السلام عليكم
لو سمحتم هو التخصص اللى الواحد بيحب انه يدخله لازم يكون بتقديرات عاليه ولو كده يبقى انا املى فى الكليه كذا حاجه اولا كيمياء نوويه ثانيا اطلع دكتور تحاليل وصيدلى فى نفس الوقت ثالثا علوم فضاء ياريت حد يقولى مستقبل دول حول ولا وحش ولاايه وايه الاحسن فيهم والتقديرات تبقى ايه لكل قسم فيهم مع العلم انى علمى علوم و رياضه واللى فى علوم دمنهور يقول لانى معرفش حد خاااالص هناك وكل اللى هنا فى اسكندريه

العضــــــــــــــو / رعد

انا مش فاهم انت تقصد اية بالظبط

يا ريت توضح كلامك اكتر من كدة

السلام عليكم
لو سمحتم هو التخصص اللى الواحد بيحب انه يدخله لازم يكون بتقديرات عاليه ولو كده يبقى انا املى فى الكليه كذا حاجه اولا كيمياء نوويه ثانيا اطلع دكتور تحاليل وصيدلى فى نفس الوقت ثالثا علوم فضاء ياريت حد يقولى مستقبل دول حول ولا وحش ولاايه وايه الاحسن فيهم والتقديرات تبقى ايه لكل قسم فيهم مع العلم انى علمى علوم و رياضه واللى فى علوم دمنهور يقول لانى معرفش حد خاااالص هناك وكل اللى هنا فى اسكندريه

و الله اللي انا عارفه ان
الاقسام بتكون بالتقديرات
و احسن مجال دلوقتي
الكيمييا

طب تخصص الكيمياء ادخله عادى من سنه اولى ولاهو بيكون من سنه تانيه وهل لازم يكون بتقدير من اولى وايه التقدير اذا كان فى اساسا
وعشان ادخل كمياء نوويه ايه المواد اللى هاختارها لما ادخل كيمياء
وهل ينفع ادخل هندسه نوويه بعد ماخلص كيمياء نوويه او اعمل دراسات عليا فى الهندسه النوويه
ومستقبلها ايه وبشتغل فين وبشتغل فى ايه
معلش ياجماعه طولت عليكم بس الدراسه قربت والكليه اقسامها كتير وربنا يوفقنا كلنا

أنا هقولك على كل اللى أعرفه
أولا مفيش تخصص من سنة أولى وأولى بتكون عبارة عن 3 مجموعات أو 4 فى بعض الجامعات
1- مجموعة علوم طبيعية
2- مجموعة علوم بيولوجية
3- العلوم الجيولوجية والجيوفيزيائية
وعشان تدخل قسم كيمياء سبيشيل بتدخل شعبة علوم طبيعية فى أولى وبعدين بتتخصص كيمياء سبيشيل من أول تانية
بس لازم تقدير فى أولى أعتقد أنه جيد
ده اللى أعرفه
انما فيه أقسام كتير مزدوجة فيها كيمياء وفرع تانى زى كيمياء وكيمياء حيوى
وكيمياء وميكروبيولوجى
وكيمياء حيوى وميكروبيولوجى
أنا مش عارف بقى فى نظام التخصص فى تالتة ورابعة بالنسبة لكيمياء سبيشيل
بالتوفيق ان شاء الله
فى رعاية الله

يعنى الكلية اللى انت فيها مفيهاش نظام الساعات المعتمدة
لان ده نظامه تانى عن النظام القديم .......
وبعدين هل الكلية اللى انت فيها فيها قسم كيمياء نوويه ولا لأ
ومن الاخر انت لو دخلت كيمياء نووية مش هتعرف تشتغل الا فى اماكن مرتبطة بالمفاعلات النووية او امفاعلات نفسها
ولو ملحقتش مفيش مجال تانى ..........


من الاحسن خليك فى المضمون وخليك كيمياء او اى تخصص قريب منها هو اللى ينفع فى اغلب الاحيان وفى فرص عمل ليها انا قرات فى الجرايد فرص عمل للكيميائيين