نصيحة ليكوا قبل ماتاخدوا كورسات [الأرشيف] - بوابة الثانوية العامة المصرية

مشاهدة النسخة كاملة : نصيحة ليكوا قبل ماتاخدوا كورسات

علي11

25-09-2009, 11:56 AM

بسم الله الرحمن الرحيم

طبعا كلنا داخلين سنة اولى ومحتارين ناخد كورسات ولا لا وانا ملاحظ ان معظم الناس اللى سألناهم فى المنتدى هنا بينصحوا تاخدوا كورسات وهنروح بعيد ليه ماليوم اللى كان منظمه اتحاد الطلبةبتاع طنطا (متفكرونيش حسبى الله ونعم الوكيل )قالولنا ان هما كانوا بياخدوا كورسات ويحسسوك ان الدكتور بتاع الجامعة ده مبيراعيش الطالب وبيقعد يرغى وخلاص من غير مايشرح الكلام ده ياجماعة محدش يصدقة
طبعا كلكم حتقولوا انت بتهرج يعنى دكتور الجامعة شرحة احسن من بتاع الكورسات والله العظيم الكلام ده بجد
بصوا هقولوكم حاجة عشان تصدقوا ان الكورسات ديه بدع وملهاش اى لزمه طبعا كلنا عارفين ان طب عين شمس اصعب طب ومش ان واحد يجيب فيها امتياز زى مابيقولوا وطبعا لو حضرتك فى طب عين شمس حتقول يالهوى دانا لازم اخد كورسات وإلا كده حاسقط او اجيب مقبول بعيد الشر عنا ايه رايكم بقى ان الأول ع دفعة اولى عين شمس مكانش بياخد كورسات وايه كمان كان فىمدينة جامعية حتقولوا ده ولد عبقرى وحالة خاصة لاولد عبقرى ولا حاجة كل الحكاية انه كان بيحضر المحاضرات والسكاشن ويذاكر اول باول ولو فى حاجة مش فاهمها بيروح للدكتور اوالمعيد ويخليه يفهمهاله وهنروح بعيد ليه الأول ع الدفعة اولى طب طنطا السنادى مكنش بياخد كورسات ومعظم اللى بيجبوا ترتيب ع الكلية مبياخدوش كورسات والكلام ده انا واثق منه 100%وابقوا اسألوا المعيدين ان كانوا بياخدوا كورسات ولا لا واللى بياخدوا كورسات لو سألت واحد منهم حتلاقى معظمهم جايب جيد او جيد جدا ده ان مكانش مأجل
اولا الكورسات مضيعة للوقت واهم حاجةفى طب انك تعرف تستغل وقتك كويس بحيث متضغطش ع نفسك اوى ولاتهمل اوى حنفترض ان انتى حتخلص محاضرات وسكاشن ع الساعة 12
ولو قلنا ان عندك كورس الساعة واحدة او واحدة ونص طبعا مش حتلحق تروح لأنك ع مانطلع من الكلية وتوصل للبيت حيكون الكورس بدأ او ممكن تلحق يدوبك تروح البيت تحط كتبك وتروح الكورس بسرعة طبعا حاجة متعبة وشوف بقى الكورس ساعة ولا ساعة ونص واسألوا اللى قبليكم الدكتور بتاع الكورس بيتأخر اد ايه وساعات كتيره مبيجيش طبعا حضرتك بعد الساعتين دول تلاقيك يعنى مش قادر وعايز تنام وتتغدى لانك بره البيت من8 بيدولك فسحة كده تاكل فيها ع مادكتور الكورس التانى يدخل وخدلك نص ساعة قاعد مستنيه وبعد اما يدخل حتلاقيك بتنام ومش قادر تستوعب اى حاجة قول حتطلع من الدربكة ديه ع الساعة 5او 6 حتروح تتغدى وقعد تكلمك شويه او اكيد حتتفرج ع التليفزيون قول حتنام ع الساعة 8 حتصحى كام قول ع الأقل عايزلك بتاع 6 ساعات حتصحى ع الساعة 2 و على ماتقوم وتاكل حتبص حتلاقى نفسك خدت حاجات فى الكلية لازم تذاكرها وحاجات فى الكورسات وحتبقى محتاس فحتضطر تذاكرهم وتيجى ع نفسك ومش حتذاكرهم كويس اوى كمان ولو افترضنا انك ذاكرتهم كويس الحاجات ديه لازم تتراجع علطول حتجيب وقت منين اذا كان يومك كده وع فكره الكورسات مبتراجعش ولو انت قعدت تذاكر حتقعد للساعة حتقول حقعد للصبح وحتركز ازاى فى المحاضرات
اسيبكم دلوقتى واكملكم بعد الصلاة

shoosho

25-09-2009, 01:25 PM

انا رايحه اولى طب الازهر وعن نفسى ناويه مااخدش كورسات الا فى اسوأ الظروف لانى ممكن ماافهمش شرح من الدكتر وانا رايى ان فيه ناس بتاخ كورست وخلاص عشان هما مقتنعين ان من غير كورسات مش هيجيبوا تقدير

علي11

25-09-2009, 01:49 PM

نرجع نكمل :d
واكيد طبعا حضرتك مش حتستحمل البهدلة ديه فحتضطر تقلب المحاضرات ومتحضرهاش خصوصا اذا كنت بتسافر ومش من طنطا وديه الأغلبية وديه اخطر حاجة انك تسيب المحاضرات عشان خاطر الكورسات لأن فى دكاترة بتتعمد تقول حاجات مش موجودة فى الكتاب ويسألك فيها فى الإمتحان عشان يعرف مين بيحضر المحاضرات من اللى مبيحضرش وانتوا عارفين الباقى
نتكلم بقى عن يوم اللى مابياخدش كورسات المحاضرات تخلص الساعة 12قولوا ع مايروح ويتغدى فيها ل2 اكيد طبعا هينام بس هينام اقل من اللى راح كورسات ده بديهى قول 4 ساعات حيصحى الساعة 6 قولوا ع مايفوق تبقى 7 شوفوا قدامو وقت اد ايه عشان يذاكر ويراجع ويلعب كمان وينام كويس ويصحى مركز فى المحاضرات
بس عايز اقول حاجة فى الأخر انا نصحتكوا وقلت رايى فى الكورسات كل واحد حر وادرى بمصلحته اللى عايز ياخد ياخد هو حر بس انا حبيت اقولكم اللى بيحصل واللى مش عايز ياخد هو برده حر :022yb4:
اللهم قد بلغت اللهم فاشهد
وياريت كل واحد يرد يقول رايه وهو حياخد ولا لأ

timo mido

25-09-2009, 02:02 PM

معتقدش اللي في عندنا في اسماعيليه كورسات لاننا amircan system

howareyou

25-09-2009, 03:01 PM

بجد كلام سليم 100% وانا مش ناوى اخد كورسات خالص يبقى دروس خصوصية ثانوية عامة وكوسات ف الكلية حراااااااااااااام

dr_asmaa ehab

25-09-2009, 03:19 PM

بص بقي انا موافقة تماما علي اللي قولته يا دكتور انا متشكرة عشان انا كده مش هاخد دروس ورايك ثبتني ربنا يجزيك كل خير ويوفقنا ان شاء الله

biboman

25-09-2009, 03:28 PM

وكمان انا اعرف ناس فى طب عين شمس جابوا امتياز من غير كورسات

DiC0vErY

25-09-2009, 04:37 PM

Thnx 4 ur useful topic

all wat u said is right

in Benha college

Top of da college in all years

hvn't taken courses be4

& u shosho if u felt that u don't understand from a doctor

u canna listen from others in other colleges as many do

find da best doctor in each branch & listen 2 his lectures

amaaas

25-09-2009, 05:47 PM

ايوة انت كلامك صح يا دكتور على وانا فعلا سمعت عن ناس كتير دفعة اختى مكانوش بياخدو كورسات خالص وبقو معيدين ونواب كمان ومن العشرة الاوائل بس انا ان شاء الله ناوية انى ماخدش وانتظم فى الكلية لان اختى بتقول دلوقت الامتحانات بقت بتيجى من كتب الكلية وام سى كيو من بين السطور ودكاترة الكلية بس هما اللى هيحددو النقاط دى يعنى من الاخر بيعملو كده عشان ياذو اللى بياخدو كورسات يلا ربنا معانا بقى

علي11

26-09-2009, 02:12 AM

شكراليكوا ياجماعة ع الرد وع رايك يادكتور howare you حتبقى دورس فى الثانوية وكورسات فى الكلية والله بجد اللى خلانى اكتب الموضوع ده ان معظم اللى فى المنتدى هنا نصحوا بالكورسات كمان طبعا كلنا عارفين ان الكليات بتحارب الكورسات بس الغريب بقى ان بتوع اتحاد الطلبه فى طب طنطا قالولنا خدوا وقعدوا يقولوا ان الدكاتره بتشرح بسرعة وبتاع والكلام الفاضى ده مش بذمتكم حاجة غريبة وع الفكرة انا سألت ناس كانوا فى سنة اولى السنة اللى فاتت وجايبين امتياز من غير كورسات ماشاء الله قالولى ان الدكاتره فى الأول بيتكلموا حبه عربى ع حبة انجليزى لحد اما نقدر نفهم ونتابع معاهم وقالولى كمان مسمعش كلام بتوع اتحاد الطلبة لأن معظمهم بيجيبوا تقديرات مش كويسة

Dr.Ahmed Moussa

26-09-2009, 03:26 AM

Dr.Ahmed Moussa

26-09-2009, 03:27 AM

ميرسي يا دكتور على موضوعك الرائع ده

علي11

26-09-2009, 07:56 AM

كلامك جميل جدا يا دكتور علي
بس فيه حاجه معلش
انت دايما بتفترض أسوأ الأحوال ليه ؟؟؟
يعني مثلا بتفترض إن دكتور الكورس بيتأخر كتير وساعات مبيجيش
بتفترض إن فيه ساعه ضايعه بين وقت الكليه والكورس
بتفترض إني مش مركز في الكورس لأنه اتأخر أو إني تعبان من الكليه
ده غير إن انت ناسي إن فيه حاجه اسمها سكاشن
يعني احنا مش هنروح من الكليه الساعه 12 ننام ولا حاجه لأن عندنا سكاشن الساعه 2 أو 3 في الحدود ده
بالنسبه للشرح أحسن بيبقى فين ؟
أكيد أكيد في الكورس مفيش كلام على ده
بس في دكاتره معروفين في الكليه بالإسم إنهم كويسين جدا
ولازم تحضرلهم حتى لو بتاخد كورس في الماده ده ودول للأسف قليلين جدا
أنا عن نفسي ليا وحده قريبتي في الكليه طالعه 13 عالدفعه وكانت بتاخد كورسات في الأربع مواد وهي ف نفس الدفعه إللي الأول فيها مياخدش كورسات
بس أنا سألت كتييييييييييير أوي في موضوع الكورسات ده
وأحب أقول لحضرتك أنا وصلت لإيه
1- السكاشن ده شئ أساسي لازم تحضره لأنه فيه غياب وهو أساسا مهم جداااا
2- في طريقتين عشان ترتب في الكليه أول حاجه إما إنك تحضر كل المحاضرات مهمه أو مش مهمه دكتور حلو أو وحش وتذاكر معاه أول بأول اليوم بيومه لو فاتك مذاكره يوم أول كدا ميفوتش الأسبوع غير وانت مخلص مذاكره كل الحاجات إللي أخدتها في الأسبوع ده بس لازم تاخد ورق الكورسات وده مهم جداااا لأن فيه حاجات مش هتعرف تذاكرها من كتاب الكليه ولا من أي حته غير من الورق بتاع الكورسات لأن شرحه بيبقى مبسط غالبا
3- الطريقه التانيه هي إنك تاخد كورسات بس في الحاله ده مش هتحضر المحاضرات عشا يتبقالك وقت تذاكر وميبنفعش خالص الإتنين مع بعض
وممكن تعمل الريقتين مع بعض وهو إنك تاخد كورس في الفسيولوجي والأناتومي بس وبرده ناس كتير بتعمل كده على أساس إن البايو والهستولوجي سهلين بس برده مبيحضروش المحاضرات بتاعه الأناتومي والفسيولوجي (أكرر مره تانيه إما كورس أو محاضره)
و للأسف معظم الطلبه الأوائل بياخدوا كورسات
وبيعملوا الطريقه التانيه
وميرسي لموضوعك ده وانا كنت مستنيه من زمان جدااااا
وربنا يوفقنا إن شاء الله
وعلى فكره أنا بكره (السبت هبدأ أول كورس)

شكرا ع رد حضرتك
بس فيه نقطة عايز اوضحها اولا انا مش بفرض اسوأ الأحوال اللى بقوله ده حقيقة والكلام ده مش بالنسبة لكورسات طب وبس وصيدلة كمان وفعلا الدكتور بيتأخر وانت حتشوف بنفسك وحتلاقيه اوقات مبيجيش وبالنسبة للساعة الضايعة ديه متقنعنيش ان انت مثلا حتذاكر فيها ولا حتنام يبقى انت كده بتضحك ع نفسك فكده كده هى ضايعة
ثانيا بالنسبة لموضوع انك هتبقى تعبان فى الكورس ديه حقيقة يعنى واحد من صباحية ربنا الساعة 8 بره البيت محاضرات وسكاشن واكيد حتضرتك حتصحى قبل الساعة 8وبعدين تطلع ع الكورس بذمتك دماغك حيبقى مركز وحتى لو بقيت مركز مش حتبقى مركز بنفس الدرجة لو واحد قاعد مرتاح وصاحى مثلا ع 10 او11 وديه حاجة بديهية
ع فكره انا منستش حاجة اسمها سكاشن بس حبيت ابسط الموضوع شوية وافرض ان احنا حنخلص الساعة 12 مابالك انتى بقى لوحتخلص سكشن الساعة 3 وتطلع ع كورسات بذمتك مش حتبقى تعبان وحنفترض ان صحتك زى البومب (ماشاء الله) ومش حتتعب:028ja7:حتبقى اكيد عايز تنام وبعد اما تخلص كورسات حتذاكر امتى !!!!!!!!!!!!!!!!!!!!!!!
وبالنسبة لموضوع دكاترة الكورس دكاترة الجامعة طبعا شرحهم احسن وناس خبرة ده غير ان هو اللى بيحط الإمتحان
وغير كده دكاترة الكورسات بيبقوا اغلبهم مخلصش طب لسة يعنى طلبة وممكن لو سألت حد فيهم يجاوبك غلط لأنهم بعيد عن الكلية وميعرفوش ايه اللى بيحصل فيها وفيه دكاتره سعات بتلغى شباتر اوترجع شباتر كانت ملغية وبتوع الكورسات ممكن ميعرفوش
حضرتك بتقول انك حتحضر الكورسات وتقلب المحاضرات ديه اخطر حاجة لأن معظم الدكاتره بيتعمدوا يقولوا حاجات فى المحاضرة ويسألوك فيها فى الشفوى عشان يعرف اللى بيحضر من اللى مبيحضرش وشوف بقى حيعمل فيك ايه
مين قالك ان معظم الأوائل بياخدوا كورسات تقريبا وبعدين مالأوائل دول هم اللى بيتعينوا معيدين وتقريبا معظم المعيدين مكانوش بياخدوا كورسات ع حد علمى
وعلى العموم حضرتك برده حر انا قولت اللى فى ضميرى ولوعايز حضرتك تاخد كورسات حضرتك ادرى بمصلحتك مش معقولة انا حعرف مصلحة حضرتك اكتر منك
وشكرا ع الرد:)

Dr.Ahmed Moussa

26-09-2009, 06:59 PM

شكرا ع رد حضرتك
بس فيه نقطة عايز اوضحها اولا انا مش بفرض اسوأ الأحوال اللى بقوله ده حقيقة والكلام ده مش بالنسبة لكورسات طب وبس وصيدلة كمان وفعلا الدكتور بيتأخر وانت حتشوف بنفسك وحتلاقيه اوقات مبيجيش وبالنسبة للساعة الضايعة ديه متقنعنيش ان انت مثلا حتذاكر فيها ولا حتنام يبقى انت كده بتضحك ع نفسك فكده كده هى ضايعة
ثانيا بالنسبة لموضوع انك هتبقى تعبان فى الكورس ديه حقيقة يعنى واحد من صباحية ربنا الساعة 8 بره البيت محاضرات وسكاشن واكيد حتضرتك حتصحى قبل الساعة 8وبعدين تطلع ع الكورس بذمتك دماغك حيبقى مركز وحتى لو بقيت مركز مش حتبقى مركز بنفس الدرجة لو واحد قاعد مرتاح وصاحى مثلا ع 10 او11 وديه حاجة بديهية
ع فكره انا منستش حاجة اسمها سكاشن بس حبيت ابسط الموضوع شوية وافرض ان احنا حنخلص الساعة 12 مابالك انتى بقى لوحتخلص سكشن الساعة 3 وتطلع ع كورسات بذمتك مش حتبقى تعبان وحنفترض ان صحتك زى البومب (ماشاء الله) ومش حتتعب:028ja7:حتبقى اكيد عايز تنام وبعد اما تخلص كورسات حتذاكر امتى !!!!!!!!!!!!!!!!!!!!!!!
وبالنسبة لموضوع دكاترة الكورس دكاترة الجامعة طبعا شرحهم احسن وناس خبرة ده غير ان هو اللى بيحط الإمتحان
وغير كده دكاترة الكورسات بيبقوا اغلبهم مخلصش طب لسة يعنى طلبة وممكن لو سألت حد فيهم يجاوبك غلط لأنهم بعيد عن الكلية وميعرفوش ايه اللى بيحصل فيها وفيه دكاتره سعات بتلغى شباتر اوترجع شباتر كانت ملغية وبتوع الكورسات ممكن ميعرفوش
حضرتك بتقول انك حتحضر الكورسات وتقلب المحاضرات ديه اخطر حاجة لأن معظم الدكاتره بيتعمدوا يقولوا حاجات فى المحاضرة ويسألوك فيها فى الشفوى عشان يعرف اللى بيحضر من اللى مبيحضرش وشوف بقى حيعمل فيك ايه
مين قالك ان معظم الأوائل بياخدوا كورسات تقريبا وبعدين مالأوائل دول هم اللى بيتعينوا معيدين وتقريبا معظم المعيدين مكانوش بياخدوا كورسات ع حد علمى
وعلى العموم حضرتك برده حر انا قولت اللى فى ضميرى ولوعايز حضرتك تاخد كورسات حضرتك ادرى بمصلحتك مش معقولة انا حعرف مصلحة حضرتك اكتر منك
وشكرا ع الرد:)
ليه حضرتك أساس من الأصل افترضت إن فيه وقت ضايع بين المحاضره والكورس ؟؟
على فكره انت كلامك ده كله حلو جدااااااااا بس للأسف مش ده الواق خااااالص
90% من طلبه طب والطلبه الأوائل بياخدوا كورسات
دكتور المحاضره بيدخل يقرا من الكتاب أو بكلم على البروجكتور وخلاص
مش بيشرح لأنه متهموش أساسا انت تفهم ولا لأ على عكس دكتور السنر إللي يهمه سمعته ونتيجته
مفيش ولا دكتور في سنتر السعدني أو الفقي (الميرج) لسه طالب أو مخلصش
كلهم مخلصين كليه من زماااااان
عالعموم أنا هكون أسعد واحد لو كلامك صح
بس للأسف هو ده الواقع ولما تدخل الكليه هتتأكد بنفسك إن ده الواقع

علي11

29-09-2009, 02:16 PM

Dr.Ahmed Moussa

29-09-2009, 02:28 PM

ممكن اسأل حضرتك سؤال يادكتور احمد هو مين بس اللى حط فى دماغ حضرتك ان الدكتور بيقرأ من الكتاب ومبيشرحش والله الكلام ده كدب ازاى يعنى بالعقل كده يعنى مفيش مثلا ولا دكتور بيراعى ربنا فينا واكيد طبعا اللى قال لحضرتك ان دكتور الجامعة وحش بتوع الكورسات لأن ده من مصلحتهم
بس انا مش حطول ع حضرتك خش ع الرابط ده وشوف الدكاتره اللى قبلينا نصحوا بإيه:d
وقولى رأيك وربنا يوفقنا جميعا وفى حاجة كده عايز اقولهالك بس متزعلش منى طول ماحضرتك حاطط فى دماغك ان دكتور الجامعة شرحه وحش لو حضرت له حاجة حتقول عليه وحش حتى لو شرحه ميه ميه ده طبعا بالإيحاء النفسى حاول تظبط نفسك انك تكون محايد يعنى متحكمش عليه الإ لما تحضرله شرح وتشيل من دماغك ان شرحة وحش عشان متظلمش نفسك وبعدين احكم هل انت محتاج كورسات ولا لأ وفى الأخر هقول برده حضرتك حررررررررررررررررررررررررررر وانت اكيد عارف مصلحة نفسك وياريت متزعلش من الكلام اللى قولته
الرابط:av4056bb7jp3:
http://www.sha7toot.jumponthe.net/forum/showthread.php?p=21441#post21441

أنا مقولتش إن كل دكاتره الجامعه وحشين أنا قولت إن فيه ناس حلويييييييييين جداااااا وكله بيحضرلهم
حتى لو بياخد كورس بس أنا ليا قريبي ف تانيه طب داخل تالته وهو مش بياخد كورسات خالص
فقالي انت إما إنك تحضر محاضرات أو تاخد كورسات مش الإتنين مع بعض بس قالي إن شرح دكتور الكورس أحسن
وطبعا عمر ما دكتور الكورس يقدر يقول إنه أحسن من دكتور الجامعه أو حتى شرحه أحسن أنا ليا 3 قرايبي في الكليه دلوقتي وكتييييييييير مخلصين وكده فأنا بسألهم محدش بيحط حاجه في دماغي بس أنا بكرر وأعيد عليك لما هتدخل الكليه هتتأكد بنفسك إن المعظم بياخد كورسات عايز متاخدش براحتك وهتوصل لنفس النتيجه بس هتتعب أوي وعلى فكره الأول عالدفعه السنادي إللي داخل تالته مبياخدش كورسات
بس للأسف طب كليه الكورسات
معلش أنا مشوفتش الفيديو لأني مسعجل ونازل (عندي كورس) دلوقتي فبليل إن شاء الله هشوفه

علي11

29-09-2009, 06:49 PM

على فكره يادكتور احمد ده مش فيديو ده موضوع كتبينة الناس اللى داخلين سنة تانية بينصحوا فيه سنة اولى

Dr.Ahmed Moussa

29-09-2009, 09:41 PM

قريته وده كله كلام جميل جدا
أنا لو حسيت إن الكورسات ملهاش لازمه هسيبها خالص
هتقولولي لأ مش هتعرف وحاجات من ده لأ عادي الدكاتره اصحابي كلهم
ومش بيقولوا حاجه بس مش يفوتني شهر في الكليه بعد كده أرجع ألم نفسي هكون تهت
ده رأيي أظن إن الموضوع ده ات*** كلام كله عرف إللي فيها وكل مره بعيد وازيد في نفس الكلام
يا جماعه يا محاضرات يا كورسات
فاهم من المحاضرات ؟؟ خلاص متاخدش كورسات وكمل كده
مش فاهم ومش عارف تمشي لوحدك خد كورسات بس يعني يا جماعه
أنا مش بقول إن أنا صح ودكتورعلي غلط بس كده أو كده صح

dr/a.a.a.h

01-10-2009, 02:59 PM

شكرا علي هذه النصائح ولكن لو الواحد اجتهد من الاول مش هيحتاج لهذه الكورسات