|
مشاهدة النسخة كاملة : تجمع طلبة تجارة "جامعة طنطا" 2009/2010 mody ezzat 23-08-2009, 03:36 AM ياريت يا جماعه كل واحد يعرفنا بنفسه ويقول ايه رايه فى الكليه دى يعنى هل هيا صعبه ولا لا وهو من فين وفى سنه كام :av4056bb7jp3::av4056bb7jp3::av4056bb7jp3::abdoog8 ::abdoog8::abdoog8::( eng.ahmed55 23-08-2009, 03:50 AM طبعا الكلية صعبة جدا جدا ومعظم الناس بتاخد فيها كورسات وانا احمد كلية حاسبات ومعلومات mody ezzat 23-08-2009, 03:58 AM اهلا بيك يا احمد طيب كويس انك طمنتنى علشان اخد احطياتاتى mody ezzat 23-08-2009, 04:00 AM طيب ممكن اعرف انت حاسبات ومعلومات فين princess bosy 02-09-2009, 08:40 PM مين دخل تجاره طنطا عاوزين نتعرف كلنا ببعض؟ GeNeRaL MB 03-09-2009, 02:50 AM طنطا انا فضلت المنصوره عن طنطا فعلا مستوى الدراسه انا حسيت بيه انو كويس princess bosy 03-09-2009, 09:32 PM هو انت اصلا من طنطا محمود الخطيب 05-09-2009, 12:59 AM انا داخل تجارة انجلش طنطا واحب اتعرف على اي حد في تجارة طنطا معانا وجود لك للجميع samozeeen 13-09-2009, 11:14 AM اخواتى البنين والبنات فى كليه التجاره جامعه طنطا اود ان نفتح صفحه جديده تشمل كل المعارف والمعلومات والمناهج وكل مايتعلق بالكليه فهل تشاركونى الرأى أم لا وهذه هى الصفحه التى نستقبل فيها كل ماهو مفيد بكلياتنا samozeeen 13-09-2009, 11:16 AM انا تجاره طنطا samozeeen 13-09-2009, 11:33 AM انا احمد من السنطه جايب 91 فى الميه (علمىرياضه) دخلت تجاره طنطا كليه التجاره تعتبر من احسن الكليات بس للاسف الطلبه هى اللى بتخليها من أسوأ الكليات ولو كلامى غلط حد يرد عليا ثانيا كليه التجاره من اهل الكليات اللى ممكن تجيب فيها تقدير samozeeen 13-09-2009, 11:42 AM انا لسه داخل اولى على فكره ولو انت من طنطا فى سنتر السعدنى فى كل القرصات لجميع الكليات princess bosy 19-09-2009, 07:22 AM انا تجاره طنطا سؤال حضرتك طالب ولا مدرس اسامة جمال الدين 21-09-2009, 03:10 AM يا جماعة انا فى تجارة طنطا ورايح الفرقة الثانية لو حد عايز اى استفسار انا موجود princess bosy 23-09-2009, 01:31 AM علي فكره للاسف تجارة طنطا من اسوء الكليات princess bosy 23-09-2009, 01:35 AM اولا بس عاوزين نعرف هي ايه الاقسام الموجوده في طنطا وهتدخلوا قسم ايه سمسمه2 30-09-2009, 11:48 PM انا كنت هحول لتجاره طنطا ممكن اعرف بس هى الاسوء ليه عشان افضل ف حاسبات السلاب او احول klashenkof 03-10-2009, 05:49 PM سلام عليكم أنا لسه داخل أولى تجاره إنتساب طنطا وأنا مش فاهم أى حاجه ومش عارف الإنتساب حيحضروا ولا لا وإيه الأيام لو حضروا فلو سمحتوا حد يرد على بسرعه amrshaaban 03-10-2009, 07:36 PM أنا في أولى تجارة طنطا وماروحتش النهاردة ماحدش يعرف جدول المحاضرات وهتبتدي إمتى بكرة؟ mlove281 03-10-2009, 10:13 PM انا عمر سبح الله داخل تجاره طنطا واحب اعرف كل حاجه عن الكليه اللى انا داخلها D3m-Vb 03-10-2009, 11:06 PM انا محمد من المنصورة طالع ثالثة تجارة انجلش الكلية لذيذة واللى بيقول اسوأ ياريت اعرف ليه بالنسبة للمذاكرة بيكون اغلبها من الورق اللى برة او ورق الكورسات مش لازم حتى تاخد كورس ممكن الورق بتاعه يغنى بالتوفيق للجميع askask 04-10-2009, 11:45 AM السلام عليكم انا لسة داخلة تجارة طنطا السنادى رحت اول يوم الكلية واخذت الجدول الى عايزة يقول وانا اكتبة فى اى فرقة انتو عايزن بس انا عايزة اعرف مين الى راح انهاردة ؟ محمد اتش 04-10-2009, 02:25 PM ياجماعة انا محمد وداخل تجارة طنطا انتظام الشعبة العربى ممكن اعرف حد راح النهاردة وعمل ايه وايه النظام وايريت يكون اسمه يبدا بحرف الميم علشان انا فى المدرج التانى من غ-م . اصل الواحد مرحش النهاردة وعاوز اطمن اسامة جمال الدين 08-10-2009, 12:04 AM يا جماعة انا زميل ليكم انا فى الفرقة التانية اولا تجارة طنطا مش صعبة زى ما الكل فاكر بس هيا شديدة شوية المهم انك تذاكر وكمان علشان الورق بيتعلم مش زى ما الكل فاكر إن العدد كبير ومبيتعلمش لالالالا والله العظيم بيتعلم وانا اتأكدت من المعلومة دية اما بالنسبة للأقسام فى دى بقى فى آخر سنة وأحسن قسم قسم المحاسبة اللى انت هتشتغل بية انشاء الله اما بالنيبة للحضور مش لازم تحضر فى الاول بس الاهم ان اللى يفوتك تعوضة فى السكشن لانة مهم جدا واللى المعيد بيقولة الدكتور بيجيب زية ويمكن بيجى بالنص اما بالنسبة للقرصات فممكن تروح اللى الكلية بتعملة علشان كان فى ناس راحت فيها وقالو انهم خدوا الاسماء وقالو هينجحوا فى الترم التانى فى الرفع ودى للى عايز يعدى وخلاص بس الاحسن تروح عند واحد فاهم تناقشة وهو يناقشك ودة اللى المفروض اللى لازم تعملة انا طولت عليكم بس اعذرونى شاكي انا 09-10-2009, 01:32 AM السلام عليكم ورحمه الله وبركاته انا معاكم في تجاره طنطا سنه اولى اسامة جمال الدين 09-10-2009, 09:33 PM السلام عليكم ورحمه الله وبركاته انا معاكم في تجاره طنطا سنه اولى وعليكم السلام ورحمة الله وبركاتة منور الكلية يا شاكى شاكي انا 13-10-2009, 01:09 AM تجاره طنطا كليه سهله وانا اسمع ان مكن نجيب فيها تقديرات كمان والدكاتره كويسين وانا في سنه اولى السنه دي انتظام وربنا يوفق الجميع شاكي انا 13-10-2009, 01:22 AM وعليكم السلام ورحمة الله وبركاتة منور الكلية يا شاكى انت معايا في تجاره طنطا elrwesh 13-10-2009, 11:05 PM السلام عليكم انا اسامة لسة داخل اولى تجارة طنطا انا كنت علمى رياضة وحصلت على 90,5 ويريت اتعرف على حد ويريت تكون بنت ومستنى الرد دلوقتى علشان نتقابل غدا محمود الخطيب 14-10-2009, 01:44 PM انا تجارة انجلش طنطا واحب اتعرف على كل طلبة تجارة اللي من طنطا وعلى فكرة انا في Group C نووودى 14-10-2009, 04:21 PM انا ندى تجاره طنطا انتظام شعبه عربى فرقه اولى الكليه بجد جميله جدا بس انا مش عارفه ايه النظام فى المذاكره ياريت حد يقولى شاكي انا 16-10-2009, 12:18 PM انا ندى تجاره طنطا انتظام شعبه عربى فرقه اولى الكليه بجد جميله جدا بس انا مش عارفه ايه النظام فى المذاكره ياريت حد يقولى ازيك ياندى انا معاكي في تجاره طنطا لسه سنه اولى السنه دي وياريت اتعرف بيكي elmalwany 16-10-2009, 03:00 PM انا محمد الملوانى الفرقة الاولى تجارة انجليزى طنطا mido_elmalwany2010 *********** شاكي انا 16-10-2009, 10:55 PM انا كمان مش عارفه نظام المذاكره ايه بس ربنا يسهل باذن الله اسامة جمال الدين 17-10-2009, 12:59 PM يا جماعة انا عايز اقول على حاجة عندكم فى الترم الاول مواد نظرى زى ادارة الاعمال المواد اللى كلها نظرى اهم حاجة ركز على العناوين احفظ العنوان اما الشرح فا انت هتكتبة من خلال فهمك للعنوان واهم حاجة برضو الفينلات علشان اكتر من نصف الامتحان بيجى منها اما بالنسبة للرياضة والمحاسبة فهى سهلة جدا جدا ومفهمش حاجة والاقتصاد سهل برضو بس اعمل زى ما الدكتور يقولك علية يا جماعة والله سنة اولى دى سهلة بس محتاجة حبة تركيز علشان دة الاساس اللى انت هتمشى علية بقية الاربع سنين على فكرة انا جبت جيد فى سنة اولى وانا السنادى فى تانية وربنا معاكو واللى عايز حاجة يقولى عليها princess bosy 17-10-2009, 02:17 PM طب يا جماعه انا مش فاهمه اي حاجه من دكتور الاقتصاد وكمان بيدينا قانون تجاري اولا مش بفهم من كلامه حاجه ثانيا انا حاسه انوا بيعقدها اسامة جمال الدين 17-10-2009, 09:12 PM مين دكتور الاقتصاد عندكم مصطفى مجاهد ولا التانى الاقرع دة على فكرة الاقرع دة انا مش فاكر اسمة بالضبط بس شرحلنا نصف المنهج وسافر وكان بيسألنا فى المحاضرة وكمان فى معلومة مبيحبش البنات ومعظم اللى شيلين المادة من البنات ومظبط الصبيان اسامة جمال الدين 17-10-2009, 09:19 PM طب يا جماعه انا مش فاهمه اي حاجه من دكتور الاقتصاد وكمان بيدينا قانون تجاري اولا مش بفهم من كلامه حاجه ثانيا انا حاسه انوا بيعقدها بصى يا بوسى الاقتصاد دة لازم تعرفيه علشان هيبقى عندك فى الترم التانى بالانجلش شاكي انا 17-10-2009, 10:49 PM طب يا جماعه انا مش فاهمه اي حاجه من دكتور الاقتصاد وكمان بيدينا قانون تجاري اولا مش بفهم من كلامه حاجه ثانيا انا حاسه انوا بيعقدها وانا كمان زيك يابوسي انا مش فاهمه من الدكتور دا حاجه وكلنا اساسا كده بس ربنا يسهل باذن الله judee 18-10-2009, 01:42 AM انا احمد من السنطه جايب 91 فى الميه (علمىرياضه) دخلت تجاره طنطا كليه التجاره تعتبر من احسن الكليات بس للاسف الطلبه هى اللى بتخليها من أسوأ الكليات ولو كلامى غلط حد يرد عليا ثانيا كليه التجاره من اهل الكليات اللى ممكن تجيب فيها تقدير انا برضه كنت علمي رياضه بس جبت 89.5% انت عندك حق في اللي قلته كله اسامة جمال الدين 18-10-2009, 09:25 AM انت معايا في تجاره طنطا انا فى الفرقة التانية تجارة طنطا اسامة جمال الدين 18-10-2009, 09:28 AM انا برضه كنت علمي رياضه بس جبت 89.5% انت عندك حق في اللي قلته كله والله فى حاجة اسمها مذاكرة واللى بيذاكر بينجح انما اللى بيقول كدا ولا يعرف حاجة عن الكلية ولا الدكاترة ولا اى حاجة ويقول الكلية صعبة جدا اسامة جمال الدين 19-10-2009, 02:28 PM هو الدكتور اللى بيديكو اقتصاد يسرى طاحون شاكي انا 21-10-2009, 12:26 AM هو الدكتور اللى بيديكو اقتصاد يسرى طاحون الدكتور يسري بيدينا اقتصاد شاكي انا 21-10-2009, 12:28 AM الدكتور يسري بيدينا اقتصاد وهوفعلا بيسالنا في المحاضره وبيكسف البنات مش عارفه ليه اسامة جمال الدين 21-10-2009, 03:02 PM يا جماعة انا قولت ان الدكتور يسرى طاحون مبيحبش البنات وبيسقط اغلبهم وبينجح الصبيان وامتحاناتة صعبة جدا للى فاهم ومذاكر على فكرة الدفعة اللى كانت قبلنا بعد الامتحان دخلت الجامع بتاع الكلية ودعت علية بكل انواع الادعية وربنا معاكو بقى سلام عليكم khalid_afifi 26-10-2009, 09:23 AM السلام عليكم يا جماعه انا خالد تجاره طنطا وحاسس ان الكليه فعلاً صعبه وحاسس انى تايه فى المنهج MoHaMeD Fo2aD 29-10-2009, 05:20 PM السلام عليكم كلية التجارة كلية لذيذه وشغلها فى كل مكان فى الدنيا سواء مصالح حكوميه او قطاع خاص بس انا مش عارف الناس مستهترة بيها ليه.:d MoHaMeD Fo2aD 29-10-2009, 05:24 PM يا جماعه والله انا باقى اعاده من السنه اللى فاتت فى بعض المواد بسبب دكاترة مبيرعوش ربنا المهم انا عايز اقول ان المنهج مش بيتهوه ولا حاجه ولا حد هيضيع ان شاء الله بس ركزوا فى اللى الدكاترة بتقوله وبس وركز على كتبك واللى انت بتكتبه فى المحاضرة واى حد عايز يستفسر عن حاجه او يعرف حاجه عن اى دكتور يبقا يراسلنى او دى نمرتى وانا تحت امركم 0165443289:078111rg3: MoHaMeD Fo2aD 29-10-2009, 05:27 PM اولا يسرى طاحون يا شباب بيخرج عن الكتبا بطريقه رهيبه يعنى كتابه ملوش لزمه حتى لو احنا اشترناه وكل الامثله من دماغه والمسائل ومحدش بيعرف يمسك فى المحاضرة هو بيكلم عن ايه او عصب المحاضرة دى عن ايه او بيكلم فى ايه والطلبه طبعا بتبقا فى ملل فى محاضرته وبعدين بحس انه عدو الطالب مش فاهم انا ليه كدا يعنى السنه اللى فاتت كان مكانه الدكتور مصطفى مجاهد اه هو امتحانه مليان بس شرحه عظيم جدا وبيلتزم بكتابه اوى:angry2: شاكي انا 29-10-2009, 08:52 PM اولا يسرى طاحون يا شباب بيخرج عن الكتبا بطريقه رهيبه يعنى كتابه ملوش لزمه حتى لو احنا اشترناه وكل الامثله من دماغه والمسائل ومحدش بيعرف يمسك فى المحاضرة هو بيكلم عن ايه او عصب المحاضرة دى عن ايه او بيكلم فى ايه والطلبه طبعا بتبقا فى ملل فى محاضرته وبعدين بحس انه عدو الطالب مش فاهم انا ليه كدا يعنى السنه اللى فاتت كان مكانه الدكتور مصطفى مجاهد اه هو امتحانه مليان بس شرحه عظيم جدا وبيلتزم بكتابه اوى:angry2: طيب هو كدا واحنا ذنبنا ايه وكل خايف من مادته وياريت بيدينا محاضره واحده هوبيدينا اتنين قانون تجاري واقتصاد ومافيش حد بيفهم منه ربنا يستر ونعدي السنه دي على خير اسامة جمال الدين 30-10-2009, 08:45 AM اعتبرى نفسك يا شاكى شيلة المادتين دول وانتى والبنات اللى معاكى شاكي انا 30-10-2009, 08:30 PM انت ايه يا اسامه حرام عليك اشيل مواد ليه انا اسهل حاجه اعملها احول المنصوره هي صعبه بس مش مشكله وفيها التزام وانا كدا كدا هحول باذن الله شاكي انا 30-10-2009, 08:35 PM ومتقولش اعتبري نفسك شايله المادتين دول طيب ادعي لنا ونعدي بس اكيد يااستاذ اسامه مافيش حاجه صعبه على اللي هيتابع معاه واللي يذاكر ماشي اسامة جمال الدين 31-10-2009, 06:17 PM انا مش عارف انتى مش مصدقة لية بكرة تشوفى على فكرة الامتحانات يوم 3او4 يناير يعنى زكرى وزكرى ليا شوية معاكى وربنا ينجحنا شاكي انا 31-10-2009, 09:35 PM بكره اشوف كمان الله يخليك ياستاذ اسامه اسامة جمال الدين 01-11-2009, 05:41 PM انتو عايزين اية اكتر من كدا اولا امل يوسف سابتكو وعادل المسدى سابكو دول كانو بيديكو سلوك وادارة اعمال والله انا حضرت معاكو النهاردة وشفت مين اللى اللى شرح المادتين دول لقتهم دكاترة عسل يعنى اطمنى فى المادتيين دول ولازم تجيبى فيها تقديرات انشاء الله ونشوفك معيدة بمادتين شاكي انا 01-11-2009, 08:44 PM [quote=اسامة جمال الدين;1713232]انتو عايزين اية اكتر من كدا اولا امل يوسف سابتكو وعادل المسدى سابكو دول كانو بيديكو سلوك وادارة اعمال والله انا حضرت معاكو النهاردة وشفت مين اللى اللى شرح المادتين دول لقتهم دكاترة عسل يعنى اطمنى فى المادتيين دول ولازم تجيبى فيها تقديرات انشاء الله ونشوفك معيدة بمادتين الدكاتره دول كويسين بس الدكتور يسري طاحون صعب antoo 02-11-2009, 05:32 PM تمام يا معللللللللللللللللللم اسامة جمال الدين 02-11-2009, 06:47 PM يعنى مش مشكلة لما يكون فى دكتور صعب بس شدى حيلك فى المادة دى علشان انا زى ما قولت انها هتبقى لغة فى الترم التانى antoo 02-11-2009, 09:03 PM سانكس يا مااااااااااااااااااااااااااااااااااااااااااااان antoo 02-11-2009, 09:14 PM هى ايه الاصعب تجاره المنصوره ولا طنطا ؟ اسامة جمال الدين 03-11-2009, 05:48 PM والله اللى انا اعرفة ان امتحان طنطا بتبقى طويلة شوية يعنى الدكاترة بتجيب المنهج كلة فى الامتحان شاكي انا 29-11-2009, 10:07 PM السلام عليكم الدكتور مصطفى مجاهد وعبد المولى بداوا لنا الجزء الخاص بهم في المنهج شرحهم عظيم جدا بس شداد شويه بس كويس انهم كدا زائر غير مسجل 01-12-2009, 03:47 PM السلام عليكم على فكرة يا جماعه انتوا مصعبين الموضوع على نفسكم قوى قوى لية مش عارف الموضوع بسيط ويا ريت تسيبكوا من الى بيقول كلام غلط لان فى ناس متذاكرش لدكتور ومتعرفش تحل وتيجى تقول الدكتور امتحانه صعب . انا اسف لو بقول ان دى غلطتك مش غلطة الدكتور والدليل على كدة ان فى ناس كثير جايبة تقديرات وفى ناس بتجيب فتاوى مش عارف منين وهى معندهاش تجارب شخصية بس عندها حب الاحباط لدى الغير يا جماعه ارجوكم متسالوش اى حد اسالوا حد يكون فعلا عندة خبرة او تجربة كويسه بالنسبة لدكتور يسرى طاحون امتحانة بييجى فية جزء صعب شوية ومحتاج تفكير بس الباقى بيبقى انت عارفة لو ذاكرت بس منتظرين من طالب مبيذاكرش انه ينجح ازاى ومتقلقوش ان الله لا يضيع اجر من احسن عملا ومن الاسبوع الى بعد العيد لو بدات بجد اقسم لك بالله هتلحق تخلص بس ابدا فعلا بجد نصيحة من اخ متعتمدش على فينل بس عشان متلمش نفسك وانا بحمد ربنا انى دخلت صدفة على المنتدى دة صحيح انا مش عضو بس هى فعلا جت صدفه عشان اشوفكم واتكلم معاكوا واوضح حجات كانت مفهومه غلط وبجد الى يحتاج اى استفسار يكلمنى على الميل وانا نسيت اعرفكم بنفسى اخوكم : محمود راغب وعلى فكرة يا جماعه ان بكالوريوس محاسبة ودلوقتى بكالوريوس ادارة يعنى دخلت القسمين ولو عايز تسال على اى حاجة انا بجد اخوكم سواء ولد او بنت العلم مفهوش حرج مدام بكل احترام m_ragheb_2*********** princess bosy 03-12-2009, 09:23 PM دكتور عبدالمولي ده غبي اوي وانا مش فاهمه منه اي حاجه عاوز يخلص المنهج اللي معاه وخلاص شاكي انا 04-12-2009, 07:59 PM لاء دا بالعكس شرحه جميل جدا هي المحاضره اللي فاتت شرح كتير بس شرحه جميل حلم العمر 1993 08-12-2009, 11:02 PM مرحبا بالجميع انا مصطفى بس طالب ثانوى حلم العمر 1993 08-12-2009, 11:05 PM انا مصطفى طالب ثانوى بالمنوفيه (تلا) eslam mustafa 09-12-2009, 08:10 PM مساء الخير يا شباب انا اسلام مصطفى فى الفرقه الاولى تجارة انجلش بس انا فى جامعة كفر الشيخ ودخلت تجمع طنطا علشان عرفت ان الدكتور محمد عبد المولى دكتور فى طنطا وعايز اعرف رأيكم فيه ايه وبيعاملكم ازاى ولا هوه معاملته دى فى جامعة كفر الشيخ دى بس؟ اسامة جمال الدين 11-12-2009, 10:05 PM يا جماعة الدكتور مصطفى مجاهد دا دكتور عسل لازم تحضروا المحاضرة علشان كل اللى بيقولة فى المحاضرة بيجى فى الامتحان وزى ما بيقول لازم تعملو ويا ريت تصدقو كلامى دا علشان احنا جربناة فى الترم كلة اما عبد المولى دا دكتور كويس بس مش عارف هو بيعمل فى نفسة كدا لية حلم العمر 1993 13-12-2009, 11:03 PM يا جماعه جدول الامتحانات فييييييين ؟ اسامة جمال الدين 16-12-2009, 06:57 PM جميع الكليات هتبدأفى 13 يناير القادم والفرقة كاملة هتمتح فى وقت واحد يعنى الانتساب والانتظام مع بعض والفترة المسائية فى فرقة تانية هتمتحن وربنا يسهل علينا انشاء الله ونجيب تقديرات ابراهيم الصفتي 17-12-2009, 05:28 PM السلام عليكم ورحمه الله وبركاته انا ابراهيم الصفتي من القاهره وطالب بالفرقه الثانيه كليه تجاره طنطا انتساب عربي وعاوز اقول يا جماعه ان انا بقالي اربع سنين في الكليه دي ومش عارف احو ل القاهره ومش انا لوحدي معايا اصدقائي من مصر ليهم نفس ظروفي محمد هشام وحازم محمود ومنهم الي بيعيد معايا في سنه تانيه ومنهم الي حول معهد خاص في مصر ومش عارفين نعمل ايه وعمالين ناخد السنه الواحده في سنتين ومش عارف ايه نظام الكورسات ده وانا مستغرب ازاي كليه حكوميه محترمه تعتمد كليا علي الكورسات في المراكز الخارجيه بدون اي اعتبار للمغتربين القادمين من محافظات اخري يعني يدوبك بالعافيه نسافر علي الامتحانات ارجوا التوضيح من زملائي الطنطاويه في ام الكليه دي ابراهيم الصفتي 18-12-2009, 06:12 PM جدول الامتحانات نزل ولا لسه يا رب توب علينا بقي من دي كليه اسامة جمال الدين 20-12-2009, 09:16 AM الجدول نزل خلاص وهتمتحنو اتنين وخميس من كل اسبوع واول يوم الخميس 14 يناير محاسبة 18 يناير ادارة اعمال 21 يناير سلوك 25 يناير اقتصاد 28 يناير رياضة اعمال 1يناير قانون وسياسة مالية والامتحانات الساعة واحدة الظهر وهتخلص الساعة خامسة دا بالنسبة لسنة اولى chocolate2010 22-12-2009, 03:51 AM http://www.shbab1.com/2minutes.htm ابراهيم الصفتي 27-12-2009, 07:53 AM يا تري كل الامتحانات الساعه 1 ولا سنه اولي بس اسامة جمال الدين 27-12-2009, 10:37 AM لا سنة اولى الساعة 2 وهتخلص 5 اما باقى الفرق هتيبقى كلها فترة صباحية من الساعة 10 الى الساعة 1 princess bosy 01-01-2010, 12:06 AM ربنا يستر يا رب اسامة جمال الدين 02-01-2010, 01:20 PM قولو ياااارب ننجح ياااااااااارب زائر غير مسجل 09-01-2010, 01:47 AM مجرد رد بسيط انا تجارة انجليزى طنطا و لو عاوز تشوف كوميديا ملهاش حل تعالى شوف عبد المولى عندنا ! او يسرى طاحون او حسين فتحى ............الالقاب محفوظة بس بجد فى ناس مابتفهمش منها حاجة يبقى احظر ليه اصلا ! و فى دكاترة تكرهك فى المادة زى الO,b ..السلوك.. العميد هوا اللى بيدهولنا و بيلطعنا كل يوم اتنين لحد الساعة 3 على ما يشرف ! فبجد يا رجالة اهم حاجة ورق الكورسات و المحاضرات ومن جد وجد ____________________فـــــــــــــــــــــــــــــ ــــــاروق_____________________ شاكي انا 12-01-2010, 08:02 PM سنه تانيه عملتوا ايه في امتحان النهارده (مح اسبه شركات الاشخاص) زائر غير مسجل 12-01-2010, 09:06 PM هاي انا مصطفي في كليه التجاره كليه الزفت انا ورايا امتحان محايبه يوم الخميس ومش عرف اعمل ايه بسسب الدكتاره البضان اسامة جمال الدين 20-01-2010, 11:29 AM الحمد لله الامتحان كان كويس spicy2 03-02-2010, 09:29 PM يا جماعة انا مصطفى الفرقة الاولى معاكو هاااااااااااى كلكو زائر غير مسجل 27-02-2010, 04:59 PM قلقلاقفلاقفلابليبليب زائر غير مسجل 08-03-2010, 02:18 PM الحمد لله الامتحان كان كويس الامتحان كان كله حلو لانه كان جاى بالنص من ورق اللى منزله الدكتور اما باقى الامتحانات فا كانت صعبه جدا خصوصا محاسبه التكاليف وربنا يستر علينا يارب نجحنى ونجح كل الطلبه امين يارب mahmoud elkima 01-06-2010, 01:58 PM السلام عليكم انا محمود من المحله الكبرى انااولى تجاره عربى طنطا انتظام ياريت اتعرف على اى حد فى الكليه معانا وياريت حد يقولنا هنعمل ايه يا ناس فى الامتحانات دى doctor ahmed 2010 25-06-2010, 08:08 PM يا جماعه الكليه سهله فى غايه البساطه تافه خالص انا الاول السنه دى بس مش عاوز نق اى حد عاوز حاجه انا فى الكليه جنب عمك يحى اسامة جمال الدين 19-07-2010, 07:28 PM انت اسمك احمد اية والفرقة الكام يا احمد |