|
مشاهدة النسخة كاملة : لطلاب الثانوية اسالنا اى سؤال عن اى جامعه vampire1188 29-06-2009, 10:41 PM انا عاوزة اعرف الامتحانات الى فى كليه فنون تطبيقيه هتبدأ امتى وهى عامله ازاى اتفضلي خشي ع اللينك دا وهاتتلاقي اللي انتي عايزاه ان شاء الله http://www.thanwya.com/vb/showthread.php?t=53816 سما666 30-06-2009, 01:40 AM سلام عليكم انا كنت عايزه اسال علي كلية اداب اعلام وهي نفس كلية الا علام ولا مواد تانيه وعايزه اعرف بتقبل من كام في المجموع vampire1188 30-06-2009, 03:58 AM سلام عليكم انا كنت عايزه اسال علي كلية اداب اعلام وهي نفس كلية الا علام ولا مواد تانيه وعايزه اعرف بتقبل من كام في المجموع آداب اعلام عبارة عن قسم من احد اقسام كلية الآداب .. ودا موجود في جامعتين بس تقريبا .. عين شمس وحلوان واعتقد ان فيه جامعة المنصورة واسيوط برده والله اعلم والنظام ان اعلام زيه زي اي قسم تاني ليه تنسيق داخلي في اداب اعلام تقريبا بياخدوا عدد محدود ممكن 200 او 250 على حسب الاحتياج والكثافة وطبعا بياخدوا اعلى مجاميع متقدمة .. بس النظام بقي انهم بياخدوا مجموع اللغات على بعض .. التلات لغات يعني ومايكونش اقل من 75% .. ودا طبعا بيتم تحديده من خلال مجلس الكلية ورئيس القسم بس اكيد يعني كلية اعلام احسن .. لانها معمولها كلية مخصوص dr.asmaa 30-06-2009, 12:26 PM لو سمحتوا هيا مصاريف الاسنان الخاصة اية Sharp 30-06-2009, 04:37 PM ................... specter 30-06-2009, 04:50 PM اظن تمام كدا .. كده تمام اوي الف شكر يا كبييييييير انا هلحق اظبط بقا قبل شهر 8 الف شكر ليك بس انا مش عارف الناس دي بتتقبل في الكليه ازاي ههههههه ربنا يستر vampire1188 30-06-2009, 05:56 PM لو سمحتوا هيا مصاريف الاسنان الخاصة اية أسنان خاص بيبقي على حسب الجامعة نفسها جامعة 6 اكتوبر >> 30.300 جنيه .. غير الـ 100 جنيه بتوع ملف التقديم جامعة مصر الدولية >> 37000 جنيه جامعة مصر للعلوم >> 15000 .. وكل سنة بتزيد 1000 جامعة فاروس >> 17400 جنيه romosh 01-07-2009, 02:43 PM يا ريت حد يعرفنى تجاره انجلش بور سعيد نظام الالتحاق بيها ازى وبيتكتب ايه فى التنسيق يعنى اكتب تجاره عادى واروح اقدم طلب من داخل الكليه بالالتحاق بشعبه انجلش والا ايه نظامها ويا ريت اعرف بتاخد من مجموع ايه اصل الحكايه ملبخه معايه اوى السنه دى مش عارفه ليه وربنا يستر انا علمى رياضه وكنت جايبه 92% السنه اللى فاتت وشكلى السنه دى نيلت الدنيا بالرغم من سهوله الامتحان حد يعرفنى ينوبكم ثواب فيا vampire1188 01-07-2009, 09:24 PM يا ريت حد يعرفنى تجاره انجلش بور سعيد نظام الالتحاق بيها ازى بص يا سيدي .. انتا اول حاجة لازم تكون جايب مجموع تجارة (انتظام) لييييه ؟؟ عشان تجارة انجليش اصلا هيا تبع القسم النظامى .. وبالتالى اما ييجي التنسيق يشتغل هاتختار من قايمة الكليات (تجاره بور سعيد ج قناة السويس) .. وتستني لغاية اما نتيجة التنسيق يظهر لو تم قبولك .. يبقى انتا كدا لغاية المرحلة دي انا مقبول كطالب نظامى فى كلية تجارة بورسعيد بس عربى مش انجليش طب انتا بقى عايز تخش انجليش .. هاتشوف مقر كلية التجارة انجليش فين عندكوا في الجامعة وتروح لشئون الطلبة هناك ويكون معاك بطاقة التنسيق عشان تقدمها للموظف اللي قاعد عشان ساعتها هايديك استمارة التحاق بالشعبة الانجليزية الاستمارة دي هاتكتب فيها بياناتك واسمك وتاريخ ميلادك وعنوانك ونوع الثانوية العامة بتاعتك (مصري/امريكي) .. الخ الخ بعد كدا بقى بتسلم الاستمارة هناك في نفس الشباك وتستنى نتيجة القبول اما تظهر .. وان شاء الله نقولك مبروك ياعم ويا ريت اعرف بتاخد من مجموع ايه تجارة انجليش بتاخد من مجموع تجارة انتظام عادي جدا (انا قولت انتظام مش انتساب) بس انتا بقى هاتيجي تسألنى .. طب ماهو كدا اي حد في انتظام يخش انجليش ؟! هاقولك لأ طبعا .. لان فيه حاجة اسمها معيار المفاضلة مابين الطلبة .. ايه هوا بقي معيار المفاضلة دا ؟ المعيار دا ياسيدي حاجة اسمها المجموع الاعتبارى .. ودا بيبقي عبارة عن تنسيق داخلى جوا الكلية (غير تنسيق الثانوية العامة) ودا بيبقي عبارة عن مجموع الثانوية العامة (بدون المستوى) + درجة اللغة الانجليزية + مستوى رفيع انجليش "ان وجد" معا مراعاة انك لازم تكون جايب اعلى من 40 من 50 في الانجليش .. عشان غير كدا مش هايلتفت لاستمارتك اصلا من خلال بقى الطلبة الكتير اللي هايبقوا متقدمين ساعتها هاينقوا اعلى مجاميع من العدد اللى متقدملهم على حسب بقي الكلية محتاجة كام طالب في الشعبة .. وعلى هذا الاساس بيتم قبولهم بالنسبة للمجموع .. فى 2008 >> 346 علمى فى 2007 >> 358 علمى فى 2006 >> 356 علمى carpon 01-07-2009, 10:58 PM السلام عليكم ممكن اعرف كلية فنون جميلة و فنون تطبيقية كانو واخدين من كام السنة الي فاتت و برضة حاسبات و معلومات و تتوقع يوصلو لكام السنة دي و يا ريت برضة لو اسعار الكليات الخاصة للهندسة معلش هتعبك معايا vampire1188 01-07-2009, 11:42 PM ممكن اعرف كلية فنون جميلة و فنون تطبيقية كانو واخدين من كام السنة الي فاتت انت ماقولتش جامعة ايه ولا حتى ادبى او علمى .. بس ماعلينا بس بما انك جيبت سيرة حاسبات ومعلومات وهندسة .. يبقي شكلك علمى ورياضة كمان يبقى خلينا في العلمى بقي فنون جميلة (عمارة) جامعة حلوان >> 374 فنون جميلة (فنون) جامعة حلوان >> 366.5 فنون جميلة (عمارة) جامعة اسكندرية >> 373.5 فنون جميلة (فنون) جامعة اسكندرية >> 371.5 فنون تطبيقية جامعة حلوان >> 371 (دي مقرها جنب جامعة القاهرة على فكرة) فنون تطبيقية جامعة دمياط >> 369 و برضة حاسبات و معلومات حاسبات ومعلومات جامعة بنها >> 373 حاسبات ومعلومات جامعة الفيوم >> 373 حاسبات ومعلومات جامعة المنوفية >> 371.5 حاسبات ومعلومات جامعة القاهرة >> 371 (ودي لازقة في فنون تطبيقية بتاعة حلوان) حاسبات ومعلومات جامعة عين شمس >> 371 حاسبات ومعلومات جامعة المنصورة >> 371 حاسبات ومعلومات جامعة الزقازيق >> 370.5 و يا ريت برضة لو اسعار الكليات الخاصة للهندسة جامعة 6 اكتوبر >> 21850 جنيه للسنة الكاملة جامعة مصر الدولية >> 27300 للسنة جامعة مصر للعلوم والآداب >> 21800 للسنة جامعة فاروس >> تتراوح مابين 21000 الى 23100 على حسب مجموع الثانوية العامة الجامعة الامريكية بالقاهرة >> 84000 مصاريف اساسية + 250 ملف التقديم romosh 02-07-2009, 12:21 AM ربنا يكرمك يا رب وادعولى انى ادخل تجاره انجلشش انا كنت جايبه السنه اللى فاتت 92 ويا رب زيهم السنه دى ومن غبائى الشدييد اخدت مستوى عربى يلا معلش حصل خير vampire1188 02-07-2009, 01:43 AM ربنا يكرمك يا رب وادعولى انى ادخل تجاره انجلشش انا كنت جايبه السنه اللى فاتت 92 ويا رب زيهم السنه دى طالما 92% .. يبقي ان شاء الله فيه امل كبير جدا انك تخشي .. عشان السنة اللي فاتت انا اعرف برده ناس جابت نفس مجموعك دا ودخلوا انجليش القاهرة normde 02-07-2009, 03:13 PM أنا عايزة أعرف كل حاجة عن أداب عين شمس ومجموعها أنا عارفة أن ده بيترتب علي حسب التنسيق بس المتوقع تكون من كام وعايزة أعرف معلومات عن الاقسام دي من ناحية التنسيق الداخلي ومجموع الللغات وسهلة ولا صعبة أداب إعلام وأداب صحافة وأداب صيني وأداب ألماني vampire1188 02-07-2009, 06:30 PM أنا عايزة أعرف كل حاجة عن أداب عين شمس ومجموعها أنا عارفة أن ده بيترتب علي حسب التنسيق مدة الدراسة : 4 سنين تنسيق 2008 : 335.5 أدبى ، 355.5 علمى تنسيق 2007 : 348 أدبى ، 370 علمى تنسيق 2006 : 332.5 أدبى ، 370.5 علمى الاقسام : لغة عربية ، انجليزى ، فرنسى ، لغات شرقية (تركى/فارسى...) ، حضارة اوروبية قديمة ، عبرى ، آثار ، تاريخ ، جغرافيا ، فلسفة ، علم نفس ، علم اجتماع ، ارشاد سياحى ، مكتبات ، اعلام ، نقد بس المتوقع تكون من كام مافيش حاجة اسمها تتوقع .. دا بيبقي على حسب المجاميع الكلية للطلبة السنة دي .. يعني فيه ارقام بتتكلم وعموما انا شايف ان مستوى الامتحانات السنة دي تقريبا ممكن يبقي زى تنسيق 2006 (فى العلمى مش الادبى) بس برده ده مش معيار وعايزة أعرف معلومات عن الاقسام دي من ناحية التنسيق الداخلي ومجموع الللغات جميع الاقسام بتبقي مفتوحة من ناحية المجموع فيما عدا الاقسام المحدودة زي : قسم انجليش : دا بيبقى على حسب مادة الانجليش (بتتراوح مابين 47 لـ 50) قسم اعلام : على حسب مجموع مواد اللغات بتاعتك (عربى + انجليش + اللغة التانية) و ماتقلش عن 75% من مجموع المواد دى قسم فرنساوى : بيبقى للناس اللي متخرجة من مدارس الليسيه وواخده ثانوية فرنسية .. اما لو كان ثانوية عامة عادى بياخدوا اللي جايب فيها مجموع عالى (49 لـ 50) .. زائد ان بيبقى فيه مقابلة معا رئيس القسم أداب إعلام وأداب صحافة وأداب صيني وأداب ألماني عين شمس مافيهاش الا الاقسام اللي قولتهالك فوق دي اما اداب صينى والمانى دول موجودين في جامعة القاهرة وعشان تبقي عارفه بقي .. جامعة القاهرة فيها : عربى - فرنسى - شرقى - المانى - صينى - يونانى - اسبانى جامعة عين شمس فيها : عربى - فرنساوى - شرقى - عبرى جامعة حلوان فيها : عربى - انجليزى - فرنساوى - شرقى - المانى - ايطالى - اسبانى وعشان احنا ناس بتحب التخصص .. انتي تقدرى تخشي على قسم كلية آداب وتسيبى استفسارك هناك اكيد هايبقي افيدلك واحسنلك نورهاان 03-07-2009, 06:58 AM انا عاوزه اعرف كل حاجه عن قسم اجهزه طبيه جامعه القاهره وهل مجال الشغل فى القسم ده كويس ولالا ؟ وقسم اتصالات وحاسبات احسن منه فى المستقبل ولا هو احسن؟ specter 03-07-2009, 07:32 PM هوا مكان سحب ملف التقديم فين علشان انا رايح يوم التلات ؟ شكرا HODDA 04-07-2009, 03:51 PM شكرا جدا لهذا الاهتمام ممكن اعرف تخصصات مودرن اكاديمي مع العلم اني ادبي والعام الماضي 2 ثانوي كان مجموعي 60 في المائة والله واعلم السنة دي يكون كام vampire1188 04-07-2009, 04:52 PM هوا مكان سحب ملف التقديم فين علشان انا رايح يوم التلات ؟ مانا قولتلك قبل كدا يا حضرة الظابط .. - المكتب الرئيسي بالكلية الحزبية / طريق العروبة - القاهرة - المدرسة العسكرية الرياضية / سوحة - اسكندرية - مركز قيادة المنطقة الجنوبية العسكرية - اسيوط - المدرسة العسكرية الرياضية - المنيا vampire1188 04-07-2009, 04:54 PM شكرا جدا لهذا الاهتمام ممكن اعرف تخصصات مودرن اكاديمي مع العلم اني ادبي والعام الماضي 2 ثانوي كان مجموعي 60 في المائة والله واعلم السنة دي يكون كام هندسة - ادارة اعمال - حاسبات ونظم معلومات vampire1188 04-07-2009, 05:03 PM انا عاوزه اعرف كل حاجه عن قسم اجهزه طبيه جامعه القاهره وهل مجال الشغل فى القسم ده كويس ولالا ؟ قسم هندسة طبية عبارة عن قسم زيه زي اي قسم تاني في كلية الهندسة .. وهو عبارة عن انه بيربط مابين علم الهندسة وعلم الطب .. زي انه بيصنع الاعضاء البشرية الصناعية (محاكاة الاعضاء البشرية) ، صناعة الاجهزة الطبية وصيانتها مجال شغله ماقدرش اقولك انه كويس او وحش لإن دا مش مجالي .. بس في الاول وفى الاخر الشغل دا رزق من عند ربنا بس اللي اعرفه ان المهندسين المفروض بيشتغلوا في صيانة الاجهزة الطبية .. وممكن برمجتها كمان وقسم اتصالات وحاسبات احسن منه فى المستقبل ولا هو احسن؟ اعتقد ان قسم اتصالات احسن .. لإن الكمبيوتر هو لغة العصر .. وماشاء الله اللهم لا حسد يعني معروف ان البروجرامرز دول بيقبضوا كاشات ميه ميه ومجال الشغل فيه واسع طبعا HODDA 05-07-2009, 02:12 AM حضرتك هايل يامشرفنا القدير .. ممكن اعرف اقل كلية اعلام بالنسبة للمصاريف .. طبعا كلية خاصة لان مجموعي يمكن يكون60 في المائة vampire1188 05-07-2009, 03:58 AM ممكن اعرف اقل كلية اعلام بالنسبة للمصاريف جامعة 6 اكتوبر .. 13000 جنيه نورهاان 05-07-2009, 06:45 AM اولا شكرا ليك جدا على المعلومات ديه والرد الهايل ده ومعلش هاسالك سؤال تانى :pرخامه بقى:p مين احسن القاهره ولا عين شمس مين الى معترف بيها دوليا وفى الشغل بيفضلوا مين يعنى ان شاء الله لو كان فى اختيار بين القاهره وعين شمس نختار ايه معلش زهقتك باسئلتى الكتيره ديه shrshr2007 05-07-2009, 11:47 AM لو سمحت عايز اعرف كل حاجة عن كلية الهندسة الجامه الامريكية اسعارها و مجموع كام شكراااا معلش سؤال مكرر ارجو ان تكون استفسرت اكثر وياريت المجموع shrshr2007 05-07-2009, 11:52 AM لو سمحت اعرف الجامعة الامريكية تقبل من مجموع كام stoneKane 05-07-2009, 02:34 PM لو سمحت عايز اعرف اكاديميه طيبه ومودرن اكاديمى عايز اعرف معلومات عنهم هما الاتنين من ناحية الاقسام والفلوس طبعا و كل حاجه والجو اللى جواها ayala 05-07-2009, 06:40 PM لو سمحتم انا عايز اسئل ا هى جامعة الشروق بتاخد من كام وبكام ده طبعا بدون الاقامة والمواصلات romosh 05-07-2009, 08:53 PM والله يا اخوتى اللى يعرف اخر موعد لسحب استماره التقديم لاختبارات فنون تطبيقيه امتى يا ريت يقولى انا سمعت انها بدات من اليوم ومش عارفه هلحق والا ايه النظام انا فعلا روحت الكليه وقدمت للكورسات والامتحان وطلبوا منى شويه حاجات والكورسات هتبدا من يوم التلات ان شاء الله بفنون تطبيقيه دمياط لكن هل سحب الاستماره بيبقى كم يوم وممكن اقدمها وانا رايحه اول يوم لى فى الكورسات والا ايه؟ جاوبونى الله يكرمكم وربنا يوفقنا جميعا ياااا رب وتكون سنه خير علينا كلنا قولوا امين ايمن عماد 05-07-2009, 10:31 PM ممكن اعرف تنسيق كلية الحقوق جامعة بنها كام علما باننى كنت جايب العام الماضى 63.5%ويارب اجيب اعلى هذا العام ارجو الرد عليا ضرورى جدا romosh 06-07-2009, 01:57 PM يا جماعه انا اخدت مستوى رفيع عربى ومكنتش اعرف ان تجاره انجلش مش بتعترف الا بمستوى انجلش طب ده ياثر عليا فى دخولها والا ايه مع العلم انى جايبه فى الانجلش السنه اللى فاتت 23ونص وان شاء الله زيهم السنه دى و92 %ويا رب زيهم برضه السنه دى حد يطمنى يا جماعه انا بجد هموت وادخلها مهند الحديدى 06-07-2009, 05:43 PM انا عايز اسال عن دار علوم بتاخد من كام مجموع وفى عين شمس او القاهرة بليز لو سمحتم حد يرد علية ضرورى جدا vampire1188 06-07-2009, 08:21 PM اولا شكرا ليك جدا على المعلومات ديه والرد الهايل ده العفو يا ستى http://haridy.com/ib/images/smilies/08.gif مين احسن القاهره ولا عين شمس مين الى معترف بيها دوليا وفى الشغل بيفضلوا مين يعنى ان شاء الله لو كان فى اختيار بين القاهره وعين شمس نختار ايه وربنا المعبود يابنتى انا مابقيت عارفلك حاجة .. مرة تسألينى عن فنون تطبيقية ومرة عن هندسة عموما هندسة عين شمس والقاهرة واحد .. بس القاهرة فيها اقسام مش موجودة في عين شمس وكذلك العكس برده زي قسم هندسة طبية اللي سألتى عليه قبل كدا .. دا موجود في القاهرة بس ومش موجود في عين شمس عندك برده قسم الهندسة النووية دا مش موجود في مصر كلها الا في جامعة اسكندرية .. وهكذااااااا انما من المتعارف عليه عموما يعني ان مناهج جامعة القاهرة تقيلة والامتحانات فيها كتيرة يعني انا ليا صحابي في هندسة القاهرة كل اسبوعين مثلا يقولولي احنا عندنا امتحان .. اما انا نفسي كنت تعبانلهم سلف ! وجامعة عين شمس برده معروف ان دكاترتها رخمين وامتحاناتهم صعبة .. بس لو جيتى درستي الموضوع هاتتلاقي ان الحكاية مش مستاهلة قاهرة او عين شمس .. اللي اقربلك من بيتك روحيه وريحى دماغك http://haridy.com/ib/images/smilies/icon_cool.gif vampire1188 06-07-2009, 08:28 PM يا جماعه انا اخدت مستوى رفيع عربى ومكنتش اعرف ان تجاره انجلش مش بتعترف الا بمستوى انجلش طب ده ياثر عليا فى دخولها والا ايه مع العلم انى جايبه فى الانجلش السنه اللى فاتت 23ونص وان شاء الله زيهم السنه دى و92 %ويا رب زيهم برضه السنه دى حد يطمنى يا جماعه انا بجد هموت وادخلها بصي يا romosh .. دلوقتي اذا كان انتي معاكى مستوى رفيع انجليش يبقى خير وبركة .. مش معاكى مستوى رفيع انجليش دا مش هايشكل مشكلة معاكى .. لإن المستوى الانجليش ما هو الا حاجة بتزود مجموعك الاعتبارى مش اكتر لكن الأهم اللي هوا بقي يعتبر شرط اساسى للقبول في تجارة انجليش انك تكوني جايبه مش اقل 40 من 50 في الانجليش .. اذا الشرط دا مكانش موجود عندك مش هاتتقبلي .. بغض النظر عن مجموع الثانوية العامة وان شاء الله ربنا هايكرمك وهاتخشيها vampire1188 06-07-2009, 08:34 PM ممكن اعرف تنسيق كلية الحقوق جامعة بنها كام علما باننى كنت جايب العام الماضى 63.5%ويارب اجيب اعلى هذا العام ارجو الرد عليا ضرورى جدا من المؤكد ان انا ماقدرش اديك تنبؤ بتنسيق السنه دي .. لإن لا يعلم الغيب الا الله لكن ممكن اديك تاريخ تنسيق حقوق بنها على مستوى السنوات اللي فاتت .. 2008 .. 287.5 ادبي ، 346.5 علمى 2007 .. 308.5 ادبي ، 357.5 علمى 2006 .. 297.5 ادبي ، 358 علمى 2005 .. 295.5 ادبي ، 355 علمى vampire1188 06-07-2009, 08:43 PM انا عايز اسال عن دار علوم بتاخد من كام مجموع وفى عين شمس او القاهرة بليز لو سمحتم حد يرد علية ضرورى جدا كلية دار العلوم فيها انتساب وانتظام بالنسبة لجامعة القاهرة : في 2008 كانت .. 293.5 ادبي ، 342.5 علمى (انتظام) / 286 ادبي ، 281 علمى (انتساب) فى 2007 كانت .. 315.5 ادبي ، 354.5 علمى (انتظام) / 311 ادبي (انتساب) بالنسبة لجامعة عين شمس : مافيهاش كلية دار علوم كلية دار العلوم مش موجودة الا في (جامعة القاهرة / الفيوم / المنيا) vampire1188 06-07-2009, 09:00 PM لو سمحتم انا عايز اسئل ا هى جامعة الشروق بتاخد من كام وبكامده طبعا بدون الاقامة والمواصلات السنة اللي فاتت خدت في هندسة 90% بالنسبة للمصاريف بتتغير كل سنة .. والسنة اللي فاتت كانت في حدود الـ 8000 جنيه مصاريف الاقامة >> http://www.elshoroukacademy.edu.eg/madina_masrofat.html مصاريف المواصلات >> http://www.elshoroukacademy.edu.eg/bus.html نورهاان 06-07-2009, 09:53 PM وربنا المعبود يابنتى انا مابقيت عارفلك حاجة .. مرة تسألينى عن فنون تطبيقية ومرة عن هندسة ياعم ولا انا عارفه انا اصلا مش عاوزة الى اسمها فنون تطبيقيه ديه بس اهه معلومات كنت حابه اسال فى مانع عند حضرتك ما قلتلك رخامه بقى تقول ايه:049gc0::049gc0::049gc0: vampire1188 06-07-2009, 09:54 PM لو سمحت عايز اعرف اكاديميه طيبه ومودرن اكاديمى عايز اعرف معلومات عنهم هما الاتنين من ناحية الاقسام والفلوس طبعا و كل حاجه والجو اللى جواها مودرن اكاديمي : دي موجودة بالظبط قدام كارفور اللي في المعادي .. وليا ناس صحاب فيها في هندسة وقالولي انها كويسة الاكاديمية فيها هندسة وكمبيوتر وادارة اعمال .. والمصاريف 8500 من ناحية الجو اللي جوا بقي على حسب ما اتقالي انه فساد (من ناحية البنات بالذات) !! اكاديمية طيبة : فيها 4 اقسام : هندسة - علوم حاسب – نظم معلومان إدارية – محاسبة وإدارة وليها فرعين .. واحد في الجيزة وواحد في المعادي المصاريف: 1- علوم حاسب طيبة فرع سقارة :الدراسة بالعربى 3022 , الانجليزى 3353 2- علوم حاسب فرع المعادى : الدراسة بالعربى 3674 , الانجليزى 5880 blue7sky 07-07-2009, 08:02 AM عايز أسأل حقوق المنصورة بتاخد مجموع شعبة العلمى من كام ayala 07-07-2009, 06:54 PM السنة اللي فاتت خدت في هندسة 90% بالنسبة للمصاريف بتتغير كل سنة .. والسنة اللي فاتت كانت في حدود الـ 8000 جنيه مصاريف الاقامة >> http://www.elshoroukacademy.edu.eg/madina_masrofat.html مصاريف المواصلات >> http://www.elshoroukacademy.edu.eg/bus.html حضرتك متأكد من موضوع 90% vampire1188 07-07-2009, 08:14 PM ياعم ولا انا عارفه انا اصلا مش عاوزة الى اسمها فنون تطبيقيه ديه بس اهه معلومات كنت حابه اسال فى مانع عند حضرتك ما قلتلك رخامه بقى رخمي براحتك عادي ولا يهمك vampire1188 07-07-2009, 08:16 PM ]عايز أسأل حقوق المنصورة بتاخد مجموع شعبة العلمى من كام 2008 >> 360.5 2007 >> 371.5 2006 >> 372 واحد غلبان 07-07-2009, 08:38 PM مساء الخير يا جماعه انا عايز اعرف توقعات تنسيق كليات الهندسه بس ردو عليا بسرعه والنبى علشان انا مرعوب واحد غلبان 07-07-2009, 08:48 PM على فكره كليه تجاره انجلش مش بتسال غير علىمجموعك فى الانجليزى والفرنساوى وطبعا يكون مجموعك جايب تجاره لكن ماتخافيش المستوى مالوش دعوه وبعدين ماحدش بياخد مستوى انجلش يعنى اطمنى واستمتعى بالاجازه ali fola 08-07-2009, 06:06 AM عاوز اي اسنان خاصه بشرط تكون مش بتاخد اعلي من 70% او علاج طبيعي او صيدله ارجو المساعده مهند الحديدى 08-07-2009, 10:50 AM معلش يا فمبير عندى استفسار تانى انا بصراحة كنت جايب فى تانية اقل من 60% بس ده مش علشان خايب انا حصلى ظلم وكنت هكشف على ورقتى ناس كتير قالتلى مش هتاخد حقك فسلمت امرى لربنا وقولت خلاص سالت مدرس علم النفس على دار علوم قالى انى ممكن الحقها وبيقول انها بتاخد 68% وانا بجد خايف ملحقش حاجة كويسة ومش عارف اعمل ايه ياريت تليقيلى حل shrshr2007 08-07-2009, 12:06 PM لو سمحت عايز اعرف كل حاجة عن كلية الهندسة الجامه الامريكية اسعارها و مجموع كام شكراااا معلش سؤال مكرر ارجو ان تكون استفسرت اكثر وياريت المجموع mohamed_joky 08-07-2009, 02:00 PM عايز اعرف مجموع كلية التجارة للكليات الخاصة كام zeezee 08-07-2009, 07:08 PM هاااااااااى اولا انا بجد متشكرة ان فى حد بيهتم بينا وعايزة اعرف شروط كلية اداب فرينش جامعة المنصورة انا جايبة فى الفرينش 46 باااااااااااى vampire1188 08-07-2009, 09:23 PM اولا انا بجد متشكرة ان فى حد بيهتم بينا العفو ربنا يخليكي دا بس من زوقك وعايزة اعرف شروط كلية اداب فرينش جامعة المنصورة انا جايبة فى الفرينش 46 هما 3 شروط .. 1- انك تكونى خريجة من مدرسة فرنساوية (ليسيه يعني) 2- ان مجموع اللغات التلاته (عربي+لغة اولي+لغة تانية) مايقلش عن 90% 3- فيه مقابلة بتتعمل معا رئيس القسم او اي دكتور من القسم وهوا عبارة عن اختبار شفوي .. لازم تعديه vampire1188 08-07-2009, 09:25 PM عايز اعرف مجموع كلية التجارة للكليات الخاصة كام دا بيبقي على حسب الحد الادنى للقبول بالجامعات الخاصة اللي بيحطه المجلس الاعلى للجامعات .. وغالبا بيبقي لا يقل عن 60% جميل عبدالله 09-07-2009, 09:59 AM انا فى ثانويه علمى محموعى 65% ايه ممكن يدخلنى يارت عدة خيارت وارجو المساعده ولكم جزيل الشكر جميل عبدالله 09-07-2009, 10:04 AM فى العام الماضى كان لى دورثانى فى الغه الفرنسيه والانجليزيه ودخلت المتحان الدور الثانى لكن لم اعرف النتيجه حتى الان وما وهو موقفى رقم جلوسى هو ( 1751201 ) جميل عبدالله 09-07-2009, 10:11 AM ممكن لوسمحت اعرف نتيجة المعهد الفنى التجارى طنطا امتى asadmasr 09-07-2009, 08:00 PM vampire1188 (http://www.thanwya.com/vb/member.php?u=104746) السلام عليكم انا طالب علمي علوم و كنت عايز اخش كلية هندسة في جامعة خاصة و ده ممكن بعد قرار هاني هلال بس المشكلة اني مش واخد رياضة 2 و هامتحن فيها طبقا لقرار هاني هلال في نهاية الترم الاولمن السنة الاولي في جامعة القاهرة السؤال بقي ازاي هدرس رياضة 2 مع العلم ان مش هخدها كلها في الترم الاول فيالكلية و لا هي الجامعة هي الي توفرلي الحل vampire1188 09-07-2009, 08:18 PM انا فى ثانويه علمى محموعى 65% ايه ممكن يدخلنى يارت عدة خيارت وارجو المساعده ولكم جزيل الشكر مالكش غير جامعات خاصة او معاهد بيتهيألي carpon 10-07-2009, 06:24 PM بعد اذنك كنت عايز اعرف مصاريف معاهد الهندسة الخاصة eng...lido 10-07-2009, 10:09 PM ممكن بعد اذنك تطمنى على تنسيق كلية الهندسة حينزل ولا لآ السنة دى 2009 وشكرا جدا vampire1188 11-07-2009, 12:55 AM بعد اذنك كنت عايز اعرف مصاريف معاهد الهندسة الخاصة عندك في كذا معهد هندسة .. 1- معهد القاهرة العالي للهندسة >> مصاريفه بتوصل لـ 7000 2- المعهد العالي للهندسة المعمارية (6 اكتوبر) >> 6685 3- المعهد العالي للهندسة (6 اكتوبر) >> 5275 4- المعهد العالي للهندسة بمدينة الشروق >> 8000 5- معهد العبور العالي للهندسة والتكنولوجيا >> 7322 6- معهد طيبة العالى للهندسة بالمعادي >> 6685 7- الأكاديمية الحديثة للهندسة بالمعادي >> 8605 8- معهد هندسة وتكنولوجيا الطيران >> 9747 9- المعهد العالي للهندسة المدنية بـ 15 مايو بالقاهرة >> 5842 10- المعهد الكندي العالي لتكنولوجيا الهندسة والادارة >> 13147 11- معهد مصر العالي للهندسة بالمنصورة >> 6270 12- المعهد العالي للهندسة بالعريش >> 6270 13- المعهد العالي للهندسة بالقاهرة الجديدة (التجمع الخامس) >> 5692 14- المعهد العالي للهندسة بالمنيا الجديدة >> 7000 15- المعهد العالي للهندسة بكفر الشيخ >> 5450 16- المعهد العالي للهندسة بالقليوبية >> 5450 17- المعهد العالي للهندسة بالبحيرة >> 6000 18- المعهد العالي للهندسة بدمياط >> 6275 19- المعهد العالي للهندسة بالمنصورة >> 6275 20- المعهد العالي للهندسة بطموه (الجيزة) >> 5750 21- معهد الاهرامات العالي للهندسة (6 اكتوبر) >> 6275 vampire1188 11-07-2009, 12:57 AM ممكن بعد اذنك تطمنى على تنسيق كلية الهندسة حينزل ولا لآ السنة دى 2009 وشكرا جدا انا مش بعلم الغيب عشان اقولك هاينزل ولا لأ .. كله على حسب حلول الطلبة ومستوى الامتحانات ومش شرط عشان يبقي مستوى الامتحانات سهل يبقي التنسيق مرتفع ما ممكن يبقي الامتحانات سهلة والطلبة ماحلوش حاجة .. يبقي في الحالة دي التنسيق هاييجي واطي هيا بتبقي مسألة نسبة وتنساب مش اكتر وربنا يجيب اللي فيه الخير HODDA 11-07-2009, 04:32 AM مشرفنا القدير لك وافر الشكر والاحترام مش عارفة اقولك ايه علي اهتمام حضرتك ... ممكن اسأل عاوزة اقدم في جامعة 6أكتوبر كلية الاعلام لازم اروح تاني يوم للنتيجة ولا ممكن انتظر اسبوع مثلا مع العلم اني في ثالثة ثانوي alaahelal 11-07-2009, 11:59 AM ممككن لو سمحت أسعار الهندسة بالجامعات الخاصة:078111rg3::078111rg3::078111rg3::078111rg3: :078111rg3: vampire1188 12-07-2009, 07:31 PM ممكن اسأل عاوزة اقدم في جامعة 6أكتوبر كلية الاعلام لازم اروح تاني يوم للنتيجة ولا ممكن انتظر اسبوع مثلا مع العلم اني في ثالثة ثانوي بعد ما التنسيق بتاع الجامعات الحكومية بيخلص بيتم فتح طلبات الالتحاق .. دا غالبا بيبقي بعد ما نتيجة المرحلة بتخلص سواءا كانت اولي او تانية او تالته فانتي اول ما نتيجة التنسيق بتاعة المرحلة الاولى ماتخلص خدي ورقك وروحي قدمي في الجامعة وبما انك عايزة 6 اكتوبر فياريت يكون الموضوع بدري شوية .. عشان الجامعات دي بتمشي بأسبقية الحجز vampire1188 12-07-2009, 07:39 PM ممككن لو سمحت أسعار الهندسة بالجامعات الخاصة جامعة 6 اكتوبر >> 21850 للسنة الأولى جامعة مصر الدولية >> 27300 جامعة مصر للعلوم والأداب >> 21800 جامعة فاروس >> اللي جايبين اعلي من 85% : 10500 ، اللي جايبين مابين 70% لـ 85% : 11550 مودرن اكاديمي >> 10000 vampire1188 13-07-2009, 12:08 AM لو سمحت عايز اعرف كل حاجة عن كلية الهندسة الجامه الامريكية اسعارها و مجموع كام شكراااا معلش سؤال مكرر ارجو ان تكون استفسرت اكثر وياريت المجموع بص بقي يا سيدي .. اولاً انا آسف لو كنت اتأخرت في الرد بس بجد انا كنت بسألك فعلا ناس صحابي بيدرسوا هناك عشان المعلومات تبقي مظبوطة ومش غلط دلوقتي انا هايدك شوية معلومات عشان يبقي عندك خلفية الجامعة فيها حوالي 3 اقسام رئيسية .. وفيه قسم رابع بس دا سيبك منه التلات اقسام دول هما : 1- قسم العلوم الاجتماعية ( HUSS ) : دا بيضم اقسام فرعية زي .. دراسة الحضارة الاسلامية والعربية ، انجليزي وادب مقارن ، تاريخ ، قانون ، فنون ، فلسفة ، علوم سياسية ، الخطابة والكتابة ، علم النفس ، المصريات ، الإجتماع .... الخ الخ 2- قسم الأعمال والاقتصاد والاتصال ( BEC ) : دا بيضم 3 تخصصات رئيسية .. قسم التنظيم ، قسم الاقتصاد ، قسم الإعلام 3- قسم العلوم الطبيعية والهندسة ( SSE ) : دا بيضم جميع الاقسام المختصة بكليات الهندسة والعلوم زي .. الأحياء والكيمياء والفيزياء والحاسبات والالكترونيات والبترول .. الخ دي كانت نبذة عامة عن أقسام الجامعة الامريكية الرئيسية انتا دلوقتي بتسأل عن كلية الهندسة .. دلوقتي قبل ما اديك اي معلومة عن كلية الهندسة لازم تعرف ازاي انتا بتقدم وتلتحق بالجامعة اصلا انا هاقولك الخطوات واحده واحده ان شاء الله .. وبالأسعار كمان ( بس ماتتخضش) دلوقتي انتا راجل خلصت ثانوية عامة وظبطت حالك .. وقولت انا عايز اخش الجامعة الامريكية كل اللي انتا هاتعمله هاتتوجه الى مقر الجامعة اللي في القاهرة الجديدة (واوعي تروح للي في باب اللوق عشان دا خلاص اتلغي) وهاتتلاقي ناس قاعدة هناك هاتقولهم انا عايز التحق بالجامعة .. مبدأيا هما طبيعي هايدوك حاجة اسمها Application form .. دا تمنه 250 جنيه هاتتلاقيه حوالي 6 ورقات او اكتر .. وانا عندي نسخة منه هنا لو عايزها يعني بعد مابتكتبه بتقدمه هناك لحتة اسمها Registarer .. هما بياخدوها منك وساعتها بقي بتبدأ تخضع للاختبارات بتاعتهم ايه بقي الاختبارات دي ؟؟؟ الاختبارات دي عبارة عن اختبارات في الانجليش عشان يشوفوا مستواك في اللغة هل هايسمحلك انك تتماشى معا دراسة الجامعة ولا هاتبقي ضعيف .. عشان كدا بتخضع للاختبارات دي غصب عنك .. حكاية بقي انهم يقبلوا مجموع انجليزي في ثانوية عامة او كدا لا مابياخدوش هما بالكلام دا .. هما بيعاينوك مباشرة كدا منك ليهم عشان هما بنفسهم يحكموا .. وخلي بالك ان الاختبارات دي صعبة ومش سهلة فيها منها نوعين .. اختبار ELPT ودا تمنه 250 جنيه .. واختبار EWAT ودا تمنه 125 جنيه لو ربنا كرمك وعديت منهم .. بتستني لغاية لما نتيجة القبول تظهر .. اذا ظهرت بيبعتولك حاجة اسمها Acceptance Letter على العنوان اللي انتا كنت كاتبه في الابليكيشن اللي قولتلك عليه في الاول .. ودا بتدفع عليه رسوم حوالي 300 جنيه بعد كدا ساعتها نقولك مبروك انك دخلت الجامعة الامريكية .. دلوقتي بقي نقولك شوية معلومات سريعة حوالين كلية الهندسة اللي انتا عايزها دي 1- الكلية فيها كذا قسم .. حاسبات ومعلومات ، معماري ، الكتروني ، رياضة واكتواري ، بترول 2- التخصص مسموحلك انك تكتبه في الابليكيشن اللي في الاول خالص .. وممكن تستني لغاية السنة التانية بس دا بيبقي على حسب مجموعك اللي هوا اسمه GPA 3- عدد الساعات 166 ساعة تقريبا في اي قسم 4- مدة الدراسة مش مشروطة بعدد سنين محدد .. لكن انتا لازم تخلص جميع المواد اللي عليك في مدة اقصاها 8 سنين (عشان انتا هندسة) 5- زي مافيه رتب لقيادات الجيش .. زي مابرده فيه رتب للطلبة هناك .. بمعني ايه ؟ بمعني ان اللي لسه بادئ الجامعة وماخلصش حاجة دا بنسميه freshman .. اول مابيخلص الـ 30 ساعة بنسميه sophomore .. واما بيوصل ويخلص 60 ساعة بنسميه junior .. واما بيوصل لـ 90 ساعة بنسميه senior 6- لو غيبت اكتر من 3 اسابيع (سواءا باستمرار او متقطعين) خلال المادة الواحده بتسقط في المادة دي 7- اقصي عدد ساعات مسموحلك بيه في السيمستر الواحد 18 ساعة 8- بما انك 18 ساعة .. فدا يخلي المصاريف بتاعتك تخش في حيز الـ 57000 جنيه (في الترم الواحد) normde 13-07-2009, 02:27 AM لو سمحت ممكن تقولي علي جميع الكليات الخاصة اللي فيها تخصص إعلام ومعلش تبقي بالعنوان والمصاريف شكرا nehal kamal 13-07-2009, 03:23 AM السلام عليكم اولا عايزه اشكر بجد الجهود الي بتعملها علشانا:redface::redface: ثانيا انا خلصت ثانويه عامه بس انا مش بدرس في مصر بدرس في السعوديه انا مصريه عايزه اعرف ايه النظام بيبقى لينا يعني نفس المجاميع بتاعة الي درسوا في مصر :confused::confused: انا جبت في تانيه ثانوي 90% لسه النتيجه ما طلعتش بتاعة ثالته:( ومعلش عايزه اعرف كلية تجاره الي في اسكندريا بتاخد من كام بالنسبالي وشكرااااااا:078111rg3: اللهم ادخلني الفردوس 13-07-2009, 11:12 AM بليز كنت عايزه اعرف كليه اداب انجليزي بتاخد من كام في ماده الانجليزي , ياريت حد يرد عليا ضروري shrshr2007 13-07-2009, 01:26 PM جزاك الله خيرا علي الافادة ممكن معلومة بيشترطوا مجموع كام vampire1188 13-07-2009, 05:39 PM لو سمحت ممكن تقولي علي جميع الكليات الخاصة اللي فيها تخصص إعلام ومعلش تبقي بالعنوان والمصاريف شكرا 1- جامعة 6 اكتوبر : > العنوان : ليها طريقين .. طريق من الهرم وطريق من الكوبري الدائري الهرم .. هاتاخدها من ميدان الرماية على طريق الفيوم طوالي .. هاتتلاقي على شمالك وانتا رايح مدينة الانتاج الاعلامي وعلى يمينك دريم لاند (طريق الواحات) لغاية ماهاتتلاقي مدخل مدينة 6 اكتوبر في وشك .. اسأل على ميدان الحصري وروحه هاتتلاقي الجامعة في وشك الكوبري الدائري .. هاتنزل محور 26 يوليو هاتاخده طوالي لغاية ماتوصل للحي السابع .. اسأل على ميدان الحصري فين وبرده هاتتلاقي الجامعة في وشك > مصاريف كلية إعلام : 13000 في السنة .. ودا تليفونهم .. 38355281 جامعة مصر الدولية : > العنوان : الكيلو 28 طريق مصر الاسماعيلية (مجمع احمد عرابي) > مصاريف كلية اعلام : 26250 .. ودا تليفونهم .. 44771560 جامعة فاروس (الإسكندرية) : مافيهاش اعلام جامعة النهضة : > العنوان : طريق جامعة النهضة - مدينة بني سويف الجديدة > مصاريف كلية اعلام : مابين 7000 لـ 9000 على حسب المجموع + 1000 جنيه رسوم ادارية جامعة مصر للعلوم الحديثة والآداب msa : > العنوان : تقاطع محور 26 يوليو مع طريق الواحات - مدينة 6 اكتوبر > مصاريف كلية اعلام : 12000 .. ودا تليفونهم 38371543 vampire1188 13-07-2009, 05:56 PM انا خلصت ثانويه عامه بس انا مش بدرس في مصر بدرس في السعوديه انا مصريه عايزه اعرف ايه النظام بيبقى لينا يعني نفس المجاميع بتاعة الي درسوا في مصر اللي اعرفه ان اللي جايين من السعودية او من اي دولة من دول الخليج بيبقالهم تنسيق خاص بيهم .. بعيدا عن اي تنسيق تاني .. وميعاد التنسيق بتاعكوا عادة مابيكون في منتصف شهر 8 .. و الكلام دا بيكون بعد انتهاء تنسيق المرحلة التالته للمصرين المقيمين في مصر كل اللي بيحصل ياستي انك بتوثقي ورقك من الخارجية هناك في السعودية وتيجي مصر تختمي الورق بتاعك من القنصلية السعودية هنا .. وتظبطي حالك وتروحي تقدمي في التنسيق .. ودا بيبقي مقره في مدينة الطلبة قدام جامعة القاهرة على طول بالنسبة للتنسيق فدا بيتقسم لدرجات .. فيه درجة اولي وتانية وتالته على حسب مجموعك درجة اولي دا بيبقي من 90 % فيما فوق .. وتانية دا من 80% لغاية 90% .. وتالته من 80% لتحت ودي الطلبات اللي هما تقريبا هايعوزوها .. جيبتهالك من منتدي تاني (للأمانه يعني) اجمالى المستندات المطلوبه للتنسيق : 1- طلب التحاق ( استماره 55 تنسيق ) وهى موجوده فى مظروف التنسيق الذى ستشتريه. 2- أصل شهادة ثالثه ثانوى كاملة التصديقات( الاداره التعليميه - الخارجيه السعوديه - السفارة المصريه ) +عدة صور منها . 3- أصل شهادة ثانى ثانوى كاملة التصديقات +عدة صور منها . 4-أصل شهادة الميلاد المصريه كمبيوتر. 5-عدد 6 صور شخصيه. 6- العام الماضى كانت أول تجربة التنسيق الالكترونى فى مصر للشهادات المعادله ,, حيث عندما تستلم مظروف التنسيق ستحصل على رقم سرى لك واسم مستخدم لك تستطيع من خلاله الدخول على موقع التنسيق وكتابة معلوماتك ورغباتك ومن ثم طباعة رغباتك لأنها من ضمن المستندات المطلوب تسليمها . 7- بطاقة الاختيار ( الورقه الزرقاء وستلصق عليها طوابع رغباتك ويجب أن تكون مماثله للرغبات التى دونتها فى موقع التنسيق) وهذه البطاقه ستجدها فى مظروف التنسيق. 8- طلب تأجيل الخدمه العسكريه للذكور وهو يباع فى مكاتب البريد أو فى مناطق التجنيد . استمارة الأنشطه الطلابيه ( ستجدها فى مظروف التنسيق ). 9-صورة الاقامه للطالب أو الطالبه أو لولى الأمر( هذا العام لا داعى لتصديها من السفارة المصريه بناء على ما التصرح الصادر من سعادة الدكطتور عبدالله التطاوى , المستشار الثقافى فى السعوديه) 10- صورة جواز ولى أمر الطالب( هذا العام لا داعى لتصديقها من السفارة المصريه ) 11- صورة جواز الطالب- الطالبه نفسه أو الجواز المضاف اليه الطالب -الطالبه. 12- أصل جواز السفر للطالب أو الطالبه. وفى هذا العام ,,, ستضاف نتيجة القدرات والتى سترسل مباشرة من مركز القدرات الى مكتب التنسيق فى مصر وليس مطلوب منك أن تقدم أى مستندات عن نتيجتك فى القدرات. vampire1188 13-07-2009, 05:57 PM بليز كنت عايزه اعرف كليه اداب انجليزي بتاخد من كام في ماده الانجليزي , ياريت حد يرد عليا ضروري اقل حاجة 48 من 50 vampire1188 13-07-2009, 05:58 PM جزاك الله خيرا علي الافادة ممكن معلومة بيشترطوا مجموع كام لا عادي مش مشكلة المجموع .. بس اكيد يعني مش يكون تعبان اوي .. Dr_memo_5_7 13-07-2009, 06:09 PM انا عايز اعرف جامعة اكتوبر للعلوم الحديثة والاداب ايه سمعتها انا عايز اقدم اسنان لما اخلص ممكن يكون ليا فرصة سفر اي بلد للشغل كويت - امارات - قطر ..... يعني بيعترفوا بالشهادة ولا لا أرجو الرد السريع علشان عايز احجز مكان والي مخوفني انها ب 20000 وديت ارخص جامعة يعني 6اكتوبر ب 36100 ممكن لرخصها تكون مش معتمدة ؟؟؟؟؟؟؟؟ vampire1188 13-07-2009, 06:29 PM انا عايز اعرف جامعة اكتوبر للعلوم الحديثة والاداب ايه سمعتها انا عايز اقدم اسنان لما اخلص ممكن يكون ليا فرصة سفر اي بلد للشغل كويت - امارات - قطر ..... يعني بيعترفوا بالشهادة ولا لا أرجو الرد السريع علشان عايز احجز مكان والي مخوفني انها ب 20000 وديت ارخص جامعة يعني 6اكتوبر ب 36100 ممكن لرخصها تكون مش معتمدة ؟؟؟؟؟؟؟؟ لا اكيد معتمدة لإن الجامعة موجودة ضمن موقع وزارة التعليم العالي ومعترف بيها انما اذا كان على معترف بيها في الخليج ولا لأ .. فدا الله اعلم .. بس اكيد انهم في الخليج بيفضلوا المصريين اللي متخرجين من جامعات حكومية Dr_memo_5_7 14-07-2009, 10:34 AM السلام عليكم ورحمة الله وبركاته : لو سمحت عايز افاده عن امعة مصر للعلوم والتكنولوجيا انا عاوز ادخل تخصص اسنان هل هي معتمدة ولا لا في مصر والخارج ارجو الرد السريع ؟؟؟؟؟؟؟؟؟ بلوتو 14-07-2009, 11:49 AM ممكن تقولولى اعلام 6 اكتوبر مصريفها كام بلوتو 14-07-2009, 11:53 AM و هل يمكن ان ادخلها بالانجليزى ؟ براءة 14-07-2009, 12:14 PM السلام عليكم ورحمة الله وبركاته : لو سمحت عايز افاده عن امعة مصر للعلوم والتكنولوجيا انا عاوز ادخل تخصص اسنان هل هي معتمدة ولا لا في مصر والخارج ارجو الرد السريع ؟؟؟؟؟؟؟؟؟ جامعة مصر للعلوم والتكنولوجيا من افضل الجامعات الخاصة واكثرها حزما واحتراما كمنهج وبنت خالتى طبيبة اسنان امتياز القصر العينى بتقول انهم كويسين جدا فى مصر سمعتها مفيهاش كلام اما فى الخارج الله اعلم yasmein 14-07-2009, 02:59 PM ممكن أعرف صيدلة في جامعة 6 أكتوبر بتاخد من مجموع كام ياسمينايا 1 14-07-2009, 04:20 PM من فضلك ممكن تعرفنى باقسام كلية العلوم بالنسبة للقسم علمى علوم ومن وجهة نظرك ايه المناسب وخصو صا كليات الطب عالية قوى vampire1188 14-07-2009, 06:13 PM ممكن تقولولى اعلام 6 اكتوبر مصريفها كام جامعة 6 اكتوبر مصاريفها بالنسبة لاعلام حوالي 13000 جنيه في السنة و هل يمكن ان ادخلها بالانجليزى ؟ لا مافيهاش اقسام انجليش .. كله عربي vampire1188 14-07-2009, 06:15 PM ممكن أعرف صيدلة في جامعة 6 أكتوبر بتاخد من مجموع كام السنة اللي فاتت كانت واخده حد ادني 80% (للجامعات الخاصة ككل) vampire1188 14-07-2009, 06:31 PM من فضلك ممكن تعرفنى باقسام كلية العلوم بالنسبة للقسم علمى علوم اللي اعرفه ان عملى علوم متاح ليه ان يخش كيمياء او ميكروبولوجي او بايولوجي دا على حد علمى وعموما انتي تقدري تخشي ع اللينك دا وتسيبي سؤالك واخواننا في قسم علوم هايجاوبولك عليه ان شاء الله http://www.thanwya.com/vb/showthread.php?p=1363892 براءة 14-07-2009, 07:43 PM من فضلك ممكن تعرفنى باقسام كلية العلوم بالنسبة للقسم علمى علوم اقسام علوم بالنسبة لعلمى علوم اقسام الفيزيا والكيميا والاقسام البيولوجية بجميع فروعها حيوان نبات وكده وعلوم الارض والبيوفيزياء كل حاجة ما عدا اقسام الرياضة والحاسب الالى لوزتين 15-07-2009, 01:40 AM انا في ثالثة ثانوية وجبت السنة اللى فاتت 80 % وكملت علمى رياضه ممكن اعرف ايه الكليات المتاحة ليا و ممكن اتاخل كلية اداب قسم اعلام ولا لأ carpon 15-07-2009, 05:13 AM ممكن يا باشا اعرف رايك في المعهد العالي للهندسة 6 اكتوبر هل دة تبع جامعة 6 اكتوبر و لا ايه و ايه الفرق بين حاسبات و معلومات و هندسة قسم computer و انهي احسن في مجالات الشغل بعد كدة و لو ممكن اسعار معاهد الحاسبات و المعلومات و ايه قسم الاتصلات في الهندسة انا حاسس انك خلاص زهقت مني بس معلش الواحد مقلق جدااااا و حاسس انة مش هيلحق اي حاجة حكومة عبد العزيز أبودنيا 15-07-2009, 11:25 AM :mad::049gc0:مشرف قسم التجارة والجامعات الخاصة أشكرك كتير أنت بترد على أى موضوع وبسرعه بس ليا سوال عند حضرتك &&&& انا ممكن مدخلش هندسة فانا عاوز أعرف أدخل هندسة الشروق ولا هندسة الطيران فى رايك ##################### ايهما أفضل وممكن أيميلك ......... :028ja7::028ja7::028ja7::028ja7::040vk0: nature lover 15-07-2009, 03:22 PM انا مجموعي في سنه تانيه ادبي كان 80ونص والانجلش 23ونص والله اعلم السنه دي كام ياترى ممكن ادخل كليه تجاره انجلش بورسعيد ولا لأ ؟ وعاوزة اعرف كليه رياض الاطفال بورسعيد بتاخد من كام ؟ ولك جزيل الشكر vampire1188 16-07-2009, 08:03 PM انا في ثالثة ثانوية وجبت السنة اللى فاتت 80 % وكملت علمى رياضه ممكن اعرف ايه الكليات المتاحة ليا و ممكن اتاخل كلية اداب قسم اعلام ولا لأ عندك كليات الهندسة والحاسبات (الخاصة فقط) لإن مجموع الحكومي مش هايجيب على ما اعتقد يعني بالنسبة لكلية اداب قسم اعلام فدا اه ان شاء الله ممكن انك تخشه .. بس دا ليه تنسيق داخلي بيجمعوا التلات مواد اللغات بتاعتك (عربي+لغة اولي+لغة تانية) .. وبياخدوا اعلى ناس متقدمة على حسب الكثافة والعدد المطلوب vampire1188 16-07-2009, 08:12 PM ممكن يا باشا اعرف رايك في المعهد العالي للهندسة 6 اكتوبر هل دة تبع جامعة 6 اكتوبر و لا ايه ماعتقدش .. لإن فيه فرق مابين المعهد والجامعة .. والا كانوا دمجوا الاتنين في بعض وخلصنا هوا بس اتفاق في المسمي عشان الاتنين في منطقة واحده و ايه الفرق بين حاسبات و معلومات و هندسة قسم computer بكل بساطة حاسبات دي بتاعة السوفت وير والبرمجة .. انما هندسة بيتعاملوا معا الكمبيوتر كجهاز وهارد وير و انهي احسن في مجالات الشغل بعد كدة الشغل دا رزق من عند ربنا .. انتا وحظك .. خاصة في ظل الاحباط اللي احنا فيه دلوقتي بس اهم حاجة تكون داخل القسم اللي انتا بتحبه عشان تعرف تدي فيه وتتفوق فيه vampire1188 16-07-2009, 08:15 PM بس ليا سوال عند حضرتك &&&& انا ممكن مدخلش هندسة فانا عاوز أعرف أدخل هندسة الشروق ولا هندسة الطيران فى رايك هندسة الشروق كويسة مش وحشه .. بس اعتقد ان هندسة الطيران احلي واحسن هندسة الشروق فيها هندسة طبية ومدنية ومعمارية وكيائية .. وانا ليا صحاب فيها وبيقولولي كويسة vampire1188 16-07-2009, 08:18 PM انا مجموعي في سنه تانيه ادبي كان 80ونص والانجلش 23ونص والله اعلم السنه دي كام ياترى ممكن ادخل كليه تجاره انجلش بورسعيد ولا لأ ؟ بصرف النظر عن اي حاجة .. لازم يكون مجموعك يجيب انتظام في كلية تجارة للجامعة اللي انتا عايزها لو مجابش انتظام يبقي للاسف مش هاتعرف تلتحق بتجارة انجليش .. لان قسم انجليش دا انتظام فيها حضرتك تقدر تراجع الرابط دا .. http://thanwya.com./vb/showthread.php?t=135750 بلوتو 16-07-2009, 09:07 PM ممكن حد يقولى بكام قسم الصحافة فى اكاديمية اخبار اليوم وهل يدرسون بالانجليزى ام لا وبكام المعهد العالى للاعلام وفنون الاتصال وهل يدرسون بالانجليزى young coder 16-07-2009, 10:22 PM ممكن لو سمحت اعرف ايه احسن حاجة للهندسة و المصاريف بتاعتها ؟ و ايه رأيك في معهد هندسه وتكنولوجوجيا الطيران ؟ احسن من الهندسة العادية ولا ايه نظامه ؟ انا جايب بالظبط 89.765% و انا هحط الرغبات اول حاجة كل الهندسات الحكومة بس شكلها بعيدة شوية فياريت تساعدني vampire1188 16-07-2009, 10:55 PM ممكن حد يقولى بكام قسم الصحافة وهل يدرسون بالانجليزى مانتا عامل موضوع وقولت انك سألت وقالولك بـ 5500 جنيه حكاية بقي الانجليزي دي لأ هما مش بيدرسوا انجليش لكن فيه معمل لغات جوا جانبي بيتم الدراسة من خلاله وبكام المعهد العالى للاعلام وفنون الاتصال وهل يدرسون بالانجليزى 4000 جنيه .. والدراسة بالعربي مش بالانجليش vampire1188 16-07-2009, 11:03 PM ممكن لو سمحت اعرف ايه احسن حاجة للهندسة و المصاريف بتاعتها ؟ مش فاهم سؤالك .. ياريت توضح اكتر و ايه رأيك في معهد هندسه وتكنولوجوجيا الطيران ؟ احسن من الهندسة العادية ولا ايه نظامه ؟ أكيد احسن .. في حالة واحده وهوا انك ترغب في انك تبقي مهندس طيران .. لإن التخصص هناك بيبقي من اول سنة لكن لو روحت في جامعة مثلا زي القاهرة هاتتلاقي ان التخصص بيبقي من سنة تانية فا أكيد كل ماتتخصص بدري كل مادا هايبقي احسنلك اكاديمياً ودراسياً انا جايب بالظبط 89.765% لا تجيب ان شاء الله هندسة طيران .. لإن السنة اللي فاتت كانت واخده 350 (85.3%) والسنة اللي قبلها (2007) .. اللي هوا يبقي اعلي تنسيق حصل ومش هايحصل تاني .. كانت 365 (89.2%) فا ان شاء الله ربنا يكرمك وتجيبها و انا هحط الرغبات اول حاجة كل الهندسات الحكومة بس شكلها بعيدة شوية فياريت تساعدني اقل هندسة تقريبا السنة اللي فاتت كانت واخده في حدود 91% (هندسة اسيوط) .. ماعتقدش ان فيه هندسة هاتنزل عن 90% فيما عدا هندسة الطيران اللي قولتلك عليها young coder 16-07-2009, 11:09 PM انا عارف انها بعيدة شوية بس مش هخصر حاجة و بخصوص هندسة طيران انا في حاجة مش فاهمها في المصاريف لما هي بتبقل بعلى الاقل 85 ليه في خصم 10% للي فوق ال85 بما ان كل اللي هيتقبل فوق ال85 :d بس اهو كويس و هي مصاريفها كام السنة دي ؟ و هل في مصاريف اضافية فيها و سؤالي الاولاني اقصد لو في جامعات هندسة خاصة (هندسة عادية) احسن من هندسة الطيران :) vampire1188 16-07-2009, 11:53 PM لما هي بتبقل بعلى الاقل 85 ليه في خصم 10% للي فوق ال85 بما ان كل اللي هيتقبل فوق ال85 :d بس اهو كويس مانتا عارف بقي يا باشمهدنس .. حركات برده بيعمولها عشان يقولك تخفيض ومش تخفيض و هي مصاريفها كام السنة دي ؟ و هل في مصاريف اضافية فيها 10250 .. ودا التوتال ماعتقدش ان فيه مصاريف اضافية و لا حاجة و سؤالي الاولاني اقصد لو في جامعات هندسة خاصة (هندسة عادية) احسن من هندسة الطيران عندك بقي جامعة 6 اكتوبر ومصر الدولية والامريكية .. هما دول الجامعات التوب في الخاص young coder 17-07-2009, 12:07 AM طيب لو سمحت سؤال اخير عندك بقي جامعة 6 اكتوبر ومصر الدولية والامريكية .. هما دول الجامعات التوب في الخاص دول مصاريفهم كام بعد اذنك و الف الف شكر ليك vampire1188 17-07-2009, 12:53 AM دول مصاريفهم كام بعد اذنك جامعة 6 اكتوبر >> 21850 للسنة الأولى جامعة مصر الدولية >> 27300 جامعة مصر للعلوم والأداب >> 21800 جامعة فاروس >> اللي جايبين اعلي من 85% : 10500 ، اللي جايبين مابين 70% لـ 85% : 11550 مودرن اكاديمي >> 10000 الجامعة الأمريكية >> على حسب عدد الساعات (غالبا بيبقي 56 الف في الترم الواحد) young coder 17-07-2009, 01:02 AM طيب انهو احسن مودرن اكاديمي ولا معهد هندسة الطيران ؟ vampire1188 17-07-2009, 01:11 AM طيب انهو احسن مودرن اكاديمي ولا معهد هندسة الطيران ؟ انا عارف سبب سؤالك طبعا انتا اتلاقيت ان فارق السعر مابينهم يعتبر مش حاجة .. قولت اسأل وافاضل مابينهم بص ياسيدي .. معهد هندسةالطيران دا بيدرس كل حاجة مختصة عن الطيران فيما عدا قسمين تقريبا .. معماري ومدنى .. اما مودرن فا فيها اقسام ميكانيكا وكهربا ومعماري بمعني اصح الفروق بتتلخص في ان دي فيها اقسام مش موجودة في التانية والعكس young coder 17-07-2009, 01:47 AM انا اعرف ان اقسام بتاعت طيران هي هندسة ميكانيكا الطيران هندسة الإلكترونيات والأتصالات هندسة ميكانيكا قوى هندسة كهرباء قوى الهندسه المدنيه ( مطارات ) الهندسه المعماريه ( مطارات ) المهم انا سؤالي عن ميكانيكا الطائرات و ميكانيكا قوى ( بيدرس برضه عن الطائرات ) هل ممكن يشتغلوا كمهندسين عاديين ؟ ولا لازم في الطائرات carpon 17-07-2009, 02:36 AM ممكن اعرف ايه المعاهد الي متخصصة في الحاصبات و المعلومات و مصاريفها كام و معلش سؤال كمان و انا بقلب في موقع العاشر من رمضان لقيت قسم علوم الحاسب و لقيت جوة الاقسام هندسة حاسبات فهو ايه الفرق بين علوم حاسب و هندسة حاسبات و معاهد حاسبات و معلومات young coder 17-07-2009, 04:41 AM و صحيح حاجة كمان انا سمعت ان المنهج بقى اكاديمية و اتنقل لمطار 6 اكتوبر بس في سؤال كده انا شوفت الموقع لاقيت الصفحة دي http://www.eaaegypt.com/html/training_courses03.html#02 ايه الكورسات دي هو انا لازم اخدهم !! و ده كلهم بالدولار و في حاجات 5 سنين زي الB.Sc. in Aircraft Engineering Technology (Including 073A) و كاتبين سعرها 20390 دولار !!!!!!!!!!!! ramezsayed 17-07-2009, 06:54 AM السلام عليكم جزاك الله خيرا على الردود _( أنا جبت 89.52% وبجد هموت من الزعل لو ملحتقش حاسبات )_ أذا سمحت تقولى مصاريف هندسة جامعة مصر للعلوم والتكنولوجيا كام ؟؟؟؟ وهل الدراسة فيها فعلا صعبة وهل هناك أى تخفيض على المصاريف بالنسبة لمجموعى ؟؟؟ وشكرا hopeless 17-07-2009, 09:16 AM اهلا بكل اعضاع المنتدى :) انا عندى استفسار ضرورى وياريت لو حد يرد عليا ضرورى جدا(انا بنت واسمى نور وكنت فى اولى علوم السنادى بس عايزة احول كلية اللغات والترجمة والمشكلة ان اناكنت سنوى عام وشعبة علمى وانا اعرف ان الكلية لطلاب الازهربس وانا كنت جايبة فى السنوية العامة 384.5بالمستوى الرفيع وكنت جايبة فى الانجليزى49 فى السنتين مع بعض والفرنساوى جبت فيه 48وجايبة 10 مستوى رفيع(جغرافيا) ومجموعى مجابش الالسن {تنسيق 2008}ياترى هينفع احول ولا لا ولو ينفع المفروض اعمل ايه عشان احول ولو سمحت ممكن اعرف الرد ضرورى ومجموعى يجيب الكلية ولا لاوينفع ادخل الكلية وانا سنوى عام مش ازهر ؟؟؟؟ ) بجد انا نفسى اعرف الرد ضرورى عشان استريح:(وهبقى متشكرة جدا للى هيرد عليا:blush: وكمان انا مش من القاهرة انا من طنطا ومش عارفة مكان الكلية هى كلية اللغات والترجمة دى خاصة ولا عادية اصلا؟؟ وانا عايزة العادية مش الخاصة لو فى:confused: dommn 17-07-2009, 12:22 PM اية الأحسن الهندسة قسم حاسب ولا حاسبات ومعلومات ؟؟؟ و هل فى كلية هندسة قسم حاسب محتاجة انك تجيب تقدير فى قسم كهربة قبل ما تدخلها؟؟؟؟؟ podeusama 17-07-2009, 02:23 PM انا جبت 96.5% و انا ادبى و عايزة اخش جامعة القاهره اعلام لغات فانا عايزة اعرف مصاريف الكلية ؟؟؟ nature lover 17-07-2009, 02:51 PM انا قريت التوبيك اللي في اللينك اللي حضرتك كتبتهولي وفهمت الحمد لله بس معلش عندي سؤال هو انا لو قبلت في تجارة انتظام وبعد كده قدمت في تجارة انجلش وماقبلتش هل هكون خلاص اتدبست في تجارة العاديه ؟؟ لاني مش عاوزاها ولا ممكن ساعتها احول اي كليه تانية ؟ وكمان عاوزة اعرف مصاريف تجارة انجلش بورسعيد لو سمحت وشكراااااااا جدا لحضرتك mohanet12 17-07-2009, 04:10 PM ياجاماعه انا سانع ان كلية حاسبات ومعلومات هتاخد 2009 من أدبى الكلام ده صح ولا ايه ياريت حد يرد عليا ضرررررررررررووووووورى young coder 17-07-2009, 04:19 PM ياجاماعه انا سانع ان كلية حاسبات ومعلومات هتاخد 2009 من أدبى الكلام ده صح ولا ايه ياريت حد يرد عليا ضرررررررررررووووووورى كلام غير صحيح dommn 17-07-2009, 06:00 PM اية الأحسن الهندسة قسم حاسب ولا حاسبات ومعلومات ؟؟؟ و هل فى كلية هندسة قسم حاسب محتاجة انك تجيب تقدير فى قسم كهربة قبل ما تدخلها؟؟؟؟؟ أرجو الرد سريعا:angry2::angry2::angry2::angry2::angry2::angr y2::angry2::angry2::angry2: eonezedan 17-07-2009, 06:28 PM دلوقتي انا هندسة وكنت عاوزة احول لهندسة بترول وكنت شهادة معادلة فهل ده ممكن ومجموعها ايه السنة ديه vampire1188 18-07-2009, 01:01 AM انا اعرف ان اقسام بتاعت طيران هي هندسة ميكانيكا الطيران ، هندسة الإلكترونيات والأتصالات ، هندسة ميكانيكا قوى ، هندسة كهرباء قوى ، الهندسه المدنيه ( مطارات ) ، الهندسه المعماريه ( مطارات ) كلام سليم وميه ميه المهم انا سؤالي عن ميكانيكا الطائرات و ميكانيكا قوى ( بيدرس برضه عن الطائرات ) هل ممكن يشتغلوا كمهندسين عاديين ؟ ولا لازم في الطائرات اللي اعرفه ان انتا بما انك داخل هندسة طيران يبقي تخصصك الهندسي يبقي الطيران .. يعني بتدرس الطيران فقط لا غير .. ممكن تاخد ميكانيكا عامة بجانب دا .. لإن المفروض يعني ان الميكانيكا عموما مش بتختلف من مجال لمجال تاني .. لكن تخصصك هايبقي في الطائرات بس .. والا مكانوش سموها هندسة طيران .. واصدق دليل على كلامي دا ان انتا عندك في جامعة القاهرة قسمين .. قسم ميكانيا وقسم للطيران بتاع ميكانيكا بيدرس ميكانيكا بس .. لكن بتاع طيران بيدرس مواد ميكانيكا في مجال الطيران .. لو مكانش فيه فرق مابين الاتنين كانوا خلطوا الاتنين في بعض وخلاص !! vampire1188 18-07-2009, 01:26 AM ممكن اعرف ايه المعاهد الي متخصصة في الحاصبات و المعلومات و مصاريفها كام معهد الدلتا العالى (المنصورة) >> عربي : 3221 ، انجليش : 5000 المعهد العالي للحاسبات بمدينة الشروق >> شعبة حاسب : 5200 ، شعبة نظم معلومات : 4730 معهد مصر العالي للحاسبات والادارة (المنصورة) >> 4220 المعهد العالى للحاسبات (البحيرة) >> 2500 المعهد العالى للحاسبات (طنطا) >> 3200 المعهد العالى للحاسبات (القاهرة الجديدة/التجمع الأول) >> 2100 معهد الحاسبات وتكنولوجيا الطيران (مطار امبابة/الجيزة) >> 7300 ايه الفرق بين علوم حاسب و هندسة حاسبات الاجابة واضحة من الاسم نفسه .. علوم وهندسة .. لو جيت وسألت نفسك ايه الفرق بين الهندسة والعلوم ؟! بكل بساطة اي عالِم بيبقي هدفه انه يوصل لاكتشاف واثبات صحة نظريات معينة .. لكن المهندس بياخد النظرية الصحيحة اللي اكتشفها العالم ويبدأ يبنى عليها الأشياء لو جيت طبقت الفرق بين العلم والهندسة على الكمبيوتر هاتتلاقي ان المبرمج بيكتشف ويبرمج وعلى اساسه المهندس بياخد اكتشافاته دي ويترجمها لشرايح سيليكون ورامات وهارد وير .. الخ الخ يبقي الفارق مابين دا ودا .. ان علم الكمبيوتر بيهتم بالسوفت وير (استكشاف واختراع البرامج) لكن هندسة الكميبوتر بيهتم بالتطبيق العملى لنظريات علم الكومبيوتر للوصول لشئ مادى ملموس وفى الحالتين .. المجالين مطلوبين في سوق العمل .. لإن عمر مافيه شركة كمبيوتر هاتقوم على مجال واحد بس فيهم زي شركة مايكروسوفت مثلا .. دي شركة سوفت وير (برمجيات) لازم تطلب الاتنين ماينفعش تطلب مجال علوم الحاسب بس عندك شركة زي انتل مثلا .. دي شركة هارد وير .. دي برده لازم تطلب المجالين .. وهكذا يبقي نستنتج من دا ان المجالين بيكملوا بعض .. والمجالين ماحدش يقدر يشتغل من غير التاني vampire1188 18-07-2009, 01:37 AM انا سمعت ان المنهج بقى اكاديمية و اتنقل لمطار 6 اكتوبر الكلام دا على معهد الطيران .. مش على معهد هندسة الطيران انا شوفت الموقع لاقيت الصفحة دي http://www.eaaegypt.com/html/training_courses03.html#02 (http://www.eaaegypt.com/html/training_courses03.html#02) ايه الكورسات دي هو انا لازم اخدهم !! و ده كلهم بالدولار و في حاجات 5 سنين زي الb.sc. In aircraft engineering technology (including 073a) ماعنديش فكرة صراحة .. انا دخلت وشوفت اه .. بس انا نفسي مش فاهم الكلام دا مختص بايه بالظبط vampire1188 18-07-2009, 01:43 AM أذا سمحت تقولى مصاريف هندسة جامعة مصر للعلوم والتكنولوجيا كام ؟؟؟؟ وهل الدراسة فيها فعلا صعبة حوالي 25000 .. والدراسة اعتقد زيها زي اي كلية هندسة في مصر .. حاجة عادية يعني وهل هناك أى تخفيض على المصاريف بالنسبة لمجموعى ؟؟؟ لا .. التخفيض مابيتعملش الا اما تجيب تقديرات خلال دراستك .. يعني مثلا في سنة اعدادي جيبت جيد جدا .. يدوك تخفيض 25% (كمثال مش اكتر) vampire1188 18-07-2009, 01:51 AM انا عندى استفسار ضرورى وياريت لو حد يرد عليا ضرورى جدا(انا بنت واسمى نور وكنت فى اولى علوم السنادى بس عايزة احول كلية اللغات والترجمة والمشكلة ان اناكنت سنوى عام وشعبة علمى وانا اعرف ان الكلية لطلاب الازهربس وانا كنت جايبة فى السنوية العامة 384.5بالمستوى الرفيع وكنت جايبة فى الانجليزى49 فى السنتين مع بعض والفرنساوى جبت فيه 48وجايبة 10 مستوى رفيع(جغرافيا) ومجموعى مجابش الالسن {تنسيق 2008}ياترى هينفع احول ولا لا ولو ينفع المفروض اعمل ايه عشان احول ولو سمحت ممكن اعرف الرد ضرورى ومجموعى يجيب الكلية ولا لاوينفع ادخل الكلية وانا سنوى عام مش ازهر ؟؟؟؟ ) من المتعارف عليه ان الثانوي العام يخش جامعات حكومية .. لكن الثانوى الأزهرى مالوش الا جامعة الأزهر فقط بدليل ان مافيش حد في ثانوي ازهري يقدر يخش كلية سياسة واقتصاد .. او حتى اعلام .. عشان دول مختصين بالثانوي العام .. وفي ذات الوقت فيه تنسيق للثانوية العامة وتنسيق تاني للأزهر اذن تسنتجي من دا ان الازهر لوحده والثانوي العام لوحده .. وماحدش يقدر يتعدى على التانى هى كلية اللغات والترجمة دى خاصة ولا عادية اصلا؟؟ وانا عايزة العادية مش الخاصة لا دي عادية .. تابعة لجامعة الأزهر .. ومقرها في مدينة نصر (القاهرة) .. بس بيتهيألي والله اعلم ان فيه فروع للأزهر في المحافظات بس سواءا كدا او كدا .. هوا ماينفعش اصلا الموضوع دا للأسف vampire1188 18-07-2009, 01:54 AM اية الأحسن الهندسة قسم حاسب ولا حاسبات ومعلومات ؟؟؟ مافيش حاجة اسمها الأحسن .. فيه ان هندسة حاسبات بتطلعك مهندس كمبيوتر .. وحاسبات ومعلومات بتطلعك مبرمج او داتا بيز ادمن .. وانا قولت الفروق مابين حاسبات ومعلومات وهندسة حاسبات في المشاركة رقم 870 و هل فى كلية هندسة قسم حاسب محتاجة انك تجيب تقدير فى قسم كهربة قبل ما تدخلها؟؟؟؟؟ اكيد .. تقريبا بياخدوا من جيد vampire1188 18-07-2009, 01:57 AM هو انا لو قبلت في تجارة انتظام وبعد كده قدمت في تجارة انجلش وماقبلتش هل هكون خلاص اتدبست في تجارة العاديه ؟؟ لاني مش عاوزاها ولا ممكن ساعتها احول اي كليه تانية ؟ ههههههه .. اه فعلا هاتكون اتدبست في تجارة عربي .. لكن انتا تقدر تحول من تجارة لأى كلية تانية بس دا بيبقي في خلال فترة التحويلات اللي بيعملها مكتب التنسيق والنسبة بتاعة التحويلات بتبقي محدودة طبعاً .. vampire1188 18-07-2009, 02:03 AM انا جبت 96.5% و انا ادبى و عايزة اخش جامعة القاهره اعلام لغات فانا عايزة اعرف مصاريف الكلية ؟؟؟ شعبة عربي حوالي 200 جنيه .. لكن انجليش حوالي 6000 جنيه young coder 18-07-2009, 02:56 AM انا سمعت ان ميكانيكا طيران هو هو المنهج بتاع ميكانيكا عادية بس بياخدوا حاجات زيادة بس المهم انت متأكد ان هندسة الطيران لسه في مطار امبابه ولا اتنقلت لمطار 6 اكتوبر ؟؟ لانها تفرق كتير vampire1188 18-07-2009, 03:28 AM انت متأكد ان هندسة الطيران لسه في مطار امبابه ولا اتنقلت لمطار 6 اكتوبر ؟؟ لانها تفرق كتير ايون .. والدليل موجود اهو http://www.tansik.egypt.gov.eg/application/Dalel/images/Inst2009/Dalil145.gif اتفرج ع العنوان في اول سطر هاتتلاقيه كاتب مكتوب امبابة / الجيزة young coder 18-07-2009, 03:45 AM ايون .. والدليل موجود اهو http://www.tansik.egypt.gov.eg/application/dalel/images/inst2009/dalil145.gif اتفرج ع العنوان في اول سطر هاتتلاقيه كاتب مكتوب امبابة / الجيزة طيب الحمدلله لحسن لو كان في 6 اكتوب كان هيبقى الطريق 3 ساعات ( يعني 6 ساعات في اليوم مواصلات ) بس الحمدلله انه في امبابه اقرب و الف شكر ليك على المجهود و جزاك الله كل خير ramezsayed 18-07-2009, 05:01 AM 25الف :frown: دا أنا بحبسها 15 بس :frown: معلش هاتقل عليك عندى كمان سؤالين 1- هل هناك مصاريف أضافية ولا السعر دا شامل كله (يعنى مصاريف المراجع الخ....)؟؟؟؟؟؟ 2- هل المصاريف دى بتزيد كل سنة ولا ثابتة؟؟؟؟ mohamed201019 18-07-2009, 05:04 PM لو سمحتم ياجماعة أنا عايز أعرف مصاريف كلية التجارة شعبة اللغة الانجليزية vampire1188 18-07-2009, 10:44 PM - هل هناك مصاريف أضافية ولا السعر دا شامل كله (يعنى مصاريف المراجع الخ....)؟؟؟؟؟؟ لا طبعا .. دي حاجة ودي حاجة تانية .. معظم الجامعات في مصر سواءا خاصة او حكومية بتبقي مصاريف الجامعة حاجة ومصاريف الكتب حاجة تانية 2- هل المصاريف دى بتزيد كل سنة ولا ثابتة؟؟؟؟ ماعرفش صراحة .. بس الطبيعي انها المفروض يا بتبقي ثابته يا بتنقص (مش تزيد) vampire1188 18-07-2009, 10:47 PM لو سمحتم ياجماعة أنا عايز أعرف مصاريف كلية التجارة شعبة اللغة الانجليزية على حسب الجامعة .. بس معظم الجامعات الحكومية مصاريفها بتبقي ماكسيمم 5000 جنيه ymymym 19-07-2009, 03:01 PM طب ياريت سؤال يا فامبير هي مصاريف حقوق انجليزي جامعه بني سويف كااااااااااااااااام؟ ارجو الرد السريع new vision 19-07-2009, 03:58 PM لو سمحت انا عايزه اعرف شروط قسم الالمانى والاعلام كليه اداب حلوان وهى بتفرق من مرحله اولى لمرحله تانيه ولا new vision 19-07-2009, 04:00 PM لو سمحت انا عايزه اعرف شروط قسم الالمانى والاعلام كليه اداب حلوان وهى بتفرق من مرحله اولى لمرحله تانيه ولا زى بعض carpon 19-07-2009, 07:55 PM لو سمحت انا عايز اعرف ايه معاهد الحاسبات و المعلومات الي متوفرة دلوقتي و يا ريت تقولي احسنهم و مصاريفهم new vision 19-07-2009, 08:11 PM ايه ياجماعه مفيش حد يعبرنا هنا ولا ايه نورا 2008 20-07-2009, 06:24 AM انا مجموعي 85 علمي علوم ومش عارفة ادخل اية ؟؟؟؟؟؟؟؟؟؟؟؟؟ظظظظ vampire1188 21-07-2009, 01:21 AM طب ياريت سؤال يا فامبير هي مصاريف حقوق انجليزي جامعه بني سويف كااااااااااااااااام؟ارجو الرد السريع ماعرفش جامعة بني سويف بكام صراحة .. بس القاهرة عندنا بـ 6000 تقريباً وهيا غالبا مش هاتختلف من جامعة لجامعة يعني .. الاسعار بتبقي متقاربة طالما جامعة حكومية vampire1188 21-07-2009, 01:41 AM لو سمحت انا عايزه اعرف شروط قسم الالمانى والاعلام كليه اداب حلوان قسم الماني بيشترط الاتى : > لو انتي خريجة مدارس الماني (زي المدرسة الألمانية كدا يبقي تخشيها عادي جدا) > لو مدارس عادية يبقي لازم تكوني جايبه في الالماني مش اقل من 49 من 50 في مادة الالماني بالنسبة لاعلام : > غالبا بيقبلوا عدد 200 طالب > بيقبلوا بالمجموع الاعتبارى (لغة عربية + لغة اولى + لغة تانية) .. وغالبا بيكون مابين الـ 140 لـ 150 > المعيار الاساسي لدخول القسم طبعا انك تكوني جايبه مجموع كلية الاداب وهى بتفرق من مرحله اولى لمرحله تانيه ولا زى بعض أكيد طبعا بتفرق .. لإن الاقسام دي بالذات بتتملي بسرعة .. فانتي مثلا لو مرحلة اولي هايبقي ليكي الأولوية بالظبط زي لعبة الكراسي الموسيقية كدا .. اللي بيلحق هو اللي بيحجز الكرسي ويقعد عليه vampire1188 21-07-2009, 01:47 AM لو سمحت انا عايز اعرف ايه معاهد الحاسبات و المعلومات الي متوفرة دلوقتي و يا ريت تقولي احسنهم و مصاريفهم انا جاوبت على السؤال دا قبل كدا على فكرة معهد الدلتا العالى (المنصورة) >> عربي : 3221 ، انجليش : 5000 المعهد العالي للحاسبات بمدينة الشروق >> شعبة حاسب : 5200 ، شعبة نظم معلومات : 4730 معهد مصر العالي للحاسبات والادارة (المنصورة) >> 4220 المعهد العالى للحاسبات (البحيرة) >> 2500 المعهد العالى للحاسبات (طنطا) >> 3200 المعهد العالى للحاسبات (القاهرة الجديدة/التجمع الأول) >> 2100 معهد الحاسبات وتكنولوجيا الطيران (مطار امبابة/الجيزة) >> 7300 elmemo14 21-07-2009, 03:55 AM الظاهر كان فى حاجة فى المواقع لان الاسئلة بتاعتى اتشالت على العموم مفيش مشاكل نقول من الاول انا كنت عايز اسال على شوية حاجات كتير كده و اتعبك معايا كنت عايز اعرف الجامعات الخاصة اللى فيها هندسة كمبيوتر او المجالات المتعلقة بالai اللى بتدى شهادة اوروبيه و يا ريت ترتبلى المستوى و كنت عايز اسال عن حكاية الcomputer scince اللى الكليات الخاصة اتفقت عليا فيها علشان تجننى لانى بلاقيهم بيتكلموا عنها فى كل جامعة بطريقة مختلفة مره يبقى تحتها اقسام منها هندسة و مره تبقى كليه لوحدها كده و كنت عايز اسال عن مستوى جامعة msa كلية computer systems engineering لانى لقيت المجال ده هو اللى بحبة بالذات لان فى فى اخر سنتين تخصص ai و ده بقى ولعى كله و كمان كنت عايز اسال عن مصاريف الجامعة الامريكية كاملة بالرحلات اللى بيطلعوها بالعافية دى و كل حاجة ماعدا الكتب طبعا و لو معلومتين من عندك كده تفيدنى بيهم اكون شاكر جدا و بالمناسبة انا علمى رياضة و جبت 85% و كمان عايز اعرف اذا كانت الجامعة الفرنسية فيها مواد بالفرنساوى لان لقيت فى موقعهم ان الدراسة ب3 لغات و مصر الدولية فيها هندسة كمبيوتر ولا لا هى و البريطانية بس كده و ربنا يخليك لينا انا و الله قاعد بدور و كل ما يقابلنى حاجة بحط سوال هنا ymymym 21-07-2009, 05:28 AM ماعرفش جامعة بني سويف بكام صراحة .. بس القاهرة عندنا بـ 6000 تقريباً وهيا غالبا مش هاتختلف من جامعة لجامعة يعني .. الاسعار بتبقي متقاربة طالما جامعة حكومية اصل سمعت والله اعلم انها 5000 الترم الاولاني و5000 الترم التاني يعني عشره مش 6000 وتفرق يعني:romarioxp6: توتى توتى توتى 21-07-2009, 05:45 AM ما الفرق بين علوم وعلوم رياضة فى التنسيق duomham 21-07-2009, 09:03 AM انا مجموعي 85,3 وانا علمي رياضة , وعايز ادخل هندسة خاصة بكل اقسامها (اتصالات _ طيران _ قوي _ ميكتنيكا _ الخ.....) بس تكون معتمدة , وتكون تقبل مجموعي ياجماعة تكون معتمدة زي الاكاديمية المصرية للطيران المدني وغيرها بس انا معرفشي اي كليات خالص ,,,,ارجوكم ساعدوني ولكم جزيل الشكر . اخوكم محمود .:078111rg3: canary 21-07-2009, 11:38 AM شكرا على المجهود انا عايزه اعرف الكليات الى ممكن يدخلها طلاب علمي (رياضه_علوم) وادبي يعنى بتاخد كلوا وكمان عايزه اعرف علمي علوم ممكن يدخلوا كليه حاسبات ومعلومات؟؟؟؟؟؟؟ عايزه اسئل عن مصاريف طب اسنان جامعه مصر الدوليهوالمجموع المطلوب Dr.Cheetah 21-07-2009, 06:15 PM لو سمحت عاوز اعرف كل حاجة عن طب مصر للعلوم والتكنولوجيا عشان انا اتقبلت فيها duomham 21-07-2009, 07:26 PM ياجماعة هي هندسة الطيران الخاصة من كام وانا مجموعي 85,3 فهل انفع ادخلها . :049gc0: ymymym 21-07-2009, 07:58 PM الفرق بين علوم وعلوم رياضة فى التنسيق علوم رياضه لبتوع رياضه بس اما التانيه الل يهي علوم بس تقريبا والله اعلم انها لكله علمي علوم ورياضه lama.rere.mrmr 21-07-2009, 08:51 PM يا جماعة ارجوكم انا في ثانوية عامة شعبة علمي متأدب وكنت بسأل تجارة انجليزي بتاخد من كام درجة الأنجليزي انا جبت السنة ديه 92.4 % وجبت في الأنجليزي 41 من 50 انفع ادخل تجارة انجليزي ولا ايه ؟ انا سنة 2009 آيةالله 21-07-2009, 09:59 PM السلام عليكم ورحمة الهل وبركاته عندس استفسار صديقتي تريد جامعة خاصة حاسبات ومعلومات....فما المتوفر؟ علما بأنها في مدينة نصر....وهي علمي علوم ،هل تقبلها الكلية ام يجب أن تكون علمي رياضة؟ وشكرا vampire1188 21-07-2009, 10:50 PM اصل سمعت والله اعلم انها 5000 الترم الاولاني و5000 الترم التاني يعني عشره مش 6000 وتفرق يعني وربنا يابنتي ماعرف .. بس انا على فكرة كنت هاخشها .. وانا الرقم اللي قولتهولك دا اللي انا فاكره .. عشان انا فعلا سألت عليها .. وعموما هابقي اسألك واحد صاحبي فيها وابقي ابلغك vampire1188 21-07-2009, 10:52 PM انا مجموعي 85,3 وانا علمي رياضة , وعايز ادخل هندسة خاصة بكل اقسامها (اتصالات _ طيران _ قوي _ ميكتنيكا _ الخ.....) بس تكون معتمدة عندك جميع الجامعات الخاصة .. شهادتها معتمدة والحمدلله عندك .. 6 اكتوبر .. جامعة مصر الدولية .. مودرن اكاديمي .. Msa .. Auc .. Bue vampire1188 21-07-2009, 10:59 PM انا عايزه اعرف الكليات الى ممكن يدخلها طلاب علمي (رياضه_علوم) وادبي يعنى بتاخد كلوا عملى رياضة : هندسة ، حاسبات معلومات ، علوم (بعض الاقسام) علمى علوم : طب ، صيدلة ، اسنان ، علوم (بعض الاقسام) ، علاج طبيعي ، تمريض أدبي : اي كلية تانية بخلاف اللي فوق دول .. ملحوظة : - طالب العلمى مصرح ليه انه يخش اي كلية أدبية .. لكن العكس غير صحيح وكمان عايزه اعرف علمي علوم ممكن يدخلوا كليه حاسبات ومعلومات؟؟؟؟؟؟؟ هوا لغاية الاسبوع اللي فات كان لأ .. لكن دلوقتي بقي اه .. بس دا بالنسبة للجامعات الخاصة بس فيه قصة جديدة حصلت .. وهوا ان المجلس الأعلى للجامعات الخاصة وافق على قبول الناس اللي متخرجين ثانوية عامة علمى علوم وعلمى متأدب .. ولكن بشرط ان طالب العلمى يدرس كل المواد المتعلقة بالرياضة اللي مادرسهاش في ثانوي خلال الترم الاول من اول سنة يلتحق بيها في الجامعة اللي هوا دخلها .. قال يعني عشان يبقي متساوى معا طالب علمى رياضة !! شغل كوسة وهبل وعبط ومصلحة .. بلد ماشية بالمقلوب وربنا ! عايزه اسئل عن مصاريف طب اسنان جامعه مصر الدوليه والمجموع المطلوب 36750 في السنة .. والمجموع أكيد لن يقل عن 90% vampire1188 21-07-2009, 11:19 PM لو سمحت عاوز اعرف كل حاجة عن طب مصر للعلوم والتكنولوجيا عشان انا اتقبلت فيها - الكلية عموما ماشية بنظام الساعات المعتمدة (254 ساعة) - مدة الدراسة 6 سنين - الدراسة مقسمة على 3 مراحل : 1- المرحلة الأولى : مدتها سنتين (اولي وتانية) .. وبتشمل مواد الـ anatomy, physiology, biochemistry and histology 2- المرحلة التانية : مدتها سنة واحده (تالته) وبتشمل مواد الـ pathology, pharmacology, parasitology and microbiology 3- المرحلة التالته : مدتها 3 سنين (رابعة وخامسة وساته) وبتشمل General & Special Medicine, General & Special Surgery, Gynaecology & Obstetrics, Paediatrics, Ophthalmology, Ear, Nose & Throat, Community Medicine and Medical Statistics and Forensic Medicine and Toxicology - كل المواد دي بتدرس دا غير 5 مواد تانيين مالهومش دعوة بالطب زي انجليش وعربي وكمبيوتر وعلم نفس vampire1188 21-07-2009, 11:23 PM ياجماعة هي هندسة الطيران الخاصة من كام وانا مجموعي 85,3 فهل انفع ادخلها مالهاش غير معهد واحد اسمه معهد هندسة وتكنولوجيا الطيران .. ومقره امبابة ولازم تكون علمى رياضة عشان تخشه (لإنه هندسة) والسنة اللي فاتت كانت واخده مجموع 350 (85.3) .. يعني زي مجموعك والسنة دي سمعت ان وزير التعليم العالي قال انه هايتم تخفيض تنسيق الهندسة عشان محتاجين مهندسين في سوق العمل .. قول يارب الخبر دا يكون صح .. هاتبقي مصلحة ليك ولغيرك vampire1188 21-07-2009, 11:26 PM يا جماعة ارجوكم انا في ثانوية عامة شعبة علمي متأدب وكنت بسأل تجارة انجليزي بتاخد من كام درجة الأنجليزي انا جبت السنة ديه 92.4 % وجبت في الأنجليزي 41 من 50 انفع ادخل تجارة انجليزي ولا ايه ؟ انا سنة 2009 مبدأياً دا يتوقف على الجامعة ذات نفسها عشان فيه عندك جامعة القاهرة مثلا تختلف عن جامعة اسكندرية .. لإن اسكندرية بتاخد 45 من 50 في الانجليش .. لكن القاهرة بتاخد 40 من 50 في الانجليش فا لو انتا ماكنتش اسكندرية .. يبقي ان شاء الله شروط التحاقك سليمة وينفع تقدم عليها وكمان فيه امل ان شاء الله خاصة ان مجموعك كويس مش وحش young coder 21-07-2009, 11:32 PM معلش ممكن سؤال هو كليات حاسبات و معلومات كلها بتبقل حوالي كام طالب ؟؟ vampire1188 21-07-2009, 11:36 PM صديقتي تريد جامعة خاصة حاسبات ومعلومات....فما المتوفر؟ عندك كل الجامعات الخاصة متاحة قدامها والحمدلله جامعة 6 اكتوبر >> 14600 جنيه جامعة مصر الدولية >> 22000 جنيه جامعة مصر للعلوم والآداب >> 24000 جنيه جامعة النهضة >> بتتراوح مابين 7000 لـ 10000 على حسب مجموع الثانوية العامة بتاعها الجامعة الأمريكية >> حوالي 90 الف جنيه مودرن اكاديمي >> 6000 جنيه وهي علمي علوم ،هل تقبلها الكلية ام يجب أن تكون علمي رياضة؟ لو جامعة حكومية تبقي مش هاتقبل الا علمى رياضة بس .. لكن لو خاصة بقي هايختلف الأمر حصل ان مجلس الجامعات الخاصة العبقري طلع قرار جامد اوي اوي .. وهوا ان اي حد في علمى علوم يقدر يخش كلية الحاسبات والمعلومات او كلية الهندسة بشرط واحد .. ان الطالب دا يدرس مواد الرياضة اللي مادرسهاش في ثانوي خلال الترم الاولاني في سنة اولي في الجامعة اللي هوا التحق بيها .. عشان يعني يبقي متساوى معا طالب علمى رياضة .. حاجة غريبة بجد .. فعلا عجبت لك يا زمن ! vampire1188 22-07-2009, 12:00 AM هو كليات حاسبات و معلومات كلها بتبقل حوالي كام طالب ؟؟ حوالي 2120 طالب .. والسنة دي كمان هما زودوا الاعداد مش قللوها عشان حوار النقابة والكلام اللي اتقال عليه .. اللي حصل يا سيدي ان معروف ان لكل كلية المفروض الخريجين بتوعها بيبقي ليهم نقابة زي تجارة ليها نقابة التجاريين .ز حقوق ليها نقابة المحاميين .. اعلام ليها نقابة الصحفيين .. وهكذا لكن حاسبات ومعلومات مالهاش نقابة لحد دلوقتي .. والسبب ان اللائحة بتاعة تنظيم عمل النقابات بتنص على ان عشان تنشأ نقابة جديدة في مصر لازم يكون عدد الملتحقين بيها لا يقل عن عدد معين .. والعدد دا لسه ماوصلوش الناس بتوع خريجين حاسبات ومعلومات عشان كدا هما علّوا اعداد المقبولين عشان يزودوا عدد الخريجين ويزداد عدد الناس ويتم فعلا انشاء نقابة ليهم young coder 22-07-2009, 12:16 AM يارب تنسيقها يقل عن السنة اللي فاتت درجتين بس :) canary 22-07-2009, 12:35 AM طيب هوا حاسبات ومعلومات خاصه بتاخد من كام؟ elmemo14 22-07-2009, 01:01 AM و الله انا من امبارح مستنى ردك على سؤالى و لقيتك رديت على كل الناس يا ريت ترد عليا و انا مستنى ردك canary 22-07-2009, 01:30 AM هوا لغاية الاسبوع اللي فات كان لأ .. لكن دلوقتي بقي اه .. بس دا بالنسبة للجامعات الخاصة بس فيه قصة جديدة حصلت .. وهوا ان المجلس الأعلى للجامعات الخاصة وافق على قبول الناس اللي متخرجين ثانوية عامة علمى علوم وعلمى متأدب .. ولكن بشرط ان طالب العلمى يدرس كل المواد المتعلقة بالرياضة اللي مادرسهاش في ثانوي خلال الترم الاول من اول سنة يلتحق بيها في الجامعة اللي هوا دخلها .. قال يعني عشان يبقي متساوى معا طالب علمى رياضة !! يعنى هندرس رياضه 2(الجامعه هتدرسهالنا ولا مع نفسنا) ونمتحن فيها وفي ترم واحد vampire1188 22-07-2009, 02:07 AM كنت عايز اعرف الجامعات الخاصة اللى فيها هندسة كمبيوتر او المجالات المتعلقة بالai اللى بتدى شهادة اوروبيه ماعرفش غير الجامعة الأمريكية والجامعة البريطانية وجامعة سيناء .. هما دول اللي بيدوا شهادات معادلة من بره تقريبا - الجامعة الأمريكية مش محتاجة معادلة .. لإنها شهادة امريكية اصلا الجامعة البريطانية .. بتاخد شهادة معادلة من جامعة Loughborough الانجليزية - جامعة سيناء .. بتاخد شهادة برده من جامعة تولوز بفرنسا تقريبا (مش متاكد صراحة) و يا ريت ترتبلى المستوى في الصدارة معروف الجامعة الأمريكية طبعا .. بعديها جامعة سيناء بعديها الـ BUE .. دا في الخاص عندك في الحكومي .. اعتقد عين شمس احسن حاجة .. بس في نفس الوقت برده اصعب حاجة كنت عايز اسال عن حكاية الcomputer scince اللى الكليات الخاصة اتفقت عليا فيها علشان تجننى لانى بلاقيهم بيتكلموا عنها فى كل جامعة بطريقة مختلفة مره يبقى تحتها اقسام منها هندسة و مره تبقى كليه لوحدها اللي اعرفه ان فيه حاجة اسمها كلية حاسبات ومعلومات وكلية هندسة قسم حاسبات دا مختلف عن دا تماما .. لإن هندسة بيدرس هاردوير .. لكن حاسبات بيدرس سوفت وير وبرمجة و كنت عايز اسال عن مستوى جامعة msa كلية computer systems engineering جامعة كويسة والكل بيشكر فيها .. بس نسبة العرب فيها كتير و كمان كنت عايز اسال عن مصاريف الجامعة الامريكية كاملة بالرحلات اللى بيطلعوها بالعافية دا بيبقي على حسب عدد الساعات اللي بتدرسها جوا .. بس اعتقد ممكن توصل لـ 90 الف وتعدي كمان و كمان عايز اعرف اذا كانت الجامعة الفرنسية فيها مواد بالفرنساوى لان لقيت فى موقعهم ان الدراسة ب3 لغات من الطبيعي ان يكون فيها فرنساوي .. امال هاتبقي جامعة فرنسية ازاي ؟! بدليل انك عشان تخشها لازم تخضع لاختبار فرنساوي وانجليزي معا بعض بالظبط زي الجامعة الامريكية كدا .. لازم برده تخضع لامتحان انجليش منيل بستين نيلة و مصر الدولية فيها هندسة كمبيوتر ولا لا هى و البريطانية البريطانية تقريبا فيها .. بس بتبقي دراسة فرعية من قسم هندسة الكهرباء لكن الجامعتين فيهم حاسبات ومعلومات vampire1188 22-07-2009, 02:08 AM يعنى هندرس رياضه 2(الجامعه هتدرسهالنا ولا مع نفسنا) ونمتحن فيها وفي ترم واحد بالظبط كدا .. وعموما لسه الرؤية مابانتش .. اما نشوف لسه young coder 22-07-2009, 02:13 AM ايه النظام الغريب ده طيب اللي في علمي رياضة ممكن يخش طب ولا ايه !!!! :confused: vampire1188 22-07-2009, 02:16 AM ايه النظام الغريب ده طيب اللي في علمي رياضة ممكن يخش طب ولا ايه !!!! :confused: ماهو هوا دا الاستهبال بعينه .. شغل عبط وربنا ! بدليل انه مطبق على الجامعات الخاصة بس elmemo14 22-07-2009, 02:54 AM الف الف شكر على ردك انا وصلت لانى حطيت جامعتين فى دماغى msa و guc و على فكره انت مجبتش سيرتها انا كنت عايز اعرف انهى فيهم هندسة الكمبيوتر بتاعتها احسن و الشهادة التانية بتاعت الالمانية من جامعة ايه فى المانيا بس كده و الله الموفق و ربنا يوفقنا كلنا و بالنسبة للعرب اللى فى الmsa انت تقصد الstaff لانى لقيت البريطانية مفيهاش واحد اجنبى و معظم الجامعات كده هى الامريكية اللى جامدة فى الحكاية دى بس غالية اوى انا بس عايز افهم العرب الكتير تقصد بيها ايه علشان اعرف عيوبها young coder 22-07-2009, 02:56 AM ماهو هوا دا الاستهبال بعينه .. شغل عبط وربنا ! بدليل انه مطبق على الجامعات الخاصة بس و هتلاقيهم يقولوا علشان تخش النظام ده في مصاريف 5000 جنيه ولا حاجة canary 22-07-2009, 03:39 AM طيب هوا حاسبات ومعلومات خاصه بتاخد من كام؟ (المجموع) shroukk 22-07-2009, 05:06 AM السلام عليكم اناخلصت 3 ثانوى 2009 وجبت 82.8% وجبت فى الانجليزى 42.5 وعايزه اعرف ينفع ادخلها جامعه عين شمس ولا لاْ ضرورىىىىىىىىىىىىىىىىى ارجوكم. shroukk 22-07-2009, 05:07 AM تجاره انجليزى معلش نسيت احدد الكليه. Nora nora elamora 22-07-2009, 06:03 AM السلام عليكم انا اولا عضوه جديده معاكوا ولاحظت انا مفيش قسم خاص لكليه لزراعه زى باقى الكليات وكنت عاوزه اسال بتاخد من كام السنه دى ؟ وايه شروطها لو ليها شروط بالذات (قسم الوراثه ) وياريت حد يرد عليا ولكم جزيل الشكر Dr_memo_5_7 22-07-2009, 11:20 AM السلام عليكم انا جايب 91.5 علمي علوم و عايز اقدم في الجامعة المصرية الروسية تخصص صيدلة ايه رايك فيها ارجو الرد السريع ....... وشكرا ,,,,,,,,,,,,,,,,:078111rg3: DoOoON 22-07-2009, 12:52 PM ياجماعة لو سمحتم انا عايز اعرف كل حاجة عن معهد المساحة)بالنسبة لطلاب الثانوية علمى رياضة (المجموع _الدراسة_ المصاريف..................................) ولكم جزيل الشكر ولكن انجزونى بالرد سريعا:excl: ميزوو ملك الحب 22-07-2009, 08:27 PM من فضلكوا ممكن خدمة ..........؟؟؟ انا جايب 45 ف الانجلش وطبعا مش ينفع اداب القاهرة بس اداب بنها واخدة من 40 عايز اتاكد ............؟؟؟ وعايز اعرف التنسيق الداخلى لجامعة حلوان ..........؟؟ عمر الحب 22-07-2009, 09:28 PM انا عمر علمى رياضه ممكن لو سمحت اعرف معلومات متنوعه عن معهد العبور العالى للهندسه وكذلك معهد طيبه العالى للهندسه بالمعادى وكذا المعهد العالى للهندسه بمدينه 6 اكتوبر ولكم جزيل الشكر ولكن ارجو الرد السريع نظرا لقرب الانتهاء من التنسيق لو سمحت vampire1188 22-07-2009, 09:47 PM طيب هوا حاسبات ومعلومات خاصه بتاخد من كام؟ (المجموع) على حسب قرار مجلس الجامعات الخاصة .. السنة اللي فاتت كان واخد 75% كحد أدنى vampire1188 22-07-2009, 09:51 PM السلام عليكم اناخلصت 3 ثانوى 2009 وجبت 82.8% وجبت فى الانجليزى 42.5 وعايزه اعرف ينفع ادخلها جامعه عين شمس ولا لاْ ضرورىىىىىىىىىىىىىىىىى اولا .. انتي ماقولتيش انتي ادبي ولا علمي .. لإن دا يفرق طبعا ثانيا .. تدخلي ايه بالظبط ؟ .. تجارة عربي ولا انجليش ؟ لو عربي .. اه تقدري تخشيها .. لإنها السنة اللي فاتت واخده انتظام 85.9% .. وانتساب 79% لكن انجليش .. صعب جدا جدا جدا .. تقريبا مافيش أمل .. vampire1188 22-07-2009, 10:07 PM وكنت عاوزه اسال بتاخد من كام السنه دى لأ السنة دي الله اعلم .. لكن هيا خدت السنة اللي فاتت من 60% وايه شروطها لو ليها شروط - تكونى جايبه مجموعها - تكونى علمى (رياضة/علوم) بالذات (قسم الوراثه ) اللي اعرفه التخصص بيبقي المفروض من اول سنة تالته .. والتخصص برده بيبقي على حسب مجموعك .. لكن انا مش هاقدر اقولك قسم وراثة بياخد تقدير ايه لإن بصراحة ماعرفش (من قال لا اعلم فقد أفتى) canary 22-07-2009, 10:10 PM ممكن اسئل سؤال غبى؟ يعنى ايه تعليم مفنوح سؤال تانى جامعه المستقبل فيها حاسبات ومعلومات؟ ولو فيها مصاريفها كم؟ والجامعه دي سمعتها ايه ومعترف بيها ولا لا؟ معلش بسئل كتييير vampire1188 22-07-2009, 10:19 PM السلام عليكم انا جايب 91.5 علمي علوم و عايز اقدم في الجامعة المصرية الروسية تخصص صيدلة ايه رايك فيها الجامعة الروسية تعتبر برده جامعة معترف بيها من قبل وزارة التعليم العالي بس مش مشهورة .. فا انتا خليك في المشهور احسن .. جامعة مصر الدولية وجامعة مصر للعلوم والاداب والجامعة الألمانية وجامعة سيناء كويسين ومشهورين يستحسن تختار اي واحده فيهم وابعد عن الجامعات المدفونة دي peace2000x 22-07-2009, 11:40 PM هل يوجد قسم بترول وتعدين فى هندسة بورسعيد جامعة السويس peace2000x 22-07-2009, 11:41 PM بس ارجو الرد السريع عشان التنسيق هيقفل الحميس الساعة6مساء vampire1188 23-07-2009, 12:58 AM ياجماعة لو سمحتم انا عايز اعرف كل حاجة عن معهد المساحة)بالنسبة لطلاب الثانوية فيه 3 معاهد تقريبا للمساحة .. واحد في اسيوط والتاني في الجيزة والتالت في قنا - الجيزة : اسمه المعهد الفنى للمساحة والرى .. وتابع للكليات التكنولوجية اللي هيا اصلا تابعة لوزارة التعليم العالي .. وموجود تحديدا في الهرم .. ومدة الدراسة فيه سنتين وفيه 6 شعب للتخصص شعبة عامة - مساحة عامة - رى وصرف - استصلاح أراضى - تصوير - طباعة كان واخد السنة اللي فاتت مجموع 325.5 .. - أسيوط : دا برده تابع لوزارة التعليم العالي وفيه 3 تخصصات .. شعبة عامة - مساحة جوية - رى وصرف خد مجموع السنة اللي فاتت 329.5 - قنا : فيه 3 شعب .. شعبة عامة - مساحة عامة - رى وصرف خد مجموع السنة اللي فاتت 324 بالنسبة للمصاريف .. ماعنديش معلومات عنها صراحة Nora nora elamora 23-07-2009, 01:05 AM اولا بشكرك على المساعده انا علمى علوم جايبه83%وكنت بس عاوزه اعرف كليه الزراعه ملهاش دعوه بمجموعى فى مواد الثانوى عشان انا عاوزه قسم وراثه وقسم وراثه يعنى احياء وانا جايبه 40 فى الاحياء يعنى ممكن معرفش ادخله عشان كده ولا التخصص بيبقى على حسب تقديرى فى الكليه نفسهاوشكرا للمره التانيه vampire1188 23-07-2009, 01:07 AM ممكن لو سمحت اعرف معلومات متنوعه عن معهد العبور العالى للهندسه دا ياسيدي موجود على طريق مصر الاسماعيلية .. والدراسة فيه زيها زي اي كلية هندسة .. 5 سنين وبما انها هندسة فا طبيعي لازم تقبل علمى رياضة بس .. وخدت مجموع السنة اللي فاتت 276 وفيها 4 تخصصات .. اتصالات - حاسبات - تشييد - عمارة والمصاريف 7700 جنيه وكذلك معهد طيبه العالى للهندسه بالمعادى مدة الدراسة برده 5 سنين .. وخدت السنة اللي فاتت مجموع 287 فيها قسمين .. حاسبات - معمارى والمصاريف 7000 جنيه المعهد العالى للهندسه بمدينه 6 اكتوبر المعهد دا مختص بالهنسة المعمارية فقط .. يعني مالوش اقسام تانية والدراسة فيه 5 سنين وخدت السنة اللي فاتت مجموع 306 .. والمصاريف 7000 جنيه vampire1188 23-07-2009, 01:19 AM ممكن اسئل سؤال غبى؟ ليه غبي ليه ياعم ؟! .. انا عارف انتا تتلاقي نفسك متضايق عشان سألتني كتير .. عادي يا مان ولا يهمك .. الموضوع دا معمول ليكوا واي حد عايز يسأل يتفضل .. واكيد انا لو مش عارف هاقول مش عارف طبعا يعنى ايه تعليم مفنوح تعليم مفتوح دا .. حاجة كدا زي تكملة التعليم .. هاجيبهالك في صورة قصة انتا دلوقتي واحد مثلا يعني للأسف ماكملتش تعليمك ووقفت لغاية ثانوي .. او خدت الدبلوم ونفضت للباقي وعايز تكمل تعليمك وتخش جامعة تاني وتاخد شهادة مؤهل عالي .. الجامعة المفتوحة بقي بتقوم بالدور دا .. بس مش في كل الكليات .. موجود بس في تجارة وحقوق وآداب وزراعة واعلام ودي طبعا تابعة لجامعة القاهرة .. ومقرها قدام الجامعة على طول .. تحديدا قدام باب آداب وليها كمان قناة على النايل سات اسمها univ 2 جامعه المستقبل فيها حاسبات ومعلومات؟ اه فيها .. ولو فيها مصاريفها كم؟ 21000 جنيه في السنة والجامعه دي سمعتها ايه ومعترف بيها ولا لا؟ المستقبل جامعة كويسة ونضيفة .. يكفى انها جنب الجامعة الامريكية .. وانا شخصيا عديت عليها وشوفتها من بره .. شكلها جامد صراحة اما من ناحية معترف بيها .. فا دي اكيد طبعا لازم يكون معترف بيها لإنها متسجلة في اجندة الجامعات الخاصة اللي تابعة لوزارة التعليم العالي vampire1188 23-07-2009, 01:26 AM هل يوجد قسم بترول وتعدين فى هندسة بورسعيد جامعة السويس للأسف مش موجود فيها غير عمارة ومدنى وكهرباء وميكانيكا لكن بترول وتعدين مش هاتتلاقيها الا في فرع الجامعة في السويس نفسها .. ودي كلية مستقلة عن هندسة اللي موجودة في بورسعيد vampire1188 23-07-2009, 01:38 AM وكنت بس عاوزه اعرف كليه الزراعه ملهاش دعوه بمجموعى فى مواد الثانوى لأ مالهاش .. لكن فيه قسم زي الهندسة الزراعية دا التخصص فيه بيبقي من سنة اولي على طول .. وليه تنسيق لوحده .. وبيحتاج الناس بتوع علمى رياضة بس .. انا عاوزه قسم وراثه وقسم وراثه يعنى احياء وانا جايبه 40 فى الاحياء يعنى ممكن معرفش ادخله عشان كده لأ دا بيبقي على حسب تقديرك طبعا في سنة تانية بالذات .. عشان التخصص زي ماقولت بيبدأ من سنة تالته على طول floura 23-07-2009, 03:36 AM لوسمحتم حد يقولى ضرورى شروط اداب قسم المانى جامعة حلوان قبل المرحلة الاولى متخلص وهل الواحد عشان يدخله لازم يبقا جايب 50 او 49ونص ف الالمانى شكرا OnLyMMido 23-07-2009, 10:10 AM لو سمحت انا بس عايز اعرف تجاره انجلش السنه دي بتقبل من كام فى ...% فى الجامعات الخاصه؟! واسعارها ايه ؟! وياريت انسب كلية انت تعرفها ايه ؟! خصوصا جامعه 6 اكتوبر وشكرا ع تعبك معانا إنتحار طالب ثانوي 23-07-2009, 07:47 PM أدخل هندسة ولا حاسبات؟ خايف أسقط في هندسة</strong> أنا كان بالنسبه لي في فيزياء ثانويه عامه باب الكهربية والإلكترونيات الحديثه اللي فه الترانزستور و البوابات المنطقيه كانوا صعبين بالنسبه لي ومكنتش عارف أفهمه من كذا مدرس جربتهم لدرجة أني ما ذاكرتش الباب الخامس بتاع الإلكترونيات ده وعلى فكره المنهج ده نزل في 2005 - 2006 منهج جديد مش عارف كان على أيامك ولا لأ !!!!!!! بس هو أصعب من المنهج القديم وكنت شاطر و بحب الميكانيكا في رياضه 2 فهل أنتوا شايفين أني أدخل هندسة و أتخصص ميكانيكا أنتاج عشان مفبش غير قسم الأنتاج في ميكانيكا في الأكاديميات ديه ولا ما أدخلش هندسة خالص ؟ وهل فيه أحتمال أني أنفع في قسم كهرباء قسم حاسبات ؟ ولا لأ ؟؟؟ ملحوظه : أنا ما كنتش بحب الكهربية في الفيزياء وكنت بدرس بالعربي مش أنجليش أنا ممكن أجيب مدرس فيزياء يشرحلي الباب الخامس ده عشان لما أدخل الكليه أمشي فيها بس أنا كنت بالعربي!!!! ولا هندسة بتبدي معاك من الصفر ولا بيعتمدوا على اللي خدتوا في الفيزياء في ثانوية عامه ؟؟؟؟؟ ملحوظة: أنا أقصد في أستفساري أكاديميات مودرن و أخبار اليوم والأكاديميات الخاصة !!!!!!! و هو قسم اتصالات أو حاسبات أصعب من ميكانيكا أنتاج ؟ أرجوا الإفادة وشكراً لكم إنتحار طالب ثانوي 23-07-2009, 07:52 PM vampire لو سمحت هندسة أكاديمية العربية للعلوم و التكنولوجيا و النقل والبحري بكام في السنه ؟ و كل ترم بكام ؟ و هندسة ال GUC بكام في السنه و في الترم الأول ؟ وهندسة ال AUC بكام في السنه والترم الأول ؟ وهندسة الجامعة البريطانيه BUE في السنه كام و أول ترم كام؟ وهندسة الجامعة الفرنسية UFE في السنه كام و أول ترم كام ؟ أنا دخلت على مواقعهم كلهم بس بصراحه مش عارف هندسة بكام بالظبط !!!!!!!! هما مالهومش مصاريف محددة لكل كلية ولا أيه ؟ أنا مش فاهم !!!!!!! menahero 23-07-2009, 09:55 PM ارجوكم ممكن حد يساعدني انا جايب 92.0 فهل ممكن الحق هندسه طاقه اللي ف اسوان دي او الحق اي هندسه اصلي مش لاحق تنسيق مرحله اولي لانه من 92.68 قهل ممكن تبقي فيه اماكن ف كليات الهندسه بعد المرحله الاولي mfa csa 23-07-2009, 11:20 PM المعهد العالى للهندسة بمدينة 6 اكتوبر ليس هوا المعهد العالي للهندسة المعمارية بمدينة 6 اكتوبر الاتنين مالهمش صلة ببعض .. لكن الاول تابع لاكاديمية الثقافة والعلوم التابعة لجامعة 6 اكتوبر http://www.tansik.egypt.gov.eg/application/Dalel/images/Inst2009/Dalil135.gif http://www.tansik.egypt.gov.eg/application/Dalel/images/Inst2009/t40.gif vampire1188 24-07-2009, 12:11 AM لوسمحتم حد يقولى ضرورى شروط اداب قسم المانى جامعة حلوان قبل المرحلة الاولى متخلص وهل الواحد عشان يدخله لازم يبقا جايب 50 او 49ونص ف الالمانى شكرا الشروط عامة كالآتى : لو انتي خريجة من المدرسة الألمانية ..يبقي هاتخشيها على طول بدون اي شروط لكن لو خريجة من مدراس حكومية او حتى خاصة مش بتدرس الالماني من ابتدائي .. يبقي لازم تكوني جايبه درجة عالية في الألماني طبعا .. مش اقل من 49.5 .. لإنهم بيقبلوا اعداد قليلة زائد كدا .. بتخضعي لاختبار القسم بيعمله عشان يشوفوا اللغة الالمانية عندك ايه نظامها والاختبار بيبقي كتابي وشفوي .. vampire1188 24-07-2009, 12:17 AM لو سمحت انا بس عايز اعرف تجاره انجلش السنه دي بتقبل من كام فى ...% فى الجامعات الخاصه؟! يعني في حدود الـ 60 % غالبا .. على حسب قرار مجلس الجامعات الخاصة واسعارها ايه عندك جامعة 6 اكتوبر بـ 13 الف تقريبا وجامعة مصر الدولية بـ 26250 وجامعة مصر للعلوم والآداب بـ 20 الف ومودرن بـ 6000 تقريبا وياريت انسب كلية انت تعرفها ايه ؟! 6 اكتوبر كويسة مش وحشه .. canary 24-07-2009, 12:54 AM معلش يا vampire ايه هيا الجامعات والمعاهد الى موجوده في التجمع الخامس؟ وياريت تقولي سمعه كل وحده فيهم و الكليات المتوفره فيهم ومصاريفهم؟ في نظام كدا في بعض اقسام كليه هندسه نظام ساعات تقريبا وبفلوس دا ايه نظاموا ؟ معلش تاعبينك معانا. mostafa helal 24-07-2009, 01:28 AM السلا عليكم ممكن اعرف التجارة الخارجية الحد الاكثر للقبول بها بسرعة mostafa helal 24-07-2009, 01:32 AM الرد فين انا واللة مش قادر mostafa helal 24-07-2009, 01:34 AM فييييييييييييييييييييييييييييييييييييييييييييين mostafa helal 24-07-2009, 01:37 AM ممكن اعرف الحد الاقصى للقبول بكلية التجارة الخارجية medo_call2600 24-07-2009, 02:24 AM انا كنت علمي متأدب وحصلت علي 88.6 وحاليا في كلية السياحة والفنادق وكنت عاوز احول هندسة خاصة بعد القرار الي صدر فلو سمحت ممكن تتأكدلي من القرار ده وتشوفلي اية الهندسات الخاصة الي تقبل العلمي المتأدب لو الكلام ده صحيح بس يريت ضروري (هام) floura 24-07-2009, 03:40 AM الشروط عامة كالآتى : لو انتي خريجة من المدرسة الألمانية ..يبقي هاتخشيها على طول بدون اي شروط لكن لو خريجة من مدراس حكومية او حتى خاصة مش بتدرس الالماني من ابتدائي .. يبقي لازم تكوني جايبه درجة عالية في الألماني طبعا .. مش اقل من 49.5 .. لإنهم بيقبلوا اعداد قليلة زائد كدا .. بتخضعي لاختبار القسم بيعمله عشان يشوفوا اللغة الالمانية عندك ايه نظامها والاختبار بيبقي كتابي وشفوي .. طيب هو لازم 49ونص مينفعش 49؟؟؟؟ منال حلمى 24-07-2009, 03:52 AM مبروك ياعمر النجاح وربنا يوفقك ابقى طمنى دخلت ايه killer28 24-07-2009, 04:13 AM اسنان ولا صيدلة killer28 24-07-2009, 04:15 AM الافضل اسنان ام صيدلة smoalesh 24-07-2009, 04:43 AM السلام عليكم انا الحمد لله جبت مجموع 95 % وقدمت طلب على النت للالتحاق بالجامعة الالمانية guc عايز أعرف بس قبل ما أروح الامتحان ايه نظام الكلية دي مميزاتها ؟ عيوبها ؟ مصاريفها ..؟ هي احسن و لا البريطانية ؟ ... و ممكن أعرف مصاريف البريطانية و هي تستاهل ولا الهندسة الحكومية ( الاسكندرية ) أحسن مع الأخذ في الاعتبار جانب الفلوس ؟ mfa csa 24-07-2009, 04:51 AM انا كنت علمي متأدب وحصلت علي 88.6 وحاليا في كلية السياحة والفنادق وكنت عاوز احول هندسة خاصة بعد القرار الي صدر فلو سمحت ممكن تتأكدلي من القرار ده وتشوفلي اية الهندسات الخاصة الي تقبل العلمي المتأدب لو الكلام ده صحيح بس يريت ضروري (هام) لازم تكون علمي رياضة joe_321 24-07-2009, 10:26 AM لو سمحت انا كنت عايز اسأل عن مودرن اكاديمى هل فيها تجارة انجليش و لو فيها ياريت تئولى الحد الادنى للمجموع بتاعها و مصاريفها و حاجة تانية عنها ياريت تئولى اقسام ادرة اعمال و الاحد الادنى لمجموعها و مصاريفها و ياريت الرد بسرعة ضرورى و شكرا اوى على تعبكم :) lama.rere.mrmr 24-07-2009, 12:32 PM انا شعبة علمي متأدب وجبت السنة ديه 92.4% وكنت بسأل هل حاسبات ومعلومات جامعة حكومية مش خاص بس تقبل من شعبة علمي متأدب انا درست رياضة2 +جيولوجيا +كيمياء ينفع ولا ايه ؟ الفيلسوف الصغير123 24-07-2009, 12:52 PM انا طالب ثانوى عام القسم الادبى جبت بتانيه 50.5% عايزه اعرف معاهد ايه اللى ادخلها medo_call2600 24-07-2009, 01:47 PM يعني القرار ده لأول مرة: قبول الثانوية "علوم" و "علمي متأدب (http://quran.maktoob.com/vb/search.php?do=process&query=علمي متأدب&mfs_type=forum&utm_source=Related-Search&utm_medium=Links&utm_campaign=Related)" في كليات الهندسة و الحاسبات 21/05/2009 وافق مجلس الجامعات الخاصة علي قبول الطلاب الحاصلين علي الثانوية العامة من شعبتي العلوم والعلمي المتأدب( الجمع بين المواد العلمية والأدبية) بكليات علوم الحاسب وتكنولوجيا المعلومات والهندسة بالجامعات الخاصة من العام الدراسي الجديد بشرط استيفاء ماينقصهم من المواد المؤهلة للالتحاق وهي الكيمياء والفيزياء والرياضيات2 بهذه الكليات وخلال الفصل الدراسي الأول من عام الالتحاق وبنفس الجامعة الملتحق بهما الطالب غلط ولا ايه إنتحار طالب ثانوي 24-07-2009, 01:58 PM القرار ده كان مكتوب لعلمي علوم فقط لكن مكنش معمول لعلمي متأدب يا ميدو omarawad 24-07-2009, 02:00 PM يا جماعه انا كاتب اول رغبه هندسه بترول وتعدين جامعه قناه السويس يا رب تجيلي ان شاء الله بس انا سمعت ان مصاريف الكليه دي 20 الف في السنه رغم انها حكوميه يعني مش عارف ازاي ممكن حد بجد عارف يرد عليا بسرعه w3w3w3 24-07-2009, 06:14 PM انا حصلت على مجموع 55% فى الثانوية العامة وعندى دور ثان فى مادة واحدة ،،،،، هل استطيع الالتحاق بالجامعة المفتوحة ببنى سويف بعد ظهور نتيجة الدور الثانى ؟؟؟؟؟ أفيدونا vampire1188 24-07-2009, 06:32 PM معلش يا vampire ايه هيا الجامعات والمعاهد الى موجوده في التجمع الخامس؟ بالنسبة للجامعات .. عندك الجامعة الأمريكية وجامعة المستقبل والجامعة الألمانية وياريت تقولي سمعه كل وحده فيهم اظن التلات جامعات دول مش محتاجين اصلا اني اتكلم عليهم .. جامعات كويسة جدا ومشهورة و الكليات المتوفره فيهم الجامعة الأمريكية فيها علوم وهندسة وادارة اعمال واعلام وعلوم اجتماعية وسياسة جامعة المستقبل فيها صيدلة واسنان وهندسة وسياسة واقتصاد وتجارة وادارة اعمال الجامعة الألمانية فيها هندسة وصيدلة وتنظيم (زي تجارة كدا) وفنون تطبيقية ومصاريفهم؟ مش معقول يعني هاقولك مصاريف كل الكليات دي .. دا حتى حرام !! في نظام كدا في بعض اقسام كليه هندسه نظام ساعات تقريبا وبفلوس دا ايه نظاموا ؟ دا اصلا نظام امريكي وبيمشوا بيه في امريكا ومعظم دول العالم تقريبا عشان مارغيش كتير .. انتا اما بتخش الكلية .. مش بيجبروك انك تدرس مواد معينة لأ هما بيدوك قايمة كدا فيها عدد معين من المواد ويقولك مثلا اختار المواد اللي هاتدرسها الترم دا معا العلم مثلا ان الحد الأقصي لعدد المواد في الترم الواحد 5 مواد (على حسب القواعد اللي بتحددها الكلية) بس .. انتا بقي بتذاكر المواد اللي انتا اختارتها بنفسك دي .. مثلا المادة الواحده بيبقي مطلوب فيها عشان تخلصها 30 ساعة .. الـ 30 ساعة دول لازم تخلصهم خلال الترم كله .. سواءا شئت أم أبيت الساعات دي بتتقسم على مدار الترم كله .. يعني مثلا عندك الترم يبقي فيه 15 اسبوع فا انتا لو قسمت الـ 30 ساعة على الـ 15 اسبوع .. هاتتلاقي انك اسبوعيا لازم تحصر ساعتين لإن 15 اسبوع × 2 ساعة = 30 ساعة ممكن بقي خلال الاسبوع دا تدرس الساعتين بتوعك في حصة واحده .. وتبقي الحصة مدتها ساعتين او تدرسها على حصتين وتبقي مدة الحصة الواحده ساعة بس .. وهكذا بعد مابتخلص الـ 30 ساعة بتمتحن فيهم في الاخر .. وبيبقاله نظام تقديرات كدا مش هاينفع اقولهولك عشان معقد ولازم اشرحهولك بالورقة والقلم عشان تفهمه لكن عموما التقدير العام بنظام الساعات المعتمدة دي بيبقي اسمه gpa .. والتوتال بيقي من 4 vampire1188 24-07-2009, 06:35 PM ممكن اعرف التجارة الخارجية الحد الاكثر للقبول تجارة خارجية دا قسم من اقسام كلية تجارة .. مالوش كلية معينة يعني وبالتالي عشان تخشه لازم تخش كلية التجارة .. وبعد كدا تبقي تتخصص فيه والتخصص فيه مالوش تقدير ولا حاجة .. بيبقي بالرغبات وبس vampire1188 24-07-2009, 06:39 PM انا كنت علمي متأدب وحصلت علي 88.6 وحاليا في كلية السياحة والفنادق وكنت عاوز احول هندسة خاصة بعد القرار الي صدر فلو سمحت ممكن تتأكدلي من القرار ده وتشوفلي اية الهندسات الخاصة الي تقبل العلمي المتأدب والله اللي اعرفه ان القرار دا صدر بالنسبة للناس اللي علمى علوم بس .. لكن هما ماجابوش سيرة علمى متأدب دا خالص .. بس عموما القواعد بتدور حول نقطتين اساسيتين : 1- انك تكون جايب على الاقل الحد الادنى للقبول بكلية الهندسة في سنة حصولك على الثانوية العامة 2- الناس اللي كانت علمى علوم بتدرس مواد الرياضة خلال الترم الاول في الجامعة اللي دخلوها معا ملاحظة ان الكلام دا منطبق على الجامعات الخاصة بس .. يعني الحكومية مالهاش دعوة بالعك دا كله vampire1188 24-07-2009, 06:41 PM لو سمحت انا كنت عايز اسأل عن مودرن اكاديمى هل فيها تجارة انجليش اه فيها تجارة انجليش .. بتخشها من اول سنة على طول ياريت تئولى الحد الادنى للمجموع بتاعها عمرها ما تقل عن 60% ..وبعدين دي مودرن ياعم .. بتقبل اي حاجة و مصاريفها انا ماعرفش هيا كام بالظبط .. بس هيا في حدود الـ 6000 وشوية ياريت تئولى اقسام ادرة اعمال فيها قسمين .. محاسبة وادارة اعمال vampire1188 24-07-2009, 06:45 PM طيب هو لازم 49ونص مينفعش 49؟؟؟؟ بصي القاعدة عموما بتقول انهم بيقبلوا اعلي مجاميع متقدمه ليهم في القسم بشرط .. ان مجموع الألماني لا يقل عن 49 .. بالعقل كدا .. انتي لو دخلتى وقدمتي على القسم دا .. شئ طبيعى جدااااا تتلاقي ناس جايبه اعلي منك .. 49.5 و 50 كمان ! وبالتالي ساعتها هاتبقي انتي اقل واحده متقدمة انا مش بحبطك ولا حاجة .. بس انا بقولك اللي بيحصل .. انتي اه مجموعك يتوافق معا الشروط .. بس في نفس الوقت مش هوا المجموع اللي يخليكى تتقبلي بسهولة vampire1188 24-07-2009, 06:47 PM الافضل اسنان ام صيدلة عادي .. دا مجال ودا مجال .. شوف انتا ميال لإيه وشايف نفسك في ايه وخشه جعلتني مهندسا 24-07-2009, 08:07 PM ممكن هد يقولي جامعة الشروق بناخد كام في السنة للهندسة وممكن كمان حد يقولي الأقسام اللي فيها mfa csa 24-07-2009, 08:39 PM تفاصيل هندسة الشروق http://www.tansik.egypt.gov.eg/application/Dalel/images/Inst2009/Dalil136.gif تفاصيل هندسة اكتوبر http://www.tansik.egypt.gov.eg/application/Dalel/images/Inst2009/Dalil135.gif تفاصيل هندسة العاشر http://www.tansik.egypt.gov.eg/application/Dalel/images/Inst2009/t39.gif medo_call2600 24-07-2009, 09:26 PM لو سمحت يا استاذ vampire1188 (http://www.thanwya.com/vb/member.php?u=104746) بما ان حضرتك مشرف قسم الجامعات الخاصة تتاكد لي من القرار ينفع ولا لا وان كان ينفع ايه الكليات الخاصة الي تقبله Dr.Cheetah 24-07-2009, 10:32 PM mr vampire1188 enta gamed gdn b9ra7a ...... ana 3awz a3raf a mostwa gam3et MUST w kolyet el6b fieha إنتحار طالب ثانوي 25-07-2009, 02:06 AM أستاذ vampire1188 (http://www.thanwya.com/vb/member.php?u=104746) هو فين أسعار الهندسة اللي في الجامعة الأمريكية والألمانية والبريطانية والفرنسية و الأكاديمية البحرية ؟ أنا مش لاقيهم في مواقع الجامعات ديه على النت meme_nono 25-07-2009, 11:42 AM ممكن بعد ازنكم تقوليلي امتى ينتهي التقديم في جامعه 6 اكتوبر ضروري اوي جعلتني مهندسا 25-07-2009, 12:46 PM ممكن حد يقولي الهندسة الخاصة في العبور بكام وايه هي أقسامه ريرو2010 25-07-2009, 03:25 PM طب و جامعة فاروس عاوزة اعرف معلومات عنها vampire1188 25-07-2009, 04:12 PM أستاذ vampire1188 (http://www.thanwya.com/vb/member.php?u=104746) هو فين أسعار الهندسة اللي في الجامعة الأمريكية والألمانية والبريطانية والفرنسية و الأكاديمية البحرية ؟ أنا مش لاقيهم في مواقع الجامعات ديه على النت الجامعة الفرنسية >> 35 الف الجامعة الألمانية >> 36 الف الجامعة البريطانية >> 42 الف الجامعة الأمريكية >> 90 الف الأكاديمية البحرية >> الف جنيه للساعة المعتمدة الواحده vampire1188 25-07-2009, 04:14 PM ana 3awz a3raf a mostwa gam3et must w kolyet el6b fieha جامعة كويسة .. وبيقولوا انها من اصعب الجامعات في الخاصة في دراستها vampire1188 25-07-2009, 04:16 PM ممكن حد يقولي الهندسة الخاصة في العبور بكام وايه هي أقسامه السعر : 7700 جنيه الأقسام : تكنولوجيا الكترونيات واتصالات - حاسبات ونظم تحكم - عمارة - تشييد vampire1188 25-07-2009, 04:25 PM طب و جامعة فاروس عاوزة اعرف معلومات عنها جامعة من ضمن الجامعات الخاصة .. ومعترف بيها والشهادة بتاعتها معادلة من المجلس الأعلى للجامعات وموجودة في اسكندرية .. وتعتبر الجامعة الخاصة الأشهر والأوحد في اسكندرية كمان فيها حوالي 7 كليات بأقسامها .. صيدلة - أسنان - هندسة - علوم ادارة ومال (تجارة يعني) - حقوق - سياحة وفنادق - لغات وترجمة بالنسبة للأسعار : صيدلة و أسنان : 34300 في السنة تجارة ولغات : 17500 في السنة هندسة : 23000 في السنة سياحة وفنادق و حقوق : 13300 في السنة vampire1188 25-07-2009, 08:01 PM ممكن هد يقولي جامعة الشروق بناخد كام في السنة للهندسة كانت واخده السنة اللي فاتت 347 علمى رياضة طبعا وممكن كمان حد يقولي الأقسام اللي فيها قوى وآلات كهربية - الكترونيات واتصالات - كيماء - معمارى - طبى - مدنى ومصاريفها 9550 في السنة vampire1188 25-07-2009, 08:19 PM لو سمحت يا استاذ vampire1188 (http://www.thanwya.com/vb/member.php?u=104746) بما ان حضرتك مشرف قسم الجامعات الخاصة تتاكد لي من القرار ينفع ولا لا وان كان ينفع ايه الكليات الخاصة الي تقبله بص يا بوب انا عن نفسي قريت القرار اكتر من مرة .. وهوا دا نصه : يتم قبول الطلاب الحاصلين علي الثانوية العامة من شعبتي العلوم والعلمي المتأدب( الجمع بين المواد العلمية والأدبية) بكليات علوم الحاسب وتكنولوجيا المعلومات والهندسة بالجامعات الخاصة من العام الدراسي الجديد بشرط استيفاء ماينقصهم من المواد المؤهلة للالتحاق وهي الكيمياء والفيزياء والرياضيات2 بهذه الكليات وخلال الفصل الدراسي الأول من عام الالتحاق وبنفس الجامعة الملتحق بهما الطالب علي ألا يزيد ماينقص الطالب من مواد مؤهلة عن مادة واحدة فقط. اقرا القرار معايا واحده واحده كدا وأفهم صح .. أولاً : القرار يسرى على العلمى علوم والعلمى المتأدب ثانيا : القرار بيقول يه بقي ؟؟ .. بيقول بشرط استفياء ما ينقصهم من المواد المؤهلة .. طب ايه هيا المواد المؤهلة اللي المفروض تدخلنى انا كطالب لكلية الهندسة او الحاسبات ؟ المواد المؤهلة هيا .. رياضة 2 - فيزياء - كيمياء بس هوا ماسبهاش سداح مداح كدا .. هوا خنقك بآخر جملة مكتوبة اللي هيا ايه بقي ؟ علي ألا يزيد ماينقص الطالب من مواد مؤهلة عن مادة واحدة فقط يعني ايه بقي الجملة اللي فاتت دي ؟؟ يعني انك تكون في الثانوية العامة درست مادتين من أحد المواد التلاته (فيزياء أو كيمياء أو رياضة 2) واتباقلك مادة انتا مادرستهاش .. في تلك الحالة بتاخد المادة دي معاك وتشيلها لسنة اولي جامعة وتدرسها في الترم الاول .. لكن لو افترضنا ان انتا درست مادة زي الفيزياء مثلا .. لكن مادرستش كيمياء او رياضة 2 في تلك الحالة ماتقدرش تلتحق بالهندسة .. يارب تكون المعلومة وصلتك وعموما جميع الجامعات بتطبق النظام دا فيما عدا 3 جامعات خاصة (حالياً) وهما .. جامعة السلاب ، جامعة الشروق ، مودرن اكاديمي vampire1188 25-07-2009, 08:32 PM يا جماعة .. انا آسف جدا جدا جدا لأى شخص مش بقدر أرد علي سؤاله بسرعة .. وأظن انتوا شايفين كمية الأسئلة اللي بتتسأل شكلها ايه !! .. فا ياريت بجد ماحدش يزعل منى .. amal mohamed 25-07-2009, 10:07 PM حد يعرف مصاريف الاكاديميه البحريه كليه الهندسه فيها بكام vampire1188 25-07-2009, 10:58 PM حد يعرف مصاريف الاكاديميه البحريه كليه الهندسه فيها بكام انا ماعرفش المصاريف بالظبط .. لكن هوا الترم الواحد بيبقي بـ 11500 جنيه .. يعني السنة كلها بحوالي 24 الف جنيه غير مصاريف التقديم .. 300 جنيه .. ومصاريف تأمين 1000 جنيه احمد عبد العال جاد 25-07-2009, 11:15 PM ممكن لو سمحت انا والدة طالب ثانوية عامة ممكن اعرف معهد الاهرامات للهنسة اخذ من كام السنة اللى فاتت لو تكرمت ومعهد العبور للهندسة ومعهد القليوبية احمد عبد العال جاد 25-07-2009, 11:43 PM :040vk0:ممكن لو سمحت انا والدة طالب ثانوية عامة ممكن اعرف معهد الاهرامات للهنسة اخذ من كام السنة اللى فاتت لو تكرمت ومعهد العبور للهندسة ومعهد القليوبية لو سمحت عايزة اعرف اخدت مجموع كام canary 25-07-2009, 11:56 PM plz vampire tell me about el sadat academy vampire1188 26-07-2009, 01:04 AM ممكن لو سمحت انا والدة طالب ثانوية عامة ممكن اعرف معهد الاهرامات للهنسة اخذ من كام السنة اللى فاتت لو تكرمت ومعهد العبور للهندسة ومعهد القليوبية أهلاً وسهلاً بحضرتك .. نورتى المنتدى معهد الاهرامات للهندسة خد السنة اللي فاتت مجموع 252 .. ومصاريفه 6600 جنيه معهد العبور للهندسة خد السنة اللي فاتت مجموع 276 .. ومصاريفه 7700 جنيه المعهد العالي للهندسة بالقليوبية حد مجموع 274 .. ومصاريفه 5700 جنيه احمد عبد العال جاد 26-07-2009, 01:14 AM شكررررااااااااااا لك وجزاك اللة كل خير vampire1188 26-07-2009, 01:15 AM plz vampiretell me about el sadat academy دا لينك فيه المفيد كله .. http://sadatacademy.edu.eg/arabic/videosms.html kshksh 26-07-2009, 03:34 AM انا عايزة اعرف اسعار كلية صيدلة فى معظم الجامعات الخاصة لو سمحتم ضرورررررررررررى اى معلومة يا ريت و بسرعة plzzzzzzzz magic 007 26-07-2009, 06:28 AM انا والدة طالب ثانوي عام علمي علوم جاب 93% ومش هيحصل صيدلة حكومي اطلب منك تقولي التعليم الموازي في اي جامعة مصرية حكومية اجدة واي ارخص جامعة خاصة بها ارخص صيدلة في مصر معترف بها ارجوك ساعدني ما فيش وقت معلش تعبتك معاي ربنا يوفقك في حياتك mfa csa 26-07-2009, 09:59 AM انا والدة طالب ثانوي عام علمي علوم جاب 93% ومش هيحصل صيدلة حكومي اطلب منك تقولي التعليم الموازي في اي جامعة مصرية حكومية اجدة واي ارخص جامعة خاصة بها ارخص صيدلة في مصر معترف بها ارجوك ساعدني ما فيش وقت معلش تعبتك معاي ربنا يوفقك في حياتك كليات الصيدلة في الجامعات الخاصة بتبدا من 25 الف وانتي طالعة انا ليا واحد صاحبي في صيدلة جامعة مصر للعلوم والتكنولوجيا .. وهيا واحدة من افضل الجامعات الخاصة في مصر وكانت واخدة من 93 % السنة اللي فاتت .. الله اعلم هتاخد من كام السنة دي sseess 26-07-2009, 12:25 PM انا عوزه اسئل عن معهد الدلتا العالى للحاسبات اناعوزه اسئل عن الهندسة الى فى المنصوره المصاريف والتنسيق |