مشاهدة النسخة كاملة : الادوات و المواد الدراسيه .المنصوره اعدادى
dr.boody 19-09-2009, 10:14 AM المواد الدراسيه
1-كيمياء فيزيائيه و كيمياء غير عضويه(ترم اول فقط)...فى مدرجات صيدله قسم تحليليه.
2-فيزياء(ترم اول وترم تانى) كلية علوم.
3-حيوان(ترم اول وترم تانى) كلية علوم.
4-نبات(ترم اول وترم تانى) كلية الصيدله قسم العقاقير.
5-لغه انجليزيه(ترم اول وترم تانى) من كلية اداب او تجاره.
6-كيمياء عضويه(ترم تانى فقط).
-كيمياء فيزيائيه و كيمياء غير عضويه وكيمياء عضويه مواد منتهيه.
-كيمياء فيزيائيه و غير عضويه و عضويه و فيزياء و حيوان و نبات .
رقم اخطر ماده:(..................
الامتحان من المحاضره بالكااااااااااااااامل.
الادوات
(1) 10 انابيب اختبار (الانبوبه 25 قرش)
(2) RACK حامل انابيب
(3)two plastic dropper (الواحده ب 25 قرش)
(4)slides&covers (يستحسن شراء علبه كامله)
Dr.KaJoo 19-09-2009, 10:30 AM شكرا يا دوك
بس انت تقصد مثلا فيزيا كلية علوم ده المحاضرات ؟؟
الكتب هى اللى بنشتريها من علوم مش بناخد محاضرات فى علوم خالص
dr.boody 19-09-2009, 11:28 AM دكتور كاجو......
هوا انتا فى اعدادى ولا ايه؟؟
mahmoud ahmed2 19-09-2009, 08:14 PM ميرسى اوى يا دوك بودى على المعلومات الجامده دى
انا اعدادى صيدله المنصوره
عاوز اعرف اجيب الحاجات دى امتى ومنين
mahmoud ahmed2 19-09-2009, 08:15 PM -كيمياء فيزيائيه و كيمياء غير عضويه وكيمياء عضويه مواد منتهيه.
-كيمياء فيزيائيه و غير عضويه و عضويه و فيزياء و حيوان و نبات .
حضرتك ممكن توضحلى ايه المنتهى وايه اللى مش منتهى
mahmoud ahmed2 19-09-2009, 08:28 PM انا كمان يا دكتور متهيالى ان الموضوع ده مش هيبقى متجدد
وكمان انا موضوعات حضرتك ما شاء الله كتير
ومش عارف هلحق اقرا واعلق على اى واحد فيهم
كان ممكن افضل تطرحهم واحد واحد او حتى اتنين
عالعموم بالتوفيق ليك
dr.boody 20-09-2009, 01:17 AM اولا.....الادوات دى ممكن تشتريها فى اى وقت براحتك من مركز النيل اللى فى شارع جيهان...ادام الطوارئ
ثانيا ....بالنسبه للمواد المنتهيه هيا......
1-كيمياء فيزيائيه و كيمياء غير عضويهو كيمياء عضويه.....الاولى و التانيه فى الترم الاول بس...و العضويه فى الترم التانى بس
اما باقى المواد فى الترمين........وان شاء الله هاعمل بنصحيتك يا دكتور و انزل كل يوم موضوع او اتنين بالكتير
dr/ ahmed 20-09-2009, 01:19 AM شكرا يا دكتور على فتح هذا الموضوع ... عشان طلبه اعدادى تعرف عن المواد اللى هيدرسوها ولو بمقدار يجعلهم لا يهابون المواد على الاقل
لو سمحت هضيف جزء كان دكتور زميلنا فى الكليه عامله فى منتدى الكليه هنقلهلكم هنا لكى تستفيدوا منه
لحين انتهاء كرنيه الكليه اللى تقدروا من خلاله الاشتراك فى منتدى الكليه
التيرم الأول ..
مواد التيرم الأول : كيمياء فيزيائيه وغير عضوية Physical & Inorganic Chemistry و النبات Botany و الفيزياء Physics و الحيوان الطبي Medical Zoology و اللغة الإنجليزية
الـكيمياء الفيزيائيه وغير العضوية Physical & Inorganic Chemistry : بتتقسم لـ 3 فروح .. أول فرع الـ physical chemistry : وده بيكلم عن التفاعلات الحرارية والـدلتا H وأنواع السوائل من حيث ذوابانها فى الماء وغيره من المذيبات القطبيه والعضوية .. وشوية مسائل كده ..
جزء الـ inorganioc chemistry : وهو بيكلم عن اساسيات التفاعلات زى قاعدة لوشاتلييه اللى خدتوها فى ثانوي اضافة الى وزن المعادلات من حيث الأكسدة والاختزال وكده ..
تالت جزء هو الـ analysis من حيث الـ anions و الـ cations والمجموعات بتاعتهم وازاى نفصلهم عن بعض بالتفاعلات المرتبة .. خدوا جزء منها فى الثانوية العامه .,. بس هنا بتاخدوها كلها بقى ..
وخدوا بالكم انها منتهيه تيرم واحد بس بعكس بقيت المواد اللى مكلمه التيرم التاني ..
النبات Botany : بيتقسم لجزئين .. Anatomy : اللى هو دراسة النبات من تشريحه اللى جوه يعني الخلايا .. وانواع الأنسجة اللى جوه ووظائفها ..
والجزء التاني الـ morphology : اللى هو دراسة شكل النبات من بره .. شكله طوله عرضه .. وهتنحصر الدراسه هنا تقريبا فى اولها على الـ leaf وشكل كل حاجه فيه ونوعها واسمها ..
الفيزياء Physics : تلت فروع .. modern physics وهنا هيكلم عن الالكترونات وانتاجها وتطبيقاتها .. والذرة ..
الفرع التاني heat وهيكلم عن الحرارة والانكماش والتمدد .. مع مسائل وتطبيقات .. الفرع التالت electricity : وده الفرع اللى ممكن تتعبوا فيها شوية لانه فيه اثباتات كتير ومعظمها فيه تفاضل وتكامل بتاع رياضة 2 اللى احنا مخدنهاش اصلا ..
الحيوان الطبي Medical Zoology : ودى احلى مادة هتاخدوها التيرم الاول .. بتتقسم لـ 3 فروع : parastology اللى هو علم الطفيليات .. هتاخدوا كل طفيل بدورة حياته بامراضه بعلاجه باعراضه بسلطاته ببابا غنوجه http://www.pharma-board.com/board/images/smilies/icon_mrgreen.gif .. زى البلهارسيا مثلا ..
الفرع التاني genetic engineering الهندسه الوراثيه اللى انتم خدتوها فى الاحياء فى ثانوية عامه .. وده هيسهلها عليكم جدا .. الـ DNA و RNA وشغلهم كله .. الفرع التالت اسمه cytogenetic وده هيكلم عن الانقسامات بتاعة الخليه عشان تتكاثر الانقسام الميوزي والميتوزى .. والطفرات الجينيه وعلاجها واسبابها ..
أخيرا اللغة الانجليزية : كورس صغير كده
ملحوظات كده على السريع
* سكشن الحيوان و الفيزياء بيتاخد فى علوم لكن المحاضرات فى كليتنا عادى الدكتور بتاع الماده بيجى كليتنا ويدلكم المحاضره فى المدرج المخصص للفرقه الاعداديه اللى موجود فى الدور القبل الاخير
* سكشن الكيمياء الفيزيائيه والغير عضويه فى السكاشن اللى فى نفس المبنى اللى موجود فيه المدرج بتاع اعدادى
* سكشن النبات يتم اخذه فى مبنى الكليه القديم وده الملاصق لطب واللى هنديه هديه لطب بسبب التكدس عندهم وضيق الكليه ( اه متنسوش الموس هو موس حلاقه عادى مش لازم مشرط لأن هتستخدموه فى تشريح النبات وكذالك قلم رصاص واستيكه على فكره ممكن تكونوا فاكرنى بهزر لأ والله فيه دكاتره بتطرد الطالب من السكشن بسبب الحاجات دى ومن اشهرهم دكتور... بلاش احسن نبقى نقولكم على الدكاتره فى موضوع تانى)
* جميع المحاضرات يتم اخذها فى المدرج الخاص بالفرقه الاعداديه
ياريت اكون قدرت اوصل ولو معلومه صغيره عن مواد الفرقه الاعداديه
بالنسبه للأدوات
مش هزود غير
1- ماسك لمسك انابيب الاختبار
2-ممكن يطلبوا منكم حاجه اسمها زجاجه ساعه هى عامله زى زجاجه النظاره بس كبيره شويه هى مش مهمه فى اعدادى بس لو حبيتوا تجيبوها مفيش مشكله
بالنسبه للأدوات هتشتروها من المكتبات اللى موجوده امام بوابه تربيه المواجهه لشارع جيهان اشهرهم مكتبه الاصيل
بالنسبه لورق الكورسات فأشهر كليه ليها مكتبات بتبيع ورق الكورسات هى صيدله
بس اشهر المكتبات هى مكتبه paper&paper ومكتبه الفجر
هتلاقوا كل المحاضرات بالمكتبتين دول المحاضرات الجديده بتنزل كل يوم
وكمان بينزلوا ورق مرجعات نهائيه واللى احيانا نسميها التلخيص او التجميعات
بتنزل قبل الامتحان
سلااااااااااااااااااام وعيد سعيد عليكم كلكم
dr.boody 20-09-2009, 07:14 AM شكرا جدا يا دكتور احمد على الاضافات المهمه جدا دى...واتمنى لك مزيد من التوفيق ان شاء الله
dr\7atem 22-09-2009, 03:11 PM هاى شباب عيد سعيد عليكم جميعا وشاكرين جهودكم الغالية انا اعدادى صيدلة وكنت عايز اعرف هوجدول المحاضرات بينزل قبل بداية الدراسة بكم يوم ولا فى اول الاسبوع الدراسى والادوات دى لازم نكون عرفينها من نفسنا كدة ولا الدكاترة بينبهونا عليها فى البداية
dr.boody 22-09-2009, 06:43 PM انا متهيألى ان انا شوفت الموضوع دا ع المنتدى قريب...بس كان جدول صيدلة المنصوره
dr/ ahmed 22-09-2009, 08:41 PM هاى شباب عيد سعيد عليكم جميعا وشاكرين جهودكم الغالية انا اعدادى صيدلة وكنت عايز اعرف هوجدول المحاضرات بينزل قبل بداية الدراسة بكم يوم ولا فى اول الاسبوع الدراسى والادوات دى لازم نكون عرفينها من نفسنا كدة ولا الدكاترة بينبهونا عليها فى البداية
بالنسبه للجدول نزل من زمان
http://img30.imageshack.us/img30/5475/02010.jpg
بالنسبه للأدوات الدكاتره بتقولكم عليها بس احنا ذكرناها عشان لما تسمعها من الدكاتره متحسس انها حاجه غريبه او على الاقل تبقى عارف الدكتور بيقولك ايه
نادين. 25-09-2009, 10:25 PM السلام عليكم
بجد ميرسي جدا
بس الجدول ده موثوق منه ولا ايه
بس انا مش فاهمه منه حاجه
يعني مش عارفه ححضر فين بالضبط
انا برده في اعدادي
نادين. 25-09-2009, 10:26 PM لو توضحوا اكتر
ومره تانيه ميرسي
dr.boody 26-09-2009, 01:55 AM انا عن نفسي مش فاهم فيه اى حاجه خالص....
dr_super 26-09-2009, 04:14 AM ممكن اعرف عدد طلاب اعدادى هذه السنة ان شاء الله لانى فى طب وهحول ان شاء الله
شكرا جزيلا يا دكاترة
dr_super 26-09-2009, 04:16 AM ممكن توضيح للجدول وهل يعنى هذا الجدول ان عدد الطلاب فى اعدادى صيدلة 1080طالب؟؟؟
dr\7atem 26-09-2009, 07:34 AM فعلا ياجماعة انا زيكوا مش فاهم حاجة ومش عارف انا هاحضر فين لكن على العموم لازم نروح قبل اليوم الدراسى المحدد عشان نعرف ارقامنا واية هى مجموعتنا وشكرا للدكتور احمد
نادين. 26-09-2009, 06:48 PM :dالسلام عليكم drs
تعرفوا اي معلومات عن القاموس الطبي ؟
واجيبه منين؟
dr_super 27-09-2009, 02:08 AM مشكورين ع الموضوع الرائع ..بس مش كتير اوى عدد الطلاب ف اعدادى السنادى ... هل سيتيح هذا العدد المهول لكل الطلبة ممارسة التجارب بسهولة؟؟
قال رسول الله صلى الله عليه و سلم:
التائب من الذنب كمن لا ذنب له
الراوي: عبدالله بن مسعود و أبو سعيد الخدري المحدث: الألباني - المصدر: صحيح الجامع - الصفحة أو الرقم: 3008
خلاصة الدرجة: حسن
dr_super 27-09-2009, 02:09 AM مشكورين ع الموضوع الرائع ..بس مش كتير اوى عدد الطلاب ف اعدادى السنادى ... هل سيتيح هذا العدد المهول لكل الطلبة ممارسة التجارب بسهولة؟؟
قال رسول الله صلى الله عليه و سلم: -
" التائب من الذنب كمن لا ذنب له "
الراوي: عبدالله بن مسعود و أبو سعيد الخدري المحدث: الألباني - المصدر: صحيح الجامع - الصفحة أو الرقم: 3008
dr_super 27-09-2009, 02:12 AM ممكن لو حد من حضراتكم عارف عدد طلاب طب المنصورة الفرقة الولى كم و طالب ؟؟
ممكن لو حد من حضراتكم عارف عدد طلاب طب المنصورة الفرقة الولى كم و طالب ؟؟
عدد طلاب طلبه اعدادى صيدله966
dr.boody 28-09-2009, 02:20 AM القاموس الطبي ممكن تجيبه من مكتبه ادام طب
فى المنصوره
نادين. 28-09-2009, 07:36 PM ازاي اعرف رقمي ومجموعتي عشان اعرف محاضراتي وسكاشنيمكانهم فين ومواعدهم امتي
نادين. 28-09-2009, 07:38 PM سوري سكاشني اماكنهم فين
dr.boody 29-09-2009, 01:15 AM انا بصراحه مش عارف
بس انا رايح الجامعه يوم الخميس ان شاء الله وهسأل
dr/ ahmed 29-09-2009, 02:14 AM انا شايف ان الجدول الغبى ده عملكم توتر جامد
كانت فيه دكتوره زميلتكم كانت برده عاوزه تفهمه بس على منتدى تانى وكنت عملتلها رد
عشان كده انا هنقلكم الرد كما هو ويارب تقدروا تفهموه
♥♥♥♥♥♥♥♥♥♥♥♥♥♥♥♥♥
كل واحد فى الدفعه بيكون له رقم الرقم ده عباره عن ترتيب اسمك فى الدفعه يعنى اللى اسمه بيبدأ بحرف أ يكون فى الاول وبعديه ب وهكذا
الرقم ده هيكون ملازمك فى كل حاجه خاصه فى السكاشن والامتحانات لأن ده هيكون رقم جلوسك
على فكره الاسماء هتنزل خلال الاسبوع ده .... وان شاء الله لما تنزل هبقى اجبلك رقمك من على منتدى الكليه يعنى مش لازم تنزلى الجامعه
ملحوظه هامه جدا العملى بيكون بالتبادل يعنى اسبوع واسبوع بمعنى
بصى كده للجدول هتلاقى فيه ارقام مظلله وارقام غير مظلله (فى الكليه اول يوم هيقولوا مين اللى هيبدأ الاول المظلل ولا الغير مظلل) اوكى
لو مثلا قالوا ان المظلل هيبدأ اول اسبوع بتشوفى بقه رقمك فى الاسبوع ده ايه فى المظلل ولا الغير هشرحلك الحته دى كمان شويه
بس فيه حاله استثنائيه عملى الحيوان والفيزياء لا يرتبط بنظام المظلل والغير مظلل الا فى حاله حدوث اى تغيير بعد الدراسه بقى (الدكاتره همه اللى حيحددوا الحكايه دى)
نبدأ بتفسير الجدول مثلا نفترض ان رقمك 700 ونفترض ان اللى هيبدأ عملى الاسبوع الاول الارقام المظلله
يبقى انتى كده فى مجموعه ب ... يعنى لما تيجى تشوفى محاضراتك تبقى تشوفى هيه مجموعه ب ولا أ وتحضرى فى ب لكن ممكن تحضرى مع أ عادى بس عشان وقتك
اول اسبوع
نبدأ مثلا يوم السبت بالنسبه لرقم 835
هييبقى كالتالى
المحاضرات تبدأ من الساعه 8 الى 12
العملى عملى كيمياء فيزيائيه وغير عضويه من الساعه 5 الى 8 (مظلل)
يوم الاحد
المحاضرات تبدأ من 8 الى 12
العملى لا يوجد
يوم الاثنين
المحاضرات تبدأ 2.30 الى 4.30
العملى عملى الحيوان من 8 الى 10
يوم الثلاثاء
المحاضرات تبدا من 2.30 الى 5.30
العملى عملى الفيزياء من 12 الى 2
يوم الاربعاء
المحاضرات تبدأ من 8 الى 12
العملى لا يوجد
الاسبوع الثانى
السبت
المحاضرات نفس الاسبوع الاول
العملى عملى نبات من 2 الى 5
الاحد
المحاضرات نفس الاسبوع الاول
العملى لايوجد
الاثنين
المحاضرات نفس الاسبوع الاول
العملى لايوجد
الثلاثاء
المحاضرات نفس الاسبوع الاول
العملى لايوجد
الاربعاء
المحاضرات نفس الاسبوع الاول
العملى لايوجد
طبعا الخميس اجازه لدفعه اعدادى
على فكره الاسبوعين اللى عملتهم دول اعتبرت ان العملى يبدأ من اول اسبوع لكن دايما العملى بيبدأ من اول تانى اسبوع
ملاحظات
* يوجد فى الجدول بين المحاضرات ما يسمى ب شرح كذا مثلا شرح النبات دا يعنى شرح عملى النبات
* شرح العملى يتم اخذه كمحاضره ولما تروحوا السكشن تشتغلوا عملى على طول على اساس ما تم شرحه
*عدا مادتى الفيزياء والحيوان يتم شرح العملى فى المعمل اثناء السكشن وبعد تشتغلو يعنى نصف السكشن شرح والنصف التانى عملى
فكره المظلل الغير مظلل دى بسبب ان الكليه عددها كبير والكل بيشتغل عملى ولأن اللعملى عندنا وقته طويل فالكليه مبتلقيش وقت وعليه تم تقسيم الدفعه
اللى مظلل وغير مظلل
اولا انت مثلا لو اختى سكشن نبات الاسبوع ده مثلا مبتخديش الاسبوع اللى بعده ولكن بتاخدى سكشن فى الاسبوع اللى بعد بعده
يعنى بتاخدى للماده الواحده سكشن كل اسبوعين اوكى
الكليه بقه لما تدخلوا بيقولولكم فى المحاضره مين اللى هيبدأ يشتغل الاول المظلل ولا الغير مظلل
فمثلا لو قالوا ان المظلل هيبدأ الاسبوع ده تقومى شايفه رقمك نفترض انه فى المظلل يبقى انت هتشتغلى السكشن الاسبوع ده والاسبوع اللى بعده اللى هيشتغل اللى رقمه غير مظلل والمظلل مبيشتغلش
وهكذا انا عارف انها رخمه شويه واحنا سعات بنلخبط بس هتعرفيها اكتر لما تدخلى الكليه وتجربى اوك متقلقيش من الحكايه دى
♥♥♥♥♥♥♥♥♥♥♥♥♥♥♥♥♥♥♥♥♥
ده يا جماعه كان ردى على زميلتكم
يا ريت اكون قدرت اوصلكم فهم الجدول
بخصوص اماكن السكاشن فكالأتى
النبات فى مبنى صيدله القديم المجاور لطب المعمل اخر دور تقريبا
الكيمياء فى نفس المبنى اللى فيه المدرج والمعامل فى الدور الاخير وقبل الاخير
وممكن يتم توزيعكم لمعامل جديده فى نفس المبنى
الحيوان والفيزياء فى كليه علوم اول ما تدخلوا كليه علوم ابقوا اسألوا لأن كليه علوم دى عامله ذى المتاهه ممكن تدخلوا جواها ومتعرفوش تطلعوا ههههه
ومتقلقوش الدكاتره هتقولكم على كل حاجه
ASOOOM 29-09-2009, 10:11 AM عايزه خدمة ضرووورى اولا:شكرا على المجهود انا عندى سؤال بس ارجو الاهتمام به:078111rg3::078111rg3: انا فى الترجمه معتادة انى استخدم الكمبيوتر اكتر من القاموس الورقى ايام الثانوى
عايزة اشترى اطلس ترجمه بس قالوا مفيش فيه انجليزى لاتينى ده صحيح
ولا اشترى لاب توب صغير وانزل عليه قواميس
dr/ ahmed 29-09-2009, 07:42 PM عايزه خدمة ضرووورى اولا:شكرا على المجهود انا عندى سؤال بس ارجو الاهتمام به:078111rg3::078111rg3: انا فى الترجمه معتادة انى استخدم الكمبيوتر اكتر من القاموس الورقى ايام الثانوى
عايزة اشترى اطلس ترجمه بس قالوا مفيش فيه انجليزى لاتينى ده صحيح
ولا اشترى لاب توب صغير وانزل عليه قواميس
خليكى على القاموس اللى موجود على الكمبيوتر العادى بتاعك لأنها مش مستهله واحذركم يا جماعه انتم اول ما تدخلوا الكليه هتنهمر عليكم الاعلانات بخصوص القواميس العاديه والقواميس الالكترونيه
ابعدوا عنها لأنكم لن تستفيدوا منها كثيرا لأن فيه مصطلحات كثيره جدا ليس لها معانى بالعربى الا فى المواد اللى بيدخل فيها الامراض وجسم الانسان ودى ممكن تترجموها من اى قاموس على الموبيل او الكمبيوتر العادى وخصوصا كمان ان فيه كلمات عند ترجمتها الحرفيه هتديلك معنى بعيد عن اللمعلومه الحقيقيه
وكمان فيه دكاتره بترجملكم الكلمات دى
وفيه حاجه القاموس الالكترونى ده بحوالى800 جنيه فأكثر فحرام تشتروه
هى بس اول سنه بتبقى صعوبتها فى كيفيه التعود على الدراسه بالانجليزى وبعد كده هتتعودوا وهتنسوا العربى خالص
|