انا علوم رياضة جامعه القاهرة وكنت حابب اعرف عن الاقسام الى فى الرياضة ايه والمصاريف وكل حاجه وشغلها بيبقى ايه بعد الجامعه ودراستها صعبه ولا لالا يا ريت الافاده عن كل شئ بالله عليكم

لو سمحت روح الكلية واسأل هناك هتلاقى طلبة واقفين معاك وبيجاوبوك
لكن مينفعش انت لغاية دلوقتى مش عارف ايه اقسامك وعايز تعرفها من عالنت
عشان كدا انت لازم تروح الكلية ده لو مروحتش لحد دلوقتى
وكل سنه وانتو طيبين

نفسى اعرف انت ازاى قدمت من غير ما تعرف المصاريف
ولا يمكن مقدمتش
المصاريف 198 جنيه
الاقسام بقى


1. رياضيات منفرد
2. فيزياء
3. فيزياء إتصالات
4. كيمياء
5. فلك
6. علوم فضاء
7. فيزياء و علوم جوية
8. فيزياء فلك
9. رياضيات فلك
10. رياضيات فيزياء
11. جيوفيزياء
12. كيمياء فيزياء
13. كيمياء جيولوجيا
14-رياضه -حاسب
15-حاسب منفرد
16-كميا فزياء
17- احصاء
18- احصاء رياضة
تقريبا هما دول
غير قسم البترول بقى
اما انهى احسن فانا معرفش


و هقولك على حاجة احسن
فيه محاضرة عشان تعرفنا على اقسام الكلية
يوم 26-9
اللى هو اول يوم دراسة يعنى
الساعة 9
فى مدرج مشرفة

طيب وانا مش قدمت والله انا محول كنت كاتب تجاره انجلش وملحقتهاش ومحول علوم عموما شكرا جدا على ردك