انا حقوق انجليزى سنة اولى لو فية حد فى حقوق انجليزى يدخل ونسال بعض عن اهم الاسئلة و الاجزاء المهمة و خصوصا" .......... Anglo American;. و الدستور :039uw8:

منور يا باشا انا اسمى محمد من اسيوط رابعه حقوق
كان نفسى ادخل حقوق انجليزى ياريت نتواصل مع بعض

مستنى ردك عليا ياريس

اهلا وسهلا باجدع ناس انا اسمع ان اسيوط من المحافظات الجميلة ..... انا من طنطا بس لسة فى اولى انت خلاص رابعة خلصت عايزين خبرتك يا باشا

هاي ازيكم

انا دونا 1 حقوق بس عربي موش انجلش

لو كان في تعليم مفتوح حقوق انجلش كونت دخلت

ايه النظام في انجلش
المواد اخبارها ايه

ربنا يقويك في المذاكرة

تقبل مروري :)

أزيكم ياجماعة انا اول مرة مشاركة ودخول هنا بس والله سعيد بيكم
انا رابعة حقوق عربى
جامعة المنصورة :abdoog8:

ana 1 law english
alex uni

هاي ازيكم

انا دونا 1 حقوق بس عربي موش انجلش

لو كان في تعليم مفتوح حقوق انجلش كونت دخلت

ايه النظام في انجلش
المواد اخبارها ايه

ربنا يقويك في المذاكرة

تقبل مروري :)
هاى دونا اية اخبار حقوق عربى ....... انجليزى سهل زى عربى بس المواد اقل و مادتين بس هما الانجليزى و جزء من الدستور و ربنا معاكى فى المذاكرة و شكرا على مرورك:028ja7:

[quote=khakha;1885196]أزيكم ياجماعة انا اول مرة مشاركة ودخول هنا بس والله سعيد بيكم
انا رابعة حقوق عربى
جامعة المنصورة اهلا بيك معنا فى حقوق انجليزى بس احنا لسة اولى هناخد منك الخبرة فى الامتحانات و تقولنا اية المواد الصعبة

ana 1 law english
alex uni
هاى toto اخبار اسكندرية اية خلصتوا امتحانات و لا لسة .... احنا خلصنا كلة و فاضل لنا Economics بس يا رب يجى سهل لحسن الشريعة جات صعبة و الاسئلة غير متوقعة ............ يا ترى عندكم كام chapter فى الeconomy ...و شكرا على المرور و فى انتظار الرد thnxxxxxxxxxxxxxxx .

هاى toto اخبار اسكندرية اية خلصتوا امتحانات و لا لسة .... احنا خلصنا كلة و فاضل لنا Economics بس يا رب يجى سهل لحسن الشريعة جات صعبة و الاسئلة غير متوقعة ............ يا ترى عندكم كام chapter فى الeconomy ...و شكرا على المرور و فى انتظار الرد thnxxxxxxxxxxxxxxx .

hi maro ah 5alasna wbdena elterm eltani :D
w el economy lessa elktab manzelsh
welexams kan 2 kwaisen w 2 sa3ben

enta gam3et eh ?

يا جماعه انا مبسوط جدا انى انامشترك هنا انااااااااااااا اول مرا ادخل هنا وشارك ياريت تقولولى حقوق انجليز بقبل فى حدود كام انا 3ثانوى ادبى

مصاريف حقوق انجلش كام

حقوق انجليزي ادبي السنه دي مش اكتر من 85%
ممكن تكون اقل من 80% بردو حسب التنسيق و صعوبة الامتحانات

مصاريف حقوق انجلش كام

http://tansik.egypt.gov.eg/application/Dalel/5-4.htm

وانا طالب جديد عاوز اعرف نظام كتابة المحاضره يعني بنكتب المحاضره كلها ولا نقاط مهمه منها

انا اولى حقوق عربى :p جامعة القاهرة

انا اولى حقوق انجلش جامعة القاهرة

طب حقوق انجلش بتاخد من كام علمى
جامعة المنصورة

وبالنسبة لدرجة مادة الانجليزى اقل درجة ايه ؟؟؟؟؟؟؟؟؟؟؟؟؟

40 من 50 فى السنتين مع بعض

هى حقوق انجليزى بتاخد من علمى كام مجموع؟؟؟

هى حقوق اجليزى من علمى هتاخد من كام السنة دى؟؟؟

هل في حقوق انكليزي جامعه مفتوحة بالاسكندرية

اقل درجة للانجلش ايه ؟؟؟؟؟؟؟؟؟؟؟؟ وهل بتختلف لو الطالب علمى ؟؟؟؟؟

على فكرا ياجماعة حقوق انجلش ساهلة كتير بس عايزة اللى حابب اللغة

ومصطلحات القانون جميلة جداً وبسيطة بالتوفيق لكم جميعاً واتمنى انكوا

تفيدوا بعض

يا جماعة لو سمحت انا فى ثالثة ثانوى و جبت فى السنتين مع بعض الحمدلله 88.5 و كان اصلا من زمان نفسى فى حقوق انجليزى انا بس كنت عايزة اعرف ايه هى المواد فى الكلية و هى صعبة و لا ايه ؟ و هل هى عبارة عن اقسام و عايزة اعرف مصاريفها .....

لو سمحت بعد اذنكم حد يجاوينى ضرورى قبل ما اكتب الرغبات

بسم الله الرحمن الرحيم
انا طالب دخلت كلية حقوق انجليزى جامعة القاهرة لسة فى سنة اولى حبيت اوضح شوية حاجات للى هيهدخلها و للاسف انا مكنتش اعرفها

انا شايف ان الكلية سيئة جدا جدا جدا

طبعا فى ناس هتعترض على الكلام ده

انا هقول عيوب الكلية و انتوا اللى تحكموا

فى حاجة لازم تخدوا بالكوا منها و هى ان الكلية دى بتاخد اقل مجموع فى الكليات الانجليزى يعنى حقوق انجليزى من 85 و تجارة انجليزى من 87 و سياسة و اقتصاد انجليزى من 94.5

عيوب حقوق انجليزى
1-مفيش معيدين (يعنى مفيش اعادة شرح و حل اسئلة و الاسئلة المتوقعة )
2-مبنى المدرج زبالة لو قارنتوه بتجارة انجليزى
3-الحمام بلدى و اوحش من حمام جامع او حمام مدرسة ابتدائى
4-الدكاترة بيشرحوا فى السريع من كبر حجم المنهج
5-المناهج كبيرة جدا (على سبيل المثال : الترم الاول انت بتاخد 4 مواد : تاريخ قانون - احوال شخصية لغير مسلمين - مدخل قانون - قانون دستورى . تاريخ قانون دى كتابين على بعض 350 صفحة و احوال شخصية 250 صفحة و قانون دستورى 250 صفحة و مدخل قانون كتابين 600 صفحة و الترم التانى 6 مواد شريعة اسلامية 700 صفحة (كتابين ) political system لدكتور جان لوكا (ايطالى ) بيتكلم انجليزى بس تقريبا 100 صفحة انجليزى بس المشكلة انك هترجمهم و مادة international organization كتاب 500 صفحة انجليزى و هترجمهم و مادة anglo american 40 صفحة انجليزى و مادة criminology and penology دى صغيرة بس المشكلة فى الترجمة و مادة economics دى مش هتفهما اصل دى المادة الوحيد اللى فهم الباقى كله كلام مرصوص )

6-انت بتتخرج من كلية حقوق انجليزى قدامك 5 طرق : الاولى : نيابة (وسطى) الثانية : تبقى دكتور (دى عايزة مذاكرة كتير ) الثالثة : محامى (و دى مفيش اكتر منها ) الرابعة : شئون قانونية فى شركات و عمل عقود (وسطى ) الخامسة : المنظمات الدولية (وسطى )

اللى انا اقصده من ده ان الشغل فيها مش مترمى اوى يعنى زيه زى تجارة انجليزى . لكن بتاع تجارة انجليزى عدى الاربع سنين لعب لكن انت هتتفحت فى الاربع سنين

7-اتحاد الطلبة انت بتشترك فيه مع حقوق عربى يعنى بالعربى شبه استحالة طالب من حقوق انجليزى يدخل انحاد الطلبة لان بتوع عربى و هما الاغلبية استحالة يختاروا بتوع انجليزى

8-الدفعة كلها بتاخد مع بعض اه الدفعة 178 واحد بس فيه عيب وهو مثلا لو غبت عن محاضرة مش هينفع تعوضها فى مجموعة تانية لان مفيش مجموعات . الدفعة كلها مع بعض

9-مصاريف الكلية 5150 ج و للاسف مش بناخد خدمات كلية هندسة اللى مصاريفها 300 ج

10-انسى حاجة اسمها امتياز نهائيا من صعوبة الكلية

11-فى ارض الواقع مفيش فرق بينها و بين عربى : انت بتاخد 10 مواد 5 عربى و 5 انجليزى ( تعالى نعرف 5 انجليزى الاولى هى criminology and penology و دى بتوع عربى بياخدوها و اسمها علم اجرام و عقاب وللحد كبير نفس المنهج مع فرق اللغة و المادة الثانية international organization و دى بياخدوها بالعربى اسمها تنظيم دولى نفس المنهج مع فرق الترجمة الباقى بس فعلا اللى فيه فرق يعنى انت داخل كلية عشان فرق فى 3 مواد لكن تجارة انجليزى فى فرق فى كل المنهج

12-مفيش ميد ترمات (عشان تحدد مستواك و عشان تشوف شكل الامتحان و تستعد له )

13-مفيش اعمال سنة (حضور-مشاركة-ميد ترمات الخ ) المادة من 20 يعنى المفروض تجيب 20 عشان تقفل لوحدك او 10 على الاقل عشان تنجح

14- الامتحان اسئلته قليلة بس السؤال اجابته كبيرة قوى لدرجة ان عادى الطالب اللى يجيب جيد جدا بيخلص ورقة الاجابة

فى مادة اسمها international organization الدكتور بتاعها ملخص المنهج فى 21 سؤال . الامتحان لا يخرج عنهم بس الاسئلة كبيرة


خد بالك من حاجة لما تيجى تسأل عن الكلية اوعى تسأل اللى فى الكلية (ما عدا انا ) لان عموما فى فكر للاسف موجود فى مصر وان مفيش كلية وحشة و اى واحد فى كلية استحالة يقولك انها وحشة حتى و لو وحشة فعلا لانه بيصبر نفسه لحد ما يكدب الكدبة و يصدقها

قبل ما تخش حقوق انجليزى شوف بنفسك تجارة انجليزى او سياسة و اقتصاد انجليزى


انا ندمان على دخولى كلية حقوق انجليزى للاسف صدقت الكلام بخصوص ان دى كلية العظماء و كلية الوزراء انا عايز ارد على الحتة دى شوف كام واحد محترم اتخرج منها وشوف كام واحد متبهدل فى حياته


انا حاليا بفكر اسبها و اعيد السنة و احول سياسة واقتصاد انجليزى او تجارة انجليزى


بالنسبة للورق :
مواد الترم الاول (العربى ) هتلاقى ملازم بتباع فى مكتبة المتحدة و القبة (دى تراجع منها فقط يعنى لازم تذاكر من الكتاب )
مواد الترم الثانى شوف ورق دروس للمواد الانجليزى او ممكن تاخد درس ب 65 ج او 75 ج

طبعا الشريعة لازم هتذاكرها من الكتاب


لو فيه اى استفسار انا هبقى ارد

ويارب اكون قدرت لوصلكوا الحقيقة كاملة

الكلية صعبة جدا و هتكره حياتك مالها تجارة انجليزى !!!

عايزة اعرف لو سمحت هى الكلية عبارة عن اقسام و لو فيها اقسام طب ايه هى اقسامها ؟؟؟


لو سمحت حد يجاوبنى ضرورى

الكلية يوجد بها ثلاثة اقسام : عربى - انجليزى - فرنساوى . و يتم الدخول على حسب المجموع و درجة اللغة الاجنبية

كمان احب ان ابشرك انهم لغوا امتحانات نصف العام بمعنى انك هتمتحن كل المواد(11 مادة ) فى اخر السنة زى الثانوية العامة

لو سمحت كنت عايزة اعرف حقوق انجليزى بتاخد من كام انا جايبة فى السنتين 88.5 و فى الانجليزى السنتين 43 فى امل انى ادخلها كده و لا لا و فى القاهرة و لا ايه ؟؟

انا كنت شفت فى تنسيق السنة اللى فاتت انها خدت من 96 الكلام ده بجد فعلا صح و لا ايه

من فضلكم حد يجاوبنى ضرورى لو سمحتم

لو سمحت كنت عايزة اعرف حقوق انجليزى بتاخد من كام انا جايبة فى السنتين 88.5 و فى الانجليزى السنتين 43 فى امل انى ادخلها كده و لا لا و فى القاهرة و لا ايه ؟؟

انا كنت شفت فى تنسيق السنة اللى فاتت انها خدت من 96 الكلام ده بجد فعلا صح و لا ايه

من فضلكم حد يجاوبنى ضرورى لو سمحتم

لا مش صح الكلية كبيرها 85 لكن الي انتي شوفتيه ده مجموع اعتباري يعني بتبقى حسبة تانية بتحسبي فيها مجموعك الكلي من غير مستوى وتجمعي عليه درجتك الكلية في الانجليزي وتجمعي عليه المستوى لو انجليزي بس وقيسي على المجموع ده اي كلية انجليزي والخلاصة ان انتي ان شاء الله تدخليها مستريحة ان شاء الله

بجد شكرا اوى و الله طمنتنى عشان كنت هعيط خلاص :d:d

بس معلش عندى سؤال و محتاجة الرد ضرورى
هو انا لازم عشان ادخل حقوق انجليزى جامعة القاهرة لازم اكون لغات ؟؟

محتاجة الرد ضرورى لو سمحت

بجد شكرا اوى و الله طمنتنى عشان كنت هعيط خلاص :d:d

بس معلش عندى سؤال و محتاجة الرد ضرورى
هو انا لازم عشان ادخل حقوق انجليزى جامعة القاهرة لازم اكون لغات ؟؟

محتاجة الرد ضرورى لو سمحت

العفو على ايه وبالنسبة لسؤالك فمش شرط تبقي لغات عادي ومش جامعة القاهرة بس اي جامعة يعني طلبة عربي ولغات الاتنين مفيش فرق ده لو بتسألي على القبول في الكلية ولو بتسألي انك هتمشي في الانجليزي بتاعها فهي اغلبها مصطلحات قانونية وبتبقى محتاجة مجهود اول سنة علشان الموضوع جديد شوية بس

الانجليزى فى حقوق صعب جدا و هتتعبى فى مذاكرته
نصيحة : لو انت جايبة مجموع تحارة انجليزى ادخليها اسهل كتير

كمان احب ان ابشرك انهم لغوا امتحانات نصف العام بمعنى انك هتمتحن كل المواد(11 مادة ) فى اخر السنة زى الثانوية العامة

طيب انا هسألك سؤال لو انا عايز اسأل عن الكلية او اتأكد من المعلومات دي اروح شؤون الطلبة ولا ايه وهما مواعيدهم كام

طيب انا طالعة تالتة وان شاء الله ممكن اجيب مجموع السنتين ممكن 85 او 85 ونص
ينفع ادخلها؟ ولا عشان هيبقي دخلاها بالعافية؟ وممكن لو عليت اوي تاخد من كام؟
وهو لازم مستوي رفيع انجلش؟ ولازم اكون جايبة كام في الانجلش؟

ردا على The King Boy ‎
معلومة ال ١١ مادة عرفتها من سكرتير وكيل شئون الطلاب باقى المعلومات دى انا عرفتها عشان بقالى سنة فى الكلية و عرفت نظامها و على فكرة لو كان حد قالى على المعلومات دى انا مش كنت دخلت الكلية و بصراحة قولت حرام حد يدبس و يلبس فى الكلية حبيت اوضح المعلومات دى و انت حر عايز تصدق صدق و لو مش عايز انت حر بردو



حقوق انجليزى جامعة القاهرة من ادبى ٨٥.٧
مش لازم تكونى واخدة انجليزى مستوى رفيع لكن لازم درجة الانجليزى فى السنتين مش تقل عن ٤٠ من ٥٠

ردا على the king boy ‎
معلومة ال 11 مادة عرفتها من سكرتير وكيل شئون الطلاب باقى المعلومات دى انا عرفتها عشان بقالى سنة فى الكلية و عرفت نظامها و على فكرة لو كان حد قالى على المعلومات دى انا مش كنت دخلت الكلية و بصراحة قولت حرام حد يدبس و يلبس فى الكلية حبيت اوضح المعلومات دى و انت حر عايز تصدق صدق و لو مش عايز انت حر بردو



حقوق انجليزى جامعة القاهرة من ادبى 85.7
مش لازم تكونى واخدة انجليزى مستوى رفيع لكن لازم درجة الانجليزى فى السنتين مش تقل عن 40 من 50
شكرا على ردك وانا روحت الجامعة وعلشان اسأل على حاجات في تجارة انجليزي واتاكدت من المعلومة وهي فعلا صحيحة وانا عايرر اقولك اني محتار اوي بين حقوق انجليزي وتجارة انجليزي والمشكلة دلوقتي اني سمعت العمل في البنوك الربوية حرام ويبقى كده ايه فايدة تجارة

انا طبعا لو مكانك هختار تجارة انجليزى .... ليه ؟؟؟

انا دخلت حقوق انجليزى عشان مالقتيش اللى يفهمنى الدنيا ماشية ازاى وادبست و كنت فاكرها كلية محترمة و طلعت ...... و قلت لنفسى حرام اسيب حد يدبس

نقسم الموضوع لقسمين الكلية نفسها و مجال العمل

الكلية نفسها : طبعا تجارة انجليزى الحياة هناك شعارها : عيش ايامك عيش لياليك خلى شبابك يفرح بيك .. دكاترة محترمة . اعمال سنة . خدمات . دراسة سهلة . طبعا حقوق انجليزى العكس تماما . يعنى الخلاصة طبيعة الكلية فى صالح تجارة انجليزى

القسم الثانى : مجال العمل :

حقوق : مجالها المحترم : نيابة و دى واسطة . باقى المجالات زيها زى اى كلية . شئون قانونية فى اى شركة . عمل عقود . كدة يعنى

تجارة : معندهاش مجال محترم . تشتغل فى اى حتة : مصنع - بنك اى حاجة زى حقوق

نستنج ايه ؟؟؟؟؟

لو انت معاك واسطة لنيابة يبقى ادخل حقوق انجليزى عشان النيابة تستاهل

لو مش معاك يبقى مش فارقة حقوق عن تجارة فى باقى مجال العمل

و يبقى تدخل تجارة انجليزى عشان السبب الاول وهو طبيعة الكلية

و لو عايز تسأل عن اى حاجة فى حقوق انجليزى انا فى الخدمة

بخصوص موضوع البنوك الربوية :

مش شرط تشتغل فى بنوك

انت ممكن تشتغل فى البورصة او شركات . ميزة تجارة انك تعرف تشتغل فى اى حتة

اه فعلا انا عارف ان تجارة انجليزي اسهل بكتير وان حقوق انجليزي عايزة شغل جامد بس هي الدكاترة في حقوق انجليزي وحشين اوي كده وانا والدي محامي فهل هيقدر يساعدني بالنسبة للكلية يعني لما انا اذاكر انجليزي هفهم عربي وبعدين هي المواد صعبة اوي ولا ايه

مشكلة المواد الانجليزى هى انك تترجم المنهج و تحفظ الكلمات و المصطلحات القانونية و ده بيضيع وقت كتير من المذاكرة و طبعا احجام المواد كبيرة و المواد صعبة جدا انا شخصيا بفكر احول و اسيب الكلية و ادخل تجارة انجليزى و ادينى مستنى النتيجة
بس يكفى انى اقولك مفيش اعمال سنة بمعنى انك لو جبت فى مادة ٩ من ٢٠ مبروك عليك شيلت المادة للسنة الجديدة و السؤال : ياترى الكلية تستاهل القرف ده ? زى ما قلتلك لو معاك واسطة على نيتبة يبقى ادخل الكلية لو مش معاك ادخل تجارة انجليزى و خد بالك انت لسة خارج من ثانوية عامة و اكيد عايز ترتاح يبقى مش معقولة تدخل حقوق

طب هقولك على حاجة انا اعرف واحد في.عين شمس هناك فيه اعمال.سنة وغياب وجاب الترم الاول جيد جدا والتاني امتياز وبيقول انه مموتش نفسه مذاكرة يعني بس بياخد مجموعات

بس انا حقوق انجليزى جامعة القاهرة

بالنسبة للى اعرفه عن عين شمس :
الغياب و الحضور مش عليه درجات . ده لو غبت 3/4 المحاضرات تتحرم من دخول الامتحان عشان كدة فى غياب و حضور

اعمال سنة : تخص مادة واحدة هى anglo american

بس انا مش متأكد من اللى بقوله بس اسأل عليه عشان متلبسش

بخصوص المجموع : شوف صاحبك جاب فى الثانوية العامة عشان هو ما شاء الله شاطر و بيذاكر اعلى من مستوى الطالب العادى بمعنى انا لو جبت واحد مجموعه يدخله طب . تخيل لو دخل حقوق هيعمل ايه ؟؟؟؟؟؟

و برده انصحك بتجارة انجليزى

انا هتأكد منه بس هو كان جايب 92.5 ثانوية عامة وانا استخرت ربنا والله وادينا اهو بنشوف

فيه حاجة تانية هو في حد بيدي دروس او مجموعات في القاهرة ولا لا

فى دروس للمواد النجليزى فى حدود ٦٥ و ٧٥

لو سمحت حد يرد عليا ضرورى انا دلوقتى جت لى حقوق عين شمس مع ان القاهرة هى الاقرب لى بس انا عشان كنت متاكدة من التنسيق الداخلى فى عين شمس انى ممكن اجيبه و رحت الجامعة قالو لسه مفيش تقديم بس الحد الادنى للانجليزى 40 و ياخدوا حسب اعلى المجاميع المتقدمة
و النهارده و الدى راح القاهرة عشان يشوف التنسيق الداخلى هناك و انه ينفع احول و لا لا قالو ان هما فى عين شمس او القاهرة عايزين فى الدفعة كلها 110 طالب بس منهم 75 ادبي و 35 علمى و برده حسب المجاميع العالية المتقدمة و كان فى ناس هناك مقدمة جايبة 97 و 96
انا دلوقتى مش عارفة هى كده ممكن الحقها و لا لا و اعمل ايه اصلا

و كنت المفروض انى عايزة احول من عين شمس للقاهرة عشان بعيدة اوى عليا عشان انا فى الهرم و التحويل هيبدأ 5-8 و هيقفل بعد 48 ساعة
اخايفة احول متجيش فى القاهرة عشان
المتقدمين هناك هيبقو كتير و مجاميعهم عالية
و خايفة افضل فى عين شمس و متجيش برده الكلية و ابقى كده رحت جامعة بعيدة و ولا دخلت اللى انا عايزاه


انا جايبة 88.3 و فى الانجليزى 42.5



حد يرد عليا ضروووووووووووووووووووووووووووووووووووووووووورررررى لو سمحتتتتتت

انا جايبه 90% علمى ودرجة الانجليزى 44 ممكن الحق حقوق انجليزى ؟؟؟؟؟؟؟؟

الحمد لله اتقبلت فى الشعبه الانجليزية جامعة المنصورة وقدمت النهارده وخلصت الحمد الله

متخافيش يانهى ان شاء الله هتدخليها كان فى واحد بيقدم قدامى انهارده وجايب 38 فى الانجليزى والدكتور قاله تعالى وقدم قاله لو عايز احجزلك كمان .....واضح انهم عايزين اعداد السنه دى كتير ومتهيالى كده ان مجموعها نزل عن السنة اللى فاتت ودرجة الانجليزى كمان قلت بس مش عارفة هيبقى فى ايه بعد كده عشان دا كان اول يوم فى التقديم وكنت راحة بالصدفة وكان معايا اوراقى وقدمت على طول الحمد لله وعقبالك ان شاء الله

متخافيش يانهى ان شاء الله هتدخليها كان فى واحد بيقدم قدامى انهارده وجايب 38 فى الانجليزى والدكتور قاله تعالى وقدم قاله لو عايز احجزلك كمان .....واضح انهم عايزين اعداد السنه دى كتير ومتهيالى كده ان مجموعها نزل عن السنة اللى فاتت ودرجة الانجليزى كمان قلت بس مش عارفة هيبقى فى ايه بعد كده عشان دا كان اول يوم فى التقديم وكنت راحة بالصدفة وكان معايا اوراقى وقدمت على طول الحمد لله وعقبالك ان شاء الله

طب انا هقدم يوم الحد ان شاء الله , العميد محددش الشعبة هيبقي فيها كام , انا جايب 82% ادبي و 42 في الانجليزي ؟؟
اقدم ولا ضايعة :(

ان شاء الله هاتقبل لانهم عايزين اعداد السنه دى .... لوجت يبقى خير لو مجتشى خير برضه محدش عارف الخير فين

ان شاء الله هاتقبل لانهم عايزين اعداد السنه دى .... لوجت يبقى خير لو مجتشى خير برضه محدش عارف الخير فين
لا خلاص قدمت وقبلت وكله تمام الحمد لله , و ع فكرة هما بياخدوا لحد 37 في الانجليزي واقل كمان , بس هيبقي بالاسبقية في التقديم

هوه يا جماعه باب التقديم فتح ؟؟

كلام تمام ومعقول جداااااااااااااااا

متخافيش يانهى ان شاء الله هتدخليها كان فى واحد بيقدم قدامى انهارده وجايب 38 فى الانجليزى والدكتور قاله تعالى وقدم قاله لو عايز احجزلك كمان .....واضح انهم عايزين اعداد السنه دى كتير ومتهيالى كده ان مجموعها نزل عن السنة اللى فاتت ودرجة الانجليزى كمان قلت بس مش عارفة هيبقى فى ايه بعد كده عشان دا كان اول يوم فى التقديم وكنت راحة بالصدفة وكان معايا اوراقى وقدمت على طول الحمد لله وعقبالك ان شاء الله



انا رحت فى رمضان و عملت ال app و كده و قالولى بعد العيد ابقي اروح عشان اشوف نفسي اتقبلت و لا لا
ف ادعيلي بقي عشان لسه هروح يوم الاحد ان شااء الله :)

انا رحت فى رمضان و عملت ال app و كده و قالولى بعد العيد ابقي اروح عشان اشوف نفسي اتقبلت و لا لا
ف ادعيلي بقي عشان لسه هروح يوم الاحد ان شااء الله :)

انتي قدمتي في جامعة ايه علشان انا جامعة القاهرة وقالولي تعال يوم 30 وشوف النتيجة

انتي قدمتي في جامعة ايه علشان انا جامعة القاهرة وقالولي تعال يوم 30 وشوف النتيجة


انا في عين شمس بس رحت انهارده و قالولى لازم الاول اقدم ورقى ف حقوق عربي بعدها باسبوع هيبان اذا كنت فى انجليزي و لا لا و التقديم يوم 9-2 ... انا خايفة اقدم فى عربي و البس فيها و انا مش عايزاها و خايقة اني اتسرع و احول من حقوق خالص ف مش عارفة اعمل ايه

متخافيش يانهي ان شاء الله هتدخلى الشعبة ...
وربنا معاكي ....وابقي طمنينا عليكي .

انا في عين شمس بس رحت انهارده و قالولى لازم الاول اقدم ورقى ف حقوق عربي بعدها باسبوع هيبان اذا كنت فى انجليزي و لا لا و التقديم يوم 9-2 ... انا خايفة اقدم فى عربي و البس فيها و انا مش عايزاها و خايقة اني اتسرع و احول من حقوق خالص ف مش عارفة اعمل ايه

احنا عندنا النظام مختلف عندنا لو متقبلتش بقدم حقوق عربي وهما قالولي تعال يوم الاتنين وساعتها انا ممكن احول من الكلية خالص لان التحويل الاسبوع الجاي فهكون عرفت انا اتقبلت ولا لا فا انا رأيي انك تعرفي التحويلات للكليات داخل الجامعة امتى وتقديم حقوق عربي في عين شمس انا عرفت انه يوم 5 مش عارف الكلام ده مظبوط ولا لا وروحي اسالي في الشعبة نتيجة التنسيق الداخلي امتى

طب يا جماعة أنا عامل نظام igcse إيه الأحوال بالنسبة لينا و الإنجليش عندي زي العربي بالظبط يعني إنجليزي طليق ؟؟؟

هو ايه igcse الاول بس

احنا عندنا النظام مختلف عندنا لو متقبلتش بقدم حقوق عربي وهما قالولي تعال يوم الاتنين وساعتها انا ممكن احول من الكلية خالص لان التحويل الاسبوع الجاي فهكون عرفت انا اتقبلت ولا لا فا انا رأيي انك تعرفي التحويلات للكليات داخل الجامعة امتى وتقديم حقوق عربي في عين شمس انا عرفت انه يوم 5 مش عارف الكلام ده مظبوط ولا لا وروحي اسالي في الشعبة نتيجة التنسيق الداخلي امتى

انا قالولى في عين شمس ان التقديم ف عربي يوم 9-2 و هيبان بعدها باسبوع اذا كنت انجليزي و لا لا

انا رايحة المفروض بكره عشان اقدم ف هشوف ايه النظام اصلا و الله زهقت

معلش معلش ولا يهمك بس لما تروحي اسالي التحويل بين الكليات هيفتح امتى علشان تبقي عاملة الاحتياطات وان شاء الله النتيجة كويسة

السلام عليكم ورحمة الله أنا أحمد فرقة اولي حقوق انجليزي المنوفية ياريت لو نشارك الاسئلة والمحاضرات ونتواصل ان شاء الله

انا اولى حقوق انجلش المنصورة ..... ممكن اعرف طريقة مذاكرة الانجلو وال economy علشان عايزة ابدا مذاكرة وخايفة اتاخر وكمان الدكاترة ادولنا كم كبير فى المنهج ..... ارجو المساعدة

انا اولى حقوق انجلش المنصورة ..... ممكن اعرف طريقة مذاكرة الانجلو وال economy علشان عايزة ابدا مذاكرة وخايفة اتاخر وكمان الدكاترة ادولنا كم كبير فى المنهج ..... ارجو المساعدة

ايوة انا عندي نفس المشكلة دي :d
------
هو انا ذاكرت الانجلو من الورق و كويس تمام يعني رغم ان الكتاب لسه منزلش , اما الاقتصاد لسه مش عارف اقربله اصلا ولا ابدأه منين , و حاسس ان الدكتور بيكروتنا او انا اللي مش ماشي مع طريقته اوي خصوصا اني مخدتش كورسات ومش ناوي

والله كان نفسي اساعدكوا بس الاقتصاد عندي ترم تاني و بالنسبة للانجلو لو معاكي الكتاب ترجمي الاول الكلمات الجديدة وبعدين اقري الموضوع على بعض وافهميه كله وبعدين ركزي على النقاط الرئيسية في الفصل و افهمي الشرح كده يعني