|
مشاهدة النسخة كاملة : افتونى فى موضوعى بستو 08-10-2009, 07:27 AM لو سمحت ممكن حد يقولى على الكتب اللى ضرورى ان اشتريها وهل الا لة الحاسبة ضرورى ان اجيبها فى اعدادىولا لما اتخصص وما هىنصيحتكم لاخوكم على فكرة انا فى هندسةاسكندية اعدادى ارجو الافاة بسرعة من الطلبة اللى خلصوا اعدادى BaNZeR 08-10-2009, 07:37 AM الآلة الحاسبة اللى كنت بتستعملها في ثانوي كمل بيها عادي مش حتحتاج حاجة اعلى الكتب لو قصدك كتب خارجية فيفضل الاضواء او الامتحان :d بص في الكلية مفيش حاجة اسمها كتب اساساً في بس الكتب اللى بينزلوها الدكاترة للمادة وبيسموها المذكرات ده اللى بالنسبالك حتبقى زي كتب الوزارة لو عايز نصايح اوعى تنفض للمحاضرات :) لو عايز بقى مواضيع تفيدك اكتر كان في مشاركة جمعت فيها معظم المواضيع ده المشاركة من هنا (http://www.thanwya.com/vb/showpost.php?p=1658044&postcount=5) اتمنى إنها تفيدك بستو 08-10-2009, 07:42 AM طيب بالنسبة للادوات الهندسية والبرجل BaNZeR 08-10-2009, 07:48 AM كله حتلاقيه في المشاركة عندك الموضوع ده إستفسارات هامة جداً عن أدوات الرسم الهندسي ومعمل الكيمياء والورش (http://www.thanwya.com/vb/showthread.php?t=143491) بس كده كده الادوات بيقولولكو عليها في اول سكشن رسم هندسي فاعرف الدكتور حيطلب منك ايه واهتم بيه بستو 08-10-2009, 08:00 AM طيب كتب الدكاتره لازم اشتريها اصل انا سمعت طلبة بيقولوا فى كتب مش لازم تشتريها BaNZeR 08-10-2009, 08:33 AM انت ممكن متعملش بيها حاجة اصلاً بس اشتريها برده حترجعلها على الاقل في مرة للتأكد من حاجة ممكن تاخد منها تمارين كواجب او شيت يعني بس مفيش حاجة اسمها كتب مش لازم تشتريها KeMoZzAzZ 08-10-2009, 04:35 PM سورى يابنذر بس فعلا فى كتب بيبقى مش ليها لزمة بس مش اللى الدكتور بيقول عليها لا بتاعت المكتبة كانت بتضحك علينا :d نقولها عايزين كتب الكيميا تقولنا عايزين كتاب المعادلات معاه نقولها اه (ماحنا مش فاهمين ) وانا اساسا ولا فتحته طول السنة ولا قربت منه ولحد دلوقتى مش فاهم منه حاجه :d والحمد لله جبت فى الكيميا امتياز :d بس فعلا يعنى خد الخبرة من اللى قبلك فى الكلية خلى حد اكبر منك يشترى معاك لو تعرف BaNZeR 09-10-2009, 01:47 AM منا قلت ممكن متعملش بيها حاجة بس متجيش تستخدمها في موقف واحد تحتاج فيه الكتاب وتندم إنك مجبتهوش ساعتها انا في كتب مقربتلهاش في حين في ناس مذاكرتش غير منها في كتب اتفقنا كلنا إنه محدش استفاد منها بس في النهاية مجتش على عشرة ولا عشرين جنيه لكتاب يعني :d KeMoZzAzZ 09-10-2009, 03:27 AM عشرة عشرين؟ :d انتوا اغلى كتاب عندكوا كان بكام؟؟ واضح اننا كان بيتنصب علينا جامد ولا ايه ؟ :d BaNZeR 09-10-2009, 10:32 AM هو كان في اكتر اه وبيوصل ال50 بس بنستلمهم كتابين مع بعض وساعات تلاتة فبحسب المتوسط لكل كتاب مش لكل مادة :d انتو عندكو حاجات فوق 50 ولا ايه :d KeMoZzAzZ 09-10-2009, 09:17 PM انت كل اللى تحبه موجود يامعلم :d انت بس تأشر :d Eng. A'laa Salah 09-10-2009, 09:56 PM منا قلت ممكن متعملش بيها حاجة بس متجيش تستخدمها في موقف واحد تحتاج فيه الكتاب وتندم إنك مجبتهوش ساعتها انا في كتب مقربتلهاش في حين في ناس مذاكرتش غير منها في كتب اتفقنا كلنا إنه محدش استفاد منها بس في النهاية مجتش على عشرة ولا عشرين جنيه لكتاب يعني :d علي كده بيتنصب علينا جامد اوي كتاب الرياضه ب 80 جنيه كتاب الفيزياء 80 جنيه كتب الرسم الهندسي والهندسه الوصفيه 90 جنيه KeMoZzAzZ 09-10-2009, 10:21 PM انا فاكر ان الرسم عندنا كان ب 120 تقريبا!!! :d BaNZeR 10-10-2009, 01:35 AM احم احم احنا الكلية عاملالنا دعم للكتب اكيد او اننا استيراد محلي كلية مكتفية بذاتها :d |