Dr.Atropine
09-09-2009, 06:15 PM
اللي هقولكم عليه انهارده هو عباره عن تجربه حقيقيه عن لسان صاحبها واكيد كل طلبه صيدله شافو النوع ده من الطلبه كتير بس انا شايف ان التجربه دي مفيده اكتر لطلبه الاعدادي اللي لسه مش عارفين اي حاجه عن الكليه وكل فكرتهم عن الجامعه انه خلاص انتهي من الثانوي يبقي مفيش مذاكره ولا تعب بقي في الجامعه ومن غير مقدمات طويله تعالو نعيش مع صاحب التجربه ونشوف قال ايه عن نفسه .:confused:.
قبل ما ابدأ والله الكلام اللي هقوله مش مجرد كلام نظري لا دا تجربه حقيقيه بيتعرض ليها شريحه كبيرة من الطلبه
المهم
وانا في الثانويه كنت بشجع نفسي للمذاكرة بأن دول سنتين بس وبعد كدا مافيش مذاكرة في الكليه وهتعيش حياتك بقى وتعمل كل اللي نفسك فيه وانت في الكليه لانها مش محتاجه مذاكرة
وللاسف كتير من اللي هم اكبر مني اكدولي دا ان الكليه مش محتاجه مذاكرة
غير كدا انا قولت انا مش محتاج تقدير مش هكتب على الصيدله دكتور كذا بتقدير كذا يعني تخيلت ان مقبول زي امتياز مش فارقه خالص
كمان تخيلت ان كل مجالات صيدله مش محتاجه تقدير وان معظمها وسايط بس
المهم اني اقنعت نفسي اني مش محتاج لتقدير علشان كدا مش محتاج مذاكرة او غيره
ودخلت سنه اولى وانا مقتنع ان مرحله المذاكرة انتهت خلاص المهم انجح وخلاص بأي شكل فشلت مواد من سنه اولى وباقي السنين كنت بعدي بمواد رأفه او مقبول او جيد مش مهم كل دا المهم اعدي وخلاص
تعرفوا بقى كان نظامي ايه في الدراسه
اول اسبوع في كل ترم بحضر محاضراته مش عشان عايز احضر لا عشان اشوف اصحابي ونسلم على بعض ونهزر ونفرح ببدايه الدراسه
بعد اول اسبوع مستحيل ادخل المدرج دا لا محاضرات ولا بريلابات او غيرة واكتفيت بحضور بالسكاشن عشان الغياب مش عشان عايز افهم
وباقي الوقت مقضيه لعب وهزار وضحك ونوم
وبعد فترة الاقي جدول الامتحانات نزل كنت بعمل ايه بقى
1) اشتري ورق دروس جميع المواد مرة واحدة
2) اعرف من الدكاترة (من الدروس برضه) توزيعه درجات على كل جزء من المادة
3) انظر الى المادة نظرة اقتصاديه بحته بمعنى اشوف الاجزاء اللي عليها درجات كبير واهتم بيها جدا حتى لو كانت مش ذو قيمه علميه والعكس صحيح
4) انطلاقا من النظريه الاقتصاديه السابقه كنت بلغي لنفسي 80 % من كل مادة يعني اللي مش عليه درجه كبيرة حتى لو كان مهم علميا مايلزمنيش ومش ببص فيه
فكنت بذاكر حوالي 80% بس من كل مادة وادخل الامتحان ربنا يسهل واجيب من 65 ل 70 % من كل مادة
5)كنت بذاكر كل مادة ولاول مرة في ال 5 ايام اللي قبل امتحانها بس هقولكوا ازاي
الامتحانات عندنا كلها امسك يو وترو وفولس (اختياري وصح وغلط) فكنت بذاكر بالشبه والتقريب يعني مش شرط احفظ معلومه كامله بس بربطهم ببعض بحاجه تخيليه او بالصفحه اة دا الحته دي كانت جنب دي وكدا لان طريقه الامتحان اختياري
وللاسف كل الحيل دي كانت نافعه ومفيدة وبتحقق هدفي
والسنه بتعدي وبنجح بأقل مجهود
ناجي في الاجازة بقى
انا كان ليا صديق اكبر مني بسنتين برضه في صيدله واخته الكبيرة فاتحه صيدليه فكان هو اللي بيقعد فيها فكنت بروح اقعد معاه على اساس اني بدرب بس اللي كان بيحصل كان عكس كدا
اقعد انا وهو نهزر ونضحك مع بعض والاسستنت هي اللي تشوف الزباين واستمر الحال على كدا لمدة اجازتين
جيت بقى في الصيف دا حسيت اني ضايع باقي ليا سنه واحدة ولحد دلوقت ماعرفش اي حاجه في اي حاجه
فقررت اني انزل تدريب بقى بجد مع صيدلي كبير في صيدليه كبيرة وعرفت ان دي اخر فرصه ليا علشان الحق نفسي انقذ مايمكن انقاذة
فنزلت فعلا صيدليه محترمه وحطيت سيستم لنفسي في التدريب والحمد لله بدأت اعوض حاجات كتير
بس الكارثه بقى اللي واجهتني اني كنت افتح البنفلت بتاع اي دوا واشوف المادة الفعاله وازاي بتشتغل وكدا
كان في احتمالين
1_ ان المادة الفعاله غريبه عليا واول مرة اسمع عنها ومعرفش عنها اي حاجه واكتشفت ان النوع دا من الادويه كان الاجزاء اللي بلغيها لنفسي في كل مادة فساعتها حسيت بصدمه كبيرة جدا
2_ان المادة الفعاله مش غريبه عليا انا شفتها قبل كدا بس فين او بتستخدم في ايه مش عارف فأكتشفت ان دا بسبب الطريقه الفاشله اللي كنت بذاكر بيها اني باخد المعلومه بالشبه ومش باخد معلومه كامله ودا كان مصيبه كبيرة
فكان الحل الوحيد اللي امامي اني اذاكر من جديد في الاجازة واراجع على المناهج من اول وجديد ودا كان شئ اجباري ومافيش حل تاني فقررت فعلا كدا وبدأت بأهم حاجه برضه الفارما والحمد لله كدا تمام فيها هي اخدت مني شهر 7 و8 بس الحمد لله اني لحقت نفسي قبل فوات الاوان
ولسه في اجزاء تانيه ناوي اراجعها وكل دا بالتوازي مع التدريب الجاد في الصيدليه
ملخص الليله دي ايه:
انا غلطت ودفعت تمن غلطي في تقديري السنوات الماضيه وفي التعب اللي شفته في الاجازة دي عشان الحق نفسي وانقذ مايمكن انقاذة
صحيح انا اكتشفت غلطي متأخر بس الحمد لله اني اكتشفته قبل فوات الاوان
وانا قولتلكوا الكلام دا عشان تستفيدوا من تجربتي
عشان لو حد بيعمل حاجه من اللي انا كنت بعملها يعيد حساباته من تاني ويلحق نفسه قبل القطر ما يفوته وصدقوني حاسس ان اللي مش هيتعلم ويستفيد اثناء الدراسه مش هيتعلم بعد التخرج
عايز اقول للي لسه داخل الكليه انت دخلت في مرحله الجد مش اللعب بأيدك دلوقت تحدد ان كنت تحب تكون صيدلي رف كل دورك ان تناول الدوا للمريض وفي الحاله دي المساعد هيكون فاهم اكتر منك او انك تكون صيدلي بجد ليك دور في تطوير ونهضه مجتمع
عايز اقول لكل طالب ذاكر بجد ذاكر مش عشان تنجح ولا حتى عشان تجيب تقدير لا
ذاكر عشان العلم عشان تحصل على معلومه تفيدك
وبلاش تجرب الفشل وتدوق طعمه
صاحب التجربه دي الحمد لله ربنا كرمه وقدر يلحق نفسه قبل فوات الاوان
يا ريت محدش يحاول ينفذ اللي عمله زميلنا ده
ونصيحه مني بلاش ترمي ودنك لأي طالب او طالبه معاك في الجامعه
وتسيبه يبخلك فيها الكلام اللي علي مزاجه خلي قرارك في اي شيء من نفسك
مش معني كلامي انك متاخدش بمشوره حد
لاء علي العكس اسمع للكل بس قرارك يكون من نفسك:slap1qk6:
قبل ما ابدأ والله الكلام اللي هقوله مش مجرد كلام نظري لا دا تجربه حقيقيه بيتعرض ليها شريحه كبيرة من الطلبه
المهم
وانا في الثانويه كنت بشجع نفسي للمذاكرة بأن دول سنتين بس وبعد كدا مافيش مذاكرة في الكليه وهتعيش حياتك بقى وتعمل كل اللي نفسك فيه وانت في الكليه لانها مش محتاجه مذاكرة
وللاسف كتير من اللي هم اكبر مني اكدولي دا ان الكليه مش محتاجه مذاكرة
غير كدا انا قولت انا مش محتاج تقدير مش هكتب على الصيدله دكتور كذا بتقدير كذا يعني تخيلت ان مقبول زي امتياز مش فارقه خالص
كمان تخيلت ان كل مجالات صيدله مش محتاجه تقدير وان معظمها وسايط بس
المهم اني اقنعت نفسي اني مش محتاج لتقدير علشان كدا مش محتاج مذاكرة او غيره
ودخلت سنه اولى وانا مقتنع ان مرحله المذاكرة انتهت خلاص المهم انجح وخلاص بأي شكل فشلت مواد من سنه اولى وباقي السنين كنت بعدي بمواد رأفه او مقبول او جيد مش مهم كل دا المهم اعدي وخلاص
تعرفوا بقى كان نظامي ايه في الدراسه
اول اسبوع في كل ترم بحضر محاضراته مش عشان عايز احضر لا عشان اشوف اصحابي ونسلم على بعض ونهزر ونفرح ببدايه الدراسه
بعد اول اسبوع مستحيل ادخل المدرج دا لا محاضرات ولا بريلابات او غيرة واكتفيت بحضور بالسكاشن عشان الغياب مش عشان عايز افهم
وباقي الوقت مقضيه لعب وهزار وضحك ونوم
وبعد فترة الاقي جدول الامتحانات نزل كنت بعمل ايه بقى
1) اشتري ورق دروس جميع المواد مرة واحدة
2) اعرف من الدكاترة (من الدروس برضه) توزيعه درجات على كل جزء من المادة
3) انظر الى المادة نظرة اقتصاديه بحته بمعنى اشوف الاجزاء اللي عليها درجات كبير واهتم بيها جدا حتى لو كانت مش ذو قيمه علميه والعكس صحيح
4) انطلاقا من النظريه الاقتصاديه السابقه كنت بلغي لنفسي 80 % من كل مادة يعني اللي مش عليه درجه كبيرة حتى لو كان مهم علميا مايلزمنيش ومش ببص فيه
فكنت بذاكر حوالي 80% بس من كل مادة وادخل الامتحان ربنا يسهل واجيب من 65 ل 70 % من كل مادة
5)كنت بذاكر كل مادة ولاول مرة في ال 5 ايام اللي قبل امتحانها بس هقولكوا ازاي
الامتحانات عندنا كلها امسك يو وترو وفولس (اختياري وصح وغلط) فكنت بذاكر بالشبه والتقريب يعني مش شرط احفظ معلومه كامله بس بربطهم ببعض بحاجه تخيليه او بالصفحه اة دا الحته دي كانت جنب دي وكدا لان طريقه الامتحان اختياري
وللاسف كل الحيل دي كانت نافعه ومفيدة وبتحقق هدفي
والسنه بتعدي وبنجح بأقل مجهود
ناجي في الاجازة بقى
انا كان ليا صديق اكبر مني بسنتين برضه في صيدله واخته الكبيرة فاتحه صيدليه فكان هو اللي بيقعد فيها فكنت بروح اقعد معاه على اساس اني بدرب بس اللي كان بيحصل كان عكس كدا
اقعد انا وهو نهزر ونضحك مع بعض والاسستنت هي اللي تشوف الزباين واستمر الحال على كدا لمدة اجازتين
جيت بقى في الصيف دا حسيت اني ضايع باقي ليا سنه واحدة ولحد دلوقت ماعرفش اي حاجه في اي حاجه
فقررت اني انزل تدريب بقى بجد مع صيدلي كبير في صيدليه كبيرة وعرفت ان دي اخر فرصه ليا علشان الحق نفسي انقذ مايمكن انقاذة
فنزلت فعلا صيدليه محترمه وحطيت سيستم لنفسي في التدريب والحمد لله بدأت اعوض حاجات كتير
بس الكارثه بقى اللي واجهتني اني كنت افتح البنفلت بتاع اي دوا واشوف المادة الفعاله وازاي بتشتغل وكدا
كان في احتمالين
1_ ان المادة الفعاله غريبه عليا واول مرة اسمع عنها ومعرفش عنها اي حاجه واكتشفت ان النوع دا من الادويه كان الاجزاء اللي بلغيها لنفسي في كل مادة فساعتها حسيت بصدمه كبيرة جدا
2_ان المادة الفعاله مش غريبه عليا انا شفتها قبل كدا بس فين او بتستخدم في ايه مش عارف فأكتشفت ان دا بسبب الطريقه الفاشله اللي كنت بذاكر بيها اني باخد المعلومه بالشبه ومش باخد معلومه كامله ودا كان مصيبه كبيرة
فكان الحل الوحيد اللي امامي اني اذاكر من جديد في الاجازة واراجع على المناهج من اول وجديد ودا كان شئ اجباري ومافيش حل تاني فقررت فعلا كدا وبدأت بأهم حاجه برضه الفارما والحمد لله كدا تمام فيها هي اخدت مني شهر 7 و8 بس الحمد لله اني لحقت نفسي قبل فوات الاوان
ولسه في اجزاء تانيه ناوي اراجعها وكل دا بالتوازي مع التدريب الجاد في الصيدليه
ملخص الليله دي ايه:
انا غلطت ودفعت تمن غلطي في تقديري السنوات الماضيه وفي التعب اللي شفته في الاجازة دي عشان الحق نفسي وانقذ مايمكن انقاذة
صحيح انا اكتشفت غلطي متأخر بس الحمد لله اني اكتشفته قبل فوات الاوان
وانا قولتلكوا الكلام دا عشان تستفيدوا من تجربتي
عشان لو حد بيعمل حاجه من اللي انا كنت بعملها يعيد حساباته من تاني ويلحق نفسه قبل القطر ما يفوته وصدقوني حاسس ان اللي مش هيتعلم ويستفيد اثناء الدراسه مش هيتعلم بعد التخرج
عايز اقول للي لسه داخل الكليه انت دخلت في مرحله الجد مش اللعب بأيدك دلوقت تحدد ان كنت تحب تكون صيدلي رف كل دورك ان تناول الدوا للمريض وفي الحاله دي المساعد هيكون فاهم اكتر منك او انك تكون صيدلي بجد ليك دور في تطوير ونهضه مجتمع
عايز اقول لكل طالب ذاكر بجد ذاكر مش عشان تنجح ولا حتى عشان تجيب تقدير لا
ذاكر عشان العلم عشان تحصل على معلومه تفيدك
وبلاش تجرب الفشل وتدوق طعمه
صاحب التجربه دي الحمد لله ربنا كرمه وقدر يلحق نفسه قبل فوات الاوان
يا ريت محدش يحاول ينفذ اللي عمله زميلنا ده
ونصيحه مني بلاش ترمي ودنك لأي طالب او طالبه معاك في الجامعه
وتسيبه يبخلك فيها الكلام اللي علي مزاجه خلي قرارك في اي شيء من نفسك
مش معني كلامي انك متاخدش بمشوره حد
لاء علي العكس اسمع للكل بس قرارك يكون من نفسك:slap1qk6: