بسم الله الرحمن الرحيم
-----------------------
اكيد طبعا عارفنى يا بنات ....:d:d
ولو مش عارفنى:blush::blush:
فانا ديرو حولت من القاهرة لعين شمس:o
يعنى بقيت مهندسه فعين شمس رسمى فهمى نظمى اى حاجه:av4056bb7jp3::av4056bb7jp3:

*** المهم***

**طبعا انتم عارفين الاساتذه اللى بيقولوا بنات هندسه معقدين:mad::mad:...وما بالكم ببنات هندسه عين شمس(الاكثر تعقيدا ):mad:

**وكمان اكيد سامعين اللى بيقولك البنات داخلين هندسه ليه وبيعملوا فيها ايهدى كليه ولاد (آل يعنى الحاج اللى عملها كتب للولاد فقط )...؟

امممم الكلام مش عاجبكم عارفه:confused::confused:
بس ده الواقع اللى قابلناه لما قررنا ندخل هندسه بالذات:abdoog8::abdoog8:
***وكمان عايزه اى بنوته تعرف اى حاجه جديده عن الكليه
عارفه دكاترة معينين هناك ايه اكتر حد ممكن نفهم منه ونحضرله كده يعنى ...لازم تدخل وتقولنا... وانا بقدر الامكان هجيبلكم كل اللى اعرفه عنها...بس ورونى همتكم الاول وكلنا هنستفيد باذن الله

***يلا لما اشوف هنثبتلهم اننا الاجدر بيها فعلا ولا هما كلمهم صح.....؟:049gc0::049gc0:

:av4056bb7jp3::av4056bb7jp3:wait U:bosyht9::bosyht9:
********************************

بسم الله الرحمن الرحيم

-----------------------
اكيد طبعا عارفنى يا بنات ....:d:d
ولو مش عارفنى:blush::blush:
فانا ديرو حولت من القاهرة لعين شمس:o
يعنى بقيت مهندسه فعين شمس رسمى فهمى نظمى اى حاجه:av4056bb7jp3::av4056bb7jp3:
هتنورينا يا ديرو فى عين شمس

*** المهم***

**طبعا انتم عارفين الاساتذه اللى بيقولوا بنات هندسه معقدين:mad::mad:...وما بالكم ببنات هندسه عين شمس(الاكثر تعقيدا ):mad:
ايه ده مين بيقول كدا ده بنات هندسه اجدع بنات يلا بقى محدش واخد منها حاجه

**وكمان اكيد سامعين اللى بيقولك البنات داخلين هندسه ليه وبيعملوا فيها ايهدى كليه ولاد (آل يعنى الحاج اللى عملها كتب للولاد فقط )...؟
اه صح ناس عاوزة الضرب مفيش دلوقتى حاجه اسمها للولاد ولا للبنات
امممم الكلام مش عاجبكم عارفه:confused::confused:
بس ده الواقع اللى قابلناه لما قررنا ندخل هندسه بالذات:abdoog8::abdoog8:
***وكمان عايزه اى بنوته تعرف اى حاجه جديده عن الكليه
عارفه دكاترة معينين هناك ايه اكتر حد ممكن نفهم منه ونحضرله كده يعنى ...لازم تدخل وتقولنا... وانا بقدر الامكان هجيبلكم كل اللى اعرفه عنها...بس ورونى همتكم الاول وكلنا هنستفيد باذن الله

***يلا لما اشوف هنثبتلهم اننا الاجدر بيها فعلا ولا هما كلمهم صح.....؟:049gc0::049gc0:

:av4056bb7jp3::av4056bb7jp3:wait u:bosyht9::bosyht9:

********************************

ماشى يا ديرو انا الى اعرفه دلوقتى واكيد كلكم عرفتم ان الويلكم بارتى يوم 10\9 وهيكون فى فطار جماعى للى عاوز يروح

معلش انا عارف ان الموضوع مش ليا بس عايز اسئل ال welcome party اكيد يوم 10-9 ؟؟
وليا سؤال تاني هيا يوم واحد ولا كذا يوم يعني مثلا في القاهره تلات ايام علشان الي مش هيعرف يجي في يوم يجي في التاني
معلش رخمت عليكم

اه انا متاكده ان البارتى يوم 10\9 وهى تقريبا يوم واحد مش تلاته

موفقين ان شاء الله
واهلااا بيكم في كليه الهندسه

موفقين ان شاء الله
واهلااا بيكم في كليه الهندسه


اهلا بيكى انتى يا قمر معانا
وباذن الله نقدر نفيد بعض...

معلش انا عارف ان الموضوع مش ليا بس عايز اسئل ال welcome party اكيد يوم 10-9 ؟؟
وليا سؤال تاني هيا يوم واحد ولا كذا يوم يعني مثلا في القاهره تلات ايام علشان الي مش هيعرف يجي في يوم يجي في التاني
معلش رخمت عليكم


لا تقريبا انا اتاكدت انها يوم واحد وهو فعلا 10/9 نتقابل كلنا هناك باذن الله
وميرسى لمرورك

***يلا لما اشوف هنثبتلهم اننا الاجدر بيها فعلا ولا هما كلمهم صح.....؟:049gc0::049gc0:



أكيد طبعاً هما صح

أكيد سمعتي عن المهندس فلان والمهندس علان
سمعتي قبل كده مهندسة مشهورة :d

معلس اصلي مس بعرف اسوف موضوع هنا غير لما اغلش سوية :d

أكيد طبعاً هما صح


أكيد سمعتي عن المهندس فلان والمهندس علان
سمعتي قبل كده مهندسة مشهورة :d


معلس اصلي مس بعرف اسوف موضوع هنا غير لما اغلش سوية :d


انا سمعت ولو انت مسمعتش فحضر نفسك لانك هتسمع عنهم كتيييييييير بعد كده

دى خريطه مفصله للكليه كلها

ودول رسم تخطيطى للجامعه والمبنى القديم والمبنى الجديد اللى هيبقى فيه المحاضرات ان شاء الله

بجد مشكورة

السلام عليكم ورحمه الله وبركاته


انا دخلت كده خير الله اجعله خير شايف مخططات ورسمآت كروكى للمبني انتو ناويين تعملوٍ خطه ارهابيه ولا ايه . ع العموم لو هتفجرو المبني قولولى انا معاكو مع انى لسه مشفتووش ههههههههههههه


شايفكم متحمسين اوى ربنا يعينكم


معآكو محمود المصرٍي طالب من معادله كليه هندسه والنتيجه هتظهر فى شهر 10 ادعولى علشان نتقابل هناك كده بإذن الله :)

سلام

لا تقريبا انا اتاكدت انها يوم واحد وهو فعلا 10/9 نتقابل كلنا هناك باذن الله
وميرسى لمرورك
ان شاء الله نتقابل هناك وانا هبقي حاطط ورده Pink في التي شيرت علشان تعرفيني علطول :d
بس اوعي تكوني هتفجري الكليه بجد

بجد مشكورة



الشكر ليك على مرورك عمرو

السلام عليكم ورحمه الله وبركاته



انا دخلت كده خير الله اجعله خير شايف مخططات ورسمآت كروكى للمبني انتو ناويين تعملوٍ خطه ارهابيه ولا ايه . ع العموم لو هتفجرو المبني قولولى انا معاكو مع انى لسه مشفتووش ههههههههههههه


شايفكم متحمسين اوى ربنا يعينكم


معآكو محمود المصرٍي طالب من معادله كليه هندسه والنتيجه هتظهر فى شهر 10 ادعولى علشان نتقابل هناك كده بإذن الله :)


سلام


بالنسبه للخطه الارهابيه والتفجير فاحنا فى تخطيط ليه لحد ما ندخل اول سنه ونشوف الجو عامل ازاى ولونى مش متفائله خالص مالص بس ربنا يستر:blush::blush:

وباذن الله ربنا هيكرمك وهنقابلك هناك ان شاء الله:):)

بصوا هجيبلكم زى شرح تفصيلى كده عن المواد والدكاتره ومعلومات مهمه لينا بعتهالنا حد من اخواتن اللى عدوا اعدادى

بص .........طريقة المذاكرة تختلف تماما عن ثانوية عامة
لأنك فى ثانوية عامة _وأنا معرفش ايه ظروفك أنا كنت بروح المدرسة لحد شهر 3 وشوية كدة فى 4_أما اللى أعرفه دلوقتى مبيروحوش من شهر 8 ههههههههههههه

المهم ........احضر كل المحاضرات بتاعتك حتى لو زهقان أو مش فاهم
لو مش فاهم حاجة خالص من محاضرة
خليك بصمجى واكتب كل حاجة فى المحاضرة هتروح تشغل مخك شوية على رواقة وهتفهمها
وطبعا متفوتش أى سكشن ولا معمل ولا ورشة ولا أى حاجة

المواد بقة :
الفيزياء /محتاجة مذاكرة ومتابعة وحل الشيتات أول بأول وحل الأمثلة المحلولة فى الكتاب solved examples وشوية تشغيل مخ يعنى حاول تفهم جامد وتحل المسائل لوحدك
وخلى بالك من لوحدك لأن المكتبات اللى قصاد الكلية مش حارمانا من حاجة هتلاقى فيها الحل بينزل قبل الشيت .....ههههههههه

والمادة دى بالذات لازم تبذل فيها مجهود فى الحضور والكتابة والحل عشان تعوض أى خسائر .......أنا كنت حالل امتحان الترم الأول نصه غلط وجبت فيها امتياز عشان ظبطت الباقى كويس الحمد لله...........وعلى فكرة متنساقش ورا الناس يعنى مش كل لما تلاقى عدد كبير بيحضر لدكتور تخش معاهم إلا بعض الحالات الاستثنائية زى دكتور وائل فكرى
لكن أنا باقولك أهه أنا كنت باحضر مع دكتور فى الفيزيا محدش كان بيحضر له غير 10 أو 15 واحد رغم إنه ممتاز ......ليه ؟لأنهم أغبياء بينساقوا ورا العدد الكبير وأحب اشكرهم لأن ده وفر لنا جو جامد من الهدوء والتركيز فى المحاضرة وانعكس عليهم بالسلب فى محاضرتهم عشان العدد ..........

الميكانيكا /مادة 100%احضر محاضراتها وسكاشنها واكتب كويس فى المحاضرة وحل المسائل اللى يقولك عليها الدكاترة وإن شاء الله تجيب فيها امتياز بسهولة قوى

الكيمياء/احضر المحاضرات وحل الشيتات أول بأول وكل لما تحس انك نسيت حاول تذاكر تانى
ولو احتجت تحضر مجموعة احضر مع دكتور احمد عادل او دكتور عمرو عثمان الاتنين أحسن من بعض واللى ترتاحله انت بقى وإن شاء الله برضة مادة سهلة جدا

الرياضيات/ احضر كل المحاضرات والسكاشن وحل الكتاب أول بأول والدليل (دليل الطالب كتاب إضافى لتمارين السكشن )

الإنتاج / وده لازم مع الأسف تحضر فيه مجموعة ليه؟ علشان بجد تفهم إنتاج
والله يبنى لو فهمت المادة دى هتعدى فيها جامد ومش هيفرق معاك أى سؤال وللأسف الحوار فى المادة دى مش متظبط غير فى المجموعة مع دكتور/ طارق موسى ..........ليه الورشة بتشرح بالعربى والمحاضرة بتشرح بالانجليش والترتيب مختلف وانت مش فاهم حاجة فى أى حاجة مع احترامى لدكاترتنا
بس فى كلام كتيييييييييييييييييييييير جدا مانقالش خالص فى المحاضرة ولا الورشة واحنا مطالبين بيه أو انتم بقة
خلى بالك جامد من المادة دى واوعى تطنشها

الرسم والإسقاط الهندسى/الرسم عليك تحضر كل سكاشن الرسم حتى لو روحت البيت 7 او 8 بالليل ده مرة واحدة فى الأسبوع مش قضية ركز جامد فى الشرح وحاول تتخيل الرسومات اللى بترسمها وده هيسهل عليك جامد

الإسقاط /احضر كل المحاضرات مع دكتوراشرف خطاب هو دكتورالمادة الوحيد رجل ممتاو علميا وأخلاقيا ودماغه عالية
وخلى بالك من دماغه دى لأن هو اللى بيحط الامتحان والشيتات

احضر كل السكاشن برضة وحل الشيتات عليها درجة كبيرة جدا وهتسند معاك جامد ...........ملحوظة خبيثة :ممكن تجيب حل الشيتات من برة وتنقله وتخش السكشن وانت حالل اساسا فى البيت وتسلمه وتاخد 10 من 10 بس اطمن على نفسك انت كدة شلت الماادة دى وربنا مش هيساعدك ابدا عشان الغش ده
أنا مش قصدى طبعا حضرتك أنا باحذرك لأن دى أسهل طريقة تجيب بيها درجات السكشن كلها


الحاسبات /مادة 10 على 10 احضر المحاضرات للفهم فقط واشترى ملازم بشمهندسة سوزان وذاكرها كويس هتجيب فيها امتياز بسهولة جدا
وخلى بالك دى مادة منتهية يعنى ترم أول بس

يناظرها من المواد المنتهية فى الترم التانى الانجليزى احضر محاضراته وحل امتحانات السنين اللى فاتت وهتقفل إن شاء الله

حقوق الإنسان والتاريخ مواد ليلة الامتحان متضيعش وقتك فى مذاكرتهم ملزمة ليلة الامتحان هتظبطك إن شاء الله
التاريخ 45 درجة بيضافوا للإنتاج 130 يبقى المجموع 175 ليه تقارير تسلمها عشان عليها درجات مش محتاجة منك اكتر من كدة

مش عارف بيتهيألى كدة مفيش مواد تانى ربنا معاك بقة ويا رب أكون افدتك

حاجة اخيرة

الفنيين فى الورشة هيتريقول عليك لما تشبع استفيد منهم على قد ما تقدر وطنش لتريقتهم ومتحطهاش فى بالك خالص ........ولا أكن فى حاجة خالص يا ما قعدوا يقولوا انتوا متفهموش انتوا بس جايبين 105%فى ثانوية عامة ومتعرفوش حاجة فكك منهم وركز فى الشرح واكتب وراهم وبجد لو ما خدتش مجموعة مع دكتور طارق موسى هتتعب قوى لأن المادة ملهاش حاكم (الإنتاج )والفتاوى فيها كتيييييييييييييييييير

( ده كان الرد عن ايه نظام المذاكرة وهل هى زى ثانوى ولا لأ )... يا رب تكونوا استفدتوا

:028ja7:سؤال رخم

>> ايه نظام المذاكرة وهل هى زى ثانوى ولا لأ ...... ههههههههههههههههه

بجد انا استفدت كتير من المعلومات الجامده دى تسلم ايدك يا ديروٍ :022yb4:

اقراوا الموضوع ده اكيد هيفيدكم باذن الله
-------------------

بصوا يا شباب و بنات اعدادى.......ا




انتوا عندكوا فى هندسة كام قسم (ميكانيكا - سيارات - عمارة - مدنى - اتصالات - انتاج - كهرباء - طبية - كمياء - ميكالكترونيك - نووية - الكترونية - طيران )
دى كل الاقسام اللى موجودة فى مصر...... تعالوا نمسكهم واحد واحد :
- ميكانيكا:
2. لو عايز تدخل ميكانيكا لازم تعرف ان كتاب الفيزياء بتاع ثانوية عامة اللى درستة حتلاقى كل فصل منة بقدرة قادر بقى مادة ولا اثنين فى القسم وعلى فكرة مش معنى ان القسم اسمة ميكانيكا انك حتاخد ميكانيكا لغاية لما تموت.... لا القسم اغلبة مواد فيزيائية و تصميم......
3. لازم تعرف ان قسم ميكانيكا هندسة المطرية اقوى و افضل قسم ميكانيكا فى مصر على الاطلاق .... وانا بقول كدة من واقع الشغل والحياة العملية اللى برة الكلية.....
4. لو دخلت القسم دة حتفضل فى المطرية
5. نطاق شغل مهندسين ميكانيكا برة كبير و مراتبتهم حلوة





- سيـــارات:
1. القسم دة قريب جدا لميكانيكا و بنصح بية الاولاد بس... بس على البنات حيقكون صعب شوية .... الا اذا كنتى ناوية تتجوزى و تقعدى تربى عيالك
2. برضة لو عايز تدخل القسم دة حتفضل فى المطرية
3. القسم دة مفيش منة الا عندنا و كليتين كمان بس ...يعنى عدد المهندسين السيارات اللى بيتخرجوا كل سنة فى مصر كلها ميعدوش 300 مهندس ودة عدد قليل جدا و ميزة طبعا
4. ممكن بعد ما تخلص ميكانيكا برضة تشتغل فى مجال سيارات.
5. المواد اللى فية كلها تتعلق بالصيانة و محركات الاحتراق الداخلى و الفيزياء - بس مش زى ميكانيكا طبعا - وأنظمة التعليق وعلى فكرة المواد بتاعتهم قريبة قوى قوى من ميكانيكا بس امتحانتهم اسهل بكتيييييييييييييير
- عمارة:
1. قسم عمارة دة بقى قسم البنات او الاولاد 2. القسم دة بنسميه تجارة هندسة علشان محدش بيسقط فية ولا حتى بيشيل مادة..... دة اللى بيجيب جيد....جيييد... بيعيط..!!!! ودة ميزة للى عايز ينجز و يخلص.
3. طبعا القسم دة المذاكرة فية قليلة خالص بس المجهود البدنى فية عالى جدا... يعنى لو كنتى بتاعة بابى و مامى ونونو.. متفكريش فى القسم دة خالص
4. يعنى ممكن ايام المشاريع تقعدى شغالة مثلا لغاية 11 ليلافى الكلية و الكلام دة كان بيحصل على يدى وانا مش بكبر الموضوع
5. لو عندك حس فنى و قدرة على الابتكار ادخل القسم دة على طوول... و لو عايز تدخلوا منظرة او علشان تفرح بالمسطرة اللى حتكون اطول منك ...بلاش.. مش حتسقط حتنجح برضة و حتجيب جيد.... بس حتتخرج من الكلية علشان تقف على "عمارة" تحرسها -بواب يعنى-
6. عيب القسم دة انه مجال عمله لا يسمح بوجود انصاف المواهب... يعنى لو عندك موهبة حتطلع تشتغل فى احسن الاماكن و بمرتبات خرافية.. بس لو موهبتك عادية حتشتغل بقرشين....
7. برضة ميزة فية انة فى المطرية.
8. مواد القسم اغلبها رسم و مواد من قسم مدنى وهى مواد تتعلق بخصائص المواد و الانشائات و المساحة وحاجات بسيطة و لذيذة
- مـــدنـى:
1.برضة ميزة فية انة فى المطرية.
2. القسم دة بقى جمع المعادلة الصعبة ومسك العصاية من النص...يعنى لا هوة صعب قوي زي ميكانيكا وكهرباء ولا هوة سهل اوى زى عمارة.....لا مجال عمله واسع اوى زى ميكانيكا و كهرباء و لا ضيق زى عمارة...و دى ميزة للى بيحب المعقول
3. القسم دة مشكلتوا ان تسليم الشيتات بيكون تقريبا اسبوعى طول السنة
4. و المواد فية كلها بقى خرسانة و طبيعة مواد و سدود و سكك حديد و مساحة و هندسة انشائية....
5. الفرق بين المهندس المعماري و المدنى ان الاول بيرسم و التانى بينفذ .... يعنى الاثنين بيسلموا لبعض
6.مجال شغلة مش بطال بس فية سنة بهدلة شوية
7. واللى نفسة يبنى عمارات و سدود و كباري و انفاق يدخل مدنى على طوول
- اتصالات:
2. لو حابب اتصالات و عايز تتدخلها و عندك حد يشغلك برة مصر....تبقى عبيط لو مدخلتهاش..... اما لو حتفضل جوا مصر فلازم تعرف ان مجال اتصالات ضيق للغاية و يكاد يكون منحصر فى شركات الاتصالات و المحمول و البترول فقط.... وشوف بقى كام الف مهندس اتصالات بيتخرج...
3. مواد اتصالات تشبة مواد كهرباء اوى لان اتصالات جزء من كهلرباء اصلا ...
4. اغلب مهندسين الاتصالات فى مصر بيشتغلوا فى الاخر يا اما مهندسين كهرباء او مهندسين كومبيوتر .... طيب ما تدخل كهرباء او كومبيوتر من الاول و لخص....
- انتاج:
2.طبعا مجال الانتاج دة من اكثر المجالات الرهيبة جدا و اللى مش اى حد شغال فيها و مرتباتها عالية جدا طبعا لو طلعت مهندس فاهم و حتبقى استشارى فى حدود 7 سنين من تخرجك
3.ولازم تعرف ان انتاج اصعب قسم فيكى يا هندسة على الاطلاق..... وانك احتمال 85% حتسقط سنة ولا اثنين فى النص
4. الدراسة فية طبعا شبيهه بدراسة ميكانيكا قوى ولكن مع تركيز كبير على مجال الانتاج....يعنى 50% من القسم ميكانيكا و 50% انتاج..... والانتاج هوة بالضبط اللى اخذتوه فى اعدادي بس بتوسع
5. مجال العمل يكون فى المصانع و تشغيل الماكينات فى الورش الصناعية الكبيرة و احيانا فى مجال تاكيد الجودة.





- كهرباء:
جسر السويس وشرق القاهرة كلها....
2.مهندس الكهرباء بيستلم من مهندس اميكانيكا و من المجالات اللى مجال شغلها واسع جدا زي ميكانيكا
3.و مواضيع دراستها تتلخص فى كل ما يخص الكهرباء و قليل من الالكترونيات.... يعنى لو مش فاهم كهربية اعدادى او حاسس انها تقيلة على قلبك.... اياك تدخل قسم كهرباء يااما للاسف ممكن ماتطلعش منه..!!!
4.حيكون نطاق عملك فى كل حاجة و اي شركة هندسية حتكون فيها مهندس كهرباء
5. انا عمرى ما كرهت فى حياتى قد مادة الكهرباء





- طبية:
2. اولا لازم تعرف انه فى سنة من السنين التنسيق بتاع هندسة طبية وصل لـ 72%......!!!! وانا مش عارف ازاى اصلا تجيب نسبة زي دى..!!!
3.طبية هى عبارة عن خليط من مواد قسم ميكانيكا على كهرباء.... وقسم طبعا مش سهل...بس طبعا كلامى دة ميفرقش كتيير مع اللى حيدخلوا... دة حيكون من المتفوقين.....يعنى ياكل الزلط
4. طبعا مفيش غير حلوان و القاهرة اللى فيهم طبية يعنى اقل من 100 مهندس طبية كل سنة بيتخرج و دى طبعا ميزة
5.طبعا مفيش كلام على القسم.... بس واللى تجيلوا و مايدخلش يبقى عبيط.... بس ورينى يا حدق انت و هية حتجيبوا مجموعها ازاى
- كمياء:
1. اولا القسم دة موجود فى القاهرة و فى هندسة العاشر....
2. قسم انا شايف انة مالوش مستقبل لانك لا حصلت مهندس بترول و ولا جبت علوم قسم كمياء.... يعنى ممكن تدرس كمياء فى مدرسة خاصة لما تتخرج.
3.مواد دراسته تتلخص فى كتاب الكمياء اللى تخذته فى اعداداى حتلاقية بقدرة قادر بقى مواد و كورسات و كتب و اتمط و اتوسع و بدل ما حتخده فى ترم حتدره فى اربع سنين ...
- ميكالكترونيك:
1.اعتقد ان مفيش كلة حكومية فيها القسم دة... و افتكر انة موجود فى هندسة العاشر...
2. قسم جميل يجمع بين ميكانيكا و الكترونيات فى دراسته
3. مجال عملة محدود فى مصر يعنى من الاخر فى الغالب حتطلع تشتغل فى ميكانيكا او الكترونيات مش الاتنين مع بعض زي ما هوة مفروض
4. اما لوكنت حابب الموضوع وابدعت فية مش عايز اقولك انك حتبقى اية...
5. حط فى دماغك هل اهلك يقدروا يدفعولك 11 ولا12 الف جنية سنويا علشان سيادتك تدخل القسم دة فى كلية خاصة..؟؟ ولا ويا سلام بقى لو سقطت سنة....
- نووية:
1. القسم دة موجود فى هندسة الاسكندرية فقط....
2.طبعا قسم حكاية و رواية وشوف بقى المجال النووى والذرى فى العالم وصل لغاية فين فى جميع المجالات
3.لما تتخرج من القسم دة حتلاقى مستقبل مشرق فى المكان الوحيد اللى بيشغل بتوع الذرات فى مصر - مع الاعتذار لجورج سيدهم - الا و هو المركز القومى للطاقة النووية و طبعا مرتب رهيب حوالى173 جنيها و لما تتجوز حيراعوا دة وحيزودوك حوال 6 جنية .
4. اما لوحتسافر برة بالتحديد امريكا انسى بقى مصر لانهم مش حيخلوك تشفها تانى بس روح بقى هناك و تبقى عالم كبير و مش بعيد تعمل قنبلة نووية.... بس لما تقف على ديلك مش حترجع مصر تانى
5. مجال دراستها ينحصر فى الفيزياء الكلاسيكية -اللى زى اللى درستها فى اولى ثانوي- و الفيزياء الحديثة
- الكترونية:
1. مش موجودة غير فى المنوفية.
2. كل اللى اعرفهم اتخرجوا منها قاعدين على القهاوى... مش لان المجال وحش بس لانهم بيعملوهم و بيدرسوهم كانهم فنيين مش مهندسين
3.يعنى لو بتحب قعدة القهوة ياخي روح اقعد عليها من دلوقتى و متوجعش دماغك.
- طيران:
1. موجودة فى القاهرة فقط.
2. قسم من الاقسام الداخلية لميكانيكا وطبعا مجال جامد و برستيج عالى جدا
3. ممكن تدخل ميكانيكا المطرية و تخلص و تعمل دبلومة فى الطيران و تبقى مهندس طيران قد الدنيا
4. نفس دراسة ميكانيكا بس مع التركيز على الايرو ديناميك بشدة..
يا رب تكونوا استفادتوا من الموضوع و يكون مساعد ليك او ليكى فى اختيار القسم.....




منقول للامانة

بصوا اللينك ده فى كميه كتب هندسيه كبيره جدا ممكن يفيدنا باذن الله ويا ريت اللى عنده معلومه يقولهلنا بردو


http://www.4shared.com/account/dir/6341529/f944b47f/sharing.html

ويا ريت لو حد استفاد يقولنا ايه اكتر حاجه عجبته فيه

صدقوا انى غلطانه انى تعبت نفسى ودورت عالحاجات دى كلها يلا احسن اه انا استفلد منها لوحدى بردو

مش انتى اللى بتقولى بنوتات نعملك ايه يعنى ؟
اكيد مش هرد فى موضوع زى ده اخييه :p

حكاية ان العمارة للبنات او انها تجارة هندسة ده بيضايقني ماهو اللي كان كاتب الكلام ده عمارة مكنش قال كدة :mad:
ما علينا مبروك عليكم هندسة عين شمس و يارب اشوفكم معيدين بس متعيدوش كتير بس
و معلش اسف اني رديت ف موضوع للبنات تقبلو مروري

احمد
اعدادي فنون جميلة عمارة اسكندرية

ههههههههههه
ولما انت عارف انه لبنوتات ايه اللى بيدخلك ترد....؟

ولا يهمك احمد اكيد متقبلين مرورك
بس اهم حاجه الناس دى تخليها فى حالها وتبطل احباط فينا شويه اصلا ده كان رد فى منتدى كده وانا جبته للتوضيح
عموما مبروك عليك عماره يا جميل

الله يبارك فيكي و ربنا يوفقك