تربوى الزقازيق ........ذكور واناث ........اجمع [الأرشيف]

أزهرية وأفتخر

04-04-2010, 09:53 PM

السلام عليكم

اخوانى وأخواتى

ياريت لو حد هنا بياخد التربوى من جامعة الأزهر _الزقازيق

سواء من الذكور او الاناث

يدخل ونكون رابطه فى الموضوع ده عايزين نفيد بعض

يعنى لو جد محضرش محاضره لدكتور معين

ممكن اى حد حضر يكتب اهم ماجاء بالمحاضره والحاجات اللى الدكتور ركز عليها

طبعا الدكتور اللى بيدرس لينا بيدرس للبنين يعنى نفس الماده ونفس المحاضر

وطبعا كلنا عارفين ان الامتحان مركزى يعن موحد على مستوى الجامعه كلها

وأبدأ بنفسى اللى عايز محاضرات يقول

وأنا أحاول أكتب على الأقل أهم ما قيل بالمحاضره ولخصها

ده دعوه للتعاون من أجل تحيق هدف واحد

ناخد التربوى وبتفوق ان شاء الله

الاستاذ عوض على

04-04-2010, 09:59 PM

رائع .. رائع .. رائع
موضوعاتك دائما رائعة
وأفكارك دائما مفيدة
إلى الأمام دائما
وبالتوفيق والنجاح لكم جميعا

ابو درار

04-04-2010, 10:54 PM

الرجاء محاضرات تدريس مصغره واجتماع

أزهرية وأفتخر

04-04-2010, 11:06 PM

اخى ابو درار
هل حضرتك معنا بالزقازيق؟؟؟؟

واحب اعلمك أنه:

لدى جميع محاضرات اداره وتخطيط للدكتور حلمى حسين

ثلاث محاضرات وسائل تعليميه للدكتور هاشم سعيد

محاضرة واحده تدريس مصغر للدكتور محمد سليمان

لانه اثناء المحاضره بيقول افهمو ومتكتبوش
عكس محاضرين تانين بيركزوا على الكتابه فى المحاضره

ومعايه محاضرات طرق التدريس لدكتو عصمت الصاوى

ومحاضره واحده طرق التدريس 2 للدكتور على حسين

حضرتك لو معانا بالزقازيق ان شاء الله اسعى واحضر لك ما طلبته يوم الثلاثاء القادم

مرحبا بك فى الرابطه

متولى عمارة

04-04-2010, 11:49 PM

انا فى تربوى الزقازيق تفرغ لغة عربية ولم احضر الا سيكلوجية زوى الاحتياجات الخاصة
للدكتورة فوقية حسن وهى طلبت ملف انجاز

أزهرية وأفتخر

04-04-2010, 11:56 PM

استاذ متولى

شكرا لمرورك العطر
كان نفسى اخدمك
لكن نحن جامعة الأزهر مش العام
أصول دين الزقازيق

ابو درار

05-04-2010, 01:48 PM

الاخت العزيزة ان شاء الله انا سوف احضر التربوى يوم الخميس

محفظ بالأزهر

05-04-2010, 03:19 PM

السلام عليكم

حياكم الله على هذه الفكرة الرائعة

محفظ بالأزهر

05-04-2010, 03:20 PM

محاضرات الصحة النفسية مهمة جدا لأن الدكتور قال انه بيشرح حاجات من خارج الكتاب علشان يعرف فى الامتحان مين اللى كان بيحضر المحاضرات

محفظ بالأزهر

05-04-2010, 03:22 PM

الدكتور هاشم أعلن فى المحاضرة السابقة ان هيكون فى امتحان عملى بسيط لمادة الوسائل التعليمية عليه 20 درجة و كذلك فى مادة التدريس المصغر

الاستاذ عوض على

05-04-2010, 07:12 PM

جزاكم الله خيرا على تعاونكم الرائع
وبالتوفيق لكم جميعا

أزهرية وأفتخر

05-04-2010, 09:25 PM

محاضرات الصحة النفسية مهمة جدا لأن الدكتور قال انه بيشرح حاجات من خارج الكتاب علشان يعرف فى الامتحان مين اللى كان بيحضر المحاضرات

معك حق أخى الكريم الصحه النفسيه للدكتور سعيد غازى هامه وهو بيركز فعلا دايما على أهمية المحاضره

أزهرية وأفتخر

05-04-2010, 09:27 PM

الدكتور هاشم أعلن فى المحاضرة السابقة ان هيكون فى امتحان عملى بسيط لمادة الوسائل التعليمية عليه 20 درجة و كذلك فى مادة التدريس المصغر

فعلا استاذى الفاضل هذا ما أكده لنا

وطبعا اكيد انتو عارفين ان التربيه العملى هتكون التقرير اللى الموجه اعطاه لينا هذا العام درجة التربيه العملى =تقرير الموجه

أزهرية وأفتخر

05-04-2010, 09:31 PM

بالنسبه للاناث كان عندنا مره الدكتور هاشم سعيد _وسائل تعليميه

ونقطه مهمه جدا ركز عليها وقال اللى هيكتبها فى الامتحان هعرف انه حضر وهياخد امتياز

طبعا كلكم عايزين تعرفوا

هقولكم

(التعليم يثبت ما ينبغى تغييره ويغير ما ينبغى تثبيته )

هى ده الجمله اللى الدكتور عايزها

لو عايزين نتناقش ونتحاور فى شرحها أهلا بكم

طبعا هذا شرح ونظريه د سعيد وجهة نظره او رأيه يعنى

محفظ بالأزهر

05-04-2010, 10:04 PM

(التعليم يثبت ما ينبغى تغييره ويغير ما ينبغى تثبيته

ما معنى هذا الكلام

هيثم غزال

05-04-2010, 10:11 PM

سمير الجابرى

05-04-2010, 11:12 PM

موضوع رائع

وتعاون مثمر
برافووووووو ابناء الازهر

بارك الله فى جهدكم

أزهرية وأفتخر

05-04-2010, 11:15 PM

(التعليم يثبت ما ينبغى تغييره ويغير ما ينبغى تثبيته

ما معنى هذا الكلام

أخى الكريم أى أن القائمون على ادارة العملية التعليمية يثبتون أشياء ينبغى ان تتغير وتختلف باختلاف الأزمان
مثلا تثبيت موعد الامتحان ..ساعتين او ثلاثه

تثبيت موعد المحاضره

تثبيت طريقة الشرح التقليديه دون اللجوء لوسائل تعليمية متنوعه

مع العلم ان طرق التدريس لابد ان تختلف من جيل لجيل ومن فصل لفصل بل من طالب لطالب
أتمنى أكون أوصلت لكم المفهوم

أزهرية وأفتخر

05-04-2010, 11:18 PM

بسم الله الرحمن الرحيم
الازهر ولاد باحبة الخير لغيرهم جزاك الله خيرا على العمل العظيم ده وفعلا اسم على مسمى عموما انا الحمد لله رب العالمين اخذتها من العام من الزقازيق
وانا تحت امركم فى اى خدمه وبالتوفيق للجميع
ويارب وفق الازهر وابنائه الكرام وكل المصرين

أستاذ هيثم جزاكم الله خيرا وشكرا لثنائك على الأزهريين

ولا حرمنا الله من خدماتك وان شاء الله تقدر تتعاون معانا فى تقديم اى ماده علميه تضيف للموضوع

أزهرية وأفتخر

05-04-2010, 11:19 PM

موضوع رائع

وتعاون مثمر
برافووووووو ابناء الازهر

بارك الله فى جهدكم

شكرا لتشجيعك لنا
ومرور كريم من حضرتك

محفظ بالأزهر

06-04-2010, 05:51 AM

أخى الكريم أى أن القائمون على ادارة العملية التعليمية يثبتون أشياء ينبغى ان تتغير وتختلف باختلاف الأزمان
مثلا تثبيت موعد الامتحان ..ساعتين او ثلاثه

تثبيت موعد المحاضره

تثبيت طريقة الشرح التقليديه دون اللجوء لوسائل تعليمية متنوعه

مع العلم ان طرق التدريس لابد ان تختلف من جيل لجيل ومن فصل لفصل بل من طالب لطالب
أتمنى أكون أوصلت لكم المفهوم

جزاكم الله خيرا على التوضيح

أزهرية وأفتخر

06-04-2010, 09:19 PM

النهارده الدكتور حلمى حسين _اداره وتخطيط
أكد ان الكتب جه منها النهارده 900 نسخه فى المخزن وان التسليم غدا لمن دفعوا يعنى الأولويه للى دفعوا الأول (135ج)
اما اللى تأخر فكتبه هيستلمها يوم الثلاثاء القادم ان شاء الله

ابو درار

06-04-2010, 09:43 PM

الاخت العزيزة ماذا عن المحاضرات اليوم وجزاكم الله خيرا

أزهرية وأفتخر

07-04-2010, 06:45 PM

الحمدلله تم توزيع الكتب اليوم
وده نقطه مهمه جدا بنحس ان احنا واقفين على أرض ثابته
وده على فكره هيشجع الكتير على حضور المحاضرات عكس ما بيتخيل البعض هناخد الكتب ونقعد بقه
لكن من السهل تحضر محاضره ومعاك الكتاب عكس الحضور وبنحس ان احنا فى وادى والدكتور فى وادى

المهم بقه _الدكتور حلمى بالأمس(عفوا اخى ابودرار كنت مجهده أمس) شرح التخطيط والدكتور ابراهيم علم نفس تعليمى كمل شرح نظرية ثرونديك طبعا هتتعرفوا على كل ده من الكتاب ده باتلنسبه للى محضروش
اليوم بقه الدكتور هاشم شرح الفصل الخامس فى الكتاب تصنيف الوسائل التعليميه وأكد على أهميته
والدكتور عصمت الصاوى_طرق التدريس
شرح كتير جدااااااااااااااااااااا كان معانا الكتاب وشرح التعلم النشط كاملا لغاية صفحة (86

والدكتور عصمت قال عايزكم تلخصوا كل فصل فى ورقتين فلوسكاب معنى كده انه مبيحبش كتر الكلام فى الاجابه

ولو افتكرت حاجه مهمه تانيه هرجع أكتبها

محفظ بالأزهر

08-04-2010, 11:28 AM

أزهرية وأفتخر

08-04-2010, 08:18 PM

انا حاسه ان انا لوحدى فى الموضوع عايزه اى حد يتفاعل معانا

عالعموم الدكتور ابراهيم _علم النفس التعليمى
شرح المحاضره الماضيه يوم الثلاثاء نظرية الجشتالت
وطلب مننا نعمل نقد للنظزيه ونحضره علشان هياخده مننا المحاضره اللى جايه

أزهرية وأفتخر

08-04-2010, 08:23 PM

قبل كده الكتور هاشم قال الامتحان مركزى موحد لكل المحافظات
لكن الاسبوع ده قال كل دكتور هو اللى هيحط امتحان مادته وهو اللى هيصححها
يعنى يا جماعه لما الدكتور يقول ده مهمه تبقى فعلا مهمه يعنى هو اللى هيحط الامتحان

مثلا الدكتور حلمى حسين_ ادارة وتخطيط
قال ان اول فصل فى الكتاب (مراحل التطور الادارى )الامتحان ان شاء الله لن يخلو من سؤال منه
طبعا هتلاقوا فى الكتاب حوالى اربع مراحل الدكتور قال ناخد مرحله واحده ونركز عليها لان السؤال هيكون نتكلم عن المراحل اجمالا ونشرح مرحله كامله
اتمنى اكون قد أفدت

ابو درار

08-04-2010, 09:38 PM

د كمال عجمى قال اليوم الاسبوع القادم ان شاء الله انا اسوف اقرر فصلين اوثلاث واريد العناصر فى الا]متحان ثم التعقيب من عندك ودكتور الصحة النفسية شرح الصراع والتدريس المصغر شرح مكونات التدريس المصغر ويريد العناصر

محفظ بالأزهر

08-04-2010, 11:21 PM

مفيش أخبار عن امتحان العملى لمادة الوسائل و التدريس المصغر

أزهرية وأفتخر

09-04-2010, 08:34 PM

مفيش أخبار عن امتحان العملى لمادة الوسائل و التدريس المصغر

اخى لم يتم التنويه بعد على موعد العملى لهاتين المادتين

اعتقد ان شاء الله كله سيتضح هذا الاسبوع
وياريت اللى اخد الكتب يبدأقراءتها انا بقول قراءه ىمش مذاكره
علشان لما الدكاتره يحددوا المطلوب نعرف على الاقل الماده بتتكلم عن ايه
اسال الله لى ولكم التوفيق والسداد

محفظ بالأزهر

09-04-2010, 11:39 PM

اخى لم يتم التنويه بعد على موعد العملى لهاتين المادتين

اعتقد ان شاء الله كله سيتضح هذا الاسبوع
وياريت اللى اخد الكتب يبدأقراءتها انا بقول قراءه ىمش مذاكره
علشان لما الدكاتره يحددوا المطلوب نعرف على الاقل الماده بتتكلم عن ايه
اسال الله لى ولكم التوفيق والسداد
جزاك الله خيرا

مستر طه أبوسمرة

10-04-2010, 03:09 PM

أزهرية وأفتخر

10-04-2010, 05:31 PM

الأخت الأزهرية
نحن جميعا نفتخر بك وبمجهودك الرائع
أسأل الله أن يجعله في ميزان حسناتك
لقد استفادت أختي كثيرا بمجهودك لأنها لا تسطيع أن تحضر كل المحاضرات لبعد المسافة
جزاك الله الخير الكثير عنا وعن كل من استفاد من موضوعاتك
وإلى الأمام دوما .

والله يا اخى الكريم ما افعله الا لاحساسى بحاجة اخواتى واخوانى الى ان نشد بأزر بعضنا لان التربوى فرض علينا فى ظروف قاسيه لنا جميعا بيت واولاد بغض النظر عن بعد المسافه المسؤليات كبيره
لذلك اقترحت بان من يحضر ولو حتى يوم فى الاسبوع يفيد الباقى حتى نتخطى هذه المهمه بسلام وتفوق كعادتنا لان الحمدلله المتعاقدين اصلا هم صفوة الخريجين فكلنا متفوقون والحمدلله

اخى رايك هذا واحساسى بان هناك من يستفيد من طرحى المتواضع جدا يدفعنى للأمام وللمزيد من العطاء
أشكرك

محمد الفيداوى

11-04-2010, 05:36 PM

انا كمان معاكو ياجماعه والله انا عايز محاضرات الصحه ممكن

الاستاذ عوض على

12-04-2010, 09:16 PM

جزاكى الله ألف خير أختنا العزيزة
ونحن جميعا بجد نفتخر بكل ما تقدميه من جهد رائع
جزاكى الله الجنة

الاستاذ عوض على

12-04-2010, 09:19 PM

وأنا تحت أمركم جميعا
أى طلب من الدارسين فى المنصورة
أو أى سؤال لهم
سوف نجيب عليه

محفظ بالأزهر

13-04-2010, 01:01 PM

نقد نظرية الجشتالت

1- أنها عنيت فقط بالأشكال ذات البعدين، ولم تعن بالأشكال ذات الثلاثة أبعاد، بل لم تستطع إعطاء تفسيراً لها0و قد قام جيمس جيبسون “James Gibson”، وهو أحد تلاميذ كوفكا، بتقديم تفسيرات للأشكال ذات الثلاثة الأبعاد، وذلك فى فترتى الستينيات والسبعينيات من القرن العشرين0
2- ينطوى مفهوم الجشتالت لعملية الإبداع على جملة من الصعوبات والعقبات، حيث حاول فيرتهايمر إعداد نظرية فى الإبداع بالاستناد إلى نظرية الجشتالت، تم تأسيسها على أن الحلول الإبداعية تتطلب الحدس وأن الفكرة الجديدة تظهر على أساس من الحدس، وليس على أساس من التسلسل المنطقى0 و الانتقاد الموجه إلى هذه النظرية فى الإبداع، هو أن الحدس (الفكرة التى تأتى فجأةً وبطريقة مباشرة) لا يمثل أكثر من وجه من أوجه عملية الإبداع، فهو الإشارة التى تسبق الحل، حيث لا يزال الحل فى مرحلة الحدس مبهماً محتفظا بطابع شبه غامض أو يأتى على هيئة لغز0 و المعروف أن الحدس لا يمثل الحل الصحيح، و لكنه بداية لحل يمكن التأكد منه من خلال عملية التحقيق والإخضاع إلى التطبيق العملى (قارن مراحل العملية الإبداعية)0

محفظ بالأزهر

16-04-2010, 02:12 PM

أين مشاركتكم يا مدرسى الأزهر

أزهرية وأفتخر

16-04-2010, 08:18 PM

السلام عليكم

اعذرونى على انقطاعى لظرف خارجه

ولكنى عدت من جديد

احب اعرفكم ان معظم الدكاتره حددوا المنهج ده بالنسبه لنا الاناث
اما عن الذكور اعتقد ان الدكتور مرضيش علشان كده مش متاكده ان التحديد ده ممكن يفيد الذكور ام لا

لكن المعروف ان الامتحان موحد وعليه ما يقرر علينا اكيد مقرر عليهم

وكمان الكيد انتم عرفتوا ان الامتحان العملى للتدريس المصغر والوسائل التعليميه يوم الاربعاء والخميس القادم ان شاء الله

الكتور هاشم اعطلانا مذكره من وريقات هى ده العملى هيشرحها وبعدها مباشرة يمتحنا مجموعات

اما الدكتور محمد سليمان (التدريس المصغر) قال هيمتحنا عادى يعنى مثلا هيسأل ازاى بتحضرى الدرس ازاى بتشرحى الدرس
فائدة التغذيه الراجعه
هى ده الامثله اللى ممكن يكون نمط الامتحان زيها (النظرى)

محفظ بالأزهر

17-04-2010, 12:03 AM

أزهرية وأفتخر

17-04-2010, 01:06 AM

جزاك الله خيرا

عندنا أيضا الدكاترة حددوا المنهج

و ما دام إن الإمتحان موحد يبقى أكيد اللى مقرر على الذكور هو اللى مقرر على الإناث

أخى الكريم _شكرا على مجهودك الملاحظ فى الموضوع

واتمنى ان تذكر ما قد تم تحديده فى جميع المواد
حتى يتسنى لغير الحاضرين ان يعلموا ما تم تقريره فى المنهج

ولو فيه اختلاف هعقب

لان سمعت ان الدكتور بيحدد ليكم اكتر مننا

محفظ بالأزهر

17-04-2010, 11:40 PM

ربنا يعديها على خير

شريف الصعيدى 22

17-04-2010, 11:43 PM

السلام عليكم

اخوانى وأخواتى

ياريت لو حد هنا بياخد التربوى من جامعة كفرالشيخ

سواء من الذكور او الاناث

يدخل ونكون رابطه فى الموضوع ده عايزين نفيد بعض

ده دعوه للتعاون من أجل تحيق هدف واحد

ناخد التربوى وبتفوق ان شاء الله

أزهرية وأفتخر

18-04-2010, 06:59 PM

الدكتور محمد سليمان (التدريس المصغر)
طلب حل الشيت اللى فى اخر الكتاب ونكتب الاسم ونعطيه له تقريبا ممكن يكون ده من ضمن العملى

محفظ بالأزهر

19-04-2010, 01:25 PM

طب بالنسبة لامتحان السائل العملى

كيف نستعد له ونذاكر ايه بالضبط

أزهرية وأفتخر

19-04-2010, 08:46 PM

طب بالنسبة لامتحان السائل العملى

كيف نستعد له ونذاكر ايه بالضبط

احنا سألنا الدكتور فى المحاضره وقال هسالكم مثلا
ازاى تحضرى الدرس وازاى تشرحيه وفائدة التغذيه الراجعه
ده امثله الدكتور ذكرها يعن هو يقصد النمط هيكون كده
يعنى الكلام اللى فى الكتاب اللى الدكتور محمد سليمان قرره

0الفصل الاول والتانى والتالت والرابع والخامس)اما الفصل السادس قراءه والباقى محذوف

يا جماعه اللى عايز اى تحديد من المواد اللى اتحدد منهجها يقول
مع انى حاسه ان الكل حضر محاضرات التحديد

وربنا يوفقنا

على فكره الدكتور ركز على التدريس الفعال ومعاييره
وطلب اننا نجاوبه فى المحاضره ونتناقش فيه شكلبه مهم وهييجى فى الامتحان

أزهرية وأفتخر

20-04-2010, 07:41 PM

يا جماعه مادة علم النفس التعليمى

صارت مقرره للتيرم الثانى يعنى الامتحان بتاعها فى التيرم التانى فقط

والدكتور اليوم اكد ذلك

والدكتور حلمى حسين خفف منهج الاداره والتخطيط

واكد على اهمية المحاضرات وخاصه اول محاضره

هى من خارج الكتاب التى اشتملت على تعريف النظام وعناصره

واكد على تعريف الاداره وجوانب العمليه الاداريه

ربنا يوفقنا جميعا

beefoo

20-04-2010, 08:33 PM

الاخ العزيز ارجو منهج الادارة وجزاك الله خيرا

محفظ بالأزهر

21-04-2010, 11:40 PM

إيه أخبار المقرر فى مادة الوسائل

محفظ بالأزهر

21-04-2010, 11:42 PM

النهاردة علقوا ورقة على باب المدرج مكتوب فيها

مطلوب إحضار أصل شهادة الميلاد و صورتين منها و 2 صورة شخصية و صورة الموقف من التجنيد

الاستاذ عوض على

30-04-2010, 04:00 PM

نريد جدول امتحانات الشرقية
وشكرا لكى يا أستاذة / أزهرية وأفتخر

حسن عسلة

30-04-2010, 04:27 PM

عايز جدول امتحانات محافظة الشرقية فى التربوى للاهمية

salama201043

30-04-2010, 05:33 PM

رائع .. رائع .. رائع

محفظ بالأزهر

06-06-2010, 01:51 AM

مفيش أخبار عن الترم التانى

الاستاذاحمد

06-06-2010, 03:15 PM

السلام عليكم
اخوكم احمد
باحث ماجستير بجامعه الزقازيق قسم مناهج وطرق تدريس الرياضيات
ان شاء الله ربنا يوفقكم واى ابحاث تطلبوها ان شاء الله هساعدكم فى الحصول عليها
للتواصل ahmed_mathmaster*yahoo
او على مدونتىwww.ahmedmathmaster.blogspot.com
ويارب يوفقكم وتحصلوا على اعلى تقدير وربنا يوفق كل اللى ناويين يكملوا

محفظ بالأزهر

07-06-2010, 01:04 AM

السلام عليكم
اخوكم احمد
باحث ماجستير بجامعه الزقازيق قسم مناهج وطرق تدريس الرياضيات
ان شاء الله ربنا يوفقكم واى ابحاث تطلبوها ان شاء الله هساعدكم فى الحصول عليها
للتواصل ahmed_mathmaster*yahoo
او على مدونتىwww.ahmedmathmaster.blogspot.com (http://www.ahmedmathmaster.blogspot.com)
ويارب يوفقكم وتحصلوا على اعلى تقدير وربنا يوفق كل اللى ناويين يكملوا

جزاك الله خيرا