مشاهدة النسخة كاملة : فاكر إنك هتنفع ف حاسبات ؟؟؟! إنسى


eng/el doktor
25-09-2009, 05:26 AM
لو محضرتش وغبت كتير
لومتواضعتش للمعيد قبل الدكتور
لو مكسبتش مبنى الكليه نفسه ف صفك
لو .................(سورى حواء ) الحق ميزعلش
طبعا الشاشات بتاعتكم إتبلت مجرد ما شفتم العنوان
عموما أنا مسامح :blush:
بس بقول ليكم الكلام ده عشان بحبكم ف الله وربنا يشهد
وزى ما أتمنى الخير لنفسى أتمنهولكوا
بجد بجد يا جماعه أنا بلفت إنتباهكوا لاول أسبوع دراسه
والله يا جماعه وأكيد كلكم بتسمعوا
الأسبوع ده يااااااااما بيغير مسار طلبه كتير
لقلة خبرتهم ووعيهم وإنعدام التوجيه من الراشدين
لان ببساطه لو حضرتك عبقرينوا كده كده هتقعد ف الأول مش فاهم ولا كلمه:romarioxp6::romarioxp6:
أوعى تتضايق
أوعى تقول أنا إيه اللى جابنى هنا
أنا مكانى مش هنا
أصل تحولك من مرحلة الثانوى بل مراحل التعليم الأساسى أمر مش سهل
أبسطهالك
أكيد كلكم ليكوا إخوات أصغر منكم
ربنا يزيد ويبارك
المهم إنت بتلاحظ أخوك الصغير وهو بيكبر بتآخد بالك يعنى
أكيد لا هى كده بالظبط لازم تبقى عارف إنك لسه لازم تتأقلم مع الوضع الجديد خصوصا لو جاى من ع الجسر زى حالاتى :o
طبعا أنا بضحك لان أنا مش مؤمن بالموضوع ده أصلا كلنا ف مصر
المهم عاوزك زى ما هتلبس الحته اللى ع الحبل أول يوم
وهتلمع الشوز
وتوقف شعرك والحركات دى يعنى أوعى تنسى تآخد عقلك معاك أول يوم
أو اول أسبوع بمعنى أصح لانك عمرك ما هتحتاجه قد الفتره دى
بس متعدش تتوقع ايه اللى ممكن يحصل ف اليوم ده وتكتب ف ورقه الكلام اللى هتقوله لما تطلب كشكول محاضراتك أو لما هو الى يطلب كشكول محاضراتك
وتتمرن على مشيه تدخل بيها من البوابه أول يوم
بلاش الحاجات دى وحياتك لانك هتفتكرها بعدين وهتقعد تضحك عليها بقية عمرك ومش هتلاقى وقت تشتغل
المهم بجد لازم من أول أسبوع بعد لما ترتسخ قدماك ف أرض الجامعه
وتصبح لك شنه ورنه
تحدد هدفك بمعنى تفكر إنت هتجيب تقدير إيه ودايما تفكر ف الموضوع ده عشان يكون حافز عشان تذاكر وف نفس الوقت عيش حياتك لكن بعقل طبعا وبما يرضى الله وسيبك من موضوع التأمل ف مخلوقات الله (فاهمنى طبعا) عشان مش هو ده التأمل اللى ربنا أمرنا بيه وإن شاء الله هتبقى دخلت الجامعه طالب تخرج منها ع المعاش عدل وبعد كده ع الجنه إن شاء الله
ربنا يطول ف أعماركم جميعا ويوفقكم لكل ما يحبه ويرضاه ومتنسوش
إحنا الشباب المناسب ف المجال المناسب ف التوقيت المناسب ف البلد غير المناسب
واللى مش فاهم حاجه يتصل ب 442 ويتبع التعليمات
جزاكم الله خير

dando-255
25-09-2009, 05:56 AM
كلام جميل
هو بس اول اسبوع دا يعدى على خير و كله هيبقى تمام
شكرا ليك

البرهان الرياضى 2010
25-09-2009, 10:34 AM
كلام موزون بس النصايح ناقصة شوية

el_brins
25-09-2009, 01:00 PM
السلام عليكم انا عايز اسال اول اسبوع فى الكلية بيبقى عامل ازاى و ايه هيا الحاجات اللى مفروض اجيبها اول يوم و ايه هما الناس اللى مفروض اصاحبهم و الناس اللى مفروض ابعد عنهم و هل الكلية ان شاء الله بناتها محترمين و محجبات و لا عذرا مثل بعض الكليات التى يختلط فيها الحابل بالنابل

eng.ahmed55
25-09-2009, 01:01 PM
شكرا ليك يا بشمهندس احمد وعلى نصائحك الجميلة دى
بس عاوز اقول حاجة متديش اى حاجة مساحة اكبر من حجمها
احنا فى الكلية تقريبا جايبين نفس المجموع فى الثانوية
يعندى مفيش حد احسن من حد
انت لازم تحب المجال قبل ما تدرسه
لازم تبقى متشوق للمواد اللى هتدرسها
ان شاء الله الكلية تطلع كويسة
وعلى فكرة اتنين من جيرانى فى الكلية وبيقولولى الكلية سهلة جدا وممتعة جدا فى نفس الوقت
يعنى متقلقوش وربنا يوفقكم ان شاء الله

BêDô ΜâśĦâĶëL
25-09-2009, 01:16 PM
شكرا ليك يا بشمهندس احمد وعلى نصائحك الجميلة دى
بس عاوز اقول حاجة متديش اى حاجة مساحة اكبر من حجمها
احنا فى الكلية تقريبا جايبين نفس المجموع فى الثانوية
يعندى مفيش حد احسن من حد
انت لازم تحب المجال قبل ما تدرسه
لازم تبقى متشوق للمواد اللى هتدرسها
ان شاء الله الكلية تطلع كويسة
وعلى فكرة اتنين من جيرانى فى الكلية وبيقولولى الكلية سهلة جدا وممتعة جدا فى نفس الوقت
يعنى متقلقوش وربنا يوفقكم ان شاء الله



والله المساواة مش بالمجموع انا اعرف اتنين شمامين وواحد ف طب والتانى ف صيدلة ومش خاص لا بجامعيهم

وشكرا يا بشمهندس على نصايحك بس بيتهيقلى ان اللى بيفكرو ف المظاهر والجنس الاخر والحوارات دى قلوا عن الاول

eng.ahmed55
25-09-2009, 01:20 PM
السلام عليكم انا عايز اسال اول اسبوع فى الكلية بيبقى عامل ازاى و ايه هيا الحاجات اللى مفروض اجيبها اول يوم و ايه هما الناس اللى مفروض اصاحبهم و الناس اللى مفروض ابعد عنهم و هل الكلية ان شاء الله بناتها محترمين و محجبات و لا عذرا مثل بعض الكليات التى يختلط فيها الحابل بالنابل
اهلا بيك معانا
اول حاجة فى اول اسبوع بيبقى مش مظبوط اوى يعنى المواد اللى بندرسها مش بيتعمقوا فيها اوى
وفيه دكاترة بتعيد شرحه فى تانى اسبوع
على اساس المحولين ورقى والشهادات المعادلة والكلام ده
اول يوم مش مفرض تجيب الا اجندة او اى حاجة تكتب فيها الجدول
وبالنسبة للبنات يا سيدى معرفش الحكاية دى
بس هما بيبقوا تبع الجامعة اللى هما فيها يعنى لو حضرتك مثلا فى اليكس هتشوف البدع{ربنا يحفظنا}
اما لو كنت فى جامعة{على نياتها:d}زى طنطا مثلا يبقى ان شاء الله خير
وبردو الكلية ليها دور
يعنى اللى فى حقوق مش زى اللى فى حاسبات
فكرتنى بحقوق {اصل حقوق اصاد كليتنا } دانا لما روحت الكلية ولقيت الناس بتوع حقوق بيقدموا حمدت ربنا انى فى كلية محترمة
بنات استغفر الله العظيم والمشكلة الولاد اللى تلاقيه جاى بشبشب وبيهزروا مع بعض هزار رخم اتفرج يا سيدى
بالنسبة للبنات اللى شوفتهم فى حاسبات فهما مؤدبين ومحترمين جدا {انا روحت الكلية 3 ايام}

eng/el doktor
25-09-2009, 04:31 PM
حلاوتك يا أبو حميد يا جامد
منكم نستفيد بس كويس اوى إنه سأل السؤال ده
أنا عاوز اقول فيه حاجات والله بس أنا رايح الغردقه ادعولى
بس هقول حاجه واحده بس مبدئيا كده
ينفع أبقى بتكلم معاك ع الايميل واسألك عندك كمبيوتر ولا لا
أو اقولك عندك نت ولا لا
طبعا هتقول عليا واحد من تلاته
يا اما غبى
يا اما غبى
أكيد هفمتوا قصدى
واللى مخدش باله هوضحله بعدين
سلالالالالالالالالالالالالالالالالالام مؤقت

the Bosy cat
25-09-2009, 04:48 PM
ان شاء الله يا جماعة كلنا هنتفوق المهم تكون الدراسة الهدف الاول واهم حاجة نضع هدف وهو التميز والتقدير العالى

eng/el doktor
25-09-2009, 06:18 PM
ان شاء الله يا جماعة كلنا هنتفوق المهم تكون الدراسة الهدف الاول واهم حاجة نضع هدف وهو التميز والتقدير العالى
ما هى الدراسه لو ما كنتش الهدف الأول مش هنتفوق
وخصوصا خصوصا بعد الدراسه لما تبقى 3 أيام أولى وتانيه و3 أيام تالته ورابعه (ف حلوان والمنصوره بلدى وجامعتى ) بس معرفش إن كان النظام ده ف كل الجامعات ولا لا
إن شاء الله تدرس ال 3 أيام دراسه من 8 الصبح ل 8 بالليل
وال 3 أيام أجازه تنام فيهم
وإن شاء الله هتجيب تقدير عالى
دى وصفه خطيره للتفوق من كتاب أبله نظيره :p
من سهر الليالى بات للعام التالى
ونام وإرتاح يجيلك النجاح
أوعى حد يصدق دا شعار لظاهرة الدوبلير
جزاكم الله خير

eng/el doktor
25-09-2009, 06:22 PM
كلام جميل
هو بس اول اسبوع دا يعدى على خير و كله هيبقى تمام
شكرا ليك
العفو يا بشمهندس
أول أسبوع ده بيتوقف عليك إنت
هو بيختلف من شخص لشخص
من جامعه لجامعه
من كليه لكليه كمان
لكن أكيد ف ثوابت معينه يعنى إنت اللى بتقدر تحور البيئه الجديده الى حواليك دى من وجهة نظرك طبعا
لان أكيد الإنبهار بالمرحله الجامعيه ده هيزول عاجلا أم آجلا
وإن شاء الله السنه كلها تبقى تمام
وجزاكم الله خير

eng/el doktor
25-09-2009, 06:37 PM
شكرا ليك يا بشمهندس احمد وعلى نصائحك الجميلة دى
بس عاوز اقول حاجة متديش اى حاجة مساحة اكبر من حجمها
احنا فى الكلية تقريبا جايبين نفس المجموع فى الثانوية
يعندى مفيش حد احسن من حد
انت لازم تحب المجال قبل ما تدرسه
لازم تبقى متشوق للمواد اللى هتدرسها
ان شاء الله الكلية تطلع كويسة
وعلى فكرة اتنين من جيرانى فى الكلية وبيقولولى الكلية سهلة جدا وممتعة جدا فى نفس الوقت
يعنى متقلقوش وربنا يوفقكم ان شاء الله

إن شاء الله يا بشمهندس
بص يا سيدى ....
لحظة ما جبت نتيجتك بتاعة الثانويه يا ترى كنت قلقان ؟؟؟؟
عشان الناس هتقول ايه لو لا قدر الله كنت جبت مجموع وحش ؟؟
أكيد لا
أمال إيه ؟؟؟؟؟!
أكيد عشان اللحظه دى نقطة تحول ف حياتك
يعنى حتى لو قدر الله درجاتك قبل النتيجه
متضمنش التصحيح كان فيه إيه (أنا راح منى درجه ونص وحدات ف الفزياء) يعنى أكيد كنت قلقان وهتموت م القلق كمان
طيب ولما شفت نتيجة تنسيق المرحله الاولى
زعلت ليه (دا طبعا لو كان نفسك ف هندسه والحوارات دى)
أقولك أنا ليه ؟؟؟
لان إنت إن شاء الله بقية عمرك خريج كلية حاسبات ومعلومات أو مهندس برمجيات
كل ده يستاهل ولا لا؟؟؟؟
وطبعا أكيد إنت مقدر خطورة أول أسبوع ف الجامعه
كتير أوى والله حولوا لكليه تانيه خالص من أول أسبوع ده
يبقى يستاهل أديله الحجم ده ولا لا
ووالله الأسبوع ده أهم بكتير من إنه يتكتب ف منتدى
وأنا كنت بوضح إن أى حد فينا هيقعد ف الأول مش فاهم حاجه خالص
ودى خاحه طبيعيه وإسأل أى حد ف الجامعه
جزاك الله خير

dando-255
25-09-2009, 07:27 PM
اهلا بيك معانا
اول حاجة فى اول اسبوع بيبقى مش مظبوط اوى يعنى المواد اللى بندرسها مش بيتعمقوا فيها اوى
وفيه دكاترة بتعيد شرحه فى تانى اسبوع
على اساس المحولين ورقى والشهادات المعادلة والكلام ده
اول يوم مش مفرض تجيب الا اجندة او اى حاجة تكتب فيها الجدول
وبالنسبة للبنات يا سيدى معرفش الحكاية دى
بس هما بيبقوا تبع الجامعة اللى هما فيها يعنى لو حضرتك مثلا فى اليكس هتشوف البدع{ربنا يحفظنا}
اما لو كنت فى جامعة{على نياتها:d}زى طنطا مثلا يبقى ان شاء الله خير
وبردو الكلية ليها دور
يعنى اللى فى حقوق مش زى اللى فى حاسبات
فكرتنى بحقوق {اصل حقوق اصاد كليتنا } دانا لما روحت الكلية ولقيت الناس بتوع حقوق بيقدموا حمدت ربنا انى فى كلية محترمة
بنات استغفر الله العظيم والمشكلة الولاد اللى تلاقيه جاى بشبشب وبيهزروا مع بعض هزار رخم اتفرج يا سيدى
بالنسبة للبنات اللى شوفتهم فى حاسبات فهما مؤدبين ومحترمين جدا {انا روحت الكلية 3 ايام}

قدامك حقوق
انت شكلك فى حاسبات عين شمس ؟

eng.ahmed55
25-09-2009, 11:26 PM
قدامك حقوق
انت شكلك فى حاسبات عين شمس ؟
هههههه ياريت ابقى فى عين شمس
بس انا فى الزقازيق
ان شاء الله هحول المنصورة السنة الجاية

احمد بووجا
26-09-2009, 02:17 AM
لو محضرتش وغبت كتير [/quote]


لومتواضعتش للمعيد قبل الدكتور

لو مكسبتش مبنى الكليه نفسه ف صفك
لو .................(سورى حواء ) الحق ميزعلش
طبعا الشاشات بتاعتكم إتبلت مجرد ما شفتم العنوان
عموما أنا مسامح :blush:






شكرا لكلامك الحلو ده يا بشمهندس احمد وبجد دى نصائح مهمه جدا ومنكم نستفيد



:d

eng/el doktor
26-09-2009, 03:03 AM
لو محضرتش وغبت كتير




شكرا لكلامك الحلو ده يا بشمهندس احمد وبجد دى نصائح مهمه جدا ومنكم نستفيد




:d
[/quote]

وأنا اقول النور ده منين





طلعت ناسى الاباجوره

إزيك يا بشمهندس أحمد
البشمهندس أحمد أحد أهم وأكبر زعماء رابطه مهندسى البرمجيات ف الشرق الأوسط
وبلدياتى ومعايا ف حاسبات حلوان كمان
وشخصيه محترمه جدا
وبجد بجد نورت الموضوع يا أبو حميد

ahmed osman 2010
26-09-2009, 06:42 AM
ربنا يسترها
ويبعدنا عن التامل فى مخلوقات الله

eng/el doktor
29-09-2009, 11:51 PM
ربنا يسترها
ويبعدنا عن التامل فى مخلوقات الله
تبقى بتتأمل يا معلم
طالما قفشتنى على طول كده
هههههههه
جزاك الله خير

eng/el doktor
30-09-2009, 12:18 AM
طبعا شكرا جزيلا ليكم على الردود الجميله دى
ف حاجات كتيره أوى بنعملها ف حياتنا وهى أساسا قائمه على فطرتنا
فطرة الانسان أو سجيته ممكن تبقى مبرر لبعض التصرفات اللى ملهاش تفسير واقعى
زى مثلا واحد يبقى مش فاهم ولاحاجه من كلامك مع إن كلامك واضح إنت غبى الفطره
أو رخم بالفطره............أو.........أو ما علينا
انت بتقول الكلمه كده وخلاص لكن الكلمه ليها أصل
المهم فطرة الانسان دى بتستوجب عليه نوع من التجاذب بين الجنسين
دا انجذاب طبيعى جدا وف نفس الوقت ضرورى جدا (أوعى حد يفهمنى صح)
طبعا أنا اقصد إن التعامل بين الولد والبنت ف حدود المعقول عادى جدا
بالنسبه للجامعه بقى ...................
هى دى الزتونه .................................................. .......
بمعنى
إن الجامعه فيها إختلاط بجميع أنواعه
كل اللى هناك هتلاقيه توينز
واللى ماشى سنجل يبقى كخ وملفت للنظر
أنا بوضح النقطه اللى سأل عنها البشمهندس إن كان هيختلط الحابل بالنابل
بص ............زى ما ف الحلو فيه الوحش
والتوازن ده هو أساس الوجود ف كل أمور الدنيا
حسب ما انت عاوز هتلاقى
بس طبعا بتفرق بالنسبه لطالب خارج من ثانوى مستجد ف الجامعه منبهر بالمرحله الجامعيه وواخد فكره من الى بيشوفه ف الافلام عن الجامعه (اللى شاف مرجان أحمد مرجان ) بصرف النظر هى دى الصوره الحقيقيه ولا لا لكن هو ده المصدر الوحيد اللى لقاه عشان يستاق منه فكرته
فبيروح وسط هذه المعمعه الفكريه اللى هو فيها
وطبعا غالبا غالبا يعنى بيكون ف الثانوى مدرسه بنين بس أو بتكون ف مدرسه بنات بس والوضع كده هيفرق
هتقعد دماغه تودى وتجيب وتروح وتيجى
هنا وهناك ...........وربنا يكفينا الشر
المهم
بيروح طبعا المسلمين مع المسيحين واللى لسه داخل الجامعه مع اللى بقاله 3 أو 4 سنين وطبعا صاحبنا ده عاوز يقارن وضعه بوضع طالب 3 أو 4
ليه بقى
لانه خارج من 3 ثانوى ومتعود إنه ال بوس لانه أكبر راس ف المدرسه بالنسبه للطلبه طبعا
طبعا هيبقى فيه مزيج بالنسبه للشباب أو البنات
فيه الولد الكويس والملتزم واللى كش معقد
زفيه اللى ما صدق خلص من الحكومه اللى ف البيت وبقى راجل بقى
وكل واحد منهم هيلاقى اللى من نوعه واللى من شكله
والطيور على اشكالها تقع
فطبعا اللى داخل الجامعه بيبقى محدد م الاول هو داخل ليه
ومحدد نوعية زمايله اللى هيتعرف عليهم
لان اللى داخل وناوى ميصحبش إلا الدحيحه ربنا هيحطهم ف طريقه
والى داخل وناوى على البنات والخروج والسهر والشلل برضه هيلاقيهم أكتر م الهم ع القلب
هيلاقى البنت المحجبه اللى وشها ف الارض ومتكلمش البنات صاحباتها أصلا
وهيلاقى البنت المحجبه اللى بتتعاون ف حدود المعقول والاحترام
وهيلاقى المحجبه واللى بتتكلم وتخرج وتتجاوب ف الكلام بسهوله
زى ما هيلاقى اللى مش محجبه بس مش أى حد تتكلم معاه
أو مش أى حد يآخد كشكول محاضراتها اللى رقمها على جلدته
وهيلاقى وهيلاقى وهيلاقى
كل واحد يخش ويحط تقديره قدام عينيه وميحالوش ولو من باب حب الاستطلاع يمشى ف السكه دى لان اخرها معروف
ولو المحاضرف فاتتك شوفها مع ابراهيم أو محمد أو أحمد أو حماده أو عبد الرحمن
ولو ملقتهاش (وده مش هيحصل )
إبقى خدها من أميره أو نيلى أو نرمين أو غاده أو ياسمسن أو شاهيناز
ما علينا
جزاكم الله خير وآسف ع الرغى الكتير ده

xسوسوx
01-10-2009, 11:44 AM
للدرجة دي اول اسبوع خطير كدا:giljotiiniug3: !!!
اان مش رايحة اصلا اول اسبوع ،، ومش عارفة اذا كان هيفوتني حاجات كتير ولا هتلخبط تاني اسبوع ولا هعمل ايه . . ..
لأني من الشهادات المعادلة من الامارات، فلسة لازم نتوه شوية على ما نستقر وندخل الكلية . . .
هو جدول حاسبات الزقازيق نزل ولا لسة:excl: ؟؟؟

eng/el doktor
01-10-2009, 02:58 PM
للدرجة دي اول اسبوع خطير كدا:giljotiiniug3: !!!
اان مش رايحة اصلا اول اسبوع ،، ومش عارفة اذا كان هيفوتني حاجات كتير ولا هتلخبط تاني اسبوع ولا هعمل ايه . . ..
لأني من الشهادات المعادلة من الامارات، فلسة لازم نتوه شوية على ما نستقر وندخل الكلية . . .
هو جدول حاسبات الزقازيق نزل ولا لسة:excl: ؟؟؟

هو فعلا أول خطير بس إن شاء الله يعدى على خير
بالنسبه للمحاضرات معظم الدكاتره بيعيدو الشرح تانى عشان الشهادات المعادله بالذات
جداول معظم الحاسبات نزلت
أنا شفت بتاع حلوان (عشان أنا فيها)
والمنصوره ( فضول مش أكتر )
والزقازيق كمان أكيد نزل
وهنا البرنس eng/ahmed55 ف حاسبات الزقازيق يقدر يفيدك

eng.ahmed55
01-10-2009, 08:02 PM
للدرجة دي اول اسبوع خطير كدا:giljotiiniug3: !!!
اان مش رايحة اصلا اول اسبوع ،، ومش عارفة اذا كان هيفوتني حاجات كتير ولا هتلخبط تاني اسبوع ولا هعمل ايه . . ..
لأني من الشهادات المعادلة من الامارات، فلسة لازم نتوه شوية على ما نستقر وندخل الكلية . . .
هو جدول حاسبات الزقازيق نزل ولا لسة:excl: ؟؟؟
الجدول لسه بيتم تعديله ف الكلية

واول ما يبقى معانا هنرفعه على المنتدى

إن شاء الله

او يوم السبت ف الكلية هيتم توزيعه

بالتوفيق

amour_amour88
02-10-2009, 12:22 AM
مرسي يا احمد ويا رب يكون عام دراسي جامعي متميز للجميع

dando-255
02-10-2009, 01:19 AM
طبعا شكرا جزيلا ليكم على الردود الجميله دى
ف حاجات كتيره أوى بنعملها ف حياتنا وهى أساسا قائمه على فطرتنا
فطرة الانسان أو سجيته ممكن تبقى مبرر لبعض التصرفات اللى ملهاش تفسير واقعى
زى مثلا واحد يبقى مش فاهم ولاحاجه من كلامك مع إن كلامك واضح إنت غبى الفطره
أو رخم بالفطره............أو.........أو ما علينا
انت بتقول الكلمه كده وخلاص لكن الكلمه ليها أصل
المهم فطرة الانسان دى بتستوجب عليه نوع من التجاذب بين الجنسين
دا انجذاب طبيعى جدا وف نفس الوقت ضرورى جدا (أوعى حد يفهمنى صح)
طبعا أنا اقصد إن التعامل بين الولد والبنت ف حدود المعقول عادى جدا
بالنسبه للجامعه بقى ...................
هى دى الزتونه .................................................. .......
بمعنى
إن الجامعه فيها إختلاط بجميع أنواعه
كل اللى هناك هتلاقيه توينز
واللى ماشى سنجل يبقى كخ وملفت للنظر
أنا بوضح النقطه اللى سأل عنها البشمهندس إن كان هيختلط الحابل بالنابل
بص ............زى ما ف الحلو فيه الوحش
والتوازن ده هو أساس الوجود ف كل أمور الدنيا
حسب ما انت عاوز هتلاقى
بس طبعا بتفرق بالنسبه لطالب خارج من ثانوى مستجد ف الجامعه منبهر بالمرحله الجامعيه وواخد فكره من الى بيشوفه ف الافلام عن الجامعه (اللى شاف مرجان أحمد مرجان ) بصرف النظر هى دى الصوره الحقيقيه ولا لا لكن هو ده المصدر الوحيد اللى لقاه عشان يستاق منه فكرته
فبيروح وسط هذه المعمعه الفكريه اللى هو فيها
وطبعا غالبا غالبا يعنى بيكون ف الثانوى مدرسه بنين بس أو بتكون ف مدرسه بنات بس والوضع كده هيفرق
هتقعد دماغه تودى وتجيب وتروح وتيجى
هنا وهناك ...........وربنا يكفينا الشر
المهم
بيروح طبعا المسلمين مع المسيحين واللى لسه داخل الجامعه مع اللى بقاله 3 أو 4 سنين وطبعا صاحبنا ده عاوز يقارن وضعه بوضع طالب 3 أو 4
ليه بقى
لانه خارج من 3 ثانوى ومتعود إنه ال بوس لانه أكبر راس ف المدرسه بالنسبه للطلبه طبعا
طبعا هيبقى فيه مزيج بالنسبه للشباب أو البنات
فيه الولد الكويس والملتزم واللى كش معقد
زفيه اللى ما صدق خلص من الحكومه اللى ف البيت وبقى راجل بقى
وكل واحد منهم هيلاقى اللى من نوعه واللى من شكله
والطيور على اشكالها تقع
فطبعا اللى داخل الجامعه بيبقى محدد م الاول هو داخل ليه
ومحدد نوعية زمايله اللى هيتعرف عليهم
لان اللى داخل وناوى ميصحبش إلا الدحيحه ربنا هيحطهم ف طريقه
والى داخل وناوى على البنات والخروج والسهر والشلل برضه هيلاقيهم أكتر م الهم ع القلب
هيلاقى البنت المحجبه اللى وشها ف الارض ومتكلمش البنات صاحباتها أصلا
وهيلاقى البنت المحجبه اللى بتتعاون ف حدود المعقول والاحترام
وهيلاقى المحجبه واللى بتتكلم وتخرج وتتجاوب ف الكلام بسهوله
زى ما هيلاقى اللى مش محجبه بس مش أى حد تتكلم معاه
أو مش أى حد يآخد كشكول محاضراتها اللى رقمها على جلدته
وهيلاقى وهيلاقى وهيلاقى
كل واحد يخش ويحط تقديره قدام عينيه وميحالوش ولو من باب حب الاستطلاع يمشى ف السكه دى لان اخرها معروف
ولو المحاضرف فاتتك شوفها مع ابراهيم أو محمد أو أحمد أو حماده أو عبد الرحمن
ولو ملقتهاش (وده مش هيحصل )
إبقى خدها من أميره أو نيلى أو نرمين أو غاده أو ياسمسن أو شاهيناز
ما علينا
جزاكم الله خير وآسف ع الرغى الكتير ده

كلامك جميل اوى
انا بعد ما قريته حمدت ربنا انى من أولى حضانة لتالتة ثانوى معايا بنات فى الفصل و مدرستنا مشتركة
طلعت ميزة كبيرة جدا انا مكنتش واخد بالى منها

eng/el doktor
02-10-2009, 02:54 AM
كلامك جميل اوى
انا بعد ما قريته حمدت ربنا انى من أولى حضانة لتالتة ثانوى معايا بنات فى الفصل و مدرستنا مشتركة
طلعت ميزة كبيرة جدا انا مكنتش واخد بالى منها
ههههههههههههههههههههههه
بقى انت من أولى حضانه لتالته ثانوى مش واخد بالك
طب كنت سايبه فين
دا زمانه اتحنط يا راجل
طبعا انا بهزر معاك أوعى تفهمنى صح
دا انا حتى بيعجبنى حماسك الزايد عن اللزوم ده
وتفكيرك المنطقى جدا

the Bosy cat
02-10-2009, 04:38 PM
على فكرة كلامك جميل والردود منطقية المشكلة ان احنا داخلين عالم جديد بس كل حاجة المفروض تكون بحدود واظن ان الى بيفكر صح وبالعقل هيمشى كويس لكن اللى هينبهر بالعالم الجديد وينسى هدفه وسبب دخوله الاساسى وهو النجاح والتفوق هيقعد فيها كتير وجزاكم الله خير

Meeroo92
06-10-2009, 12:15 AM
على فكره الموضوع ده اول موضوع اقرأه من اوله لأخره بالتعليقات كلها لأنى بجد والله كنت بستمتع بكل كلمه فيه وكل كلمه تيجى فى دماغى الاقيها مكتوبه فى الموضوع او فى الردود مش فارقه....
انا لسه اول سنه حاسبات المنصوره والحمد لله داخله معايا اصحابى ناوين نشد من اول سنه ان شاء الله بس هو الواحد يكون هدفه قدام عنيه وان شاء الله مش هيضيعه
اما حكاية الاختلاط دى فمش هتفرق مع المحترم او المحترمه......دا رايي
بس هو فعلا اول اسبوع ده بيفير وجهة نظرك تماما عن الكليه واللى فيها والنظام بس اهو تغيير وحاجه بعيده عن الروتين اللى كنا فيه فى الثانوى
وان شاء الله سنه تمام لينا وليكوا......وشكرا على الموضوع

eng/el doktor
06-10-2009, 09:30 PM
على فكره الموضوع ده اول موضوع اقرأه من اوله لأخره بالتعليقات كلها لأنى بجد والله كنت بستمتع بكل كلمه فيه وكل كلمه تيجى فى دماغى الاقيها مكتوبه فى الموضوع او فى الردود مش فارقه....
انا لسه اول سنه حاسبات المنصوره والحمد لله داخله معايا اصحابى ناوين نشد من اول سنه ان شاء الله بس هو الواحد يكون هدفه قدام عنيه وان شاء الله مش هيضيعه
اما حكاية الاختلاط دى فمش هتفرق مع المحترم او المحترمه......دا رايي
بس هو فعلا اول اسبوع ده بيفير وجهة نظرك تماما عن الكليه واللى فيها والنظام بس اهو تغيير وحاجه بعيده عن الروتين اللى كنا فيه فى الثانوى
وان شاء الله سنه تمام لينا وليكوا......وشكرا على الموضوع
يااااااااااااااااااااااااااااااااااااااااااااااااا ااااا رب
وجزاكم الله خير على الرد الجميل ده