السلام عليكم
انا طالب في ثانوي لسه
حبيت اعرف من طلاب هذه الكليات بعض الامور
1-الكلية دي تخصصاتها ايه
2-اما اطلع هشتغل في ايه
3-ايه الي لازم يكون معايا علشان ادخل الكلية يعني مثلا الانجليزي اجيب كام فيه يعني حاجات زي كده
انا عارف ان اسئلتي عامة و طويلة في الرد بس ياريت اي حد من الاخوة يدخل يجاوب على السؤال الي هو عايزه المهم يفيدني بشئ لاني متشتت جدا و عايز اعرف ايه اخبار الكليات ديه لاني اعرف ان الكليات دي اكتر كليات كويسة

بص اناكلية السن قسم الماني
اولا مجموعها السنة اللي فاتت 92& و9 من غشرة
شروطها مجموع اللغات لايقل عن 75%
بس طبعا كل ما كان مجموع اللغات احسن كل ما دخلت قسم احسن
يعني قسم يباني اخد مجموع انجلش 49 ودة اكتر قسم
الكوري 48 الانجلش 46 ونص
الصيني 45
الاسباني والايطالي 44 وتكون واخد فرنسي او ايطالي في ثانوي
الفرنساوي لازم تكون مدارس فرنسية
الالماني فشرطة السنادي انك تكون واخدة في ثانوي بس
بس عادتة بيكون 44 في الانجلش
والروسي 43
وفي بقي اقسام ملهاش شروط زي الفارسي والتركي واللغات الافريقية
وبتتخرج من الكلية مترجم في جميع المجالات سياسي اقتصادي قانوني تجاري علمي صحفي ........... او مرشد لو اخدت دبلومة ارشاد او ممكن تبيع تذاكر الطائرات في المطار للاجانب
او ممكن مدرس او ممكن مترجم للافلام والمسلسلات زي المسلسلات التركية والافلام الاجنبية ع حسب لغتك بقي
وعلي فكرة انتي في الكلية بتاخد لغتين الاولي واللي ليها شروط زي ما وضحتها واللغة التانية بتخترها من بين 15 لغة بس من غير شروط حسب مزاجك (الماني وانجلش وفرنسي ولغات افريقية وتركي وفارسي و ايطالي و.............)
بس طبعا احنا في الكلية بيبقي في اهتمام اكتر باللغة الاولي من اللغة التانية

احب اشكرك على اهتمامك والحمدلله في حد رد عليا و الحقيقي معلومات مهمة و مفيدة جدا زانا استفدت منها كتير انا عارف و الناس كلها بتقول ان كلية السن كلية راقية جداً وفي مجالات كتير مفتوحة قدام الي بيتخرج منها

بصانا كان بيتقلي انها كلية راقية قبل اخش مكنتش مصدقاهم بس فعلا في فرق كبير اما تقعد مع طلاب السن وطلاب اي كلية تانية بتحس انك بتناقش عقول نضيفة وبجد الدكاترة محترمين جدا وعلي اعلي مستوي وكمان احنا بيجلنا دكاترة من برة حسب الدولة اللي بتتعلم لغتها
ودة من سنة اولي النص التاني انا اسمع ان احنا هيجلنا دكتورة المانية مبتتكلمش غير الماني وانجلش واتفاهم بقي معاها براحتك ودة عشان تتعود انك متتكلمش غير اللغة اللي بتتعلمها
ويا سيدي اي معلومات عن السن انا في الخدمة

في سؤال بسيط هو الياباني كويس يعني ليه شغل والكوري واللغات الاسيوية دي

بص هو بالنسبة للغات اللي ماشية اكتر هي الانجلش طبعا وبعدية الفرانساوي والالماني والايطالي وبرضة ترتيب اللغات بيعتمد ع انت هتشتغل فين يعني قسم روسي عندنا اكتر شغلة سياحة اما الصيني فتجاري اكتروكدة
يعني انا بسالك انت بتسال ع اللغة في مجال اية

يعني انا بسال على للغات الي بتكون مطلوبة في مجالات كتير يعني شركات بنوك مطارات حاجات زي كده

اكيد طبعا رقم واحد الانجلش لانة بينفع اقتصادي وسياحي وادبي وصحفي تقريبا كل المجالات وبالنسبة للياباني والكوري بالرغم من انهم اكتر الاقسام شروطا الا انهم برضة شغلهم مش كتير
وبالنسبة للغات الافريقية فدي شغلها محدود اوي
اما اللغات الشرقية وهي الفارسي والتركي والعبري فشغلهم موجود بس فس نطق محددة يعني العبري ممكن تشتغل فية ف السفارة او في الصحف والجرائد والفارسي والتركي ليهم حبة صناعي وحبة سياحي بس اكمن مفيش دول كتير بتتكلم اللغات دي فعشان كدة مش منتشر شغل ليها اوي ف مصر
وبالنسبة للاسباني ففي حوالي اكتر من 24 دولة بتتكلمة يعني منتشر تقريبا امريكا الجانوبية كلها بتتكلمة بس برضة حجم تعاملتنا مع امريكا الجانوبية مش كير
اما الفرنساوياو الايطالي فهو لغة ممتعة بس عاوزة شغل وشغلها محدود سياحي واقتصادي بس ليها شغل
وفية الصيني واللي الفترة الجاية هتبقي مجالة بس هو اقتصادي بس شغلة السياحي قليل
واخير الالماني وهو دة اكتر حاجة اعرف اكلمك عنها هو في 3 دول بتتكلم الماني كلغة ام وهي المانيا والنمسا وسويسرا
هي من اكثر البلاد صناعية وبيجي منها سياحة كتير لمصر وهي تاني لغة بيترجم منها واول لغة بيترجم اليها ع مستوي العالم ودي بناء ع دراسات
ارجوا اني مكونش طولت عليك واي استفسار تاني اكتبة

انا ليا سؤال هو انا طوال الاربع سنين بدرس ايه بالظبط و ايه طريقة الامتحان

السلام عليكم ورحمة الله وبركاته

انا كمان طالبة فى ثانوى ونفسى بجد اخش كلية ألسن والتوبيك مهم اوى خلانى مقتنعة اوى بألسن بس انا كمان عندى سؤال بعد ازنكم لو انا عاوزة اختار اللغة الاولى هى الالمانى والتانية انجلش هل الالمانى بيبقا ليه شغل حلو ف مصر بعض منخلص ؟؟
وميرسى
ع التوبيبك الهايل دة

اكيد طبعا رقم واحد الانجلش لانة بينفع اقتصادي وسياحي وادبي وصحفي تقريبا كل المجالات وبالنسبة للياباني والكوري بالرغم من انهم اكتر الاقسام شروطا الا انهم برضة شغلهم مش كتير
وبالنسبة للغات الافريقية فدي شغلها محدود اوي
اما اللغات الشرقية وهي الفارسي والتركي والعبري فشغلهم موجود بس فس نطق محددة يعني العبري ممكن تشتغل فية ف السفارة او في الصحف والجرائد والفارسي والتركي ليهم حبة صناعي وحبة سياحي بس اكمن مفيش دول كتير بتتكلم اللغات دي فعشان كدة مش منتشر شغل ليها اوي ف مصر
وبالنسبة للاسباني ففي حوالي اكتر من 24 دولة بتتكلمة يعني منتشر تقريبا امريكا الجانوبية كلها بتتكلمة بس برضة حجم تعاملتنا مع امريكا الجانوبية مش كير
اما الفرنساوياو الايطالي فهو لغة ممتعة بس عاوزة شغل وشغلها محدود سياحي واقتصادي بس ليها شغل
وفية الصيني واللي الفترة الجاية هتبقي مجالة بس هو اقتصادي بس شغلة السياحي قليل
واخير الالماني وهو دة اكتر حاجة اعرف اكلمك عنها هو في 3 دول بتتكلم الماني كلغة ام وهي المانيا والنمسا وسويسرا
هي من اكثر البلاد صناعية وبيجي منها سياحة كتير لمصر وهي تاني لغة بيترجم منها واول لغة بيترجم اليها ع مستوي العالم ودي بناء ع دراسات
ارجوا اني مكونش طولت عليك واي استفسار تاني اكتبة


ميرسى لحضرتك بجد كلنا استفدنا

انا كتير بيقولولى لو دخلتى ألسن متختاريش اللغة الاولى انجلش علشان اللى فى انجلش بيبقوا كتار. صح كدة ولا ايه؟؟؟؟؟؟؟؟؟؟

ميرسى لحضرتك مرة تانية

**الاستفسار 1

انا طالبة فى تانية ثانوى
انا مستوايا الدراسى الحمد لله كويس ودخلت ادبى عشان تكون فرصتى فى دخول الالسن اكبر ونفسى ان شاء الله ادخلها لانها تعتبر قمة الادبى واتخصص قسم انجلش انا بحب الانجلش جدا نفسى ابقى فوق الممتاز فيه كلغة وليس كمادة بس هدفى الاساسى انى نفسى اتعين دكتورة فيها ان شاء الله ممكن حد يفيدنى فى الحكاية دى يعنى هل سهل انك تتعين فى الجامعة بعد التخرج ولا لأ ولا مثلا بيخدوا الاوائل ولا النظام ايه يعنى ارجو الاستفادة منكم ؟

**الاستفسار2

انا اللى فهمته عن نظام الكلية ان احنا هندرس 3 لغات عربى اساسى واللغة التانية حسب درجتى فى اللغة الاجنبية الاولى يعنى مثلا انا واخدة انجلش لو درجتى تسمح ادخل قسم انجلش هدخل واختار انا لغة تالتة
يعنى دلوقتى هاخد عربى وانجلش ومادة تالتة ليا مطلق الحرية فى اختيارها
طب افرضى درجتى متسمحش فى الانجلش انى ادخل قسم انجلش بس مجموعى دخلنى السن يعنى وواقفة على القسم هيبقا النظام ازاى ؟

**الاستفسار 3
فى مواد تانية ولا ايه؟

لوسمحتوا مساعده ضرورى

انا كنت علمي وهحول ادبي:bosyht9:

ومجموعي 87% :mad:

مجموع الانجليش السنه دى 22.5

واللغه التانيه ايطالي46.5

ياترى ممكن الحق السن؟؟؟؟؟؟؟؟؟؟؟؟؟؟؟؟؟؟؟