عايزة أسأل عدة أسئلة و أرجو الإجابة عليها بالتفصيل
هل المجتمع ينظر للصيادلة على أنهم مجرد بياعين للدواء و الكريمات و الشامبوهات فقط ؟ و إيه نظرة الأطباء للصيادلة ؟
هل المجتمع يعظم الأطباء أكتر من الصيادلة ؟
المريض يفضل إستشارة الطبيب و لا الصيدلى ؟
هل الصيدلى ممكن يربح أكتر من الطبيب ؟
هل المريض بيثق فى كلام الصيدلى ؟
معلش أنا بسأل الأسئلة دى علشان أعرف إيه مصيرى فى المستقبل إن شاء الله لأنى بجد نفسى أكون دكتورة صيدلانية أفيد العالم :)

عايزة أسأل عدة أسئلة و أرجو الإجابة عليها بالتفصيل
هل المجتمع ينظر للصيادلة على أنهم مجرد بياعين للدواء و الكريمات و الشامبوهات فقط ؟ و إيه نظرة الأطباء للصيادلة ؟
بصي هو بالنسبه لنظرة المجتمع ..فهي فعلا نظره غبيه .. يعني ايه الصيدلي مجرد بياع .. ليه يعني ,,هو كان بيدرس ويعمل كل ده عشان نيجي نقول عليه بياع ؟؟ .. وبعدين حتى لو بياع .. بياع عن بياع يفرق ..هو مش واقف يبيع جبنه دا واقف في مكان محترم وبيبع دوا .. يعني متخصص .. وفاهم ..
واللي بيشوف الصيدلي مجرد بياع .. سوري يبقى عنده نقص ..
وهو لا طايل يبقى بياع ولا طايل يبقى صيدلي .. فبيكتفي بالحقد ع الصيادله ..
اما بالنسبه لنظرة الدكاتره .. فهي نظرة احترام لان الصيدلي ده شخص مكمل للطبيب .. جزء لا يتجزأ منه .. لو مفيش صيدلي يبقى ايه لزمة الكشف بقى اذا كان مفيش علاج ؟؟

هل المجتمع يعظم الأطباء أكتر من الصيادلة ؟
قلة من الناس بتفكر كده يمكن .. لكن الناس اللي فاهمه بتبقى عارفه ان لكل منهم دوره اللي لازم يُحترم ..
المريض يفضل إستشارة الطبيب و لا الصيدلى ؟
احم .. هو يمكن بيسترخص ويسأل الصيدلي على اساس انه استشاره ببلاش ..:d
انما لو حد بيدور على الصح هيسأل الدكتور ..

هل الصيدلى ممكن يربح أكتر من الطبيب ؟
دي واقفه على الشخص نفسه بقى ..
ممكن صيدلي وشغال ماشاء الله والصيدليه شغاله زي الفل او فاتح كذا واحده ودكتور محدش بيروحله ولا بيعبره ومفيش غير مرتبه ..
وممكن دكتور فاتح كذا عياده وشغالين زي الفل دا غير المرتب وصيدلي فاتح صيدليه وبينش ..
يعني مش بتتقاس كده ..

هل المريض بيثق فى كلام الصيدلى ؟
مش اي مريض .. عامة الشعب زي ما قولتلك بيسترخصوا ..
انما الفاهمين اكيد حتى لو استشاروا الصيدلي لازم يتأكدوا من دكتور .. بالاضافه الى ان كلام الصيدلي مع احترامي يعني مش مضمون صحته زي كلام الدكتور ..:)

معلش أنا بسأل الأسئلة دى علشان أعرف إيه مصيرى فى المستقبل إن شاء الله لأنى بجد نفسى أكون دكتورة صيدلانية أفيد العالم :)

احم
شكلي طولت قوي .. استحمليني بقى ..
بس فعلا كان نفسي اتناقش في موضوع زي كده .. لاني بحب الصيادله وبحترمهم جدا بغض النظر عن الكلام الغريب اللي الناس بتردده ..
على فكره .. انا في طِب ..:)
في رعاية الله

هل المجتمع ينظر للصيادلة على أنهم مجرد بياعين للدواء و الكريمات و الشامبوهات فقط ؟


عندنا ف مصر للأسف ناس كتير بتفكر كده
وده تفكير غلط خالص
واللى بيوقلك واحد دبلوم صنايع يقف ف الصيدله يبقى احسن منك وبتاع وكلام الهبل ده
الصيدلى بيبقى دارس وفاهم الدوا ومكوناته والاعراض الجانبيه وايه الادويه اللى تمشى مع بعضها وايه اللى متمشيش
والكلام ده كله

و إيه نظرة الأطباء للصيادلة ؟


كنا ف الويلكم باترى الناهرده
وكانوا بيتكلموا ف الموضوع ده
فاللى كان بيتكلم كان بيوقل
انت تخش صيدله م هنا
وتلاقى الحقد بقى
وخاصه م اصحابك بتوع طب
كان بيتكلم ع اسا ياعنى ان احنا هنخلص بدرى وهما لسه مشوارهم طويل
بس انا عامه حاسه
ان اكيد الدكاترة بيحترموا الصيادله ومقدؤين دورهم عشان بيبقوا فاهمين وكده


هل المجتمع يعظم الأطباء أكتر من الصيادلة ؟



أكيد
و أنا منهم
الدكتور دورة أهم م الصيدلى بكتير
أكيد الصيدلى بيكمل الدور ده وكل حاجه
بس الدكتور هو اللى بيشخص




المريض يفضل إستشارة الطبيب و لا الصيدلى ؟

الافضل طبعا والاصح ان المريض يسأل الدكتور
أكيد هو دارس وفاهم أكتر م الصيدلى
بس الصيدلى بيبقى مهم ف أوقات معينه متأخر مثلا , أجازة ,كده حاجه مستعجله ومؤقته لحد ماتسألى الدكتور أو سريعه لو حاجه بسيطه حرق أو صداع او كده

هل الصيدلى ممكن يربح أكتر من الطبيب ؟

مفيش قاعده الرزق ده بتاع ربنا
ياعنى ممكن تلاقى دكتور بيربح اكتر م صيدلى
و صيدلى بيربح اكتر م دكتور وف نفس المجال
كل واحد بقى ونصيبه وجهده


هل المريض بيثق فى كلام الصيدلى ؟

ومايثقش ليه ياعنى
لو مش هيثق ف كلامنا هيثق ف كلام مين

معلش أنا بسأل الأسئلة دى علشان أعرف إيه مصيرى فى المستقبل إن شاء الله لأنى بجد نفسى أكون دكتورة صيدلانية أفيد العالم :)

إن شاء الله تبقى صيدلانيه قد الدنيا
وتفيدى بلدك ودينك
وتحققى كل احلامك
ربنا يوفقك يا قمر

شكرا يا دكتورة نغم على ردودك الهايلة بس فعلا طلع العيب مش فى الصيادلة العيب فى الناس ا لجاهلة اللى مبتعترفش بدور الصيدلى العظيم و أحيانا الصيدلى بيحمى المريض من الموت و بينقذه و بيعمله الإسعافات الأولية و على فكرة فى أطباء كتير مش كويسين و كل همهم الكسب المادى و بس و مبيهمهومش مصلحة المريض
المهم فى الآخر إن كلنا نتقى الله لأن عملنا حنتحاسب عليه يوم القيامة بس معلش أنا عندى تعليق بسيط الطبيب وظيفته مش أهم من الدكتور الصيدلى لأن الصيدلى عليه عبء تصنيع الدواء و تجربته و معرفة آثاره الجانبية و أنا من رأيى الصيدلى لا يقل أهمية عن الطبيب و الطب و الصيدلة وجهان لعملة واحدة
و ربنا يوفقنا لخدمة المسلمين

عايزة أسأل عدة أسئلة و أرجو الإجابة عليها بالتفصيل
هل المجتمع ينظر للصيادلة على أنهم مجرد بياعين للدواء و الكريمات و الشامبوهات فقط ؟ و إيه نظرة الأطباء للصيادلة ؟الكلام ده صحيح بس بينطبق على الدكاترة اللى واقفين فى صيدليات اما الدكاترة اللى شغالين فى شركات ادوية نظرة الناس ليهم بتكون مختلفه بتكون اكثر احتراما و تقديرا ً
هل المجتمع يعظم الأطباء أكتر من الصيادلة ؟
المريض يفضل إستشارة الطبيب و لا الصيدلى ؟
هل الصيدلى ممكن يربح أكتر من الطبيب ؟
هل المريض بيثق فى كلام الصيدلى ؟

معلش أنا بسأل الأسئلة دى علشان أعرف إيه مصيرى فى المستقبل إن شاء الله لأنى بجد نفسى أكون دكتورة صيدلانية أفيد العالم :) باقى الاسئلة متفق مع باقى الردود

هوا ايه الل بياع وبعدين ليه احنا بنفكر اصلا ان احنا نقف فى صيدليات
احنا ممكن نحضر ماجستير ودكتوراه ونشتغل فى مصانع ادويه او نسافر بره
وبعدين الل يقول بياع ده بيثبت انه متخلف عقليا ويثبت انه حقود اصلا