السلام عليكم..

بدون أطالة كلام ,

الأكاديمية هيئة سياسية وتعتبر سفارة دولية تابعة لجامعة الدول العربية

وخريجيها وعامليها لهم هيبة خاصة بين الناس والسلطات والحكومات


لائحة بالمصاريف للعام 2009

مبدأياً

في المصاريف كل طالب ليه فئة خاصة بيه

بمعنى الي حصل في مجموعه الثانوي 90 % فأكثر يحصل على الفئة أ

والفئة (ب) للحاصلين على مجموع 80 % حتى 89 %

والفئة ( ج )وهي الفئة التي أقل من مجموع 80 % وطلبتها لا يحصلون على اي خصم ويدفعون المصاريف كاملة

والآن ننتقل الى المصروفات حسب درجات البكالوريس المتخصصة

اولاً ..

كلية النقل البحري والتكنولوجيا + كلية تكنولوجيا الهندسة البحرية > مصروفاتهم واحدة زي بعض

للدول الداعمة .. الفئة ( أ ) يدفع في الترم الواحد 3407 $

الفئة ( ب ) يدفع في الترم الواحد 4167 $

الفئة (ج) يدفع في الترم الواحد 4737 $

------


للدول الأخرى ..

الفئة (أ) يدفع في الترم الواحد 4205 $

الفئة (ب) يدفع في الترم الواحد 4490 $

الفئة (ج)يدفع في الترم الواحد 5060 $


-------------------------------------------------------

كلية النقل الدولي واللوجستيات

كلية أدارة التجارة والنقل الدولي + كلية تكنولوجيا النقل الدولي واللوجستيات باللغة العربية

لأبناء الدول الداعمة :
الفئة ( أ) يدفع 2092 $ ( في الترم طبعاً اتفقنا )

الفئة (ب) يدفع 2452 $

الفئة (ج) يدفع 2812 $


لأبناء الدول الأخرى

الفئة (أ) يدفع 2395 $

الفئة (ب ) يدفع 2935$

الفئة (ج) يدفع 3115 $


نفس الكليتان بس الدراسة باللغة الأنجليزية تزيد المصاريف كذلك ..

تكون الدول الداعمة في الترم الواحد ..

2532 $ للفئة الأولى (أ)

فئة ( ب) 3342 $

الفئة ج) 3612 $

__ لأبناء الدول الأخرى

الفئة ( أ) 2925 $

الفئة (ب) 3375 $

الفئة ( ج ) 3735 $

--------------------

كلية الهندسة والتكنولوجيا ( الحاسب - الألكترونيات والاتصالات - ميكانيكا - كهرباء وتحكم - تشييد وبناء - صناعية وادارية - الهندسة المعمارية )

طبعاً الهندسة الدراسة في أي مكان خمس سنوات > 10 فصول دراسية

يدفع الطالب خلال الترم الواحد ( الفصل الواحد ) و طبعاً متفقين جميع المصروفات بالدولار كالآتي

الفئة ( أ ) 2582

الفئة ( ب) 3392

الفئة ( ج ) 3662

----

ابناء الدول الأخرى

الفئة ( أ ) 2975

الفئة ( ب ) 3425

الفئة ( ج ) 3785



----------------------

كلية الحاسبات وتكنولوجيا المعلومات

علوم الحاسب - نظم المعلومات - هندسة البرمجيات . الدراسة عادية اربع سنوات > 8 فصول دراسية والمصاريف بـ عـَمو الأخضر الامريكي http://q8002.com/images/smilies/biggrin.gif

لأبناء الدول الداعمة .

الفئة ( أ ) 2582

الفئة ( ب ) 3392

الفئة (ج ) 3662

-----


أبناء الدول الأخرى ,

الفئة ( أ)

2975

الفئة ( ب) 3425

الفئة (ج) 3785


وفيه مصاريف كلية الأدارة والتكنلووجيا بس نظراً لعدم الأقبال عليها .. مش هانقول المصاريف

لكن لو يحد يحب يعرف مصاريف كل قسم أو كلية من اقسامها تحت امركم



تحياتي. aHMED . . طالب بكلية الملاحة والنقل البحري

على فكره يا شباب المصريين والسودانين فقط يمكنهم دفع المصاريف بالجنيه المصري .. بيكون 5.5 * الي مكتوب فوق

للاسف كده ممكن مش ادخلها الله يطمنك مصاريف قليله اوى
كان نفسى ادرس فيها

بص يا باشا..الاكاديمية بالزات مشروع كبير اوي..

بيني وبينك يعني الي بتدفعه النهارده بعد ماتتخرج هايتردلك في وظيفة محترمه اياً كانت ..لان خريجين الاكاديمية بيتعاملو في أي مكان بأحترام شديد اوي " في المراتبات والمعاملة وكل حاجه "

وعلا فكره الكلام يشمل من اول كليات الملاحة البحرية " بكالوريس ظابط االملاحه " لحد باقي الاقسام من هندسة للكل


بالظبط زي الجميعه سوري يعني ..بتدفع كل شهر عشان في الاخر تقبض الدور بتاعك ,,

وعلى فكره والله قدام عينيا أقل دكتور هناك بيقبض الالاف الدولارات .. يعني الاكاديمية اساسا مش فكرتها الربح ولا منظومة خاصة

بالعكس لو بصيت هتلاقي الي بتدفعه اساسا بيروح ليك وللدراسة والدكاتره والمدرسين كمرتبات يعني

يعني بمعنى أصح أقل دكتور بياخد أكتر من االي الطالب بيدفعه

وزي مافهمتك الناس بتحسبها كمشروع ..وضمان للمستقبل والزمن الصعب دا

ماانا والله حاسبها كده امال ليه اللى مخلينى متعلق بيها اوى كده
عشا ن سمعتها فى الشغل تمام وانا ناوى ادرس ان شاء الله حاسبات ومعلومات فيها بس هى المصاريف
فعلا زادت اوى عن السنة اللى فاتت كانت بتاخد فيها 30 الف مصرى السنة دى 40 الف مصرى يعنى 10 الاف فرق
طيب هو مفيش اى منح للطالب المتميز يعنى اللى يطلع من اوائل الدفعه مش بيتخصمله من المصاريف انا سمعت
ان مصاريف ساعتها بيتخصم منها جامد وعرفت ان فى خصم للى والده او والدته موظفين فى الحكومة خصم 30 %

طيب ياباشا انا مجموعى وحش جدا يعنى فاشل المفروض اكون حاليا فى تانية كليه بس للاسف لسه فى تالتة ثانوى
فى احتمال السنه الجايه المصاريف تقل وتنسيق كلياتها يقل خصوصا وان عدد طلاب ثانوية العامه سنة دى ربع طلاب 2009
يعنى حوالى 90 الف طالب فقط او 100 الف

أكيد طبعاً ... اساساً هي زادت بالخصوص عشان السنة دي االطلبة المتقدمين ليها كتير جداً وانا الحمد لله كنت منهم

ومن مختلف الجنسيات اعداد مهولة جداً . .من اول اقسام الضباط لحد الكمبويتر ساينس

من مختلف الأقطار أكتر من أي سنة ..واكترهم من مصر طبعاً.

لدرجة انهم وزعوا ناس كتير على فروع الأسكندريه خارج أبو قير في محافظات ومدن مصرية


والسنة الجاية مؤكد مش هيكون فيه الأعداد دي خالص بحيث ان هيكون 2010 سنة فراغ واعداد الخريجين من الثانوي هتكون قليلة جداً ف بديهياً هيقل اكتر واكتر واحتمال ميكونش فيه مصريين السنة الجاية

ف بالتالي المصاريف هتقل عشان يزودوا الأقبال ..

بس التنسيق دي انتا وحظك بئا !!

أما بالنسبة لأبناء العاملين بحكومة أكيد ليهم خصم 30 %

بس خلي بالك فيه 200 $ بتدفعهم تأمين ليك .. اما بتخلص سنوات الدراسة بيتردولك تاني

وربنا يوفقك وان شاء الله أشوفك على خير وتدرس في المكان الي بتحبه

هههههههههههههههههه
ياراجل جاى فى الاخر وتقولى 200 دولار اتكلم فيهم ماانا عارف كده
طيب الله يطمنك وحقيقة الاكاديميه من اكبر الموسسات الجامعيه على مستوى الشرق الاوسط
والف شكر ياغالى على تواصلك معاى بس هو نفترض انى جبت تقدير عالى مثلا فى التخرج
ينفع اشتغل معيد فى الاكاديميه ولا لا وبالنسبة لسكن مصاريفه ايه
عشان انا من الصعيد وتحديد المنيا فيهمنى سكن جدا

تحت امرك يا غالي..

السكن أجباري لطلبة الملاحة اللي زيي يعني ..

ومنصحكش بيه لأنه اساسا بيز ود ميزانية المصاريف بطريقة جنونية

.. أفتكر انتا لو خدت اتنين صحابك معاك تبقوا تلاته ساكنين في شقه مفروشة مساحتها محترمه

ونضيفة هيبقى ب700 جنيه في الشهر مثلا..

لكن السكن الجامعي بيعدي كتير

2009 .. الغرفة المزدوجة ب 1200 دولار يعني حوالي اكتر من 6600 جنيه خلال الترم الواحد .. بس شاملة التغذية

والسكن الفاخر للغرفة المنفردة .. 1700 دولار في الترم ..احسبها انتا بقى من وجهة نظرك وربنا يقدم الي فيه الخير..

وبالنسبة للعمل في الأكاديمية مش هاقولك على سيارات بلوح الهيئة السياسية .. الي سوري يعني مفيش احسن دكتور في عين شمس عربيته لوحتها هيئة سياسية :)

وعلى فكره أغلب العاملين بالاكاديمية أساساً ابناء وخريجين الأكاديمية

وأكيد لو حضرت دراسات عليا ..اساساً مش بتدور على شغل ,, هما الي بيدورو عليك خصوصاً الحاسبات والمعلومات

واي سؤال او حاجه تحت امرك انتا و كل اعضاء المنتدى :)

ربنا يخليك ياغالى اه ماانا فعلا لقيتها 6600 جنيه لو انا واحد صاحبى
بس حسيت انها كويسة بس لما حسبتها حسيت انى هاكع اوى
فى المصاريف يعنى ولازم السكن الاجبارى لطلبه الملاحه
طيب بخصوص المنح معلش نفترض انى طلعت الاول على الدفعه مع ان حلم وشايف انه مش هيتحقق
ينزلوا المصاريف اصلى انا سمعت انه لو كده على حسب ترتبيك يعنى الاول يتخصم المصاريف كلها
التانى جزء اقل يتخصم وهكذا يعنى والاهم بقى نظام الدراسة يعنى مريح اروح الاقى الدكتور بيدينى كده
وهو مستريح معندويش حته العقده والنقص ذى كليات الحكومية وبالنسبة للامكانياتها يعنى انا مثلا غاوى رياضه
فى اماكن لرياضه وكده يعنى وكافتيريا والحجات دى باسعار مناسبه ولا كله غالى فى غالى

بص ياجميل انتا مش فاهمني... انا بتكلم بخصوص السكن انتا تحسبها براحتك

بس لو هتبقى تبع سكن الكلية هتدفع 6600 لوحدك ملكش دعوة بزميلك وهتبقى زي ماقولتلك في غرفة معاه

والسكن دا اختياااااااااااري لطلبة جميع الكليات .. يعني تحب تسكن او لا دا براحتك مش اجباري زيي انا كده عشان طلبة الملاحة البحرية السكن التابع للكلية اجباري

وبص الي اعرفه الأول على الدفعه بياخد اعفاء تام .. واكيد بتتدرج بس متحلمش يخفضوا للي اقل من المركز الرابع او الخامس كده يعني

اما بالنسبة للدكاتره والمدرسين دول سوري في الكلمة ميعرفوش اساساً يعني ايه تعامل الدكتور في الجامعه الحكومية

الناس دي على اعلى مستوى والاكاديمية مدياهم فور اوبشن وبيقبضوا بالدولار والدكتور بيقبض في الشهر كتير جداً ماشاء الله

يعني .. واساساً هو بياخد منح كتير على الطلاب الي بينجحوا في الدفعة الي بيدرس ليها

دا غير انه مستريح نفسياً وسياسياً يكفي ان عربيته مكتوب عليها هيئة سياسية

والاكاديمية مش بتشغل اي حد من الدكاتره غير اما تكون عملاله بعثات لجامعة ويلز في بريطانيا ولازم يكون جايب تقديرات عالية جداً ودرس هناك في اوروبا كذا سنة وبعد كده يرجع يظبطوه

والاسطف اساسا من الدكاتره بيكونوا زي العسل وناس شيك جداً

واكيد دا واحد بيعتمد على انه بيتعامل مع ناس من مختلف جنسيات الكون .. مش بيئات مختلفه من دولة واحده

اسف انى تعبتك معاى ياغالى بس ليا استفسار اخير بالنسبة لرحلات ياترى فى رحلات باسعار كويسة ولا مفيش خالص
ومثلا لو حبيت شترك فى نادى بيبقى فى تخفضيات يعنى ومزايا لطلاب الاكاديميه ولا ايه النظام
اسف بجد انى تعبتك معاى وياريت تبعتلى ايميلك على الخاص عشان انول شرف معرفتك

طيب انا طالب من حضرتك توضح حكايه مفيش مصريين السنه الجايه وانا عاوز اعرف المصاريف في قسم الملاحه السنه الجايه ممكن تكون كام بس بالمصري علشان انا معرفش الدولار بكام وهل في كشف طبي ورياضي ولالا
وممكن بعد التخرج اشتغل في القوات البحريه المصريه الجيش يعني ولالا وشكرا جزيلا يا استاذ احمد

طيب انا طالب من حضرتك توضح حكايه مفيش مصريين السنه الجايه وانا عاوز اعرف المصاريف في قسم الملاحه السنه الجايه ممكن تكون كام بس بالمصري علشان انا معرفش الدولار بكام وهل في كشف طبي ورياضي ولالا
وممكن بعد التخرج اشتغل في القوات البحريه المصريه الجيش يعني ولالا وشكرا جزيلا يا استاذ احمد

ولا يهمك ياجميل وتحت امرك ..

المصاريف السنة الجاية الله اعلم طبعاً انا مقدرش اعرف الغيب !!!

بس الي اعرفه السنة الي فاتت كانت اقل من السنة دي بكتير .. والي قبلها 2007 كانت أكتر

انتا ونصيبك بقى

والدولار عادي حسب زي ماهوا في السوق بس غالباً بيحسبوه 5.5


وفيه كشف طبي دقيق جدا جداً ولازم النظر يكون قوي أقل حاجه 6/9

والكشوفات كلها زي كشوفات مكتب التنسيق العسكري بس مع احترامي للعسكريات دا انضف بكتير ... والي يصلح مش بيمشوه زي العسكريات عشان ماعهوش واسطه والكلام دا .. وادام عينيا بيطلعوا ناس عندنا في الكشوفات .. عشان بس محدش يفكر انهم بيعدوا الناس عشان دافعين فلوس

والكشف الرياضي ... بردو بيبقى شديد شوية وفي نظري اصعب من كشف الشرطه والحربيه " لأني دخلت الرياضي في الأتنين"

يعني مثلأً مكان الجري في حربية وشرطه بيبقى تراك عادي مستوي للجري.. لكن عندنا بيبقى تراك رملي صعب جداً السباق فيه

والاختبارات الرياضية بردو جري متعرج وعقلة وضغط وبطن ثقة وسباحه . .بس بيكون متأمن عليك اكتر من التانية

وبيعتبر مقياس للياقة مش شرط اساسي بس لازم تحضره عشان يعرفوا لياقتك وهما كده كده لو مش بتعرف تعوم بيعدوك وبيدولك ساعات سباحه زياده في التدريبات داخل الكلية

وفيه اختبار انجليزي وقدرات وهيئة ..بس كل حاجه بتبقى واضحه ولو وقعت في الانجليش لقدر الله بتاخد بردو ساعات زياده في الدراسة

اه نسيت اقولك ياغالي.. بالنسبة لموضوع عمل الخريج في الجيش

فيه ناس كتير بتبقى خريجين الاكاديمية وبيروحوا يشتغلوا في القوات البحريه برتبة "نقيب" بحري

بس مع احترامي انا بعتبر الي بيعمل كده مبيفهمش لأن الي يخليك تدفع الفلوس دي كلها عشان تبقى في الاخر مستني مرتب الجيش !! !.. اكيد مرتب الضابط أول قائد سفينة مدنية أفضل بكتير من ضابط في القوات البحرية بالجيش المصري

وكمان بيبقى شغلك في الجيش محصور على قيادة السفينة وعدم الأشتراك في أنظمة القتال

شكرا جزيلا يا استاذ احمد علي المعلومات دي بس حكايه الجيش دي للاسف ان انا بحب الجيش من صغري .
ربنا يسهل بس الطبي والرياضي ده فيه واسطه ولالا والهيئه زي الحربيه بظبط ولالا وقسم الملاحه هل الدراسه في بورسعيد ولالا وهي داخلي زي الكليات العسكريه ولا عادي

اسف جداجدا علي الازعاج زماني صدعتك

انا ساعات بسمع ان اللي يتخرج من الاكاديميه مش بيلاقي شغل بسهوله

LOooL .. انتا ادرى ياجميل !!!!!!!!!!!!!!!!!

على فكره 50 % من قرايبي خريجين وعاملين بالأكاديمية

اه نسيت اقولك معلش ..

الكلية الحربية لازم تبقى سليم 100 % بس هاتسقط لو مش معاك واسطه

لكن الاكاديمية البحرية لازم تبقى سليم 100 % ومش معاك واسطه

لكن لو مش سليم عمرك ماهينفع انك تخش اي حاجه في الاتنين !!

ياجماعه لو حتى الواحد معاه واسطه من وزير الدفاع ..عمره ماهيخش اي مكان وهو عنده عيب

كنت عايز أعرف أيه نظام المنح؟

طيب لو حضرتك تعرف دفعه رقم 71 في الكاديميه انا اعرف واحد فيها اسمو احمد مكي ده بيقولي الدفعه 700 طالب اتخرج 200 اشتغل منهم 4 والباقي في بيوتهم صحيح الكلام ده وكنت عاوز اعرف بتشطرت مجموع في الثانويه العامه ولا لا ونسبه في درجتي في الانجليزي ولالا مع العلم اني ضعيف جدا في الانجليزي مطلوب قرصات ولالا ولو مطلوب قرصات اخد قرصات ايه وفين وشكرا

السلام عليكم ورحمة الله وبركاتة
اذيك يا احمد انا اول مرة اشترك فى المنتدى دة بسببك لانك بصراحة اول حد اشوفة فاهم وممكن يفدنى فى ال انا عاوزة وعلى فكرة انا من المطرية
كنت عاوز اعرف المصاريف دى بتاعت سنة 2009 ؟
وكنت عاوز رقم موبيلك ولو مش عاوز تكتبة ياريت تكلمنى على موبيلى 0107153099 بس ياريت انهاردة عشان مستعجل اوووووى على الحاجات دى

محمد مرزوق
عاشق النبى صلى الله علية وعلى ال وصحبة وسلم
سبحان الله وبحمدة سبحان الله العظيم

كنت عاوز مصاريف كلية الأدارة والتكنولوجيا لو سمحت

انا خرج كلية تربية رياضية

واود التقديم في الاكاديمية البحرية

فأرجوا منكم اعطائي معلومات عن سنوات الدراسة بنسبه لي

والمصاريف الدراسية

وشروط الالتحاق

وشكرا لكم

ممكن لو حد عنده خلفيه عن مصاريف الماجستير وطريقة التسجيل...ونظام التعليم المفتوح بالنسبه للماجستير

استاااذ احممد انا طالب في السعوديه في ثانوي ,, الي المطلووب مني من ناحية المجموع والقدرات ؟؟
وايه المصاريف الي عليا علما ان مستوايا فوق %90 الحمد لله ؟
وايه المتطلابات البدنيه ؟
وبالنسبة للغة الانجليزيه انا بدرس منهج بريطاني في اكادميه هنا عندنا في السعوديه
تقريبا انا حاضر اكتر 400 ساعه تدربيه ! ! واكتر كمان وكل ده بشهادات معتمده من وزارة التربيه والتعليم هنا .
انا نفسي ادخل ملاحه او اي حاجه المهم اكون في نص البحر ! ! قبطان مثلا او حاجه من كده ؟ هل ممكن ؟ !

مستر احمد انت راجل محترم اوى
منتظرك ترجع تفيد الناس

هل ممكن اخشها من الصنايع 5 سنين انا في قسم الكترونات وانا نفسي اخشها

انا ايميلي ده anofficer***********
اللي عاوز يعرف اي حاجه يكلمني

thanks ya man

السلام عليكم ورحمة الله وبركاته
ياريت يا جماعة أى حد عنده معلومات اكتر يفهمنا ويساعدنا
الموضوع كبير
أنا إن شاء الله نازل أسأل فى الاكاديمية يوم السبت
أى حد يقدر يساعدنى فى المعلومات من الان بيكون احسن
المطلوب
- معرفة هل يمكن السكن الخارجى للطلبة فى قسم الملاحة البحرية ؟
- هل أقدر أحصل على أكتر من خصم فمثلا : والدى متوفى + والدتى تعمل بالتربية والتعليم
- بالنسبة لدفع الفلوس بيكون على أقساط ولا مبلغ كامل مرة واحدة
- لو تأخرت فى الدفع ؟؟ إيه اللى هيحصل

بإنتظار المزيد من المعلومات
وعن نفسى هزور الصفحة دى تانى بعد حصولى على كافة المعلومات اللى اقدر اجيبها
خالص التحية
كريم

لو والدتك شغاله فى التعليم لمده 15 سنة تاخد خصم 30 % والفلوس بتدفع ترم اول وترم تانى
ومينفعش تاخد سكن بره الكليه الا فى سنة تالتة

كنت عايزة اعرف مصاريف الدراسات العليا قسم computer science في اكاديمية بحرية بكام ؟
ولو حد مامته بتشتغل في الحكومة بياخد ال 30 ٪ تخفيض في الدراسات العليا برده ؟؟؟؟
والفلوس بتتدفع لما الواحد يقدم ولا لما يحدد المواد اللي هياخدها وبتبقي في شهر كام ؟

كنت عايزة اعرف مصاريف الدراسات العليا قسم computer science في اكاديمية بحرية بكام ؟
ولو حد مامته بتشتغل في الحكومة بياخد ال 30 ٪ تخفيض في الدراسات العليا برده ؟؟؟؟
والفلوس بتتدفع لما الواحد يقدم ولا لما يحدد المواد اللي هياخدها وبتبقي في شهر كام ؟

طيب هيا الاكاديميه فين بالظبط والكشف بتاعها بيبقى عباره عن ايه ؟؟؟؟

لاالمصاريف موجودة عند حضرتك 3500 دولار فى الترم تقريبا
اه فى خصم 30 % فى حاله والده حضرتك بتشتغل موظفه حكوميه لفترة لاتقل عن 15 سنة
غير كده المصاريف هى هى
اه الفلوس بتدفع بالترم اول ماتقدمى فورا ممكن بشيك فى بنك الائتمان اظن او بنك مصر برقم حساب للاكاديميه
او ممكن كاش وانا ان شاء الله السنة الجايه هاقدم كمبيوتر ساينس فى الاكاديميه

السلام عليكم ....

معلش يا جماعة انا عارف انكم قولتوا تقريبا كل حاجه عن الكاديمية البحرية .... لكن ,,,,, انا مفهمتش اي حاجه من كل اللي انتوا قولتو ,,,,,,,, :( :( :( :(


انا كنت عايز اجابات دقيقة جدا عشان انا تعبت من كتر الكلام المختلف في كل المنتديات و كلام مختلف فعلا يعني انا مش عارف مين فيكم الصح ؟؟؟؟؟؟؟!!!!!!!!!!!!!!


انا عايز استفسر عن كام حاجه كده و يا ريت اللي فاهم كويس و متأكد هو اللي يجاوبني عشان انا عندي مشاكل كتييييير اوي مع اهلي بسبب الموضوع ده و بسبب الاكاديمية دي بالذات ,,,,

- انا اخويا الله يرحمه مت خرج من الاكاديمية البحرية ( ظابط بحري ) المشكلة اني عمره ما سألته انت مرتاح في الكلية او ايه ظروف عملك و ايه هيا المميزات اللي عندك :( للأسف عمره كان قصير جدا و ملحقتش اني اسأله اي جاحه ,,,,, المهم بس انا كنت بشوفه مرتاح في شغله و الصراحه احلى حاجه انه كان بيلف العالم ده كله و مفيش مكان مزرهوش و كان الله يرحمه بيتكلم لغات كتير ,,,,, المهم برضه ,,,,


__ انا عايز اعرف مصاريفها كامله مع السكن عشان انا عايز ادخل ملاحة بحرية و عرفت ان السكن اجباري في قسم الملاحة البحرية فأنا عايز اعرف السنه كاملة كام مش الترم الواحد لأ السنه كاملة مع السكن مع العلم اني اخويا درس فيها يعني ليا خصم 30% صح كده ؟؟؟؟

__السؤال ده بئه مهم جدا !!!! . هل شهاداتها بعد التخرج محتاجه تجديد اصل زمان كنت بسمع من اخويا الله يرحمه انه رايح يجدد الشهادات بتاعته فا لو حد يعرف الموضوع ده يرد عليا ايه هو تجديد الشهادات ده و هل هو غالي ؟؟؟؟؟؟ و بتتجدد الشهادات دي كل اد ايه .؟؟؟؟؟؟؟

__ السؤال الاهم بئه و الخطير طبعا !!!!! . الشغل ده طبعا في ايد رب العالمين لكن هل هو مضمون فعلا و ممكن انك تلاقي شغل قدامك اصل اوقات كتير كنت بشوف اخويا مش بيسافر بس مش عارف هل ده منه و لا مكنش لاقي شغل مع العلم ان السي في بتاعه عن مليان شهادات و كمان خبرات و اسماء مراكب كتير الظاهر كان عليها ؟؟؟؟؟؟؟

اهم حاجتين مصاريف السنه كاملة مع السكن يا جماعه ارجوكم و كمان موضوع تجديد الشهادات ده عشان مستحيل اني اقعد طول عمري اجدد شهاداتي و تكون غالية يعني اضيع مرتبي كله في تجديد الشهادات و لا ايه



انا طولت عليكم يا حماعه بي معلش غصب عني انا فعلا متشتت بسبب كلامكم الكتير و كمان الناس بتقولي حاجات تانيه غير المكتوبة يا ريت و بتمنى من احمد مجدي اظن هو صاحب الموضوع لو فعلا تقدر ترد عليا و يكون بالتفضيل بعد اذنك و لو تحب نتكلم على الإيميل تبقى خدمتني خدمة كبيرة جدا (( riddick_2490***********((


انا آسف اني طولت في الكلام

http://www.thanwya.com/vb/showthread.php?t=242794

انا عايزه اعرف لو سمحتم هى الاكاديميه دى اللى فى مصر الجديده؟ جنب معهد شيراتون ؟

لاحضرتك دى فى الدقى بس مش عارف مكانها بالضبط

احب اقولكم حاجه الاكاديميه دى محتاجه واسطه جامده اوى عشان تعرف تشتغل فيها وظيفه محترمه زى ما كان بيقول الاخ اللى فى الكليه البحريه وبعدين فيه فرق بين الكليه البحريه واكاديميه النقل البحرى

مفيش واسطة بعد الثورة انشاء الله...
انا متفائل :)

احمد مجدي ممكن تبعتلي رساله بالله عليك ع رقمي ده عشاااان عاااااااااااااااااااااااااااااااااااوزك ضرووووووووووووورررري جداااااااااااااااااااااااااااااااااااااااااااااا جدااااااااااااااااااااااااااااااااااااااا ابعتلي رقمك

0100730877

[law sam7t ana 2demt fe business administration leh bt2ol mosh 3leha ekball???!!!! asl ana mosh 3erft ad5ol logistics la2enha b3eeedaaaaaaaaaa 3ne mommken t20ly ra2yak???????????? ana 2demt finance & accounting]

ya gma3a howa any t5ass el bytl3 el kobtan el ba7ry w kam msarefoh w eh shoroth ??

طب انا جايب 70% ممكن تقولى ينفع ادخل هندسه في اكاديميه دى ولا لا وبكام بس ياريت تقولى بالمصرى

تسلم يا جميل علي المعلومات . . . .

السلام عليكم يا ادمن انا عايزة ادخل الاكاديميه البحريه وشعبه / علمى علوم كنت حابب اعرف المؤهل بتاعى هيكون ايه والمصاريف السنه دى وبالنسبه للسكن شامل المصاريف ولا مصارق الدراسه لوحدها والسكن لوحده انا عايز قسم الملاحه وجايب مجموع 84%

السلام عليكم يا ادمن انا عايزة ادخل الاكاديميه البحريه وشعبه / علمى علوم كنت حابب اعرف المؤهل بتاعى هيكون ايه والمصاريف السنه دى وبالنسبه للسكن شامل المصاريف ولا مصاريف الدراسه لوحدها والسكن لوحده انا عايز قسم الملاحه وجايب مجموع 84%