عندنا فى مدرستنا المدير طلب من المعلمين المساعدين ومنهم انا انى اختار مدرس اساسى لمادة ثقافية ان يكون المرشد بتاعى زى المشرف كدة وانا ادخل معاة الحصص وطلبوا منى ان ادخل معه الحصص واختاروا لية فصل كمان وقولولى هتدخل معاه عشان تعرف بيشرح ازاى وتحضر ازاى وتصحح معاه كراسة التلاميذ بالرغم انى مدرس تربية فنية والمرشد دة مدرس رياضيات و سالت المدير مش التقييم دة عشان تتبعت للاكاديمية ويتم تسكينى على درجة معلم قلى اة قلتله طيب احنا قدمنا تقييم دة للاكاديمة قلى هو انت اتسكنت على درجة معلم ولا لا .قلته لا .رد عليا وقلى لما تسكن هنشيلك من التقييم دة وطلب منى ادخل من الحصة الاولى للرابعة وانا حصتى الاساسى اللى هو الرسم الحصص الاخيرة يعنى انا كدة هشتغل من الحصة الاولى للسابعة وطبعا انا كدة اهمل مادة تخصصى اللى فيها مسابقات واعمال عشان المعرض


فى حد عنده الحكاية دية ولا دية فى مدرستنا وبس؟

استحمل شوية

كل مدير وله نظام

المدير عندى ما لقاش حاجة يعلق عليها كلمنى على لبس الكرافتة

لا ياجماعة المدير مش هو اللى قال او بيعمل دة من دماغة دة بيقول ان مدير العام الادارة هو اللى قال كدة فى الاجتماع المديرين

انا عندنا مديرتى قلت للمعلمين المساعدين اللى لسة مامتحنوش اما انا قلت لى انتى عدتى طالما قدمتى ونجحتى لان التقيم دى للى هيقدموا لسة فى الاكاديمية ويمتحنوا وورت لى الورق كمان اللى جبتة وكتبتة فى التدريب اللى كانت فية بخصوص الموضوع دى وهو يتضمن ماقدمناه للاكاديمية من اصل عقد ومؤهل وصورة بطاقة وفيش وافادة icdl
حضرتك ياستاذ علاء فهم مديرك كدة وعرفة انك قدمت كل دى وقدمت فى امتحان الاكاديمية ونجحت كمان وورية بيان النجاح المطبوع من على النت

محصلش عندى
ايه الاشاعات دى

انا عندنا مديرتى قلت للمعلمين المساعدين اللى لسة مامتحنوش اما انا قلت لى انتى عدتى طالما قدمتى ونجحتى لان التقيم دى للى هيقدموا لسة فى الاكاديمية ويمتحنوا وورت لى الورق كمان اللى جبتة وكتبتة فى التدريب اللى كانت فية بخصوص الموضوع دى وهو يتضمن ماقدمناه للاكاديمية من اصل عقد ومؤهل وصورة بطاقة وفيش وافادة icdl
حضرتك ياستاذ علاء فهم مديرك كدة وعرفة انك قدمت كل دى وقدمت فى امتحان الاكاديمية ونجحت كمان وورية بيان النجاح المطبوع من على النت


والله انا فهمته كدة وقلتله اانا نجحت خلاص وبقيت معلم وكمان التقييم دة انا قدمته للاكاديمية فرد عليا وقلى انت اتسكنت على درجة معلم قلتله لسة قلى لما تسكن على درجة معلم

أنا موجه وادربت على تقييم المعلم المساعد الذى لم يدخل الامتحان فقط 0 مديرك غلطان 0

طيب اتصرف معاة ازاى
مش ادخل الفصل مع المدرس وخلاص؟

انا اتصلت بالاكاديمية اليوم كمان وسالت على التقيم ده قالوا للى لسه هيمتحن ويقدم فى الاكاديمية مش ليكوا انتوا كدة معدش مطلوب منكم حاجة

كلمنى على لبس الكرافتة

مالها الكرافتة عايزاك تلبسها ولا انت فعلا بتلبسها ايه المشكلة

المشكلة يا جماعة ان الناس مش عارفة حقوقها وواجباتها
بص يا أستاذ مديرك غلطفى غلط ده للمعلم اللى لم يجتز امتحان الترخيص من الأكاديمية لكنه عايز يريح الأستاذ اللى بيدخلك معاه ولا الصح أنه يدخلك مع مدرس متخصص أما بالنسبة للمرشد ففيه اجتماعات ويقوم بترشيح معلم تتدخل معاه
على فكرة ممكن المرشد يكون من مدرسة أخرى وده فى حالة ما يكون فى عدم معلم مرشد فى المدرسة بمعنى أنه لايوجد معلم حصل على دورة إرشاد للمعلم المساعد

]مديرك حافظ مش فاهم

ده شغل ملف التاهيل و الارشاد و بناء عليه فى النهايه بيقدم تقييم من المدير و الموجه ضمن الاوراق اللى هيقدمها للاكاديمية و احنا قدمنا التقرير ده لو تفتكر اول ما روحنا الاكاديمية نقدمه مع صور الاوراق و بكده يبقى احنا فلتنا من تحت ايد التاهيل و الارشاد و الكلام ده للمعلمين المساعدين اللى لسه مدخلوش اختبار
ربنا يعينك على مديرك و ادارتك

احنا يا جماعة مدخلناش الامتحان لكن قدمنا التقييم ده قبل كده مع صور الاوراق؟ وعندنا فى المدرسة مش عارفين حاجة عن التقييم ده ؟ ايه بقى المطلوب مننا بالضبط؟؟؟؟؟؟

يا جماعة ممكن حد يقولنا ايه هي حقوق وواجبات المعلم المساعد وكيف يتم اختياره وما المطلوب لكي يتم تعينه وكمان عايزة اعرف معلومات عن الاكاديمية :
عنوانها/ فائدتها/امتحاناتها
بصراحة أنا لسة جديدة وما اعرفش اي حاجة عن اجراءات التعين

ادعو معى يارب انتقم من جميع من اوقف الكادر وحافز الاثابه للادارين والمشرفين واللهم اخرب بيوتهم واللهم ما ابتليهم بالامراض المزمنه وانشاء الله يجدوه فى اولادهم وربنا يبتليهم بالفضائح دنيا واخره واللهم نكث راوسهم واجعلهم من المزلولين هم وزرياتهم بجاه نبيك المصطفى صلى الله عليه وسلم اقبل دعائى هذا لانى مظلوم وبدعو على الظالمين

انا عندى مديرى بيزعل لمل يلاقى مجموعة مدرسين وقفين مع بعض وكمان يضيق اوى لو شاف مدرس قاعد فاضى لابد ان يكون المدرس يعمل او لايراه امامه

على فكره معظم المديرين الموجودين فى المدارس غير مؤهلين تربويا ومهنيا وثقافيا واخلاقيا لقياده بيته مش قياده مدرسه معظمهم دبلومات صنايع وزراعه وخلافه ياريت نلاقى حد مسئول يضع قواعد وقوانين لتولى رجل اوسيده اداره مدرسه دلوقتى ممكن نسمع عن مدير بيعاكس المدرسات ومقضيها بصبصه
وواحد تانى بتاع فلوس يستغل الموظفين باى شكل من الاشكالعلشان الجنيه واه ياويلو مناللى مش يطاوعه ويديلووممكن نسمع عن مدير باطجى وقليل الادب يعنى ممكن يسب الدين عادى يعنى دى اسهل حاجه على فكره كل الامثله دى انا شفتها بعينى ولمستهافى اربع سنين تعيين بس ارحمونا وخلصونا من الناس دول طلعوهم معاش ولااختاروا ناس مثقفه تعليمها عالى مايكنشى اقل من ماجستير مثلا لان والله المستوى التعليمى بياثر فى القرارات الاداريه بالايجاب

لوسمحتم للو حد عنده استمارة تقييم المعلم المساعد من الموجه والمدير
ينزلها علي الموقع
وجزاكم الله خيراً

انا من دمياط ولسة ما دخلتش المطلوب منا واللى بيتنفذ حاليا

بينزلك موجة والمدير والمعلم المرشد" بيكون المدرس الاول للمادة بتاعتك وبيعمولوا متابعات وبيطلع من المدرسة 4 تقارير للادارة والادارة بتبعت للوزارة تقرير واحد اللى هو احسنهم طبعا وطبعا هم هيخطروا الادارة بان فى عدد كذا مدرس تم تقييمةومستعدين لامتحان الكادر

احنا عندنا مدير الإدارة قال للمدير يختار وكيل أو معلم يتمتع بالخبرة و القدرة على توجيه المعلمين المساعدين و هو اللى يدخل معاهم الفصل و يوجهمم و يتابعهم ويعلمهم إزاى يحلوا مشاكل الفصل وكمان يشرح فى الفصل الدرس اللى محضره المعلم المساعد وكمان يتابع التحضير و يعمل تقييم اسبوعى للمعلم المساعد . عشان يعرف المعلم المساعد مستواه ايه و التقييم ده بيبقى بين المشرف و بين المعلم المساعد بس

مفيش حد فاهم حاجة من اول الوزير لحد الغفير
وأولهم أنا

المشكلة يا جماعة ان الناس مش عارفة حقوقها وواجباتها

انا من محافظة البحر الاحمر مدينة القصير واحنا مرتباتنا فيها خصم هو فيه ايه اصلا المرتب عشان يخصموا منها 80ج وغير كده احنا تعاقد 25/4/2009 ياتري امتي هنروح نمتحن في الاكاديمية وهنثبت ولا لا؟ احنا تعبنا ياريت تردو ا علينا ياريت

هو مين الى حرام عليه
احنا زملائك فى المنتدى

المفروض انك تدخلى الامتحان فى 8 القادم دا لو كنتى تربويه جهزى نفسك الان واحصلى على الاى سى دى ال

كـــــــــــــلام من زمان