
- لقبك الوظيفي : مهندس برمجيات .
- مش موجود غير في جامعة حلوان و بس .
- له شئون طلبة خاص لوحده و له اتحاد طلبة لوحده .
- قسم مستقل عن بقية الأقسام العامة التانية .

العيوب :
- مقرراته عبارة عن مزيج من مقررات قسم علوم حاسب على مقررات قسم نظم معلومات و مقررات قسم تكنولوجيا معلومات .
- مفيش غير كام مادة عن هندسة البرمجيات .
- المادة بـ 500 جنيه , و السنة بـ 6000 و ممكن توصل لـ 7000 على حسب المواد اللي انت بتختارها .
- القسم بنظام الساعات المعتمدة , يعني ممكن تتخرج في تلات سنين و ممكن تتخرج في سبع سنين , و النظام ده طبعاً مخدش حقه في مصر .
- السقوط في مادة , بتدفع تمنها تاني عند الإعادة .
- بتدفع اربعة و عشرين الف جنيه في اربع سنين علشان لقب مهندس برمجيات .

رأي الطلبة اللي في القسم :
طبعاً أنا كلمت بعض الطلبة اللي في القسم ...
قلة قليلة منهم شجعوني على دخول القسم ..
أما الباقي فهما عاوزين ينقلوا لقسم عام ... لأن التخصص ده مواده زي مواد الاقسام العامة و مفيش جديد غير انك بتاخد لقب مهندس برمجيات .. طبعاً بيقولوا إن الإهتمام بالقسم مش قد كده رغم انه قسم خاص و مستقل ... و تكاليف القسم رغم انها شبه رخيصة إلا إن فيه مصاريف للكتب و كده و دي اللي بتقفل الموضوع شوية ...
و محدش بيعدي قد كده , لانه قسم بنظام الساعات المعتمدة يعني ممكن تريح لك سنة و تكمل عادي , أكنك بتعمل دراسات حرة ...

رأيي :
طبعاً انا من رأيي إنك متدخلش القسم لعدة أسباب ( رغم اني كنت متحمس زيك كده ) :
- القسم ده ح يبقى عام بعد كده في كل كليات الحاسبات و المعلومات ... جامعة اسيوط ناقشت تحويل قسم علوم الحاسب في كل الكليات الى قسم هندسة برمجيات ... و رغم انهم موصلوش لحل , إلا إن الاجتماعات دي مازالت قائمة و احتمال كبير انه يتم تحويل اسم علوم حاسب الى اسم هندسة برمجيات بعد انشاء النقابة ان شاء الله ...
- ممكن تدفع فلوسك في الأرض , لانك مش ضامن اذا كنت ح تعدي بتقديرات عالية و لا لأ ... على فكرا انت ممكن تريح لك كام سنة كمان , لأن القسم ماشي بالنظام الأوروبي ( نظام الساعات المعتمدة ) و زي ما قلت لك ممكن تتخرج في تلات سنين و ممكن تتخرج في عشر سنين ...

فمادام ح يبقى القسم عام بعد كده .. يبقى ملهاش لزمة انك تدفع فلوسك في الارض و خصوصاً انه ارخص قسم خاص من بين الاقسام الخاصة الجديدة اللي موجودة في كل كليات مصر زي الهندسة و الطب و الصيدلة و كده ...

و برضه القرار ليك يا باشمهندس ...
و حضرتك حر يعني ...

جزاكم الله كل خير

eng/el doktor

17-09-2009, 09:06 PM

ياباشا و الله ده كرم منك ... كفاية كلمة شكراً بس .... :d
انا مدخلتش فنون جميلة عمارة تحت ضغوط نفسية , بس علشان ما اتقوقعش في مجال واحد بس .... لأن مجال الكمبيوتر رغم انه مفتوح بس في مصر محدود و شركاته المتخصصة ( المتخصصة فقط في مجال البرمجة و قواعد البيانات ) مش كتيرة ... فالواحد مش ضامن نفسه يعني , فبدل ان انا اخدم مجال واحد , اخدم مجالين , اخدم مجال العمارة و هندستها و اخدم في نفس الوقت مجال الكمبيوتر ...
علشان كده أنا مش ح اسيب نفسي للعمارة و بس , لازم ح اخد كورسات كتيير في البرمجة و الهاردوير كمان ... و يمكن مش ح ابقى قوة خريج حاسبات و معلومات طبعاً , إلا إني لازم يكون عندي خلفية عن كل ده ...

جزاك الله كل خير على كلامك الجميل اللي بجد يقنع اي حد يعني ...

تعال بقي يا باشمهندس نكلمك عن هندسة البرمجيات ..

أولاً : انت لو سألت أي حد في القسم ده ... ح يكرهّك فيه لعدة أسباب ..
ثانياً : تعال نتكلم على المميزات و العيوب باختصار :

المميزات :
- قسم جديد و تخصص جديد .
- التخصص مش موجود طبعاً في أي كلية هندسة في مصر .
- عدد الطلاب اللي فيه قليل جداً .
- شهادتك اسمها : بكالوريوس حاسبات و معلومات - تخصص هندسة البرمجيات ... طبعاً انا قلت اسم الشهادة علشان فيه اشاعات بتقول ان الشهادة اسمها بكالوريوس حاسبات تخصص علوم حاسب و ده غلط طبعاً ..
- لقبك الوظيفي : مهندس برمجيات .
- مش موجود غير في جامعة حلوان و بس .
- له شئون طلبة خاص لوحده و له اتحاد طلبة لوحده .
- قسم مستقل عن بقية الأقسام العامة التانية .

العيوب :
- مقرراته عبارة عن مزيج من مقررات قسم علوم حاسب على مقررات قسم نظم معلومات و مقررات قسم تكنولوجيا معلومات .
- مفيش غير كام مادة عن هندسة البرمجيات .
- المادة بـ 500 جنيه , و السنة بـ 6000 و ممكن توصل لـ 7000 على حسب المواد اللي انت بتختارها .
- القسم بنظام الساعات المعتمدة , يعني ممكن تتخرج في تلات سنين و ممكن تتخرج في سبع سنين , و النظام ده طبعاً مخدش حقه في مصر .
- السقوط في مادة , بتدفع تمنها تاني عند الإعادة .
- بتدفع اربعة و عشرين الف جنيه في اربع سنين علشان لقب مهندس برمجيات .

رأي الطلبة اللي في القسم :
طبعاً أنا كلمت بعض الطلبة اللي في القسم ...
قلة قليلة منهم شجعوني على دخول القسم ..
أما الباقي فهما عاوزين ينقلوا لقسم عام ... لأن التخصص ده مواده زي مواد الاقسام العامة و مفيش جديد غير انك بتاخد لقب مهندس برمجيات .. طبعاً بيقولوا إن الإهتمام بالقسم مش قد كده رغم انه قسم خاص و مستقل ... و تكاليف القسم رغم انها شبه رخيصة إلا إن فيه مصاريف للكتب و كده و دي اللي بتقفل الموضوع شوية ...
و محدش بيعدي قد كده , لانه قسم بنظام الساعات المعتمدة يعني ممكن تريح لك سنة و تكمل عادي , أكنك بتعمل دراسات حرة ...

رأيي :
طبعاً انا من رأيي إنك متدخلش القسم لعدة أسباب ( رغم اني كنت متحمس زيك كده ) :
- القسم ده ح يبقى عام بعد كده في كل كليات الحاسبات و المعلومات ... جامعة اسيوط ناقشت تحويل قسم علوم الحاسب في كل الكليات الى قسم هندسة برمجيات ... و رغم انهم موصلوش لحل , إلا إن الاجتماعات دي مازالت قائمة و احتمال كبير انه يتم تحويل اسم علوم حاسب الى اسم هندسة برمجيات بعد انشاء النقابة ان شاء الله ...
- ممكن تدفع فلوسك في الأرض , لانك مش ضامن اذا كنت ح تعدي بتقديرات عالية و لا لأ ... على فكرا انت ممكن تريح لك كام سنة كمان , لأن القسم ماشي بالنظام الأوروبي ( نظام الساعات المعتمدة ) و زي ما قلت لك ممكن تتخرج في تلات سنين و ممكن تتخرج في عشر سنين ...

فمادام ح يبقى القسم عام بعد كده .. يبقى ملهاش لزمة انك تدفع فلوسك في الارض و خصوصاً انه ارخص قسم خاص من بين الاقسام الخاصة الجديدة اللي موجودة في كل كليات مصر زي الهندسة و الطب و الصيدلة و كده ...

و برضه القرار ليك يا باشمهندس ...
و حضرتك حر يعني ...

جزاكم الله كل خير
شكرا جزيلا يا بشمهندس على بس أنا لاحظت حاجه إنت كنت بتتكلم عن أقسام حاسبات ف كل الجامعات وإتكلمت على هندسة البرمجيات بحماس جااااااااامد يشجع كل اللى متردد إنه يدخل القسم ده وحاليا الكلام شبه النقيض وبصراحه أنا كده إحترت أكتر:bosyht9:

Eng. Alios

17-09-2009, 11:24 PM

الكلام دا كان في الأول يا ريس ... مكنتش اعرف إلا مميزاته و بس ...

إنما دلوقتي عرفت مميزاته و عيوبه و ح اصحح ده في الموضوع إن شاء الله ...

جزاكم الله كل خير

eng/el doktor

18-09-2009, 12:53 AM

الكلام دا كان في الأول يا ريس ... مكنتش اعرف إلا مميزاته و بس ...

إنما دلوقتي عرفت مميزاته و عيوبه و ح اصحح ده في الموضوع إن شاء الله ...

جزاكم الله كل خير
أوك يا بشمهندس أنا هسأل برضه وح عمل إستخاره واللى فيه الخير يقدمه ربنا .. المهم ممكن إيميلك ياهو عاوز اتكلم معاك شويه دا بعد غذنك طبعا

Eng. Alios

19-09-2009, 01:27 AM

الحقيقة معنديش ياهو , لكن ممكن تضيف هوتميل :

in_metal_i_live في الهوتميل ...

جزاكم الله كل خير

dando-255

19-09-2009, 06:26 PM

Eng. Alios

19-09-2009, 06:44 PM

dando-255

19-09-2009, 07:17 PM

حضرتك كاره الهندسة على فكرا ...

على فكرا , أنا ميولي مكنتش كمبيوتر لوحدها يعني ...

انا حلمي من ابتدائي اني امسك مسطرة حرف t ... كنت أياميها مفكرها حاجة غريبة ... و كنت بسأل نفسي دايماً ايام ما كنت في ابتدائي : ليه الناس الكبيرة بس هيا اللي ماسكاها ؟ و ليه بتوع الابتدائي ميسمكوهاش ؟

زائد ان ابويا اصلاً شجعني على العمارة ...

و بعدين باين على حضرتك كده ان معندكش اي خلفية عن العمارة ...

مهندسين المدني = مقاولين بمعنى الكلمة , يعني يادوبك ينفذ اللي مرسوم له ...
المعماري أرقى و مفيش حاجة اسمهم بيفضلوا , لأن المعماري و المدني بيكملوا بعض ...

و دي بعض الحقايق عن عمارة و اللي مصر متعرفهاش :
- العمارة دي من أول أقسام كلية الهندسة .. يعني من ساعت ما كلية الهندسة اتبنت و هيا أول قسم .. و مازلت أول قسم و أرقى قسم ... و بيسموه فن الهندسة و هوا فعلاً أساس الهندسة ...
- العمارة في هندسة بتاخد تقدير جيد من اعدادي زائد امتحان قدرات كمان .. يعني مش اي حد يبقى مهندس معماري ... و على عكس المدني اللي بياخد من مقبول ..
- المهندس المعماري بيرسم و ينفذ كمان , لانه بياخد مواد كتير من مدني ... اما المهندس المدني بينفذ بس و مبيرسمش , يعني اللي بيتحكم فيه المهندس المعماري .... و المدني مبياخدش مواد من معماري ...
- المهندس المعماري مطلوب عن المدني و بكثرة ... و الاتنين مطلوبين كده كده ...

و مش ح اقدر اقول اكتر من كده ... لان الكلام عن العمارة كتيييير ... و مش ح يفيد إلا اللي فاهم ...

أما بالنسبة للناس اللي انتقدهم يا معلم ... فانا منتقدش حد ... انا قلت ان خريج التجارة او الهندسة لو اخد كورسات مش ح يبقى بقوة خريج حاسبات و معلومات .... لكن مقلتش انه زبلاة و انه مش فاهم حاجة ....

و بالنسبة للقب ... فانا عمري ما دورت على لقب .... و زي ما قلت لك حلمي من ابتدائي اني امسك مسطرة حرف تي و اطلع زي ابويا : مهندس معماري ...

ياريت تفهم الناس صح .... و اوعى تكره المجالات التانية ..... الهندسة و الطب و الصيدلة و كل دي كليات جميلة و معروفة و مش مكروهة ..... احنا بس بنقول ان الناس لازم تبص لقدام , و ماتبقاش الحياة كلها لهندسة و طب .... لازم الحياة تبقى هندسة و طب ... و حاسبات !!

و انا مع حاسبات و معلومات قلباً و قالباً ... معاهم من كل قلبي ...

جزاكم الله كل خير

يا باشا براحتك أدخل اللى يعجبك
بس متقولش انا هشتغل فى المجالين .. انت كدا بتقلل من المجال اللى انا فيه و مينفعش اسكتلك
على اساس ان مجال الحاسبات دا مجال مكمل و اى حد بشوية كورسات هيقدر يخدم فيه على حد قولك
و انت لو داخل عمارة عشان عجباك المسطرة يبقى لا تعليق فعلا .. و كنت بتقول نفس الكلام ايام ما كنت حاسبات بس بدل المسطرة كنت بتحكى عن عشقك و مغامراتك مع الكومبيوتر
و طبعا انا عارف ان مش بيهمك اللقب و الكلام الفارغ دا بدليل ان اول ما جتلك فنون عمارة جريت تغير اسمك و حطيت جنبه كلمة Eng
و طبعا بقدرة قادر بقت العمارة هى اشيك و ارقى و اعظم مجال فى الهندسة
و بتوع المدنى دول حيا الله مقاولين
عارف انت عندك مشكلتين
المشكلة الاولى انك بتسقف لأى حاجة انت فيها
المشكلة التانية انك عاوز تاخد كل حاجة .. الصبح معمارى و العصر مهندس كومبيوتر و بليل تفتح عيادة دكتولا اسنان
واللى زى دول مش بيوصلوا لحاجة خالص
...
على فكرة بتوع مدنى بياخدوا مواد تصميم و رسم
الفرق بينهم و بينكم انهم مش بيركزوا اوى فى التصميم لأنهم مش رسامين على قد ما هما عقول منورة
كل خطوة بيعملوها فى شغل المقاولة على حد قولك بيبقى ليها إكويشن (معادلة) شغل تفاضل و تكامل و حسابات معقدة بتوع العمارة ميفهموهاش
و صاحب المشروع اللى عاوز ينجز و يوفر بيجيب بتاع مدنى .. لكن بتوع عمارة دول مبيشتغلوش غير لو صاحب العمل عاوز شياكة فى التصميم
..
و على فكرة انا ولا كاره هندسة ولا كاره المجالات التانية
انا اللى كارهه سياسة المعيز
و ربنا يوفقك يا معلم و تبقى كل حاجة انشاء الله

Eng. Alios

19-09-2009, 07:38 PM

انت عارف معنى كلامك ايه ..

ان انا ضايع ضايع ...... في حاسبات ضايع و في عمارة ضايع ... و في بترول ضايع ....

يعني انا كده في الضياع و مش ح انفع بساغ واحد ...

ممكن أسألك سؤال :
- حضرتك سألت دكاترة هندسة مدني نفسهم علشان تعرف اذا كانت مدني احسن و لا عمارة ؟
- حضرتك شفت تواريخ كليات الهندسة من أول ما اتعملت ... مكنش فيها قسم مدني ... كان قسم مدني دا تبع عمارة أصلاً و هما فصلوه في بداية الخمسينات كده ؟
- حضرتك سألت خريجين مدني نفسهم ؟

ياريت تسأل ... لأن انت شكلك متعصب لحاسبات نفسها ..

ماهى حاسبات لو وصلت التوب ... ح نبقى برضه ماشيين بسياسة المعيز .... لان كله ح يجري ورا حاسبات و ورا لقب مهندس برمجيات !!

و بلاش اقول لك بتوع حاسبات مستعجلين على النقابة ليه ؟!! ... كل واحد ح يبين حجته ... لكن الحجة اللي في قلب كل واحد حاسباتي انه يبقى اسمه مهندس برمجيات !!!

فمهما ح تقابل ناس حاسبات اشكال و الوان ح يقولوا لك : مش هاممنا غير اننا نشتغل ...

لكن لو دخلت جوه قلبهم ح تلاقيهم هاممهم انهم يبقوا مهندسين رسميين!! رغم انهم بيتقال لهم يا باشمهندس من باب الإحترام ( في مصر بس طبعاً )

و الله اعلم ... لكن دا اللي متأكد منه ...

اما بالنسبة للقب eng ... فدور في اعضاء الحاسبات اللي هنا و اللي في fci4all ح تلاقي كلمة eng دي كتيييييييييييييييييييييييييييييييييييييييييييييييي يييييييير ....

و على فكرا انا قلت ان انا مع حاسبات مش ضدها ... و مع النقابة ...

و ناوي اكمل فيها دراسات عليا ....

و لما تشتغل اكتر من وظيفة ... ده مش عيب , لان كترة الوظايف بتديك خبرة في الحياة و بيوصلوا لحاجات مش لحاجة واحدة ....

و بعدين لما انت تبقى مهندس معماري بيبقى عندك خبرة في الكمبيوتر و خبرة في كذا و خبرة في كذا ..

لكن انت ح تشتغل بوظيفة واحدة ... !!! و بالخبرات دي ح توصل لحاجات كتيييييييييييير !!

ارجوك تحسن من كلامك و من وجهة نظرك ... لان بكلامك ده حسيت اني مليش لزمة في الدنيا و لا في الأخرة ... !! و الناس مش ح تسمع لا كلامك و لا ح تقتنع بيه , لان انت متعصب من كلامك , و النوع دا الناس مبتستريحلوش !!

خليك راقي و خلي عندك معلومات أكتر .... و متنغلقش على موضوع من زاوية واحدة ...
بص للموضوع من كذا زاوية ...

و متنساش تسأل دكاترة هندسة مدني !! :-)

جزاكم الله كل خير