shaarawy333
02-10-2009, 09:58 PM
ممكن كل مهندس يقضى يومه فى الكليه هيجى يحكلنا مواقفه فى الكليه
|
مشاهدة النسخة كاملة : يوميات طالب هندسه shaarawy333 02-10-2009, 09:58 PM ممكن كل مهندس يقضى يومه فى الكليه هيجى يحكلنا مواقفه فى الكليه KeMoZzAzZ 03-10-2009, 06:34 PM كان يوم عادى يعنى بتسلم فيه على كل اصدقاء السوء بتاع السنة اللى فاتت لحد اما ايديك ماتعرفش تحركها تانى :d BaNZeR 03-10-2009, 06:45 PM النهاردة اول اليوم كنت حاسس إني فرحان زيادة اصلي اخدت امبارح احباط يكفي الاربع سنين عن كهربا ودخلت اول محاضرة وعندي صورة عن الدكتور إني حطرد من اول محاضرة بس طلع كل حاجة زي الفل والدرس لأول مرة افهمه على الرغم إنه مجالات كهربية ...فيزيا يعني بس طبعاً الحلو ميكملش :d صحيح هو اول يوم بس عندنا محاضرة في آخر اليوم قال مقرر ثقافي وانساني الدكتور ضحك علينا ومجاش :d والله انا لسه راجع حالاً من بره ومخنوق قومني من النوم على الفاضي :d يلا عموماً كده كده انا عارف الواقع في كهربا بس بحاول اخدع نفسي يعني :d وهو اول يومين كده حقن تخدير مش اكتر :d فاتتكو العافية KeMoZzAzZ 03-10-2009, 07:43 PM يابنى ده انا اما شوفت جدول كهربا وجدول عمارة قولت هحاول مالهاش حل :d ال كهربا ال ربنا معاك يابونظر :d rabanzel 03-10-2009, 07:47 PM قومني من النوم على الفاضي :d قومنا مد بالألف مش ي بطه :d يا ساقط ابتدائيه :P BaNZeR 03-10-2009, 07:57 PM قومنا مد بالألف مش ي بطه :d يا ساقط ابتدائيه :P أنا آسف كان في شدة على الـ(ي) نسيتها :d والقاف عليها فتحة اقريها تاني بالمعنى الجديد بقى :d rabanzel 03-10-2009, 08:00 PM أنا آسف كان في شدة على الـ(ي) نسيتها :d والقاف عليها فتحة اقريها تاني بالمعنى الجديد بقى :d هههههههههههههههههه لا بتفهم ما شاء الله:d ابقى فكرني آخد اسمك :P shaarawy333 03-10-2009, 09:00 PM كله تمام بس الزحمه كانت ايييييييييييييييييييييه ده Eng_lfc 03-10-2009, 09:14 PM كان كله تمام اوى و الدكاترة فوق الممتاز و كله كان حلو اوى و مكناش كتير اوى eng7oudash 03-10-2009, 09:22 PM بالنسبة لى بقى كان يوم جااااااامد اول ما دخخلت الكلية لقيت واحد صاحبى بيبشرنى انه مفيش اى حاجة لنا .. و الجدول نزل حتى الكلية كلها الجداول بتاعتها نزلت ما عدا احنا كنت هروح معاه .. بس قلت ادخل اسلم على اى حد و سلمت و روحت و الحمد لله b_a_h_a_a92 03-10-2009, 09:40 PM انا روحت النهاردة و صورت فيلم تايه في هندسة أقصد أمريكا و كل دفعة اعدادي كده كل رايح جاي بيحاولوا يوصلوا هنعمل ايه و في الآخر الحمد الله لقينا المدرج اللي لمنا كلنا :redface:......... shaarawy333 03-10-2009, 09:51 PM بجد الواحد كان تايه خالص abdelRhman772007 03-10-2009, 11:55 PM حد فيكم دخل محاضرة مش ليه ؟؟؟ أظن محدش عملها فيكم غيرى هههه المغفلين اللى زيى لقطة و لا لما جيت قعدت فى آخر المدرج كل الدكاترة مصطادانى أول واحد قالى اللى واقف تحت ينزل مع انى كنت قاعد على البنش و تانى واحد ده ^_* مقولكوش استقصاد مية مية شوية يقول مهما تقول للى ورا يطلع قدام مش هيطلع (ماشى ) و بعد شوية يقول لبشمهندسة قولى للى ورا يبطل أكل لبان (مكنتش باكل لبان و اللى ورا مكنوش بيكلوا و شبه متأكد لأن مفيش حد فينا عمل أقل رد فعل ) ناهيك بقى عن اللون الأحمر الصغير و طبعًا قال هخليك تحرم تقعد ورا تانى رجالة هو مش المفروض تجنب الازدحام عشان انفلوانزا الخنازير ؟؟؟ لا إله إلا الله هاااا الظاهر هطلع للدكتور ده قدام كام دكة عسى و لعل BaNZeR 04-10-2009, 12:11 AM احمد ربنا إنه بيلقح كلام مش بيوجه بشكل مباشر ده اقل حاجة عند الدكتور :d abdelRhman772007 04-10-2009, 12:22 AM ربنا يستر يا أخويا بقولك معندكش كتاب أو كتيب للغة البيسك المشكلة أنها متتطورة و دلوقت موجود الفيجوال بيسك احنا هندرس أنهى واحدة مش عارف نبقى نعرف بكرة إذا خدنا محاضرة ^_* أنت شكلك شايل من الدكاترة ههههه BaNZeR 04-10-2009, 12:30 AM ربنا يستر يا أخويا بقولك معندكش كتاب أو كتيب للغة البيسك المشكلة أنها متتطورة و دلوقت موجود الفيجوال بيسك احنا هندرس أنهى واحدة مش عارف نبقى نعرف بكرة إذا خدنا محاضرة ^_* أنت شكلك شايل من الدكاترة ههههه لا لا انا الحمد لله ماشي في السليم (حتى الآن :d) ومحصليش اي موقف محرج بس بكلمك عن نماذج بشوفها :d اللى حتدرسه هو البيزيك غير الفجوال بيزيك فجوال بيزيك ده لغة برمجة متطورة ممكن تاخدها في مجال كهربا بعدين بالنسبالي مبشلش اي كتب بس ابقى جيب عندك برنامج البيزيك عشان تبقى تطبق عليه حيفيدك انا جبته متاخر وكان عليه فيروس فشلته بعد الامتحان ولأنه لغة بدائية اصلاً ملهاش اي لازمة ولا تطبيق KeMoZzAzZ 04-10-2009, 05:31 PM انا النهارده روحت كان عندنا 3 محاضرات ورا بعض نفس المادة (عمارة بقى ) المهم الدكاترة قالولنا نروح من الساعه 12 ونحضر اخر محاضرة حضرنا والدكتور جه الساعه 1 وعشرة ومشانا الساعه 10 ونص وماقلش حاجه فهمنا منها اى بطيخ والحمد لله كان يوم لذيذ ومفيد جدا :d eng_salwa 04-10-2009, 06:08 PM انا كان يوم زفت امباررح حضرت تلت محاضرات ;) مافهمتش ولا كلمه من اي دكتوووووور اللي فهمته ان الدكاتره دول هيطردوني من تاني محاضره ومن قسم ميكانيكا خاالص ;) يالاه مابقتش فارقه سينا من سونيا هههههههه اللي مزعلني اني صحيت بدري :d والنهارده مارحتش علشان كان فيه سكاشن بس يالاه بالتووفيق للجميع جعلتني مهندسا 04-10-2009, 07:54 PM أنال بقى امبارح والنهاردة مختش أي حاجة خالص KeMoZzAzZ 04-10-2009, 09:17 PM انتوا ناس تمام اوى :d بروف انس 05-10-2009, 02:08 PM انا لو اقلكم اللي حصل معايا اول يوم مش هتصدقوا انا بعد ماركبت الاوتوبيس ونزلت الموقف لقيت واحد رايح لكليه الهندسه المهم ركبت معاه ونزلني في مكان اول مره اروحه حته كده وسط اراضي زراعيه المهم لقيت كليه قدامي قلت الحمد لله روحت بقي وانا في منتهي الشجاعه لقيت عسكري علي فين ياعم الشيخ انا استغربت شويه بعدين فهمت ان المبني لمجمع كليات الازهر كنت محروج اوي المهم روحت بقي ميت وجربت منطقه تانيه والحمد لله وصلت الكليه لقيت برده عسكري في منتهي الرخامه بيقولي منتش داخل علشان ممكعش غير بطاقه الترشيح المهم بعد محايله ومناهده دخلت قلت بقي اسال علي جدول اعدادي لقيت واحد كده شكله مسطول والسيجاره في بقه قلت اكيد الكابتن ده خبره في الكليه قلتله فين الدول بتاع اعدادي ياهندسه بصلي كده ولااكنه كان متوقع ان حد يساله قالي اعدادي قلتله اه قالي يابني اول اسبوعين في الكليه دول في البطيخ فريح دماغك وروح وطبعا قلتله افادكم الله واخدت النصيحه وروحت BaNZeR 05-10-2009, 02:57 PM قالي يابني اول اسبوعين في الكليه دول في البطيخ فريح دماغك وروح وطبعا قلتله افادكم الله واخدت النصيحه وروحت مش قولنالكم في البداية محدش ياخد بنصيحة حد من جوه الكلية امال احنا حصل فينا كده من قليل :d KeMoZzAzZ 05-10-2009, 04:07 PM نعم؟؟؟؟؟؟؟؟ ياللهوى ايه ياعم انت بتهزر؟؟؟ وازاى ميعزمش عليك يعنى بسيجارة مثلا ولا حاجه؟؟ سابك تمشى كده؟ بجد معندوش حق :d يابروف انس من الاخر السنة كلها مهمة المهم فى اول اسبوعين انك بتفهم الكلية ماشية ازاى عشان تقدر تمشى فيها فلو مافهمتش اول اسبوعين هتاخد بقى تانى اسبوعين تفهم فيهم؟؟ وهكذا لحد اما تبدء تاخد اول اسبوعين دبلره ؟ :d بعد الشر طبعا بس فعلا السنة كلها مهمة ;) Its My Life 05-10-2009, 04:19 PM ____________________ rabanzel 05-10-2009, 04:23 PM انا خدت النهارده كيمياء:( والدكتور مكنش عارف يجمع:( ومفهمتش منه اي حاجه جديده:( فهمت كيمياء الثانوي بس:( بس لغبطلي شويه حاجات فيها:( وكل شويه يقول جمله وميكملهاش للآخر:( والمعيد كان طيب وابن حلال وفهمت منه بس تقريبا كان في حد بيجري وراه:( انا عيزه احول فن صحي:( كان مالي ومال الهندسه :( اغيثوني:(:(:( BaNZeR 05-10-2009, 04:27 PM سبب التعديل : نسيت ودخلت بعضويتي:D أنا نفسي افهم أنتي حلفتي منتيش داخلة بالعضويتين دول تاني ولا هما موقوفين بشكل ودي ولا ايه :d rabanzel 05-10-2009, 04:48 PM أنا نفسي افهم أنتي حلفتي منتيش داخلة بالعضويتين دول تاني ولا هما موقوفين بشكل ودي ولا ايه :d لا بعيد عنك محلفتش ولا حاجه كل ما في الموضوع ان انا كرهت المنتدى مش اكتر وفي بعض الاشخاص حسسوني ان انا غير مرغوبه ولو بالنسبه لعدد قليل وانا لو حسيت الاحساس ده من عضو واحد حتى هيكون سبب ان انا مادخلش المنتدى وعموما ربنا يوفقهم بلاش تسييح بقى :d KeMoZzAzZ 05-10-2009, 04:51 PM ههههههههه ربنا معاكى يابوظى وعلى فكرة الكيميا سهلة مش صعبة هى بس عايزه حد بيفهم والعيب مش فى الدكتور ولا المعيد اكيد على فكرة :p KeMoZzAzZ 05-10-2009, 04:54 PM لا بعيد عنك محلفتش ولا حاجه كل ما في الموضوع ان انا كرهت المنتدى مش اكتر وفي بعض الاشخاص حسسوني ان انا غير مرغوبه ولو بالنسبه لعدد قليل وانا لو حسيت الاحساس ده من عضو واحد حتى هيكون سبب ان انا مادخلش المنتدى وعموما ربنا يوفقهم بلاش تسييح بقى :d عضو واحد؟؟؟ لا ياعم ماتقوليش كده عضو واحد بس ازاى يعنى قولى عضوين تلاته او المنتدى كله مثلا :d :slap1qk6: (الاموشن ده عشان بس بقالى كتير مش استخدمته) rabanzel 05-10-2009, 04:57 PM عضو واحد؟؟؟ لا ياعم ماتقوليش كده عضو واحد بس ازاى يعنى قولى عضوين تلاته او المنتدى كله مثلا :d :slap1qk6: (الاموشن ده عشان بس بقالى كتير مش استخدمته) منور يا كابتن:slap1qk6: عموما كده كده يعني نويه اطفش حتى من العضويات التنكريه:slap1qk6: BaNZeR 05-10-2009, 05:02 PM لا بعيد عنك محلفتش ولا حاجه كل ما في الموضوع ان انا كرهت المنتدى مش اكتر وفي بعض الاشخاص حسسوني ان انا غير مرغوبه ولو بالنسبه لعدد قليل وانا لو حسيت الاحساس ده من عضو واحد حتى هيكون سبب ان انا مادخلش المنتدى وعموما ربنا يوفقهم بلاش تسييح بقى :d يا ستي يعني قال بالعضوية التانية خلصتي من فيروس الثانوية العامة وبالعضوية التالتة خلصتي من فيروس كلية الهندسة :p بس متخديش في بالك كتير كل واحد ليه ناس لازم تبقى معارضاه بس مش عشان دول بيكرهونا يبقى نكره المكان كله يعني عندك انا مثلاً مش بطيقك معانا :d بس مع ذلك مش عايزك تمشي برده المهم الاغلبية يا باربي :d وسيبك من كلام الناس وبعدين انتي حطيتي الف موضوع قبل كده مكنتيش حتمشي فيهم ومش بتعرفي تسيبي المنتدى برده :d rabanzel 05-10-2009, 05:06 PM يا ستي يعني قال بالعضوية التانية خلصتي من فيروس الثانوية العامة وبالعضوية التالتة خلصتي من فيروس كلية الهندسة :p بس متخديش في بالك كتير كل واحد ليه ناس لازم تبقى معارضاه بس مش عشان دول بيكرهونا يبقى نكره المكان كله يعني عندك انا مثلاً مش بطيقك معانا :d بس مع ذلك مش عايزك تمشي برده المهم الاغلبية يا باربي :d وسيبك من كلام الناس وبعدين انتي حطيتي الف موضوع قبل كده مكنتيش حتمشي فيهم ومش بتعرفي تسيبي المنتدى برده :d لا الوقت الموضوع يختلف اصل انا جبت منتدى بديل:022yb4: بس لظيظ لوي:022yb4: BaNZeR 05-10-2009, 05:45 PM لا الوقت الموضوع يختلف اصل انا جبت منتدى بديل:022yb4: بس لظيظ لوي:022yb4: برده مش حتقدري تسيبي هنا قوليلي في الخباثة كده المنتدى ده ايه عشان اروح اسجل هناك اهه نكسب لقمة عيش من مكان تاني :d بروف انس 05-10-2009, 06:26 PM :d:d مش قولنالكم في البداية محدش ياخد بنصيحة حد من جوه الكلية امال احنا حصل فينا كده من قليل :d امال لو تعرف اللي حصل معايا انا والاخوان في الكليه والجماعه بتوع شئون الطلاب ده كان يوم صيني " مطلعتلوش شمس " نعم؟؟؟؟؟؟؟؟ ياللهوى ايه ياعم انت بتهزر؟؟؟ وازاى ميعزمش عليك يعنى بسيجارة مثلا ولا حاجه؟؟ سابك تمشى كده؟ بجد معندوش حق :d يابروف انس من الاخر السنة كلها مهمة المهم فى اول اسبوعين انك بتفهم الكلية ماشية ازاى عشان تقدر تمشى فيها فلو مافهمتش اول اسبوعين هتاخد بقى تانى اسبوعين تفهم فيهم؟؟ وهكذا لحد اما تبدء تاخد اول اسبوعين دبلره ؟ :d بعد الشر طبعا بس فعلا السنة كلها مهمة ;) والله ياكيموز انا باين عليا هقضي السنه في اني افهم الكليه وايه حكايه الجداول بتاعت الكليه دي اللي عايزه الواحد ياخد كورس علشان يفهمها :d rabanzel 05-10-2009, 07:23 PM برده مش حتقدري تسيبي هنا قوليلي في الخباثة كده المنتدى ده ايه عشان اروح اسجل هناك اهه نكسب لقمة عيش من مكان تاني :d لع مش هاقولك لان بنات منتدى الثانويه الطفشانين كلهم هناك ولو قلتلك هتلم الشله وتيجي وكده يبقى معملناش حاجه :028ja7: روح العب بعيد بقى مش هاقولك :P وردة بلدنا 05-10-2009, 09:58 PM انتو لسة رايقين هو اللي يروح الجامعة يبقى رايق ده كان يوم مقرف رحت جامعة غير جامعتي وخدت جدول غير جدولي وعيال دمها تقيل وحاجة ملل وانتو ليكو مزاج تهزروا يللا بلاش انكد عليكم eng7oudash 05-10-2009, 10:19 PM جامعة غير جامعتك ازاى يعنى ؟؟ !!!! :bosyht9::bosyht9: رحتى اسكندرية بدل القاهرة يعنى :d وردة بلدنا 05-10-2009, 10:38 PM جامعة غير جامعتك ازاى يعنى ؟؟ !!!! :bosyht9::bosyht9: رحتى اسكندرية بدل القاهرة يعنى :d اصلي عاملة تحويل حضرتك:( يللا بقى نعمل ايه بس eng7oudash 05-10-2009, 11:50 PM ربنا يسهل و يقبل KeMoZzAzZ 06-10-2009, 11:42 AM :d:d امال لو تعرف اللي حصل معايا انا والاخوان في الكليه والجماعه بتوع شئون الطلاب ده كان يوم صيني " مطلعتلوش شمس " والله ياكيموز انا باين عليا هقضي السنه في اني افهم الكليه وايه حكايه الجداول بتاعت الكليه دي اللي عايزه الواحد ياخد كورس علشان يفهمها :d اخوااان؟؟ انت من اولها كده داخل شمال؟ :d طب ماتلعبش مع الاسد ياعم :d وعلى فكرة ياجدعان الجدول مش هندى يعنى ده عربى وبسيط :d ولو خلاص صعب اوى يعنى تفهمه تعلالى انا كورسى معتمد دوليا ب 300 جنيه بس :d انتو لسة رايقين هو اللي يروح الجامعة يبقى رايق ده كان يوم مقرف رحت جامعة غير جامعتي وخدت جدول غير جدولي وعيال دمها تقيل وحاجة ملل وانتو ليكو مزاج تهزروا يللا بلاش انكد عليكم احنااااااا؟؟؟ اه ياظااالمة ده انا عمرى ماهزرت :d ربنا يوفقك فى التحويل ;) BaNZeR 06-10-2009, 12:31 PM اصلي عاملة تحويل حضرتك:( يللا بقى نعمل ايه بس زي واحد عندنا في ميكانيكا وعايز ييجي معايا في كهربا حضر اول يوم في ميكانيكا والباقي حضره معانا وخلاص عجبه الحال وعنده امل إنه يمشي في كهربا راح لوكيل شئون الطلاب عندنا راح بصله انت يابني مجموعك جايب كهربا وزيادة حد ضربك على ايدك وقالك خش ميكانيكا :d بتحصل في احسن العائلات على فكرة :d وردة بلدنا 06-10-2009, 09:14 PM زي واحد عندنا في ميكانيكا وعايز ييجي معايا في كهربا حضر اول يوم في ميكانيكا والباقي حضره معانا وخلاص عجبه الحال وعنده امل إنه يمشي في كهربا راح لوكيل شئون الطلاب عندنا راح بصله انت يابني مجموعك جايب كهربا وزيادة حد ضربك على ايدك وقالك خش ميكانيكا :d بتحصل في احسن العائلات على فكرة :d انا اعدادي يعني عايزة احول من كلية لكلية يللا خير خير:p BaNZeR 06-10-2009, 09:25 PM انا اعدادي يعني عايزة احول من كلية لكلية يللا خير خير:p منا فاهم بس انا معرفش حد حول من جامعة عشان احكي عنه حكيت لواحد حول قسم ما كله تحويل جوه هندسة :d وردة بلدنا 07-10-2009, 09:07 PM انا حولت خلاص الحمد لله:d قولولي مبروك بقى:022yb4: KeMoZzAzZ 07-10-2009, 10:20 PM مبروك عليكى يا جنينة بلدنا :d عقبال اما نشوفك فى اولى بقى ;) eng7oudash 07-10-2009, 11:23 PM انا حولت خلاص الحمد لله:d قولولي مبروك بقى:022yb4: كونجراتيولايشنز الف مبرووووك :022yb4::022yb4::022yb4: BaNZeR 08-10-2009, 09:00 AM طيب الف الف مبرووك كده نرخم بنفس بقى :d وردة بلدنا 08-10-2009, 12:31 PM مبروك عليكى يا جنينة بلدنا :d عقبال اما نشوفك فى اولى بقى ;) عيب عيب كدة ازعل وانا زعلي وحش على طول هديك بال:abdoog8: وردة بلدنا 08-10-2009, 12:32 PM طيب الف الف مبرووك كده نرخم بنفس بقى :d ترخم على مين ده انا اكبر رخمة في البلد:d وردة بلدنا 08-10-2009, 12:34 PM كونجراتيولايشنز الف مبرووووك :022yb4::022yb4::022yb4: الله يبارك فيك:av4056bb7jp3: KeMoZzAzZ 08-10-2009, 04:31 PM بال ايه ؟؟؟ قولى قولىىىىى خافت تقول للاسف الاموشن دليل على ضعف موقفك :d وردة بلدنا 08-10-2009, 04:54 PM بال ايه ؟؟؟ قولى قولىىىىى خافت تقول للاسف الاموشن دليل على ضعف موقفك :d ضعف موقف مين ؟ الكلام على ايه يا ساقط ابتدائية ده مفيش كلمتين على بعضيهم انت كاتبهم صح:d KeMoZzAzZ 08-10-2009, 07:54 PM ياعم طب استر عليا يستر عليكى ربنا :d ماتفحنيش قدام الناس يعنى :d وعلى فكرة انا كاتب كلام منطقى بحت انتى بس ركزى :p معلش لسه وردة مش فاهمة حاجه مانتى لو كنتى كملتى جنينة كنتى هتفهمى :d وردة بلدنا 08-10-2009, 10:25 PM ياعم طب استر عليا يستر عليكى ربنا :d ماتفحنيش قدام الناس يعنى :d وعلى فكرة انا كاتب كلام منطقى بحت انتى بس ركزى :p معلش لسه وردة مش فاهمة حاجه مانتى لو كنتى كملتى جنينة كنتى هتفهمى :d وكمان خايب في التذكير والتانيث لالالالالالا ده انت عايزلك كورس في اللغة ايه ده:d يا عم استر علي لالالالالالالالالالالالالالالالالالا:p بس انت نايم من يومك هنعملك ايه بس يا zzzzzzzzzzzzzzzzzz:d KeMoZzAzZ 09-10-2009, 03:31 AM اساسا انا مهندس هعمل ايه بالعربى ان شاء الله ؟ :p ااااه صحيح فكرتينى ماتنسيش تسقى الوردة اللى فى الصورة اتنين وخميس عشان ماتدبلش ها :p mido bassyo 09-10-2009, 09:28 AM انا بقى عندى الدكاترة كلهم زى الفل بس اتكشرت من اول محاضرة ميكانيكا... الدكتور محدش فاهم منه اى حاجة و بيتكلم بسرعة .( انا فى الاكاديمية البحرية) قام واحد يسأل الدكتور سؤال قولتله فقيه اوى انت يعنى فاهم كل اللى فات و بتسأل فى دى الدكتور سمعنى للاسف لانى كنت قاعد فى تانى بنش... قالى ما اشوفكش هنا تانى.... هيسقطنى دا يا ترى ولا ايه؟ وردة بلدنا 09-10-2009, 12:40 PM انا بقى عندى الدكاترة كلهم زى الفل بس اتكشرت من اول محاضرة ميكانيكا... الدكتور محدش فاهم منه اى حاجة و بيتكلم بسرعة .( انا فى الاكاديمية البحرية) قام واحد يسأل الدكتور سؤال قولتله فقيه اوى انت يعنى فاهم كل اللى فات و بتسأل فى دى الدكتور سمعنى للاسف لانى كنت قاعد فى تانى بنش... قالى ما اشوفكش هنا تانى.... هيسقطنى دا يا ترى ولا ايه؟ الله يرمحك ودع المادة دي بقى وداع حار كدة ولا صحيح تودعها ليه دي هتبقى معاك كتير:p مش عارفة ممكن يعمل ايه الصراحة انا لسة اعدادي بس انت مش حبكت تتكلم الا ساعتها تب وتي سوتك يعني يا عبقري:d وردة بلدنا 09-10-2009, 12:44 PM اساسا انا مهندس هعمل ايه بالعربى ان شاء الله ؟ :p ااااه صحيح فكرتينى ماتنسيش تسقى الوردة اللى فى الصورة اتنين وخميس عشان ماتدبلش ها :p انت جاي مع مين :p روح العب بعيد يا شاتر :p يا zzzzzzzzzzzzzzzzz وبتتريق على اسمي تب شوف اسمك الاول:d mido bassyo 09-10-2009, 03:53 PM الله يرمحك ودع المادة دي بقى وداع حار كدة ولا صحيح تودعها ليه دي هتبقى معاك كتير:p مش عارفة ممكن يعمل ايه الصراحة انا لسة اعدادي بس انت مش حبكت تتكلم الا ساعتها تب وتي سوتك يعني يا عبقري:d ما اصل الواد مستفز اوى وماقدرتش اتحمل و كنت فاكر صوتى واطى .... اللى نيل الدنيا انه سمع و ان ناس كتير ضحكت... ف كان لازم يكرشنى هههه... بس ما اعتقدش هيسقطنى وهو هيعرف اسمى منين ولو سأل هقوله اسم اى حد غايب.. سهلة يعنى KeMoZzAzZ 09-10-2009, 09:15 PM مادام ماخدش اسمك خلاص عادى يابومبو واساسا على فكرة الدكاترة طيبين يعنى مش وحشين اوى كده الا لو شافك كزا مره واتضايق منك ساعتها بقى الله يرحمك :d يعنى طول مانت فى السليم مش هياخدك كده وخلاص وانت ماكنتش سليم فخد بالك بقى :p gege_95 09-10-2009, 10:32 PM حرام عليكو انتم عقدتونى انا عاملة تحويل من تجارة انجليزى لهندسة بس بجد انتم خوفتونى اوى ربنا يخليكم ارحمونى KeMoZzAzZ 10-10-2009, 12:03 AM انتى حولتى خلاص واللى كان كان؟؟؟ ليه عملتى كده ليييه يلا ربنا معاكى بقى مصر كلها وراك يابطل :p |